بين الليل والحال هبت الذكرى

البارت الحادي عشر

(الحمدلله)
نياف:اقولتس شي بس لاتعلمين احد
وليف:وشو
نياف نزل ل مستوى وليف وحط عينه بعينها:
قريب خطبتي
وليف:طيب
نياف:ماتبين تعرفين من مين
وليف:مايهمم
نياف:كنت بقولتس وش تحب هي بس ماش
وليف:مااعرفها طيب
نياف:انتي طيب وش تحبين يعني مثل ايش
وليف:ليه انا اسألني وش تحب وجدان بجاوبك بس ليه انا
نياف:الحين من اللي معاي وجدان ولاوليف
وليف:اوهو خلاص
نياف:يلا قولي
وليف:لو يعني مثلا لو جيت تخطبني بتجيب معاك ورد والورد لونه احمر وبتحط بنص الورد هديه
نياف:طيب وش الهديه
وليف:عطر او خاتم او سلسال عادي
نياف:انقذتيني يالقصيره
وليف:متى خطبت فيصل
نياف:بيخطب بالمخيم
وليف:منهي طيب
نياف:مدري
وبعدها طلعو من المخيم يمشون وطول المده ذي كانو ساكتين
وليف:نييييييافففففففف
نياف:شبلاتس
وليف:كلب وخره عني
نياف:وخريه انتي
وليف:كيف بوخره تعال وخره بعدين تراها فروتك يعني لاتتحلطم وهو ماسك الفروه بأسنانه
نياف:اسمعي اذا قلت ثلاث اركضي وانا بركض ذا معاه شله
وليف:ياخواف
نياف:معاه شله تستهبلين لو اقرب منهم بياكلوني وانا حي
وليف:والفروه
نياف:نزليها له معاد ابيها
وليف:تستهبل وانا اضل معاك بذا اللبس؟
نياف:بعطيتس فروتي اللي علي
وليف:يلا عد
نياف:123
وصارو يركضون والكلاب تركض وراهم
صارخت وليف ولف لها نياف
نياف:شفيتس
وليف وهي دموعها على خدها:طحت مقدر اوقف
نياف:اصبري تمسكي بيدي
وليف:نياف اقول لك مقدر اوقف توجعني
نياف:بفك حمالة يدي واشيلك
وليف:تستهبل انت
نياف:لو خليتس هنا الكلاب بتاكلتس وانا ماني مستعد اخسرتس
وليف:اخلصني عطني يدك بعدين المخيم بعيد
نياف وهو يمد لها يده قال:انتي لحقتيني
وليف:انطم
مسكت وليف يد نياف وكانو بعيدين مره عن المخيم
وليف:لو شافونا مع بعض وش بيقولون
نياف وهو يغير صوته:يلي ماتستحون على وجيهكم طالعين هالفجر وش كنتو تسوون
وليف:لاعاد ماني ناقصه مشاكل مع ريف
نياف:ليه وش مسويه لتس ذي بعد
وليف:مدري بس من قالت رُوح وانت سكرت فمها وقمنا جت عندي وتهددني اذا صار بيني وبينك اي شي بتسوي لي او لك شي
نياف:معليتس منها اذا جت تعالي قولي لي انا بجي اهاوشها ولاتزعلين
وليف:جبت خيلك هنا؟
نياف:وصيتهم يجيبونه
وليف:انت خيلك سحاب صح؟
نياف:ايه ليه
وليف:ونجم ومطر بيجون؟
نياف:اتوقع كلهم بيجون الصبح
وليف:نياف طلبتك
نياف:سمي
وليف:ابي العب مع سحابي ذي المره
نياف:العبي مع نجم ومطر
وليف:لاابي سحابي
نياف:ورجلتس
وليف:عادي مافيها شي
نياف:يصير خير
وليف:بسألك
نياف:اسألي
وليف:ليه اسلوبك يتغير مع الكل اذا تكلم ذياب
نياف ناظرها وقال:مو مع الكل هذا انا قاعد اتكلم معاتس واسلوبي يازينه
وليف:صدق جاوب لانك يوم قمت الكل سكت ولاواحد منهم نطق بكلمه
نياف:لاني عمامي جايين عشاني مثل ماتعرفين ولاهم متقبلين خوالي ولاخوالي متقبلينهم يعني بإختصار لو كنت موجود بيجاملون بعض عشاني
