بين الليل والحال هبت الذكرى

البارت السادس عشر

وليف:مراح اقول كيفكم
غزلان:بروح لنياف اجل
وليف:روحي مابيقول
غزلان:يليللل صدق قولي باسني مثل مواليف وخلاص
وليف بتسليك:اي اي باسني
وجدان:ويننن باستس
وليف:وجعع ياللي ماتستحين على وجهتس
وصال:قومن نصلي بعد شوي بيجون اهل الديره
قامو البنات يصلون وبعد الصلاة بنص ساعه
جو بنات ام سعد
ام سعد: الف مبروك ياولييييف
وليف:الله يبارك فيتس ياخاله
وجلسو كلهم بالمجلس وبعدها جو حريم الديره
بيان:شغلو اغاني نبي نرقص
بدور:اييي من زمان عن الرقص
وجدان:خلوها عليييييي اصبرو
وقامت جابت السماعه وحطت اغاني وبدو يرقصون
وصال:وليف قومييي ارقصيي
وليف ناظرتها وقامت وبدت ترقص معاهم وكانت ماخذه انظار الكل
وجدان بصوت عالي:عاشتتتت حـرّم ابن سعود
وليف:عشتيييي
قاطعهم صوت نياف وهو يقول بصوت عالي:بدخل العشاء ادخللللننن
غزلان:اصبر بفتح لك الباب
راحت وفتحت له الباب وبدا يتحلطم عندها نياف: اقولتس يبه قال نياف بيدخل الصحون وانا يالله متحمل نفسيي وذياب التبن زادها علي
غزلان:وش مسوي ذياب
نياف:مدري عنه من دخلت للشوفه وطلعت وهو يقول مابتتهنى وبتصير بينكم مشكله
وكانو كل البنات عند باب المطبخ يسمعون سوالفه وضحكاته مع غزلان
غزلان:ماعليك منه خله يتوكل
نياف:الا تعالي
غزلان:شعندك
نياف:حلاوتس بالفستان تاخذ العقل الحين انا بين اثنين بينتس وبين الحب
غزلان:تتغزل انت ولاوشو؟
نياف:الغزل مايوصف شي ياحلوه
ام ذياب وهي داخله المطبخ:ياللي ماتستحي على وجهك واقف وراز حالك هنا والبنات يبحرون لك ماتستحي انت
نياف:وش سويتتت جالس اسولف مع غزلان
ام ذياب:اطلع اطلع برا
نياف:منهن البنات يايمه
ام ذياب:وش دخلك انت
نياف:افاااااااااااااا تجرحيني انتي
غزلان:بسم الله عليك من الجروح
نياف وهو يشد خدودها:يربييي ياحلوتس يانظر نياف
رُوح وهي تركض لنياف:شرايك فيني صح حلوه؟
نياف وهو يشيلها:ماخذه الحلاوه كلها يارُوح نياف يربييي ياحلوتس
رُوح:البنات كلهم حلوين صح نياف؟
نياف:انتي احلاهن
ام ذياب:نويييففف اطلع اخلص
نياف وهو ينزل رُوح :بطلع بطلع بس شوفي سرعة باتمان
وطلع من المطبخ يركض وطاح شماغه ووقف وكان شعره على وجهه وقال:خلو شماغي عندكم مابي شماغ
وطلع للرجال ودخل باقي الصحون وقامو الرجال والحريم يتعشون
هتاف:بنات تعالو شوفو العيال من الشباك
توجهو كل البنات للشباك وكانو العيال واقفين وكل واحد يتحلطم
وجدان:نياف ليه شعره على عيونه
غزلان:بس شكله كذا حلو
ريف:حتى عيونه حلوه
ناظروها البنات بإستحقار وقالت بدور:
بالله؟ شكلتس اشتقتي لضرب وجدان
ريف:ماقلت شي قلت الصدق
مواليف:المهم بنات ترا فيصل قال عرسي ثالث يوم العيد
رحيق:وعرس نياف متى؟
غزلان:قبل عيد الأضحى
نغم:مطولييين وليف ونياف
وليف:مو مره باقي كم شهر
وصايف:بتجهزين على روقان
وليف:بالضبط عاد مو مثل مواليف كل شي بسرعه
مواليف:خيير انتي وياها بالعكس عرسي بيكون بأيام حلوه
وليف:اقول انا بروح اغير ملابسي طفشت من الفستان وراحت وليف وضلت وجدان تحارش مواليف
غزلان:وراعيينن خلاص (دق جوالها وردت)
هلا نيوف
