بين الليل والحال هبت الذكرى

البارت الثالث عشر

"حبٍ جديد وحكاية عشق مجنونه الله يحيي يا حب لفى توه"
-
ثاني يوم الصباح صحى نياف وكان شعرها على وجهه وضحك وحاول يوخرها ولا قدر
نياف بهدوء:وليف
وليف فزت:فيك شي يعورك شي
نياف:لالا شفيتس
وليف:مدري خوفتني
نياف:الله كل ذا الخوف علي
وليف:اصلا الكل خايف عليك
نياف:ارجعي كملي نومتس
وليف:مابي طار النوم
نياف:لاارجعي نامي عيونتس فيها نوم
وليف:مابي طيب
نياف:كيفتس
وليف:بتقوم اساعدك
نياف:يالييييت ماني قادر
وليف قامت تساعده بعدين استوعبت انها مو لابسه الفروه ولبستها على طول
نياف:وش عقبه بعد ماشفتس
وليف:اسكت بالله عليك
نياف:خلص اجلسي هنا لين اطلع شوي بعدها اطلعي
وليف:يدرون كلهم اني عندك
نياف:اجل كذا امشي يلا
وليف مشت وراه وطلع من الخيمه وشاف كل البنات جالسين وماعليهم فروه او عبايه
ورجع نياف وصدمت وليف بصدره
وليف:يامهبول وخر
نياف:قولي للبنات يروحون داخل
وليف:يعنني مستحي وكذا
نياف:اقول قولي لهم
وليف:اقول انت قدام الباب
نياف:اطلعي يلا
طلعت وليف وشافت البنات وقالت:ادخلو نياف بيطلع
وجدان:صباح الخيييير ياعصافير الحب
نياف:صباح النور
ودخلو البنات وطلع نياف وقال:الصراحه شكرا
وليف:العفو
وبعدها مشت وليف للبنات وراح نياف للحمام(يكرم القارئ)وراح يصلي اللي عليه
وبعدها طلع للعيال
ذياب:جاكم ابو راس مفلوق
نياف:انطم لااسمع حسك
ذياب:نيييافففف
نياف:خيير الله يعين نياف خييير
ذياب:هو اللي يشوفك انت يشوف الخير
سعود:نياف اقعد ولاترد عليه خله
نياف:لاخله يكمل
معاذ:يالخفوق اجلس
نياف جلس جنب فيصل وقال للعيال:اذا بيتكلم بقوم عليه كيفكم
ذياب:متى عرسك ياولد سعود
نياف:ماانت معزوم
ذياب:عادي اخذ الدعوه من وليف
نياف:لاانت بتكون مسجون يعني مابتحضره
ذياب:وانت وش دراك اني بكون مسجون
نياف:احساس بس
وقف ذياب وتقدم من نياف ومسكه مع ياقة ثوبه وقال:لو اذبحك الحين محد يفكك منيي فاهمممم
نياف ضحك بسخريه وقال:خوفتني اضرب طيب ياعيال لاحد يجيه خلوه
فيصل:ذيابوهه بعد احسن لك
ذياب:انت اسكت
وبالنسبه لأبو ذياب وابو تالين وسعد وباسم وتركي وعبدالله كانو عند اسطبل الخيول مايسمعون العيال
نياف:اضرب طيب ليه واقف كذا
ذياب:لو بضرب بشوه وجهك
نياف:الحلو حلو لو تشوه مليون مره
ضرب ذياب نياف على خده وبان مكان خاتم ذياب بخد نياف
نياف قام ودف ذياب وسدحه على الارض وقال:والله العلي العظيم ياكلب اذا ماهجدت انا بهجدك يازفت لو اني مو خايف على بناتك وسلمان يتيتمون كان ذبحتك ياتيس مضاوي
ذياب دف نياف واعتلاه وبدا ضرب فيه ولاواحد من العيال قدر انه بفك بينهم
يوسف راح لأبو ذياب:جديييييييييييييي
ابو ذياب:وش صاير
يوسف:ذياب يضرب نيياف ومحد قادر يفك نياف لانهم الاثنين صايرين بمعركه
ركضو مع يوسف وحاولو فيهم وماهم راضين يفكون بعض
ابو ذياب:ذيابببببببب نيييييييافففففف
ذياب واخيرا بعد عن نياف:سم يبه
نياف وهو يضحك:ضربه يضحك ياعيال
فيصل وهو يسحب نياف:تيس انت تيس احد يخلي واحد كذا يضربه متى تفهم
نياف:وين تبي توديني
فيصل:عند جده تعلمك الشغل الصح ياتيس
نياف ناظر فيصل وضحك وراح معاه لقسم الحريم
فيصل:غزلاننن شوفي لنا طريق
غزلان:وش عندكم
فيصل:عندنا واحد مضروب ووجهه مفقع تفقيع
غزلان:ادخلن يابنات وادخلو انتم ياعيال
دخلو العيال وشافو الحريم وجه نياف
ام فهد:وش صاير فييييككك
