بين الليل والحال هبت الذكرى

السابع والعشرون

(استغفرالله واتوب إليه)
(آخر يوم رمضان بعد الفطور)
غزلان:نياففففف ياتبنننننن اخلصنييي عاد
نياف:انطميي كله حلا
سلمان مده لها وقال:اكلته!
غزلان:يامشفوحححححح
ابو ذياب:وش عندتس على العيال
غزلان:يبه اكلو الحلا اللي طلبته
ابو ذياب:اطلبي واحد غيره
غزلان:مايمدييي
نياف:فكيني فاضي لتس انا امش سلوم
غزلان:والله ان تجيبون فلوسه
نياف:غزلانوه انطمي وفكيني من الحلا ذا عاد ليت طعمه حلو خايس تراه طالبه حلا بدون ماتعرفين طعمه
غزلان:ماكله انت
نياف:ايي
غزلان:انقلع عن وجهييي سمم ببطنك انت وياه
ودخلت داخل عند البنات وهي تتحلطم
مواليف:وش صاير
غزلان:طلبت حلا واكلوه نياف وسلوم!!!مشفح يقهرون
وصايف:اطلبي واحد ثاني
غزلان:مايمدي هي تسوي كميات واخر كميه اللي طلعتها اليوم!واصلا بالغصب اقنعتها توصله للديره
وليف: لايكون الحلا اللي لونه وردي بأبيض؟
غزلان:ايي هو
وليف:بالمطبخ ذا
غزلان:احلفييي
وليف:والله عطاني اياه معاذ قال حطيه بالمطبخ لغزلان
غزلان:الحين انا هاوشت نياف وسلوم عشان الحلا؟
وصال:وقلتي لهم مشفح
غزلان:وقلت لهم سمم ببطنكم
هديل:استغفريي بسرعه
غزلان:استغفرالله يابنات جاني تأنيب ضمير
قاطع اصواتهم صراخ مضاوي وغاده
وصايف:وش صايررر
وقامو يركضون للصاله وحصلو ذياب يسلم عليهم
مواليف:خالييي ذيابببب!!!!!!
ناظرها ذياب وقال:ياهلا بالعروس
وتقدم يسلم على البنات وقال:انا بشوف العيال وابوي
ومشى لبرا
غزلان:يابنات نيافف وفيصل ومعاذ ويوسف!
وصايف:تكفون لايصير شي
ومشو كل البنات للشباك يناظرون العيال اللي واقفين بصدمه من لحظة دخول ذياب لين طلع ذياب يسلم عليهم
ناظرهم وقال:ماتبون تسلمون على خالكم؟
تقدم يوسف هو ومعاذ يسلمون عليه وناظر باسم فيصل ينتظره يسلم
فيصل من غير مايسلم:شخبارك يبو محمد؟
ذياب:الحمدلله شخبارك انت؟
فيصل:بخير بخير
لف فيصل على نياف اللي ماتوقع ان ذياب يطلع بآخر ايام رمضان ابددد
ذياب:وانت يانياف ماتبي تسلم؟
نياف:الحمدلله على السلامه
ومشى يدخل المشب وقال ذياب:مايتغير ذا
ومشى يدخل المشب وحصل العيال جالسين على الارض
ذياب:وش عندكم جالسين على الارض
سلمان:ابد يبوي مانبي الكنب يوجع الظهر
ذياب:جدكم وينهو
نياف:راح يصلي العشاء
ذياب:وانتم ليه مالحقتوه
نياف:صلينا بالبيت
باسم:يانياف قم داخل عند خالاتك
نياف:لاياعمي خلني جالس هنا
تركي:قمم يانيافف قممم
قام نياف وهو يتأفف ودخل لداخل وحصل خالاته كلهم جالسين
ام وصايف:وش الاخبار
نياف:عال العال
ام فهد:ماصار شي بينك وبين ذياب؟
نياف:وش بيصير ياخاله خلينا كذا مالي خلقه
ام يوسف:ايي خلك عاقل
نياف:وين البنات؟
ام وصايف:وش تبي بهن
نياف:معاهن شخص يخصني
ناظرته ام ذياب وقالت بعصبيه:وشو شخص يخصني قم اطلع برا
نياف:وشو ياخييي اللي برا يقولون ادخل داخل واللي داخل يقولون اطلع برا وش تبوني اروح؟
ام فهد:الواحد لسانه هذا طوله
نياف:لاوالله يا أصايييلل
ام ذياب:خاله اصايييل وشهي اصايل هذي
نياف:اسمها ماهوب اسمها الا اسمها
فوق عند البنات
وليف:وش هالصوت
غزلان:هواش امي ونياف كل عيد
مواليف:وهذا ماتخلص مشاكله
وجدان:الغلط منهم هم مو منه
وليف:عاد انا بنزل بشوف وش صاير
بيان:ايي معاهم حبيب القلب ماتصبر
وليف:اسكتي بس
وصال:وهي صادقه انتي ماشفتي ابتسامتس اذا جبنا طاري نيافوه
هديل:اذا هذا الحب انا ماابيه
غاده:والحب من يشوفتس يهج
بدور:الاهدوليييي
وليف:يليللل انتي وياها ضيعتوني بروح
غزلان:ايي بالله شوفيه
وليف ناظرتها ومشت لتحت تسمع سوالف نياف مع خالاتها
ام وصايف همست له وقالت:الشخص اللي يخصك جاء
لف نياف وهو مبتسم لوليف وحصلها واقفه وتناظره
ام ذياب:تعالي اجلسي وشلوه واقفه؟
وليف:لاياجده جيت ابي اقول لنياف ان غزلان تبيه فوق
نياف:غزلان وليه مادقت؟
وليف رفعت كتوفها بعدم المعرفه وقالت:
اندري عنها
نياف:الحين جاي
ومشت وليف تطلع فوق وتنتظره يجي
ام يوسف:قم شف خالتك
نياف:لاتسمعتس بس
ام فهد:ليه
نياف:تقول ان كلمة خاله او عمه تكبرها تبي تضل صغيره بنت محمد
ام ذياب:قم قمم تضيع السوالف
نياف:شعندتس علي وش سويت
ام وصايف اشرت له يروح ومشى لفوق وقال:غزلانوه وش تبين
سرعان مالف على اليد اللي تسحبه ناظر اليد وطلعت يد وليف وقال:يابنتي اتركيني انا بتحرك معاتس
وليف اشرت له يدخل غرفة ام ذياب ومشى للغرفه وناظر ساعته وكانت (١٢:٠٠ صباحاً)
وليف:اسمع
نياف:وشو
وليف:وين المفتاح حق الغرفه؟
نياف:وش يدريني انا
وليف:والله انك تدري
نياف:بالدرج اللي عند السرير
مشت تاخذ المفتاح وقفلت الباب وناظرته وهو يناظرها بإستغراب وقال:وشو ياخي ماسكه علي شي انتي؟
هزت راسها بمعنى"لا"وقالت:لابس اشتقت لك
ضحك بخفه من كلمتها"اشتقت لك"لانها تكابر اذا اشتاقت لأحد وبهاللحظه عرف انه مو مثل اي شي عندها عرف انه شخص كسب تفكيرها قبل قلبها واشتياقها له قبل حبُها له
قال وهو عيونه بعيونها:وليف تشتاق؟هذي غريبه علي ماني متعود عليها
ابتسمت وقالت:ضمني والشوق في قلبي مصبه خل عطرك يوم اشوفك يحتويني
فتح يدينه لها وجت تحضنه كأنها تُعبر عن شوقها بهالحضن كانت ماتشوفه ابدد لان ابو ذياب فصل فطورهم عن بعض ونوم نياف انعكس عن الباقين وهي منهم كان يصحى على الفطور ويصلي ويرجع ينام للصباح وعلى هذا الروتين لنهاية رمضان
قاطع حضنهم طق الباب
وليف:من؟
غزلان:افتحيي اخلصي
نياف ناظر وليف وباس خدها ومشى للشباك
ينط منه فتحت وليف الباب لغزلان وقالت غزلان:ليه مقفلته؟
وليف:كنت منسدحه وخفت احد يدخل علي
غزلان:امشي بس بنسوي توزيعات العيد تحت
ومشت وليف معاها وكانو بنات عمام نياف جايين هم وذكرى
ذكرى:وين وجدان
وجدان:وش تبين
ذكرى:ابد اتطمن عليتس
وجدان:من متى مهتمه انتي؟
نغم وهي تقاطعها:وجدان ابي جوالك شوي
وجدان مدت جوالها لها بدون اهتمام وماكانت تدري وش بيصيرر!!!!
