بين الليل والحال هبت الذكرى

الثامن والأربعون

-
يوم جديد
-
بيت نياف
يوم عقد قرآن
غزلان بنت محمد "على"سعود بن سعد
-
نياف:زاانت والله الحييياة زانت
إبتسموا العيال من شافوا سعود يدخل وجنبه أبوه ووراهم أخوانه وعايض
نياف:حيّ الله عمي وعياله حيّ الله من جانا
سعد:الله يحييك ياحبيب عمك
إبتسم نياف وتقدم يسلم عليهم وقال سعود:نياف خايف
نياف:من وشو؟من غزلان؟
سعود:من كل شي
نياف:ياولد أعشق عشق المجنون أعشق وحب الحياة زيّ ماهي
معاذ:نياف غزلان تبيك
نياف:زوجتك تناديني
ضحك سعود ومشى نياف يدخل لغزلان اللي تبكي وأنصدم وقال:غزلااني وش فيتس
ناظرته غزلان وقالت:نياف ، أبيّ أبوي يكون معايّ ، كان يتمنى يشوفني عروسه نياف
تنهد نياف يحضنها وقال:أنا أبوتس وأنا أخوتس واللي تبين بس لاتبكين تكفين ياغزلان
غزلان:نياففف
ضحك نياف يرفع يده يمسح على شعرها وقال:والله أني لتس ماتتمنين ياغزلان والله ، واللي ودتس فيه تآمرين آمر ياغزلان ، بس لاتنزل دموعتس وهذا شي يكفي ، إنتي وصية أبوي ياغزلان
إبتسمت غزلان وهي بحضنه وقالت:أحُبّكْ نياف والله أحُبّكْ
نياف:وييازين الحُب لاجاء منتس ياغزلاني يازييينه
إبتسمت غزلان تبتعد عنه وقالت:طيب شكلي حلو؟
نياف:حلوه حتى لو تطلعين ببجامه وشعر كشه
ضحكت غزلان ورفع يدينه نياف يمسح دموعها وقال:ايييوه لاعاد تبكين الضحك يليق فيتس
غزلان:أبشر ياحبيبي
إبتسم نياف وقَبّل راسها وطلع من عندها وراح لمجلس الرجال ولف على الباب من دخل باسم
وقف نياف ووقف يوسف وهمس:نياف تكفى فكنا من المشاكل
وقف باسم بنص المجلس بين الرجال ونطق بعلو صوته:أسمعوني زيين يارجال
سكتوا الرجال وكمل باسم:أنا ببيت ولد سعود وبوسط مجلسه وبين رجال قبيلته ، أطلب منه يسامحني على كل شي سويته له ، واللي يطلبه يبشر به ، واللي وده فيه يجيه ولايزعل حتى لو وده بوليفته
لفوا كل الرجال على نياف ينتظرون رده وقال نياف:عذرك وقبلته ياعمي ، ولاودي بشي غير سلامتك وسلامة الوليف الغالي
وقفوا معاذ وفيصل بفرحة وقال فيصل:
ياخيي أخيييرا
ضحك نياف وتقدم يسلم على باسم وهمس له باسم:والوليف الغالي ماودك فيها؟
إبتسم نياف يهمس له:ودي ودي لكن نصبر ياعمي والأيام الجايه كامل الأفراح فيها وفرحتي بالوليف الغالي قريبه
إبتسم باسم يحضن نياف وهمس باسم:
أمنتك وليفك الغالي أجل
هز نياف راسه وقال:الشيخ وصل
رجفت يدين سعود وضحك نياف يناظره وقال الشيخ:وين الشهود؟
نياف:هذا حنا
وقف هتان جنب نياف وابتدا الشيخ يتكلم ويدعي لهم ونطق بكلمته الاخيره:سعود قُل قبلت نكاحها على سنة الله ورسوله
سعود بإبتسامه: قبلت نكاحها على سنة الله ورسوله
إبتسم الشيخ وهو يقول:بارك الله لهما وبارك عليهما وجمع بينهم على خير
إبتسم سعود ووقف يسلم على الشيخ وذياب ووقف قدام نياف وقال نياف:تكفى ياسعود أنتبه عليها ولاتزعلها أوصيك عليها ياسعود هذي غزلان
أتسع مبسم سعود ينطق:أبشر بحطها بعيوني ولاتزعل غزلان
-
عند الحريم
-
إبتسمت عنود تسلم على غزلان وقالت:
ألف مبروك ياحبيبتي
إبتسمت غزلان ولفت تناظر الكل حولها لكن تحتاج نياف وهمست لوديان:عادي تنادين نياف؟
وديان:ليه؟بتبكين؟
غزلان:لا بس أحتاجه
وصال:تمام
وقفت وديان تتوجه للباب تنادي نياف
جاها نياف وقال:وش صاير
وديان:غزلان تبغاك
نياف:خليها تجيني
مشت وديان تنادي غزلان ولف نياف يناظرها وقال بصوت عالي:هلا هلا بالغاليه حبيبة القلب هلا
إبتسمت غزلان تناظره وقال:وش فيتس؟قولي
غزلان بهدوء:خايفه
إبتسم نياف يناظرها وقال:خايفه من وش؟من سعود؟والله ياغزلان لو أنه مايستاهلتس ماعطيته لو يجيب ملاايين الدنيا ويحطها قدامي وقدام خالي ذياب ماعطيناه ، أنا عارفتس وعارفه تستاهلون بعض
وجدان من داخل المجلس:نبي نسمع كلامك بصوت عالي تكفى ، عاد أفهمها قاعدين نصور عشان نحط صوتك بالفيديو اللي بنسويه
إبتسم نياف وقال بصوت عالي:زواج الدهر ياحبيبة قلبي ، وجعله مبارك ، والف مبروك ياغزلاني
إبتسمت غزلان من نطق نياف:كنتي بزر تلعبين معانا والحين عروس ، متى كبرتي؟
ضحكت غزلان تحضنه بعيون مليانه دموع وعرفت أن حاجتها لنياف بتلازمها دايم بفرحها وبحزنها بإختصار "لأنه نياف ويعرف وش فيها"
-
بعد ماراحوا الضيوف ومابقى غير الأهل
-
جالسين بجلسة آخر الحوش نفس الجمعات القديمه فيها الكل جمعه عائليه حنوونه
ضحك نياف يسمع شكاوي رُوح من هايف وقال:ياهاييفف لاتزعلها
هايف:تستاهل خلها
نياف:أعقلل ياولد سعد إلا رُوح
رُوح وهي تحرك يدينها:موتت قهر نياف يحبني ومايحبك
نياف:والله أحبكم كلكم بس أجلسوا نبي نسولف
جلست رُوح بحضن نياف وقالت:اصلا انا أحُبك أكثر من الباقين
نياف:وش يثبت؟
رُوح:مدري
سلمان:ماودكم نغني؟
نياف:وش ودكم فيه؟انا معاكم
هتان:قبل كل شي نبي نتفق على طلعه نطلعها كلنا مع بعض
يوسف:بكره ، بدون بزارين
نياف:أعقلل رُوح الأساس إذا مابتروح رُوح أنا بجلس عندها
ضحكت رُوح تناظر يوسف اللي يناظرها بغيض وقالت:نياف شوفه يناظرني نظرات تخوف
نياف:يوسفف خلها
يوسف:تقهر نياف تقهر مستفزه مدري شلون متحملها
رفعت رُوح حاجبها تناظر يوسف وقال فيصل:كل شي تقلد فيه نياف حتى رفعة الحاجب ناظر ناظر
معاذ:الحين إنتم غيرانين من رُوح؟على نياف؟
فيصل:طبعاً لا
يوسف:وش دخلك إنت خلنا
سلمان:الصراحه رُوح أحسنكم تهبل
رُوح:أكثر واحد أحُبه من بعد نياف سلوم
سلمان:يارُوح سلوم إنتي أكل لسانتس اللي يقول سلوم
ضحك نياف وهمس لرُوح:ماعليتس منهم
رُوح بنفس الهمس:تغني ليّ؟
نياف:وش تبين بس
رُوح:عادي أيّ شي
الكل سكت من صفق نياف يغني لرُوح وقال يوسف:ناظروا ناظروا الدلع الخايس ذا
رُوح:نياف عادي أرقص؟
نياف:أرقصي أرقصي
وقفت رُوح ترقص بينهم وضحك معاذ يناظر يوسف اللي منقهر من رُوح وقال بصوت عالي:عاشتتت رُوح
يوسف:كش عليك وعليها
معاذ:موتتتتت قهر على قولتها
أشر نياف لرُوح تجلس بحضنه وجلست وقال:إلا رُوح يايوسف
يوسف:من زينها كأنها سبونج بوب
رُوح:ماتضحك يالسامج
ضحكوا كل الموجودين على محارش يوسف ورُوح
عز:وش تبون نغني؟
نياف:ماهقيت أن البراقع يفتنني
هتان:قاعد تغنيها لمين؟
نياف:مو لأحد
معاذ:طلبتك نغني يا أول حُب
سعود:وش جوك إنت؟
معاذ:هذا وإنت معرسنا الليله تقول كذا؟
نياف:يلا يلا ابدوا
أرتفع صوت العيال وهم يرددون مع بعض:
يا اول حب حبيتو يا آخر حب حسيتو ياحلم بعمري تمنيتو ماتحقق ليله يا اول حُب حبيتو يا آخر حب حسيتو ياحلم بعمري تمنيتو من قلبي بقول ياقلبي حبك أنا مش قادر خبي مش قادر أشيلك من قلبي ما أنت قلبي
