(استغفرالله)
رُوح نامت على طول وقام نياف وراح للغرفه اللي فيها العيال وشاف فيصل على الارض وسحب البطانيه ونام هو على الكنبه
(الساعه ٧ المغرب)
ام ذياب:نياففففف فيصلللل قومو قامت عليكم ناقه للحين نايمين لاصلاه ولا عباده
نياف اللي يحسب فيصل يقلد جدته وصفق راسه ورجع ينام
فيصل:ياكلبببببب ليييه تضربببببب
نياف:ليييه تقعدني خلني اناممم
ام ذياب ضربتهم بعصاتها لانهم كانو جنب بعض
نياف صرخ بألم لان الضربه جت على صدره وقال:يمه مناييير نبييي ننناممممم عندتس معاذ وفهد ويوسف وسلوم ليه لازم انا وفيصل
دخلت ام يوسف وسمعت نياف وقالت:قم قممم اخلصنا
نياف اللي قام وقال:والله لااشكي عليكن ابي انام
فيصل ضرب راس نياف وقال:قم قمم بس الحين تكسر العصايه على راسي وراسك
وقف نياف وقال:والله العظيم ان الضربه توجع يايمه
ومشى للحمام-يكرم القارئ-وطلع وغير ملابسه وراح يصلي اللي عليه وكذلك فيصل
نياف:فيصل صدق الحين ليه يقعدونا
فيصل:مدري بس معاذ مرسل لي ان جدتي جامعتهم بالحوش كلهم
نياف:امش يلا
ومشو للحوش وحصلو الكل من بنات وعيال
نياف:وش صاير
ام ذياب:نبي نجهز لرمضان انت وياه بكره السحور وحنا للحين ومحمد ولد خالكم ذياب بيطلع
نياف اللي عيونه شوي وتطلع:وش دراكم؟
مضاوي:انا كلمته وقال لي انه بيطلع
نياف:طيب الحين وش الناقص عشان نجيبه
غزلان:ارسلتهم لجوالك
نياف:زين
ومشى لسيارته وقال معاذ:تبي احد يجي معاك؟
نياف اللي كان يبي يقعد لحاله بعد اللي سمعه قال:لامايحتاج
وركب السياره وحرك على طول
ام ذياب:انتم ياعيال عليكم المجلس حق الرجال بتنظفونه تنظيف عميق والبنات داخل البيت يلا
وفعلا مشو العيال للمجلس والبنات لداخل البيت وكل واحد بدأ شغله
(بعد ساعتين بالضبط)
دخلت سيارة نياف الحوش
فيصل:نياففففف
نياف:وش عندك
فيصل حضنه وقال:خفتتت علييييكككك ادق ماترد
نياف:جوالي طافي شحن توي شبكته بالشاحن اللي بالسياره
معاذ:تدري من عندنا
نياف:من
معاذ:مدري
نياف:لاتسوي تضحك
فيصل ناظر يوسف ومشى للسياره اللي كانت للحين شغاله وشغل اغنية (ياتاعبني تامر حسني)
سلمان:عمرها حصلت لك دي تبقى لسه شايف حد وإنت لسه ما تعرفوش، أيوة ما تعرفوش بس نفسك تجري عليه
فيصل حط يده على كتف نياف وقال:
تحضنه وتنام في عينيه وإنت لسه ما تعرفوش أيوة ما تعرفوش أنا بقى حسيت ده معك أنا بقى طالباني هواك
معاذ اللي صار ينط:أنا بقى من يوم ما شفتك مش متخيل غير عمري معك أنا بقى حسيت ده معك أنا بقى طالباني هواك
يوسف اللي صار ينط مع معاذ: أنا بقى من يوم ما شفتك مش متخيل غير عمري معك يا تاعبني يا واجع قلبي من حبي مش قادر أخبي يا تاعبني يا واجع قلبي من حبي مش قادر أخبي
فهد حضن كتف سلمان وقال:هقول لك ع اللي في قلبي بصراحة أنا مش على بعضي
عايزك تحضني تقرب مني ولا أحضن أنا ماتستغربش ملي قلته أنا جاء لي إحساس ليك فقلته ده الحزن في قلبي إنت شلته أول ما شوفتك أنا
نياف اللي ابتسم وصار يضحك:طب أنا بقى حسيت ده معك أنا بقى طالباني هواك أنا بقى من يوم ما شفتك مش متخيل غير عمري معك أنا بقى حسيت ده معك أنا بقى طالباني هواك آه أنا بقى من يوم ما شفتك مش متخيل غير عمري معك
وصارو كلهم ينطون ويضحكون بصوت عالي لدرجة ان اللي داخل طلعو على صوت ضحكهم
وجدان:انهبلو
غزلان:استنونيييي بجيييكممم
وركضت لهم تنط معاهم
مواليف:وضعهم غريبببب
وصال:بس يضحك ومنظرهم يهبل
ام ذياب:بسسسس انتت وياهههه
نياف وهو ينط ويضحك:يا تاعبني يا واجع قلبي من حبي مش قادر أخبي
ابو ذياب اللي قام على صوتهم وشافهم وصار يبتسم لانهم مبسوطين واشر لأم ذياب تخليهم
طق الباب حق البيت وفتح نياف وحضن نادر وقال:اشتقتت لك
نادر:ادخل ولا فيه احد
نياف:يابنات ادخلنننن
ودخلو البنات ودخل نادر الحوش وشاف العيال يرقصون وقال:وش صاير
نياف:نرقص تعال
نادر اللي ربط ثوبه على خصره وقال:حطو اغنية شيرين في ليله
سلمان حطها وكل ذا كانو يشوفونه البنات من الشباك
نادر:تعودتت عليها ياعياللل
نياف:اسمع اسمع
وجاء البارت(عيني خذ عيني وجنبك ليلة خليني ولا حاجة ترضيني غير إني معاك)
نادر وقف وقال:ياعيال ترا بكره السحور بالخيمه اللي اخر الديره ولاتجيبون شي
نياف غمز له وقال:ماعليك
نادر بإستهبال:اويليي تهلكني هالعيون
ضحك نياف ومشى ورا نادر يوصله للباب
وطلع نادر ورجع نياف للعيال وقال:
غزلاننن تعاليي
وغزلان ماصدقت خبر جت تركض وكانو البنات وراها لابسين عبياتهم
حط فهد ياللي زعلان مني ومخاصمني
رُوح ركضت لنياف وشالها وحطها على كتفه وصار يرقص وكان هاليوم جمييلل جدا على الكل كانت ام ذياب تسمع ضحكات احفادها وتبتسم
ام فهد:امشن عندهم برا نشوف وش عندهم
ام وصايف:صدقتي يلا يمه امشي
ام ذياب قامت معاهم ومشو للحوش وكانو العيال صاملين يرقصون ويضحكون
ابو ذياب:وش بهم يابنات
وليف:مدري ياجدي طلعنا على رقصهم
ابو ذياب:من متى وهم يرقصون
مواليف:اتوقع من رجع نياف حتى الاغراض محد نزلها
نياف وقف بتعب وقال:خلاص تعبت
فيصل تنهد بحُب وقال:تخيل انك ترقص معاها وفي بيتكم بعد
نياف:اقولل فيصل اهجد شوي
سلمان:نيافف جوالك
نياف سحب جواله من السياره ورد على طول وكانت المكالمه ذي غريبه على الكل
نياف:تمام دقايق وانا عندكم
فيصل:هاه من
نياف؛مو وقتك لازم اروح
وركض لداخل يلبس السكراب حق المستشفى
غزلان:من كلم ذا
فيصل:مدري شكل احد من المستشفى
وجدان:شرايكم نجلس بالحوش
سلمان:قبل لاتقولين مديت الفرشه
وجلسو الكل من ابو ذياب لرُوح
ام ذياب:وينه نياف طول
يوسف:ياجده تعرفينه اذا بيروح الشغل لازم يتروش
معاذ:هذا هو جاء
نياف:وجدانوه وين الايباد اخلصيني
وجدان:خير وش تبي فيه
نياف:اخلصينيي عادد ماني بفاضي لتس
رُوح مدت الايباد له وقالت:لاتصارخ كان معاي
نياف:فيصل طلعت سيارتي بالشارع؟
فيصل:ايي ماعليك
وركض للباب بيلحق على المستشفى
فتح الباب وطلع بوجهه محمد
نياف:بسم الله الرحمن الرحيم
محمد:الناس تسلم
نياف:انت مو المفروض تجي بكره وش جابك الحين
محمد:كيفي بيت جدي واجي بالوقت اللي ابي
نياف:خلصت؟ادخل داخل وانت ساكت
محمد دف نياف وطاح نياف على الارض
فيصل اللي وقف:هيي نيافف جاك شي
نياف:لالا ماعليك
مضاوي:محمددددد
وحضنته وصارت تبكي
معاذ اللي مشى لنياف اللي كان واقف ويناظرهم
معاذ:اشوف يدك
نياف:مافيها شي مع السلامه
معاذ:نياففف
نياف:والله مافيها شي اكلمك بالطريق
وطلع وركب سيارته وحرك على طول
وسلم محمد على الكل لين وصل لفيصل ومعاذ ويوسف اللي كانو جالسين عكس الباقي
محمد:ماراح تسلمون
فيصل ناظره من فوق لتحت وقال:معاذ نياف ماقال لك وش عنده
معاذ:قال اكلمك بنص الطريق
يوسف:قم قممم نكلمه
معاذ طلع جواله ودق على نياف
فيصل:رد؟
معاذ:اصبر ،نيافف
نياف:هلا معاذ
معاذ وقف وقال:وش عندك مشيت
نياف:جاء حادث كذا عائلة مع بعض ومافيه دكاتره عشان كذا
معاذ:اييي قل كذا
نياف:معاذ خلك معاي على الخط شوي
معاذ:ليه وش فيه
نياف:في سيارات تلحقني
معاذ:وينك فيه طيب
نياف:اصبر انت خلك معاي على الخط
(بمكان اول مره نزوره)
قبل ساعتين
ذياب:انت اول ماتطلع كلمهم وهم يلحقونه
محمد:تبي تنتقم منه؟
ذياب:ايييي باخذ حقي منه
محمد:ماعليك بسوي اللي علي وزياده
ذياب:ذيبب ذيببب طالع على ابوك
دخل العسكري واخذ محمد وطلع محمد
محمد:هذا هو وذي سيارته بتلحقونه لين تروح السياره ويموت هو
:واذا حنا رحنا فيها ماهوب هو
محمد:عاد كذا انتم الله يرحمكم
:كم بتعطينا طيب
محمد:عطيتكم كل واحد الفين ماتكفي يعني
:الفين ماتجيب شييي
محمد:مافيه غيرهاا ولابزود عليها انا وانتم اتفقنا وهذا المبلغ وخلاص
...................................................
