بين الليل والحال هبت الذكرى

البارت العشرون

وجدان:نياف ذي لك
نياف:حطيها
وجدان حطت ياعاذلين الهوى وابتسم نياف
نياف:في الحب جنه وفي البعد نار وهييييام
وصال:وجععع يالحبيبب انتتت غيروهااااا
نياف:حطو العيون السود
وليف ابتسمت ونطت قدام
معاذ:وش عندتس
وليف:بقعد قدام
وجدان:العيون السود؟
نياف:ايييييييييييي
وحطت وجدان العيون السود وكان نياف يغني مع الاغنيه ومعاذ مستغرب منه
معاذ:تجيب الهم وقف بس
نياف:شفيك
معاذ:دق على يوسف يوقف بروح معاهم
نياف:لاوالله وجدان هاتي الجوال
اخذ الجوال وحط نياف اغنيه يحبها معاذ
نياف:خلوه على كيفه يدور غيرييي
معاذ:يرتاح وارتاح انا من تفكيري
ريف:غيروهااا
نياف:والله ودنا بس بنروق
معاذ:شف فيصل يدق
نياف:ردد تكفى
فيصل:نيافففففففففف
نياف:ماقدر ياخذ غلاتك ماقدررررر
فيصل:لك في قلبي شوق كل ماله يزيد
نياف:وش عندك
فيصل:جدي غثني تخيل يقول هالنياف ماوراه الا الخراب مايستحي ومدري وشو
نياف:بالله تراه يسمعك اسكت بس
فيصل:لايولد نطيت ورا عند فهد وعز وهتان
نياف:اسمع طيب
فيصل:وشو
نياف:بوقف الحين بنص الخط وانتم وقفو وراي
فيصل:طيب
نياف:وبتكلم مع جدك واشوف وش بلاه
فيصل:والله يذبحك
نياف:مايقدر
فيصل:يوسففففف وقفففففف السياره نياف يبي يتكلم معانا
نياف:اذنييي اذننيييييي ياحماررررررر
فيصل:وقف وانزل لبو ذياب
نياف:يلا اصبر
وقف نياف السياره وقال لمعاذ:اذا صار فيني شي انت تسوق فيهم
ام ذياب:وين تبي
نياف:عند زوجتس بشوف وش عنده
ام وصايف:نيافف
نياف:ماعليتس مراح اسوي شي
ونزل من السياره وراح لسيارة يوسف وتكى على الشباك
ابو ذياب:شعندككك جايي
نياف:حرام اجي اتطمن يعني
ابو ذياب:انقلع لسيارتك
نياف:بخاطرك كلام قله ليه تسكت
ناظره ابو ذياب ونزل من السياره وقال نياف:
لااحد ينزل منكم خلوه يطلع حرته
مشى نياف لبو ذياب اللي كان واقف قدام سيارة نياف
نياف:اييي تكلم
ابو ذياب:ليه تسوي كذا يانياف ليه تسوي بخالك كذا
نياف:ماهوب بخالي
ابو ذياب:نيييياففففف
نياف:وشو
ابو ذياب وهو يرفع عصاته على صدر نياف:
ذياب خالك وغصب عنك وعن الكل فاهم
نياف:يخسي ويعقب مايكون خالي
ابو ذياب ضرب نياف على صدره ونزل معاذ من السياره وتوجه لنياف
ابو ذياب:ماتقول هالكلام بوجهييييي يانياففف انا جدك
نياف:والله انك ماتعرف اللي بصدر نياف ولااللي بقلبه لكن تدري ذياب طالع عليك نفس ابوه انت ضربتني على صدري وصدري كرهك يبو ذياب لايطب لساني على لسانك ابددددد دامك بصف ذياب
معاذ:نياففف
نياف:وخر تكفى يامعاذ مابي اسمع صوت انا طالبك ياولد الخاله
معاذ:اضرب الارض وانا وراك ولاتقول تكفى  يانياف
نياف كان بيمشي بس وقفه صوت ابو ذياب وهو يقول:انسى وليف اجل
نياف:وليييفففف ماتجيييي بلسانككككك ابدددددد واللي بيفرقني عنها ماطلع من بطن امه ابدددد انتتتتت بديتهااا وانا بنهيهااا وصدقنيييي معاد تهمني انت جرحتني ولااهتميتتت لييي انا اللي بلعب فيك انت وذياب
ابو ذياب ناظر نياف ودفه على الارض وطاح نياف على الارض ونزلت وليف تركض لنياف لانها نطت بمكان معاذ عشان تشوف وش صاير
وليف:نيافففففف فيك شي
نياف وهو يكح بقوه:معاذ مويه
معاذ ركض لسيارة العيال (سيارة العيال ورا سيارة نياف ف ماشافو وش سوا ابو ذياب)
معاذ:ياعيالللل عطونييي مويه