نياف:شوفي لي درب ابي انام وراي دوام
غزلان:نسييييتتت ان عندك دوام اصبر
نياف:بالله استعجلي راسي يوجعني
غزلان:على خشمي يانيوف
قفلت غزلان من نياف وراحت تشوف اذا فيه احد بالصاله وطلعت نادته وجاء نياف ودخل الغرفه بسرعه وحس بحركه وراه ولف وشاف وليف
نياف:اوه انتي هنا
وليف:ايوه وبطلع
نياف:لامافيه
وليف:بلا استهبال وخر
نياف:محد قال لتس ادخلي غرفتي
وليف:وانا وش دراني انك بتدخل هنا
نياف:طلعه مافيه وهذاني قفلته بالمفتاح
وليف:وربي لااصرخ واجمعهم عليك
نياف:مابيقولون شي
وليف:لييه ان شاءالله
نياف:لانتس حـرّمي عادي
وليف:نيافففففففف
نياف:اصرخي من هنا لبكره ماني فاتح الباب
وليف:والله لااعلم جده عليك
نياف قرب منها وقال:مراح تقول لي شي وانتي تعرفين غلاتي عند يمه
وليف:وخر بس
نياف ناظرها وسحب خصرها وشدها عليه وقال:بالله وخريني الحين
وليف وهي تحاول تفك يده من خصرها قالت:وش تبي طيب بطلع انام
نياف:وش ابي؟
وليف هزت راسها بمعنى"ايوه"
نياف:ام غمور
وليف:منهي ام غمور
نياف:انتي يعني من
وليف:طيب
نياف:تبين تطلعين؟
وليف:ايوه
نياف:بشرط
وليف:وشو الشرط
ناظرها نياف وقبُل مبسمها لدقايق طويييله
وليف:سلامات يالطيب
نياف:ذا شرطي
وليف:افتح الباب طيب
نياف:يربي ياوليف القلب
وليف:شفيك
نياف حضنها وقال:مافيني شي
وليف وهي تبادله الحضن:نياف
نياف شد عليها بمعنى"اسكتي شوي"
دق الباب وناظرت وليف نياف وهي منصدمه
نياف:منننننن
ام وصايف:نياف افتح
ناظر نياف وليف وسحبها ورا الباب وشد على خصرها وفتح الباب
نياف:هلا خاله
ام وصايف:تعبان؟
نياف:لاليه
ام وصايف:مدري تركي يقول حرارتك مرتفعه
نياف:لالاماعليتس ياخاله مافيني الاالعافيه
ناظرت ام وصايف نياف وقالت:اذا تبي شي قول لي
نياف:ابشري
وقفل نياف الباب وناظر وليف وقالت:بطلع وخر
نياف هز راسه بمعنى"لا"
وليف:نيافف وخرر خلاص عاد
نياف:خالاتي بالصاله
وليف:طيب
نياف:بتطلعين قدامهم من غرفتي؟
وليف:طبعا لا
نياف:اجل اسكتي
وليف:نيافوه
نياف حضنها مره ثانيه وقال:لبيه ياحـرّم نياف لبييه
وليف:تكذب علي صح خالاتي كلهم بالمجلس
نياف:انكشفت يعني
وليف:وخر بطلع
نياف باس خدها وقال:اهخ ياربيي ياحلو خدتس
وليف:مع السلامه
وطلعت من الغرفه وراحت للبنات
وجدان:ويينن كنتي
وليف:اغير ملابسي
مواليف:كل ذا
وليف:ايوه
وصايف:كذاببببه وين كنتي
وليف:وين بكون يعني
بيان:عند نياف
وليف:وش يوديني عند نياف
بدور:مدري يعني بس
وليف:انطمييي
فيصل من برا:يابنات وين نياف
غزلان: اتوقع نايم
فيصل دخل يركض لغرفة نياف وصرخ:
نيافففففففففففففففففف
نياف وهو مقفل عيونه:هاه ياكلب وش تبي
فيصل:مو وقت نوم قم شف اللي برا
نياف:وش صاير
فيصل:الشرطه برا
نياف:طيب
فيصل:تستهبلللل انت بياخذون ذياب ومحمد
نياف فز من السرير وركض لبرا وشاف ذياب يناظره بحقد
اللواء منصور:السلام عليكم انت نياف؟
نياف:وعليكم السلام ايه نياف
منصور:انت مقدم شكوى على ذياب ابن محمد ومحمد ابن ذياب صح؟
نياف:ايه
منصور:تمام يعطيك العافيه لانك ساعدتنا نمسكهم بسرعه
نياف:الله يعافيك وهذا واجبنا
ومشو الشرطه ومعاهم ذياب ومحمد
فيصل وهو يحضن نياف:افتكييتت منهم