نياف:اصبر انت خلك معاي على الخط
معاذ:طيب قل لي وينك فييه عشان اجيك
فيصل:معاذ شصاير
نياف:معاذ اسمع لازم اقفل بحاول اضيعهم
وقفل نياف بدون مايسمع رد معاذ
معاذ ناظر يوسف وقال:رح لسعود وعز وقل لهم يلحقوني على طريق مستشفى نياف بسرعه
فيصل:طيب قل لي وش صاير تيس انت تكلمم
معاذ:فيصللل اقولك قللل لهممم بسرعه
وطلع يركض لحوش السيارات وشغل سيارته وحرك بسرعه
ام ذياب:وش صايرر
فيصل:اكيد يستهبل ماعليتس
سلمان:تبون نروح
فيصل:لاانت ضل عندهم انا ويوسف بنروح
يوسف:اصبر بروح لسعود
وطلع لبيت سعود ودق الباب بقوه لين انفتح وطلع هتان وقال:شبغيت
يوسف:سعود وينه
هتان:داخل
يوسف دخل وقال:ياسعودددددد ياعززززز
طلع سعود من المجلس وقال:وش فيك
يوسف:نياف ياسعود
سعود:وش فيه
يوسف:كلم معاذ ومدري وش قال له وطلع معاذ يركض ويقول قل لسعود يلحقني
سعود:عزز هاتت المفتاح بسرعه
وطلع يركض يشغل السياره وركب معاه عز وراح يوسف لفيصل وحركو السيارات بسرعه
سعد:وش صاير ياهتان
هتان:مدري يقول نياف ومدري وشو
سعد:لايكون مات
سمعته ام سعد وقالت:وش تقوللل انتتتتت
شلوننن يموتتتتت
سعد:يمه وش فيتس
ام سعد:ياريففف هاتييي عباتييي بسرعه
ريف:سمي ياجده
وبسرعه جابت عباتها وطلعت لبيت ام ذياب ودخلت عليهم وهي تبكي
ام ذياب:وش فيتس يامها
ام سعد:حفيدي يموتت وانا ماادري عن شي ليه مااحد قال ليي لييييييه
ام فهد:منهو اللي مات ياخاله
ام سعد:نياففف نيافففففففف
ام ذياب:وش تقولييين انتييييي وشلوننن ماتتتتت توه طالع من عندييييي
ابو ذياب:لا حول ولا قوة الا بالله اجلسي ياام سعد وانتي يامناير اجلسي
ام ذياب:وشلونن اجلس تقول نياف ماتتتت
(كانو البنات يناظرونهم وهم مو فاهمين شي)
ام وصايف:يمه اجلسي انتي سمعتي معاذ وهو يقول له الحين اجيك اجلسي ياوصايف هاتي علاج جدتس ودقي على وحده من البنات تجيب علاج ام سعد
وفعلاً جابت وصايف العلاج ودقت على هتاف وجت هتاف ومعاها البنات كلهم وعنود وذكرى
ذكرى:صدق ولد سعود مات؟
ام وصايف:فال الله ولا فالتس اسكتي بس
ذكرى:الحين اذا مات من ياخذ فلوسه
وجدان اللي صرخت عليها وقالت:انتيي هييي والله لاادفنتس مامات ولاشي جعلتس قبله يالسوسه يالتبنهه قسم بالله لااخليتس تموتين
ذكرى:وش بتسوين
وجدان اللي كانت كارهه ذكرى قامت عليها وضربتها كف وقالت:قسم بالله اذا تكلمتي اللي بيجتس اكثر من كف
نغم:انتيي هيييييي بأي حق تضربين امييي
وجدان:اسكتييي انتييييي لايجيتس كف مثلها
نغم خافت منها وسكتت وهي تتوعد فيها
ابو ذياب:امش ياسلمان
سلمان:وين ياجدي
ابو ذياب:للمجلس امش امش
ومشى سلمان ومعاه محمد للمجلس وجلسو كلهم ينتظرون شي عن نياف
..............................................
بالمستشفى
..............................................