فيصل:شفيك
معاذ:جدي ضرب نياف
فيصل رمى المويه على معاذ ونزل لنياف برجله المكسوره خايفف على نياف
ابو ذياب شاف الكل تجمع على نياف خاف عليه وقال:نياف فيك شي
نياف ناظره ولارد وكانت وليف حاضنته
فيصل ناظر جده وقال:لو الولد صار فيه شي تدري انك بتلحق ذياب
نياف قام وسحب فيصل وقال:والله العظيم اذا ماسكتو عنه يويلكم خلوه على هواه
معاذ:نياف
نياف:امش اركب السياره وانت فصفص اسحب جدك وركبه السياره ولا اشوفه الا اذا وصلنا ابها
معاذ:اجل بروح السياره
فيصل:يلا جدي تعال
مشى ابو ذياب مع فيصل وهو يناظر نياف وكانت وليف واقفه وتناظر نياف وحضنته على طول
نياف:وش فيتس
وليف:صارو كلهم عليك والله كلهم عليك انا سمعت جدي وهو يقول لك انسى وليف
نياف:وليفي مراح يصير لي ولتس شي ابد بنضل مع بعض
وليف وهي تهز راسها ب"لا":والله يقدر يسويها يانياف بيخليك تخليني هو يدري اني احبك وانت تحبني بس يبي يتعبك يبي يشوف صبرك ونقطة ضعفك
نياف:والله ماياخذونتس مني لو تنطبق السماء على الارض
هنا حركت سيارة يوسف وكانت وليف للان حاضنه نياف
مضاوي:يامعاذ نادهم نبي نمشي
معاذ:خليهم مع بعض
ام وصايف:بعدين يامعاذ بعدين
معاذ فهم ام وصايف ونزل ينادني نياف ووليف وسمع وليف وهي تقول:انت قوتي لو اخذوني منك مراح يصير عندي مصدر قوه نياف انت تعرفني تعرف وليف
نياف:اعرف وليف والله اعرفها بس لاتنزل دمعة الوليف على الاقل عشاني
معاذ تنحنح وقال:نياف يلا جده طفشت وهي تستناكم
نياف:يلا الحين نجي
راح معاذ وقال نياف لوليف:الكل يدري ان وليف تحتاج نياف ونياف يحتاج وليف والكل يدري ان وليف لنياف ونياف لوليف محد بيغير هالشي
وليف ناظرته ولاردت بس ابتسمت ومشت للسياره
وجدان وهي تهمس لها:وش قلتي له
وليف طلعت ايبادها وحطت فيلم تتابعه
معاذ:نياف تعبان خلني اسوق عنك
نياف:لالامايحتاج
ام ذياب:خله يسوق عنك يانياف انت يدك توجعك وتو جدك ضربك
نياف ضحك بسخريه وقال:ماهوب جدي
ام سعد:وشلون ماهوب جدك
نياف:انا ماقلت لذياب خالي ابد وهو راح لذياب ماهوب جدي ابد وانا لو عندي احد غير ابو ذياب فهو نفسي
ام وصايف:انزل خل معاذ يسوق
نياف نزل وراح لمكان الراكب وحرك معاذ وسمع صوت بكاء ورا وقال:منهي اللي تبكي
وصايف:وصال
نياف ضحك وقال:افااا يوصال ليه تبكين من مبكيتس اروح ابيكه لعيونتس
وصال وهي تشهق:سمعت جدي يصارخ عليك ويهاوشك وانت ساكت ليه ماتتكلم
نياف:للحينتس بزر تخافين من الصوت العالي والهواش
وصال:مانيب بزر
نياف:طيب اسمعي
وصال طلعت راسها من ورا:وشو
(وصال ماتتغطى عن نياف لانها صغيره)
نياف لف عليها وقال:جدتس متعود عليه عادي بس تدرين وش اللي يقهر
وصال:وشو
نياف:انه كبير مقدر ارد عليه
وصال:اهخخ يالقهرررررر
نياف:وين رُوح وموده وهفهف
رُوح:انا هنا وهايف نايم وموده مع وليف على الايباد
نياف:الحين امر البقاله واشتري لوصال ورُوح اشياء كثيره
موده:لاوالله واناا
نياف:يالبزر حتى انتي
معاذ:نياف رد على يوسف
نياف اخذ الجوال ورد:هلا سوفي
يوسف:تبي نوقف عند المحطه
نياف:ايي وقفو
باسم:عساك بخير يانياف
نياف:بخير بخير
وقفل منهم ورجع راسه لورا على المرتبه وجلس كلام ابو ذياب ينعاد براسه ونزلت دمعته من غير مايحس
معاذ وهو يهمس لنياف:شفيك
نياف:ولاشي /وجدان
وجدان:هلا