-
عبدالله بإبتسامه:قلّ شعر حُب من قصايد خالد الفيصل تختم فيه ليلتنا يانياف
إبتسم نياف يناظرهم ويناظر جمعتهم وقال:
يذكرني القمر ظلك عجب ياللي ظلالك نور
انا اللي ماعرفت الليل لولا عتمة اهدابك
حبستك في السما شمس وعلى وجه السحاب طيور ونخيل باسق يشرب رضاك ويعطش عتابك "جلست اناظرك مارفّ لي جفن تقل مسحور اقول ان الجمال انتي وكل العشق باسبابك" هقيت اني ملكتك مادريت ان الاماني غرور وانك في يدي لين انتحابي الوقت واقفا بك سقا الله يوم كان اكبر همومك خاطري المكسور وكنت الضي في عينك وكنت السقم في ثيابك سقا الله يوم كنتي الارض انهآر وشجر وقصور ديآر نورها من طاقتك واحلامها بابك عيوني ياشقا عيوني من الجدب الموات البور اراضي مابها الا ماذوى وانهد في غيابك احبــــك دام لي قلبك يجظّ من الجفا مقهور وصار اليوم يفرح لو لقا له عذر يشقى بك
-
كانت جمعه عائليه ثمييينه ، جمعه عائليه حنوونه ، بعد فتره من الزعل والخلافات بينهم قدر يجمعهم نياف حوله ومعاه ،
جمعه نقدر نفسر منها حُبهم لبعض بس بسبب الخلافات بينهم ماقدروا يبينون حُبهم
-
إبتسم نياف يناظر جمعتهم حوله ولف يناظر وديان اللي تناظره بإمتنان وقال:ماتمنيتك
لفوا عليه وقال:شرايكم نغنيها
وصايف:طيب قبل لا نغنيها ، قلّ لنا وش تحب بهالأغنيه نبيّ نسمع أشياء حُب
بدور:ايي نياف تكفى
رُوح:وقول لهم وش تحب بالأغنيه
إبتسم نياف وقال:بدايتها مُختلفه لما قال بن عُبده"ما تمنيتك لأنك كنت أبعد من خيالي
ما خطر في بالي مرة إني ممكن أوصلك" ماكان يتوقع أنه يوصل محبوبته ، كانت محبوبته بعييييده لدرجة أنها أبعد من خياله ، ماتوقع أنه يوصلها بيوم من الأيام ،
"جيتني مثل الشروق إللي محى عتم الليالي
جيت فرحه للحزين إللي من همومه هلك
جيتني واٍنت يحبك ألف محبوبٍ بدالي
سخرك سبحانه إللي في عيوني كملك"
جته مثل الشُروق بعد الفجر وظلام الليل ، جته لفرحة قلبه الحزين ، جته وفيه غيييره ألف محبوب يحبها ، كانت في عيونه شخص كامل مافيه ولا عيب هذا هو الحُب ،
"هو صحيح إحنا التقينا ؟ هو صحيح إنت قبالي ؟هو صحيح إني حبيبك ؟ كان لي حق أسألك؟كانني أحلم طلبتك خلني هايم لحالي خلني بالحلم عايش فيه دامي به معك"
ماكان متوقع هاللقاء كان يحسبه حلم ، يوم قال هو صحيح إني حبيبك؟ماكان يدري هو في حلم ولا حقيقه هذا حُب العاشق للمعشوق ، أسمعوا بن عُبده وهو يقول
"ممتلي بالحب قلبي وغير قلبي قلب مالي مالي إهدني قلبك حبيبي خلني فيه أعشقك خلني فيه أعشقك يا بعيد ويا بعيد وجابك الله لين عندي وصلك"
واللي أحُبه بالأغنيه مشاعر الأغنيه ، وصوت بن عُبده يكفي
-
معاذ:الله علييييك
فيصل:طيب يالعاشق إنت ، مايحتاج نغنيها غنيتها كلها إنت وش بقيت؟
نياف:بقيت الحُب والمحبوب وعشق المحبوب
ام سعد:يلا ياسعد
نياف:محد رايح اليوم كلكم بتنامون عندي بالبيت
وصال:صدق؟
نياف:ايوالله تنامون عندي هنا ، والبيت كبير ويكفينا
وديان:طيب عادي ناخذ القسم اللي فوق ليّ وللبنات؟
نياف:خذوه
ام وصايف:وش ودك فيه؟
نياف:بـ محبوبتي
يوسف:يالعاشق نزل هالبزر لا أقوم عليها
نياف:وش فيك عليها؟
يوسف:تنرفز ناظر حركاتها
رُوح:يوسف أنقلع
نياف:ايييييييوه يارُوحي
معاذ:أسمع طيب أسمع
نياف:وشو
معاذ:تعال معايّ
نياف:وين؟وش تبي فيني
معاذ:قم أخلص
قام نياف مع معاذ ومشوا لأخر الحوش وصرخ معاذ من ركض وراه نياف وقال:والله أمزح والله
مسك نياف عصاة المكنسه وقال:قسم بالله لاتتصفق ياحيوان
ام يوسف:وش سوى قلّ ليّ
نياف:اسأليه هالمهبول
معاذ وهو يوقف ورا امه:وربي ماسويت شي وربي ، هو متحلف فيني
نياف:كان فيك خير أطلع من ورا امك
معاذ:يييمه تكفيين
ام يوسف:تستاهل عليك فيه يانياف
نياف:مستقعد له أنتظره يطلع بس
معاذ:نياف المسامح كريييم
نياف:أنطممم لاتتصفق زود على التصفيق اللي بيجيك
معاذ:طيب أسمعني
نياف:ولاحرف لا أطب عليك من عند أمك يالمهبول
فيصل:وش سوى طيب
نياف:تخيل فيصل ، أنه قال ليّ تراك متحلف فيني ولاصفقتني ، ويقول ليّ كانك قوي ألحقني ويوم لحقته صرخ وين عايشين؟
فيصل:نياف
نياف:هاه
فيصل:عادي أحضنك تكفى
نياف:تعال
وقف فيصل يحضنه وهمس:قلّ له أنه بوجهي وإذا طلع صفقه
نياف:أبشر
مشى فيصل يجلس وقال نياف:أطلع أطلع تراك بوجه أبو نياف
معاذ:صدقق؟
هز فيصل راسه وطلع معاذ من ورا امه ومسكه نياف وضربه بعصاة المكنسه وصرخ معاذ بآلم وقال فيصل:تستاهللل ماجاك
معاذ بآلم:من زين وجهك يالخايس ، الله يعينتس يامواليف
ضحكت مواليف وناظرها فيصل وقال معاذ:
حتى زوجتك تعترف إنك خايس
مواليف:على كيفك؟ماقلت شي أنا
جلس نياف جنب فيصل وقال عز:رجعت الثنائيه ياعيال
فيصل:وشهي ثنائيته إنت بعد
عز:من زمان ماجلس جنبك هالعزوبي
نياف:بتزوج قريب لاتقول عزوبي
ناظرته وليف بصدمه وضحك يوسف يفهمه وقال:مبروك مبروك من هي سعيدة الحظ
نياف:زوجتي وش تبي فيها
معاذ:خف علينا يالرجل الشرقي الغيور ، تراه يسألك من هي من بنته
نياف:وش دخلك إنت؟زوجتي ولا زوجتك ، كيفي أقول من بنته ولا ما أقول
معاذ:أشتغل عرق الغيره وهي ماصارت حلاله
عبدالله:أنطم لاأعطيك كوع ينسيك أسمك
نياف بضحكه:كفوو عمي عبدالله تكفى ياعم عطه كوع ولك مني اللي تبيه
معاذ:عمي عبدالله تكفى ياعمي لو ضربت نياف لك مني بناجر ذهب لبناتك كلهم ولك سبايك ذهب
نياف:مسوي تخرب عليّ؟عمي عبدالله يحبني أكثر منك
معاذ:يموتت فيك بعد ، الكل يحبك يالبعير شوفهم متقطعين من الحُب
نياف:معاذوه قسم بالله لا أقلب عليك وأصيرلك شايب مستقعد أهجد عاد
بدور:أبوي أضربهم كلهم وريحنا
عبدالله:جبتيها
ضربهم عبدالله وضحك فيصل وقال: تستاهلون
عبدالله:لو أنك مب أبو حفيدي كان صفقتك
فيصل:والله أحبك ياعم
نياف:افااا ياعمي عبدالله وأنا؟سحبت عليّ؟
هذا وأنا ولدك الثاني
عبدالله:عادد إنت نياف الغالي
سلمان:طيب طيب ياعمي عبدالله أنسى الشاهي أجل
ضحك عبدالله وقال ذياب:يسوي له نياف
نياف:يييوه صوتك بعييد ياخالي ذياب وش تقول؟
ذياب:مسوي ماتسمع؟
نياف:ما أسمعك
ذياب:متأكد
نياف:وش تقووللل
ذياب:سلومم عليك فيه
قرب سلمان من نياف وصرخ في أذنه وكشر نياف وقال:والله أسمع والله
فهد:اشوا حسبناك أنطرمت
نياف:هييين يافهيييد هييين
لفت وديان على البنات وقالت:تعالوا نروح فوق
قاموا البنات معاها وقال نياف:وديانوه لوحتي لاتفتحينها
وديان:ماعليك
ومشوا البنات فوق ودخلوا القسم وقالت وجدان وهي تنزل عبايتها:ييالله يالراحه مابغينا نروح فوق
غزلان:أنقطعت أنفاسي
