بين الليل والحال هبت الذكرى

البارت الثاني عشر

(الحمدلله ، استغفرالله)
"مانوقف هنا خلكم قريبين😉"
وجدان:طبعا وهذاني اقول لكم انا بنت اصير بنت خالة نيافوه وبنت خالة وليف بس بحضر من طرف نياف
نياف:كفو عليتس
وجدان:كفوك الطيب
وصال:ذولي لو نجمعهم صار بنا شي
رُوح وهي تناظر نياف:نياف متى تجي الالعاب
نياف:بتجي بعد شوي
موده:نياف صدق علاقتك برُوح ليه كذا؟
نياف:لان
فيصل:انا بكمل اصبر لان الاخ نياف كان يتمنى اخت صغيره وحنا كلنا كنا تقريبا بعمره ويوم جت رُوح صار يحبها واجد ومايقول لها الا روحي
ام ذياب:بتجي بنت نياف ويحبها
نياف:لالا بنتي مو الحين بعدين بعد سنه سنتين
هايف:يلا رُوح تعالي
نياف:انت وش تبي حتى ذي ناشب لي فيها
هايف:انت خلك بزوجتك
نياف:مافيه رُوح لي انا
رُوح بهمس:انت لك وليف
نياف ضحك وهو يناظرها وقال لها بهمس:
ماتدرين يمكن يصير شي
قطع همس نياف ل رُوح تصفيق العيال
نياف:شبلاكم
سلمان:شفناك تضحك وشفنا غمازتك 
معاذ:والله يومنا بدأ
فيصل:نياف من عند اي دكتور مسويها
نياف:طبيعيه
عز:طبيعيه وهي باينه وانت ساكت الحظ حظ
ام وصايف:تعال نويف انسدح بلعب بشعرك
نياف:احب اللي يفهموني
ذكرى:ياغدير ليه ماتخلين زوجته تلعب بشعره
ناظرت وليف ذكرى بإستحقار وبعدها ناظرت نياف اللي عيونه شوي وتطلع
نياف:لاياعمه خالتي غدير لعبها بشعري احسن من الكل
فيصل:نياف قم نبي كرك
نياف:اصبر شوي
معاذ:نفسيته صارت بخشمه الحين
نياف:ياوراعين اصبرو
ام ذياب:يانويف رد على جوالك
نياف وهو يطلع جواله:والله ان الجوال مزعج
وطلع الجوال وكان يشرب قهوه وبعدها شرق بالقهوه
ام سعد:بسم الله عليك وش فيك
نياف وهو يكح:مافيه شي
رُوح:نييييافففف تعال جت الالعاب
نياف:فيصل رح لهم
فيصل:ليه ماتروح انت
نياف:فيصل رح بسرعه
قام فيصل يروح لعامل الالعاب وضل نياف فاتح جواله طول الوقت
يوسف:انت وراك شي
نياف:لا
معاذ:وش صاير منهو اللي مرسل ويدق عليك
نياف:واحد مع العيال
وصال:اصبرو شرايكم نلعب
سلمان:وش اللعبه
وصال:ننقسم فريقين ونلعب تحديات وكذا
وحتى خالاتي وعمات نياف يلعبون
سعود:منهو قائد الفريق الاول ومنهو الثاني
يوسف:واحد نياف والثاني وجدان
وجدان:خير انا ابي بفريق نيافوه
نياف:لاحطو الفريق الثاني احد غير وجدان
سلمان:بيان؟
نياف:اصبرو شوي
ام فهد:حطو بالفريق الثاني فهد
نياف:بس فهد ماهو موجود
ام فهد:عادي نخليه يجي
نياف وهو يقوم:انا مابلعب
ام ذياب:وش عندك نويف
نياف:اقولتس بعدين
وبعدها ناظر وليف وقال:وش اخبار رجلتس
وليف:طيبه مافيها شي
نياف:يوسف الخيول جت
يوسف:نجومييي جاء
فيصل من بعيد:نييييياف سحابككك جت
نياف وهو يربط ثوبه على خصره:يوسف نسوي سباق اللي يوصل اول مدري وش يصير
يوسف:ياخذ سحاب
نياف:والله تعقب ماتاخذها
وجدان:اصبرو انت وياه نبي نشوف من يفوز قومو بنات نوقف عند الباب
غزلان:اجلسي بس
نياف:روحي وجدان وخوذي وصال واتوقع اسمها هتاف
وجدان:يلا هتاف ووصال
قامو معاها وناظر نياف مواليف وقال:عدي
مواليف:واحد اثنين ثلاث