دخل معاذ يركض وكان يدور على نياف
معاذ:لو سمحت ابي دكتور نياف جاء؟
:ايي في الطوارئ
راح معاذ للطوارئ وضل واقف لين دخلو العيال وهم يدورونه بعينهم
فيصل:هاهه وش صاير
سعود:معاذ خبصت اهلنا قل شفيك
معاذ:فيه سيارات تلحق نياف
عز:اي سيارات
معاذ:مدري يقول بضيعهم وقفل ومعاد رد
يوسف:طيب شفته
معاذ:لا
سعود:مو ذي اللي جت المخيم
معاذ:الا
يوسف:تالين
تالين:هلا؟
يوسف:نياف ماجاء
تالين:لاوالله ندق عليه جواله مغلق
جاء ممرض يركض لتالين وقال:دكتوره تالين جت اربع سيارات اسعافف
تالين ركضت معاه وشافت نياف معاهم وقالت:اهلك يدورون عليك
نياف اللي كان يضمد يده قال:الحين بجيهم
تالين:عينك شفيها؟
نياف:سالفه طويله خلينا الحين بالمرضى
وكانو تقريباً سبع اشخاص وكانت الاصابات قويه
معاذ:ياعيال لايكون نياف معاهم
فيصل:مو انت تقول نياف في الطوارئ
معاذ:ماتشوف ذي تقول ماجاء ولايرد
يوسف:يمكن تقصد واحد ثاني
الممرض:لو سمحت هذا دكتور نياف
سعود:مو ذا نياف اللي ندور عليه
الممرض:ماعندنا نياف ثاني هنا على مااعتقد
فيصل اللي عصب وقال:شلون مافيييه الا فيييه دور عليه وطلعه من تحت الارض
عز:فيصلللل
فيصل:ماتشوفه يقول مافيه نياف عندنا يستهبللل
معاذ:هلا سلمان
سلمان:هاه وش صار معاكم جت جدته تقول مات
معاذ:سلمان دبرهم تكفى قول انه بخير ولافيه شي
سلمان:طيب هو عايش ولا
معاذ:وش دراني انا محد قاعد يقول لنا شي
سلمان:اسمع عاد رد لي خبر
معاذ:زين
فيصل:معاذ شف شف
معاذ:يوسف وش تسوي
يوسف:اضبط شكلي عشان اذا سمعت خبر مو زين يكون شكلي حلو بعدين يصير مخيس
سعود:تستهبل انت
يوسف:والله اني صادق عز مامعاك عطر؟
معاذ:يوسفف وشو عطره عطرك دخل بنخاعي اسكت بس
جاهم نياف وهو يركض
فيصل:نيافففففففف انت حيي مامتتتت
نياف:بسم الله علي وش عندكم جايين
معاذ:نزل الكمامه اول
نياف:مااقدر عندي مريض من الحادث بشوفه بس قلت بشوف الوراعين اول
عز:تراك ترجع معانا
نياف:هو مريض واحد بخلصه واجيكم
يوسف:يدك شفيها
نياف:من الحادث
سعود:سويت حادث؟
نياف:مو قال لكم معاذ ان فيه سيارات تلحقني وكانت احاول اضيعهم لين صار حادث وسيارتي راحت فيها وانا طلعت بخير الحمدلله عشان كذا جيت بإسعاف
فيصل:اسحب على المريض طيب
نياف:مافيه الا اربع دكاتره بالاسعاف مايمدي
تالين من بعيد:نياففف وقف قلبها
نياف راح يركض وكان يحاول يرجعها للحياة وهو يشوف امها وابوها قدامه
تالين:نياف حاوللللل
نياف:ساعة الوفاة ١١:٣٥مساء يوم الجمعه
صرخت ام الطفله وكان نياف يناظر جسد الطفله وعيونه دموع
تالين:نياف حركت اصبعها
نياف ناظر الطفله اللي قدامه صرخ وقال:رجعت للحياه خلونا نوديها للعنايه
وركضو كل الممرضين يودونها للعنايه
تالين:نياف قل لاهلها
نياف تقدم لاهل البنت وقال:البنت بخير مافيها شي ورجعت للحياة بس الحين بنوديها للعنايه لين تستقر حالتها
ابو البنت:يعطيك العافيه يادكتور
نياف:الله يعافيك
ومشى لتالين وقال:صح كذا مابقى احد
تالين:ايي تقدر ترجع لبيتكم واسفه اني اتصلت عليك وانت بإجازه
نياف:لاعادي وهذا شغلنا يلا مع السلامه
ومشى للعيال وكان يركض لفيصل
فيصل:شفيك
نياف حضنه على طول وقال:تعبت يافيصل الشغل يتعبب
معاذ:نياف ترجع مع فيصل
نياف:عادي
فيصل:امش معاي ويوسف ينقلع مع معاذ
نياف:يلا امشو
ومشو للسيارات وكان نياف مع فيصل وحركو على طول
(بعد ساعة ونص)
انفتحت البوابة حقت البيت
وقفت ام ذياب تنتظر نياف ينزل
نزل فيصل ومعاذ ويوسف وعز وسعود
ام ذياب:وين نياف
فيصل:يكلم
نزلت دموع ام ذياب وكان نياف يكلم بالسياره ولمحها وقال:اكلمك بعدين يانادر
وقفل من نادر ونزل من السياره وقال:وش عندها مناير تبكييي
ابتسمت غزلان على صوته وقالت:تبيك يانياف
نياف:خليني الحين كلي دم مايمدي
سعود:رح غير ملابسك وتعال نبي نسولف
نياف:دقايق بس
وركض لداخل يغير ملابسه وجلسو العيال وقال فيصل:جده مناير والله لو ان نياف انا تبكين عليه
معاذ ضرب فيصل وقال:اسكت بس
غزلان:تستاهل مسوي تضحك وانت عارف غلى نياف عند امي
فيصل:انتي اسكتي صوتتس يجيب لي الغثى
نياف من وراه:الا غزلاني عاد تسكت انت ولا
غزلان:اضربه بالله
نياف:مقدر قلبي مايطاوعني
ومشى يجلس بين ام ذياب وام سعد
ام سعد:وش بهم يدك وعينك
نياف:يدي انجرحت وعيني حساسيه
سعود:وين جدي محمد وسلمان ومحمد
ريف:جدي محمد راح للمشب حق الديره ومعاه محمد
نياف:وسلوم وينه
مضاوي:اذا تبيه رح دوره
نياف وقف وقال:ومن مايبي سلوم
غاده:انا
نياف:ادري عشان كذا مااطيقتس
ومشى للدوانيه وحصل سلمان على جواله وقال:سلومييييي
سلمان فز على صوته وقال:نيافففففففففف
نياف حضنه وقال:لبيه ياعينه
سلمان:جدتك خبصتنا تقول نياف مات نياف مات
نياف ضحك على تقليد سلمان لام سعد وقال:امش امش معاي برا ابيك بحاجه
سلمان مشى معاه لبرا وجلسو كلهم وكانت جلسه حلوه
عنود:ايه ياعمه وش صار بعدها
ام ذياب:صفقت غدير راس الولد وطلع الولد هذا تركي وسبحان من كتب لهم نصيب مع بعض
نياف صفق وقال:خالتي غدير نبي قصة الحب
ام وصايف:لالا مااقولها
نياف:طيب شرايكم نغني
فيصل:وشهي الاغنيه
نياف تنحنح وقال:من عقب لي صار جيتني محتار وفـر الأعذار، تفداك السنين طير ودك طار واسمع باختصار يا زمن غدار وين الوافيين
صفقو العيال كلهم وقالو بصوت واحد:
من عقب لي صار جيتني محتار وفـر الأعذار، تفداك السنين طير ودك طار واسمع باختصار يا زمن غدار وين الوافيين
يوم كنا صغار في ربوع الدار نرسم الأفكار ورد وياسمين عازف الأوتار لا تزيد النار في القلوب أسرار وأشواق وحنين
ام وصايف: صار ليلي نهار والفكر استثار
قصة المغوار حرب العاشقين شائت الاقدار في حسم القرار ما يرد الثار دمع الراحلين
وليف ومواليف ووصايف وغزلان بصوت واحد:ما قلتلي ناوي تسافر، فاجئتني بساعة رحيلك ما قلتلي ناوي تسافر، فاجئتني بساعة رحيلك خليتني جالس وأحاير، جالس تحت ذكرى مقيلك ما قلتلي ناوي تسافر، فاجئتني بساعة رحيلك خليتني جالس وأحاير، جالس تحت ذكرى مقيلك
نياف وفيصل:عيد النظر فيني وساير، في الود ما قصر خليلك يالفيك من الأشواق طاير، تاجاً على راسه يشيلك عيد النظر فيني وساير، في الود ما قصر خليلك
يالفيك من الأشواق طاير، تاجاً على راسه يشيلك
ام يوسف وام فهد:ما فادني طب ودخاتر ولا عاضني حداً بديلك فيك الحلى والزين نادر، فايق على عصرك وجيلك ما فادني طب ودخاتر ولا عاضني حداً بديلك فيك الحلى والزين نادر، فايق على عصرك وجيلك
سعود:ياما قضيت الليل ساهر وإنت مريح تنام ليلك من كان عندك صعب باكر يرجع ولو يكثر عويلك ياما قضيت الليل ساهر وإنت مريح تنام ليلك من كان عندك صعب باكر يرجع ولو يكثر عويلك
