(الحمدلله دائماً وأبداً)
ثاني يوم الظهر
قعد نياف على صراخ وصوت عالي وطلع برا الخيمه يشوف وش صاير
نياف:فصفص وش صاير
فيصل:مدري الصوت جاي من قسم الحريم ومحد راضي يدخل
نياف:امش قدامي
مشى فيصل ونياف ودخلو قسم الحريم
وشافوهم يفكون بين اثنين يتهاوشون
نياف:وجددانننننن
ام يوسف:وش عندكم داخلين انتم كذا
فيصل:صوتكم عالي
وجدان:والله العظيم لاانتفها هالسلقه ذي عديمة الكرامه
ريف:تخسين والله ماتلمسيني وانا بنت سعد
نياف:احد يفهمني وش السالفه
وجدان:انا اقولك وش السالفه ذي اللي قدامك كانت تكلم واحد بالجوال وكانت تقول له يجي يخطب وليف عشان تقدر تتزوجك وانا كنت وراها وسمعت كل شي بس يوم قلت لها قالت اصلا وليف ماتستاهل نياف ولاتوقع من تكلمم
نياف:من
وجدان:هتان اخوها وتقول انت بس تزوجها وخل الباقي علي انا ورحيق
ريف:وين اثباتك اني قلت كذا
نياف:مايحتاج اثبات وجدان بنت خالتي وانا مصدقها ومستحييل تكذب علي
ام ذياب:يلا يانياف اطلع
نياف:قبل لااطلع بقول كلام لبنت سعد
ريف:ايش عندك
نياف:الحين تدقين على اخوتس التبن هتان وتطلعين من المخيم ولاعاد اشوفتس ثاني شي حتى لو هتان بيتزوج وليف والكل موافق انا بس بكلمه اقدر امنع زواجهم لان الكل يعرف وش بيني وبين وليف ولاتنسين اني اخترتها عليتس
وبعدها طلع نياف وفيصل من قسم الحريم وراحو لقسم الرجال وتوجه نياف ل هتان وجلس جنبه وقال ب همس: شكلك اشتقت للضرب
هتان:ليه اشتاق له وش مسوي
نياف:اختك تستناك عشان تنقلع انت وهي
هتان:ليه ان شاءالله
نياف:اللي يخرب على نياف شي واحد بس نياف مستعد يخرب عليه حياته ياولد سعد لاتتوقع اني بعدي خطتك انت واختك لاويين الحين بلعب فيكم وبشوف وش يصير لاتنسى اني ولد سعود ولو ابوك قال لك ترا سعود ماكان هييين ابد وانا مثل ابوي
هتان ضحك بسخريه:كل هذا عشان بنت خالتك
نياف:ايي عشانها لو تزوجتها انت صدقني ماباخذ غيرها ابد وتحرم علي بنات الدنيا من بعدها تدري ليه؟لان حبي لها حب صادق ولافيه شي غلط لانه حب طفوله ماادري اذا هي تحبني مثل ماانا احبها لكن صدقني لو جاها شي حرقت الدنيا عشانها
معاذ:وش عندكم تتهامسون نبي نسمع
نياف:ولاشي بس هتان بيروح
معاذ:لييه تو تزين الجلسه
هتان:لاريف تعبانه لازم نروح
معاذ:مع السلامه
وقام هتان لسيارته واتصل على ريف تطلع
عند الحريم
وصايف:وجدان كل ذا سويتيه عشان نياف
وجدان:لان نياف يحب التيسه اللي قدامتس ذي وذي ماتحبه
وليف:ماقلت مااحبه ولااكرهه بس مافيه شعور فيني لنياف
وصال:مع الايام بيجي الشعور ذا
غزلان:وليف ماكنتي تحبين نياف يوم خطب ريف وش تغير الحين