نياف:ابد تضاربت انا وذياب
فيصل:نيياففففففف ترا ماهوب مزح تقول عادي
ام ذياب:اجلس يانياف
نياف:فيصل اتركني طيب
ترك فيصل نياف وراح نياف جلس جنب ام ذياب وراحت غزلان تجيب الاسعافات
وليف:وش فيه نياف
غزلان:ضربه ذياب
وجدان بصوت عالي:اماا عاددد ضربه
نياف:وشوه وجهي الحلوووو تخيلي شكلي
وجدان:اوريك فيك
نياف:دقيت خشمه ماعليتس
وصال وهي تلبس عبايتها:انا بشوفه كيفكم
وجدان:خذيني معاتس
هتاف:تشوفون الضرب اللي على وجهه
وجدان:ماشفنا الهوشه بنشوف اثار الهوشه
وركضو وجدان ووصال برا
وجدان شهقت من شافت وجه نياف:
امااا عاددد لهدرجه وراسك مفلوق وزادها عليك
نياف:روحي شوفي خشته هالزفت ذا
ام ذياب ضربت نياف على رقبته وقالت:اسكتت لااسمع لك صوت
نياف وهو يحك مكان الضربه:وش سوييت
وانا صادق ولدتس زفت يقهر
ام سعد:نيافف اسمع كلام جدتك
فيصل:نيافوه حاجبك صار عليه ندبه من ضرب ذياب
نياف:وخدي بعد من خاتمه اللي كبر راسه
مضاوي:نياف احترم اني قدامك
نياف:مالتس احترام عندي يمه خليه انا بغسله الحين واسويه بالحمام
ام ذياب:بشويش على وجهك يانياف
نياف:ابشري
واخذ الاسعافات وراح الحمام(يكرم القارئ)
وغسل وجهه ولف على الصوت اللي وراه
وليف:مايكفي راسك تجيب المشاكل لوجهك
نياف:مااقدر اعيش بدون مشاكل
وليف:بلا استهبالل عاد بدون مشاكل مع ذياب
نياف:ابشري وغيره
وليف:نييافف تراني اقولها صادقه بدون مشاكل
نياف:وانا اقول ابشري وغيره
وليف:بساعدك اصبر
نياف:مايحتاج هي ندبه وجرح
وليف:نييياففف
نياف:خلاص خلاص
وليف:اجلس على المغسله هذا طولك
ضحك نياف عليها وجلس على حافة المغسله وكان يناظرها ويناظر قربها له وكيف تهتم فيه
وليف:خلاص خلصنا
نياف:شكرا ياحضرة الممرضه
وليف:العفو يادكتور نياف
وباسها نياف على خدها وطلع من الحمام
وراح لفيصل
وليف:وجع شفيه قلبي يدق كذا بقوه اكيد توتر
وصايف:توتر من وش
وليف:خرشتينييييييييي
وصايف:ايي وش عنده نياف طالع من هنا
وليف:كنت اشوف وجهه
وصايف:ماشفتي مشيته وجهه مضروب ومشيته ثابته ماتغيرت
وليف:عادي
وصايف:رحمت ذياب خشمه ينزف
وليف:احلفييي
وصايف:والله نياف ماخلا فيه شي كسره تكسير
وليف:يستاهل ابو خشم
وصايف:شفتي الندبه اللي صارت على حاجب نياف وخده
وليف:اييييي شفتها احس مكانها حلو
وصايف:اللي بخده حلوه فوق غمازته
وليف:امشي بس
وصايف:بديييينااا نغار
وليف:اناا اغار وعلى من على نياف تكفين فكي اهلي
وصايف:وليف مو كنتي تحبينه وش صار
وليف:ماكنت احبه ولابحبه
وصايف:الزواج بعد شهر يعني بتحبينه مع الايام
وليف:بخليه يخلي الزواج بعد عرس فيصل ومواليف
وصايف:وليييف مو منجدتس
وليف:وانا صادقه لاتنسين ان امي غاصبتني عليه
وصايف:حتى لو امتس غاصبتس عليه ماتقولين اكرهه بالفم المليان وش وضعتس
وليف:يليللل خلاص عاد
وكانو جاهلين نياف اللي كان يسمعهم من عند الباب وكان راجع ياخذ جواله اللي نساه
فيصل:نياف وش تسوي
نياف فز:ولاشي
فيصل:امش يلا
مشى نياف مع فيصل ووليف ووصايف انخرشو انه كان يسمعهم
وصايف:يويلتس لو سمعنا
وليف:احسن خليه يسمع عشان يدري اني ماابيه
وبعدها طلعو من الحمام وراحو للبنات
غزلان:اخيرا جيتن امشن معاذ يبينا كلنا
وليف:ليه وش صاير
غزلان:مدري بس كان فيه صوت انهم يهدون نياف اتوقع
وجدان:يلا امشن
وراحو كل البنات للعيال بالجلسه
معاذ:شرفتن وين كنتن
وجدان:وش صاير علمونا
فيصل:نيافوه قول لهم وش صاير
