بين الليل والحال هبت الذكرى

البارت التاسع عشر

"الحمدلله"
نياف:الصدق يعني مالي خلق
وصايف:لييه مالك خلق
نياف:بس كذا مالي خلق
ام وصايف:تعبان فيك شي
نياف:لالالا
ام فهد:اجل وش بلاك
نياف:مابلاي شي
معاذ:قم صب شاهي
نياف:بزر عندك
معاذ:يليلللل صدق قم وانت ساكت
نياف:بقوم بس عض لك شحمه
قام وصب لمعاذ شاهي وطلع يده من جيب ثوبه
ام سعد:وشهو اللي بيدك يانياف
غزلان:لايكون ضربتها بالجدار
نياف:لالافاهمين غلط تراكم
غزلان:وشهو اجل
نياف:من قرصت معاذ
غزلان:صادق ولاتكذب؟
معاذ:ماقصرتك بيدك يالكذاب
ام ذياب:من وشو يانياف
نياف:المشكله مقدر اكذب على مناير
معاذ:اقوللل انتتت اخذت كل اللي احبهم
نياف:انقلع بالله انا احب الكل
ام ذياب:تعال يانويف تعال
قام نياف وجلس جنب ام ذياب وحضنته وقالت:قول من وشو يدك
نياف همس لها وقال:انكب عليها الشاهي
ام ذياب:ياجعلها بضلوعي عنك يانويف
نياف:سلامة ضلوعتس ياعين نياف
ام ذياب:وحده يابنات تجيب كريم حرق وشاش ولفه نحطها على يده
نياف:مايحتاج يايمه والله مايحتاج
ام وصايف:حط عليها يانيافف
نياف:ياخاله والله ماتوجع ليه محد مقتنع
معاذ:جده اضربيه على يده وشوفي اذا اوجعته يعني كذاب واذا لا يعني صادق
ام ذياب:مد يدك يانويف
نياف ضحك ومد يده وضربته ام ذياب وصرخ
يوسف:ليه تكذب
نياف:والله كيفي
ام سعد:يانياف لازم تحط على يدك شي
نياف:بتفهمون اكثر مني؟انا دكتور وعارف
فيصل من وراه:وش مسوين فيك ياعشيري
نياف قام وحضن فيصل وقال:تكفى يالعشير فكني منهم
فيصل وهو يهمس لنياف:رح ادفع للاوبر واخذ اللي وصيته
نياف بصوت عالي:يسعدد دين اهلك يابعد راسي انت
معاذ:وشو شسالفه
نياف وهو يغمز:شي خاص مو لازم تعرفه
معاذ:ايييي عرفت
راح نياف يدفع الحساب وياخذ اغراضه ودخل من الباب الخلفي وجته رساله من وليف:وين رحت
نياف:دخلت داخل
وليف:بالله وانا قمت اجيب الكريم واللفه والشاش
نياف:لاتزعلين طيب
وليف:ياتجي يااجي انا اسويها؟
نياف:انتي بتسوينها؟
وليف:ايوه
نياف:الحين اجيتس برا
وليف ردت بذا الفيس:👍🏻👍🏻
ونزل نياف اغراضه بيده وطلع برا وشافها جالسه جنب ام ذياب وراح جلس جنبها ومد يده على طول
يوسف:على طول مد يده
نياف:يليللل ذا
وليف وهي تسحب يده وتهمس له:مايوجع اجل من وشو ذا
نياف بنفس الهمس:انحرقت
وكملو بهمس
وليف:من وشو طيب
نياف:الشاهي
وليف:كبير الحرق ذا
نياف: طيب اسمعي
وليف ناظرته وقالت:اسمعك وشو
نياف وهو يقرب لأذنها اكثر:ابيتس اليوم
وليف ناظرته وعيونها شوي وتطلع:وشو تبيني
نياف:وشو ابيتس تستهبلين لايطير تفكيرتس بعيد يعني بجلس معاتس وكذا
وليف:وين؟
نياف:نفس امس بغرفتي
وليف:تمام اذا بجيك ارسل لك
نياف:وشو اذا بجيك بتجين وطرق
وليف:خلاص بجي بجي
دخلو بنات آل ناصر بشناطهم وشافو وليف ماسكه يد نياف وتحط عليها لفه
