بين الليل والحال هبت الذكرى

الخامس والأربعون

(استغفرالله)
-
يوم الرجعه
لربوع بلادي
-
بالمطار
-
ناظرها عز يشوفها تتجاهله وتصد عنه وتقدم يجلس جنبها وهمس:سويت شي أنا؟
ماردت عليه ووقفت تتوجه لوجدان تجلس جنبها
تنهد عز يناظرها وتقدم لوصال وقال:بسألك
وصال:هلا
عز:وصايف شفيها زعلانه عليّ؟
تكتفت وصال تناظر وصايف وقالت: المسكينه وصايف بغت تموت علينا وإنت مو داريّ عنها ، وش سويت فيها إنت هاه؟
عقد عز حواجبه بإستغراب مايفهمها وكملت وصال:وصلها خبر إنك بترجع عشان نغم سوت حادث ، وحلفت إنك لو رجعت بتوصل الموضوع لنياف ويخليك تطلقها ، بس طبعا تقول بسكت له لين يرجع نياف وإذا جاء نياف أقوله
عز:ياذا النياف
وصال:لو سمحت إلا نياف
عز:طيب ، بطلبك طلب
وصال:قول
عز:قولي لها تروح معاك للحمامات"يكرم القارئ"وأنا بلحقكم وإنتي أطلعي
وصال:كم تدفع؟
عز:كم تبين؟
وصال:ألفين
عز:طيب طيب
مدت وصال يدها وقال عز:يابنتي بلندن حنا مامعاي ريال سعودي
وصال:أول مانوصل السعوديه تعطيني فاهم
عز:طيب ماعليك
مشت وصال لوصايف وقالت:وصايف ، تعالي معايّ للحمام"يكرم القارئ"
وصايف:روحي لحالتس
وصال:تكفين وصايف خايفه لحالي
قامت وصايف معاها ومشوا للحمامات "يكرم القارئ"ولحقهم عز
لفت وصال تشوفه وراهم وقالت:أنتهت شغلتي مع السلامه
وصايف:وشهي شغلته تعا
قاطعها صوت عز اللي يقول:زعلانه؟
ماردت عليه وجت بتمشي بس سحبها يثبتها قدامه وقال:جاوبيني ، زعلانه؟
سكتت تناظره وقال:لو مارديتي بجرم فيك
تنهدت وصايف وهي تنطق:مالك دخل ، أترك يدي
ترك يدها وقرب منها ينطق:قولي لي وش اللي مزعلك
رفعت حاجبها وقالت:وصال ماقالت لك؟غريبه
رفع يده على وجهها وقال:قالت ، بس بسمع منك
هزت رأسها بالنفي وقالت:وش تسمع مني؟
ماليّ كلام معاك وإذا جاء نياف بيتفاهم معاك
مشت تتركه وراها وشهقت من سحبها يدخلها الحمام"يكرم القارئ"
ناظرته بصدمه وقالت:مو صاحي
هز رأسه بالإيجاب وقال:ليه إنتي خليتي فيني عقل ، عشان أصير صاحي؟
رفعت يدها على صدره تّبعده وهمس: وصايف ، إفهميني ياوصايف الزّين
ناظرت رمش عينه وقالت:إتركني
هز رأسه بالنفي وقال:ما أتركك ، وش أسوي عشان ترضين؟ وما توصلين الموضوع لنياف ولا يوصل لـ الطلاق؟
سكتت تناظره وهمس:وصايف ، جاوبيني
وش أسويّ
أخذت نفس تنطق:لاتسويّ شي ، والحين مُمكن تّبعد بروح
هز رأسه بالنفي وقالت:لو سمحت بّع
قاطعها من سحبها له يُقَبّلَهَا "يمحي الزعل اللي بينهم يراضيها بـ الطريقة اللي يَحْبّهَا هو "
-
السعوديه
-
تحديداً
بيت أم ذياب
-
ركضت رُوح لأمها وحضنتها وقالت:وحشتيني ماما