نياف:شغلي شي نتونس عليه
وجدان:ينفع جابر الكاسر؟
نياف:اييي ينفع
شغلت وجدان(ان خذاك الوقت)
نياف بصوت عالي:لييت تدري بي انا وقلبي العنيييييد وش كثر يوحشنا صوتك وش كثر
غزلان:عشنااا يانيوف
نياف:القلب للحب مخلوق وانا قلبي مخلوق عشان يعشق
مواليف:اللله ياولد الخالهههه
نياف:بديت تحب بديت تغار بدا قلبك يعيش بنار
بيان:خف عليناا يانويف
بدور:مشاعره جياشه (وكملت وهي تهمس) اللي ياخذ وحده مثل وليف ينشغل تفكيره كل دقيقه
وليف:وجع وجع هدي شوي
نياف ابتسم من سمع صوتها وقال:يحق لي يابدور
بدور:سمعتتت وش قلتتتتتت
نياف:اييييي سمعت والكل سمع"كان يحاول مايبين لهم شي"
ام يوسف:يانياف المحطه
نياف:هذاهي قدامنا
وجدان:نياففف اسمع
نياف:سبحانننننن من سواه
غاده:نيافف نبي حليب شوكلاته تكفى
نياف:طيب ياغدو وهديل وش تبي
هديل:ايسكريم
نياف:اقول ارسلو طلباتكم من جوال غزلان
غزلان:طيب ومن يدفع
نياف:انا وهاه توصو في ام جواهر وبناتها وام سعد
معاذ:بنزل معاك
نياف:اقعد مكانك بس
وجدان:خايف علينا
نياف وهو يغمز لها:تفهمين
ونزل للبقاله وارسلت له غزلان الطلبات وجابهم وحاسب ورجع السياره ووزع الاغراض
يوسف وهو يدق شباك نياف:نفنف تكفى
نياف:شعندك
يوسف:ابي الشاحن
نياف:بالله
يوسف:ايوالله
نياف:كم تدفع
يوسف وهو يهمس له:وليف عندك مايحتاج
نياف بصوت عالي:تجيبببب راسيي من اقصاه امسك الشاحن بس
يوسف:طحت من عيني
نياف:من قال بموت لاطحت من عينك؟
يوسف:اللله يالغرور اللي يعجبني
نياف:يسعد دينك اصبر بحضنك
ونزل وحضن يوسف وكانت الطف شي يشوفونه البنات بهاليوم
يوسف:اسمع عاد
نياف:وشو
يوسف:ياسارق القلب رد القلب لي رده
نياف:امش بس
وضحك يوسف ومشى للسياره وحرك معاذ وكان نياف يحارش وصال
نياف:وصول اسمعي
وصال:وشو
نياف:يقولون فيه وراعين يشربون حليب
(قلد نطق غاده)شوكلاته
غاده:نيافففف ترا وليف بعد تحبه مو بس انا
نياف:اقول غدو
غاده:وش تبي
نياف:لاعاد تصارخين
غاده:ليه ان شاءالله
وجدان وهي تهمس لها:عشان وصال ورُوح
غاده:خلاص عاد وصال ماهيب بزر عشان تخاف من الصراخ
نياف:لابالله فيه شي اسمه فوبيا اذا تعرفينها يافاهمه وبعدين اشوفتس تتكلمين على وصال والله اقص لسانتس الا وصول
وصال:نيوف والله اني احبك
شرقت وليف بالحليب وضحكو كل البنات
نياف:وش صاير
وصال:مدري مهبل وليف شرقت بالحليب
مواليف:يانياف اهجد ولاعاد تعيد هالحركات
نياف:نعتذر ياحـرّم الفيصل ولاعاد نعيدها
بدور:اعتذر من حـرّمك
نياف:حـرّمي تعرفني مايحتاج يابدور
عنود:اقول نياف
نياف:سمي
عنود:ماودك تشغل لنا اغاني
نياف:ليه ودتس؟
عنود:ودنا بس نبي على ذوقك
نغم:لاعمه يمكن ذوقه مخيس
نياف:احلفي
رحيق:نياف بالله شغل مجيد
نياف:تحلمين مافيه الا اميمه تبونها؟
هتاف:كل ليلة؟
نياف:وجدان امسكيها لاتجي جوي من بعدتس
وجدان:انا غير صح نيوف؟
نياف:الغير معروف ياوجدان مايحتاج اقول
غزلان:ادعس يانياف من متى
نياف:من انسرق قلبي
ام فهد:ويابخت السارق
نياف ابتسم وشغل اغاني اميمه
ام ذياب:غيرها يانياف حط لو ذبحني ياعوض
نياف:تبشرين
وحط لو ذبحني ياعوض وكانت ام ذياب تصفق
نياف:يمه بحطها بعرسي وارقصي عليها
ام ذياب:انت عرسك كله بضل ارقص
ام وصايف:كلنا يايمه بنرقص هذا عرس نياف ماهوب اي احد
معاذ:اوه يعني حتى بعرسه بتدلعونه