ريف:لايكون من نظرات سعود؟
رحيق:كان بياكلها
هتاف:يييوه من الحُب الواضح
غاده:آخر وحده تتكلم إنتي هتافوه نظراتس لسلوم وش تفسيرها هاه؟
هتاف:فسريها زيّ ماتبين
وصايف:بزارين إنتي وهي أجلسوا عالقين
لفت مواليف تناظر وليف اللي ساهيه وهمست لها:وين وصلتي؟
وليف بنفس الهمس:عند علامة أستفاهم ماعرفت حلها
إبتسمت مواليف تهمس:طيب وشهو سؤالها؟يمكن أعرف حله
ميلت راسها وليف تناظر نياف الصغير وهمست:اللي بيتزوجها ، معقوله قدر يحب من بعديّ؟معقوله نسانيّ؟يعني رجعت بنت خالته؟بعد ماكنت حبيبته ووليفه؟
إبتسمت مواليف وهمست لها:بيتزوج وليفه اللي يحبها لايروح بالتس بعيد تراه مو بييياع
ناظرتها وليف بصدمه وقالت وجدان:
هييه إنتي وهي ترانا موجودين
مواليف:وش تبين؟قاعده أتكلم مع أخت زوجي
وصايف:وع وع وع
رحيق:علمينا مواليفوه
بيان:أسكتوا نبيّ نلعب
حطت بيان علبة المويه بينهم وقالت:لفوها
لفتها وصال وطلع على وجدان ووليف وقالت وجدان:طيب وليفوه ، صراحه ولاتحدي؟
وليف:صراحه
وجدان:طيب ، قد ندمتي على شي؟
وليف:على أشييياء مو شي
لفت وصال العلبه وطلع وصايف ووليف وضحكت وصايف وقالت:الحظ حظ ، تحدي ولاصراحه؟
وليف:تحدي
سكتت وصايف تفكر وقالت:تدقين على واحد من أخوانك وتقولين له بكلم نياف وإذا كلمتي نياف وتقولين له ، ما تمنيتك لأنك كنت أبعد من خيالي
وليف:لا لا لا
غزلان:يلاا ولييففف
وليف:ليه نياف طيب؟مو صاحييين
ريف:كلميه بس
فتحت وليف جوالها وأتصلت على معاذ وحطته سبيكر ورد معاذ وقال:هلا وليفوه
وليف:معاذ ، عادي تعطيني نياف؟
معاذ ناظر نياف وقال:نياف؟ليه؟
وليف:أبيّ اقوله شي بسرعه
معاذ:نييافوه يبونك أمسك
نياف:من
معاذ:البنات خذ
أخذ نياف الجوال وقال:بدور لاتقولين نبي من المطعم توتس ماكله يالمشفوحه ، بعدين تعالي ليه ماخذين عطوري من الغرفه وحاطينها عندكم؟رجعوها يلا
ضحكوا البنات وقال نياف:يلا أخلصوا
تنحنحت وليف وعقد نياف حواجبه وقالت وليف:نياف
سكنت ملامح نياف وقال:هلا
وليف بربكة:ما تمنيتك لأنك كنت أبعد من خيالي
أرتخت ملامح نياف وإبتسم وقالت وصايف:
نيافوه لاتصدق نفسك تراه تحدي
نياف:تخيلي تخيلي إني صدقت نفسي دزي يلا
وصايف:أنطم أنطم
قفلت منه وليف وقالت:أنقلعوا حمير
وقفت تاخذ نياف"الصغير"ومشت تطلع من القسم وراحت للسطح
مواليف:وصايف تعرفين أنها تتضايق من هالموضوع وأنها تتكلم مع نياف
وصايف:ليه طيب؟ليه ماتعلمونها وتعلمونه؟ليه ساكتين؟مخبين عليهم عشان مين؟
غزلان:عشانهم مو عشان أحد ثاني عشان اللي عاشوه
وجدان:لمتى وهم بعيدين عن بعض
هتاف:صدق غزلان لازم تقولون لهم
وديان:قولي لهم وأنا بترك لهم البيت أسبوعين
ضحكوا البنات من فهموا نيتها وقالت وصال:
مايبطيّ السيّل إلا من كبره لاتستعجلون
بيان:متى كبرتي وصالوه وصرتي تتكلم كذا
وصال:اللي شفته وسمعته يكفي
فهموا البنات أنها تقصد اللي تشوفه منهم ومن كلامهم وقالت ريف:طيب الحين وين راحت
مواليف:للسطح بتنسدح بس ياخوفي ولدي يمرض
بدور:ماينمرض مع وليفوه
-
السطح
-
دخلت السطح وناظرت نياف"الصغير" وقالت:ليه سموّك عليه؟ليه؟
نياف"الكبير"من وراها:لأنه وعد بيني وبين أبوه
سكنت ملامح وليف تسمع صوته وكمل نياف:وش تسوين بالسطح بهالوقت؟
وليف:أشمّ هوى
سكنت نياف يشوفها شايلة ولد أخوها وكم تمنى أن اللي بين يديها بنتهم "غمور"وكم تمنى يحضنها بهالوقت ، تنهد يصد عنها ومشى ينزل من السطح "هو متعود يجلس بالسطح لين صلاة الفجر لكنه أنصدم من شافها بالسطح"
جلست وليف على الأرض وبحضنها ولدأ خوها وقالت:أعرف وش تمنى أعرفه أكثر من نفسي ، تمنى يحضني وتمنى أنك بنتي وبنته
-رفعت عيونها تناظر النجوم-يالله
نزلت دموعها بحسره ومسحتها على طول ومشت تنزل تحت وراحت القسم وشافت البنات منسدحين بينامون
وصايف:مابغيتي تجين
وليف:وش تبين؟
-
ثاني يوم بالليل
-
دخلوا الكوفي وجلسوا كلهم حول بعض
إبتسم سعود وقال:طيب ياحضرة الدكتور وش شعورك لو أعترف لك معاذ بشي؟
نياف:وشهو
معاذ:عقد قرآني أنا ووجدان بعد ثلاثة أيام
ضحك نياف بصدمه وقال:أحلفففف
معاذ:وربي
وقف نياف يحضن معاذ بفرحه هو ماعرف أنه خطب وجدان ولا أحد علمه كانوا يبغونها له "مفاجأه"
وقف فيصل وقال:سعود وغزلان ومواليف ووجدان ومعاذ تعالوا أبيكم بشي
وقفوا كلهم وطلعوا مع فيصل لبرا وقال سعود:شعندك
فيصل:متى بنقول لهم؟
معاذ:بعد كم يوم يافيصل
غزلان:وشو بعد كم يوم شايف حالهم؟شايف نظراتهم لبعض؟
مواليف:نقولهم بعد عقد قرآن معاذ ووجدان
لف معاذ يناظر وجدان وقال:أنا بقول له
وجدان:لا معاذ
معاذ:بقوله كل شي مابسكت لأني تعبت من حالهم الخايس ذاا
غزلان:نعتمد يعني؟
فيصل:جهزي وليف ولبسيها أحمر بالله
ضحكت مواليف وقالت:ياخبيث
مشوا يدخلون وجلسوا وقال نياف:وين رحتوا؟
سعود:أمور متزوجين مالك دخل يالعزوبي
ضحك نياف وقال:طيب بهالجمعه الحلوه أنا أعلن لكم ، أني سعيد بجمعتكم حولي ومعايّ ، والله لايخليني منكم ولامن جمعتكم الحلوه
إبتسموا كلهم يناظرونهم ولأنه أخيراً قال اللي بقلبه من شُكر وإمتنان لهم ولجمعتهم اللي تغير من وضعه وكثير  ، ولأنهم عائله ولأنهم أصحاب وأقراب وأحباب ، دايييم يشكرون ربهم على جمعتهم الحلوه هذي
"أدامَ الله لنا دفء العائلة وودّ الأحبّة وتتابع المسرّات"
-
يوم عقد القِرآن
وجدان بنت تركي على معاذ بن باسم
-
معاذ:والله ماني مصدق والله
فيصل:اثقللل
معاذ:فيصل احسه حلم والله يافيصل حلم
احس قلبي بيطير من الفرحه ماني قادر أوقف زين رجولي مو شايلتني من الفرحه
فيصل:الله يوفقكم ويجمع بينكم على خير يبو شهد
لف معاذ على الباب من دخل نياف وهو شايل ورد ويغني وقال:والله وبتنجمع بهوى قلبك ياولد باسم
إبتسم معاذ وتوجه يحضن نياف وقال:والله يانياف لو تطلب عيوني عطيتك يكفي إنك وقفت معايّ ، واليوم بجتمع بهوى قلبي بفضل ربي ثم فضلك يانياف ، الله يخليك لنا ونفرح فيك
إبتسم نياف يحضن معاذ وقال:لاتقول هالكلام تكفى ، وتستاهل كل خيير يامعاذ والله
بّعد معاذ عن نياف وقال:بتكلم معاك بموضوع بس بعد عقد القِرآن
نياف:عساه خير؟
إبتسم معاذ يطمنه:كل الخير فيه
نياف:أجل خذ بشتك وأمش يلا بيت تركي فاتح ينتظرنا
مشوا العيال مع نياف ومشى معاهم باسم ودخل باسم وخلفه العيال وقال نياف:
السلام عليكم يارجال
ردوا السلام وجلس معاذ وجنبه باسم وجلس تركي جنب نياف
وقف نياف يقهوي الرجال"بحكم إن تركي ماعنده عيال وهو يُعتبر ولده"
إبتسم نياف يطمن معاذ ورجع يجلس جنب تركي