وليف:كنت احبه انتي قلتيها بس هو خطب غيري وانتهى الشعور اللي بداخلي له
مواليف:لاعاد مو لهدرجه ينتهي بيوم وليله
بيان:كذابه تحبه بس تكابر محد يطلع الفجر معاه الا هي مايتكلم مع احد اذا هو معصب الا وليف ولاهي تمسك يده وتتأمله وتقول مااحبه
وليف:من وين عرفتي كل ذا
بيان:شفتس وانتي تمسكين يده وكنتي تناظرينه
وليف:خلاص يعني انكشفت
وصايف:اليوم باليلل يالتيسه تروحين تقولين له كل شي لانه سمعتس وانتي تقول مااحبه
وليف:وشو اليوم تستهبلين
وصايف:وانا صادقه عشان ينعقد قرآنكم ويصير عرسكم بعد مواليف وفيصل
وليف:تدرون ماني مصدقه ان فيصل بياخذ مواليف
بيان:كانو اكثر اثنين يتحارشون
بدور:بس لايقيين على بعض
مواليف:خلاص عاد
وليف:استحتتتتت يابنات
قطع عليهم صوت فيصل:يابناتتتتتتتت
غزلان:وش عندككك
فيصل:تعالن
غزلان:وش تبون
فيصل:شوفي جوالتس
فتحت غزلان جوالها وشافتهم مصورين نياف وهو يرقص وفيصل كاتب تحتها
(تعالن شفن المطفوق ذا)
ردت غزلان(جايين)
وناظرت غزلان البنات وقالت:البسو عبياتكم بنشوف شي حماسييييي
وجدان:وش صاير
غزلان:بتشوفين
قامو كل البنات يلبسون عبياتهم وطلعو يشوفون فيصل
غزلان:وينه
فيصل:تعالي
واخذهم فيصل للمكان اللي مشغلين فيه اغاني
معاذ:انت الخجول الحين
نياف وهو يهز كتفه:لاتلومني طيب
وجدان:تمشي خجولل يانويف
نياف:اوه انتن هنا وش جابكن
وصايف:فيصل قال تعالن
نياف:اوه عشيري مقدر اقول له شي
فيصل:رُوح اركضي لنياف
ركضت رُوح لنياف وشالها وقال:ترقصين معاي ولامع هايف
رُوح:لامع هايف
نياف:وارقص مع من
رُوح:زوجتك
نياف:منهي زوجتي
أشرت رُوح على وليف وناظر نياف وليف وقال لرُوح بهمس:حنا مطولين
رُوح:لاجده قالت عرس نياف قريب
نياف:خلاص روحي مع هايف ارقصي
فيصل:استغنيت عنها يعني
نياف:لاهي استغنت عني
سلمان:لانياف المفروض تحارب هايف عليها
نياف:لالاهي بتجي تشتكي منه وتشوفون
يوسف:طيب منهو الشاطر اللي يصوت للكل بخاطري نجلس مع بعض
نياف:عندي اصبر، يمه خالة غديييييييرر
وجدان:وجع وش هالصوت
نياف:مايسمعون ذولي من يسوي سباق
فيصل:مو انا
سعود:انا
نياف:يلا سعودي تعال وجدان عدي
وجدان:واحد اثنين ثلاث
وركضو سعود ونياف لقسم الحريم
وناداهم نياف ورجعو يركضون
نياف بصراخ:فزتتتتتتتتتتتتتتتتتتتتتت
فيصل وهو يحضنه:ماقد شفتك تخسر
نياف:الفوز دايم للحلوين
معاذ:مين اللي مثلي مين يموت فالحلوين
نياف: ومين اللي مثله خذا الزين كله ولاشي هو خلاه
معاذ:ربوه اهله ع الدلع ربالي قلبي ع الولع
نياف: يسلم لي من هو اللي جابه ياربي ويسلم لي من رباه لاصاح وني بيه يصيح يالبيه