ذكرى:سلامتك وش فيك
نياف وهو يلف راسه للباب:ابد انحرقت
عنود:بعدوينك يانويف
نياف:الله يسمع منتس
غزلان:دخلن يابنات شناطكن داخل
مشو البنات لداخل يحطون الشناط بغرفة غزلان
ريف:شفتو كيف ماسكه يده وهو شوي ياكلها بعيونه من كثر الحب
هتاف:خلاص عاد قال لك انه مايحبك غصب تبينه يحبك؟
رحيق:هتاففف تراها اختك المفروض تحاولين معاها تفرقين بينهم
هتاف:لاوالله ياخيي هو قال يحبها ومايحب ريف ليه تحاولين للحين ياخيي خلي عندك كرامه وعزة نفس عادي عندك تقطين نفسك على واحد مايحبك ولامعاشره كذا واحد قبله وعنده كل صورك وطلعاتك معاه
نغم:وهتاف صادقه وقفو شوي انتي وياها والله اللي يشوف نظرات وليف لنياف وتعامله معاها واسلوبه يقول له سنين يعرفها تذكري هو اختارها عليك وحبها وانتي خطيبته ولاسوا مشكله مع اخوك عشان يتركك ويختارها على طول ياخييي ريفف استوعبي شوييي وخري عنه خلاص فوق ماانك انتي وامي كرهتوه حياته بتفرقونه عن اللي يحبها؟
ريف:خلاص عاد درينا انه يحبها
رحيق:جاني تأنيب ضمير
ريف:اوه خلاص صدق نيافوه وشلته من بالي امشو برا الحين
وطلعو برا وجلسو
نياف وهو يهمس لوليف:طيب شرايتس بيدي مو حلوه
وليف:لالاحلوه
وجدان:ياعصافير الحب هييي ترانا هنا
نياف:وجدان افضحتس اسكتي
وجدان:ينخاف منك الصراحه
نياف وهو يرفع لها يده:شوفي وش سوو فيها
وجدان:يامسكيييييييين ياحراممم
فيصل:نويف
نياف:سم
فيصل:خير تختار معاذ معاك وانا هنا؟
نياف:ليه تغار انت بعد
فيصل:انقلععععععععععع
نياف:والله انك تجرح انقلع
معاذ:اضربه؟
نياف:لالا لاتضربه عنده حرمه تبيه
عبدالله:نياف
نياف:سم ياعمي
عبدالله:وانت يوم تتضارب ماعندك حرمه تبيك؟
نياف:عاد انا الغير عن الكل والكل دارييييي
وصال:لاوالله وهالمسكينه وليف وش ذنبها لاصار بك شي
نياف ابتسم وقال:لالاماعليتس بعقل بس عشان ماتاكلونها بكلامكم ياقلبي عليها
يوسف:ياعيالل بياخذ  اختي وحيدتي
نياف:بس استاهلها صح؟
معاذ:ايبالله تستاهلها يانويف
غاده:نياف تخيل يعني بس تخيل ان تصير مشكله بينك وبين فيصل وش بتسوي؟
نياف:تخيلي بس تخيلي ان مابسوي شي
وصايف:غدو تقصد ان مابتصير مشاكل بينك وبين وليف
نياف:ليه تصير مشاكل بسم الله علي وعليها اذكرو الله تكفون خفت يصير فينا شي
غزلان:الله الله يالمشاعر يانيوفي
ابو ذياب ضرب بعصاته على ظهر نياف وقال:
هالسربوت لو زعل وليف يويله مني
نياف:بالله وليه تضربني انا متى زعلت احد
ام وصايف:يبه حرام عليك ظهره
ابو ذياب:انا قايل له ان وليف ماتزعل منه وهو يدري انها اغلى حفيداتي
نياف:والله داري اقسم بالله داري بعدين ليه ماتوصي فيصل على مواليف ليه بس انا
ابو ذياب:فيصل اعرفه اذا حب يعني حب
نياف:وانا اذا حبيت ابيع يعني لاإله الا الله يضرب ولايدري عن مشاعري
بدور وهي تمسح دموعها من الضحك:جدي عطه ضربه ثانيه