إبتسم باسم ينطق:حنا جايينك بموضوع خير يبو وصايف ، جايك أنا وعيالي من أكبرهم ليين أصغرهم ومعاهم ولدي نياف ، جايينك نطلب يد بنتك وجدان لولدي معاذ  على سنة الله ورسوله
إبتسم تركي وقال:والبنت موافقه
لف نياف على الشيخ وقال:ابدا ياشيخ
بدا الشيخ وختم كلامه بـ:بارك الله لهما وبارك عليهما وجمع بينهم على خير
وقف معاذ يسلم على تركي وعلى الشيخ وعلى أبوه ولف نياف وضحك يحضنه ونزلت دموع معاذ من فرحته نالها وأخيييرا
ضحك نياف يحس فيه يبكي على كتفه وقال:
صبرت صبرت ونلتها يامعاذ لاتنزل دموعك تكفى
ضحك معاذ يشهق وقال:أجتمعت بهوى قلبي يانياف
بّعد نياف عنه وقال:أحمد ربك
إبتسم معاذ يفهمه ومد له شماغه وسجد سجود شُكر لربه
إبتسموا جميييع اللي بالمجلس يناظرونه يسجد بفرحه لأنه فرحته فيها عظيمه وهي تستاهل هالفرحه وتستاهل كل الصبر
وقف معاذ ولف لنياف وقال:دامك أخو قلبها ، تسمح ليّ أشوفها؟
نياف:أنتظر طيب بشوف الوضع وأقولك
ومشى نياف لقسم الحريم وقال:وديان تعالي وجيبي خالتي غدير ووجدان
جته وديان ومعاها ام وصايف ووجدان وقفت ورا الباب
نياف:مبروك يا أخت قلبي
وجدان:الله يبارك فيك
نياف:طيب تراه بيشوفتس عادي؟
وجدان:كيف أمي
نياف:هاه ياخاله يشوفها؟
ام وصايف:ماشبع من السطوح؟
ضحك نياف وقال:لاياخاله الشوفه هذي غير ، صارت حلاله
ام وصايف:زين زين خله يجي للمجلس هذا
هز نياف راسه ولف لوديان وقال:وش هالكشخه أخت نييياففف
ضحكت وديان من لفها وقال:والله مزيوونه طالعه على أخوتس
وديان:يامغروررر
ضحك نياف ومشى لقسم الرجال وقال:
أمش يلا
مشى معاذ للمجلس اللي أشر عليه نياف وتقدم يجلس ينتظرها تدخل
-
مجلس الحريم
-
وصايف:بيشوفهااا؟
وصال:ايوه تخيلي
وليف:شوفي وجهها قلّب أحمر
ضحكوا البنات يناظرون وجدان اللي واقفه تسلم على الحريم مع أمها
بيان:يارووحي هيي
وديان:يقول نياف ترا معاذ بالمجلس
غزلان:وجدانوه تعالي
جتهم وجدان وقالت غزلان:معاذ بالمجلس ينتظرتس
سكنت ملامح وجدان تناظرهم وقالت هتاف:روحي يلاا
وجدان:وصال امشي معاي
وصال:مالي دخل روحي لحالتس
وجدان:طيب شكلي حلو؟
ريف؛تموتينن
مشت وجدان للمجلس تفتح بابه وتدخل إبتسم معاذ يوقف وقفلت الباب ولفت عليه وقال:احضنيني ، هالمره إنتي حلالي وأنا حلالتس
تقدمت وجدان تمشي بهدوء تحضنه وقال:
هوى قلبي ونبضه ووجدان قلبي ياوجداني
إبتسمت وجدان وقالت:أحس إني بحلم !
ضحك معاذ وقال:ماهوب حلم حقيقه وواقع
بّعدت عنه وقالت:رااضيه بالحقيقه والواقع دامك موجود معايّ
إبتسم معاذ وقال:طيب والهديه ماتبين تفتحينها؟
وجدان:وينها؟
معاذ:هذا هي
لفت للطاوله وإبتسمت من شافت كيس
"كارتير"وقالت:وش جايب؟
معاذ:مدري والله ناسي ماخذها من لندن
إبتسمت وجدان تفتح الهديه وإبتسمت من شافت دبله وقالت:معاذ
ضحك معاذ وقال:لبيه ياحبل الوتين لبييه
تقدمت وجدان تَقبل خده وقالت:شكرا
رفع حاجبه معاذ وقال:وش هالشكر النايم ذا
سكنت ملامحها من أنحنى يُقَبّلَهَا وحاوط خصّرها بيده
-
‏كان راضي يعيش الوهم والحلم أهم شي يكون مع ذاك البعيد ، و ياحظك يَ انسان لما الله يرمي بطريقك شخص ويشوفك واقعه وحلمه ، ويوصل فيك لحدّ الهيام اللي هو أعلى مراحل الجنون فِ الحب ، زي لما تكون الحياة قافله فوجهك ومو قادر تتحمل الصدمات إللي تجيك من اي شخص  وفجأة من بين كل حاجة سيئة صارت لك يطلع لك شخص من باب الصدفة او حتى القدر ..وقتها فـ قاموسك تتوقف كل أبجديات اللغة عند كلمة:
‏" ويني عنك من زمان"
-
‏"والله احبك و اتمناك و ابيك
‏وتدري انّك نقطة الضعف فيني
‏ابيع لأجلك باقي الناس و اشريك
‏وتصير وحدك بين رمشي وعيني"
‏ايوالله صح اللي يحبّك يثبت لك حبّه بتصرفاته و باهتمامه فيك ، أنت الأول و الاخير عنده و لا يهمّه احد من العالم غيرك ، انت عينه اللي يشوف فيها و انت لسانه اللي يحكي فيه و انت قلبه اللي نبضه فيه و انت وصدره وضلوعه والدم اللي يجري بعروقه.
‏في أسوأ حالاتك بيكرهك الجميع الا هذا الشخص بيشوفك الصح بينهم و بيبيعهم عشانك وبيشتري خاطرك و رضاك ..
‏اللي يحبّك بيشوف انك سبب كافي ليعيش بسعادة ورضا
-
أحسب الحب حب قد مضى لي وأثر مافات من حبي تسلّي ،الين الله رماني في طريقه وذقت الحب صدق وطحت كلّي" عمق الوصف قادر يستقرّ بمنتصف عمق قلب العاشق ويبهج روحه ويخلي عيونه مليانه حياه
-
فهد المساعد قال :
‏وين كنتي قبل أعرفك يابنيّة ؟
‏تاركتني كلّ هالعُمر اتشقى
‏أحسب ايام العمر راحت عليّا
‏مادريت ان أجمله فِـ ما تبقى
‏اشكر ايامي على كبر الهدية
‏أثرها لامن بغت تعرف تنقّى
‏جابتك من نور برقٍ شع ضيّة
‏صب غيثه بين الاضلاع وترقّى
‏من ضياك النور لك ظلٍ وفيّا
‏ومن سناك الشمس في الغيمة توقّى
-
نياف:معاذ وشو الموضوع أخلص
معاذ:تعال طيب لبيتنا وأقولك
نياف:طيب يافاهم حنا ببيتكم أنطق
فيصل:تكفى معاذ قلّ
سعود:أنا بقوله ، نياف إنت ووليف مو منفصلين إنتم للحين متزوجين
عقد نياف حواجبه مايفهمه وكمل سعود:
إنت وقعت على ورقه غير الورقه اللي وقعت عليها وليف ، وحنا متفقين مع الشيخ ومفهمينه كل شي وهو موافق ، والكل يدري يانياف ، بس ماحبينا نقولك وتعصب علينا بالفتره هذيك
ناظرهم نياف بصدمه وقال:تستهبلون صح؟
فيصل:لاوالله يانياف ، اصلا هذي خطه ، مني انا ومواليف وغزلان وسعود ومعاذ ووجدان
ومحد عرف فيها إلا قبل كم أسبوع
نياف:تكذبون عليّ إنتم ولاوشو؟
معاذ:وليه نكذب؟أبوي يدري والكل يدري حتى البزر رُوح ، حنا حبينا نقولك لأن حالكم ماعجبنا
نياف:أحس إني بحلم ماني مصدقكم
فيصل:نياف تكفى لاتزعل علينا
ضحك نياف وقال:والله ماني زعلان عليكم مبسوووط
وركض لبيت تركي وركضوا وراه العيال
معاذ:نياففف وش بتسوييي
دخل نياف قسم الحريم بدون مايحس بنفسه ودخل مجلس الحريم وشافها ترقص وتقدم لها يشيلها وصرخت وليف بصدمه وصرخوا البنات يستوعبون إن نياف دخل عليهم
مشى نياف وهو شايل وليف ولحقته غزلان بعبايتها وغطتها وقالت:موفق ياطير العشق
ضحك نياف ومشى للسياره وركب وليف وحرك بسرعه ووقف سيارته بحوش بيته ونزل ونزلها معاه ودخل الصاله وهي معاه
وليف بعصبيه:أتركني ليه ساحبني كذا قدام الناس؟
نياف:كيفي
وليف:وشو كيفك ماني زوجتك
نياف:زوجتي
وليف:على كيفك هي؟
تنهد نياف يقول لها السالفه من بدايتها وقال وليف بصدمه:مستحييلللل
نياف:وليف
صرخت وليف تدفعه وقالت:مستحيل نياف مستحيل
نياف:وليف أفهميني
وليف:وش أفهم نياف وش أفهم؟كذبتوا عليّ طول هالأشهر؟ليه؟
نياف:أنا تويّ أدري اليوم
وليف:تكذب عليّ !