معاذ: وبسرعه يجيني ويروي حنيني وأتونس أنا معاه هو يغني بلهجتي وأنا أغني بلهجته
فيصل:ادعسسس يالحلوييين انتم
نياف:لاتنكر وربي اني حليو
فيصل: غصب عن اللي مايحب يدخل وسط قلبه غصب
نياف:خاله غدير وينها تنصفني
ام وصايف:جيتك وش مسوين لك
نياف:عذبوني وقطعوني تقطيع
ام وصايف:وش مسوين له
وجدان:هالكذاب محد جاه
ام ذياب:الا نياف يعيال
فيصل:كل الدلع لابو غمازه ذا
نياف:تغارر يالغييورررر
ام ذياب وهي تحضن نياف:كلكم ماتجون مثل نياف عندي
نياف:يالله يارب انه يخليتس لنياف
غزلان:يمه ترا كلنا نياف عندنا غير
نياف:لالاانا عند يمه غيير غييييير
وجدان:جده حبيني مثل حبتس ل نياف
نياف:يالغييييوره مافيه يمه لي لحالي
سعود:ياخاله الكل غار من نياف
نياف:موتو قهر
وصال:يقهر ينرفززز
وليف:حتى جدتنا اخذها منا من بقى
نياف:اللي ابيها
عز:عشنااااااااااا
رُوح وهي تركض جهة نياف:نيييافف
نياف:سمي ياروحه
رُوح وهي تحضنه:هايف ضربني
نياف:لييه
هايف من وراها:لانها قالت بتزوج نياف
نياف:اقول هايف لاتمد يدك على رُوح يويلك مني
هايف:لاانت بتتزوج وبتاخذ رُوح معاك
موده:يالكذابببب
نياف:لاعاد تجون رُوح اللي يجيها بضربه
موده:ليه ان شاءالله تضربه
نياف:لانه ضرب رُوح
فيصل:قلت لك بتجييي
نياف وهي يحضن رُوح:يربيي يالخديداتت ياناسسس وش تبين اجيب لتس
رُوح:ابي سحاب
نياف:والله ان تبشرين امشي معاي بس
فيصل:ذا تطلبه عيونه يقول سمي
نياف:لو روحيي عطيتها
قامت رُوح مع نياف وراحو لسحاب وركبها نياف وركب معاها ومشى بها لين طلع للجلسه
وجدان:هالورعه حقتت احلامي
نياف:عساتس رضيتي
رُوح هزت راسها بمعنى ايوه
هايف:رُوح ليه رحتي مع نياف
رُوح:لانه احسن منك انت ضربتني
نياف همس لرُوح وقال:انتي تحبينه؟
رُوح:ايوه
نياف:روحي معاه طيب انا اهاوشه اذا ضربتس مره ثانيه
رُوح:تضربه اذا ضربني؟
نياف:واشد اذنه بعد
رُوح:خلاص بروح معاه
ضحك نياف ونزل ونزلها معاه وركضت هي لهايف وراحو يكملون لعب
فيصل:ادعسس والله ان رُوح خذت الحب وكل شي
نياف:لالامو لهدرجة
سلمان:جدي بيجي هو ابوي
نياف:حياهم
يوسف:انت نياف؟
نياف:ايه شفيك
يوسف:ولاشي
وجلسو كلهم حول النار وجاء ابو ذياب وذياب وتركي وعبدالله وباسم وسعد
نياف:حي الله من جاء وين فهودي وحمود
ذياب:شوي وبيجون
وجدان بهمس لمواليف:فيهم شي ذولي
مواليف:هدوء ماقبل العاصفه
ابو ذياب:وين الكرك يانياف
نياف:ماسويته ياجدي
ابو ذياب:خلاص قم ياذياب سوه
ذياب:ابشر
نياف رفع حاجبه بإستغراب وناظر فيصل وضحك فيصل:انطم خلاص
نياف:لالااصبر