نياف:فيصل جتني راحه عجيببببه
يوسف:ياجعلهاا دايييمه يبو غمور
معاذ:يحق لك يالخفوقق
غزلان وهي تركض جهة نياف وتحضنه:نياف اخييييرا
نياف:خلاص عاد وخرو
ضحكو عليه وركض نياف داخل وشاف ام ذياب تقرا اذكارها وقال:هلا باللي تحبه كل اسبابييي ياام جواهر
ام ذياب ناظرته وضحكت وقالت:وش عندك
نياف:ماعندي شي بس بنروح بتجين
ام ذياب:وين
نياف:للمزرعه
ام ذياب:ودوامك
نياف:اداوم من هناك
ام ذياب:يلا قل لخالاتك والبنات
نياف:بنات عمامي هنا؟
ام ذياب:ايه
نياف:وجدانننننن
وجدان:وش عندك
نياف:اجهزو بوديكم لمكان يحبه قلبكم
وجدان:اعتبرنا بالسياره
راح نياف لغرفته واخذ لبس الدوام وغير ملابسه ولبس(شورت ابيض مع تيشيرت ابيض ولبس فوق التيشيرت جاكيت باللون الاسود)وطلع من غرفته وراح لسيارته 
ام ذياب وهي تناظر نياف:من معك انت
نياف:عادي اللي يبي يجي
فيصل:سعود يروح بسيارتي وانا اجي معك
نياف:يلا تعال قدام
ناظر فيصل سعود واعطاه المفتاح وركب قدام
سعود:خير ابي معاكم
نياف:اسمعو من الحين ترا بننام بالمزرعه
وجدان:نيافوه انا معاك
نياف:اركبي
غزلان:وجدان خذيني معاتس
وجدان:تعالي
نياف:وليف ومواليف ووصايف وهتاف ونغم وموده وهايف ورُوح معاي يلا
وصال:وانا وبدور وبيان؟
نياف؛تبون تركبون بالشنطه
وصال:راضيه بس ابي معاكم
نياف فتح الشنطه وقال:تعالي يلا
ركبت وصال وبدور وبيان وهتاف ونغم بالشنطه وقفل نياف عليهم وركبو الباقي وكانو خالاته وام ذياب مع يوسف ومعاذ ،وذكرى وام سعد وعنود ومضاوي وريف ورحيق مع سعود وغاده وهديل مع سعود ومعاذ
وحركو وكانت الساعه ٣الفجر
نياف:شغلو اغاني ياخييي
وجدان:عندييييييي
شغلت وجدان اغنية(حب وغرام)
نياف:وجدان تراتس جيتي على الوتر الحساس
وجدان:اماا عاد
فيصل:يالعشير شرايك توقف وانا اسوق
نياف:لالاانا عندي خطه ماابيك تخربها
وليف:غيرو الاغنيه
نياف:اي اغنيه تبين
وليف:بنة الحسن
نياف:حطيها طيب
رُوح:نياف ابي عندك
نياف:فيصل جبها حطها بحضنك
فيصل:تراك مدلعها بزياده
نياف:كيفييي
اخذ فيصل رُوح وحطها قدام وكان نياف يشوف وليف اللي جالسه وراه من مراية السياره وقال:اشهد ان المرايا مابعد جابتس
غزلان:نويف نبي قهوه قبل لانروح
نياف:تقرين عقلي انا بمر
فيصل:دق على سعود ويوسف وشوف وش يبون
نياف وهو يفتح جواله:المشكله انهم مايفهمون قايل لهم يرسلون الطلبات ، سوفييي ياتبن ماقلت لك ارسل الطلبات وربي انك حمار من وين تفهم
ام ذياب:نويفففف وش عندك
نياف:ابي الطلبات بمر اجيب قهوه
معاذ:انقلع يالاقشر ارسلتهم لفيصل
نياف:انطم
وقفل نياف منهم ودق على سعود
نياف:سعوددددد
سعود:هاه
نياف:ارسل طلبات القهوه بسرعه
سعود:برسلهم من رقم عمتي ذكرى
نياف:استعجل
وارسل الطلبات ووقف نياف عند دانكن دونتس وقال:من ينزل معاي
وصال:مو وقت اختيار اخلصنا
نياف:وصالوهه انطمي
فيصل:وليفوه انزلي معاه
وليف:ليه انا
فيصل:بس كذا
نزلت وليف مع نياف ودخلو داخل وطلبو الطلبات وكانت وليف واقفه قدام نياف ونياف يناظرها
وليف:مضيع فيني شي؟
نياف:لا
وليف:خلاص طيب لاتناظر
نياف:حرام يعني؟
وليف:لا
نياف:اجل بناظر
وليف:انا بروح اجلس طالب لعشرين شخص