وركضو نياف ويوسف وبنص الطريق وقف نياف
يوسف:باخذ سحابك
غزلان:شفيه وقف
سعود:جواله دق اصبرو
وجدان:نياف خسرت يوسف فاز ب سحابك
نياف وهو يأشر لها تسكت:تمام خلاص
وقفل نياف جواله وناظر وجدان وقال:لاغش
انا وقفت ارد بس هو ماوقف
وجدان:شنسوي الحين انت تبي سحابك وهو يبيها
نياف:اصلا هي لي بس هو يستهبل
معاذ:نياف ماجت خيول ثانيه
نياف:الا الا جت على عدد العيال كلهم
مواليف:وحنا مالنا رب
نياف:فصفص يعطيتس حقه
وبعدها ناظر نياف ام ذياب وقال:قولي لهم
سحاب نياف محد يجيها
ام ذياب:سمعوك
وصال:نياف دخلو الالعاب هنا نبي نلعب
نياف:بيدخلونها اصلا انا طالبها عشانكم
رُوح وهي تركض ل جهة نياف:نياف فهد يبي يلعب مع سحاب
نياف وهو يشيلها:ماعليتس مايقدر سحاب بتلعب فيه
معاذ:سعود عز سلمان هتان يلا قومو
قامو العيال كلهم وطلعو لقسم الرجال بس نياف اللي كان واقف
وصايف:وانت ليه ماتطلع معاهم
نياف:ليه وش عندتس
وصايف:نبي نتنفس طفشت وانا لابسه النقاب
غاده:الحين يعاند ويضل واقف
نياف:ماني متحرك بضل واقف عناد فيتس
مواليف وهي تقول لوليف بهمس:قولي له ينقلع يمكن يرد عليتس
وليف:بالله اسكتي انا غصب بالعه نفسي ماني ناقصه عناده
موده:نياف الحق سحاب صوتها لين هنا
نياف:اييي يتهاوشون عليها
وبعدها نزل نياف رُوح وطلع من قسم الحريم وراح للعيال
نياف:وش عندكم على سحابي
معاذ:انا باخذ سحاب كيفكم
نياف:خلاص عاد سحاب حقتي ومطر ل فيصل ونجم ل يوسف و السمراء ل معاذ
و الأصيله ل سعود و بحر ل سلمان و الغيد ل عز و الأدهم ل هتان و الفهد ل فهد وكحيله ل محمد وسهم ل عايض وخلاص وكل واحد على الخيل
فيصل:وانت ماتلعب معانا
نياف:لابدخله على البنات شوي وبعدها باخذه
فيصل:وش فيك
نياف:وش فيني مافيني شي
فيصل:صدق عاد
نياف:اقول لك بعدين
فيصل:بعدين مو بكره
نياف:على خشمي
وبعدها راح نياف ل قسم الحريم ودق الباب
وجت وجدان:وش تبون
نياف:بدخل سحاب
وجدان:اصبر بقول للبنات يدخلون
نياف:استعجلي
دخلت وجدان عند البنات:بنات ادخلن نياف بيدخل الخيل
ريف:يليل نياف ذا مالنا خلق ندخل
وجدان:الا لتس خلق يلا داخل
دخلو البنات كلهم وجدان بصوت عالي:
نييييييافففف ادخلل
دخل نياف وحط الخيل وطلع على طول
رحيق:دخلنا واخر شي بس حط الخيل وطلع
نغم:الحين مين اللي تعرف للخيل
وليف:انا
تالين:رجلك طيب
وليف:ماعليتس
وجدان:اصبرو تسمعون صوت الاغاني يابناتتتت
غزلان:تعالن شفن العيال يدبكون
ركضو البنات للباب وشافو يوسف وفيصل ونياف يدبكون وكان معاذ يصورهم
غزلان من عند الباب:عاشششش نويييف
نياف:عشتيييي ياروحه انتي
وليف:طلع يعرف يدبك
وصال:منهو
وليف:نياف
وجدان:عشناااا بدينا شغل الحب والسوالف ذي
وليف:انطمي
هتاف:دبكهم حلو احلا من دبكنا
نياف:تعبت خلاص
فيصل:عشيرييي تعال بنرقص انا وانت من غير يوسف
نياف:لعيونك بس
معاذ:يالخفوق ارقص زين
نياف بصوت عالي:بيغارون عذاليييييييي
وجدان:نييياففففف قل لذياب يرقص نبي نشوفه
نياف:اصبري بقول له، ذيابببببب
ذياب وهو طالع من الخيمه:وش عندك
نياف:تعال ارقص
ذياب:شايفني كبركم!