وليف:انت تعبت من عمامك؟
نياف:وكثييييييير بعد بشكل ماتتصورينه
وليف:شرايك تتكلم
نياف:بوش
وليف:يعني عشان تفضي اللي بصدرك
نياف:مو وقته الحين
وليف:متى اجل
نياف:مدري
وليف:شوف بكره الساعه ٣الفجر بتجي هنا وانا بجيك وتتكلم انت موافق؟
نياف:موافق
وليف:بتجيب العاب كبيره للمخيم
نياف:ايه
وليف:صدق لاني بلعب لاتكذب علي
نياف:اخر انسانه بكذب عليها انتي لاني دايم بكون صادق معاتس
وليف وهي تترك يده بتوتر:خلاص اقدر امشي
نياف:مااصدقتس لان الوجع واضح بوجهتس امسكيها وانا بسكت
وليف:لاسولف
نياف:نسيت اعطيتس الفروه اصبري
وليف:مايحتاج
نياف:لايحتاج انا لابس بلوفر وانتي تيشيرت بالله منهو الصاحي اللي بالشتاء يلبس تيشيرت
وليف:انا الصاحي لانه حر بالخيمه
نياف وهو يحط الفروه على كتفها:لو اني داري كان خليتهم يحطون مكيف
وليف:لاتطقطق علي
نياف:ماطقطقت
وليف:نيافوه
نياف:سمي
وليف:عادي تعيد الشعر اللي قلته يوم كنا جالسين
نياف:ليه عجبتس
وليف:ايه
نياف: ايه والله يحق لتس يا ام العيون والوساع الزوم و الغطرسه و الهيمنه و الكبر
شيخة جمال تسبب للعذارى صداع وشيهانةٍ مالها عن مجد أهلها وكر صورتس فيها جمال اليوسفيات ضاع واسمتس حروفه ماتترك للأسامي عذر والليل لو تلبسينه ستر فوق الشعاع شعاع طلتس مابيني وبينه ستر
اعشقتس عشق العزاوي لا تعزوا الشجاع وغلا عيونتس غناةٍ مابعدها فقر ارفقي بحالي يا ام عيون وساع  قولي احبك واعشقك يبو المحاجر السود
وليف:منهي ام عيون وساع
نياف:اللي بخطبها
وليف:منهي طيب
نياف:قلت لتس تبين تعرفينها قلتي ماييهمم
وليف:نياف تكفى منهي
نياف:مقدر اقول
وبعدها كملو مشي للمخيم ودخلو وشافو ريف قدامهم
ريف:ماشاء الله اشوفكم منبسطين
نياف:وش دخلتس انتي ننبسط ماننبسط مالتس دخل
ريف:بس هي ماتحل لك وماسكه يدك
نياف:مالتس دخل امشي وليف
وليف بهمس وهي تقول له:نياف روح انا بروح انام
نياف:ماني رايح بشوف رجلتس اول
وليف:نييياف
نياف:ولييف بدون عناد
مشى نياف وهو ماسك وليف بيده وجلسها وراح يجيب الاسعافات من سيارة فيصل
نياف وهو يفك حمالة يده:امسكي ذي
وليف:نياف ماتوجعني طيب
نياف:وليف تراتس ممرضه المفروض تفهمين ان فيها شي
وليف:خلاص طيب
بدا نياف يشوف رجلها وليف وهي تمسك يده:نياف توجع خلاص اتركها
نياف:لاوشو اتركها واضح الطيحه قويه بوديتس المستشفى
وليف:مايحتاج عادي
نياف:امشي اوديتس تلبسين عبايتس وبقعد غزلان
وليف:نياف مايحتاج خلاص
نياف وهو يمسك يدها عشان يقومها:الا يحتاج
وليف قررت تستسلم لان رجلها كل شوي تزيد عليها
نياف:يلا ادخلي البسي عباتس وقعدي غزلان
وليف:تمام
دخلت وليف ولبست عباتها
وليف:غزلان
غزلان:هممممم
وليف:قومي نياف يبيتس
غزلان:ليه لابسه عبايتس
وليف:بروح المستشفى قومي معاي
غزلان:روحي لحالتس
وليف:اروح لحالي ومع من مع نياف؟