والكل كان مستغرب منهم ولين سمعو صرخت ذياب
يوسف:مهبل وش سويتو
نياف:طاح عند باب المطبخ
وضحكو البنات وقامو غاده وسلمان وهديل يشوفون ابوهم
مضاوي:صدق انكم ماتستحون تسوون كذا بخالكم
نياف:وش دخلنا هو طاح محد قاله لايمشي مثل الاوادم
وجدان:شلون طاح
نياف:كسرت العتبه حقت المطبخ
وجدان:والله انك شاطر شلون فكرت فيها
نياف:عقلي ذكي بسم الله علي
ام وصايف:وش اللي بخدك يانياف
نياف:من ذياب بس رديتها له ماعليتس
ام فهد:خلاص يانويف بدون مشاكل
نياف:ابشري
جاء ذياب وهو يناظر نياف وجلس وقال:
الحمدلله اني عشت ولامت
نياف:لايمكن تموت ماتدري
ام فهد:نياففففف
نياف:خلاص خلاص
ام سعد:يانياف ليه ماتبي عقد قرآنك مع ولد خالتك
نياف:احسن لي ولها
ام فهد:يمكن يجونها خطاب يانياف
نياف:بسيطه ترفضهم او تقول انها مخطوبه
باسم:نياف عقد القرآن مع فيصل وخلاص عشان الكل يدري ان زواجها قريب ومحد يخطبها
نياف:ان شاء الله
ام ذياب:نيوف قم سو لنا كرك اشتهيته
نياف:ابشري
وقام نياف يسوي الكرك وجلسو الباقي يكلمون سوالف لين قامت وليف
غزلان:على وين
وليف:وشو على وين بروح الحمام(يكرم القارئ)
وراحت وليف للمطبخ وشافت نياف يسوي كذا ابريق كرك
وليف:اساعدك؟
نياف لف عليها وقال:مايحتاج
وليف:نياف
نياف:هلا
وليف:ادري انك سمعتني انا ووصايف بس ترا كنت اطقطق عليها وهي تعرف مشاعري لك بس تحب تسأل
نياف ابتسم وقال:وشهي مشاعرك هي مشاعر حب ولاكره ولا بينهم؟
وليف ناظرته ولاردت
نياف:امسكي ذا الابريق وامشي قدامي يلا
وليف:ترفع الضغط
نياف:ادري
ومشت قدامه وهي ماسك الابريق وجلسو وقالت وجدان:نياف وين العود
نياف:بسيارة فيصل بخاطري اغني رُوح نجديه
فيصل:الحين اجيبه اصبر
وقام فيصل جاب العود ورجع وعطاه نياف
وبدا يدندن بالعود وبعدها بدا يغني:
أهواك والقلب طيرٍ في سما صدري ستل جناحه وطار بروح نجديةروحي كثر ما تحبك صرت أنا ما أدري هي ميتة في غيابك أو شبه حية طيرٍ في سما صدري
ستل جناحه وطار بروح نجدية روحي كثر ما تحبك صرت أنا ما أدري هي ميتة في غيابك أو شبه حية من كثر شوقي عليك ومن كبر صبري بعدك ولا تملأ عيني الكرة الأرضية وإن جيت أبهديك عمري شفت بك عمري يا كيف أبعطيك شي إنت راعيه
أهواك والقلب طير في سما صدري ستل جناحه وطار بروح نجدية روحي كثر ما تحبك صرت أنا ما أدري هي ميتة في غيابك أو شبه حية إنت السمو اللي يسمو بهامته قدري إنت الفخامة وإنت عالمي وضيه ما أحبك أعشق خطاك اللي بها تسري وأحسد تراب وطيته روحة وجية
......................................................