ذياب:ياعيال انتظروا مكانكم
محمد:وش صايرر
رفع ذياب صوت السماعه وقال معاذ:مره وقته ياخالي ذياب شوفني لابس الثوب
يوسف:يعني انت تلبس غير هالثوب؟ضحكتني
ذياب :ارقصو بس
نزل معاذ شناط البنات وركض يصير جنب ذياب وقال:عاش خالي ذياب عاشش
يوسف:امشو معاهم ياعيال
فيصل:انا حفيد الأكابر وأطيب رجالها
ضحكت ام ذياب تناظرهم وقالت:عشتو ياعيال
فهد:حطو لجدتي ياعذاب مولع الحب من زين الجمال
ام ذياب:خلها يوم العشاء يافهيد
يوسف:وشو عشاه
ام ذياب:بكره عندنا عشاء
غزلان:يمه تونا جايين من سفر والله تعب
ام ذياب:لاتحاولين ياغزلان عزمنا وخلاص
معاذ:ياعيال محد يلبس ثوب كحلي وعمامه غيري ولو شفت واحد لابسهم يويله
عز:وش بتغني لنا بكره
معاذ:يوم شفتك تبتسم لي لابس اللبس الحمر
صفر يوسف وقال:يييييييوه ياولد باسم
فيصل:تكفون بنطلع السيوف بكره بعرض أشتقت للعرضه
محمد:أزهلني
-
تسريع الأحداث
-
"وقت اللقاء قرب وحان ياشوق عطر ذا المكان قل للزمن قل للزمن لحظه توقف يازمان دقات قلبي تنتظر حلم العمر حلم العمر اللي انتظرته من زمان"
-
يوم العشاء
-
ام ذياب:حيّ الله من جانا أدخلوا حياكم الله
ام حامد:الله يحييك
ورد:أخبارك ياخاله
ام ذياب:بخير
ورد ناظرت وليف اللي واقفه جنب ام ذياب بغيض وقالت:اوه وليف لابسه ذهبك كله ليه؟ترا زوجك ماهو هنا
وليف:لازم زوجي يكون هنا عشان أتكشخ؟
تجاهلتها ورد ودخلت المجلس وقالت وجدان:مكان وليف هذا روحي هناك
ورد:ووليف ماتقعد إلا بصدر المجلس
وجدان:وش دخلتس إنتي
دخلت وليف وهي مبتسمه وماسكه أم ذياب معاها وقالت:وش تبين نشغل لتس ياجده؟
ام ذياب:اللي ودكم
لفت وليف على وجدان وقالت:شغلي المطلوب
إبتسمت وجدان تشغل"انا اللي حط في هالحب شامه"
ضحكت وصايف تناظر وجدان اللي قالت:
هاه ياحـرّم نياف
ضحكت وليف ووقفت تمشي جنب وجدان وقالت:مو صاحيه
وجدان:هاوو مو هذا المطلوب
قاطعهم صوت السماعه اللي أرتفع وقالت وصال:هذا المطلوب ياوجدان
وليف:عشتييي ياوصال
وصال:يلا ياحـرّم نياف
تقدمت وليف تصير بنص المجلس ووقفت أمها تغطرف لها وتقدمت معاها مواليف وقالت:ألفحي بشعرك
لفحت وليف بشعرها ووقفت أم ذياب تصير جنب ام يوسف تصفق لوليف
وقالت وجدان بصوت عالي:عاشتتتتت حـرّم نياففف
إبتسمت وليف تناظر رُوح اللي تركض لها وصارت ترقص معاها
صرخت وصايف من تقدموا كل البنات يرقصون ووقفت معاهم ترقص مع وليف
غطرفت ام يوسف تناظر بنتها بين كل البنات
بدور:يلا ياجده تعالي
تقدمت أم ذياب مع بدور ورقصت معاها
-
برا عند العيال
-