غزلان:عادي مافيها شي
وليف:قوميييي
غزلان:انقلعي عني بنام
طلعت وليف لنياف وشافته واقف
وليف:نياف غزلان ماقعدت ماتبي تروح
نياف:امشي خلاص
وليف:لحالنا؟
نياف:ايه لحالنا
وليف:واذا شافونا
نياف:محد بيشوفنا امشي يلا
راحو وركبو سيارة فيصل وركبت وليف ورا
نياف:لاوالله سواق انا تعالي قدام
وليف:اقول امش
نياف:اخلصيني تعالي قدام
نطت وليف قدام وربطت حزام الامان
ومشى نياف وطول الطريق كان صمت وكانت وليف تناظر الطريق مع الشباك
بعد مده وصلو
نياف:وليف يلا انزلي
وليف:انزل معاي
نياف:خايفه؟
وليف:لا
نياف:قولي الصدق وينزل معاتس
وليف:اي خايفه يلا انزل معاي
ضحك نياف ونزل يساعدها تنزل دخلو المستشفى ودخلو الاسعاف
نياف:بنادي الدكتور
وليف:لالاتروح
نياف:ماني رايح انا هنا بس بقول له يجي
وليف:لاخلك هنا
ناظرها نياف وضل واقف وهي على السرير وجاهم الدكتور
الدكتور:من ايش تعاني؟
نياف:طاحت رجلها توجعها
الدكتور:تمام بنسوي اشعه ونشوف
طلع الدكتور وناظر نياف لوليف
نياف:ليه تبكين
وليف:بيعطوني ابره صح؟
نياف:اذا بيسوون لك تحاليل لانها واضح قويه
وليف:لالامابي ابره
نياف:يالخوافه امشي يلا
راحو وسوو اشعه وجاهم الدكتور
الدكتور:اتضح انه تمزق اربطه هي على ايش طاحت؟
نياف:حجر
الدكتور:تمام بنادي لكم الدكتوره والممرضه عشان التحاليل
نياف:يعطيك العافيه
الدكتور:الله يعافيك
وطلع الدكتور وجت الممرضه والدكتوره
نياف جلس على طرف السرير وناظر وليف
ووليف سحبت يده وضحك نياف وقال:
هدي شوي ماتوجع
وليف:الاتوجع
نياف:طيب اسمعي
وليف:وشو
نياف:اذا طلعنا تبين اي مطعم
وليف:همك بطنك انت
نياف:لاني ميت جوع
وليف:تدري نياف انك تاكل كثير ولاتسمن مدري كيف
نياف حط عينه بعينها وقال:عادي بس انا اتوقع لاني اركض وامشي
وليف:المره الجايه خذني معاك امشي
ناظرها نياف وقرب منها وقال بهمس وهو يقلدها:وش يقولون الناس اذا شافونا مع بعض
وليف ناظرته ولاردت
الممرضه:خلصنا
وليف:كيف خلصتي
الممرضه:زوجك ساعدنا
نياف:انا بطلع واذا خلصتو يادكتوره قولي لي
وطلع نياف من الاسعاف وضل واقف بالممر
داخل عند الدكتوره
الدكتوره:يحق لك تخافين قدامه
وليف:كيف يعني
الدكتوره:يعني تتصنعين الخوف قدامه عشان يمسك يدك
وليف:مايحتاج اتصنع ترا شي طبيعي اني اخاف من الابره
ناظرت الدكتوره وليف ولاردت وكملت شغلها وطلعت لنياف
نياف:وش فيها
الدكتوره:مثل ماقال الدكتور تمزق اربطه ولازم ترتاح ولاتتعب بشغل البيت
نياف:تمام اقدر ادخل الحين؟
الدكتوره:ايوه وانتبه على زوجتك زين
نياف ابتسم:تمام يعطيك العافيه
ودخل عند وليف
نياف:هاه نروح
وليف:تقهر الدكتوره المخيسه ذي
نياف:ليه وش مسويه
وليف وهي تقلد صوتها:يحق لك تخافين قدامه عشان يمسك يدك
نياف ضحك وقال:اعلمتس وش تقولين لها اذا شفتيها ثاني مره
وليف:وش
نياف:محد يمسك يده غيري
وليف:اقول متى نمشي طفشت
وطلعو من المستشفى وكانت الساعه