ذكرى:اسمعي وجدان
وجدان:وصايف بالله سكتيها مو ناقصتها
بمجلس الرجال
وصلت عايض الرساله اللي ينتظرها من نغم وارسل من رقمه الجديد لرقم تركي
تركي فتح عيونه بصدمه وقال بصوت عالي:
ايابنتتت الكلبببببب
معاذ:وش فيه ياعمي
تركي مارد عليه ومشى بغضب الارض يصرخ بأسم:وجداننننننننننننن يابنت الكلببببببب
معاذ فز من سمع اسمها وركض ورا تركي
وجدان فزت على صوت ابوها وقامت بتشوفه لكنه دخل عليها وصرخ فيها وهو يقول:انا ربيتس على كذااا تخونينن ثقتيييي وش اقول للناس اقول لهم بنتي ترسللل صورها لواحد غريبببببب
وجدان انصدمت وقالت:بابا وش فيه وش صاير
تركي فتح جواله ووراها الصور وقالت:
مااعرف هالرقم اول مره اشوفه
ام وصايف:وش فيه ياتركي
تركي بقل صبر:بنتس يااستاذه مرسله صورها لواحد والولد شكله ولد ناس شوفييي وش كاتب بالرسالههه يقول اذا تبي تستر على بنتك انا جاهز اخطبهاااااا
وجدان تجمعت الدموع بعيونها وقالت:بابا والله مااعرفه اذا بتشوف شوف جوالييي
تركي:وش مودييي صورتس له
صارت تشهق وتقول:وش مدرينييي انااااا
رفع يده عليها بيضربها لكن وقفته يد معاذ وهو يقول:افا ياعمي تضرب وجدان عشان واحد ماتدري منهو
تركي:بعدد انتتتتتت بعدين وش مدخلكك هنا
معاذ:دخلت عاد بتحاسبني وشلوننن دخلتت
تركي:احترم نفسك ياولددد باسسمم
معاذ:محترمم نفسيي قبل لااشوفك تمدد يدك على وجدان!
تركي:لايكون انت اللي مرسل الصور
معاذ:اي صور؟قصدك اللي ارسلها عايض؟هذا العيال برا طايحين فيه ضرب لانه مايستحي على وجهه
وجدان:ك.....كييفف وصلته صوريييي
معاذ ناظرها وللمره المليون يسرح بعيونها
الواسعه والعسليه وملامحها الحاده وشامتها اللي تحت عيونها مباشره كانت كل مايلمحها يدق قلبه بقوه كأن قلبه يتكلم بداله لسانه يرنبط اذا لمحها هذا سبب كافي بإنه يصرح بحُبه لها
تركي:يامعاذذذذ
معاذ:ارسلت الصور وحده من عندكم داخل
وجدان توجهة للداخل وصرختت بأعلى صوتها:نغممممممممممم
نغم ناظرت لها وهي مستغربه سحبتها وجدان من شعرها بقوه وقالت:ليهه وش سويتت لتس يالكلبه لييييه ترسللل صوري لأخوتس الكللببب قولي ليييي لييييييه وش ذنبييييي اذا امتس طويلة لسان وتبي من يربيهاااااا
نغم وقفت بسرعه وضربت وجدان وقالت:
قسم بالله اذا جبتي طاري امي مره ثانيه ياوجدان لاانشر صورتس فاهمه؟
معاذ من ورا وجدان:انشريها اذا فيتس خير يابنت وافي
وجدان لفت عليه وصارت تضرب صدره وقالت:انتتت كنتت تدريي ليه ماعلمتنيي ليييييه تستناهم ينشرون الصور؟انتتت تعرف شكل الصوررر اللي ارسلتهم لأخوها ورانييي اياهممم بابا
معاذ اللي كان يناظرها ويشوف دموعها ووده لو يحضنها قال:وش تبين اسوي يابنت تركي
ماردت عليه ومشى هو وهو يعرف انه ذي المره مابينتصر لابحُب ولابتأمل عيون وجدان لانه عرف ان تركي راسه يابس مشى متوجه لعايض اللي كان ورا ابو ذياب وسحبه بقوه وقال:جيببب الجواللل ياكلببببببب
عايض:وخرررر اقولللللل
معاذ:عايضض الصوررر تمسحهااااا
عايض:تبطي انت وهييي فاهمييينننننننن
معاذ:قل لي ليه اخذت صورها؟
عايض:عشان اطلع جنونها مثل ماطلعت جنون امي
معاذ جن جنونه وضربه وقال:والله انك تخسي ماتمسها ولاتجيها دامها عندنا فاهم
عايض بسخريه:خطبتها من ابوها وجدها ووافقو وش علي منك؟
معاذ ناظر العيال وقال:صدق؟
نياف:ايه تعال اجلس
معاذ طلع برا وكان نفسه ضايق وبالغصب يتنفس طلعو وراه العيال على دخلت سعود واخوانه
سعود:وين تبون
محمد:لمعاذ
مشى وراهم سعود ولحقوه
نياف:معاذذذ
معاذ لف عليه وصرخ وهو يقول:نيافففف انا قايييل لككك اني احببهااااا وانها بتضيييع منيي ليه ماصدقتنييي ليييههه مو انتتت اللي كنتتت تقول الحببب زييين ياعياللل وين الزييين فيييييه هذا اول مراره اعيشها بحياتييي فاهممممم الكلببب نزل دموعها يانياففف نزل دموعهاااااا وجهها اللي المفروض الضحكه ماتفارقه صار كله دموع والسببب عمتكك وعيالهاااا ليييتهم مادخلو حياتنااا ليتهم ماتو ولاشفناهم كان المفروض اني عصر العيييد اخطببهااا عشانيي وعشانهااا
"كان اول خُذلان يعيشه معاذ وماهو اي خُذلان خُذلانه من الحب من اول وحده دخلت قلبه هو كان ينكر انه يحبها لكنه صّرح بحُبه لها قدام العيال كلهم انهار والسبب الحبُ اللي كان يشوفه شي جميل من دخل المخيم واول مره سمع فيها صوت وجدان لكن الحين؟الحين كره الحبُ والسبب نفسه وجدان وعايض هو عارف انها ماعرفت بشي ابددد لكن يوم تعرف ماتقدر ترفض لان ابوها بيذبحها لو ماوافقت"
فيصل اللي كان مستغرب ان معاذ يحب وجدان
معاذ رفع عيونه لنياف وقال:الحب حلو صح؟
نياف تنهد وجلس جنب معاذ وقال:أوقات
حلو مو كل الوقت
سعود وهو يجلس جنبهم بعد مافهم كل الموضوع من كلام معاذ:تدري عاد محد ينتصر بالحب الا العنيد مثل نياف وشرواه
نياف ضحك بسخريه وقال:يمكن حبه ينقلب مع الوقت انت ماتدري باللي كاتبه ربي ياسعود!
فيصل:لالادامك تحبها وهي تحبك حبكم المنتصر الوحيد بهالعايله
يوسف:وانت معاهم
فيصل:حنا قرب زواجنا خلونا يمكن نياف يخرب زواجه!
نياف:بسم الله عليييينا
جلسو باقي العيال عندهم وبدت فضفضتهم"بسبب الحُب"
فهد:محد منتصر بالحب الافيصل حتى نياف واضح متضايق
نياف:متضايق على وجدان ومعاذ
معاذ:تدرون عاد عندي احساس كبير السالفه فيها شي بس مدري وشهو
محمد بطقطقه:لاتجيبون طاري البنت بتتزوج
معاذ:هذاني اقولكم يحرم علي غيرها اذا مااخذتها مااخذ غيرها
عز:ادعس الله يجمعكم
هتان:ربي ماجمعهم مع بعض
معاذ:يمكن يجمعنا مع الايام محد يدري
سعود:وشلون مع الايام
معاذ:يمكن يصير شي محد يدري تعلمون الغيب انتم؟
نياف:اهم شي انك مؤمن بقضاء الله وقدره
معاذ هز راسه وقال:ومنهو معاذ بدون الحب ومنهو معاذ من دون محارش وجدان!
فيصل: واتفلو بوجهي ياعيال اذا معاذ ولد باسم آل راشد ماانتصر بحبُ وجدان حتى لو يخليها تتطلق من عايض اهم شي يتزوجها
يوسف:قم انت وياه تجهزو عشان صلاة العيد
نياف:ذكرتني الله يذكرك بالشهاده لازم اروح اسلم على الوالد والوالده واعيد عليهم
"ابتسمو العيال لنياف لانه حتى بأيام العيد مو ناسيهم"
فيصل:نسلم عليهم كلنا قم
وقامو العيال كلهم وتوزعو على الحمامات
"يكرم القارئ"اما سعود واخوانه رجعو للبيت يتجهزون ويجون
(الساعه ٦ الصباح)
نياف:يلا يافيصل
فيصل:خلصت خلصت
وطلعو من المشب وحصلو ام ذياب وقالت:
كل عام وانتم بخير ياعيال
باسو راسها وقال نياف:وانتي بخير يبعد قلبي
فيصل:وانتي بخييير يامناير القلب
ام ذياب:وين تبون تروحون
نياف:نبي نروح المقبره
ام ذياب هزت راسها بمعنى"تمام"ومشت داخل للبنات اللي للحين يتهاوشون
ام ذياب:ماخلصتننن
وليف:الا خلصنا
غزلان:بس باقي نتعطر
مواليف سلمت على ام ذياب وقالت:من العايدين الفايزين
ام ذياب ابتسمت لها وقالت:من السالمين الغانميين يامواليف
غزلان:يمه وين نياف بعطيه البخور
ام ذياب:بيروح للمقبره
وصايف:مناير فستاني حلو ولالا
ام ذياب ناظرتها وقالت:وشهي مناير ذي انا جدتس
وصايف:زين يامناير قولي لي الفستان حلو؟
ام ذياب:ايي حلو بعدين وشوله يدينكن طالع ليه ماتغطنها ولاتحبن التفصخ؟
وصال:عادي ياجده كلنا بنات خلينا نكشخ
ام ذياب:وين وجدان؟
بدور:نايمه داخل بغرفة نياف
ام ذياب:انتن علمتنها ان عايض خطبها؟
وصال:لا
طلعت ام ذياب من غرفة غزلان وجلست بالمجلس
غزلان:يابنات قلبي يعورني على وجدان كله من نغم التبن الله لايوفقها
وصايف:وابوي لييه ماصدقها؟
مواليف:ابوتس ماصدقها بس معاذ صدقها؟شايفات الفرق!معاذ اللي بس يحارشها صدقها وابوها اللي رباها وكبرها عشرين سنه ماصدقها
بدور:لان معاذ يحبها وماهمه احد مو مثل عمي تركي همه كلام الناس!