وقف معاذ يشوف يوسف طلع السماعه من المجلس لبرا وقال:تكفى يايوسف شغل ياسعد لو تشوفه
يوسف:محد فاضي لك يالعاشق الولهان
ذياب:شغل شي سنع
يوسف:تبون ضامني البرد؟
فهد:شغل ايّ شي
معاذ:تعالو نصف تعالو
وقفو العيال يصفون جنب معاذ وشغل يوسف"ضامني البرد"
معاذ:الله ينصرك يامحمد شب ناره ودفانيّ
تقدم لهم واحد متلثم ماعرفوه وقال:غيروها
يوسف:سمّ وش تبيّ نحط لك
إبتسم سلمان ينزل لثمته وقال:نجد شامت لأبو تركي
معاذ:سلومممممممم
ضحك سلمان يشوف معاذ يحضنه وقال:
وحشتني ياكلب
بّعد معاذ عن سلمان وتقدم سلمان يسلم على أبوه وقال ذياب:سامحني ياولدي
إبتسم سلمان وقال:وش سويت ليّ؟
فهد:يلا سلومممم عرضه لعيييونك
تقدم سلمان يصف معاهم ولف عليه معاذ وقال بهمس:نياف ماهو معاك؟
سلمان:لا
أرتفع صوت العيال وهم يقولون:نجد شامت لبو تركي وأخذها شيخنا واخمرت عشاقها عقب لطم خشومها لا بكت نجد العذية تهل دموعنا بالهنادي قاصرين شوارب قومها
حنا هل العادات مخضبين سيفنا والطيور الحامية جادعين لحومها صعبة أفعالنا لابغاها غيرنا
نطق نياف بصوت عالي وهو يتقدم بالسيف: وكلمة التوحيد حنا عمار رسومها حنا هل العوجا نها الملاقى عيدنا والجزيره كلها مدبين قرومها لابتي عوج المراكيض هذا سوقنا بيعوا الارواح في الهوش باول رسومها مرخصين ارقابنا لا زهمنا شيخنا
وقفوا كل العيال يناظرونه قدامهم وقال سلمان بصوت عالي يكمل مع نياف:
والقبايل كلها شيخنا قيدومها في تواريخ العرب راسمين علومنا وعادة الدنيا تزول وتدوم علومها
ركض فيصل يحضن نياف وقال:من وين طلعت إنت
ضحك نياف يحضنه وقال:تصدق أشتقت لك
يوسف:يافيصل أبعد شوي نبي نسلم عليه
مارد فيصل على يوسف وقال نياف:يافيصل بسلم على الأوادم
بّعد فيصل عن نياف وتقدم نياف يسلم عليهم كلهم
ذياب:يالقاطع
ضحك نياف يحضن ذياب وقال:ما أعيدها
سعود بضحكه:أماا من اللي عندنا ولد سعوددد
نياف وهو يقلد سعود:ولددد سعدددد
ضحكوا كلهم وسلم عليه نياف وركض هايف داخل للحريم ووقف بنص المجلس وصرخ بصوت عالي:نييافففففففف جاء
وقفت ام ذياب وقالت وصال:احلففف
هايف:والله
ركضت وصال للحوش وقالت بصوت عالي:
أرحبببببب ياولدد سعوددددد
نياف ناظرها بآخر الحوش وقال:المرحب يبقى يابنت تركيي
وصال:ماودك تدخل تسلم على المشتاقين لك؟
معاذ:الحين يجيكم قولي لهم يتغطون
ركضت وصال داخل وقالت:بيدخل تعالوا للمجلس الثاني ياجده
"مشوا للمجلس الثاني والحريم بالمجلس الأول"
لفت وجدان على وليف اللي ترجف وقالت:
وليفف
وليف:جاء وجدان جاء
سكتوا كل اللي بالمجلس من تكلم نياف من عند الباب:أقدر أدخل؟