٦الصباح
نياف:اي مطعم تبين
وليف:مابي ابي النوم
نياف:كيفتس طيب قهوه ماتبين؟
وليف:لامالي نفس
وبعدها مشى نياف راجع للمخيم
بعد مده وصلو المخيم ونزل نياف وراح لباب وليف يساعدها تنزل
نياف:شوي شوي على رجلتس
وليف:معليك
ابو ذياب من وراهم:وين كنتم
نياف وهو لاف ظهره:بالمستشفى
ابو ذياب:عسى ماشر
نياف:مامن شر
ابو ذياب:نياف لاتكذب منهو اللي الصبح ياخذ وحده ماهي من محارمه ويطلع معها
نياف:ماني مستعد احلف لك لاني تعبان ونعسان والبنت رجلها توجعها بعدين انا وديتها للضروره لانكم كلكم نايمين يلا وليف
مشى نياف وبيده كانت وليف ودخل قسم الحريم وشاف كل البنات والحريم قاعدين
ام ذياب:وجع وجع من وين جايين انتم
نياف:من المستشفى
ام يوسف:عسى ماشر وش صاير
نياف:بنتس رجلها توجعها ووديتها
وجدان:كيييييييوتتتت يانويف كييييوت
رحيق:ليه ماتترك يدها طيب
نياف:كيفي
ام وصايف:تعال يانياف ابي اتكلم معاك
نياف:بوديها للخيمه اصبري ياخاله
ريف:حنا نوديها مايحتاج
نياف:انا مااثق لازم انا اوديها
وليف:تحب تكبر المواضيع خلاص هم يساعدوني
نياف ناظرها وقال ب همس:لاتنسين انتس زوجتي
وليف بنفس الهمس:ماني زوجتك انقلع
نياف:الا كلهم حسبوتس زوجتي
وليف:يعنني تحبني توكل بس
نياف ناظرها وابتسم:ماتدرين يمكن احبتس
ام ذياب:نياف اترك البنت ورح لخالتك
نياف:حطوها بعيونكم
وجدان:عيوننا صغيره عيونك تكفيها
نياف:وجدان اعقلي
وجدان:ماقلت شي
نياف ناظر غزلان وقال:غزلاني قولي اخر الاحداث واذا مااكلت المسكن بعد قولي لي
غزلان:ابشر
وراح نياف ل ام وصايف بالخيمه
ام وصايف:متى فيصل بيخطب مواليف
نياف:اليوم
ام وصايف:انا سألتها
نياف:وش قالت
ام وصايف:تقول انها بتوافق
نياف:هالخفيفه
ام وصايف:وانت وش صار معاك ومع وليف
نياف:ماصار شي كنت رايح امشي ودخلت المخيم الا اشوفها طايحه وحاولت فيها لين وديتها المستشفى
ام وصايف:تبي تنام؟
نياف:ايبالله
ام وصايف:تعال الخيمه مافيها احد
راح نياف ورا خالته ودخل الخيمه وطاح على اول فراش شافه ونام
عند البنات
وجدان:وش صار
وليف:ماصار شي
وجدان:احلفيييي
ريف:وليف لاتكذبين عليهم قولي لهم ايش صار
وليف:شتبين انتي ناشبه بكل شي
وصال:ماعليتس منها قولي وش صار
وليف:ابد الفجر طفشت وانا جالسه لحالي واخذت فروه وغتره شفتها بالخيمه وطلعت امشي وكان نياف يمشي وانا ماشفته وبعدها انا طلعت من المخيم وهو شافني ولحقني وبعدها لحقتني كلاب ووكنت اصارخ ونياف شافهم وركضنا انا وهو بعدها طحت ووداني المستشفى
وصايف:حبيييت زوجتس مهتم فيتس
مواليف:يابخته ياوليف يابخته
هتاف:عاد تدرون حبيتهم مع بعض واحنا الحمدلله يوم دخلو كل وحده لابسه فروتها
وجدان:وليف شقال نياف بهمس
وليف:ولا شي بروح انام
موده:انا بساعدك
وليف:ياحلوتس
قامت موده تساعد وليف واخذتها الخيمه ونامت على طول بدون ماتنتبه ل نياف اللي نايم بجنبها