وليف:كنا متضايقين وزدنا ضيقه كله من عايض حسيبك ربييي ياعايض الكلب
طلعو من الغرفه على صوت عمام نياف
ام سعد:كل عام وانتن بخير يابنات
بيان:وانتي بخييير
عنود سلمت عليهم وجلست بالمجلس
ذكرى:وين وجدان؟لايكون مع معاذ؟
وصال:وانتي وش دخلتس خليها بحالها!
ذكرى:وشو وش دخلني بتصير زوجة ولدي
و...
قاطعتها وليف وهي تقول:اذا صارت زوجة ولدتس رسمي تكلمي مو الحين
ذكرى:انتي ماعليتس شرهه ماخذه واحد يتيم وشايف نفسه ولاماخذ بنت عمه قبلتس مدري وشلون قبلتي فيه
وليف: على الاقل عنده قلب ويفكر في مشاعر الناس!الحمدلله مو طالع على عمته طالع على خواله وانسان قلبه كبيير ومايشيل بقلبه على احد
ام يوسف:خلاص ياوليييف
رُوح:ميمي العيال بيسلمون
قامو البنات كلهم ودخلو الغرفه ودخلو العيال ومعاهم معاذ
ذكرى:وانت وش جابك تبي تخرب علينا العيد؟"تقصد معاذ"
ناظرها معاذ وقال:قسم بالله ان مابلعتي لسانتس لااقصه لتس
ام يوسف:معاذ وش هالكلام
معاذ تجاهلها وسلم على ام ذياب وهمست في اذنه وقالت:بتاخذها يامعاذ بتاخذها ماتصير لعايض وانت تبيها
ضحك معاذ بسخريه وقال لها بهمس:عشت في وهم المحبه عشت تاييييه
قاطعهم نياف اللي شال رُوح وقال:يازييين البناتتت بس
رُوح:ابي عيديه!
نياف:العيديات كلها لو تبييين
فهد:حنا لنا الله
رُوح:رح انت ماابيك ابي نياف
محمد:تعالي سلمي علينا مو بس نياف
رُوح:نياف احسن منكم كلكم
طلعو من المجلس وراحو المشب وقال ابو ذياب:يانياف بدت مسابقات الخيل ماتبي تشارك!
نياف:مدري والله مافكرت
عايض:وليه تشارك؟
معاذ رمقه بنظره خلته يسكت
فيصل:شارك انت وسحاب
نياف:يصير خير
ابو ذياب:رحت لـ
قاطعه نياف وهو يقول:ايي رحت لهم
ذياب:متى يجي نادر يانياف؟
نياف:مدري عنه
(داخل عند البنات)
شغلو اغاني لان الباقين وصلو وتجمعو كلهم بمجلس ام ذياب وصحو وجدان لان العيد بدون وجدان"مو عيييدد"
حطو(إنت يا هالموت الأحمر)
وجدان:يلا ولييف
وقفت وليف وبدت تتمايل ويدها بيد ريف
غزلان:وجدان اصرخي بأسمها
وجدان:تمايلييييييي ياحـرّمم نييييافففف
مواليف:غش المفروض تحطون اغنيه للباقي
غزلان:شرايتس تحط زفتس؟
مواليف:لالا
وصال:برقص حطو شي ينرقص عليه
وجدان:تبين انا بتبع قلبي؟
وصال:ايييي
حطت وجدان انا بتبع قلبي وقامو كل البنات يرقصون عليها
مواليف وهي تمسك يد بيان:أنا بتبع قلبي وبس ما عليّ في الناس كذب اللي يقولون المحبة لها مقياس
فجأه تغيرت الاغنيه إلى"ودوني على بيت حبيبي نعيش مع بعض فيه"
وجدان:هاتو الطرحه يابناتت
جابت بدور الطرحه وحطوها على مواليف
هديل:ياحظ فيصلللل
جت موده تركض لوجدان وهمست لها:
تعالي معاي
وجدان قامت معاها واخذتها موده لغرفة نياف
وجدان:موده وش تبين بغرفة نياف!
معاذ طلع من غرفة الملابس وقال:انا قلت لها تجيبتس
"غرفة نياف محطة لقاء العشاق"
وجدان:معاذوه وش تبي بعدين صدد
معاذ:ماني صاد لييين تسمعينيي
وجدان:بالله بعدد
وجت بتطلع لكنه سحبها وثبتها على الجدار وقال بعصبيه:تسمعيني للأخير فاهمه؟
هزت راسها بمعنى"تمام"
ترك يدها وقال:بتوقفين بوجه ابوتس وتقولين له انتس ماتبين عايض واذا صار يهاوش ويصارخ مو ماتردين عليييه وتخافين!تطلعين اللي بقلبتس كله ياوجدان كله ماتسكتيين له واذا ماتكلمتي انا بجي اتكلمم لاتخلييينه يزوجتس عايض الكلبببب وقلبي يبيتس
ناظرته بعدم فهم ونطقت:وش قاعد تقول انت؟
مسك يدها اللي كانت ترجف بقوه وقال:
يحرم علي غيرتس والله محد غيرتس يصير ام عيالي يابنت غدير
دفته بقوه وقالت:مخبولل انتت تسمع وش قاعد تقول؟محد مالي عيينك هنا يعني؟ساحبني للغرفه وتقول يحرم علي غيرتس ياوجدان!ماتفهم انتت لمتى بفهمك انااا لمتى بقول لك لاتتدخل بشييي ماتفهممممم انتتت ماتفهمممم تكفى افهمممم لاتصيير مثلهمم وماهمك احددد
ناظرها وقال:انا همني انتييي انتييي تهمينيي ماهمونيي هممم انا اللي تهمني وجداننن مو احد غييير وجدان يهمنيي قلب وجدانن وان محد يوجعه
نبض قلبها بقوه من كلامه وكمل هو:
تفهمييين محددد يملييي عيينيي غييير وجدانننن محدد يقدر عليي الا وجدان!
هدو حليتس اهددددد حييلهممم ولاينهد حيلتس يابنت غدير
جلس على السرير وكمل:تعبت المح وانتي صامله ماتفهمين علي؟مدري هو استغباء منتس او انتي صدق مو فاهمه حركاتي!
تعبني ابوتس تدرين مستعدد اتحدا الدنيا كلهاا ياوجدان كلهاااا عشانتس انتي مو عشان احد غيرتس بس قولي انتس تبيني ماتبين عايض!انطقيي وقولي ابيك يامعاذ لاتخيبين ظنوني يانبض معاذ
شدت على معصمها ونطقت بهدوء وهمس:ابيك يامعاذ "هي ماعرفت ليه قالتها لكن قلبها يقول قوليها"
رفع عيونه لها وابتسم وقال وهو يتقدم لها:قوليها مره ثانيه!
هزت راسها بمعنى"لا" وقال وهو يناظر خدها:اسمعي شيرين وتمايلي على اغانيها
صحيح اني مابسمع ابيك يامعاذ الحين! لكن بسمعها اذا شغلتي -قرب يهمس من عند خدها-في ليله حلوه غير كل الليالي
همست له وقالت:معاذ اطلع من هنا
ناظرها واشر على الشباك وقال:بطلع من هنا
ناظرته وقالت:اطلع يلا
باس خدها لثواني طوييله وقال:في سحابة بخدتس بس
قاطعته وهي تضربه كف وقالت:وقححح حقييير
ضحك وقال:بعتبرها بوسه يابنت غدير
ومشى يطلع من الشباك ومسكت هي قلبها تحس بنبضاته ابتسمت من تذكرت لمُعة عيونه ومشت تطلع من الغرفه ولمحته واقف عند الباب يستناها تشغل شيرين
ومشت للبنات وقالت لغزلان:غزلان شغلي شيرين
غزلان:اي اغنيه؟
وجدان:في ليله حلوه غير كل الليالي
شغلتها غزلان وبدت تتمايل بنت غدير عليها استغربو كل البنات منها لانها كانت هاديه لكن رجعت والابتسامه على وجهها
عند معاذ مسك قلبه من سمع الاغنيه وصوتها يتردد داخله وهي تقول
"ابيك يامعاذ"ابتسم من تذكر عيونها العسليه
فيصل من وراه:معاذذذذ
انخرش معاذ وقال:فيصللل ولعنههه ياكلبببب
فيصل:وش عندك تتبوسم؟
معاذ:قالت ابيك يامعاذ قالتها يافيصل
فيصل:منهي اللي قالتها!