وجدان:أدخلل
دخل نياف وركضت له رُوح وشالها وباس خدها وقال:رُوحي
إبتسمت رُوح تبوس خده وقالت:أشتقت لك
نزلها نياف وتقدم لأم ذياب يسلم عليها وهمس:أعذريني يا أمي أنا آسف لأني تركتس
ام ذياب:معذور معذور ياولد قلبي معذور
بّعد عنها ومشى يسلم على خالاته ووقف قدام غزلان وقال:بنت محمد
إبتسمت غزلان تحضنه وقالت:وحشتنيي
بّعدت عنه وقالت:لاتعيدها مره ثانيه وتهج
أشر نياف على خشمه ولف على صوت وجدان اللي تقول:طيب لابس الأحمر اللي ينتظر سلامك
إبتسم نياف يناظر وليف وقال:لابس الأحمر يجي معايّ
وصال:لو سمحت لاتقول هالكلام قدام العزابيه
ضحك نياف ومشى يطلع من المجلس ينتظر وليف تطلع له
لفت ام يوسف على وليف وقالت:روحي له ياوليف
شدت وليف على يدها تطلع من المجلس تتقدم له وقال:تعالي معايّ
مسك يدها ودخلوا غرفته وقفل الباب بالمفتاح ولف عليها وقال:جيت ولا ماجيت
ناظرته وهي تنطق:جيت
تقدم لها يحاوط خصّرها وقال:وش أسوي بالشوق اللي خلاني ألحقتس ياوليف الرُوح؟
رفعت كتوفها بعدم المعرفه وقال:أنا أعرف وش أس
قاطعته وهي تقول:نياف ، مارحبت فيني
إبتسم نياف لأنه يعرف أنها تعشق ترحيبه فيها وقال:هلا باللي عجزت القى عذاريبه هلا باللي تحححبه كل اسبابي - همس -
بضيف عليها شي ، عادت وليفة هاجسي عادت مزعلة النساء
وأنحنى يُقَبّلَهَا ورفعت يدينها حول عنقه
-
مافيه أرقّ ولا اجمل من ترحيب محمد عبده بعد ما رجعت محبوبته لما قال :
‏"من عقب وحشة ليلتي هلّت تباشير الصباح
‏عادت وليفة هاجسي عادت مزعلة النساء"
‏الله !!
‏يعني تخيّل بمجرّد رجوع شخص لك و كأنّ شمسك اشرقت ! تخيل بمجرد رجوعه ترجع لك الحياة وتباشير السعادة ، وبترجع معها الأفراح والليال المِلاح!!
‏يعني ما عاد فيه هواجيس !! ماعاد فيه وحشة ليل ولا ظلام دامس !! ماعاد فيه حزن و لا هموم و لا أسى ، برجوعه بتودّع ذاك الشعور اللي كان كاتم على صدرك من وقت غيابه ..
‏وقتها والله بيكون شعور اللحظة :
‏"ردّيت روحي برجوعك يابعدي ومناي"
-
في لحظة يرزقك الله بشخص يعوّضك عن كلّ خساراتك ، شخص تأنس به و تسعد، ياخذك من عالم مليئ بالهموم و الأحزان إلى عالم مليان حياه و سعادة و راحة بال ، تلقاه جنبك في كل أوقاتك وبالذات في أوقات ضعفك تلقاه يسندك و يقوّيك و ياخذ بيديك ، تحسّه ينتشل روحك من وسط الركام والهُدام و الحُطام إلى منطقة آمنه تمامًا يحوفك فيها بالطمأنينة .. لا مُفردات و لا كلمات و لا لغات و لا حروف قادرة انها تعبّر عن ما بداخلك من مشاعر لشخصه الكريم بعطائه لقلبك و روحك ..