فيصل:جده مناير
ام ذياب:سم شبغيت
فيصل:نبي نطلع للنفود اذا عادي
ام يوسف:وش تبون بالنفود بالحر
سعود:انا قلت له ياخاله والحين مابدا الصيف وللحين برد ومطر والاجواء حلوه خلونا نروح الصبح ونرجع الساعه عشره
ام سعد:يمه منكم اذا تبون شي تسوونه
نياف:هاه تبون نروح ولا لا عشان اطلع الشاص
فيصل:بتفحطط؟؟؟
نياف:اييي
ام ذياب:خلاص نروح بس يروح معانا جدكم وعمكم سعد
فيصل:تمممم
نياف:يلا قومو الساعه ثلاث الفجر
فيصل:تو الوقت
نياف:يبه ماجاء؟
معاذ:لاقالو بيصلي بالمسجد ويجي
نياف:زين
يوسف:ياعيال البسو ثياب وخلونا نصلي بالمسجد مره وحده
سعود:انا لابس ثوب كيفكم انتو
نياف:ثوبي جاهز
فيصل:حتى انا يلا امش انت ومعاذ وسلومي ويوسف
عز:جيبو لي ثوب معاكم
نياف:تعال طيب
وقامو كلهم يلبسون ثياب لان الصلاة الساعه اربع
فيصل:نيوف تبي تتلثم
نياف:ايي احسن
ولبسو كلهم واللي لبس كاب واللي تلثم
نياف:يلا امشو
وطلعو كلهم للحوش وقال سعود:يلا امشو
نياف:بطلع الشاص اصبر
فيصل:تطلعه اذا جينا امش
ومشو للمسجد وبطريقهم للمسجد شافو ابو ذياب وقال نياف:يبه نبي نروح للنفود تجي
ابو ذياب:وش يودكم له
نياف:طفشنا ونبي نروح
ابو ذياب:خلاص نروح
وراحو يصلون وجلسو بالمسجد لين طلعت الشمس وراحو للبيت وحصلو الكل جاهز
نياف:من يجي بالشاص معاي
فيصل:انا
سلمان:لا انا
معاذ:لا انت ولا هو انا
نياف:يوسف انت ولا سعود تجون معاي
ابو ذياب:انت بالشاص لحالك والباقين بالسيارات
نياف:اجل يلا
وركبو كلهم السيارات وحركو كلهم
(بيت ابو غرام)
ام غرام:انت قلت انا اتصرف ليه ماتصرفت قبل يرجعون
ابو غرام:الولد مايبي بنتك غصب هي؟
ام غرام:بنتك فضحتنا الكل صار يتكلم علينا حتى عيال عمها مايبونها
ابو غرام:يروحون ولااشوفهم اصلا مااتشرف فيهم ولابعطيهم وحده من بناتي وبنتي بيجيها نصيبها
ام غرام:نصيبها مع نياف او واحد من اهله
ابو غرام:لامع نياف ولا غيره نياف مايبي بنتي وانا ماالومه متزوج وعرسه قريب
ام غرام:تدري بتوصل فيني المواصيل اخرب زواجه اهم شي بنتي تكون مبسوطه
ليال:ماما بنتك تكون مبسوطه على تعاسة بنت غيرها؟ترضينها لوحده من بناتك؟
داليا:عاد خلاص ربي مايبغاهم مع بعض مو غصب انتو عاد
غرام:ايي غصب
ليث:مو انتي قلتي ذاك اليوم انك ماتبغينه وش تغير
ام غرام:كل شي تغير وصارت تبيه
ابو غرام وقف وهو معصب:لاتحديني على شي انا ماابيه الولد مايبي بنتك ورفضها قدام الكل وقدام اخوها واهله بعد
وطلع برا البيت ولحقه ليث وقالت داليا:
عاد ليتك ياغرام توصلين مواصيل زوجته واضح عليها عاقله ورزينه وثقيله وماتمشي ورا كلام امها واللي تبغاه يصير
ام غرام:وقص لسان اسكتي
ليال:امشي داليا نكلم وصال وغاده
داليا:بيطلعون وجوالاتهم بالبيت
.......................................................
نياف:ماخلصو الاغراض؟
وجدان:لاباقي كرتون مويه
نياف سحب الكرتون ونزله وقال:كذا خلاص
ام وصايف:اجلس يلا
نياف:لالا مابي
ام وصايف:اقول اجلس
نياف:ياخاله بجلس بس صبر
وركب الشاص وقال:توصون؟
فيصل:بجي معاك
نياف:تعال
عز:وانا بعد اصبر
وركبو فيصل وعز قدام ومشى نياف وكانو البنات واقفين بيشوفون التفحيط
ابو ذياب:اجلسن يابنات
وجدان:جدي نبي نشوف
ابو ذياب:اجلسن اقول
وجدان:شفف حتى معاذ واقفف مو بس حنا
معاذ:يليللللل صدققق وش تبين فيني انتي اجلسي وانتي ساكته
وجدان اخذت تراب بيدها ورمته على معاذ وقالت:تكلم ثاني مره معاي وبدخله بعيونك
معاذ:خاله غدير امسكي هالملسونه عني لااكفر فيها
ام وصايف:وانت تكلم مع بنتي زين عشان امسكها
وجدان:احسن احسن
معاذ:وليف اصفقيها
وجدان:تلمسني وتشوف تراني امانه عند نياف ونيافوه يعصب اذا احد ضربني كيفكم
يوسف:خفي علينا يامحور الكون
وجدان:اسكت بس انت شايب وتتكلم مع الصغار
صرخت وصال وقالت:شوفيي شوفييييييي
وناظرو كلهم لتفحيط نياف وصراخ عز وضحك فيصل وهواش نياف
ام ذياب:الله يستر لايصير فيهم شي
محمد:لو صار فيهم شي عادي محد زعلان عليهم بس بنفتك من شلة الفساد
سعود:ذا اللي يبيني ادفنه
عايض:سعود خلاص عاد
جاء الشاص اللي فيه نياف وغبر عليهم وكل البنات صارو يصارخون
نياف وهو ينزل:هدو هدو ماسويت شي
ذكرى:ماسويت شي وانت مليتنا؟
نياف:عادي طيب تراه تراب
رُوح ركضت لنياف وقالت:تبي تلعب انت والعيال؟
نياف:وش نلعب
رُوح:تركضون
نياف:اسأليهم مدري عنهم
معاذ:تم قبل لاتقول
سعود:نزلو حذيانكم عشان نركض زين
نياف:عايض هتان تلعبون؟
محمد:وماتسأل ولد خالك؟
نياف:ودك قم ماودك اجلس
قام محمد وعايض وهتان وقالت عنود:
شوي شوي ياعيال
سعود:ماعليتس يايمه
يوسف ربط ثوبه على خصره وقال:ماتفوزون
علي
نياف ناظره وقال:من اللي يعد
ابو ذياب:واحد اثنين ثلاثه
وركضو كل العيال وكان يوسف قدامهم وطاح وطاحو كلهم فوقه وضحكو كلهم
فيصل اللي يحاول يشرح شكل يوسف:انبطح تقول بعير
يوسف:قممم انت وياهه
قامو كلهم وناظرو شكله وثوبه اللي كله تراب
وانهارو ثاني مره
عز وهو يمسح دموعه من الضحك:انت نمت على الترابببببب
نياف:خلاص عاد امشو لاتضحكون على سوفي
يوسف:قصرت وانت تضحك وتهاوش
سعود:قومو قومو نرجع
وقامو كلهم يرجعون وكانو يمشون جنب بعض
ابو ذياب:من فاز
نياف:محد
ام ذياب:ليه محد
عز:يوسف انبطح وطحنا فوقه
ضحكت وجدان بصوت عالي وقالت:امااا عاد
نياف:والله صدق شوفي وجهه صار كله تراب
ام يوسف:يمه يوسف صار فيك شي؟
معاذ:يمه ماصار فيه شي ذبحنا شوفي وجهي تشوه
ام يوسف:انت لو تشوه وجهك عادي مااقول شي
معاذ:عشاني بينه وبين فيصل وش ذا غش
نياف حضن معاذ وقال:كلنا بالهوى سوا
معاذ:لاتكذب انت مسوي نفسك اسكت بس
نياف تنهد وهمس له:البلشه انك اخوها مقدر اسوي شي
معاذ صفقه على راسه وقال:اسكت بس ماتستحي
نياف مشى وجلس وقال:والله لاافضحك
ابو ذياب:وشو تفضحه وش مسوي
نياف غمز لمعاذ وقال:اقول؟
معاذ:اسكت بالله
وجلسو يسولفون لين دق جوال ام ذياب وردت وقالت:هلا يافاطمه
ام غرام:ايش اخبارك ياام ذياب
ام ذياب:الحمدلله اخبارك انتي واخبار البنات
ام غرام:الحمدلله بخير بس بطلبك طلب
ام ذياب:أمريني
ام غرام:بكلم نياف
ام ذياب بإستغراب:نياف؟وش تبين فيه؟
ام غرام:ابي اقول له شي
ام ذياب ناظرت نياف وقالت:امسك كلم
نياف:من اكلم
ام ذياب:ام غرام
نياف اشر لها بمعنى:والله مااكلمها
فيصل:هاتي الجوال انا اتكلم معاها
وسحب الجوال من يد جدته ورد وقال:وشو
ام غرام:وش اخبارك يانياف
فيصل:ماني نياف وش بغيتي
ام غرام:انا قلت ابي نياف عطيني اياه
فيصل:شوفي عاد لاتغثينا تراني محترمتس لانتس كبر جدتي بعدين وش تبون بنياف فكوه تكفون الولد شوي ويحلم بكم مهبل انتي وزوجتس وبنتس كل هذا حب للزواج