نياف:اقولك قالو نياف ماهوب اي احد
معاذ:ايبالله انك مو اي احد يكفي ان اسمك نياف ابن سعود آل نـاصـر
نياف همس له وقال:ويكفي ان اختك حـرّمي
معاذ:وش عندها وليف هاديه
وليف:ماعندي شي
معاذ:علينا ياحبيبة اخوتس
وليف:يعني معروفه
معاذ:وبقوه بعد
وليف:البلا بالقلب يامعاذ ماهوب بالسكوت
نياف:البلا من القلب الساكت اللي بداخله كلام
وليف:الساكت يسكت من الوجع ماهوب من شي ثاني
نياف:والساكت يقدر يتكلم عن الوجع
وجدان:خلاصص انت وهي ازعاج درينا انكم تقولون كلام ومدري وشو اسكتو شوي
نياف:كم باقي؟
معاذ:مية كيلو
نياف:زين اذا تعبت قول لي اكمل عنك
وليف ارسلت لنياف:للحين صدرك يوجعك؟
نياف:لا ماعليتس
وليف:تكذب علي ولاوشو؟
نياف:وليف والله مايوجعني
وليف:تمام
نياف عرف انها زعلت لانها ماتحب الكذب وقرر مايراضيها الا اذا وصلو الشاليه ورجع راسه ورا على المرتبه ينام شوي
معاذ:وجدان طفي الاغاني
وجدان:ليه ان شاءالله
معاذ:نيوف نايم
غزلان:المكيف يامعاذ سكره عنه
معاذ:ليه
غزلان:صدره الحين ينكتم
معاذ:مامعاكن بطانيه؟
وليف:الامعاي
معاذ:هاتيها نغطي فيها الامير النايم
اخذتها ام وصايف ونطت تحطها على نياف النايم واللي اخيرا نام نومه من غير مايفكر
(بسيارة العيال)
ابو ذياب:طف الازعاج هذا
فيصل:لايكون كبرت يبو ذياب
ابو ذياب:للحين تراني شباب
باسم:ياعمي الشباب ماينزعج من الاصوات هذي
ابو ذياب:شغل بس قرآن خلنا نسمع
سعد:ياعمي العيال مايبون
ابو ذياب:وشو مايبون قرآن هذا خله يشغلونه وهم ساكتين
فيصل:ماني مشغله الا لما تقول لي ليه رحت صف ذيابب وضربت نياف
باسم:فيصللللللل
فيصل:وشو فيصل الولد اكل ضربه على صدره بغى يموت بسببها
سعود:صادق؟
فيصل:ايوالله شكلك نايم يوم معاذ جاء وقال نياف بيموت ومدري وشو
سعود:اذا وقفنا بتطمن عليه الحين يمكن تعبان
هتان:وش تبي فيه تتطمن
عز:هتان انطم ولااسمع حسك انت ساس البلا
سلمان:فيصل انت يوم شفته كان تعبان ولا
فهد:صدق سلوم صادق كان يتنفس بسرعه
فيصل:لاماعليكم الحين تلقاه مثل الحصان يحارش وجدان ووصال وبدور
تركي:شغل يافيصل قرآن
ابو ذياب بزلة لسان:يانياف
يوسف ناظر ابو ذياب وقال:نياف ماهوب معانا
وبعدها سكتو كل العيال واللي نام واللي قعد على جواله
بسيارة نياف
ام ذياب:قعده يامعاذ
معاذ:ليه
ام ذياب:قعده وانت ساكت
معاذ:نياف
نياف مارد
غزلان:خله علي
معاذ:وش بتسوين
غزلان:نيافففففففففف
نياف فز وضرب راسها بالدرج اللي قدامه
معاذ وهو يضحك:قم قم ماينفع معاك الا غزلان
نياف:لاوالله وش تبون ابي انام
وجدان:قم بس صرنا هادين عشانك نايم
نياف:يمه تكفين بس نص ساعه
معاذ:وش بلاك تعبان؟
نياف:لا
ام وصايف:الاوالله وجهك وجه التعبان
نياف:ياخاله والله مافيني شي
ارسل جوال نياف وكان فيصل اللي مرسل
فيصل:نياف ولد
نياف:سم وش عندك
فيصل:اسمع بدق عليك ورد وانزل من السياره
نياف:وش صاير
فيصل دق على نياف ورد نياف وقال لمعاذ:وقف السياره
معاذ:ليه
نياف:وقف عندي مكالمه
وقف معاذ ونزل نياف وهو يكلم فيصل
نياف:وش صاير
فيصل:جدي قال لأبوي يخليك تطلق وليف
نياف:وش تقوللل انتتتت
فيصل:والله وابوي قال ليه ومدري وشو وقال جدي نياف مايستاهل وليف هو ماصان بنت عمه تبيه يصون وليف
نياف:الحين جدك نايم ولاوشو
فيصل:كلهم نايمين بس يوسف وانا