‏ "أعزّ الله قلبك و رفع الله قدري بك"
-
احٌبك و العٌمر مره و احٌبك والسنين فصول واذا كان العٌمر يرجع ب احٌبك وارجع اختارك
-
ناظرهم نياف يطلعون وتقدم لأم حامد وقال:أخبارتس ياخاله؟
ام حامد:هلا بنياف هلا الحمدلله
ناظر نياف وديان اللي واقفه ورا ساره وقال:
البنات طلبوني أقول لتس ، أنهم يبون وديان تجلس عندهم اليوم يبون يسهرون
ام حامد:من يرجعها الديره تخوف
نياف:أنا أرجعها لاتخافين عليها
ورد:متى بترجعها
نياف:الله العالم
ام حامد:بنتي ب أمانتك
أشر نياف على خشمه ومشت ام حامد ووراها ورد وساره ولف نياف على وديان وقال:قولي لهم يجون برا كلهم وتعالي معاهم
مشت وديان داخل تقول لهم وطلعوا كل البنات وشافوا الكل جالس ونياف بينهم والواضح أنه متضايق من شي
جلسوا كلهم حول بعض
فيصل:وش عندك قل
نياف:أبد أبيّ أبشركم أني عرفت أختي
وجدان:أحلففف
نياف:والله ، والكل يعرفها ياوجدان بس إنتي
ام ذياب:نياف
نياف:متى كنتي بتقولين ليّ يايمه؟متى؟شايفتني عايش وحيد لحالي طول السنين اللي فاتت ولا قلتيّ ليّ وإنتي تعرفينها وتعرفين أهلها
وجدان:شسمها يانياف
نياف:وديان
ناظرته وديان بإستغراب وقال نياف:وديان ذي اللي قدامكم أختي اللي الكل يعرفها ولا قالوا ليّ
سكنت ملامح وديان تناظر نياف ووقف نياف وهو معصب وقال:متى كنتم بتقولون ليّ ، لين أموت يعني؟
ام وصايف:مو كذا يانياف
نياف:إلا كذا ، كلكم تعرفون كلكم ولا واحد منكم جاني وقال يانياف لقينا أختك ، ولا واحد منكم جاني وعطاني أمل عشان أدورها ، أختي تجيّ البيت وتنام عند بنات خالتي ولا أدري عنها؟أختي اللي عرفت أنها أنذلت عند الناس ذلّ بس عشانها مو بنتهم؟
أختي اللي عاشت نفس ماضي أخوها ، تدرون متى دريت؟يوم مات أبوي محمد ، قال ليّ أختك بنت ام حامد الصغيره وديان
-
نرجع شوي لورا
-
بالمشب
-
ابو ذياب:يانياف
نياف:يابوي أنتظر بجيب علاجك
ابو ذياب :هذا علاجي عندي تعال أبيك بشي
تقدم نياف يجلس جنب ابو ذياب وقال:سمّ
ابو ذياب:أنا لقيت أختك
سكنت ملامح نياف وكمل ابو ذياب أختك بنت ام حامد الصغيره ، طلعت أختك يانياف
نياف:وديان؟مستحيييلللل
ابو ذياب:ماهوب مستحيل أختك هذي وديان بنت سعود يانياف أختك اللي محد يبيك تعرفها ، كلهم يعرفون أنها أختك إلا إنت ووجدان ، أختك وديان "ملاك"
ناظره نياف وقال:متى دريت
ابو ذياب:قبل كم يوم جتني أمك وقالت ليّ
نطق نياف بعدم تصديق وقال:أمي تدري؟
-
نرجع لوقتنا الحالي
-
ام ذياب:ماكنت أبيّ أحملك مسؤوليه أكبر منك يانياف