ام غرام:ولد انت احترم نفسك وتكلم زين
فيصل:الحين اخلصيني وش تبين من نياف
ام غرام:ابيه بشي مايخصك
فيصل:دام الموضوع فيه نياف اكيد يخصني
ام غرام قفلت بوجهه وقال فيصل:ذي ماتستحي قسم بالله لااروح لها وانتفها
ام يوسف:الحين هم وش يبون
سعود:يوم كانو عندنا سمعناهم يقولون ان لازم نياف يتزوج غرام او واحد من اهل نياف
مضاوي:وش عندهم ميتين علينا
نياف ضحك وقال:لانكم اهل نياف وهم حبو نياف اذا مافيه احد يحب نياف يتكلم ويصارحني
وصايف:ياشينك بسس اسكت
نياف:هاه هذي اولها
وصايف:قسم بالله يقهر
معاذ:بنات غدير وتركي اليوم بس يتهاوشون ويتكلمون
وجدان:وصايف استلمي ذا تراه يقهر
غزلان:اقول انتي الا معاذ
وجدان:من زينه ابو كرش
سعود همس لعز وقال:اي وحده انت ميت بهواها
عز بنفس الهمس:وصايف
سعود:امااا عاددد
عز:وشو
سعود:اخت وجدان ذي قسم لاتاكلك بلسانها قبل لاتخطبها
عز:اسكت بس ماعليك مني
فهد:انت وياه وش تقولون لبعض نبي نعرف
سلمان:اصبر انت تلقاهم يحبون
سعود:انا والحب مانجتمع
معاذ:ياسعود قل لهم اني حبيبك اللي ماتدري بحبه اللي يعشق فيك عيبك شافك الكامل بقلبه
نياف ناظر معاذ وقال بصوت عالي:انتتتت تحببببببببب
فيصل:ذا يحب من زمان بس مادري منهي
نياف:عاشش عاشش ولددد باسممم
ام سعد:خلوه يحب الحب حلو
نياف اشر على نفسه وقال:انشهد واسأليني انا بعد
فهد:انت اللي كنت تقول مابتزوج وعرسك قرب
نياف ناظر يد ام ذياب ومسكها وقال:وحبيت اللي تحبها امي
غزلان رمت عليه علبة مويه وقالت:وجع اسكت بس الكل يحبها مو بس امي
هديل:عمه اصايل اضربيه تكفين
غاده:وعلى راسه بعد
نغم:لالا على كتفه
نياف:وعلى رقبتي بعد شرايكم
وصال:ايي احسن
بدور:جدي اضربه على ظهره
ام ذياب:انا اضربه ليش جدتس وانا موجوده
وضربت نياف على ظهره بشويش
بيان:والثانيه عشاني ياجده تكفين
نياف:انتي بيانوه خليها تضرب يوسف شدخلني انا
وجدان:نياف تكفى اسكت
معاذ:اسكتي انتي اول بعدين يسكت
ريف:وجدان امسكي ذي وارميها عليه
وفعلاً اخذت وجدان علبة المويه ورمتها على معاذ وجت بفيصل وقالت:اسفه كنت ابيها بأبو كرشه
ودق جوال معاذ ورد وهو يقول:هلا نادر
نادر:وين نياف مايرد
معاذ:نياف هج مايبي احد منا
نادر:قل الصدق وينه
معاذ:عندي شتبي فيه
نادر:وانت شدخلك عطني اياه
معاذ:امسك نيافوه
نياف:هلا نادرييييي
نادر:هلا فيك بتجي اليوم
نياف:من ولد العم سعود لييينن اصغر واحد مدري منهو
نادر:زين زين بعدين شعندك قاعد للحين
نياف:وانت شدخلك مع السلامه
وقفل من نادر وقال:ياعيال ترانا بنروح اليوم لنادر نتسحر عنده
ابو ذياب:اجل خلونا نمشي عشان البنات بعد بيجون بنات الديره عندهم
نياف:اصبرو شوي
يوسف:قم قم لم العفش
نياف رفع يده وقال:مصاب مصابب
فيصل:تذكرت اغنيه
نياف:وشهي
فيصل:يا حلو من فاتني سهمك ترى صابني
قلبك ترى خذني مني معاه
عز وهو يشيل الفرشه:يا نبضي في قلبي يا عمري يا عقلي يا روحي يا كلي أنا يا ساحرني بكلامك بطيبك وإبتسامك ترى الماثل أمامك من نظرة يذوب
يوسف:ما صدق ها اللقا حلم الله حققه
شال اليأس شققه ولبس الوله ثوب يا ساحرني بكلامك بطيبك وإبتسامك ترى الماثل أمامك من نظرة يذوب ما صدق ها اللقا حلم الله حققه شال اليأس شققه ولبس الوله ثوب
سعود:في قلبي كلام عن قصة غرام عاشق مستهام ما يحيى بدونك حالف ما يجوز ولا عنك يجوز ولا أية كنوز تعوضني عيونك
ابو ذياب:اخلصنا انت وياه ورانا اشغال
نياف همس لأبو ذياب وقال:موعدك ثالث يوم برمضان
فهد:جديي غش والله غش يوم نياف يغني ماتهاوش بس حنا
عايض:انسحب علينا
نياف:ياعيال من يسوق الشاص معاي
معاذ:قبل الكل انااا
نياف:خلص تم
سلمان:ودي ارقص
نياف:بكره رمضان اسكت بس
محمد:وانت ترقص عادي
نياف:محمد قسم بالله راسي يوجعني ماني ناقصك ابد
محمد بإستفزاز:سلامتك بس راسك يعورك
نياف ناظره بحده وقال:يلا معاذ امش
مشى معاذ وركبو الشاص وحركو قبل الكل
فيصل:جديي ياخييي خل البنات يشيلون معانا
ابو ذياب:شل وانتتتت ساكتتتت
سعود:والله غش حتى هن كانن معانا لازم يشلن
وجدان:جدي قال شل وانت ساكت
سعود:دام ذي تكلمت بشيل وانا ساكت لاتاكلني بلسانها
الكل ضحك لان كل العيال يخافون يطيحون بلسان وجدان اللي كانت مسببه لهم رعب
وشالو كل شي ومشو للبيت
وصلو البيت وحصلو نياف شايل بنت صغيره وقدامه حرمه ويسولف معاها
وليف:منهي ذي
غزلان:ذي ديم اخت نادر بس اللي قدامه مدري
فيصل وقف جنب نياف وقال:شخبارها
نياف:منهي
فيصل:ذي(واشر على الحرمه اللي قدام نياف)
نياف:ماتعرفها؟
فيصل:لا منهي
نياف:ام نادر نسيتها بهالسرعه؟
فيصل ناظر ام نادر وسلم عليها وقال:
ماعرفتها انا كبرت وهي صغرت
ام نادر:وين البنات ولا وحده نزلت تسلم
نياف:اصبري بقول لهم
وتوجه للسياره وفتح الباب وقال:تعالن سلمن عليها
وليف ناظرته ونزلت من السياره وراحت داخل وقالت وجدان:منهي ذي
نياف:ام نادر كانت تمشي ومعاها ديم وشفتها انا ومعاذ بس هو راح داخل مع يمه وخالاتي
ونزلو كل البنات يسلمون عليها واخذت ديم ومشت ودخلو البنات كلهم داخل وريف والبنات راحو لبيتهم
دخل نياف غرفته وحصل وليف قدامه وقال:
هلا والله
وليف:لاهلا ولا غيره
نياف:وش عندتس منهو معصبتس
وليف:مو معقول تراك كل شوي طالع لنا بقصة جديده
نياف بإستغراب:اي قصه وش تقولين انتي
وليف:مره ام غرام واتصالاتها الغريبه وانها تبيك لغرام وتبي تزوجك غرام وثاني شي حادثك اللي ماعلمت عليه احدد ابد وماقلت لاحد الا العيال!وقبل شوي الحرمه اللي واقف معاها وتضحك انا ماضحكت معاي كذا ولاشايل ورعتها وتسولف معاها وش شعور زوجها لو شافكم(ام نادر شكلها مبين صغير)ماتقولل لي عن شعوره؟الحين انت اذا شفتني واقفه مع واحد واضحك مابتحس بشعور غريببب
نياف:تستهبلين انتي؟وانا شدخلني بغرام وامها هم نشبو لي انا شدخلني قولي ليي والحرمه ام نادررر ياوليف ام نادر
(ماسمع كلامها وردها على كلامه وطلع من الغرفه وراح للعيال بالشقه)
فيصل:شعندك متضايق
نياف:ماعندي شي
معاذ:لايكون وليف مزعلتك
نياف ناظره بدون رد
سلمان:الا الا مزعلته ياعيال
يوسف:وش مسويه وليف قل لنا
نياف قال لهم كل كلامها وقال فيصل:
ماتوقعتها تغار لذي الدرجه
نياف:وشهي غيرته تلقاها معصبه ومالقت الا انا
يوسف:احح اححح اخونا بالله زعلان وبقوه
نياف:بالله يوسف اسكت
معاذ ناظر نياف وقال:انت بك شي بس مادري وشهو
نياف:لاشي ولا هم يحزنون انا انسان عايش سعيييدد
فيصل:سعيد ولد ابو سعيييد؟
نياف:فيصل اسكت
سلمان:ماتلاحظون ان فيصل سامج
نياف غمز لهم وقال:وجدا
فيصل ناظرهم وقال:وش بتسوون
فهد:اصبر شوي
