بين الليل والحال هبت الذكرى

البارت الثالث والعشرون

(استغفرالله)
وكملو سوالف لين وصلو الشاليه وحصلو الكل جالس برا بمكان جلستهم امس
قامت ام ذياب تحضن نياف
نياف:وش عندتس ياعين نويف
ام ذياب:جاك شي يوجعك شي
نياف:مايوجعني شي ماعليتس
ام وصايف:الحمدلله على سلامتك يانيوف
نياف:الله يسلمتس
رُوح اللي وقفت قدام نياف وقالت:الكل صار يبكي
نياف:وانتي بكيتي؟
رُوح:لا انا مابكيت قلت نياف قال لي ان انا بطله
نياف:وانتي بطله يارُوح نياف
وجدان وهي تشهق:حسبي الله على عدوك خليتنا نبكي بكاء لسنتين قدام
نياف:امااا وجدان تبكيي وعلى من على نياف
وجدان:ترا حتى انا عندي مشاعر واحاسيس مو بس انت
سلمان:اجلس
نياف:استنى فيصل يشوف شغله
فيصل:بتمسكني؟
نياف:خذ راحتك ماعليك
وتوجه فيصل لهتان وسحبه وقال:ياقليل المروه ياللي ماتستحي على وجهك تسوي بولد عمك كذا يالكلب
نياف:على عينه بالله عليك
ابو ذياب:وش صاييير انت وياه
نياف:ماصار شي فيصل خله انا بشوف شغلي
فيصل مسك هتان اللي كان يصارخ ويهاوش وحطه قدام نياف وقال:اضربه يلا مثل ماضربك على راسك
نياف ناظر هتان وحط عينه بعين هتان وكانت عيون نياف كلها غضب وضرب هتان على وجهه وقال:هذا قليل الباقي اصبر عليه
يوسف:خلاص انت ويياه
نياف:انا بجلس خله يافيصل مابي ازيد الطين بله
سعد:وانت وش دراك ان هتان اللي مسوي فيك كذا
نياف:ابد بس على حسب علمي هو اخر شخص دخل غرفتي وكنت جالس اكلم معاذ وعشان كذا جاني معاذ يركض
معاذ مشى وجلس جنب نياف وقال:احمد ربك انت وخشتك ماسحبناك للسجن
نياف ناظر وليف وقال:اصلا تدري معاذ لو انه ذابحني محد بيدري الا انت
معاذ:وانا مااسكت عن اللي يمس خفوقي
نياف ابتسم وقال: إيه والله ما أرضى عليه، ولا أساويه في بشر واللي يلوم القلب فيه ما ظنتي عنده نظر أزعل الدنيا لرضاه وأغيب إلا عن هواه الله وضع فيني غلاه وش كثر أحبه وش كثر
معاذ:رباه يا رب الوجود، حبه مقيدني قيود إحميه من عين الحسود لا مر إسمه أو عبر رباه يا رب الوجود حبه مقيدني قيود إحميه من عين الحسود لا مر إسمه أو عبر
فيصل وهو يناظر مواليف: هو حبيبي للأبد ولا أبي غيره أحد لو قامت الدنيا بعد هو ماي عيني والنظر هو حبيبي للأبد ولا أبي غيره أحد لو قامت الدنيا بعد هو ماي عيني والنظر إي والله ما أرضى عليه ولا أساويه في بشر واللي يلوم القلب فيه ما ظنتي عنده نظر
سعود: أضيع به كلي وأذوب دامه حبيبي كيف أتوب ما فيه يا عالم عيوب والعمر قبله مو عمر أضيع به كلي وأذوب دامه حبيبي كيف أتوب ما فيه يا عالم عيوب والعمر قبله مو عمر أموت به وبطيبته برقته وحنيته
سلمان وعز: لا تسألوني من متى من يوم جمعنا القدر أموت به وبطيبته برقته وحنيته لا تسألوني من متى من يوم جمعنا القدر إيه والله ما أرضى عليه إيه والله ولا أساويه في بشر واللي يلوم القلب فيه ما ظنتي عنده نظر
وجدان:كلهم اصواتهم حلوه
تركي:ليه ماتغنون انتن يابنات
وصال:اصواتنا خايسه
نياف:اقول غنن بسك تجي حارتنا
وصايف:ييعع مالقيت الا هي
نياف:غنوها طيب
وجدان ناظرت غزلان ومسكت يدها وقالو مع بعض:بسك تجي حارتنا يا عيوني
وتتلفت حوالينا الله الله عينك على جارتنا يا عيوني ولا عينك علينا دخيل الله
هديل ووليف ومواليف: وش جابك ع حارتنا يا عيوني وتتخبا بالقراني الله الله
وعرايس ماكو عنّا يا عيوني ويا عويد الخيزراني الله الله
بيان وبدور ووصال وريف وهتاف بصوت واحد: بين بيروت وبين الشام يا عيوني
مرت سياره حمرا الله الله وهاي سيارة
حبيبي يا عيوني وانا عرفتا من النمرا  الله الله
صفقو العيال وقال سلمان:الباقي نفسيتهم بخشمهم
غاده:كله من دموعنا اللي نزلت
نياف:ياذا الدموع خلاص ماعاد نعيدها
سعد:عاد ليته غالي على الكل
نياف:ناس اشوف غلاي بعيونهم مايحتاج اشوف عيونك يبو سعود
ام يوسف:اليوم الفجر شرايكم نتمشى
نياف:عسى نور الفجر يطوي ظلام الليل واسراره وأشوفك في المدى تضوي حياة وعمر مظنونك