معاذ:وجدان قالت ابيييك يامعاذ ماني مصدق
فيصل:استغفرالله بس شكلك تتخيل امش بس
معاذ:فيصلل خلني بشوفها
فيصل سحبه معاه بقوه ودخلو المشب
ومشى معاذ يجلس جنب نياف وقال له بهمس:قالتها
نياف:وش قالت
معاذ:ابيك يامعاذ
نياف ناظره وقال:منهي
معاذ:بنت غدييير
نياف بصوت عالي:اسألك بالله انها قالتها!
ابو ذياب:منهي ووش قالت
نياف:ولااحد يايبه
باسم:وراكم شي بس الله يستر منه
معاذ:ورانا اشيياء
نياف كمل همس لمعاذ وقال:وين شفتها؟
معاذ:بغرفتك
نياف:صارت محطة لقاء العشاق
معاذ:الحين وش نسوي؟
نياف:انا اقولك بتخلي الامور تمشي ولاتسوي شي وتسكت حتى لو تزوجت عايض تضل ساكت يامعاذ وبعدها هو بياخذ حق امه مثل ماقال وتبدا انت من هنا!
معاذ:يصير خير
عايض قاطعهم عايض وهو يقول:عمي تركي متى نملك انا ووجدان؟
تركي:بالوقت اللي ودك
عايض:بعد عرس فيصل نملك ومايحتاج عرس
ناظره يوسف وقال:ليه مايحتاج عرس؟اذا انت ماتدري ترا اللي بتاخذها وجدان مو اي وحده
تركي:مثل ماقال عايض مايحتاج عرس
نياف:وليه مايحتاج عرس؟اذا ماسويتو عرس حنا بنسوي لها عرس
باسم:قال مافيه عرس من وين تفهم انت وياه
فيصل:يبه وشو مايحتاج عرس هذي وجدان اغلى الحفيدات عندنا على الاقل حفله مو لازم قاعه كبيره
عايض:مايحتاج
نياف رفع حاجبه وقال:ليه مايحتاج الحين لو واحد اخذ رحيق اكيييد بتشرط عليه ان العرس كبير صح ولا؟وحنا مانرضى لبنت خالتنا الشين نبي لها الزين وعرسها الكل يتكلم فيه بس الواحد عمك اطرم مايفهم
باسم:خلاصص يانيافففف
نياف:اروح عند يمه احسن لي وش ابي بناس ماهمها احد
وقام يروح داخل ولحقوه العيال لانهم بيجلسون عند خالاتهم
ام وصايف:حي الله عيالنا
فيصل:الله يحييتس
معاذ:وين البنات؟
ام وصايف:داخل
نياف:وخرو عن امي بجلس عندها
ام ذياب:تعال تعال
وجلس جنب ام ذياب وقال:والله ودي اعطيكم عيدياتكم بس البنات مو هنا
موده:نناديهممم
سعود:بسرعه
وركضت للغرفه تنادي البنات ونادتهم وجت وقالت:يلبسون عباياتهم
نياف:يازييين الزيييييين بس
جو البنات وجلسو كلهم وكانت عيون معاذ على وجدان
غزلان:نيافوه وش تبي بسرعه
نياف:بعطيكن العيديه
وصال:وش العيديه هذي السنه
نياف:مدري والله خبصت وطلبت عشوائي
فيصل:اخلصنا طيب
قام يجيب الهدايا وكانت الاكياس كثيره ونزلهم قدام ام ذياب
مواليف:والله لو اننا مطفرين ماجبت كل هذا
نياف مسك كيس وقال:هذا لرُوح
جت رُوح وحضنته واخذت عيديتها واخذ الاكياس وصار يوزعها ووصل عند وليف
وقال:نسيييت ماجبت لتس
غزلان:تكذب صح؟
نياف:خلصت الاكياس ماعليه ياوليف المره الجايه اجيب لتس
ام ذياب:نياف جاب للكل ونسى حرّمه
نياف:عادي الواحد ينسى
فيصل:ماهي من عوايدك تنساها
نياف:عاد هالمره نسييت
وصال:وش تبون نسوي باليلل
نياف:انا اقولتس بنطلع نتمشى ونسمع اغاني ونفرفر
ام ذياب:وشلوه الاغاني
نياف:اسمعتس شي؟
ام ذياب:وشو
نياف:هاتو الايباد
جابت رُوح الايباد وحط نياف بالسماعه
"ونفضل نرقص"
غزلان:تسمع انغام؟
نياف:لالابس اغنيتها هذي حلوه
يوسف:وش تقول
نياف:بتمنى في حضنه ابات ايام و شهور سنوات
وجدان:من وين عرفتها؟
نياف:سمعتها وعرفتها
رُوح جت عند نياف وكانت انغام تردد
"ونفضل نرقص نرقص نرقص لما العالم يفنى ويخلص"
مسك نياف يدها وصار يضحك وهي تضحك وترقص معاه وكانو يصورون المنظر الجميييل اللطيف للجمييع
تغيرت الاغنيه من "نفضل نرقص"إلى
"بتوصفني بتكسفني"
نياف:غيروها غيروها مشاعر جياشه مانبي
وصال:وش تبي نحط
نياف:حطو عيار او يردون
وصال:عيار افضل
وحطو عيار وصارو كلهم يغنون معاها
معاذ:وش صار وش اللي غيرني ماعدت اعرفني طبيت في المطب عيار كانوا يسموني كلهم يعرفوني مالي انا والحب
سعود:انت والحب صرتو اصحاب
معاذ مارد عليه
فيصل:نييياف وش قالووو
نياف: قالوا غير في هندامه والليل ماينامه متعذب ومحروم واقول انا ماهو انا من بعد يا دانه صرت اسمع ام كلثوم
ام ذياب:سكروه
نياف: وش صار وش صار لي هالقلب حب وعشق وانحب وانا ادري انه صعب
عز:حبيت لاتسالوني ليش
يوسف:يمكن عقل او طيش والحاله هي حاله
سعود:وسويت في نفسي القصه مافادت القرصه وغنيت مواله
"لحظه ادارك ان الجميع واقع بالحب"
وصايف:كلهم يحبون
غزلان:كله من نيافوه
نياف:وش سويت
غزلان:ليه تخليهم يحبون ويعرفون الحب
نياف:يازييين الحب زيييناه خلينا نحب
معاذ:ايي ياغزلان خلينا نحب والله انه حلو توي احس انه حلو
غزلان:وش تغير وش صار
يوسف:انسرقت قلوبنا يعني وش نسوي؟
غزلان:بيصير فراق صدقوني
نياف وفيصل بنفس الوقت:بسم الله علييينا
ريف:يخوفوننننن
نياف:الاطاري الفراق محد يحبه
ام ذياب ضربت نياف على راسه وقالت:
وش عندك انت اليوم بك بلا
نياف:طيب سمعتي باللي يقول طلع
قاطعته وهي تقول:ادريي انك عاشق بس مو لهدرجه اهجد شوي
نياف:اغنيه اغنييه يامنايييييير
فيصل:انا قلبي مايتحمل طيب ومن اهل اولل يامنايييييييررررر
ام ذياب:امسكن عيالكننن لايصير بهم شي
فهد:ياعيال الدبكه والعرضه حقتنا بدتتت
محمد:قم قممم انت وييياه
وقامو كلهم يطلعون للشارع وقامو البنات للسطح يشوفونهم
فيصل:العبوا بالعوجا ياجدي؟
ابو ذياب:حطها حطها
حطها فيصل وكانو اهل الديره مجتمعين كلهم وكان هذا وقت عرضة كل عايله ودبكتهم
مسك نياف سيفه وابو ذياب كذلك ودخلو قدام بعض
اشر ابو ذياب لفيصل يدخل دخل فيصل وقابله معاذ ودخل يوسف وقابله سعود
دخل ذياب وقابله ولده محمد ودخل سلمان وقابله عز
تقدم فيصل من نياف وصارو جنب بعض وضربو رجولهم بالارض ورفعو سيوفهم على كتفهم
وقفو كلهم وقال ابو طلال:تقل عرضتكم اليوم ماهي زينه
نياف غمز له وقال:تبينا نعيد؟
ابو طلال:لامايحتاج
نياف:يبه ابي مسباحك
عطاه ابو ذياب المسباح وتشغلت الدبكه
وتلثم نياف هو وفيصل ودخلو العيال كلهم وبدو يدبكون والبنات فوق كانو يصورونهم
سلمان اللي كان عند السماعه بصوت عالي:
عاششش نييياففففففف
نياف ابتسم لسلمان وصار جنب ذياب على طرف
غزلان:وش قاعد يصير