ابو ذياب:والله مااردتس
وضرب نياف
نياف وهو يصرخ:بدور يالتبنه وربي توجع
ابو ذياب:منهي التبنه
نياف:بدور
ابو ذياب ضربه مره ثانيه وهو يضحك وقال:
عشانك قلت لها تبنه
نياف:والله معاد اجلس عندك اروح انام احسن
غزلان:تعال اجلس عندي
نياف:والله اني احبتس يابعدي بس بروح انام وراي اشغال العصر
غزلان:تصبح على خير
نياف:وانتي من اهله
وراح لغرفته واخذ شاور وبعدها ابو ذياب قال:يلا العيال بالشقه وباسم وعبدالله وتركي وعبدالله وسعد يروحون للمشب اللي ينقفل بالمفتاح والبنات يروحون ينامون وبعدها الكل راح ينام
الساعه ٣:٣٠الليل
وليف ارسلت لنياف:قاعد؟
نياف:ايي تعالي
وليف:الحين بجيك
وقفلت جوالها وعدلت شكلها وراحت لغرفة نياف وكان على جواله ورفع راسه من دخلت
نياف:ايوالله توها تنرد روحي وتقر عيني
وليف ابتسمت بدون رد وجلست على الكنبه
نياف:والله الغريب انتس ساكته
وليف:مدري شقول
نياف:الصدق اصبري بقوم اجيب اللي جبته لتس
وليف:بالغرفه هو؟
نياف:اييي بالغرفه
وقام دخل غرفة الملابس وطلع بالورد والهديه
وليف:وشو ذا
نياف:تذكرين يوم قلت لتس ان لو خطبتس وش اللي يعجبتس لو جبته وانتي قلتي ورد احمر وبنص الورد سلسال او عطر او خاتم
وليف:طيب
نياف:وهذاني جبته
وليف:صادق ولاتمقلبني؟
نياف:والله اني صادق
وليف:اصبر بصورها عشان افتحها
ضحك نياف وصورت وليف الهديه بعدين صورت صوره لها وهي مع نياف وكان ماسك الورد
وليف:افتحها الحين
نياف:ايي افتحيها
وليف فتحتها وكانت الهديه سلسال
نياف:اعجبتس؟
وليف وهي تحضنه:يجنننن شكرا ياروحييي
نياف:العفو يقلبي لفي خليني اسكره لتس
لفت وليف وهي تلبسه وقالت:ذا الوحيد اللي مراح انزله بس عشانه منك
نياف وهو يحضنها:والله الواحد يتمنى كل يوم يهديتس عشان يشوف فرحتس وضحكتس
وليف وهي تبوس خده:والواحد وده يجلس معاك بس عشان يضحك
نياف:يازين سوالفتس
وليف:نتابع فيلم؟
نياف:ودتس تتابعين؟
وليف:ايييي
نياف:خلاص يلا اختاري فيلم
وليف اختارت فيلم وبدت تتابع وبعدها خلص الفيلم وكانت الساعه ٥الصباح
وليف:انا بروح انام
نياف:مابتنامين عندي؟
وليف:لالالا بنام عند البنات وانت وراك اشغال العصر
نياف:براحتس
وليف استغربت من رده "لانه بالعاده يعاند"
وقامت وجت بتفتح الباب ووقفها صوته
نياف:وليف
وليف:هلا
قام وحضنها وهي بادلته الحضن
وليف:فيك شي؟
نياف:لالا ماعليتس
وليف:تبينا نروح؟
نياف:وين
وليف:نتمشى
نياف:جيبي عبايتس يلا
وليف:نروح للجبل؟
نياف:اييي
وليف:اجل بلبس عبايتي
وراحت تلبس عبايتها وجت وشافت نياف مغير ملابسه
وليف:خلصت؟
نياف: ايي خلصت يلا
وطلعو من البيت وراحو لسيارة نياف وحرك نياف للجبل
نياف:تبين فطور؟
وليف:لالا بنفجر من الاكل
نياف:حتى وانتي بتنفجرين حلوه
وليف كانت بتتكلم بس قاطعها صوت جوال نياف
نياف:هلا يبه