فيصل:كملها
نياف ابتسم وناظر معاذ وكأنه يقول كمل معاي وقالو بنفس الوقت: كثر ما زاد هجرانك يزيد العاشق اعذاره احس انك تبي ترجع ولكن ظرفك يخونك تعال القلب من بعدك ليالي ماحدٍ زاره أنا من وين ابلقاها دخيل الله على هونك
يوسف:ياكثر الفلسفه
نياف:والله ياخاله انا مايمدي شايفه حالتي
ف بجلس هنا وانتو اطلعو وتونسو
ام وصايف:من يجلس عندك طيب
نياف:مايحتاج انتو روحو وانا بنام هنا
وصايف:من بيستحل مكانك
نياف:معاذي طبعا
فيصل:خسيس وانا وين رحت
نياف:بقلبي
فيصل:يحب يمطط السوالف
نياف:اقوللل
باسم:يافيصل لاتجي نياف خلك بحالك
فيصل:انت ابوي ولا ابوه
باسم:ابوه ومالي شغل فيك دبر حالك
معاذ وهو يهمس لنياف:وش عندك هجدت
نياف اللي كان يناظر يده عشان لاتخونه دمعته:ماعندي شي
فهد:متى بنرجع الديره
ام ذياب:بعد كم يوم
نياف وقف وقال:توصون؟
عبدالله:سلامتك
ومشى نياف لغرفته وكان فيه كوب على الطاوله وماشافه نياف وضرب الطاوله وانكسر الكوب وصرخ بأعلى صوته
معاذ فز على صوت الصرخه وقال:نيافففف
وركضو العيال كلهم لداخل معاد عايض وهتان
فيصل:نياف شعندك
نياف:انكسر الكوب
سعود:خرشتنا طيب بشويش
نياف:لاتحسب الصرخه ذي عاديه تراها طلعت اشياء المهم تصبحون على خير ودخل غرفته ورمى نفسه على السرير
يوسف:والله ان فيه شي
معاذ:تكفون خلوه
فيصل:انت تدري بشي وماتبي تقول
معاذ:انا بروح ارتب الاغراض
ومشى معاذ وقال سعود:قلبي مو متطمن
فهد:احساسي يقول ان نياف الحين خانته دمعته
سلمان وعز بنفس الوقت:ليه تخونه
يوسف:لاني ابوي قال ابوه
عز:يويلي ياعيال
فيصل:امشو امشو
وطلعو كل العيال لبرا وقامت وليف
باسم:وين يابوي انتي
وليف:تعبانه بنام
ام يوسف:يعني مابتجين معانا
وليف:لا بنام
فيصل:حضن تكفين ياقلب اخوتس
وليف ابتسمت وحضنت فيصل وهمس لها:
تراه بغرفته اذا رحنا برسل لتس عشان تروحين له
وليف بنفس الهمس:فاهمني انت
يوسف:انت وخر تراها اختي
فيصل:اختي انا
يوسف سحب وليف وقال:تخسي ذي لي
باسم:قطعتو بنتي خلوها
ومشت وليف لفوق تمثل انها نايمه
سعود:يمه مناير شرايتس نمشي الحين
ام ذياب:براحتكم والله
ابو ذياب:جهزو السيارات
غزلان:يبه مارتبنا شي
معاذ وهو يركض لجهتهم:رتبت كل شي
فيصل:عشان تتهرب صح
باسم:من وش يتهرب
سلمان:عشان مايقول اللي
معاذ وهو يسكر فم سلمان بيده:ولاشي
غزلان:نياف نام؟
يوسف:ايي ماعليتس
موده:بنروح؟
سعود:ايه ياحبيبتي اركبي السياره يلا
فيصل:من بيسوق
سعود:انا بسوق في امي والبنات
فيصل:وانا معاك
يوسف:من يسوق ياعيال
معاذ:انا
باسم:اجل يلا ياعيال
وكلهم ركبو السيارات وحركو
بالسياره
فيصل:غزلان بالله عطيني جوالتس
غزلان:وش تبي فيه
فيصل:بدق على وليف بخليها تقفل الباب
غزلان:جوالك وينه
فيصل:طافيي
مواليف:امسك جوالي
فيصل ابتسم وقال:يمه عطيني الجوال
واخذته ام يوسف ومدته له واتصلت على وليف وردت وقال:صح النوم ياحلوه
وليف:مانمت طيب شعندك من جوال مواليف
فيصل:اسف قعدتس اسمعي قفلي الباب على حالتس ترانا رحنا
وليف:تمام لاتخاف
وقفل منها ومد الجوال لمواليف
بالشاليه
طلعت وليف من الغرفه متجهه لغرفة نياف
ودقت الباب ودخلت الغرفه وحصلته سرحان ويناظر السقف
وليف:نياف
نياف فز وقال:وليف مارحتي معاهم؟
وليف:لاقلت بجلس عندك
نياف:بتقولين كلام مثل امس ولا؟
وليف:نيافف امس قلته بحالة غضب لاتزعل
نياف وقف وقال:مو اول مره ياوليف
وليف:نياف ترا يحق لي اعصب ماخذه رقمك ومحدده موقعك وش تسميه هذا
نياف:انا مالي شغل بغرام واهلها واذا بتسألين من وين ماخذه رقمي اخذته من ابوها لاتحطين كل شي براسي واذا بتقولين كنت تكلمها مارديت عليها الا مرتين وماكنت ادري ان الرقم لها
وليف:يعني ماكنت تكلمها
نياف:لا
وليف:طيب امس ليه ماقلت لي انها هي اللي تكلمك
نياف:ماعطيتيني فرصه اتكلم
وليف:اسفه طيب
نياف:الاسف بيسوي شي؟
وليف ناظرته ولا ردت
نياف:هاه جاوبي الاسف يسوي شي؟
وليف:لامايسوي شي
نياف:هالأيام خليها حضن إذا ماعليتس امر