نياف:افااا بس كيفك كنت ابيك ترقص معاي
معاذ:يلا بشغل الاغنيه ارقصو
واشتغلت الاغنيه وبدو نياف وفيصل يرقصون وكانت حالة ضحك من الكل
طلعت ام ذياب وام سعد
نياف شافهم:تعالن ارقصن معاييي
ام ذياب:نويف عقلك فيه شي
نياف:لا
عز وهو يسحب ام سعد:ياجده عشاني
نياف:شوفي اخذها وانا مااخذتس تعالي
مسك نياف يد ام ذياب وبدء يرقص معاها
نياف وهو يجلس:تعبت خلاص
فيصل:ياورع شفيك
نياف:ولاشي وين سحابييي يابنات
غزلان:داخل
نياف:طلعوها لي
غزلان:محد قدر
نياف:ادخلن انا بجيها
دخلو البنات وجاء نياف ل سحاب وبدت تصهل بصوت عاليي وقال نياف:
يالببببى الصوت ذا يا سحابب نياف
بيان:نياف اطلع بسرعه متنا حر
نياف:بيانوه اطلعي تراتس اكبر مني
ام وصايف وهي تمشي لنياف:نيياف تعال بسرعه
نياف:وش صار
ام وصايف:بسرعه اركض
ترك نياف سحاب وركض لأم وصايف
نياف:سمي ياخاله
ام وصايف:متى بتداوم
نياف:يوسف قدم لي إجازه ليوم الاثنين
ام وصايف:اجل زود يوم بالمخيم
نياف:على ذا الخشم
ام وصايف:كم يكلف
نياف:افاا ياخاله ماباخذها منتس
ام وصايف:وليه ان شاء الله انت وراك زواج وبيت
نياف:ماعليتس الزواج له مبلغ وذولي خليهم لتس يمكن تحتاجينهم
ابتسمت ام وصايف لنياف وبعدها رجع نياف ل سحاب واخذ سحاب وطلع من قسم الحريم ورجع سحاب للأسطبل اللي بالمخيم وراح يجلس عند الرجال
ابو تالين:انت اي قسم يانياف
نياف:جراحة القلب
فيصل:نياف فيك شي
نياف:لا
فيصل:متأكد
نياف:اييه وش فيه
فيصل:ولا شي
وجلسو يكملون سوالف لين جاء وقت نومهم ونامو الكل واخذ نياف فروة فيصل وطلع برا الخيمه وجلس على حافة الدرج اللي موجود بين قسم الرجال والأسطبل
وليف من وراه:وش فيك
نياف:خرشتيني
وليف:وخر طيب بجلس مابضل واقفه
نياف وخر وجلست وليف وناظرته وقالت:
وش فيك قول
نياف:مدري
وليف:وشو مدريي
نياف:لاني صدق مدريييي
وليف:طيب وش السالفه اللي بينك وبين ذياب
نياف:مافيه سالفه
وليف:نييييياففففف قول
نياف وقف وقال:طيب امشي نمشي
قامت وليف وراحت ورا نياف ومسكت يده وقالت:اتوقع ذي المره الكلاب مابتلحقني
نياف:فروتي وينها
وليف:ماتشوفها علي
نياف:اوه يعني صارت لتس
وليف:تقدر تقول اصلا انت عطيتني اياها
نياف:تخيلي ان الكلاب ورانا
وليف:لايمه
نياف:امزح ماعليتس وش بيجيبها ورانا
وليف:نياف بسألك
نياف:اسألي
وليف:ليه بتسمي بنتك غمور
نياف:مدري عاجبني الاسم
وليف:طيب اسم غير غمور عاجبك
نياف:غزلان وملاك
وليف:والولد طيب
نياف:فيصل
وليف ابتسمت وقالت:انت وفيصل بتسمون على بعض شطاري
نياف:مدري بس فيصل عاجبه اسمي وانا قلت دامه بيسمي على اسمي بسمي على اسمه
وليف:يعني ماكنت ناوي تسمي الولد
نياف:وش ابي بالولد دام عندي المؤنسات الغاليات
وليف:يعني بنتك بتصير غمور بنت نياف ابن سعود آل ناصر
نياف:يازييين الاسم الفخممم
وليف:ماقلت لي وش بينك وبين ذياب
نياف:ابد نتهاوش انا وهو على بيت امي وابوي
وليف:مريض يقهر
نياف:يوه ترا كم يوم ونفتك منه
وليف:طيب انت ليه تركت ريف
نياف:ياذا السؤال
وليف:يحق لي اعرف ترا لاني بصير زوجتك
نياف:ريف تركتها لانها ماتستاهل تتعذب معاي عشان عمي ولاعشان احد لو الحين بعقد قرآني فيها بيقولون البنت فيها شي
اتركها الحين ولااعلقها فيني ويصير مصيرها معاي مو محدد