نياف:تكفى يافيصل سو شي وقفهمممم
فيصل:مدري يانياف والله مدري وش اسوي ياخوفي ابوي يخليك تطلق وليف صدق
نياف:مايقدرون يافيصل انا نيافف والله مايقدرون علييي
فيصل:اذا تجمعو كلهم يقدرون يانياف يقدرونننن
نياف بعصبيه ضرب السياره بيده وقال:والله مايصير طلاق لو تنطبق السماء على الارض والله مااطلقها لو ايش يستهبللل جدك على راسييي اول معايي معاييي بعدييننن ضديي وين عايش ذا
فيصل:نياففف اركب السياره ولاتبين شي لاحد وخلك هاديي
نياف:وشلونن اصير هادي يافيصل وشلون
بالسياره
ام ذياب:انزل يامعاذ شوفه
وجدان:تحصلونه عصب خلوه شوي
ام وصايف:انزل يامعاذ
ام فهد:لاتنزل يامعاذ
معاذ:اوهووو عادددد خلوه شوي هدو طيب واضح معصب
مضاوي:وجع وش ذا الصوت
معاذ:تكفين يامضاوي اسكتي
ونزل معاذ من السياره وناظر نياف وقال:
شفيييك
نياف:فيصل والله مايصير اللي براسه خله يتوكل من هووو عشان يتحكم برايهاااا
فيصل:نياف قفل وانت ساكت بسوي اللي قلت عليه وخلاص
وقفل فيصل وناظر نياف معاذ وحضنه
معاذ:ولد شفيك
نياف:بياخذون اللي ارتاح معاها يامعاذ بياخذون وليف منيييي
معاذ:وش تقول
نياف:جدك قايل لعمي باسم خل نياف يطلق وليف هو ماصان بنت عمه وشلون بيصون وليف
معاذ:والله ماتطلقهااا
نياف:فيصل يقول كلهم بيتجمعون ضدي ويخلوني اطلق
معاذ:والله ماتطلقهاااا لو يموتون
نياف:لهدرجة الحب يوجع يامعاذ
معاذ:ماقد جربته
نياف:لاتجربه والله يوجع ويحرق القلب
معاذ:نياف ناظرني
نياف رفع راسه لمعاذ وقال معاذ:وليف لك لاتخليهمممم يخلونك ضعيفف وماتقدر عليهممم انت تقدر على مليون شخص
نياف:يعني بقدر عليهم؟
معاذ:تقدر والله تقدر وانا معاك وبوقف وراك حتى لو انك غلطان
نياف:امش للسياره يلا
معاذ:بتسوق؟
نياف:ايه
ركب معاذ وبعدها ركب نياف وقالت ذكرى:
وش عندك معصب
نياف:لاوالله اني بحالة الروقان
عنود:ياجعلها داييييمه
نياف:اميييين ، وجداننننن
وجدان:هلا
نياف:بالله اغاني سهم
(أحلى متناقض بالعالم ولد سعود)
وجدان:الايباد عندك
نياف:يلا بشغلها الحين
وشغل اغنية سهم وكانت(اسمعني)
وكان يغني معاها بصوت عالي والكل مستغرب "روق من كلام معاذ ومن اللي بيسويه فيصل"
معاذ:ذا مروق من قفل من المكالمه
غزلان:من كلم ذا
معاذ حب يمزح معاها وقال:حبيبته
غزلان:وشوووو
نياف:يالكذاببب وشو حبيبته كلمت فصفص
غزلان:الله يانياف صرت تخون
نياف:اقول اسكتي وشو اخون والله كلمت فصفص
ام ذياب:هات جوالك نشوف
نياف مد الجوال وقال:شوفي
وفتحو الجوال وكانت اخر مكالمه مكالمة فيصل
وجدان كانت بتتكلم بس قاطعها صوت نياف وهو يقول:يولدد مايعدل الجو الا سهومي
معاذ:طيب وش يقول
نياف:شوفك وقربك دوا المشتاق وعلاجه
بيان:اوههه يانوييييفففف
نياف:بالله معوذي عطني يدك
معاذ:بدون معوذي
نياف:هذا انت تقول لي نفنف
معاذ ضحك ومسك يد نياف وصارو يرقصون وكانت وليف تناظرهم وتضحك معاهم
(بسيارة العيال)
ابو ذياب:هاه ياباسم وش قلت بتخليه يطلقها
باسم:لا ماهوب مطلقها بنتي تحبه وهو يحبها ليه اخرب عليهم؟
ابو ذياب:وشلون بيصون بنتك اجل
باسم:نياف انا اعرفه قبل اعرف نفسي وعيالي ياعمي وهو اكثر واحد اشوفه يستاهل بنتي وانا سألت بنتي قبل لااعطي نياف كلمه وهي قالت لي كل شي وقالت انها موافقه وانها تحبه ليه اوقف نصيبهم؟