نياف:لاوالله ماكذبت
وقفت وليف ومشت توقف قدامه وقالت:
والحين؟ترجعني لبيتي
نياف:هذا بيتي وبيتنا أنا وإنتي
وليف:نيافف
نياف:هذا اللي عندي
مشى نياف يتوجه للدرج ووقف من سمعها تصرخ ولف عليها وشاف دموعها على خدها وقال:وليف وش تسوين؟صاحيه إنتي؟
وش هالحركات
وتقدم يمشي لها وقالت:لاتقربب لاتقررب ، يكفي اللي عشته نياف يكفيي
نياف بهدوء:وش عشتي قولي ليّ أسمعتس
بكت وليف وقالت:خسرتت بنتي نياف خسرتها خسرت بنتي وبنتك اللي عاشت ببطني شهرييننن خسرتهاااا ، خسرتت غمور نيافف خسرتهااا ، ما أبيّ أخسر أكثر رجعني لبيت خوال
قاطعها نياف من سحبها له يُقَبّلَهَا ويحاوط خصّرها بيده ، رفعت يدينها على شعره من الخلف ، ومشى نياف لغرفتهم فوق وهي بحضنه ومعاه وحوله
-
الله عليها عودت وأنا أحسب الغالي نسى الله عليها إلى بغت ما يطفي الشمس المساء
الله عليها عودت وأنا أحسب الغالي نسى
الله عليها إلى بغت ما يطفي الشمس المساء
هلت سحابة وصلها على حياتي وأزهرت
واهتز قلبي من نبات الحب زهرٍ واكتسى
هلت سحابة وصلها على حياتي وأزهرت
واهتز قلبي من نبات الحب زهرٍ واكتسى
الله عليها عودت، الله عليها عودت وأنا أحسب الغالي نسى
"يا وصلها الغالي هلا حييت يا عز الطلب"
-
عادت وليفة هاجسه عادت مزعلة النساء ،
قربها منه مثل صب المطر في أرض عطشانه ، ولأن كانت نشوة الحُب بينهم هائله ، كانت توصف شعورهم لبعض ،
ولأن المحبة غاليه بس المشاعر ماتثمّن والتهّور في دروب الحب يبغي له جرائه ،ولأن الحُب يغذيه المواصل والوصل والجناب الزين ويازينها من حييياة ثانيه من ذاق لذتها يوالفها
-
تتلاشى جميع مفرادتي وحروفي تخونني لغتي في التعبير عن حبك في كل مرة أرغب بها أن اكتبك أعجز عن فعل ذلك كسرتي جميع مبادئي وحدودي تعديتي الحاجز الذي اضعه دوما في علاقاتي كنت صلبا قاسي لا أعرف ما هو الحب وكيف يشعر الإنسان عندما يحب إلا عندما لقيتك ولك يا حبيبتي كامل الأريحية في تخيل ماذا فعل وجودك في حياتي وماذا فعل ( حبك ) في قلبي
-
"عادت وليفة هاجسه"
"وليف الرُوح والقلب"
"الوليف الغالي"
-
بّعد عنها يناظرها وإبتسم وأنحنى يُقَبّل نحرها ورفعت وليف عيونها تناظره واخييرا معاها وجنبها
-
النحر بستان وأثماره ما هي مقطوفه
‏من نعيمه مختلط خوخه على تفّاحه
‏والقِبال اللي لا شفته قلت حيّ الشوفه
‏" كنّها بدرٍ تجلّى و اعتلا مصباحه "
-
بيت ام ذياب
-
وديان:خايفه عليهم
غزلان:يازينتس بس مصدقه إنتي أنهم بيتهاوشون؟
وديان:لا ، بس ماشفت نياف وهو يشيل وليف
وصال:صورتهم تعالي شوفي
قربت وديان تشوف وضحكت تناظر الفيديو وقالت:ماهو صاحي !
غزلان:هذا جنون العاشق ياليييت سعود يتعلم
سكتوا البنات يناظرون غزلان من دق جوالها وقالت:الطيب عند ذكره
وقفت ترد عليه وقال سعود:هلا بغزلاني هلا
إبتسمت غزلان تسمعه وقالت:هلا فيك
سعود:فاضيه؟ولاتفضين عشاني؟
غزلان بدلع:أفضى عشانك
إبتسم يسمع دلعها وقال:حددت العرس ، بعد أسبوعين
غزلان بصدمه:تمزح؟
سعود:لاوالله صادق طولنا عاد
غزلان:سعودددد
ضحك سعود وقال:أمزح معاك يا ام سيف ، بعد شهر بالضبط عرسنا
إبتسمت غزلان وقالت:تصبح على خير ابو سيف
إبتسم سعود ينطق:والله الخير شوفتك بخير
إبتسمت غزلان تقفل منه ورجعت للبنات وقالت وجدان:عسى ماطاح شي؟
غزلان:وش بيطيح يعني
وجدان:الحياء يابنت ، وش هالدلع المايع ذا ووشو أفضى عشانك وين قاعدين
غزلان:انطمي
إبتسمت وجدان من دق عليها معاذ وردت وهي بين البنات وهمست:حبيبيي
إبتسم معاذ وقال:حبيبي مره وحده
إبتسمت وجدان ووقفت تبعد عن البنات وقالت:خير داق؟وش تبي؟هاه؟أعترف
ضحك معاذ وقال:شوفتس
ضحكت وجدان بسخريه وقالت:صدقتك ، بعدين تعال ، وش وضعية الجلسه اللي إنت مسويها؟
ضحك معاذ وقال:ابد منسدح
وجدان:يارب يهجم عليك كلب يامعاذ
معاذ:وش سويتتت
وجدان:ولاشي
معاذ:وجدانن
وجدان:أمزح ياقلبي بسم الله عليك
إبتسم معاذ يسمع صوتها الحنون وقال:
وجدان ، أعترف لتس بشي؟
وجدان:ايوه
رفع عيونه معاذ يناظر النجوم حوله وقال:
إني ب مكان أول مُبادرة منتس ، كل شي منتس يعجبني ويقعد بذاكرتي مستحيل أنساه
إبتسمت وجدان بغرور وقالت:أنا أحلى بنت مرّت بذاكرة قلبك
ضحك معاذ من غرورها وقال:أنشهدد إنتس أحلى بنت وأحلى ماخلق ربي
وجدان بهدوء:مع السلامه
معاذ:على وين
وجدان:بسولف مع البنات
معاذ:أعتبريني وحده من البنات وسولفي ليّ
ضحكت وجدان وقفلت ومشت تجلس عند البنات وقالت غزلان:حبيبي
ضحكت وجدان وقالت:مسكتيها يعني؟
ترا طقطقه
وصال:واضح الطقطقه وإنتي تتبوسمين
وجدان:طيب لاتلوموني
مواليف:وش اللي بترددينه
وجدان:هو صحيح إحنا إلتقينا؟هو صحيح إنت قبالي؟
-
يوم جديد
-
بيت نياف
-
فتح عيونه وإبتسم يشوفها جنبه وحوله ومعاه وراسها على صدره
رفع يده على شعرها وإبتسم من فتحت عيونها تناظره وقال:صباح الخير
إبتسمت تناظره وهمست:صباح النور
سكت يناظرها وإبتسم يوقف يطلع من الغرفه ، تنهدت براحه من طلع من الغرفه ووقفت تمشي لغرفة الملابس تاخذ قميص لـ نياف ولبسته ومشت ترفع شعرها ونزلت تحت وشافته يسوي الفطور ويسمع أغاني
وقفت عند باب المطبخ تناظره او"تتأمله"
وإبتسمت من سمعت صوت طلال مدّاح وهو يقول:تصدق ولا احلفلك عجزت بلساني أوصفلك نعيم الحب في وصلك وإنت كريم من أصلك
لف عليها يناظرها وقال:عسى الله يديم صباح فيه وجهتس
إبتسمت وليف وتقدمت له وكمل:كل شي راضي عني بالدنيا دامتس جيتيني
ناظرته بإبتسامه وقالت:نروح اليوم؟
رفع حاجبه بإستغراب وقال:وين نروح؟
مشت تفتح الثلاجه وقالت:لبيت أبوي بجيب ملابسي وأغراضي اللي أحتاجها
هز راسه ينطق:مانروح بنجلس هنا بالبيت وإذا تبين ملابس ، عندتس غرفة وديان
لفت عليه وقالت:نياف
قرب منها وقال:وليف ، أسبوع مايضر لو قعدنا بدون مانشوف أحد ، خلينا نّبعد عن الناس ، فتره بس أنا وإنتي
إبتسمت تفهمه وقالت:تمام
مشت من جنبه لكنه مسك معصمها ووقفها قدامه وأنحنى يُقَبّلَهَا
-
بيت يوسف وبيان
-
يوسف:وش فيتس صارلتس ساعتين متنحه
وتفكرين
ناظرته بيان بهدوء وقالت:يوسف
ناظرها يوسف بإهتمام وقال:وش فيه أنطقي
بيان بتردد:انا حامل
سكنت ملامح يوسف يناظرها وقال:أحلفي
ضحكت بيان تناظره ووقف يركض يطلع من البيت متجاهل صوتها اللي ينادينه ومشى لبيت أبوه وأمه
دخل عليهم وقالت امه:يوسف وش فيك
ضحك يوسف بفرحه وقال:بيان حامل
إبتسمت أمه تحضنه وقال باسم:مببروك يايوسف مبروك
إبتسم يوسف يحضن أبوه وقالت امه:وشوله تاركها لحالها رح رح عندها