وليف حضنته على طول كأنها تنتظر هالحضن وصارت تبكي ولاحس نياف عليها
وخر نياف من حضنها وناظرها وقال:ليه تبكين
وليف ناظرته وقالت:كنت محبوسه بين افكاري وبين انك بتموت وماصدقتهم يوم قالو بعد شوي بيجي كنت اتمناك قدامي عشان اشوفك كنت اتمنى تشوفني اول ماتصحى كنت ابيك قداميي كنت ابي ابكي بحضنك بدال حضن مواليييف منظر معاذ وهو شايلك وانا اشوفه من الشباك للحين اشوفه يتجدد قدامي ماكنتت ادري ان اللي شايله معاذذ بيكون اللي احبه خفتتت افقدكك خفت تروحح منيييي وتتركني
نياف ناظرها وقال:اتركي الدموع على جنب واتركي العتاب على جنب اقدر اقول الحين وحشتيني وانا مشتاق لـ وليف القلب
وليف ناظرته بدون رد وقال نياف:ماودتس تخلين المكابر على جنب على الاقل بس هاليوم
وليف بعيون فيها دموع:خلني بحضنك على الاقل بس اليوم احتاجه
نياف ابتسم وقال:اليوم الكل يحتاج بعض صح؟
وليف حضنته وطولت وهي حاضنته
(عند اهلهم)
ابو ذياب:نزل الفرشه انت وييياه
فيصل:تكفون اشتقت لنياف ابيه معانا
معاذ:ادعسسس
سعود:طلع يشتاق
فيصل:مالت عليك انت وياه ماتنفعون بشي
يوسف:ولد انت تراهم اكبر منك احترمهم
فيصل:انت بذات عض لك شحمه لااسمع صوتك اليوم
عز:لاتخاف ندق على نياف عشان تسمع صوته
سلمان:مايروق الا بصوت نياف
فيصل:والله لو انه صوت حـرّمي
فهد:الله موالييف وش مسويه فيك
عايض:تستهبلون جدي صارله ساعتين واقف
فيصل وهو يمشي من جنب عايض:جدنا حنا مو جدك انت
هتان:عايض تعال نمشي
فيصل:يكون احسن لان احتمال لو لمحتكم ارتكب جريييمه وعاد من يطلعني من السجن الوالد باسم ولا يوسف
ام ذياب:خلاص يافيصلل
فيصل:الله ينصرني عليكم ظالمين فيصل داييم وش مسوي بكم انا اهخخخ بسس
معاذ مد الجوال لفيصل وقال:كلم نياف واسكت
فيصل سحب الجوال ودق على نياف وسرعان ماوصله صوت نياف وهو يقول:هلا معاذي
فيصل:اقولللل وشو معاذي قل فيصليي انا عشيرك ماهوب معاذك ذا الخايس
نياف:اوه عشيري حبيب قلبيي تغار انت ولا
فيصل:واحترق بعد تخيييل
نياف:لاتكفى لاتكمل
فيصل:حمار ابي اقولك
نياف:اسكتتتت
فيصل:وش صاير
نياف:وليف نايمه
فيصل ابتسم وقال:احلففف
نياف:والله
فيصل:حدد وين بالضبط على يدك ولا على صدرك
نياف:على قلبي
فيصل:يالله اخييييرا
نياف:ايي وش كنت تبي
فيصل:شفت جده بس تهاوش وجدي مثلها والبنات مسوين نعسانين بس يتثاوبون وانا مقروط بين معاذ وسعود
نياف:ومواليف وينها
فيصل:تجيبيييببببب راسييي
نياف:توصي
فيصل:ايييي
نياف:وشو
فيصل:حط قلبي بعيونك
نياف:افاااا عليييييكك بين الرمش والعين لاتخاف
معاذ:عطني نيافف
فيصل مد الجوال واعطاه معاذ
معاذ:نفنف
نياف:امر
معاذ:لاتنام ابيك اذا جينا قاعد
نياف:ابشر بعزك
معاذ:شسمه عندك
نياف:وشو
معاذ:قلبي؟
نياف ضحك وقال:ايي ماعليك
معاذ:توصيني يبو غمور
نياف:سلامتك
وقفل من نياف
وناظر فيصل وقال معاذ:وشو ماسك علي شي
فيصل:خير تتغزل فيه وانا جنبك
معاذ:يويطيي انت وذي الغيره مااقول الا الله يعين مواليف عليك
وجدان:معاذوه شوي شويييي البنت موجوده
معاذ:وش تبين انتي افتك منتس بالبيت وتجين هنا
وجدان:تكفى انا اللي ميته عليك مخيس تراك
معاذ:اقول يالبزر
وجدان:انطممممم ولااسمع حسك تقول حس ناقه ماهوب أدمي
ضحك فيصل وقال:والله نتفت جبهتك
معاذ:اقول وجدانوه شرايتس تسكتين
وجدان:ليه لايكون انت ابوي تسكتني
معاذ وهو يقلدها:لايكون انت ابوي تسكتني اقول تراتس ورعه توتس وهذا كلامتس مع اللي اكبر منتس
وجدان:اقول انت لاتسوي انك اكبر مني يعني مقدر عليك تذكر اني كنت افلق راسك عشان كذا صاير كبير تقول متوازي الاضلاع
ضحك الكل بدون استثناء وقالت ام وصايف:
خلاص ياوجدان
وجدان:ابي اضحك طيب شايفه راسه بالله
معاذ:غزلان اهبديها دامتس جنبها
غزلان:اقول معاذ اسكت
معاذ:لو امي مو موجوده اتفاهم معاتس
يوسف:يويطي معاذوه اسكت ترفع الضغط
معاذ:وش عندكم علي
سعود:تراك مزعج اسكت شوي