عند العيال
فيصل:طفش وين نويف
يوسف:نايم
فيصل:مااخطب بدونه كيفكم اذا قعد بخطب
محمد:تخطب من
فيصل:مالك دخل
عند البنات اللي بعد مادرو بخطبة مواليف وفيصل
وجدان:ابي نياف يقعد بيطقطق عليكم
مواليف:نياف يدري
ام وصايف:وين وليف
وصال:نايمه بالخيمه
ام وصايف:الخيمه فيها نيييافففف
وجدان:يعنيي نايمينن مع بعض
قامو البنات وام وصايف يركضون للخيمه وشافو وليف نايمه على صدر نياف
وجدان:يهبلونن ابيهم يتزوجون
ام وصايف ضربتها:اعقلي الحين وشلون نبعدهم عن بعض
غزلان صرخت
وفز نياف وقال:شبلاتس
وركضو البنات برا بس بقى ام وصايف وغزلان
نياف:شسالفه
غزلان:ولاشي يلا اطلع برا
نياف:بنام توكلي
ام وصايف:نياف خطبة فيصل اليوم وبعد شويه بيخطب
نياف:يخطب بدوني
ام وصايف:يخطب بدون عشيره يلا نويف قم
نياف:خلاص بقوم بس باخذ جوالي
لف نياف وراه وشاف وليف وصرخ وصحت وليف وعلى طول صد نياف وطلع يركض
وليف:شصاير وش جايب نياف هنا
غزلان:ولاشي كان نايم هنا
وليف:كيف وانا ماشفته
غزلان:مدري شكلتس كنتي دايخه
وليف:لايمه تكفين
غزلان:وكنتي نايمه على صدره بعد
وليف:لاعاد كذا كثير
ام وصايف:لازم ندبر الموضوع بنات عمامه كانو معانا
غزلان:يويلي نغم ذي ماتسكت على طول تتكلم
وليف:وقفيني بروح اشوفهم
وقفت غزلان وليف وطلعو من الخيمه وراحو للجلسه الكبيره
نغم:اقولكم انها كانت نايمه على صدره وهو يده على شعرها
ام ذياب:نياف مستحيل يسوي كذا
ذكرى:اجل ليه كنسل خطبته ب ريف وعلى طول راح ل بنت خالته
وجدان:بإختصار لانه يحبها الواحد يفهم من التلميح بعدين احترمن نفسكن تراكن قاعدات بين اهل نياف يعني تحسبيننا بنرضى عليه لاطبعا انا عن نفسي اللي يتكلم عن نياف بتوطى بحلقه
وليف:وش صار
ذكرى:شخبار النومه
وليف:وانتي وش دخلتس
ام ذياب:تكلمي زين وش صار بينتس وبين نياف
وليف:ماصار شي وش بيصير يعني
ام سعد:فضحتن البنت خلاص
غزلان:ماصار شي طيب شفيكن هي ماشافته انه نايم بالخيمه ونامت جنبه وشكلهم نامو من قلب وحضنو بعض
ام ذياب:بس الحضن ماهوب بالحلال حراممم
ام يوسف:خلاص بنزوجهم
وليف:وشووو ليه تزوجونا وحنا ماصار بيننا شي
ريف:لاصار بينكم شي
وليف:وش صار
ريف:الفجر يوم جيتو من برا المخيم
وصايف:شتبين انتي ناشبه يعني صدق ماتستحين
ام يوسف:خلاص انتي وياها بنزوجهم وينتهي الموضوع
وليف:ماما ماصار شي ليه محد يصدقني
ام يوسف:ولييييف قلت اللي عندي والحين بقوله لنياف وخلاص
وليف:يعني الشور شور نياف وانا مالي شور ولاشي ياسبحان الله
ام وصايف:وليف استخيري يمكن ترتاحين
هديل:عمه جواهر خليها تستخير واذا ارتاحت قولي لنياف
هتاف:هديل معاها حق يمكن البنت ماترتاح
وليف:المشكله موب بالراحه المشكله توي صغيره
ام يوسف:رُوح روحي لنياف وقولي له خاله جواهر تبيك
رُوح:بس نياف راح
ام يوسف:وين راح
رُوح:مدري اخذ سيارة فصفص وراح
موده:لانياف هنا
ام يوسف:ضيعتونا انا بروح له