سعد:يبو يوسف عمي مايقصد ان نياف ماهوب قد حبه يقصد ان نياف
باسم بمقاطعه:انا وبنتي مالنا دخل بماضي نياف ولااللي صار بينه وبين بنتك ياسعد انا اخترت راحة بنتي وراحتها مع نياف ولاعاد ينفتح موضوع طلاقها من نياف
فيصل:والله يايبه انك تعجبنييي احبك ياشيخ
باسم ضحك وقال:يالله انت ماتبي عشيرك يترك اختك تراني ادري بك
فيصل:واضح يعني
سعود:تلقاه منفس دق عليه
فيصل:جبتهااا والله
ودق على نياف وردت غزلان:هلا فيصل
فيصل:وين نيافي
غزلان:يسوق
فيصل:احتاجه اشبكي الجوال بالسماعه
وجدان:حنا ورا وشلون نشبكه
فيصل:وصول نطي اشبكيه
وصال:يليللل بس وصال
فيصل:وصاللللللل
وصال:لاتصارخ طيببب
ونطت تشبك الجوال بسماعة السياره
فيصل:نيافففففففففففف
نياف:فيصللللل
فيصل:تخيل تخيل وش صار
نياف:وشو
سعود:مابيصير شي بينك وبين
نياف:سعودد الجوال بالسماعه هد شوي محد يعرف بالموضوع
سعود:يليللل بقول طيب
نياف:بعدين ياحبيبي بعدين
معاذ:يوسفففففف
يوسف:معاذييييييييي
نياف:خير تقلدون
يوسف:اسمع نياف
نياف:هاه ياعينه
يوسف:نحتاجك بالسياره النفسيه هتان نفس علينا
نياف:رنه رننن ياولد لاتخلي فيه عظمه صاحيه خله يصير طقم مع فيصل
فيصل:تطقطق علي انت
نياف:والله مايطاوعني قلبي يافصفص
فيصل:طيب شرايك باللي خلاهم كلهم معاك
نياف:تقولها صادق
فيصل:ايوالله بس فيه راسين يبي لهم نياف
نياف:ذييي سهله اقدر عليهم
وجدان:هييي انتممممم خير سارقين بطاريتي والله يافيصل لاارنك رن
فيصل:يليلل الملسونه ذي
نياف:الا وجدانن
فيصل:بالله انت اختار وجدان ولاوصال ولارُوح
نياف:بناتي ذولي كلهم
وصال:احلفف انا بنتك
نياف:ايه بنتي
وصال:وامي وليف والله وناسه
رُوح:نياف بسوق
نياف:هاتوها
ام فهد:وشو تسوق تبيها تذبحنا
نياف:عادي ياخاله
فيصل:ام فهودي ترا ولدتس نايم مو راضي يقعد بس يشخر مدري وش عنده
بيان:فيصل الا اخويييييي
فيصل:الله اكبر عليتس تراتس بس تتصافقين معاه
بدور:فيصل مسوي قافطنا
فيصل:حاط كاميره ببيتكم
بيان:لاوالله ياشيخ
نياف:فيصل بالله طقطق على غزلان
فيصل:ذي صايمه السكت وهي اكثر وحده ملسونه مسويه مستحيه مني
غزلان:خيييير ترانيي خالتكك ياللي ماتستحي
فيصل:شفت نياف خليتها تتكلم
نياف:حول على جواهر
فيصل:جواهر القلب والله مقدر
سعود:نياف بالله عليك استلم ريف ورحيق
نياف:هذولن من ركبن السياره وهن بس نايمات ماقعدن الا لما وقفت عند البقاله
عز:اييي همهم بطنهم
عايض:نغم وهتاف
نياف:لاهذولن يسولفن ويعطنا على جونا
يوسف:هبلت بهن انت ومعاذ ووجدان
وصايف:توه يروق مدري شعنده منفس
فيصل:طبعا توه يروق سمع صوتي
نياف ومعاذ بنفس الوقت:ياشيييييينكككك
فيصل:خيييير انت وياه
نياف:يلا كمل سوالف بخلي رُوح تسوق
يوسف:مدلعها انت
نياف:اقول يوسف الا رُوح
فيصل:نياف رجع لزوجته كان زعلان
نياف:اسمع اسمع
فيصل:وشو
رُوح:فصفص
فيصل:جبتيييييي راسييييي
وليف:فيصل انت اختار موده ولارُوح
فيصل:اختار زوجتس
نياف:تحبني انت صح؟اعترففففففف
ام ذياب:فيصل يادوخ قفل
فيصل:هلا والله بأم جواهر وشخبارتس يابعدي
ام ذياب:وش عندك انت
فيصل:ابي نياف ليه تسرقونه مني
ام ذياب:هذا لنا مو لك
فيصل:لااا والله انه لي انتم اخذوته ولاقايلين له لاتسولف مع فيصل
ام وصايف:لانك مزعج
فيصل:افاااااا
غاده:تستاهلللللللللللللللل
نياف:لاتصارخيييين