ابو ذياب بعصبيه:وينك فيه يالسربوت
نياف وهو يأشر لوليف تحطه سبيكر:ابد طالع ليه
ابو ذياب:ارجع البيت الحين يانياف ولااسمع كلمه
نياف:ابشر
وقفل من ابو ذياب ودق على غزلان
نياف:غزلان وش صاير
غزلان:مدري ابوي قعدنا كلنا وصار يهاوش وشكل صاير شي
نياف:يلا الحين ارجع البيت بس اسمعي
غزلان:اسمعك
نياف:قفلي على رُوح وهايف وموده ووصال الباب يخافون من الصوت العالي وبذات وصال تكفين لاتسمع شي بيصير فيها شي
غزلان وهي تبتسم:خايف عليها وساحب على نفسك
نياف:غزلان صدق عاد قفلي عليها الغرفه يبه واعرفه مابيخلي كلمه الا يقولها لي ووصال بتنهار زي ذاك اليوم
غزلان:تمام
وقفل منها نياف ورجع للبيت
وليف:فيه شي؟
نياف:يبه معصب وطاق فيه عرق ذياب
وليف:خايف على وصال ورُوح؟
نياف:وصال تخاف من الصوت العالي وذاك اليوم عصب عليها عمي تركي وماقدرت تتنفس زين وصارت تبكي
وليف وهي تبعثر شعره:يربيي اللي يخاف على بنت خالته
ابتسم نياف وكمل طريقه للبيت
بعد مده وصل نياف البيت وطلع ابو ذياب وسعد وباسم وعبدالله وتركي والعيال على صوت سيارته
(نزل وليف من الباب الخلفي عشان محد يعرف انها كانت معاه)
ابو ذياب بصوت عالي:وين كنت يالسربوت
نياف:حرام الواحد يتمشى
غزلان وهي تركض لجهة نياف:نياف تكفى يانياف قول لهم وش اللي بذياب لاتخليهم يوقفون ضدك
ضحك نياف بسخريه وناظر ابو ذياب
سعد:من متى وحنا عندنا ولد يسجن خاله وولده
(ابو ذياب وسعد ماكانو يعرفون ان نياف سبب سجن ذياب)
نياف:من انت عشان تتكلم؟هل انت لك كلام بعد كلامي طبعا لا ف اسكت وابلع لسانك
ابو ذياب:الحييين تدق عليهم وتقول لهم يطلعون ذياب
نياف:واذا ماطلعته وش بتسوي بتمد يدك؟تحسبني بخاف ذي المره لاوالله انت المفروض ماتتكلم لانك تعرف ذيابب وسوالفه الحين تحط اللوم علي
طلعو كل البنات والحريم وكانت ام وصايف جنب نياف وماسكته
ابو ذياب:تدق الحين وتطلعههه ماني ثاني كلمتي
نياف:ماني مطلعه انت تبيه انت طلعه انتتتت ماتدريي ذياب وش مسوي فيني عشان تقول طلعه انت اخر انسان تلومنيي انت ربيتني لين صار عمري عشر سنوات وبعدها حطيتي عند يمه وقلت انتي ربيه انا وراي اشغال وماني فاضي اربي ولد بنتس ولايكون غاليه ماهي بنتك يبو ذياب ولدك ذيابببب وولده محمد كانو بيذبحونيي تعرف شمعنى كانو بيذبحونييي ليه تحط اللوم علييي ليييه لييه ماتحطه عليك وعلى ذياب ومحمد ليه كل شي على نياف -ناظر ام وصايف-وقال:خاله غدير قولي لهم وش سوا ياخاله ليه ساكتين فيصل قول لهم وش كان يقول لي
جاء فيصل وحضنه
فيصل:نياف تكفى ياخوي لاتخلي عمك يكذب على جدي
نياف وهو يشد على فيصل:غيره مثل ذيابب يافيصل غيروه عليي
معاذ وهو يناظر سعد:يالله انك تاخذه اخذت عزيز مقتدر