مواليف:اصبرييي شوفيي
وصايف:ذولي متى تصالحو
ذياب بهمس لنياف:غطييت على الكل
نياف:هذا اللي يحب الدبكه
ورفع باسم السلاح واطلق بالسماء وتحمسو العيال
فيصل بصوت عالي:سلومم حط الثانيه وتعال معناااا
سلمان حط الدبكه الثانيه ودخل معاهم
دخل تركي ومعاه عبدالله وباسم وسعد
معاذ:عطهممم نيافففففف
كان ابو ذياب يناظرهم ويبتسم ويناظر ابو طلال
وقفو كلهم جنب بعض ومشو يوقفون جنب ابو ذياب
ابو محسن:دور من الحين
طلال:دورنا
ابو محسن:ادخلو ادبكو يلا
وقفو عيال ابو طلال اللي كان عددهم ٤
ابو ذياب:ادخل معاهم يانياف انت ومعاذ
نياف:مابي ادخل مع ابو كرشه ذا
ابو ذياب:ادخل ادخل
مسك نياف معاذ ودخلو جنب عيال ابو طلال
وتشغلت دبكتهم
نياف:طارق تعال جنبي على طرف
طارق:خلك انت على طرف
وبدو يدبكون وصرخ فيصل:نييياففف يانيافف
ابتسم نياف لفيصل واشر له يجي جنبه دخل فيصل اللي ماقدر يمسك نفسه وصار جنب نياف وصارو يدبكون جنب بعض
دخل سعود والباقي وقابلو نياف وفيصل
فهد بصوت عالي:عسى الله لايغيير علييييناا
وقفت الدبكه واتجه ابو طلال لأبو ذياب وقال له:يعطيك العافيه انت والعيال
ابو ذياب:الله يعافيك ماسوينا شي يبو طلال وهذا وحنا اهل وجيران من سنين
ابتسم ابو طلال يوجه نظره لنياف اللي واقف يشرب مويه وقال:وش سوا؟
ابو ذياب:ماسوا شي
ابو طلال:شغلو لمعاذ لعبر على تركيا درازه
معاذ ناظره وقال:لالا مايحتاج
نياف:الاا يلاا معاذ
فيصل:ايي يامعاذذذ يلا
معاذ:ابي احد يدخل معاي
سعود:انا ادخل معاك شغلوها يلا
نزل معاذ شماغه وحطه على كتفه ودخل وجنبه سعود وصارو يدبكون
"كانت تتأمله من فوق وتشوف كيف شعره يتحرك مع حركاته السريعه وتبتسم لإبتسامته اللي مااختفت من قالت
"ابيك يامعاذ" لمحته يرفع عيونه لفوق واشرت له يكمل وابتسم هو من لمحها فوق وتشوفه وجته طاقه غريبه"
غزلان:ذي بس تتبوسم
وجدان:خلينيي ابتسمم ياخيييي وش تبين
وصايف:يابنات شكل صار شي تحت وقفو
وصال:فيه شي اصبرو شوفو
........................................
طلال:ماتدخلهم معانا حتى لو كنا اربعه مايدخلون
ابو طلال:احمد ربك واقفو يدخلون معاكم عيالكم ليه ماجو؟
طلال بصوت عالي:ماعليك من عيالنا الحين نياف وذولا ليه يدخلون معانا
لف عليه نياف وقال:احمد ربك دخلت معاك ولاكان طحت بنص الدبكه مسوي حالك على وشو؟
طارق:خلاص ياطلال
طلال:لاماهوب خلاص يجي يتكلم قدامي
مشى نياف قدام طلال ورفع سبابته بتهديد وقال:قسم بالله ياطلال ان ماهجدت لااهجدك انا فاهم؟مسوي حالك انت وكرشك ذي على وشو؟على قلة الحركه اللي عندك!تتكلم معاي ومع عيال خوالي وعمامي زييين فاهممم ياطلال؟
طلال:عمامك اللي مااعترفت فيهم ولاهم اعترفو فيك؟
نياف:اقضب لسانك ياطلال اضبطه لااضبطه لك
طلال:وشلون بتضبطه؟
ناظره معاذ ومشى قدامه وضربه وقال:
اهجددد لااطلع عليييك جنونيييييي
طلال:حلو حلو مره نياف ومره معاذ
معاذ:اوريك معاذ زيين ياكلببب تراني ساكت عشان ابوك
طلال ضرب معاذ وطاح معاذ على الارض وقال:اهجد انت لااهجدك انا
وقف معاذ وقال:حسابك عندي بعدين بس بعديها ذي المره يامريض
ومشى يدخل البيت وناظر طلال ابو طلال
ابو طلال:مدري لمتى ياطلال
طلال:ليين يهجدون ولااشوف احد من احفاد محمد طالع بالشارع
(داخل)
باسم:قللل لي يامعاذ لمتى وانت تتدخل؟
معاذ:ليين يهجددد
يوسف:معاذذ
معاذ:هاه لاتقعد تقول لي مايصلح اللي سويته انا لو بيدي ذبحته ولاخليته يتنفس
فيصل:طلعت حرتك فيه؟ارتحت يعني؟
معاذ:ايي ارتحتتتت والراحه عجيبه
ومشى يدخل غرفة نياف وقفل الباب عشان محد يدخل عليه
ام ذياب:وش صار يافيصل
فيصل:ضرب طلال وطلال ضربه
ام يوسف:وليه ضرب طلال
يوسف:عشانه تكلم علينا
ام يوسف:ومن متى هو يتضارب مع الناس
فتح معاذ الباب وقال:من الحين اتضارب ماشفتوه شلون يتكلم؟ولاكلهم ساكتين له اذبحوه وفكونا منه
نياف:معاذ خلاص يامعاذ
معاذ مارد عليه ومشى للمشب برا
ام ذياب:وش بلاه هذا
نياف:مابلاه شي
وصال:متى بنطلع نتمشى؟
نياف:اذا نمنا وقعدنا
ومشى لغرفته ونزل ثوبه وغير ملابسه وفتح جواله وارسل لوليف:تعالي لغرفتي
ردت عليه:ليه؟
نياف:ابي اتكلم معاتس طيب
وليف:طيب ابدل الفستان واجيك
رد عليها بسرعه:لالاتعالي بفستانتس
فتحت الرساله ولاردت عليه
غزلان:وين تبين
وليف:بروح لنياف
وصايف:ونياف وش يبي
وليف:يبيني طيب وش تبين انتي
وجدان:ماضنتي يبيتس كذا على الفاضي
وصال:ايي هو ماشافتس بالفستان عشان كذا
وليف:بلا قلة حياء انتي وهي
بدور:ايي صدق هو ماصدق عمته الحيه تروح عشان يناديتس
بيان:اييي ليتس ياوجدان سمعتي وش قالت
وجدان:تقهر تقهر مدري وشلون بناتها متحملينها
هديل:ماني راحمه غير رحيق نغم هذي من تحت لتحت
وليف:قلن لها وش قالت ذكرى وانا بروح لنياف
مواليف:وليف حطي روج وعطر
مشت وليف لغرفة غزلان تحط عطر وروج وبعدها اتجهة لغرفة نياف وفتحت الباب وحصلته على جواله
رفع عيونه لها وابتسم من شافها ووقف وقال:شعندتس واقفه عند الباب تعالي
تقدمت وليف وسكرت الباب وقرب منها نياف وحاوط خصرها بيده وقال:
يا أجمل من حبني وأغلى من اخذ قلبي
ماردت عليه وهي تبتسم وقال:ادري انتس زعلانه عشان ماجبت لتس عيديه لكن عيديتس هنا بغرفتي ماحبيت اعطيتس اياها قدامهم كلهم ، تبينها الحين اجيبها؟
هزت راسها بمعنى"ايوه"
ومشى يطلعها من الدرج وكانت علبه صغيره ومدها لها وقال:ان بغيت اوصفتس مستحيل وان تبين الصدق مامثلتس احد
ابتسمت وفتحت العلبه وكان فيها
"خاتم الماس"هي ماعرفت متى جابه او طلبه لكنها متأكده ان هالخاتم مستحييل ينزل من يدها
ابتسم من فرحتها وقال:وش رايتس فيه؟
ناظرته وابتسمت وقالت:عسى ربي يخليك لعيّوني و لي
ابتسم زياده من ابتسامتها وشغل اغنية
عبدالمجيد"حب وغرام وعاطفه"
وقفت بتروح لكن وقفتها يده اللي حاوطت خصرها ناظرها وقال:الحين تطلعين وماعاد تجين لوقت العرس اقعدي شوي
رفعت عيونها له ونطقت:احسن عشان تشتاق لي!