معاذ:الله اكبر عليكم الحين لو فيصل او نيافوه كان سمعتو سوالفهم
عز:انت من عند نياف وفيصل
معاذ:خيييررررر
باسم:وش عندك زعلت لانهم قالو الصدق
معاذ:يبه حرام عليييييككك
ام ذياب:تعال يامعاذ تعال
معاذ:منايري تحبني اكثر منكم مالت
ام سعد:ليه ماتغنون
سلمان:فيه اغنيه بس بنغنيها اذا نياف هنا لانه يحبها
يوسف:دق عليه طيب
فيصل:تعبان خلوه نغنيها بعدين
ام وصايف:هذا هو يدق ، هلا نياف
نياف:مطولين؟
ام وصايف:مدري والله
نياف:بجيكم ارسلو الموقع
ام وصايف:ووليف
نياف:بتجي معاي
ام وصايف:الحين يرسله معاذ
نياف:ايي وقولي لفيصل يجهز فلوسه عشان يدفع الحساب
ام وصايف:ابشر
وقفلت منه وقالت:ارسل الموقع له يامعاذ
فيصل:بيجيييييي
ام وصايف:اييه وقال خلي فيصل يجهز الفلوس عشان يدفع
فيصل:فلوسي كلها حلاله ابو فيصل
يوسف:ابو يوسف
فيصل:ابو فيصل
سلمان:يعني تتهاوشون عشان ورع نياف اللي مابعد جاء
غزلان:والله سلوم اللي يفهم
سلمان:الا غزلان صدق وش اسم ولدتس
غزلان:كان بخاطري نياف بس فيصل بيسمي نياف
رحيق:كثرو النيافين
ام وصايف:سمي نياف ويصيرون ثلاثه
غزلان:لالا بسمي سيف
فيصل:يع ماعندتس ذوق
غزلان:اسكت انت
فيصل:اقول غزلان
وصايف:فيصل اسكت تراك مزعج صوتك يغث
وجدان:ماتلاحظين وصايف تخلصين من معاذ يطلع فيصل الغثيث
فيصل:هذي طويلة لسان ترفع الضغط
تركي:فيصل الا بناتي عاد
فيصل:عمي تركي اعذرني بس وحده من بناتك لسانها هذا طوله اعوذبالله الله لايحط مسلم بين يدها والله لاتاكله اكل
ام فهد:قم قم
فيصل:وين اروح
ام فهد:جاء نياف
فيصل ناظر وراه وقال:وينه
نياف:هنا
فيصل فز وحضن نياف وقال:نيافييي اشتقتت لككك
نياف:كذاب تراني دفعت لاتخاف
معاذ وهو يدف فيصل:وخر نياف لي
نياف:لالك ولاله
يوسف:على من شايف نفسك
نياف:جاي عشان اتونس لاتزيدها علي
ام ذياب:تعال اجلس يانياف
نياف جلس جنب ام وصايف وقال:سلوم وشهي اغنيتك
سعود:وش دراك انه بيغني
نياف:جيت عشانه
سلمان:ارسلتها لك
نياف طلع جواله وابتسم وقال:وين رُوح
مواليف:تلعب
نياف:موده ناديها
موده:قم انت
نياف:لاوالله
قامت موده تنادي رُوح وجت رُوح وقالت:
هاه نياف
نياف:تعالي نغني اغنية تحبينها
رُوح:وين اجلس
نياف:بحضني تعالي
وجلست بحضن نياف وقال يوسف:يلا غنها
نياف:بصوت واحد ياعيال
فهد:تممم
نياف تنحنح وقال:حبيبي اللي سكن بالعين عليه احسد أنا عيني الآ ياليت لي قلبين وأحبه بكل قلبيني
العيال كلهم معاد عايض وهتان:
أحبه والمحبة دين وانا وفيت له ديني
من أول عمري لين الحين ولآخر يوم في سنيني يآسيدي وسيد الحلويـن ياورد اللي فـ بساتيني  أحبك في القسى واللين ومن غيرك يسليني
نياف:يلا رُوحي
رُوح:غن معاي
نياف ورُوح بصوت واحد:أجيب الصبر انا من وين يا لهفة عيني دليني حبيبي لو يغيب سنين شذاه معانق ايديني
سلمان:الآياليت لي قلبين واحبه بكل قلبيني
غزلان:وش ذي الاصوات
نياف:مو عاجبتس اصواتنا؟
غزلان:الاعاجبتني
معاذ:نياف جوالي ولا جوالك
نياف:جوالي مايبي لها
وصال:وش عندكم
نياف ابتسم بدون مايرد عليها
معاذ:تراتس صغيره اسكتي شوي
بدور:يويطييي تقهر
بيان:يرفع الضغط
معاذ:يويطيي انتي وياها
ام ذياب:وش صاير
نياف:انتظر هديتي
ام ذياب:من جايبها
نياف:حبيبتي
شرقت وليف بالقهوه وضحكو البنات
نياف:وش عندكن
وجدان:وليف شرقت من قلت حبيبتي
نياف:اطقطق ماعليتس
بدور:وش تستنى اجل
نياف:كلمة احبك
معاذ:كل شي بوقته حلو
نياف ابتسم وناظر جواله كأنه ينتظر شخص ودق جواله وابتسم ورد:هلا والله هلا بخلف قلبيي وروحييي
معاذ:قم قممم
وقام نياف ومعاه معاذ والكل مستغرب فيصل:من يكلمون ذولي
سعود:اكيد واحد يعرفونه
ابو ذياب:وانت وياه وش عليكم منهم خلوهم
جاء نياف وهو يضحك وقال:فيصل
فيصل:نعم
نياف:يالغيور والله انه شي يخصك لاتزعل
فيصل:وشهو
نياف:مقدر اعلم
فيصل:غرت على الفاضي
نياف:لاعاد تغار علي تكفى
ام ذياب:وش السالفه
نياف:ابد قاعد اجهز شي لفيصل ومواليف
مواليف:وشهو
نياف:مقدر اقول
ام ذياب:اجلس اجلس جرحك للحين