وبعدها توجه لنياف وسحبه لسيارته وقال:والله ماتنزل دمعتك عليهمممم انت ولد سعود وغاليه تعرف شمعنى ولد سعود وغاليه يبون يقهرونك يانياففف لاتخليهمم يقهرونككك لاتخليهم يحاولون
نياف بهدوء:معاذ انزل من السياره
معاذ:وين بتروح
نياف:انزلل ولابنزل عليهم
معاذ:انزل عليهم ماني ماسكك بس بالسياره لحالك ماتروح
ناظر نياف معاذ ونزل من السياره وعيونه تطلع شرار ناوي على سعد وتوجه لسعد ومسك ياقة ثوبه:والله لااقهرك في نفسك يالتبن لاتحاوللل تقهرنييي انا اللي بقهرك لاتجبرني اسوي لك شي انا ماابيه
هتان وهو يدف نياف عن سعد:ولددد احترم انه عمك
نياف:تاكلل تبن انت ولااسمع لك حس
ام ذياب:يانياففففففف خلاصص عاد
نياف ناظرها ولارد وتوجه لغزلان وهمس لها:قفلتي على وصال ورُوح؟
غزلان:ايوه
نياف ناظر يوسف وتوجه له وقال:نص ساعه بس واشوف الكل بالسيارات
ذكرى:تستهبل انتت وشو نص ساعه
نياف:شتبين انتي مالتس كلام معاي وانا قلت اللي عندي وبعدها توجه لغرفته ولحقته وليف
نياف وهو يناظرها:وليف تكفين اطلعي مابي اوجعتس انتي بذات
وليف:نياف لاتحاول تطلعني لاني مابطلع
نياف:وليف
وليف وهي تهز راسها ب"لا"
نياف ناظرها وفتح حضنه وحضنته كان يحتاج هالحضن وبشده مايعرف ليه ابو ذياب سوا كذا مايعرف ليه سعد قاعد يحاول يقهره وينرفزه
وليف:ودك تقعد لحالك؟
نياف:الحين بنحرك جهزي نفستس
وليف طلعت من غرفته وراحت لغرفة غزلان وبدل نياف ملابسه(شورت ابيض وتيشيرت ازرق) واخذ شنطته وراح للسياره اللي كان جايبها وكان واقف عندها ابو ذياب كأنه ينتظر نياف
ابو ذياب:وش هالملابس
نياف:حتى ملابسي بتتحكم فيها؟محد له شغل فيني انت بذات لو تتدخل فيني احرق بيتك وانت فيييه
ابو ذياب:لاتحدنيي على شي انا ماابيه لاتخليني اقول لباسم يخليك تطلق وليف
نياف:بتوقف فعايلك على ذي صدقني لو سويتها بحرقكك انتتتتت وبيتك وبجيب ذياب واحرقه معاك
ام ذياب كانت تسمع كلام ابو ذياب لنياف وجتهم وقالت:لو سويتها يامحمد والله معاد تشوف وجهييي ولاوجه وحده من بناتي انتت تدري فيني الا نيافففف ووليف ذولي عندي خط احمر
ابو ذياب:يامناييييررر
ام ذياب:انا قلت اللي عندي يامحمد وانت خلك ورا سعد وذياب واجلس على قلب نياف واوجعه بكلامك صدقني فعل ثاني منك مابقعد ببيتك لو ثانيييييه
وجدان:ياجده خلاص وانت يانيوف افتح السياره نبي نركب بعدين من يحرك هالصبح والشمس بتلحقنا
نياف وهو يحسب شنطتها:تسكتين ولاشلون
جت غزلان وسحبت نظارة نياف الشمسيه من عيونه وقالت:الله يالكشخه يانويفف وشذي الحركات
نياف وهو يسحب نظارته:مالي خلق اعصب اركبي وانتي ساكته
معاذ:الحين اركب قدام ولاورا
نياف:مدري
ام ذياب:اقعد قدام انا بقعد ورا
وبعدها اكتملو البنات وحط نياف الشناط وقفل السياره وركب وربط حزامه وقال:
دق على يوسف وقل له نياف يقول نلتقي عند المحطه اللي قبل لانطلع من الرياض
معاذ دق على يوسف وبعدها حركو