رفع يده يبعّد شعرها عن وجهها ونطق:
انا اشتاق لتس وانتي قدامي وشلون بصبر
حاوطت عنقه بيدها وقالت:ترا المفروض مااجيك بس جيتك عشاني "أحُبك"
أنحنى وقبُل ثغرها لامست اصابعها صدره لأجل تبعده لكن يده اللي محاوطه خصرها اقوى من يدها اللي على صدره
طق الباب ووخر عنها وقال:من؟
غزلان:افتح اخلص
نياف بهمس:تحب تخرب كل شييي
بالنسبه لوليف اللي كانت نبضات قلبها غير منتظمه وكانت تناظره
فتح الباب وقال لغزلان:وش تبين
غزلان:امي تقول قبل لاتنامون تبي نروح المزرعه
نياف:الحين؟
غزلان:ايي الحين
نياف:العيال قاعدين؟
غزلان:بس معاذ
نياف:اجل اجهزو الحين بنروح والباقي يلحقونا بعدين
وطلعت وليف من غرفته وطلعت فوق لغرفة غزلان
وجدان:وش عندتس وجهتس احمر
وليف:ماعندي شي
مواليف:البسن يلا
لبسو البنات عباياتهم بعد ماغيرو لبسهم
وطلعو للحوش وحصلو نياف ومعاذ بالسياره حقت يوسف
ام ذياب:وانت متى تشتري سياره
نياف:قريب
وركبو السياره وحرك معاذ وقال نياف:
يمه دقي على العامل
ام ذياب:وش تبي به
نياف:ابيه يطلع سحابي بشوفها
معاذ:توك تتذكر سحابك؟
نياف:انت شفها اذا جيتها وش تسوي والله لا تصهل صهييل الشوق يولد باسم
معاذ:نشوفف
نياف:والكل شاهدد يامعاذ اذا ماجت تركض مااكون نياف
معاذ:واذا ماجت وش لي؟
نياف همس له:لك اللي تحبها والله لااخليهم يعطونك اياها اذا ماجت سحاب
معاذ:يارب ماتجييي
(وصلو المزرعه بعد مده)
ونزل نياف ووراه معاذ ووراهم البنات وام ذياب وبناتها
معاذ:يلا نادها
نياف بصوت عالي:ياسحابببببببببببيييييي
معاذ:وينها ماجت
نياف مره ثانيه:ياسحاببببببببببببببب
معاذ:ماجت شفتتتتتت والله ماتج
قاطع معاذ صهيل سحاب اللي جايه تركض لناحية نياف
نياف:هلا بسحابي هلا
معاذ:يلعن ابليسها هالملعونه
ام ذياب:من لعن طرد من رحمة الله يامعاذ
معاذ:استغفرالله
غزلان:افتحو الباب نبي ننام
نياف وهو يحضن سحاب:ياربي ياغزلان اشتقت لسحاب
وصال:كل هالحب لسحاب!!!
نياف:ابي اعطيتس سر ياوصال بس لاتعلمين احد
وصال:وشهو
نياف:تعالي اقولتس
قربت وصال وقال لها نياف وقالت وصال:
لاماله دخل المفروض انت
نياف:انا ابيه هو ذي المره
مواليف:افتح الباب وقت سوالفففف
نياف:يليللل من مواليففف
ومشى يفتح الباب وقال:ادخلي نامييي
دخلو البنات ونغزت جنبه غزلان وصرخ وقال:بنتتت محمددد اعقليييييي
غزلان:تستاهللللل
مارد عليها ومشى لسحاب وقال:ياصديييق
تعال خذ سحاب
جاء العامل وقال:انتَ وين انا بس اعطي اوكل حق هذي غنمه
نياف:هذي غنمه؟تستهبل هذي خيييل
صديق:انتَ مافي مخ؟معلوم ان هذي خيل حق انتَ!انا اقصد ان ماما مناير قول بابا نياف يجي اعطي غنمات اوكل بس انت مافيه يجي
نياف:خلاص اسفين اعطيها اكل بعدين
صديق:هي موت جوع وانتَ واقف هنا
معاذ:ايي احسن يستاهل
صديق:انتَ ايش جابك ديره
معاذ:وش تبي انت اتركني
صديق:معلوم بابا نياف زواج اوخت انتَ
معاذ:صباح الظهر ياصديققق كلنا بنتزوج
صديق مسك كتف معاذ وقال:هذا كلو حبو الا انتَ بابا معاذ حبُ مافيه كويس بعدين يوجع قلب
معاذ:طحنا ياصديق طحنا بس محد معانا
صديق:بكرا انتَ يجي وقول حبُ مافي حلو مافي كويس
معاذ تنهد وقال:من الحين اقولك الحبُ مافيه حلو
صديق:بابا نياف شوف هذا انسان صاحي مو انت
نياف:صديق خذ خذ سحاب وانت ساكت
صديق:انتَ مافيه مخ اسكتت
ومشى ياخذ سحاب ودخلو نياف ومعاذ غرفه وعلى طول نامو
(بالليل الساعه ١١:٢٠)
فيصل:جده متى نامو؟
ام ذياب:مدري
فيصل:اقوم اقعدهم؟
يوسف:قم
وجاء بيقوم لكن شاف معاذ يطلع من داخل
معاذ:السلامم عليكمممم
الكل:وعليكم السلام
فيصل:وين نيافي
معاذ:نايم
ابو ذياب:غريبه نايم للحين
معاذ جلس وقال:والله ياجدي حفيدك وضعه يقهر ماقعدني غير صوت جواله وهو يدق
ام وصايف:منهو اللي يدق
معاذ:مدري رقم ويوم رديت صار يطلع صوت قصير وهو يقول اختك عايشه والكلام يتكرر لين قفلت المكالمه
رفعت ام وصايف عيونها ل ام ذياب وقالت:
يمه شعندتس
ام ذياب:هاه ماعندي شي
فيصل:رُوح امسكي المويه ذي وروحي كبيها على نياف
وفعلاً راحت رُوح كبتها كلها على نياف وطلعت تركض ووراها نياف
نياف:رُوح وقفييي ليييه تكبينهاا علييي
فيصل:انا قلتتت لها
نياف جلس على الدرج حق الباب وقال:
لييه يافيصلللل لييييه
فيصل:ولد شفيك
نياف:حيوان انت حيوان انا مافتحت عيوني على المكالمات وخليت معاذ يرد وتجي انت تقعدني بعلبة مويه؟؟؟
فيصل:اسفييين
نياف مشى ووقف عندهم:الا وين تبون نروح
تركي:ليه نروح نضل هنا
نياف:ليه مانروح نبي نتونس
محمد:ندق على سعود يجي؟
نياف:دقو عليهم
غزلان:ارسلنا لريف يوم قعدنا وقالت بنجي بعد شوي
ذياب:يمه شعندتس ماتسولفين
ام ذياب:راسي يوجعني
نياف مشى لها وجلس عندها وقال:ليه ماقلتي لنا نوديتس للمستشفى
ام ذياب:مايحتاج
نياف:طيب تروحين معانا نبي نتمشى؟
ام ذياب:لاابي اجلس هنا
نياف:براحتس
معاذ:طيب ليه مانحرك الحين ونتقابل حنا وسعود هناك؟
نياف:خلص انا بس اغير ملابسي ونقول لهم ونحرك
ومشى يغير لبسه ولبس ثوب مع بوت رياضي
وطلع وحصلهم بالسياره وركب مع معاذ بسيارة يوسف
نياف:يلا حرك
وحرك معاذ ووراهم سيارة العيال
"يوسف ومحمد وفهد وسلمان وفيصل"
وجدان:وش نحط اغاني
نياف:كيفكم شغلو اللي تبون
معاذ:طلبتكم شغلو شي يونس
شغلت وجدان"مبروك علينا"
نياف:ليه شغلتيها ذي
وجدان:مدري طلعت لي وحطيتها
معاذ:فرحه لامه كل العيله
غزلان:مو هذي سيارة سعود؟
نياف:الا سيارته
(بعد نص ساعه بسياره العيال)
فيصل:الوضع غريبب فجأه يدق رقم ويقول اختك عايشه طيب لو عايشه وين بتروح يعني
يوسف:خلك من هذا جده وخاله اصايل من معاذ جاب الطاري وجيههم قلبت صفراء
فهد:الوضع يوتررر
محمد:طيب ماعلينا شفتو عمي تركي شكله للحين صامل يزوج وجدان عايض
سلمان:ماني راحم الا وجدان
فيصل:يقهر تركي ياعياللل يقهر يقول بدون عرس ياجعله المغص
سلمان:من قدك انت عرسك بعد يوم
فيصل:لاتذكرني كل ماجابو الطاري بطني يوجعني
محمد:والله لو انك العروس ماقلت كذا
فهد:وش بيصير بمعاذ!