نياف:اي جرح تقصدين
ام فهد:ليه انت كم بك جرح
نياف:مدري والله
وجلس جنب ام ذياب وناظر هتان اللي يناظره بحقد
عنود:متى بنروح
ام ذياب:خلينا نجلس نص ساعه ونروح
نياف همس لام ذياب وقال:عادي انا بضل هنا
ام ذياب:وش عندك
نياف:ابي اجلس هنا
ام ذياب:براحتك
معاذ جاء وناظر نياف وقال:كل شي تمام بس باقي تروح و
نياف:اسكتتتت
ضحك معاذ ومد جوال نياف له وجلس
معاذ:ايي نياف ترا جتك رساله من رقم بس مافتحتها
نياف:ليه مافتحتها
معاذ:افتحها انت
نياف فتح جواله وحصل الرساله مكتوب فيها:اختك عايشه وقريبه منك بس محد يعرف وينهي ومنهي الا جدك محمد
نياف ارسل بسرعه للرقم:من انت ومن وين تعرف اختك
الرقم رد:مايهمك من انا بس صدقني اختك عايشه ونص اهلك يعرفون منهي
نياف فتح الرساله ولارد وناظر ابو ذياب
معاذ:شفيك منهو اللي مرسل
نياف:مثل ماقلت رقم
فيصل:نياف
نياف:سم
فيصل:تعال معاي
وقام نياف مع فيصل وبعدو شوي وقال فيصل:وشهي الرساله
نياف:اختك عايشه
فيصل:تستهبل وش دراك انتتت
نياف طلع جواله وحط الرساله وقال:شوف
فيصل:نياف لاتبين لاحد لين يوضح لك الرقم منهي وبعدها قولهم
نياف:ذا اللي بسويه
فيصل حضنه وقال:والله انها فرحه ياقلب اخوك
نياف ضحك وقال:كنت بزوجك اختي بس ربي كتب نصيبك مع مواليف
فيصل:امش بس انت اخذت اختي ذا يكفي
وضحك نياف ومشو للجلسه
ام ذياب:بتمشون؟
نياف:والله مدري عنكم
ذكرى:ياخاله الكل نعسان خلوها نمشي
نياف:دجاج انتو دجاج نامو متأخر
ابو ذياب:ماتستحي انت وش هالكلام كلهم عماتك وخالاتك وجداتك وتقول دجاج
نياف:حشى وش قلت اعوذبالله منك ومن شرك
سعد:عيب يانياف تراه جدك
نياف:اذا انت تعلمت العيب قل لي عشان اتعلم منك
فيصل:خلاص يانياف
نياف:بالله فيصل طلبتك
فيصل:وش عندك
نياف:تجي معاي بالسياره
فيصل:اي سياره تبي
نياف همس له:تبيني اركب مع جدك عشان اموت
فيصل:لاماعليك بنروح بحقة البنات
نياف:انت تسوق
فيصل:طبعا
معاذ:مسوين ثنائي ساعدونا اخلصو
نياف:شايف حالتي انا مقدر
سعود:شغل السياره اجل
نياف:من يستلم الاغاني
وجدان:فيه احد بالساحه غيري طبعا لا
نياف:ياكثر سوالفتس
وصايف:نياف امش وانت ساكت
نياف:غزلاني وليفي ترضون تقول اسكت؟
غزلان:معاها حق اسكت
نياف:مالت تراني صديق طفولتس
غزلان:ناظر وليف شوفها ترضى عليك ولا
نياف:هاه وليفي ترضين؟
وليف بعبط:انا مع وصايفي
نياف:افاااا بس كلكم بعتوني
وصايف:انقلع بس
نياف:وش بلاتس انتي
وجدان:نياففف امش اخلص
نياف ناظرهم بدون رد وضل واقف بمكانه
وصال:مسوي تعاند
نياف:انطمي
ومشى للسياره يشغلها
فيصل قرب من ابو ذياب وقال:جدي لمتى وانت على نياف ترا اللي فيه مكفيه لاتزيده تكفى
ابو ذياب:يافيصل رح لأهلك وانت ساكت
فيصل:ماني رايح امش معاي وشف حالته بنفسك
ابو ذياب:وشهي حالته وش فيه
فيصل:تعال طيب
نزل ابو ذياب من السياره ومشى مع فيصل للسياره وكان نياف مرجع راسه لورا على الكرسي ومغمض عيونه
فيصل:تشوفه
ابو ذياب:وش فيه هو ليه تعبان كذا
فيصل:مدري تبيني انزله لك
ابو ذياب:نزله واركب السياره
فيصل:ابشر ودق شباك نياف وفتحه نياف:
وش عندك
فيصل:انزل جدي يبيك
نياف:وش عنده بعد بيتكلم
مضاوي:انزل لجدك وانت ساكت
نياف:مضاوي ابلعي لسانتس
ام ذياب:انزل يانياف
نياف:امري لله
ونزل من السياره وركب فيصل مشى نياف لبو ذياب ووقف قدامه وقال:هاه وش عندك
ابو ذياب:نياف ثبت عيني بعينك
نياف حط عيونه بعيون ابو ذياب وقال
ابو ذياب:من معبي عيونك دموع
نياف:محد
ابو ذياب:اكذب على غيري
بالسياره
وجدان:يمه لاتصير هوشه
فيصل:بيصير صلح شوفي وانتي ساكته
وصال:صدق اخيييراا صورو يابنات
رحيق:مصورين ماعليتس
ام وصايف:اسكتن خلاص
(عند نياف وابو ذياب)
ابو ذياب:اكذب على غيري
نياف:ماقد كذبت يبو ذياب
ابو ذياب:بدون جدي او يبه؟
نياف:انا ابوي مات مثل ماانت عارف وجدي تركني وهذا الوضع الموجع يبو ذياب خلوني يتيم مرتين مره موت سعود ومره تخلي جدي عني