فيصل:وشبلاك عليها
غزلان:عشان وصال يافيصل
فيصل:ياحبيبييي اللي يخاف علييييها والله انك تهتمم وتقول انا وين والخوف وييين
نياف:فيصل مو وقتك
فيصل:الا وقتي ليه تقول مااخاف على احد وتخاف على وصال من الصوت العالي؟
نياف:كيفي ياخييييي
فيصل:قوللل طيبب
نياف:يليلل ذا البزر
سلمان:نويف قللل نبي نعرف
نياف:لانها صغيره والناس خلت فيها عقده من الصوت العالي فهمتو يامهبل وبعدين المفروض دام الناس عارفه انها تخاف من الصوت العالي ماتصارخ وهي موجوده ولاترفع صوتها
معاذ:والله انك تخافففف عليييييييها يانيييييييييافففففففف
نياف:اييي اخاف ارتحتو؟
تركي:تخاف على بنتي اكثر مني يانياف
نياف:انت وصيتني ياعمي لاتنسى
ام وصايف:ليه توصي نياف على وصال ياتركي
تركي:لاني ادري انه مايحب الصراخ والصوت العالي
وصال:اصلا يابابا قال اني بنته تخيل
تركي:بس ماتجين عنده زي غمور
فيصل:تأثرتتت دمعتي نزلت
سعود:والله انك كذاب
فيصل:وش تبي ابي نياف يقول ليه
نياف:ليه تنزل دمعتك
فيصل:من حبي لك
نياف بحده:فيصل
فيصل:امزح والله امزح
يوسف:نياف بالله اسرعو نبي ننام
نياف:انا بسرع بس امهاتكم مدري ليه مو موافقه
فيصل:اسرع من عندي اقولكم وافقو
نياف ضحك وزاد السرعه وصرخت غزلان
نياف وهو يمد السماعه حق الراس:عطوها وصال
يوسف:توصي يالعضيد؟
نياف:انتبهو على نفسكم ياعيوني انتم
فيصل:تخاففف علييينا
نياف:اييي اخاففف واخاف على الكل بعد مو بس عليكم
سعود:خاف على نفسك اول
نياف:سعود ياسعود لاتفتح الموضوع يلا مع السلامه
وقفل وناظر معاذ وضحك
معاذ:وش عندككك
نياف:خلني اضحك طيب
معاذ:باقي ثلاثين كيلو كمل وانت ساكت
نياف:معاذ اسكت بس
ام سعد:مافيه محطه يانياف؟
نياف:الا فيه تبونها؟
ام وصايف:ايييه نبيها
نياف:يلا هذاهي تبعد نص ساعه
وجدان:نيافوه
نياف:وجدانوه
وجدان:نبي صرافتك
ام وصايف:وش لتس بصرافته خوذي صرافتي
نياف:لاوالله ياغدير تاخذ صرافتي وتدفع
ام وصايف:نيافففف
نياف:انا قلت اللي عندي بياخذون صرافتي وبيدخلون البقاله ويدفعون
معاذ:صاير الاب بهالرحله
نياف:اعجبك ماعليك
ام ذياب:ماودكم تبدلون السيارات
نياف:لالاانا هنا واللي معاي يرفع يده واللي مايرفع بنزله
رفع الكل يده وضحك نياف وقال:تفهمون
غزلان:حلات من معط شوشتك
نياف:الا شعري
وجدان:يعني بينك وبينه قصة عشق؟
نياف:للعاشقين ذنوب كثير
معاذ:وقف بس عند المحطه
نياف:وش عدم الاحترام ذي
معاذ:ولاكلمه تراني اكبر منك
نياف:غزلاني امسكي الصرافه
معاذ:يلا انزلن
ونزلو كل البنات والحريم ومعاهم ومعاذ ونزل نياف يتركى على السياره وكان يشوف الناس اللي رايحه واللي راجعه لين جاه شخص يطلبه المساعده
غرام ودموعها نازله على خدها وكانت ترجف
:تكفى ساعدني بيلحقني
نياف:شفيتس ومنهو اللي بيلحقتس ومن انتي
غرام وهي تشهق:كنت بالبقاله باخذ اغراض وجاني عامل مسكني وسحبني بياخذني للغرفه انا اهلي ينتظروني بأبها واخذو سيارتي
نياف:الحين وينه هو
غرام:مدريي كان يلحقني وسحب حجابي ونقابي
نياف:اصبري بجيب لتس شماغ
مشى نياف بيروح للشنطه بس غرام مسكت يده وقالت:لاتخليني لحالي والله بيجي
نياف:مابيجي ماعليتس
وفتح الشنطه حقته وسحب شال ومده لها وقال:حطيه على راستس لين يجون اهلي ويعطونتس نقاب وحجاب
غرام:ابغى جوالك بكلم اهلي جوالي ب السياره