-
بيت مواليف وفيصل
-
فيصل:يانياف يابابا غثيتني نمّ بنامممم
مواليف:تستاهل يافيصل تستاهل
ناظرها فيصل وقال:وش سويتتت
توجهت مواليف تشيل نياف وقالت:وش ماسويت ، من أمس تاركنا لحالنا بالبيت ورايح تسهر مع أخوانك وسلوم وين عايشين
جلس فيصل على السرير وقال:والله جمعة متزوجين وعيال وقاعد أعطيهم دروس بالأبوّه
ناظرته مواليف ونطقت بسخريه:ايي ماشاءالله عليك مهتم بولدك
وقف فيصل قدامها وقال:مواليفف وش سويت
مشت مواليف تتركه وتوجها للصاله ولحقها فيصل وقال:وش عندتس زعلانه
تنهدت مواليف تناظر نياف وقالت:هاه ياماما؟جوعان؟أنتظر الحين أسوي لك حليب
وقفت تتوجه للمطبخ ولحقها فيصل وقال:
مواليفف
لفت عليه مواليف وقالت:نعم نعم
ناظرها فيصل بإستغراب وقال:وش فيتس؟
صدت مواليف تسوي حليب لولدها وقالت:
مدري والله وش فيني
ضحك فيصل ولفت عليه وقالت:تضحك يا بارد الوجه تضحك؟ضحكت من سرك بلاء
فيصل بضحكه:وش السالفه
مشت مواليف تتركه وشالت ولدها ودخلت الغرفه وقفلت على حالها وتنهد فيصل وطلع جواله ودق على بدور وسرعان ماوصله صوتها:هلا فيصل
فيصل بهدوء:بدور بسألتس ، اليوم وش فيه؟
بدور:ميلاد مواليف ، ليه؟
فيصل:ولاشي
وقفل من بدور ومشى يطلع من البيت ورجع ومعاه هديه وورد ومشى للغرفه ودخل وشافها تناظر نياف وقال:مواليف
ماردت عليه مواليف وجلس جنبها وقال:
كنت امزح والله لاتزعلين
تنهدت مواليف تشيل ولدها بحضنها وقال فيصل:ميلادك يوم العمر وفرح الايام  ، مانسيته وادري إنتس زعلانه لأني ماجبت لتس هديه
لفت مواليف تناظره وقال:للحين زعلانه
ضحكت مواليف تنطق:على حسب الهديه
وقفت ومدت له نياف وشاله وتوجهت للهديه تفتحها وإبتسمت بصدمه من شافت خاتم ألماس ولفت عليه وقالت:فيصللل
ضحك فيصل وتقدمت تحضنه
-
يوم زواج 
غزلان بنت محمد و سعود بن سعد
-
وليف:ياقليلة الأدب
وجدان:ليه قليلة أدب صارلتس فتره مختفيه إنتي ونياف
وليف:إلا وصايف وبيان وش فيهم
وصال بضحكه:تخيلي وصايف حامل وبيان بعد
ناظرتهم وليف بصدمه وقالت:كذابببههه
ضحكت وصال وقالت:والله ، ولا كلهم عرفوا بنفس اليومم
ضحكت وليف بصدمه وقالت:لازمم نياف يدري
طلعت جوالها تدق على نياف ورد وهو يقول:
هلا وليفي
ضحكت وليف وقالت: تخيلللل نيافف
ناظر نياف العيال ومشى يطلع  وقال:وشو
ناظرتهم وليف وقالت:بيان حامل ووصايف بعد
ضحك نياف بصدمه وقال:الله الله بيصير عندنا سلاحف
وصايف:نياففف
ضحك نياف بصوت عالي وقال:مبروك مبروك
وديان:باقي عندك إنت ووليف
نياف:إن شاء الله
قفلت وليف وقالت:وجع وديان
وديان:وشو ليه وجع؟بصير عمه
وصايف:يالله يارب وليف تحمل عشان أمسكها طقطقه
غزلان:بنات الشعر مع الطرحه حلوين؟
بيان:تموتين
وليف:دام الكل مخلص شرايكم نتصور لين يجون العيال وتصير حوسة التصوير والفرست لوك
بدور بطقطقه:السلاحف سوري أقصد الحوامل لايجون
بيان:أنطمي بس
وقفوا البنات يتصورون ويرقصون بفرحه لـ غزلان
'
دخلوا العيال وإبتسموا من شافوا غزلان واقف قدامهم بالأبيض وقال يوسف:ملاك وربي ملاك
تقدموا كل العيال يسلمون عليها ماعاد نياف اللي واقف يتأمل صديقة عمره ودربه حافظة أسراره ، صديقته وخالته وأخته اللي شاركته كل شي ، شاركته أحزانه قبل أفراحه ، لمعت عيونه يناظرها وكم تمنى أن يكون ابو ذياب موجود
لف عليه معاذ وشاف لمعة عيونه وقال:نياف
تقدم نياف يحضن غزلان ونزلت دموع غزلان من حضنها نياف وقال فهد:والله إني قايل لكم بتبكي إذا حضنها نياف
سلمان:وبعدين ليه تبكي بس مع نيافوه؟وحنا وين رحنا؟
بّعد عنها نياف وضحك يشوف دموعها وقال:
افااا ، ياغزلاني افااا ، تبكين؟ياحبيبتي إنتي الله يوفقتس وين مارحتي ووين ماخطت رجلينتس ياغزلان ، جعل السعاده ترافقتس بكل مكان وزمان
ناظرته غزلان وقالت:نياف أدخل معايّ ما أبيّ أدخل لحالي
نياف:كلنا بندخل معاتس كلنا بدون سعود طبعا
ضحكوا العيال لأنه يحاول يغير جو غزلان وقالت:وترقص مثل ماوعدتني؟
هز نياف راسه وقال:أرقص أرقص وقدام الكل بعد
معاذ:وانا برقص معاه وش تبين نرقص عليه؟
غزلان بضحكه:فزي له ، ولا ، لالا يالخيزرانه
يوسف:تبشرين تبشرين
ضحك محمد وقال:ييييوه يالنقد اللي بيجيكم
نياف:قاعدين نرقص بعرس خالتنا ماهوب عيب ولاحرام
فيصل:ذا لو قالت له غزلان طب بالنار قال ابشري وين عايش؟
غمز له نياف وقال:بقلبك
فيصل:وع وع وع
لفت غزلان على نياف وقالت:صح نياف جهزت الزفه؟
نياف:جاهزه بس تنتظر دخولتس
معاذ:غزلان ، إنتي بتدخلين وحنا بنكون واقفين نستقبلتس يعني نياف مابيدخل معاتس عشان لايحسبون الزفه له
غزلان:سمعتوها؟
فهد:كلنا بس إنتي
يوسف:عاد هذي اهداء من نياف ياغزلان يييوه ياحظتس
غزلان:نيياففف بسمعها
نياف:ما أقدر والله
-
وقت الزفه كانوا العيال واقفين ينتظرون دخول غزلان وتقدمت ام ذياب توقف بينهم ولفت لنياف وقالت:سمعتها الزفه
هز نياف راسه بالنفي ينتظر دخول صديقة عمره
إبتسموا كلهم من أنفتح الباب وتوجهت جميع الاضواء للباب وابتدت الزفه:
هذا الشمس ولا هو ضياك هو ربيع العمر أو طلة فجر طلتك تمطر علينا من حلاك عليك ألف بسم الله على وجه البدر يا"غزلان" يبتدي عمري معاك وأقطف النجمات لك مثل الزهر طلّي بهونك وسمّي في خُطاك وأنثري زينك مثل نثر العطر تضحكين وتضحك الدنيا وراك فارقه في بسمتك من هالثغر هذا الشمس ولا هو ضياك هو ربيع العمر أو طلة فجر طلتك تمطر علينا من حلاك عليك ألف بسم الله على وجه البدر
لابسه ثوب الفرح مثل الملاك في بيضاك
جنةٍ تحيي البشر أشرقي بالنور من عالي سماك أنزلي بالقلب يا أحلى بدر
"سعود"لك قلبٍ تباهى في ذراك هو شريك العمر هو أحلى قدر مد يدينه ولايبغى سواك يا "غزلان" وإنتي له كل النظر يا"غزلان"زانت الدنيا بضياك ياعروس فارقه فـ ليل السَحر
-
أعتلت غطاريف الحضور وإبتسمت غزلان تحضن نياف وهمست:نياف ببكي
ضحك نياف وقال:عشان يصفقوني البنات لاتبكين
معاذ:نيافوه بّعد حتى حنا بنسلم
بّعد نياف عن غزلان وشال رُوح وقال:وش تسوين؟
رُوح:البنات بيحطون الأغنيه اللي بترقصون عليها
نياف:لالا
لف للعيال وقال:هجوا هجوا بيحطونها
مشوا العيال بسرعه لكن وقفهم صوت الأغنيه اللي تشغلت ووقفوا كلهم ولفوا يناظرون وجدان اللي تناظرهم بخبث ومشى نياف لـ غزلان وهو يرقص وضحكت غزلان ترقص معاه ولحقوه العيال يرقصون معاهم
صفقوا البنات لهم وهم يضحكون وكأنهم لوحدهم بهالمكان مامعاهم أحد
شال نياف رُوح على كتفه وضحكت رُوح وقالت:وناسه