راحت ام يوسف وقامو كل البنات وراها
ام يوسف من ورا الباب:يانيييييياففف
نياف:لبييه
ام يوسف:تعال ابيك بموضوع
نياف:يلا جايتس اصبري
جاء نياف:سمي ياخاله
ام يوسف:وش صار بينك وبين وليف
نياف:ماصار شي
ام يوسف:نياف لاتكذب علي
نياف:اقسم بالله ماصار شي بيني وبينها
ام يوسف:والفجر يوم طلعتو من المخيم
نياف:كانت سوالف عاديه وهي طاحت ووديتها المستشفى
ام يوسف:نياف
نياف:سمي
ام يوسف:تراك بتتزوج وليف
نياف:خاله اقولتس ماصار شي بيني وبينها بعدين البنت ماخلصت دراستها
ام يوسف:نياف انا ماني مستعده الناس تتكلم على بنتي بقول لابوها ونشوف
نياف:بس ياخاله
ام يوسف:لابس ولاغيره زواجكم قبل رمضان
نياف:وشو قبل رمضان بعدين يمكن البنت ماهي موافقه
ام يوسف:نيافففففففف
نياف:منهو اللي قالتس اننا طلعنا من المخيم ريف صح؟
ام يوسف:ايه ريف
نياف دخل داخل المخيم وقال بصوت عالي:
رييييييففففف
ريف من ورا الباب:هاه
نياف:يمال قص اللسان تطلعين عني وعن البنت كلام اني صار بيننا شي تستهبلين انتي بعقلتس شي وش ذا التفكير اللي عندتس
ريف:جيتو من برا ولا ماجيتو كانت ماسكه يدك ولا ماهي ماسكتها هذا كله يوضح ان صار بينكم شي
نياف:لاوالله بعدين شدخلتس انتي صار ولاماصار بعدين من انتي عشان تطلعين عني وعنها كلام من تكونين بالنسبه لي ولها صدقيني كلامتس ذا مابيسوي لي ولها شي
ريف:بكره اذا ماسمعت الديره كلها تتكلم بشرفها مااكون بنت سعد
نياف:لاوالله وبنت سعد علمتهم بسوالفها مع فلان وعلان
ام ذياب:نياف خلاصص اطلع
نياف:ماني طالع وش دراني ان البنت ماهي مغصوبه وهالسلقه تطلع عنها كلام
ام ذياب:ياولييف
وليف:سمي ياجده
ام ذياب:بتوافقين على نياف او لا
وجدان عند وليف:وافقي من وين لتس احسن منه
غزلان:وليفوه ردي عليها
ام ذياب:وش رايتس ياوليف احد غاصبتس عليه
وليف:لاياجده محد غاصبني عليه
ام ذياب:موافقه عليه او لا
وصال:يلا وليييففف قوليي
وليف:ايوه موافقه
ام ذياب:سمعت رايها يلا اطلع
نياف:يمه شسويت لتس تطرديني
ام ذياب:انقلع اخلصني
نياف بصوت عالي:عند الوعد تراني
وطلع من مخيم الحريم وراح لمخيم الرجال
وجلس جنب فيصل اللي كانت خطبته بعد شوي
فيصل:وين رحت
نياف:مشكله بسيطه وحليتها
تنحنح باسم وقال:يبو فهد انا طالب يد بنتك مواليف ل ولدي فيصل
عبدالله:نتشرف فيك وبولدك ياباسم بس رأي البنت مهم
فيصل:مايحتاج تراها موافقه
نياف:انطم انت طبعا ياعم شف البنت وقول رايها
عبدالله:بنشوفها اذا طلعنا من المخيم
باسم:على خير ان شاءالله
نياف:عمي باسم
باسم:سم يانياف شعندك
نياف دق جوال نياف وقال:اعذروني لازم ارد
وطلع من الخيمه وخلص مكالمته
فيصل من وراه:وش كنت بتقول لابوي
نياف:خرشتني
فيصل:اخلصني جاني فضول
نياف:ابي اخطب وليف
فيصل:كان قلت لي اصبر بروح اقول لابوي
نياف:فيصل ورع انت اصبر
فيصل:مالي دخل بقول له
وركض للخيمه وقال:يرجال عندنا خطبتين