معاذ:صح لسانك يبو غمور
فيصل:يالله على هالحساس يانيوفي
نياف:بدون نيوفي ذي
وجدان:الصراحه حركت مشاعري
نياف:مشاعرتس ماتجي نص مشاعري الحين
وبعدها ناظر وليف وشافها تناظره وابتسم
ام وصايف:يازين هالابتسامه ياناس
نياف:ياعرب ياجعلني ماانحرم من غدير
تركي:نيافوه ذي زوجتي ماتجيها
نياف:لاياعمي خالتي غدير غير عن الكل
غزلان:يالخايييينننن
نياف:امزح والله كل خالاتي
وبعدها قام نياف وحضن ام ذياب وقال:
ام جواهر غييير
سعود:اقعد بس يالعاشق الولهان تحب الكل
نياف:ايي الكل وتوجه لأم سعد وباسها على راسها
وجلسو يكملون سوالف لين قالت وليف:عندي لكم شعر من بيسمع
وجدان:كلهم يسمعون قولي
وليف:
كيف ما انتبه لك مثل ماتنتبه لي
وأنت مصدر شغف هذي الحياة القصيره
عقب ماتهت بالأيام حصلتك الضيّ
من عرفتك عرفت إن كل ماراح خيره
جابك الله حلمٍ يكمل ويكتمل فيني
كنك آسف عن أحزان الليال المريره
عقبك يمّرني غيرك وكنّه ولاشي
فيه إنسان عنده أنت ويشوف غيره؟
نياف بإبتسامه لانه يعرف انه المقصود:صح لسانتس يابنت باسم
فيصل:نيوفي رد عليها تكفىىىى
نياف:
والله اني احبه وبقلبي حيل اغليه
وخابٍر مكانه بوسط قلبي مقرّه
كل ماضاقت فيني هالدنيا اجيه
ولاتهون ضيقته لو انها كبر ذره
اخاف على قلبه وبكل ليله اداريه
لأنه السبّه في رضا قلبي والمسرّه
اهد كل الدنيا لجله ولجل ارضيه
ولجل يبّتسم بالدقيقه مليييون مرّه
سعود:يالله عليكم يالعشاقق والحبيبه
وجدان:عندي سؤال اذا عادي يانيافي
نياف:من متى بيني وبينتس كذا اسألي
وجدان:بعرسك وش بتحط اغنيه
نياف:ماتمنيتك
وصال:ليه ماتمنيتك؟
نياف:لاني تمنيت ذا الشي وشفتي يوم يقول جيتني مثل الشروق اللي محى عتم الليالي جيت فرحه للحزين اللي من همومه هلك
كأن في صدري عتم الليالي وهي الشروق اللي محاها وكانت بينكم تضحك وتسولف وانا من بينكم اتأملها
يوسف:اللله عليييك شجعتني للحب وانا مالي فيه
وليف: هو صحيح إحنا التقينا هو صحيح إنت قبالي هو صحيح إني حبيبك كان لي حق أسألك كانني أحلم طلبتك خلني هايم لحالي خلني بالحلم عايش فيه دامي به معك
نياف: يا بعيد ويا بعيد وجابك الله لين عندي وصلك ممتلي بالحب قلبي وغير قلبي قلب مالي مالي إهدني قلبك حبيبي خلني فيه أعشقك خلني فيه أعشقك
يا بعيد ويا بعيد وجابك الله لين عندي وصلك
فيصل:هدو شوي تكفونن قلبي مشاعره بدت تتحرك
نياف:الا عمي باسم
باسم:هلا
نياف:بتشتري بيت هنا وتعيش فيه؟
باسم:ايي ومو بس انا حتى عبدالله وتركي لان معاد لنا شغل بالرياض وخلصنا وتقاعدنا من الشغل والعيال يروحون شغلهم بالسيارات
ابو ذياب:زيين ماتسوون
.................................
فيه أحسن من كذا دلع؟علاقة ذياب ونيياف بتفجر راسي🤯🤯 ، جهزوا البخور والفساتيين😉
الكاتبه:منيره آل عبدالعزيز💙.