وقفوا كل العيال من تغيرت الأغنيه إلى
"قايد الغزلان"
ضحكت غزلان تشوفهم يرقصون حولها وبينهم ام ذياب
معاذ بعالي صوته:عاشتتت ام ذياببب عاشتتت
صفقوا العيال يعززون لجدتهم ونزل نياف رُوح ترقص مع ام ذياب ورجع معاذ يقول بعالي صوته:عاشتتتت رُوح عاشتتتتت
صفر نياف ومشى يمسك غزلان من يدها يرقص معاها وضحك ذياب يشوف وجه غزلان احمر
وقفوا البنات وهم لابسين عبايتهم يتوجهون لهم يوقفون يصورونهم
صفق نياف وقال:وانا دوم هيضني لعببب قايد الغزلان
-
كانت واقفه وجنبها نياف ولفت تناظر لمعة عيون نياف وتعرف وش يدور بخاطره
أنفتح الباب وكان سعود ومعاه أبوه وذياب اللي طلع عشان يدخل معاهم
تقدم سعود يُقَبّل جبينها وسلم على نياف
وتنهد نياف يصد عنهم مايبي يبكي قدام الناس
إبتسم سعود يناظرها جنبه وتقدم نياف ينطق:أمنتك الدُره الثمينه ياسعود أمنتك غزلان لاتجيني بيوم زعلانه ياسعود ، هذي غزلان ، هذي فرحة قلوبنا كلنا ومحد يتحمل زعلها ولادمعتها ، أمانه قلبها لاينكسر ياسعود ، أنا رعيت الأمانه طول الأشهر اللي فاتت والحين أنا عطيتك الأمانه ، أمانه أمانه خاطرها لاينكسر
نزلت دموع غزلان وحضنت نياف وقالت بصوت راجف:نياف تكفى
حضنها نياف وهمس لها:يفداتس نياف ويفداتس عمر نياف وحياته ياغزلاني
بّعد عنها نياف وقال:تحافظ على الأمانه ياسعود؟
إبتسم سعود وقال:بين الرمش وعينها
إبتسم نياف يطلع هو وذياب ولف عليه ذياب وقال:متضايق؟
هز نياف راسه بالنفي وقال:لا ، بس ماودي تروح عني
ضحك ذياب يناظر لمعة عيونه وقال:
تتعود يانياف تتعود
صد نياف يمشي للعيال وقال يوسف:بكى ذا
نياف:مابكيت بس ماودي تروح عني وتبعد عن أمي
فيصل:ماهي مبعده عن أحد ، هذي سنة الحياة
نياف:ماقلت شي سنة الحياة وكلنا بنتزوج ، بس ماني متعود أنها تبعد
سكتوا العيال من جت رُوح تركض لـ نياف وقالت:نوني تبغاك
مشى معاها نياف ودخل الغرفه المخصصه لـ غزلان
لفت عليه غزلان وتقدم نياف يحضنها وبكت غزلان وقالت:لاتخليني نياف لاتخليني
نزلت دموع نياف لاشعورياً ودخلت امها وخواتها ووديان ووليف
ام وصايف:والله إني داريه
وديان:مكياجها طيب
وليف:مو وقت مكياج خليها تبكي
تقدمت ام ذياب تبعد نياف عن غزلان وقالت:خلاص بكي
صد نياف عنهم يمسح دموعه بشماغه ولف على غزلان وقال:والله ما أخليتس لو العالم كله يوقف ضدي ياغزلان ، إنتي أختي ودنيتي وصديقة عمري ، ويكفي إنتس بخير والله يكفي ، لو بيوم جيتيني مجروحه والسبب سعود والله لا أخليه يندم حتى لو أنه ولد عمي بخليه يندم ، والله يالدُره الثمينه لو تطلبين عمري مديته لتس ، لو تطلبين مني عيوني قلت لتس تفداتس العيون وراعي العيون ياقلب نياف ياناني
ضحكت غزلان من نطق بـ"ناني"لأنه الأسم اللي كان ينادينها فيه
تنهدت وليف تنطق:خلاص كلام حلو ، يلا غزلان تعالي ألبسي العبايه
-
بعد الزواج
بيت نياف
-
وجدان:الجمعه غريبه بدون غزلان
وديان:ماتعودت أجلس بدونها
نزلت دموع وصال وقالت:كنت ماسكه نفسي لا أبكي بس ماقدرت ، كيف كذا راحت مع سعود؟وبّعدت عن الكل بيوم وليله؟
كيف مافكرت فينا
ضحكت وصايف تناظر دموع وصال وقالت:
وشو مافكرت فينا ، سنة الحياة وهي أرتاحت للولد ووافقت
ناظروا الباب بصدمه من دخلت غزلان وصرخت مواليف توقف وقالت وديان:يمه جني يمه
جلست غزلان وقالت:لا مو جني حقيقه
وجدان:وش جابتس؟ورا ما رحتي مع سعود
غزلان:سعود اللي جابني
شهقت بيان وقالت:لايكون طلقتس
غزلان:لا لا ، بس قالي تبين نروح بيت نياف وأنا قلت له تم وجيناكم
وليف:وليه تجين؟
غزلان:هو اصلا تحت عند نياف قالي بنرجع بدري
بدور:خسارة دموع وصال اللي نزلت قبل شوي
وصال:صدق ، يلا يلا دزي لبيت ابو الشباب ،
نبي ولد خاله صغير كذا كتكوت
غزلان:يييوه وصولي ، والله هو اللي جايبني مو أنا اللي قايله له
بيان:خايف على دموعتس يالدلوعه
إبتسمت غزلان بهدوء وقالت:نياف وينه؟
وديان:نزلنا وراح مدري وين
عقدت حواجبها غزلان وقالت:غريبه مع إنه ماخذ إجازه
-
عند نياف
-
دخل المقبره وتنهد ينطق:
السَّلامُ على أهل الدِّيَارِ مِنَ الْمُؤْمِنِينَ وَالْمُسْلِمِينَ، وَيَرْحَمُ اللَّهُ الْمُسْتَقْدِمِينَ مِنَّا وَالْمُسْتَأْخِرِينَ، وَإِنَّا إنْ شَاءَ اللَّهُ بِكُمْ لاحِقُونَ
تقدم يمشي لقبر أمه وأبوه وجلس وقال:
جيت أبشركم ، لقيت أختي "ملاك"وأسمها وديان مو "ملاك"مثل ماتبي يا أبوي ، أمي
تزوجت وليف مثل ماتمنيتي ، وغزلان تزوجت سعود ولد عمي سعد ، سمّيك يا أبوي ، وأبوي محمد لحقكم وتركني لحالي ووجدان بتتزوج معاذ ، وخالتي جواهر بيجيها حفيد جديد ، -نزلت دموعه- بس تدرون ، ماني مرتاح بدونكم حتى لو كل شي عندي وحولي ماني مرتاح بدونكم والله ، أمي تذكرين يوم تقولين ليّ إنت نعمه؟وإنت أبوي كنت تقول ليّ إنت يانياف أفضل شي عطانا إياه ربي ، طيب ليه تركتوني؟ما أبيّ أعترض على قضاء الله وقدره لكن ، حياتي بدونكم ماتسوى ، صرت دكتور وتزوجت وعندي بيت وسيارات وعندي محل ورد ، بس هذا كله ولاشي ، أبيكم معايّ وحولي وجنبي
مسح دموعه بشماغه يوقف وقال:اليوم صارلكم واحد وعشرين سنه تاركيني ، الله يرحمكم
ومشى يطلع وركب سيارته
-
يوم جديد
بيت سعود وغزلان
-
فتحت عيونها تناظره جنبها نايم ووقفت تطلع برا الغرفه وفتحت جوالها تناظر إتصالات وليف وإستغربت وإتصلت عليها وسرعان ماوصلها صوت وليف:غزلانوه وينتس أدق ماتردين
غزلان:خير وش صاير توني قعدت
وليف:تحدد عرس وجدان ومعاذ
شهقت غزلان وقالت:أحلفييييي
وليف:والله تخيلي ، بعد أسبوعين مدري وش يمدينا نسوي ، ولا الأستاذ معاذ يقول حجزت القاعه وكل شي بس جهزوا فساتينكم ولا بعد سلوم وهتاف مايبون عرس صارت ببيته بدون عرس تخيلي
غزلان:وليف بالله شوي شوي وش ذي الأخبار
وليف:مستغربه؟ماتنلامين والله هم مايخلون بالواحد عقل ، ولابعدد جده مناير أخذت وديان وأغراضهم وراحوا البيت بدون مايقولون لنياف تخيلي بنجلط بنجلططط
ولا بعددد
قاطعتها غزلان وهي تقول:خلاص وليف خلاص
وليف:تكفين غزلان بس هالخبر ، تخيلي نياف يقول أن راسه يوجعه ويوم جيت عنده قالي سوالفتس الواجد هي اللي توجع الراس
ضحكت غزلان وقالت:وليف بقفل سعود قعد
وليف:يالليل ذا وش يبي عطيه منوم
ضحكت غزلان تقفل من وليف ولفت لسعود اللي نطق:عساها دايمه
إبتسمت غزلان بهدوء وقالت:تفطر؟
هز سعود راسه بالإيجاب ومشت غزلان تسوي فطور ولحقها هو يناظرها ويناظر شعرها الطويل اللي هو "مُغرم فيه"
تنهد يتقدم لها ومسك يدها ولفت عليه وقالت:باقي بس العصير وأحط الفطور