تركي:لمن الخطبه الثانيه
فيصل:لنياف
باسم:ماشاء الله منهي بنته
فيصل:بنتك واختي
باسم:تقولها صادق
فيصل:ايوالله انه قالها لي بالحرف انه كان بيخطب وليف بس جواله دق وخرب عليه
باسم:هذي الساعه المباركه
معاذ:واخذت اختي يالخفوق
نياف:كل شي صار بسرعه
فيصل:هي موافقه عليك طيب
نياف:ايه سألتها يمه قدام الكل وقالت انها موافقه
جاء هتان نياف وقال:اجل من وحده لوحده
نياف:لاوييين فيه فرق وحده اخذتها عشانكم متعنين عشان اخذها ووحده اخذتها عن حب
سعود:قفلو على موضوع نياف وريف
نياف:ذا اللي يفهم وعز شفيه يهوجس كذا
سعود:لاتسأل من رجع من المطبخ وهو يهوجس
نياف ناظر فيصل وقال:
دقو دقو خبيتي جاء حبيبي في بيتي
فيصل:جاء وطالب يدي شوفو شوفو الدبله
نياف: باركو لي يلا صار ليا وحدي رقصوا محبوبي ودي يلمح ثوبي دقو دقو خبيتي
فيصل:يولد الحب ذابحنا
نياف: يا هلي يا أخواني جمعوا جيراني دنيا مش سيعاني ايه ابيكم قربي غنوا دان يا داني سمعوا عدواني خليه بين احضاني
أحمدك ياربي
سعود:لاانتم رحتو فيها
نياف:لاكنسل مارحنا المهم انا بروح لخالاتي من يجي معاي
العيال:كلنا
نياف:لاكذا مايصير بنركض
فيصل:واحد اثنين ثلاث
وركضو كلهم معاد فهد ومحمد
نياف وهو يضحك:فزتتتت عليييكممم
فيصل:والله اني احبك
معاذ:ذا الخفوق محد يحبه غيري
نياف:ام جواهر عندتس احد غير بناتس وام سعد وبناتها
ام ذياب:ادخل ادخل مافيه احد
دخلو العيال كلهم
نياف:ياهلا بالجمعه اللي يحبها قلبيي
فيصل:لاتلومونه توه خاطب له وحده يحبها
نياف:فصفص اعقل
وجدان وهي تركض:نيافوه خير بتطقطق بدوني
نياف:تعالي جنب امتس
وجدان:مو بس انا حتى البنات
نياف:اجلسو وين رُوحي بالله عليكم
رُوح وهي جايه تركض ل نياف:نياف صار عندنا عروستين
نياف وهو يفتح حضنه:ارحبيييي ياقلب نياف
حضنته رُوح وجلست بحضنه
سعود:حبيتها اكثر من بنتك
نياف:غموريي غييييير
يوسف:وعرفنا ام غمور يانياف
معاذ:نياف بسألك
نياف:وشو
معاذ:قبل شوي تغني جاء حبيبي في بيتي وش صار الحين
نياف:معاذوه اهجد لااقوم عليك
ام وصايف:نيافف
نياف:لبيه
ام وصايف:وش صار على اللي قلت لك
نياف:حليت كل شي ولايهمتس
وجدان:وش حلييت ابي احل معاك
نياف:اعلمتس بعدين انتي اساس الموضوع اصلا
وجدان:احلففف
نياف:والله بس هاه اقوله لتس بس لاتعلمين احد
وجدان:حمستني
وصال:نياف ليه بس وجدان اللي بتعرفه وحنا وين رحنا
نياف:لاانتس يادجاجه مانتي مثل وجدان شوفي وجدان غير عن الكل هي اللي تعطيني على جوي وتغامر معاي لو ناسيه
بدور:ياسبحان الله بس وجدان!!!
وجدان:طبعا وهذاني اقول لكم انا بنت اصير بنت خالة نيافوه وبنت خالة وليف بس بحضر من طرف نياف
نياف:كفو عليتس
وجدان:كفوك الطيب
.......................................
شرايكم أجحفلكم وأكنسل الخطبة؟
أتعب وانا اقول نياف ووجدان ألطفف علاقة🥹🥹🥹
الكاتبة:منيره آل عبدالعزيز💙.