نياف:ماصار شي وش فيكم انتم غصب تبوني اضل مابي
يوسف:مهبول انت مطفوق وين تروح
نياف:محد له شغل لااحد يتدخل
غزلان:نيافففف وش صاير
سعود:اوهوه عاد بيروح المستشفى يشتغل
وجدان:لاوالله نيافوه تستهبل وراسك
نياف ضحك بسخريه:ليه تحسبين ان راسي بيخف وجعه هو وقلبي
فيصل:نياف وش فيك انطق
نياف بصوت عالي:خلاصصص عادد قلت لكم مافينيي شي من وين تفهمون انا ببعد عن الناس
وجدان:وليف اقنعيه يضل
وليف:وش دخلني فيه
ناظرها نياف ولارد وبعدها قام من الجلسه كلها
فيصل:ذا فيه شي
يوسف:رُوح روحي لنياف وقولي تعال مابيقولون شي بس اجلس عندهم
رُوح ركضت لنياف
رُوح:نياف تعال قالو مراح يتكلمون ابد
نياف شالها بحضنه:بجي بس عشانتس
وراح هو ورُوح للجلسه وجلس نياف
معاذ:متى عرسك يافيصل
فيصل:ثالث يوم العيد لان اول مانرجع من المخيم بنعقد القرآن مع وليف ونياف
نياف:أجلوني انا و وليف شوي بعد العيد بيصير عقد القرآن
فيصل:ليه وش صاير
نياف:ولاشي بس وليف بتخلص دراستها وتدريبها بعدها يصير خير
معاذ:يعني متفقين انتم؟
نياف:ايه
وجدان:الا نياف صدق متى ترجع دوامك
نياف:يوم الاثنين
وصال:والاحد عقد قرآن مواليف وفيصل
بدور:مواليف بتصير عروس مااصدق ابد
وجدان:تالين تراتس تجين لعقد القرآن
تالين:ان شاء الله
فيصل:نيافوه قل شعر او اغنيه
نياف:ماودي
فيصل:اخلصنا قل
نياف:
يحسب اني ناسي الحب كله والوعود
ويحسب اني كل ما قدمه لي جاحده
مادرى اني مخلصٍ فالغياب وفالوجود
واني احنّه من الضيق ودايييم اسعده
ام وصايف من وراهم:تقول شعر بدوننا؟
نياف:ارحبي حياتس اجلسي
ام يوسف وهي تجلس:وش عندك منفس وضايق
نياف:ماعندي شي
ذكرى:متى تبي عرسك؟
نياف:مطول
ذكرى:النيه قريب
نياف:لامطول بسوي البيت
وكملو سوالف وبعدها الكل راح ينام معاد نياف اللي كان جالس بمكانه ولاتحرك
غزلان من وراه:نياف وش فيك
جلست غزلان جنبه وقال نياف:قلبي يوجعني ياغزلان محد قادر يوقف النار والعواصف اللي فيه غزلان عطيني حل تكفين حل واحددد يوقف هالعواصففف اللي بقلبييييي اللي قاعد يحترقققققق ويوجعنييييي ولاانا قادر اهديييهه لاتقولين دموعك غاليه يانياف تدرين نياف وش فيه الغالين عليه راحو وينهم الحين ميتينن ولاشفتهممم من عشريين سنه لو انهم عايشين تتوقعين بيصير فيني كذا طبعا لاا ولابيقربب مني ذياب ولابتعذب بسبب الحبب اللي مب قادر افتك منه حتى اميمه طالب قالتها قالت ماللمعاناة اعتذار مره ومره ومرتين لاصار في الغلطات ضحك وفي السعاده اكتئاب غزلان وربيي اني احيانا اقول لو انا ماحبيت ولو امي وابوي عايشيين بكون بالفرحه اللي انا احتاجها؟
غزلان وهي تمسح دموعها:عمر الحب ماكان بذي السهوله لازمم تتعذب يانياف هذا الحب الكل تعذب وانت بتتعذب زياده بسبب هالحب
نياف:خلاص عاد بدون دموع
غزلان:انقلع ضيقت الدنيا علي ياحيوان
نياف:ياجعل الضيقه ذي بضلوعي عنتس ياغزلاني ولاتجيتس الضيقه ذي
غزلان:بسم الله عليك وعلى ضلوعك
نياف:انتي ضلوعي اللي ماتتحرك ابد وثابته بصدري ياعين نياف
غزلان:وصرنا نقول كلامم حب وحركات
نياف:الكلام ذا بس لتس انتي
غزلان:يلا يلا روح نام عشان ابوي لايهاوشنا
نياف:تصبحين على خير
غزلان:وانت من اهله
....................................
كنت أمزح معاكم ترا ماخربناها ذي بداية قصة حُبهم ، عطيتكم فوق تشفييره تخليكم تنامون اليوم👌🏻👌🏻
الكاتبه:منيره آل عبدالعزيز💙.