قاطعها من أنحنى يُقَبّل عُنقها وسكنت ملامحها تحس بإنفاسه الحاره تضرب عُنقها 
همست بصوت راجف:سعود
مارد عليها سعود ونزل يده يحاوط خصّرها ورفعت يدها الراجفه على كتفه
رفع راسه يناظرها وهمس:صيري أقرب من الرمش لعيني
وأنحنى يُقَبّلَهَا وشد على خصّرها ورفعت يدها الثانيه على عُنقه من الخلف
-
يمنحُك الله نورًا في طريقك على هيئة إنسان يضيء أيامك المُظلمه ، وينيرُ عتمة قلبك ، تستقوي به وتهربُ إليه و تستندُ عليه .. شخص بمثابة حشد هائل في قلبك ، لا يهمُه أن تكون حاضرًا أو غائبًا سيُحبّك بنفس المقدار و قد يزيد ، وجوده معك يمحي كلّ خيبات الليالي و ذكرياتها السيئة .. "يمضي على الشوك مسرعًا نحوك و إن كلّفه الأمر أن يأتيك حافيًا"
-
لمّا يدخل بحياتك الشخص الصح . . على قياس قلبك يرتّب الفوضى في مشاعرك ويهديك راحة البال ، الشخص اللي معاه تنسى كل شي مُزعج وسلبي وتشوف الدنيا بعيونه ، الشخص اللي يعزّز حبّك لنفسك وتحبّ روحك زيادة بعيونه، الشخص اللي تغنّي له "هدية خالقي قلبك ، وجابك الله لي هدية من السماء" ، الشخص اللي يرجّع لقلبك الثقة ان الحب الحقيقي لا يزال موجود ما انتهى
-
‏"قصدنا .. نُسمر معاك لمّا الصباح
‏ ودّنا .. نُسمر معاك لمّا الصباح
‏سيد المِلاح ..إنني مُغرم
‏في حبّك ياوسيم خاف الله"
‏الصّباح معك يبدو و كأنه أرض فُرِشت حياه ، ويبدو أنك كشعاع الشمس يستوطن البيوت وأنت تستوطن القُلوب
-
يوم زواج بنت غدير وجدان بنت تركي على العاشق الولهان معاذ بن باسم
-
إبتسمت وجدان تناظر كل شي تحقق بيوم وليله حصلت نفسها زوجته
وليف:تتخيلينه؟
وجدان:مو مصدقه وليف والله
مواليف:بتدخلين بيته؟
نزلت دموع وجدان بفرح وقالت وصال:
كل خواتي تزوجوا وش ذا
وصايف:وصولي
ضحكت وصال وقالت:الله يحفظكم والله أحبكم
غاده:قبل كم يوم وهي مسفله فيكم
ضحكت وصايف تحضن وصال وقالت غزلان:ماسمعتي الزفه ياوجدان تموت تموت تموت
وجدان:بسمعها
وديان:لا معاذ قال بخليها تنصدم
هديل:ايي والله تهبل ياوجداني
وليف:الفيرست لوك يلا
وجدان:سروا امها يلا كل وحده تطلع وفستانها وراها ماعاد وليف
ضحكوا البنات وقالت بيان:اييي تبينه يجي
وجدان:دزي
وقفوا البنات يطلعون برا ووقفت وجدان من دخلت المصوره وقالت:بتطلعين فوق للغرفه وبيجي المعرس ويعطيك ظهره وتنزلين وتحطين يدك على كتفه وهو بيلف ويعطينا ردة الفعل اللي إحنا نبغاها
هزت وجدان راسها ومشت وليف تساعدها تطلع فوق ودخل معاذ وإبتسمت وليف وحضنته وقالت:مبروك ياحبيبي إنت
إبتسم يحضنها وقال:وينها
وليف:يمه يالعاشق توك شايفها
معاذ:أنطمي بس
ومشى يتوسط القاعه وإتبع تعليمات المصوره وإبتدت الموسيقى ونزلت وجدان لابسه الأبيض إبتسمت بهدوء تناظر ظهره وتقدمت بهدوء ترفع كفها على كتفه وإبتسم معاذ يلف عليها وضحك بفرحه من شافها قدامه لابسه الأبيض"مثل الملاك"
ناظرت عيونه اللي تلمع وإبتسمت وقرب منها وقال:غمازتينك تعجبني
-
القاعه
-
وقفوا كل البنات ينتظرونها تدخل ولفت وليف على معاذ وقالت:الزفه طيب
معاذ:متحمس وليف ناسي وشهي الزفه
وليف:ياليتك تسكت بس
عدل وقفته من أنفتح الباب ونزلت وليف توقف جنب البنات ، توجهت جميع الأضواء على الباب وأعتلى صوت الموسيقى بالمكان وإبتدت الزفه المُخصصه لـ وجدان:
الارض ارضك والزمن كله زمن "وجدان" والكون يومي لك دقت ثواني طلتك والكون كنه مرايتك متسيدة جيلك سحرك خذانا لفوق لعالم (ن) ما به سواك كنك تعليتي النجوم والدنيا مربوطة بخطاك والشمس تتبع طلتك من وين ما بنتي تظهر من شفهاك تقول يا"وجدان" طولتي غمازتينك سحر وجيدك ولا له عذر عدى السحر كله وخصرك غرق به بحر وقدم ل لينك در وشمس (ن) لنا مطلة على سما نجد اظهري وفكي قيود الشمس "وجدان"حكينا بهمس سحرك تعدى السحر وعرشك بنوا له قصر والكون يومي لك متسيدة جيلك على جيدها ذاب الذهب واختلط بالنور وعکس صورت(ن) ربي خلقها خيالية یا"وجدان" وكن الشمس تقطع ثمان بحور ولا تاصل حدود العيون الرهاوية ليانك تثنى وانثنى الدرب لك معذور على قلوبنا تمشي ولا بنت العبية یا مهر (ن) عليه من الحلا بحرك المسجور غرق به كثير وصفحة الزين مطوية يطيح النجم لا سلهمت او تطيح اقصور من الله كذا زينك وهذي موارية ولا به مثل"وجدان" تزيد السرور سرور ولا به مثل طيبك بياض وحسن نية على دروبك الالماس كنه وقف بالدور تغيضين شمس (ن) لو تماريك منفية یا عزوة ابوها" تركي"اللي طويل اشبور سجاياه تشهد له من هناك الى هنيا ولا غير "معاذ" احتضن درك المنثور تلبي عيونه للعيون الرهاوية ولا فاز بك غيره قطع لك ثمان بحور كتب قصة عيونك بسر وعلانية
-
تقدم يُقَبّل جبينها وهمست:لاتوترني تكفى
ضحك يمشي معاها وتقدمت ام يوسف ترقص قدامهم وضحك معاذ ووقف يرقص معاها ولف لوجدان ومد لها يده ومسكتها ووقفت تتمايل مع امه
-
بعد الزواج
-
بيت معاذ ووجدان
-
دخلت البيت وتنهدت بخوف وتوتر ولف عليها معاذ وقال:تعالي كولي
ناظرته بهدوء ونطقت:بس بغيرّ وأجي
مشت للغرفه ولحقها جلس على السرير وقال:والسحاب؟
ناظرته وكمل:من يفتحه؟
رجفة يدينها وقالت:أنا بفتحه
هز راسه بالنفي يوقف يمشي يصير قدامها وقال:بفتحه أنا
سكنت ملامحها من حست بيدينه البارده على ظهرها العاري فتح السحاب وأنحنى يُقَبّل كتفها
لفها عليه وهمس:نوري دربي !
وأنحنى يُقَبّلَهَا ونزل يدينه على خصّرها يشد عليه ، رفعت يدينها حول عنقه من الخلف
-
يا قلبُ ويحكَ إنّ من أحببتها
‏رأتِ الوفاءَ في الحيّ غيرَ لزامي
‏هيَ لا تُبادِلك الغرامَ فناجِني
‏لما أنتَ في أحضانِها مُترامي"
-
صبر ونال وصلها ، وصلها الغالي الأدر من قطعة الألماس ، جته مثل الشُروق اللي محى عتم الليالي ، الشُروق بعد ظلام الليل ، نورت دربه ، ولأنه في عز لهفته وشوقه لها جته ، جته وهي حلاله ، ولأن الحُب غرق بدون مساعدة طوق النجاة
-
أحُبّكْ
في هذه الليلة المظلمة وسابق ليالي وليالي القادمة أحُب بك جمالك الساحر، الأخاذ الذي بمجرد أن انظر إليه يأخذني بعيدا عن واقعي أحُب عظيم شخصك وحلو كلامك وذائقتك الموسيقية أحُب بك كل شيء!
-
تمنى أن يسرق منها نظرة وابتسامة وحديث بسيط استمع لها في حال أهلكه الشوق لها لكن لم يحتاج لأي من هذه، هي محبوبته ، ها هي محبوبته بين يديه ، وهو المُغرم
......................................
أجتمعوا وجدان ومعاذ ، يعني؟
النهايه قربت
الكاتبه:منيره آل عبدالعزيز💙💙💙.
دُمتم سالمين