يوسف:مابيصير فيه شي بيسكت لانه لو تكلم العالم كلها بتوقف ضده مع ان حنا ندري وش بيسوي عايض لكن عمي تركي مو مقتنع
وغصب يبي يزوج وجدان عايض
فيصل:ياعزتي لمعاذ اول مره يحبب ومحد صار معاه
سلمان:انا خايففف عليه من تركي وعايض بيجي يوم ويسحبونه لحاله بدوننا
فيصل:يقدر عليهم
يوسف:لامايقدر هذا معاذ اذا انت ناسي ماله بالمشاكل ابددد ماهو مثلي ومثلك
محمد:لازم احد يضل عنده
فهد:هذا هو مع نياف اربعه وعشرين ساعه
والحين يتزوج فيصل ويصيرون لحالهم
فيصل:حتى نيافي اخذه مني يرفع الضغط
سلمان:انطمم بس قال نيافي قال
محمد:وسلوم صادق افهم فيصل لازم نخلي معاذ يكره بنت غدييرر
فيصل:مايكرهها لان قلبه حبهااا ماهي بالسهوله ذي اقول له اكرهها ويكرهها قلبه حبهااااا
يوسف:خايفف على قلبه
فيصل:ليييته يفهمم انها مو من نصيبه
فهد:ليه تقول كذا ان شاءالله انها من نصيبه
يوسف رفع جواله ورد:هلا ابوي
باسم:يوسف ارجعو انتو وعيال عم نياف
يوسف:ليه
باسم:ارجعو بدون أسأله
يوسف:ان شاءالله خير
وقفل ورجع يعكس الطريق
فيصل:ويين ياولددد
يوسف:دق على نياف وسعود وقل لهم يرجعون للمزرعه
محمد:ليه وش صار
يوسف:مدري والله
(ياعزتي لهم مايعرفون وش بيصير)
فيصل دق عليهم وقال لهم ورجعو كلهم للمزرعه
معاذ:نمر ناخذ قهوه بعدين نرجع
نياف:اييي
غزلان:طيب شعنده باسم يدق
معاذ:مدري والله بس قال لي فيصل ارجعو
بيان:يوترونن الصراحه
وصال:يمه لايصير شي
نياف:تفائلو بالخير تجدوه(ياحبيبي انت متفائل ماتعرف وش بيصير فيك)
مواليف:الله يعطيني برودك
نياف:ماهوب برود بس تعودت
وجدان:الحين سعود والبنات رجعو المزرعه؟
وليف:ايييي
هديل:بنات يمكن احد يموت
بدور:بسم الله علييييهم وعليييينا
غاده:صوتس مزعج اسكتي
(بعد وصولهم للمزرعه)
نزلو من السياره ومعاهم قهوتهم ومشو للجلسه اللي الكل فيها
نياف:السلام عليييييكم
محد رد عليه واستغرب وقال:وش فيه وش عندكم
"سعد واهله اللي كانو موجودين ومعاهم عايض"
سعد:وش مسوي انت
نياف:وش مسوي انا؟وش سويت
فيصل:نياف تعال اجلس
نياف جلس جنب فيصل وقال:ياهيييه قولو وش فيه وش صاير لاتوترونييييي
باسم:مايتوتر الا اللي عنده شي او مسوي شي
لفو البنات كلهم على باسم وينتظرونه يتكلم
وقف نياف وقال:مهبل انتو عقلكم فيه شي؟وش ماكلين مرجعيني من الطريققق عشان تسكتونننن
ام ذياب:اجلسس
نياف:انطقووو تكلموو وش فيييه
ذياب:اجلس يانياف اجلس وخل الدنيا تروق
نياف:ذيابببب انتت تعرف شي وساكت تكلمم قل لي وش عندهم
قامت ام وصايف لنياف وهمست له:خلهم يبون يلعبون بإعصابك خلهم والعب معاهم
انت وخلك احسن منهم بس جننهم
نياف ناظر باسم وسعد جنب بعض وعرف ان سعد قايل شي لباسم
نياف:قسم بالله يبو سعود ان ماهجدت لااهجدك فاهمم؟تراها قديمه تجي عند عمي باسم وتقول له شي ماصار !!تراني فاهم حركاتك زين بس تذكر اني لحالي واقدر عليييك
باسم:هذا عمك ماهوب انا لاعاد تقول لي عمي
ناظره نياف وعيونه شوي وتطلع ومشى يترك الجلسه واللي فيها
سلمان:وش صاير وش مسوي نيافي
سعود اللي لحق نياف وهو يعرف ان ابوه مابيترك نياف بحاله ابد
فيصل:ابوي وش مسوي نياف عشان تقول كذا
محد رد وناظر يوسف ام ذياب وقال:جده انتي تسكتين وهم يتكلمون على نياف؟وش صاير بالدنيا
عايض:تعالو نتقهوى
معاذ:انسدت نفسي مابي
هتان بهمس لفهد:الولد مكتوم وكتموه زياده
فهد:الله يعينه بس
قام فيصل وقال باسم:وين يافيصل
فيصل:بروح لنياف
باسم:اجلس ولاتروح له
فيصل اللي كان كاتم كلامه ويشوف افعالهم وكلامهم بنياف
باسم:قلت لك اجلس
فيصل:ماني بجالس انت عودتني اني اروح له اذا تضايق والحين تقول اجلس ولاتروح له؟من متى صرت كذا انا ماصرت اعرفك ولاامي ولااخواني واختي صارو يعرفونك انا والكل ملاحظين انك من جييت وانت مو طايق نياف وش مسوي لك ولاعشانك صرت صحبه مع عمه سعد؟تذكر ان اللي جنبك ذا لو نياف طلع جنونه عليه وصار مايهُاب شي لايجنن سعد واللي خلفوه
قاطعه عايض وهو يقول:ونياف يُهاب الفقد واشياء واجد لو فقد احد يحبه مايقدر يسوي شي
معاذ بعصبيه:انت تسكت لانك لو تكلمت كلمه ثانيه توطيتك فاهم؟
ابو ذياب:بس انتت وياه رح يافيصل لنياف
مشى فيصل لنياف وسعود وهو كاره الدنيا ومافيها
(عند نياف وسعود)
ركض وراه سعود ومسك يده قبل يضربها بالجدار
نياف:اتركني
سعود:والله مااتركك
نياف:سعود تكفى
سعود:نيافففف وش هالحركات كل مازانت الجلسه ضربت يدك بالجدار!
نياف مارد عليه وكمل سعود وهو يقول:
حتى لو ابوييي وابو يوسف قامو عليك والله يانياف ان الكل معاك
نياف:بالله اشوف الكل تكلم ووقفهم هذا عميي باسمم ياسعود عميي باسمم ماهوب مثل الباقي تغير فجأه تصرفاته غريبه كلامه لي غريب اسلوبه بالعاده يجي عندنا وينبسط اذا تكلمت وسولفت الحين يصدد عني ياسعوددد يصدد مايبيني حتى وجهي مايبي يشوفه مدري وين اروح يعني
ناظره سعود وهو ساكت وكمل وهو يجلس على درج باب الاسطبل:صدريي ضاقق فيني والسبب ابوك وش ناوي عليه؟وش مسوي له انا اذا بياخذ حق ريف مني عشاني تركتها والله انها قالت بنفسها انها ماتبي مني شي ومسامحتني دنيا واخره وانا زي اخوها وش يبي ابوك قل لي عطني سبب واحد عشان احط له عذر مثل ماحطيت لعمي باسم
تنهد سعود وقال نياف وهو يضحك بسخريه:مافيه عذر ابد مافيه بس انه يبي الفلوس عطني حسابه واحولهم كلهم له بس خله يتركني بحالي
فيصل:لاوالله قممم بس
نياف:متى جيت انت
فيصل:من قمت تتحلطم
نياف مارد عليه وقال فيصل:والله ان التعب لاعبٍ فيك لعببب الواحد يواجه مايصير كذا من اول مشكله
نياف:المشكله فيييها ابوك وابوك مع عمي سعد يعني يقدر يعبي راس عمي باسم ويسحب وليييف مني ماني مستعدد افقدها مثل مافقدت امي وابوي
سعود:السالفه فيها حـرمّك؟مانقدر نتدخل
فيصل:خايف تفقدها؟يعني تحبها وحبك لها ماهوب قليل يعني انت عاشقها
تنهد نياف وقال بإبتسامه:ماعشقت الا السحابة في سماها ولاهويت الا هوى نجد العذيّة
فيصل:وضعك غريبببب يانياف
سعود:امش امش
ومشو للجلسه وماحصلو باسم وسعد
وجلسو كلهم عند معاذ جنب بعض
معاذ:وش عندكم
فيصل:ماعندنا شي
عبدالله:الرباعي السعيد شعندهم هاجدين
سعود:صرنا رباعي ياعم؟
عبدالله:من شفتك انت وفيصل لحقتو نياف وجيتو جلستو جنب معاذ صرتو رباعي
معاذ:عمي عبدالله اعترف حبيتنا مع بعض صح؟
عبدالله:ايي بالله
ابتسم معاذ ولف على البنات يناظرها وتلاقت عيونهم وزادت ابتسامته ووضحت غمازته اللي نادر ماتبان