ابو ذياب:لاتقول كذا ياعين جدك
نياف:الصدق ينقال يبو ذياب
ابو ذياب:للحينك على ابو ذياب؟
نياف:وش تبيني اقول لك ابو سعد؟
ابو ذياب:الناس تسامح يانويف
نياف:كنت اسامح انت خليتني كذا خليتني احس ان مالي وجود عندك وعند غيرك صدقت غيري علي وانت تعرفني وتعرف اللي بنياف بعدت عني وانت تدري ان نياف تعبان ولا فوق هذا كله قلت بخليك تطلق وليف بتحرمني منها؟بتخليني بدون اهل بتاخذ اللي قلبي حبها؟بتقول لي خذ بنت عمك انا لو ابي بنت عمي اخذتها بس القلب مايبي غير وليفه بتقول هذا كله من الماضي قل لقلبي قل له ينسى الماضي لو انا تناسيت الماضي مابعيش مثل الاودام انت جرحت واذيت وتدري اللي فيني مو من اي احد من هتان ولد سعد وانت ماسويت له شي كأنك مبسوط انه سوا فيني كذا انا ولد غاليه اذا انت ناسي ولد بنتك اللي كانت غاليه عليك ولد سعود اللي كنت تحبه اكثر من ولدك ذياب وش غيرك انا تربيت بيدك وبيد مناير ليه مناير ماتخلت عني زيك ليه غزلان ماكرهتني زي كره ذياب وكرهك انت ليه خليتني احب واتعلق واعيش واتهنى وفجأه تقلب علي اذا بتتهنى انا ببعد عنك وعن الكل ولابتشوف وجهي بس خليني اتهنى مع اللي احبها لاتعذبني اكثر وتزيد الطين بله
(وصرخ وهو يكمل)انتتت صدقت علي عمييي وولدك ذياب انت وقفت معاهم وانت تدري وش مسوين فيني تدري عمي وش مسوي فيني تدري وش ذياب مسوي فيني وصدقتهم عطني سبب واحد يخليك تصدقهم علي انا تخليت عن اشياء واجد عشانك انتتتتت مو عشان احد ثاني
الحين قل لي وش بتاخذ مني وليف؟يمه مناير؟غزلان؟رُوح؟فيصل؟معاذ؟يوسف؟سلوم وسعود وعز وفهد؟بتاخذ اي واحد منهم عشان اتعود ولا بتبعدني عنهم
ابو ذياب كان يناظر نياف ويسمع كلامه وهو مصدوم وقال:ماتبي تحضن جدك
نياف:لو بحضنه حضنت بدون مايقول
ومشى للسياره وقال فيصل:وش قال
نياف:امش وانت ساكت
وجدان:وش نشغل طيب
بيان قرصت وجدان وقالت:همتس اغاني اقعدي بس
وجدان:يويطيي عاد
ام وصايف:وجدانن خلاص عاددد
نياف:ياوجدان شغلي على الله يالبعيد
وجدان شغلتها على طول وكان صدر نياف يرتفع وينزل
ورا عند البنات
غزلان:يروحيي هو قلبي عورني عليه
وصايف:تكفين غزلان انتي ماسمعتي كل كلامه والله يقطع القلب
وصال:دموعي بتنزلل اهخخ ياربيييي
ريف وهي تمسح دموعها:وصالي انا دموعي نزلت
(البنات كلهم تصالحو مع ريف ونسو اللي فات)
مواليف:احس بضيقه
هديل:الحين جدي مسوي كل ذا ياقلبي على نياف
وجدان:عادي تسكتون شوي
غزلان:ليه ان شاءالله
وجدان:انا بتكلم حللت شي وبقوله
وليف:قولي
وجدان:جدي مسوي كل ذا بنياف عشان سعد وذياب وانا شفت فيصل يكلمه ومن خلص فيصل من جدي جاء لنياف وناداه ونزل نياف لجدي وجدي كأنه يقول لنياف احضني ونيافوه يعاتب
غاده:اول شي نياف ماينلام يوم يعاتب جدي ثاني شي انتي ماشفتي كلام جدي له قبل شكلتس ناسيته
نغم كانت بتتكلم بس قاطعها صوت عنود وهي تقول:خلاص يابنات اسكتو
وبالنسبه لنياف اللي كل مالها دموعه تنزل بس يمسحها لين ماانتبه فيصل لدموعه وقال:لاتمسحها خلها تنزل
نياف:كمل سواقه
ام ذياب:يانياف وش قال لك جدك
نياف:وش بيقول يعني
فيصل تنحنح وقال:وصلنا يلا انزلو
نزل نياف بهدوء وتوجه لغرفة تحت صوت معاذ اللي يناديه
معاذ:وش بلاه ذا
فيصل:انتتت ماشفته يتكلم مع جدي
معاذ:لاغفيت بالسياره
عايض:فاتك صار فيلم
معاذ:انت من كلمك
عايض ناظره بدون رد ومشى مع هتان
معاذ:تكفون ياعيالللل لاحد منكم يمسكنييي بقومممم عليه
فيصل:وانا معاك على هتان امش
وركضو معاذ وفيصل لعايض وهتان وسحب فيصل هتان ومعاذ سحب عايض
هتان:هييي انت وياه وش عندكم
فيصل:بناخذ ثار ولد خالتناا تحسبونا ماندري ان عايض اللي قايل لك يالرخمه
عايض:وش بتسوون
معاذ:انا اعلمك
يوسف:فيصللل معاذذذذذ
معاذ:انت صوت لنياف وانت ساكت وصاللل ادخلي داخل مالي خلق صراخ نياف عليي اخلصي
وصال:بشوف طيب
فيصل:اخلصيينييييييي
مشت وصال ومعاها غاده ونغم وبدور ودخلو داخل على طلعة نياف من الباب