وليف:تدري ان جدي كان وده تتزوج هديل وانت خطبت ريف بعدين تركتها يوم جدي تقبلها بعدين خطبتني مدري كيف موضوعك معقد
نياف:طيب سمعتي باللي يقول من رمى سهم حبٍ في عيون صديدة يقضي باقي حياته بالمحبة غريب ، لو تزوجت وحده منهم صدقيني مابحبهم مثل اللي حبها قلبي ومابيحصلون مني شي ليه اتعب نفسي واتعبهم ابعد عنهم واروح للجهه اللي انا احبها ولالو حاولت احب ريف او هديل مابقدر لان قلبي معلق على شخص واحد
وليف:شكلك واقع
نياف:بالله شيلي الشماغ انكتمت بدالتس
وليف:برد على راسي
نياف:بحط راستس معاي بفروة فصفص
وليف:لاعاددد
نياف:شبلاتس
وليف:ولاشي
نياف ناظرها وشال الشماغ عن وجهها وشعرها وقال:كذا زين
وليف:لاوالله تراك مب محرمي
نياف:بعد ثلاث ايام قريب بصير محرمتس
وليف:لاوالله بتعدله لي كيفك
نياف:وليف وراتس كلاب
وليف صرخت وحضنت نياف وضحك نياف عليها وليف وهي حاضنته:بعدهم عنيي
نياف وهو يحاوط خصرها:بشويش لايوقف قلبتس
وليف ودموعها تنزل على خدها:بعدهم عني تكفى مابي يصير مثل ذاك اليوم
نياف وهو يمسح على شعرها:امزح معاتس مافيه كلاب ولاشي
وليف:حييييواننن ليه تسوي كذا
نياف:الواحد مايمزح
وليف:لامايمزح
نياف:طيب وليف ليه عيونتس فيها دموع
وليف:مافيها دموع ولاشي
نياف:الا ابكي
وليف:مابي ماهوب غصب
نياف:بنرجع خلاص
وليف:نسوي تحدي بترك يدك ونشوف مين يوصل اول
نياف:لاعاد يمكن تضيعين
وليف:ماعلييييييييك
تركت وليف يد نياف وقالت:واحد اثنين ثلاث
وبدت تركض وركض وراها نياف لين وصلو المخيم ودخلت وليف باب المخيم ووقف نياف شوي وقالت وليف بصوت عالي:والله سبقتك ماتمسكني وانا بنت باسم
فيصل وهو طالع من الخيمه:تتكلمين مع من يابنت
وليف بطقطقه:الخاطف اللي كان بيخطفني
فيصل:روحييي داخلل
ناظرته وليف بإستغراب ودخلت لقسم الحريم ومسك فيصل خشبه وبعدها دخل نياف وضربها براسه وطاح نياف مغمى عليه
فيصل:طلعععع نييييافففففف
وركض داخل يقعد العيال
فيصل:عييييالللللل نيافففف طاحححححح
وفزو كل اللي بالخيمه وركضو لبرا وشافو راس نياف دم
سعود:وشش صاييرر
فيصل:ضربته حسبته حرامي
يوسف:انقلع قعد الدكتوره اللي عندنا
فيصل ركض لقسم الحريم وبدء يطق بابهم وفتحت وليف:هاهه
فيصل:نبي الدكتوره نياف راسه دم
وليف:من وش راسه
فيصل:موب شغلتس
قفلت وليف بوجهه وراحت لخيمة البنات والحريم وهي تصارخ:قومووو نياففف راسه دم
ام وصايف:وشو شفيه نياف
وليف:راسه دم قومو تالين روحي له ترا فيه اسعافات
ركضو كل البنات برا وكل وحده فيهم ماسكه البطانيه حقتها والحريم ركضو لجهة نياف والعيال
تالين:وخرو عنه ودخلوه داخل
سعود:هديي طيب
وشالوه العيال ودخلوه لقسم الحريم وبدت تالين تشوف راسه
تالين:الجرح مو كبير يعني طفيف بس اتوقع الشي المضروب فيه قوي
فيصل:طيب بيموت بيصير ليه شي
يوسف:بسم الله علييييه ف عدوينه ولافيه
وخلصت تالين راس نياف وقالت:لازم يرتاح حطوه في الخيمه الصغيره واحد يقعد عنده
وجدان:ولييف بتقعد عنده
تالين:يلا وليف روحي وراهم وقفلي باب الخيمه زين عشان راسه مايجيه هواء
وليف:تمام ،وراحت وراهم وطلعو العيال ورمت وليف الفروه وجلست تناظر نياف
ورجعو الباقي ينامون ووليف نامت جنب نياف
.........................................
حسنت العلاقه ولا ماحسنتها؟ولاشرايكم نخربها على آخر شي ونزوج نياف تالين؟
الكاتبه:منيره آل عبدالعزيز💙.