نياف ناظرها ومد جواله لها وقال:ادخلي السياره وكلمي على راحتس
دخلت غرام السياره ودقت على رقم ابوها وكان نياف واقف قدام السياره ينتظر اي وحده من البنات وجته وليف
نياف:وليف
ناظرته ولاردت ومشت
نياف سحب يدها وقال:اسمعي طيب وش بلاتس انتي
وليف:اترك يديي
نياف:وش فيتس
وليف:مافيني شي واتركككك يديييي
نياف:وش صاير لتس طيب قولي ارسل لتس وتفتحين ولاتردين
وليف:لانك ماتستاهل اني ارد عليك بعدين وش تبي فيني مو بتطلقني خلاص خلني
نياف:من قال بطلقتس ماني مطلقتس
وليف:طيببب اتركك يدييي
نياف كان بيرد بس قاطعه صوت غرام وهي تقول:بابا يبغاك
نياف ناظرها وسحب الجوال ولازال ماسك يد وليف:هلا
ابو غرام:الله يجزاك الف خير صدق انك ولد ناس لو احد غيرك كان سحبها للغرفه
نياف:ابد ماسويت شي وبنتك مثل اختي
ابو غرام:اسمعني وش اسمك انت
نياف:نياف
ابو غرام:ابيك توصلها للبيت لان انا معاق وبناتي باقي مايعرفون يسوقون وامها مسافره واخوها مع امها
نياف:ابد ابشر بس ارسل لي الموقع
ابو غرام:الحين ارسله على رقمك
وقفل نياف وناظر غرام وقال:بوديتس بيت ابوتس اركبي السياره
ابتسمت غرام وركبت السياره وناظرت وليف نياف وقالت:منهي ذي
نياف:يهمتس؟
وليف:بلا استهبالل عاددد منهييي ذي
نياف:صوتس اقصرييييه ولاعاد يرتفع
وليف:خوفتني يعني صدق انك ماتستحي من وحده لوحده
نياف:ولييييفف لاتحكميين علييي وانتي ماتعرفينن شي تراني ساكت لتس وصابر عليتس عشان لاتزعلين زياده ويوم جيتس ابي اتكلم معاتس تقولين انت بتطلقني ومدري وشو
وليف:وخر بس كل يوم طالع بسالفه جديده
نياف ناظرها وقال:اركبي السياره ولااسمع حستس
وليف:اتركك يدي طيببب
نياف ترك يدها وركبت وليف السياره وهي تسترجع كلامه وناظرت غرام وقالت:من وين تعرفين نياف
غرام:مااعرفه بس طلبت منه المساعده لان العامل كان بيتحرش فيني وهو ماقصر دخلني السياره
وجدان وهي تفتح باب السياره:وليييف تخيلي من ذي
وليف:مدري شسمها جابها نياف
وجدان:من وين جابها وش اسمتس
غرام:غرام
وجدان وهي تجلس جنب غرام بالشنطه:اييي وش سالفتس
غرام قالت سالفتها
وجدان:وينه انزل لتس عليه الحين ادق خشمه بالقاع اللي مايستحي ولاينتخي قليل الادب اهخخخ لو انه يطيح بيدي اطلع حرتي ب التبن معاذ كلها فيه
وليف:وش مسوي معاذ
وجدان:يقهر تخيلي باخذ بطاطس يقول بطنتس هذا كبره كأنتس جده مناير ويضحك اهخخخ حلات من صفقه
ضحكت وليف وكانت غرام تناظرهم وهي ساكته وبعدها جو كل البنات والحريم ومعاهم معاذ وكان يتحلطم على نياف
معاذ:خيرر ابي كودرد
نياف:خلاصصص يابزرر خلاصص اسكتتتت
معاذ:مالت عليك
نياف:غزلان عطني البنت ذي اكل مدري شسمها
وجدان:غرام
نياف:مسرع عرفتي
ذكرى:منهي غرام
نياف:وحده
معاذ:تخونن ولييييفففف
نياف:وجعاههه حتى وجعاه وشو اخونها مااعرف البنت
ام ذياب ناظرت غرام وقالت:من انتي بنته
غرام:بنت حامد آل طارق
ام ذياب:انتي امتس فاطمه بنت سيف آل رماح؟
غرام:ايوه
ام ذياب:انتي بنتها الكبيره غرام صح؟
غرام:ايوه
وصال:جديده تعرفيييينها؟
ام ذياب:وعز المعرفه بعد
وليف ناظرت نياف من مراية السياره و
ارسلت له وشافها ولارد
.................................
المره ذي بصمل في تخريب العلاقات ،
شخصية جديده يعني؟حُب جديد
الكاتبه:منيره آل عبدالعزيز