نياف:وشو وش صاير ساحبني كذا
يوسف:شفف معاذ وفيصل
نياف بصوت عالي:تكفى يافيصللللل لاتخلي فيه عظمه صاحييييه
فيصل:انتظر هالصوتتتت من زمانننن يبو غمور
معاذ اللي طاح ضرب في عايض وكانو العيال يحاولون يفكون بينكم بس محد قدر
فيصل:والله لااطلع عظامك ياابن*****
باسم:فيصلللللل وش هالكلامممم اتركه
فيصل ترك هتان اللي كان خشمه ينزف دم
ومعاذ ترك عايض وقال ابو ذياب:وش سويتو انتم
فيصل:سوينا اللي المفروض تسويه انتتتتت
بس نشوفك واقف ولاسويت شي
معاذ ناظر نياف اللي كان يناظر ابو ذياب وعيونه تطلع شرار من كثر ماهو كاتم والكلام اللي قاله ماهوب نص اللي بقلبه على ابو ذياب هذا قليل
معاذ مشى لنياف وهمس له:رح داخل لاتتعب نفسك
رد نياف بهمس:اكثر من هالتعب؟
معاذ:رح وانا بخلي وليف تلحقكك
نياف:معاذ تكفى
معاذ:قلت لك رح
مشى نياف لغرفته وناظر فيصل اللي كان واقف ويفور من العصبيه كان كاتم واجد على ابو ذياب وعلى هتان وعايض بس ماحب يتكلم
باسم:انطقققق وش تعرف
فيصل:اللي اعرفه ان اخت نياف عايشه ومنا وفينا وجدي هو الوحيد اللي يعرف منهي
ابو ذياب انصعق من كلام فيصل وناظر ام ذياب ومشى ومارد على فيصل
باسم:ادخل داخل ولااسمع لك حس فاهم؟
فيصل:ليه محد ردد تعرفونها طلعوها لهه خلوه يشوفها مره وحده بس خلوه يتهنى بحياته مع اخته
قرب باسم من فيصل وضربه كف وقال:
ادخل ولااشوف وجهك
فيصل:يجي منك اكثر وزود يبو يوسف
ومشى داخل ولحقوه العيال والبنات اللي كانو مصدومين من كلام فيصل
ام ذياب:ادخلن يابنات
غزلان:يمه اخت نياف عايشه صح اللي قاله فيصل؟
ام ذياب:ادخلييي انتي وياها
دخلو كل البنات وتوجهة وليف لغرفة نياف تحت انظار الكل محد عارضها او وقفها لانهم يعرفون قد ايش نياف يحتاج وليف بهاللحظه
دخلت وليف غرفته وحصلته نايم على الكنبه ونزلت عبايتها ونقابها وقربت منه تناظره او بالأصح تتأمله وعت على نفسها من فتح عيونه
نياف عدل جلسته وقال:هلا وليفي
وليف:تعبان بتنام اروح؟
نياف:اجلسي ياعينه لاتروحين مكان
وليف رجعت شعرها وراء اذنها وقالت:
طفش وش نسوي الحين
نياف:اصبري بنرقص انا وانتي
وليف:بنرقص؟
نياف:ايييي
وليف:لايكون عرضتك ذاك اليوم تراني مااعرف
نياف:لا ماعليتس تعالي ساعديني نشيل الطاوله
وقفت تشيل الطاوله معاه وقال:هو صحيح انا وانتي نمنا وماعاد فينا نوم عشان كذا بنرقص
وليف:نرقص رقص؟
نياف:لا ياحلوه
وليف:اجل؟
نياف شغل موسيقى هاديه وتقدم ناحيتها ومد يده لها وقال:تشاركيني الرقصه ياحلوه؟
وليف ابتسمت ومدت يدها له وكانو يرقصون ومنظرهم مُهلك وجداً 
وليف:احسب حسابك بخليك تقول لي اللي فيك
نياف:مو وقته
وليف:الا وقته بعرف شفيك
نياف:طيب طيب
لفت وليف وحاوط نياف خصرها وابتسم وقال:الرموش والعيون ذي تهلكني وجدا ياوليف
وليف توترت وسرعان مابعدت عنه وجلست على الكنبه ماكنت متعوده احد يمدحها كذا
ضحك نياف على شكلها المصدوم وقال:ايي
قهوه ولا
وليف:اجلس
نياف جلس جنبه وقالت:يلا قول
ناظرها نياف وكانت عيونها كلها رجاء عشان يقول اللي فيه
تنهد نياف وقال:مخنوق وجدا ماني قادر اتنفس ابد احس كل ماتنفست يضيق صدري اكثر كلام ابو ذياب واسلوبه وحركاته صعبه وجدا ياوليف صعبه ماقدرت افهمه وانا عنده من عشرين سنه ماقدرتتتت ابدد ماقدرت افهم هو وش يبي مني وش يبي عشان اسعده جرحني جرح مستحيييل يجُبر ابددد تعرفين الجرح لما يكون من شخص غالي عليك وماتكون متوقع ان الجرح بيجي من ذا الشخص هو نفسه الشعور اللي احس فيه تدرين سعد يحاول يرفع ضغطي كل ماشافني صار يضحك مع جدي يحسبني بتهاوش معاه بس معاد صرت اهتم وتدرين اليوم ابو ذياب يبي اسامحه ماقدرت والله ماقدرت احس قلبي يقول لاتحضنه وعقلي يقول احضنه ماعرفتتتتت وش اسويي ماودي ابعد عنده ابد بس هو اللي اختار كذا
وليف ناظرته وحضنته على طول بدون تردد كان يحتاج هالحضن وجدا هي الوحيده اللي تعرف له من بعد ام ذياب وغزلان
نياف همس لها:تدرين اني احتاجتس واحتاج حضنتس