وجدان:نياف احط اغاني؟
نياف:حطي محمد عبده
وجدان:اي اغنيه تبي
نياف:يادموعه ليه يبين لي خضوعه
معاذ:منفس
نياف:لاتسأل اخلاقي قافله واللي يتكلم معاي اصفقه كف
ذكرى:ترا سعد ماسوا شي عشان تعصب هالكثر
نياف:والله لو اني مااسوق كان لفيت عليتس وعلمتس الشغل اسكتي بس
ام فهد:عيييببب يانياف عمتك
نياف سكت وكمل الطريق وهو ساكت ودق جواله وابتسم ورد وقال:هلا والله وش الاخبار وينك مختفي
نادر:انت اللي وينك مختفي تعبت وانا ادوج بالديره
نياف:يوه اسكت انت انا وراييييي بلاوي والله اني ادوج لين سافرت
نادر:وينن ليه مااخذتني معاك
نياف:مع الاهل لو بيدي اخذتك معاي
نادر:اسمع من تبي تكلمك
ديم:نياف
نياف:هلا دمدم وش اخبارتس
ديم:الحمدلله ليه ماصرت تجينا
نياف:اشتقتي لي يعني؟
ديم:اييي امي تقول نياف زعل عليتس
نياف:انا متى زعلت على دمدم
ديم:بتجينا؟
نياف:لا وش تبين اجيب لتس من ابها؟
ديم:العاب كثييييييييره
نياف:بس؟
ديم:وفستان وبس
نياف ضحك وقال:ابشري يادمدم
ديم:انا بقفل مع السلامه
قفلت ديم وعلى طول قال معاذ:منهي دمدم يالكلب
نياف:ديمممم اخت نادر شفيك انت
معاذ:ايييي قل كذا من اول
غزلان وهي تطلع راسها من ورا:ماتستحون انتم عادي تقولونها ديم اخت نادر تستهبلوننننننن
نياف:وجع تراها بزر بزر
غزلان وهي تقرص وليف:سمعتي يقول بزر
نياف:وجدان ياوجداننننن
وجدان:هلا
نياف:شغلي موضي تكفين
وجدان:اصبر اصبر وشغلت موضي الشمراني وكانت ام وصايف تضحك على نياف وكيف يرقص وحركة يده المحروقه
معاذ:عطهمممم ياولد سعود
نياف وهو يهز كتوفه:عطه جوه
كانت غزلان تصورهم وهم يرقصون
وجدان:ذي احلى اسمعها
نياف:وانا جاي من بعييييد ياسادتي من بلادي
معاذ:ايوه يانيوف ايوه
نياف ضحك ومسك يد معاذ ورقص وكانت سيارة العيال وراهم
فيصل وهو يدق على نياف:يالخاييين وقفففف بجي معاك برقص
نياف:فاتكك يافصفصي
فيصل:يمه تكفين هاوشيهمم
ام يوسف:هذا نيوفي مقدر اقول شي
فيصل:مالت على حظي محشور بين سعود وسلمان وماهم راحميني هالاثنين
نياف:مع السلامه توصي
فيصل:انتبه على قلبك بس
نياف:ولددددددد
فيصل:امزح امزح
وقفل نياف من فيصل وكمل يرقص مع معاذ
بسيارة العيال
ابو ذياب:وش عندهم
فيصل:يرقصون
ابو ذياب:دق عليهم يوقفون
فيصل:اشر لهم طيب
اشر لهم يوسف ووقف نياف
نياف وهو يفتح الشباك:هلا وش عندكم
ابو ذياب:ياللي ماتستحي وش هالرقص
نياف:حرام ارقص يعني واتونس لاإله إلا الله
بس معصب ويهاوش
تركي:انتبه لبناتي يانويف
نياف:ابشر بحطهم بعيوني
ابو ذياب:يانياف بلا هباللل ورقص
نياف:كيفي طيب
ابو ذياب كان بيتكلم بس نياف حرك سيارته ومشى
مضاوي:الحين جدك يهاوش
نياف:خليه يهاوش صدع فيني بس يهاوش
.................................
دلعتكم ولامادلعتكم؟
تناقض نياف بهالبارت عجبنيييي🫣
الكاتبه:منيره آل عبدالعزيز💙.