نياف:أنا تعبتتت تعبتتتتت ، نياف تعب، تعبت وأنا عايش عشانكم ، عايش عشانكم مو عشان نفسي ما أذكر بيوم أني رحت مكان وشرت لنفسي شي أنا خاطري فيه ، ما أذكر بيوم دخلت البيت ويدي فاضيه ، ما أذكر أني قلت لكم وش اللي يضايقني منكم ولا أذكر أني قد زعلت عليكم كلكم تعرفون؟تعرفونها؟تعرفوننن وديان بنت غريب وتعرفون أنها أختي ولا قلتوا ليّ ليييه ماقلتوا ليّ ليييه ، والله العظيم تعبت منكم والله ، وش بقى ماسويت لكم؟وش بقى ماجبت لكم؟وش بقى؟قولو ليّ وش بقى ، وش سويت لكم عشان تجازوني كذا ، أنا كنت على وشك أني أقدم حياتي وروحي وعيوني لكم ، كنت على وشك أني أهديّ دنياي لـ للي ربتني ، لييييه تسوون فيني كذا ليييه قولوا ليّ تكفون لاتسكتون ، لاتتغير نظرتي لكم وأنتو أهلي
وقفت وديان وقالت:أنت كذاب وأنا ماني أختك لاتكذب عليهم بس عشان تاخذ حقكك منهم أنا أختك حامددد
نياف:لا إنتي أختي والتحاليل تثبت هالشي
تقدمت ام ذياب لنياف وبّعد نياف عنها وقالت:لاتسوي فيني كذا يانياف
صرخ نياف بقهر:أنا اللي لاتسوون فيني كذا أنا ، أنا اللي تعبتتت مو إنتي ولا هم ، أنا اللي جسمه حروق وأثار ضرب مو إنتي ولا هم ، أنا اللي حياتي كلها عذاب بـ عذاب مو إنتي ولا هم، أنا اليتيم هنا مو هم ، هم أهلهم عايشين ويحضنونهم وأنا؟أهلي حاضنهم التراببب ، أنا ولدد غاليه وسعود ، والله تعبتت والله تعبتتت ، والله خلاص هديتو حيلي والله هديتو حيلي ، وش بقى ماسويتو فيني؟وش بقى ماصار فيني؟وش بقى
تقدمت ام فهد تحضنه وقالت:والله يانياف ماباقي غير عيشتك وإنت سعيد ، لاتسوي بنفسك كذا ولاتسوي بأمي كذا
ناظرته وليف يناظرها بحرقه وصدت عنه وقال باسم من وراهم:أبعدي عنه يا أم فهد
بّعدت ام فهد عن نياف وتقدم باسم لنياف وسحبه من ياقة ثوبه وقال:وش جابك إنت الحين؟وش رجعك من ديار الكفار ياولد سعود
ركض معاذ يسحب نياف من يدين باسم وقال:مو كذا يا أبوي
باسم:بعد إنت لا يجيك ماجاه
معاذ:وش سوا قل ليّ
باسم:وش ماسوا ، أسمعني يانياف هي كلمه وحده ولا راح أغيرها ، طلق بنتي ولا تشوفك عيني
ناظره نياف بصدمه وقالت ام يوسف:مو كذا ياباسم
باسم:أسكتي إنتي لا أطلقتس
ام يوسف:طلقني ، بس ماتسوي بولد أختي كذا ياباسم
معاذ:ماراح يطلقها
مارد عليها باسم وسحب نياف من ورا معاذ وقال:تطلقها فاهم
نياف:لا مانيّ فاهم واللي براسك ماراح يصير
رفع باسم يده يضرب نياف كف طيح نياف بالأرض وقالت ام يوسف:جعل يدك اللي أندمت عليه الكسر ياباسم
ركضت وليف لنياف تساعده وبّعد عنها نياف وقال:والله ما أطلقها وأعلى ما بخيلك أركبه يا أبو يوسف
باسم سحب وليف يحطها وراه وقال:أعقل ياولد سعود
نياف:هذا الناقص واحد ناقص عقل يقولي أعقل ، ياشيخ طييير
تقدم باسم يضرب نياف من جديد وصرخت وجدان:خلاصص خلاصص ، جعل يدك الكسر ، الله ياخذك يالشيبه الله ياخذك ونفتك منك ، أتركهم بحالهم متى بتتركهم يعيشون حياتهممم متى
باسم:يا ام وصايف امسكي بنتس
ومشى باسم وسحب وليف معاه
وشهقت وليف من سحبها نياف وقال وهو يوجه الكلام لباسم:والله ما أطلقها ولا تروح معاك فاهم؟