وليف بنفس الهمس:ماحضنتك عبث ادري انك تحتاجه
نياف وخر من حضنها وكان يلعب بخصلات شعرها وضحك بخفه وقال:البنات شافوتس وانتي تدخلين هنا؟
وليف:الكل شافني
نياف:تنامين عندي ولاعند البنات
وليف:بشوف
نياف:لاوليفي نامي عندي هنا
وليف:يوه مطولين ننام وانت للحين تفكر بالنوم
نياف:بتناميين وغصب عنتس وعن ال
قاطع نياف طرق الباب وقام يفتحه وحصل ام يوسف وخالاته كلهم وقال:وش صاير
ام وصايف:نبي نتطمن عليك وناخذ وليف
نياف:ليه تاخذونها
ام يوسف:طولتو انت وهي خلاص
نياف:طيب خلوها عندي عادي
غزلان:وش تبي فيها نبيها حنا نبي نجلس معاها
نياف:لاحقين عليها تراها حـرّمي ماهي بحرمكم
وجدان من فوق:بننشب لك ولها
نياف:خلوها طيب صدق ياخاله انا وهي نمنا قبل نجيكم خلونا طيب مع بعض
ام فهد:لاتعاند
نياف:وليف بتروحين معاهم لفوق؟
وليف وقفت وتوجهت للباب وقالت:ابي بجامه عطيني وجدانوه
ام يوسف:بتقعدين عنده؟
وليف:ايوه
ام فهد:السبب
اشرت وليف وهي تضحك على قلبها
غزلان:عشتو المشكله امي نايمه ولا خليتها تجيكم
وجدان:وليففف امسكيييي وانت نياف تكفى خلها تصورك مثل الاودام ذاك اليوم كنت تتأملها
نياف:ذي وهي فوق ملسونه
ام يوسف ماحبت تعارض نياف ووليف وقالت:يلا تصبحون على خير
باس نياف راسها وباس خد غزلان وقال لها بهمس:فيه ناس طالبه القرب منتس
غزلان ناظرته وعيونها شوي وتطلع وباس راس ام وصايف وام فهد وقال:تصبحون على خير
ابتسمو كلهم ومشو وقفل نياف الباب وناظر وليف اللي كانت تضحك وقال:قلبي اجل
وليف وهي تضحك:مقدررر والله بطنييي اوجعني من الضحك خلاصصص
نياف:ياجعله دومممم ياعييين نياف انتي
وليف:تدوم لي حبيب
نياف باس خدها وقال:مابخليها بخاطري
وليف باست خده وقالت:رديتها لك لاتخاف
ابتسم نياف وقال:يلا غيري ملابستس عشان نتابع فيلم
وليف:على ذوقك ذي المره
نياف:بيعجبتس
ابتسمت ودخلت تغير ملابسها وطلعت وهي لابسه بجامه باللون الوردي الفاتح وجلست على الكنبه جنبه
نياف:قبل لااحط الفيلم
وليف:وشو
نياف وقف وفتح الخزانه وطلع ثوبين وكان واحد باللون الاسود والثاني بالكحلي:اي احلى
وليف:الكحلي ووقفت وهي تتوجه الخرانه مع ذا الشماغ (وكان لو الشماغ ابيض وبنهايته لون بني)
نياف:بعتمد على ذوقتس
ابتسمت وقالت:ليه تختار ثوب
نياف:بكره بيجون ضيوف عندنا من حريم ورجال وكذا
وليف:من عازمهم
نياف:ابو ذياب
وليف:لازممم اقول للبنات
نياف:قلت لهم لاتخافين وطلبنا انا وهن حلويات وعشاء وكل شي بس تصلحون القهوه
وليف:دقيقه انا ماقررت وش بلبس
نياف:هو انا اخترت لاني قلت لغزلان توريني فساتينتس
وليف:وش اخترت
طلع نياف من خزانته فستان باللون الكحلي وقال:ذا اللي عجبني بس صدفه طلعنا طقم انا وانتي
وليف:حلو والله وطلع ذوقك حلو
نياف:قلت لتس بيعجبتس
وليف:يلا خلنا نتابع الفيلم
ومشو للكنبه وجلسو وحاوط نياف خصرها وكانت حاطه راسها على صدره وتسمع دقات قلبه
بنص الفيلم وكانت الساعه(٧ الصباح)
رفعت انظارها له وباست فكه وابتسم هو وناظرها وقال:واحد هام بحبتس وساقه غلاتس ينهى فيتس مساء و يبتدي فيتس صباح
ابتسمت غصب عنها لانه يجيب راسها بكلامه اللي زي كذا وقالت:يا هني من شاف وجهك من قريب
ناظرها نياف وقُبل مبسمها ابتسمت بخجُل تدفن وجهها بعنقه
ضحك وقال:عزاااااي اني احبتس طول عمٌري واغني بكثر شوقي لتس وكثر ما حبتس سكني
وخرت عنه ونطقت:شلون ما احبك و يغريني غلاك ومواصلك فرحه وقربك عافية
باس خدها وقال:مانعستي؟
وليف:الا
نياف:واليوم نومتس بحضني
ضحكت بخفه وهو راح انسدح على السرير وهي نظفت مكان جلوسهم قبل شوي وطفت النور وانسدحت جنبه واعطته ظهرها لكنه سحبها له وصار ظهرها ملاصق بصدره وقال:سبحان من سوااااتس
وليف لفت له ونامت وهي تناظر عيونه
.........................
بارت مليان حُب ومشاعر حلوه ، متحمسه لـ غزلان والعاشق المجهول ، علاقة نياف وأبو ذياب تكسر الخاطر
الكاتبه:منيره آل عبدالعزيز💙.