ونطو كلهم عليهم وصار يصارخ بقوه وبصوت عالي لدرجة ان الكل صحى على صراخه
دخلت ام يوسف تركض وهي تقول:فيصلل
شفيككككك
فيصل بصراخ:شيليهممم عنييييي
ام يوسف:يمال الوجع انتتت وياهه كل هذا الصراخ ليييه
دخلت ام ذياب وحصلت العيال واقفين ويضحكون
ام ذياب:اعرف هالحركات انت وياه وش بلاكم لو الولد منكسر
فهد:جده هذا نياف ياكثر مانطينا عليه ولا قلتي شي
سلمان وهو يضحك:وهذا الورع هو السبب
(اشر على نياف)
نياف:وش سويييتتتت
ام ذياب قربت من نياف وضربته بعصاتها وقالت:لو الولد منكسر
نياف:اوهوه عاد ترا كلها كسور وش بيصير
ام ذياب ضربته وركض نياف برا وهي وراه والعيال وراهم ويضحكون
نياف:اتركينييي ماسويييت شييي
ام ذياب:وقف يانياففف
نياف:والله مااوقف اتركينيي يابنت الناس تعبت والله تراني تعبان ابي انام
فيصل:نامت عليك ناقه
نياف:كل تبنننن انت ولا اسمع صوتك كله منك، معاذذذ امسكك يمه لييين اهج
معاذ:اخاف اصير معاك
نياف وهو يركض:انا بروح لغرفة غزلانننن
دخل لداخل ونسى ان البنات بغرفة غزلان وفتح الباب بقوه وام ذياب وراه والعيال يضحكون على فهاوته
غزلان:وشش صايرررر
نياف بصراخ:امتس تضربنيييي فكينييي منهاا
غزلان:وش سويييتت
نياف:مو وقتس
بيان:اطلع برااااا
نياف:انتي بعدد اسكتي قاعد انضرب انا وحده تفكنييييييي
واستوعب وغطى عيونه وطلع من الغرفه وركض لفيصل وطيحه على الارض وقال:
قسم بالله لاادفنك يالكلببب تخليها تضربني ليه
فيصل:نيافوههه نبي ننام انقلع عن وجهي
نياف:مالت عليك وعلي وعلى العيال كلهم
معاذ:وش دخلنا حنا
نياف:ولاكلمه اسكت
سلمان:وش عندك انت
نياف:ولاشي اصلا بروح
يوسف:ويين
نياف:قلعة وادرييييينننننن
فهد:هدددد شوييي
نياف ناظره ولارد وراح لغرفته يجهز شنطته
دخلت وراه غزلان وشافته يجهز شنطته وقالت:وش تسوي وين بتهج
نياف:بروح واجي وين بروح يعني
غزلان:وجعاه اخلصني وين بتروحح
نياف:بسافر كم يوم
غزلان:لاوالله تستهبل انت
نياف وهو يسكر الشنطه:والله اني صادق طفشت من الديره وتعبان اصلا
غزلان:صدق ليه امي ضربتك
نياف:لاني قلت للعيال ينطون على فيصل وهي شكلها معصبه وطلعت حرتها فيني
غزلان:طيب تعرف ليه وليف معصبه وزعلانه؟
نياف:لا
غزلان:غريبه يعني ماجبت طاريها الحين ابدد ولاشي غيره وبعدين بسيارة مين بتروح
نياف تنهد وقال:بسيارة معاذ توصين؟
غزلان:علمني طيب وين بتروح
نياف:مابي اقول وباس خدها وطلع من الغرفه وراح للسياره تحت انظار وليف اللي تشوفه من شباك غرفة غزلان اللي بالدور الثاني
لمحها تناظره وركب سيارته وحرك بسرعه
وارسل رساله لنادر يعتذر منه لانه مابيحضر السحور اليوم
عند البنات
دخلت غزلان الغرفه وهي تناظر وليف
وجدان:ايي ليه جده تضربه
غزلان:يقول لانه قال للعيال ينطون على فيصل
بيان:طيب يعوره شي؟
غزلان:مدري عنه بس كان يلبس تيشيرته وظهره مكان عصاة امي
بدور:وينه الحين طيب
غزلان:سافر
ناظرتها وليف وقالت:ليه ووين راح
غزلان:مدري عنه والله بس قال بيرتاح كم يوم لان مضغوط من الكل
مواليف:مسافرر بدون مايعللممم ولييف
غاده:كم يوم بيقعد طيب؟
غزلان:مدري والله بس بيدق علي اذا وصل
وصال:وسحورر نادررر كيف بيروح له؟
هديل:اكيييد اعتذر منه
غزلان:الحين كيف ومتى خطط يسافر
وجدان:شكله مخطط من زمان وجت جده وضربته وقرر يهج مره وحده وشكله بعد كان يدور الزله
غزلان:السؤال الاهمم وين مسافر كذا بدون مايعلم احد؟
هديل:والله انا بنام واذا عرفتن شي قلن لي
غاده:ذا اللي فالحه فيييه بس نومم
مواليف:اصبر هدولي بنام عندتس
غزلان:الحييين صدق قبل لاننام
وجدان:وش تبيين
غزلان همست لوجدان:كان متضايق من وليف تتوقعين ليه؟
وجدان:يوم رحتي قالت انها راحت له وتهاوشت معاه عشان موضوع ام نادر وام غرام والحادث وذي والامور
غزلان:اوفف اوففف كل ذا
وجدان:ياعزتي له كل شوي تجيه صدمه
غزلان:تدرين عاد
وجدان:وشو
غزلان:ان الموضوع اللي سافر عشانه فيه ضيقة خاطره وجدا
وجدان:وين راح هو طيب
غزلان:مدري
وجدان مسكت يدها وقالت:بسوي شي تجين معاي؟
غزلان فهمت عليها وقالت:قداممممم
وقامو كلهم يوم شافو البنات نامو ماعاد وليف
غزلان:وليف تعالي بنجلس برا
وليف:مابي بجلس هنا
وجدان:اقوللل قومي بنجلس بغرفة نياف اصلا
وليف:ليه بغرفته
غزلان:الناس كلها نايمه امشي معانا بنسوي شاهي وكذا
قامت معاهم بعد محاولات اقناع
راحو لغرفة نياف وجلسو كلهم على الارض بعد ماسوو شاهي
وجدان:وليفوه
وليف:شتبين
غزلان:شوفي حنا ندري انتس تهاوشتي مع نياف بس الشي اللي ماندري عنه انه راح وهو متضايق بس منتس ولامن امي ماندري؟
وجدان:اسمعي عاد انتي ام راس كم مره حنا نقول لتس ياوليف نياف لايتضايق لان هالتيس متهور لو تضايق يمكن يودع وهو يمشي بالله انتي اول ماجينا ماشفتيه يوم جبنا طاري عمامه وش سوا ماضرب يده بالجدار وعصب وبدا يكسر الاغراض؟لاتقولين مو بيدي لو الامر مو بيدنا كلنا انفجرنا عليه او على غيره ولاتزيدينها عليه بسبب ايش بسبب غيرتتس من غرام وامها وام نادر ماقال لتس انها ام نادر ليه ماصدقتيه؟وام غرام وغرام التبن تدرين وتعرفين انهن ناشبات له عشانه وداها لبيتها وساعدها ومدري وشو
وليف ناظرتها بدون رد وقالت غزلان:تبين تكلمينه نطلع حنا وعاد انتي نامي هنا يمكن يجي واذا جاء يلقاتس هنا
وجدان اشرت لغزلان وقامو طلعو من الغرفه واخذت وليف جوالها من جنبها واتصلت على رقمه
(عند نياف)
الساعه ٤ العصر
وصل الفندق بعد خط طويل ومتعب ودخل غرفته ونزل اغراضه واخذ شور وطلع على صوت جواله رد بدون مايشوف الاسم:هلا غزلاني تراني وصلت
وليف:ماني بغزلان
نياف:شبغيتي
وليف:وينك؟
نياف:مااتوقع يهمتس
وليف:نياف قول لي وينك فيه
نياف:يابنت باسم ابي انام مو وقت ويني فيه
وليف نزلت دموعها وقالت:متى بترجع طيب
نياف لاحظ تغير صوتها وقال:شعندتس تبكين
وليف شهقت وقالت:مابكيت صوتي تغير من المكيف
نياف:انتي بغرفة غزلان ولا؟
وليف:بغرفتك
ابتسم وقال:بتنامين فيها ولابترجعين لغرفة غزلان؟
مسحت دموعها وقالت:بنام فيها
نياف:ساعتين واجيتس لاتنامين
وليف:تستهبل انت توك زعلان ومدري وشو وبترجع نم اول بعدين ارجع
نياف:صح اني متضايق منتس بس قلبي ماقدر يتركتس وانتي تبكين وقلبي مو مثل
قاطعته وقالت:مو مثل قلبتس قاسي ويجرح
ضحك وقال:احب اللي يفهمون
ابتسمت وقفلت وراحت لسريره وانسدحت فيه وغفت عيونها
بالنسبه لنياف كان متضايق جدا من كلامها بس بعد ماسمع صوتها خفت ضيقته وحلف ان يرجع ولايقدر يخليها كذا تبكي بسببه وبغرفته وبسرعه لبس واخذ اغراضه ومشى يعطيهم مفتاح الغرفه ويلغي الحجز
وحرك لأجل عيونها ودموعها
........................................................