تركي:شكلك تحب
معاذ اشر على نفسه وقال:من انا؟
تركي:فيه احد غيرك؟
معاذ:لاياعمي الحب بديره وانا بديره
نياف لف عليه وقال:والله انك تحب يالكذاب
معاذ:اسكت بس
فهد:الكذاب يوضح من عيونه
ام ذياب:والصادق يوضح من حبه
معاذ:واللي يحب ماله حظ خلونا ساكتين بس
ام سعد:اسمع ياوليدي الواحد يوم يحب يحب من قلبه لو العالم كلها توقف ضده مايهمه احد همه الشخص اللي يحبه وبيجي يوم ويصير الشي اللي يبيه ماهوب متخلي عن اللي يحبه بسهوله لازمم يحاول بدال المحاوله الفف مره يامعاذ والفف محاوله هذي كل وحده اكون اصعب من الثانيه
"الكل ابتسم على كلام ام سعد لمعاذ"
معاذ:يعني اللي يحب بيكسب بالاخير؟
ام سعد:علييييك نور ياولد جواهر
معاذ:اذا كذا ياخاله بنصبر لعيون الحب
عايض:ليه ماتصبر من الاول ولا لازم احد يعلمك ان الصبر زين
معاذ:لا لازم احد يعلمني كيف امسك نفسي عن بني ادم لااقوم وارفسه
عايض:لولا الحشيمه للكبار اللي جالسين قمت عليك
معاذ رفع حاجبه وقال:من متى وانت محترم؟
ذكرى:ياجواهر امسكي ولدك عن ولدي لايجيه
ام يوسف ماردت عليها وقالت وجدان:وانتي امسكي ولدتس عن عيالنا ماتشوفين ولدتس وش يقول يحمد ربه انهم ساكتين له من اول الجلسه بس ماش ماينفع معاتس الطيب
نغم:عيالكم؟ولاتقصدين معاذ حبيب القلب؟
وصايف:وانتي شدخلتس هاه؟
نغم:انا اللي شفته وسمعته يكفيني والباقي وجدان ومعاذ يعرفونه
تركي:عيني من الله خير واجلسي يابنت وافي
غزلان بهمس لوجدان:وشو اللي تعرفينه انتي ومعاذ
وجدان:مانعرف شي
ابو ذياب:وين باسم وسعد
ام يوسف:تلقاهم بالمشب
ابو ذياب:قم يانويف نادهم
نياف:ليه انا اناديهم؟
ابو ذياب:ابو حرمتك وعمك قم
نياف لف لسلمان وقال:سلوم قم نادهم
سلمان قام ونادهم ورجع وكان الكل ساكت
لين دق جوال ابو ذياب ورد:هلا
:السلام عليكم ياعم
ابو ذياب:وعليكم السلام والرحمه
:اسفين ازعجناك بس بغينا نياف مايرد
لف ابو ذياب لنياف وقال:من انتم
:حنا اخوياه من الشغل
ابو ذياب:امسك يانياف
نياف:وشو
ابو ذياب:يبونك
اخذ نياف الجوال ورد وهو يقوم:هلا
:نياف اسمع اختك جالسه معاك الان والكل يعرف من تكون الا انت وهي حتى حرّمك تعرف جاي اقولك انها ماتعرف انك اخوها وهي من بنات خالاتك وجدتك تعرف وساكته وجدك بعد وكلهم يعرفون بس يبونك تتعب وتطفش ومعاد تدور عليها اعتبرني فاعل خير ولاتدور من بعيد دور من قريب من بين اهلك وناسك
نياف مارد عليه والرقم قفل ومشى نياف للجلسه وهو مصدوم
ام ذياب:وش فيه يانياف
مارد نياف ومشى يجلس بمكانه
فيصل:نياففف شفيه
نياف:مافيه شي
ورفع عيونه يشوف غزلان وخالاته والبنات ويقول بنفسه انهم مستحيييل يعرفون لو عرفو اكييد بيعلمونه ولف بعدها على عبدالله وتركي اللي كانو يناظرونه
معاذ:نياف شفيك
نياف:مافيني شي شفيك انت
وبعدها لف لفيصل اللي يضحك بدون صوت
وصار يضحك معاه مع انه مايعرف ليه فيصل يضحك بس ضحك معاه
معاذ:وش فيكم
سلمان:نياف شخصيته متناقضه لابعد حدد مره يضحك ومره يعصب وش صاير
يوسف:مو بس متناقض عنده شخصيات غريبه
غزلان:شفيهم الحين؟
نياف:انت الحين ليه تضحككك
فيصل:مدري بس بضحك
وجدان:عندي سؤال
ناظروها كلهم وقالت:هو لنياف وفيصل ومعاذ
فز يبتسم من نطقت اسمه وكملت تقول:
يعني يوم نشوفكم تحبون ودنا نعرف من قدوتكم بالحُب؟وليه تفز كل حواسكم اذا جبنا طاري الحبُ؟
فيصل:تبين الصراحه؟
وصال:كلنا نبي الصراحه
فيصل:قدوتي بالحبُ نياف كان دايم يحبُ طاري الحبُ ويجيب طاريه لين طحت على وجهي وصرت فيصل ولد باسم الواقع على وجهه وبشده
معاذ:انا نفس كلام فيصل بس بإختلاف شوي فيصل انكتبت من نصيبه بس انا الحظ ماوقف معاي
وجدان:الله يكتبها من نصيبك ياولد باسم
تنهدت غزلان وقالت:ونياففف من قدوته بالحبُ؟
نياف ابتسم يخلل اصابعه بشعره ونطق:
فهد المساعد كل شي فيه يدل على انه يحبُ من قلبه أشعاره تتكلم عن اللي بقلبه ابتساماته لاجاء له سؤال
بيان:وش اكثر شعر تحبه لفهد المساعد؟
ناظرها وابتسم ونطق يجاوبهم ويجاوب قلبه:انتي دعاي المستجاب والامنيات الاوله انتي لي الدرب الصواب وفرحة سنيني المقبله جيتك على متن السحاب في نظرة عيوني وله عمري كتبته لك كتاب
‏وسمّيت بأسمك أجمله مالي سوى عيونك جواب قبلك حياتي اسئله انا اشعر ان انتي ثواب لخيرٍ فعلته و اجهله
صفر سلمان وقال عبدالله:اذكر عمي كان يقول نياف اذا حب مايحب من قلبه؟والحين وش صار؟
ابو ذياب اللي كان يناظر نياف ويبتسم قال:لاوالله انه يحبُ من قلبه وماهوب اي حبُ
بدور:اشرح لنا حبُه ياجدي نبي نعرف
ناظر نياف ابو ذياب وابتسم ينتظره يتكلم
باسم:وش تقول ياعمي نبي نعرف
كشر نياف من سمع صوته وجلسو سعد وباسم وقال
ابو ذياب وهو يناظر نياف: نياف شخص هادي مع الناس الثانيه ومايبين حبُه لأي احد لكنه معانا حنا يا أهله غيير عن الكل سوالفنا ماتكمل الا ونياف معانا مانفرح الا ونياف معانا لو راح نياف نفرح مع مين؟
كان يناظر ابو ذياب وعيونه تلمع ويبتسم وكمل ابو ذياب وهو يقول:مايبيع اللي يحبُه بسهوله ابدد يحُب يحّارب مع انه احيانا يدري انه ماراح يكسب لكن اسمه حاول وانا اول واحد اقولها قدامكم نياف ماينحارب لو ضده مليون شخص لانه بيكسب بالاخير انا كنت بخليه يطلق وليف لكنه وقف بوجهي وماخلاني اسوي اللي براسي وهذا هو متهني مع وليف ومبسوط
سلمان اللي قام وجلس جنب نياف قال:
قل لنا شعر ياجدي تقصد فيه نياف
وحط سلمان راسه على كتف نياف ونطق ابو ذياب:ماعندي بس وليف عندها
وليف:انا؟من قال اني بقول
ابو ذياب:انا قلت قولي
ناظروها كلهم وتوترت وطلع نياف جواله يرسل لها:اذا ماتبين تقولين لاتقولين اهم شي راحتس
ردت عليه وهي تبتسم:بقول بس مو عشانهم
رفع حاجبه ورد:عشان من اجل؟
رفعت نظرها له وردت:عشانك انت
ابتسم وهو يقفل جواله ونطقت وجدان:
تبتسم؟ادعس يانياف
نياف:ابتسم وليه ماابتسم!
ابو ذياب:يلا ياوليف قولي
وليف وهي تبتسم وتناظره تحط عيونها بعيونه:تكثر وجيه الناس و العمر فاني و كم وجه من لوحة حياتي محيته إلا انت وجهك في رفوف الثواني من وين ما وديت وجهي لقيته
صفر سلمان وهو يقول:من قدك يانياففف
زادت ابتسامة نياف وقالت وصايف:جدي خلنا نخلي عرسهم مع مواليف وفيصل
...........................................
وجدان ومعاذ انا مااقدر على الجمالل💙🥺
ترقبو الاعصار بين نياف وباسم وسعد😉
القادم مُذهللللل
الكاتبه:منيره آل عبدالعزيز💙.