باسم:أيييه هين هذا وجهي إذا ماطلقت ياولد سعود
نياف:أعلى مابخيلك أركبه
ومشى وهو ماسك وليف من يدها وركبها السياره وركب جنبها وحرك لبيته
لف عليها يشوفها تبكي وقال:وليف
ماردت عليه ونزلت تدخل البيت ونزلت عبايتها
وناظرت نياف وراها وقالت:ليه يصير معانا كذا؟ليه؟
سكت نياف يناظرها وقالت:نياف ليه قلت لهم أنك تعرف؟ليه ماسكت
نياف:وليف ، أفهميني ، الآلم بداخلي ماني قادر أعيش ياوليف ، أنا تعبت ومحد حاس ، الدنيا من حولي ظلام بس محد درايّ
-أرتفع صوته وهو يقول- محد داريّ عن نياف وعلة نياف محد داريّ ، حتى أبوتس ماهوب داريّ ، ضربته هذي شبت بداخلي حرايق ياوليف ، أنا نياف اللي محد قادر يحتويه أنا نياف اللي الكل كذب عليه أنا نياف ولد سعود اللي محد يبيّ يلّمه أنا نياف واللي عشتها حياة نياف
تقدمت وليف تحضنه وقالت:لاتسوي بنفسك كذا
بّعد نياف عنها من سمع صوت الجرس
مشى يفتح الباب وشاف باسم وقال:خير؟
باسم:وليففففف ياولييفففف
نياف:وش تبي بوليفف ، حلّ عن أرضيي
باسم:الشرطه بالسياره يانياف أنتبه تتكلم والله لا أخليهم ينزلون وياخذونك
لف نياف على وليف اللي تناظره ودموعها على خدها وهزت رأسها بالنفي وفهم عليها نياف ورجع يناظر باسم وقال:بتلّم أغراضها
باسم:أستعجلها
مشى نياف لفوق يترك الباب فاتح وركضت وليف وراه وشافته يطلع شنطه يجمع فيها أغراضها الموجوده ببيته
وليف:نياف
مارد عليها نياف وتقدمت له وقالت:نياف
ناظرني
غمض عيونه وقال:مابيّ
وليف:نيافف
لف عليها نياف وحضنها ونزلت دموعها تعرف ليه حضنها هالحضن "خايف يفقدها"
عضت شفته تسمع همسه:والله آسف ماكنت أبيّ يصير كذا آسف ياوليف رُوحي آسف ، ماكنت أبيتس تبعدين عنيّ ، كنت أناني ياوليف
نطقت تقاطع همسه:أنت مو أناني ، لاتلوم نفسك
بّعدت عنه من سمعت صوت باسم ينادينها وقالت:أبيك تعرف أني أحُبّكْ ومستحيل أتخلى عنك ، أبيك تعرف أنك أنت الوحيد اللي ملكت قلبي
مشت تاخذ الشنطه ونزلت تحت تلبس عبايتها ولفت تناظر نياف الواقف على الدرج
يناظره بـ حزن ، بـ قلة حيله
نزل يشوفها تمشي لباسم وسكرت الباب وراها صرخ بقهر يكسر الأغراض حوله صرخ وهو يكرر أسمها
"ماكانت أنسانه عاديه بحياته كانت"وليف"
وهذا الشي يكفي"
صرخ يكرر أسمها بدال المره ألف مره
جلس على الأرض يناظر الدم ينزل من يده وناظر ثوبه اللي تلطخ بالدم
وصرخ وهو يقول:وليفففففففففففف
فتح معاذ الباب يسمع صراخه وناظر حوله يشوف الأشياء المكسره ودخل يناظر نياف وركض له وقال:نيافف
لف عليه نياف وقال:أخذها يامعاذ أخذها ليييته أخذذ روحي ولا أخذها
...........................................
"ليلي عذاب وحزن، ودموعه بخدي
يا قسوة الفرقا، والقلب وش ذنبه
أنا بحر من شوق، في جزري ومدي
وشوفتك لي مرسى، بإحساسي أبحر به"
الكاتبه:منيره آل عبدالعزيز💙.