الساعه ٧ المغرب وصل نياف والبيت كله نايم نزل شنطته ودخل البيت بهدوء وفتح غرفته وحصلها نايمه
مشى ينزل اغراضه بغرفة الملابس بس فزت وليف على صوت الاغراض ولمحته جاء حط شنطته بالغرفه ونزل نظارته واتجه للسرير وشافها تمثل النوم وقال:العبي على غيري يابنت باسم ادري انتس قاعده
فتحت عيونها وناظرته وسرعان ما امتلت عيونها دموع هو انصدم وقال:ليه تبكين انتي هذاني جيت
نزلت دموعها هي جرحته بكلامها وبأفعالها معاه وهو جاي من خط سفر لعيونها
مسح دموعها بيده وقال:لاتبكين جعل الله يبكي من يبكيتس حضنته وصارت تبكي زياده مسح على ظهرها وقال:قولي لي شفيتس
ماردت عليه وقال هو:ولييفف
شدت على التيشيرت حقه وقالت:اسفه
ابتسم هو بخفه وقال:انا الغلطان وانا اسف دام السالفه فيها دموعتس
وخرت عنه وهزت راسها بمعنى"لا"وقالت:
انا تكلمت عليك وجرحتك والجرح اللي جرحتك فيه ماهوب هين
مسك يدها وحطها على قلبه وقال:
وجروحتس لقلبي زي العسلل عليه بس لاتنزل دموعتس
وليف:وانت عادي تنزل دموعك؟
نياف:خلي دموعي على جنب من خلاتس تجين غرفتي
وليف:غزلان ووجدان
نياف:بتكملين نومتس؟
وليف:ايوه بروح انام بغرفة غزلان
هز راسه بمعنى"لا"وقالت:وشو
نياف:كملي نومتس هنا
وليف:وانت؟
نياف:اصرف نفسي
وليف وقفت وقالت:لاصدق نام انت هنا وراك سحور عند نادر وانا بروح انام بغرفة غزلان
انسدح بمكانها ومد يده وقال:تعالي ابيتس الليله معاي بحلمي
وليف:مايحتا
قاطعها من سحبها على السرير وقال:نامي خربت نومتس عليتس
وليف:بنام عند البناتت
نياف:البنات بيسوون سحور للي بيجونكن نامي انتي الحين
وليف:نياففف
نباف:سمي ياعينه
ناظرته وعطته ظهرها وصار صدره مقابل لظهرها فك ربطة شعرها ودفن وجهه بشعرها زادت نبضات قلبها ولفت عليه وقالت:الحين ليه تفك شعري مااعرف انام كذا
نياف همس لها:لاتعرفين تنامين دامتس بحضني
وليف:اوفففففففف منكك
نياف:اوح الحين انا اوف مني؟
ناظرته ولاردت ونامت على طول
الساعه(١١الليل)
فيصل:قعدي نياف اخلصينيي انتي هذا طول لسانتس ملسونه
غزلان رفعت السكين عليه وقالت:اقولك سافر من وين تفهم انتت تيس انت تيس
دخلت ام يوسف وقالت:ماتستحي انت ترفع صوتك على خالتك
فيصل:ماتشوفين صوتها هالبزر
غزلان ضربت كتفه وقالت:قسم بالله يافيصل لااصفقك
طلع نياف من غرفته على صوتهم ودخل المطبخ وقال:محد ينامممممم عندكم؟
صرخت غزلان وحضنته
نياف:شعندتس انتي بعدي عن وجهي ابي انام
فيصل:امش امش البس ثوبك عشان نروح لنادر
غزلان:قبل لاتطلعون قولو لي عشان اخلي البنات يدخلون للسطح
نياف باس راسها وقال:تبشرين ياعيني
وراح يصلي ويلبس ثوبه وكان فيصل ينتظره لان كل العيال راحو الا هم
فيصل:خلصت؟
نياف وهو يلف العصبه على راسه:اي اييي
فيصل:ياغزلانننننننن
غزلان:ادخلن يابنات للسطح
وليف:نياف قعد؟
وجدان:جاي لعيونتسس محد قدتس
وبعدها راحو للسطح وجلسو مع بنات الديره وراحو العيال لخيمة نادر
رقيه:والله محد قدتس ياوليف عن نفسي كنت اتمناه ياخذني بس النصيب
غزلان:ياحلوات ترا من جلستن وانتن نياف نياف نياف خلاص سولفن بشي غير نياف
مواليف:الا صدق العيد بتجون بيت جدتي؟
سدن:اكيدد احد يفوت عيد جده مناير؟
وجدان:جدتنا حنا ذي مو جدتكن انتن
ريوف:بالله عليتس احلفي
مواليف:وهي صادقه تراها جدتنا حنا ونياف بس
ريف:بس نياف وباقي العيال؟
وصايف:هي تقصد ان حنا كلنا عندنا اخوان بس نياف وكذا
جاتهم ام وصايف السطح وقالت:يابنات السحور يلا تعالن
ونزلو كل البنات تحت
(نروح للخيمه)
نادر:انت شعندك مرسل انك مراح تجي وبعدين جيت
نياف:كنت رايح لديره بعيده بعدين قلت افوت سحور ندوري مستحيييل
سلمان:ياكذاببب
نادر:لاانا مصدق نياف انت شتبي
معاذ:هذي بدايتها
فيصل:يحق لنيوفي ياعيال
نياف:ياحبيب ئلبي انت
فيصل:ياحبيب ايشش؟
نياف:ئلبيي ئلبييي
فيصل:وشو ئلبي توكل بس
نياف:حاضر يائلبي
فيصل:ذا اللي يبيني اصفقه انطم بس
محسن:الانياف
سعود:من زينه ذا
عز:عاد انت الا نياف
نياف:عزازي احبك تراني
فهد:يحب المصلحه ذا
نياف:لالاكذا غش
نادر:قم قم انت وياه تسحرو
وقامو يتسحرون
(بعد السحور عند البنات)
جلسو بالسطح ويسولفون
سدن:كم الساعه؟
غزلان:توها ٢ الفجر
رقيه:طولنا واجد
وليف ناظرتها وقالت:الناس توها تبدا تسمر اي طولنا
مواليف:اسمعن الضحك من وين جاي
وصال:اكيييد العيال وصلو
وقامو كلهم على سور السطح يشوفون العيال وهم يضحكون
معاذ:انت متأكد انك متسحر معانا؟
نياف بصوت عالي:مدري شبلاي اليوم نست عيوني النوم إحساس قلبي غير شكلي كذا مغروم
فيصل:رمضانننننن ياتيسسس
نياف ناظره وضحك بقوه ولأول مره يضحك كذا
يوسف اللي كان جاي من بعيد يركض ويصارخ ويقول:ياعيالللللل جو عند محللل ام نادررررررر
سعود:وش يقول ذا ليه
نياف:فيصل بسرعه
وركضو العيال لداخل ياخذون العجره ويركضون للسوق وكل هذا تحت انظار البنات
غزلان:بنات انزلن تحت بسرعه
وركضو كل البنات تحت وركضت غزلان لأبوها وقالت له:يبه العيال ركضو لمحل ام نادر مدري شصاير احلقهم
ابو ذياب اخذ عصاته وقام طلع من البيت وتوجه لمحل ام نادر
وشاف عيال الديره كلهم يتهاوشون ويتشابكون مع ناس واجد وتجمعو الناس عليهم لين قال ابو محسن:اتركووو بعض انت وياههههه
تفرقو العيال على صوت ابو محسن
وقال ابو طلال: وش عندك انت وياه تتهاوشون
نياف اللي كان يكره ابو طلال قال:طقت براسنا هوشه بتدخل فيها؟
ابو طلال:شكلك يبو ذياب ماعرفت تربي ولد بنتك
نياف:قسم بالله لااصفقك بدال ولدك الحرامي ذا تستهبل تسوي ماتدري بسوالف ولدك وتخليه يتهجم على محل حرمه كبر امه؟صدق انك ماتستحي على وجهك
فيصل ناظر طلال وقال:اصبر علي لبعد رمضان واصفقك على كيفي الحين صيام مايمدي
طلال بصوت عالي:قرب بعد رمضان وشف اللي بيذبح حرمك مواليف وحرم ولد سعود وليف
نياف وفيصل عصبو وهجمو عليه وصفقوه تصفيق ومحد قدر يفك طلال منهم
يوسف وهو يسحب فيصل:معاذذذ اسحببب نياففف الوللدد بيموتتتت
نياف اللي كان يضرب طلال ومعاذ ماقدر يسحبه
ابو طلال:اسحبب ولد بنتك عن ولدييي
نياف ترك طلال وتوجه لأبو طلال وصرخ فيه بأعلى صوت:قسمم بالله يالطقوع لااصفقك انت وولدك تراني مجنونن خله يقرب لمحل ام نادر وشف اللي بيصير بولدك ياتبن انت وهو
نادر:انشهددد انك رجال من ظهر رجاللللل
طلال رفع عجرته على صدر نياف وقال:
قرب لأبوي وترحم على حرمك وامك مناير
نياف مسك طلال وضربه وكل هذا تحت انظار الكل ولااحد قادر يفك طلال منه
ابو ذياب سحب نياف بالغصب وحطه وراه وقال لأبو طلال:امسكك ولدددك يبو طلال ولايتعرض ولدنا
ابو طلال:ولدي وبكيفه واللي مو عاجبه ولدي يطلع من الديره ولاعاد نشوف
نياف من ورا ابو ذياب والعيال قال بصوت عالي:لاطالت شانتتتتتت عاددد اسمعع انت يالاقرع
الكل ضحك وكمل نياف وهو يقول:ان ولدك ماقضب الارض بخليه يقضب الارض قدام عيونك فاهمممم
معاذ همس لنياف:هدد الرجال كبر جدك
نياف:ماتشوفه انت للحين صامل يتهاوش وهو باقي له خطوه على القبر
طارق(اخو طلال):باقي شوييي وتلحق سعود
اصبر علينا بس
عز:وش بتسوي له وانت تحتمي بأبوك اللي كبر جدي
نياف مشى لطارق وقال:سوها اذا تقدر تذكر اني ولد سعود وانت اكثر واحد تعرف منهو سعود يبو ريان بس انتبه على اخوك الصغير ذا(يقصد طلال)
واخذ عجرته من الارض ومشى للبيت ووراه العيال وقدامه ابو ذياب وكان الكل يناظرهم ويشوفون كيف ابو ذياب وقف مع نياف والعيال ولاهاوشهم على خطاهم
دخلو البيت وحصلو الحريم والبنات بالحوش ومتغطين وينتظرونهم
ام ذياب:وش صاير وش سوو ذي المره
سعود:ماسوينا الا كل خير
نياف:ابي مويه تكفون قبل الاذان تعبت وانا اصفق طلال
غزلان:طلال مره ثانيه تستهبل انتتت
نياف:اييي استهبل ماتشوفينه كيف كسر محل الحرمه؟
فيصل حط يده على كتف نياف وقال:ويهدد انه بيقرب لحرمي وحرم نياف ونياف سوا المطلوب
يوسف:عاد الحين نبي ننام وش الحل
عز:استنى الصلاة وبعدها نم
نياف ناظر واستوعب ان بنات الديره معاهم وتنحنح وقال:ياعيال امشو داخل
معاذ:ياعيال لاتدخلون بتمطر
نياف:شدراك انت انها بتمطر
معاذ:الاجواء
نياف:الله المستعان امشو داخل بس
ودخلو داخل وبعدها بنص ساعه اذن وراحو المسجد ورجعو من المسجد
بالطريق حق المسجد
نزل مطر وكان الشعور غير اول يوم رمضان ومطر شي جميييل جداً
نياف وقف بنص الطريق ورفع وجهه للسماء والمطر ينزل على وجهه وشافوه العيال ولاتكلمو لانهم يعرفون راحة نياف تحت المطر
تنحنح ابو ذياب وقال:يلا يا نيوف امش
نياف مشى معاهم ووصلو البيت
وقال يوسف:ياعيال خلونا نلعب تحت المطر تكفون
نياف ربط ثوبه على خصره وقال:تحسبني برفض بهالاجواء؟
وصارو يركضون ويضحكون مع بعض تحت المطر
طلعت معاهم غزلان لان عيال عم نياف راحو وقالت:يشهد الله ان الاجواء تعدل النفسيه
سلمان:انشهددد
طلعت ام ذياب على ضحكاتهم وجاها معاذ وقال:تعالي ياجده العبي معانا
ام ذياب ماامداها ترفض الا معاذ سحبها معاه وحطها تحت المطر وهي واقفه تناظر احفادها وتبتسم
ناظرت نياف وشافته يناظر غزلان ولعبها مع يوسف وقالت:تمشي والارض غيوم؟
نياف:حوالينا تدور نجوم وانا في وجهك اتأمل
ام ذياب:وأقول الله لو تدري
العيال ابتسمو وكملو وراها وهو يركضون:
بَعَدها من منامي قِمـت حضنت الصورة واتبسّمت وعرفت إن الزعل أحيـان يـزيـد الحب يا عمـري
ابتسم نياف وكمل وهو يتجه لأم ذياب:
ورجعت أجمع غلا السنين تِـمَـلّاني الـولـه يـا ليـن حضنت الصورة وإنطبعت ملامـح وجهـك بصدري
وكملو كلهم مع بعض:وسرحت أذكِر بدايـتنا شـقـاوتـنا وطفولتـنـا وهوانا اللي كِبَـر فيـنـا وصار بدَمِّنـا يـجـري
ابتسمو كلهم واتجهو يبوسون راس ام ذياب وقالت:الله يديمكم لناو لهالبيت حياة وروح وفرحه
نياف:الفرحه انا محد يختلف فيها صح؟
غزلان:يانرجسيييييي
نياف:تدرين عاد نعست بروح انام
ومشى لداخل يدخل غرفته وينام على طول بملابسه اللي فيها مويه
والعيال مثله دخلو غرفته ونامو وملابسهم مويه
(قبل صلاة الظهر بنص ساعه)
ابو ذياب:قم قم انت وياه الصلاه
فز يوسف على صوت ابو ذياب وقال:
.........................
اضن انه اجمل بارت بيمر عليكم ،
الكاتبه:منيره آل عبدالعزيز💙.