نياف:لااوقفي معاي
وليف:بالله
نياف:ايبالله
ضلت وليف مكانها وقال نياف بهمس:
العيون الوساع بالنقاب حلوه وشلون بدون نقاب
وليف:نيافوه
نياف:عيونه
وليف ابتسمت وقالت:المحاجر السود حلوه
نياف:اعجبتس ماعليتس
وليف قربت من نياف وقالت:وش يقول نياف
نياف ابتسم وقال:بين الليل والحال هبت الذكرى ياوليف القلب
وليف:الطلب خلص
نياف ناظر وليف وهمس لها:بكره باخذ الطلب وانا يدي بيدتس
وليف:مطولللللل تراك
نياف:وتشوفين
ومشى اخذ الطلب واخذت منه بوكس الدونات
نياف:تدرين
وليف لفت عليه:وشو
نياف:شامتس حلوه
وليف:مو وقتك الله يصلحك
نياف:طيب تجين معاي؟
وليف:وين
نياف:ماعليتس انا برسل لغزلان تقول لتس
وليف:بالله
نياف:ايي الساعه ثمان الصبح
وليف:ودوامك
نياف:دوامي عشره ياحلوه
وليف:يصير خير وبعدها مشت للسياره
وجدان:وش قال لتس
وليف:مالتس دخل
نياف وهو يفتح باب السياره:فيصل مالقيت الدونات اللي احبها
فيصل:معوضض يبو غمور
نياف:اصبر ابي اشوف يمه وش تبي، هلا يمه وش تبين اجيب لتس من الصيدليه
ام ذياب:مدري اسأل وليف عن علاجي
نياف:خلاص انا بسألها
قفل وقال:وليف للمره الثانيه بتنزلين من السياره ومعاي بعد
مواليف:تعبتها تراك
نياف:اسألي يمه ماتعرف علاجها
فيصل:الله يعين اختي
نياف:رُوح وش تبين من البقاله انتي وموده وهايف
موده:نبي بطاطس وعصير وحلويات
نياف:خلص تم
ووقف عند الصيدليه وكان جنبها بقاله ونزلت وليف معاه ودخلو الصيدليه
وليف:نياف
نياف:هلا وليفي
وليف وهي تمسك يده:نظراتهم تخوف خلك ماسك يدي
نياف:لو تبين طول العمر امسكها مسكتها
وليف:ودي اشد خدك بس ماش بصيدليه
نياف:يلا جيبي علاج يمه نبي نروح البقاله
وليف وهي تسحبه معاها:اقولك نظراتهم تخوف وانت تقول روحي
نياف:والله اني معاتس لاتخافين
وقفت وليف قدام رف كله علاجات وقالت:
هو واحد من ذولي
نياف:اختاري اي واحد طيب
وليف:قلبك
نياف:وش فيه قلبي
وليف:اختاره
نياف:تبينه انتي خذيه حلالتس
وليف:المهم ذا هو يلا امش ادفع
نياف وهو يقلدها:نظراتهم تخوف
ضحكت وليف ومسكت يده وراح نياف يحاسب
الصيدلي:الدواء لمين؟
نياف:لشخص مريض
الصيدلي وهو يناظر وليف:العلاج لزوجتك
نياف:حاسب وانت ساكت
ناظر الصيدلي نياف بدون رد وكمل محاسبه وطلعو من الصيدليه وراحو للبقاله اللي جنب الصيدليه
وليف:وش بتاخذ
نياف:اغراض موده ورُوح وهايف
وليف:بس؟
نياف:تبين شي خوذيه
وليف:جيب العربيه
نياف:حاضر يازوجتي
ومشت وليف مع نياف واخذ نياف العربيه وبدت وليف تحط الاغراض اللي هي تبيها
نياف:والله لو انكم بمجاعه
وليف:عادي تترك يدي
نياف:لا خليني ماسكها
وليف:نياف
نياف:سمي
وليف:بداوم معاك
نياف:وليف كملي اغراضتس بعدين تسولفين بالدوام
وليف:خلصت
نياف:اجل امشي نحاسب
ومشو يحاسبون وطلعو من البقاله وتركت وليف يد نياف وضحك نياف عليها وقال:
خايفه من نظراتهم اجل
وليف:تخوف نظراتهم والله
نياف:يلا يلا امشي تأخرنا
مشو للسياره وحطو الاغراض وحركو على طول ووصلو المزرعه وكانت الساعه
٤الفجر
فيصل:مواليف تعالي خوذي رُوح نامت
مواليف تقدمت من فيصل بتاخذ رُوح بس فيصل باس خدها وانصدمت مواليف واخذت رُوح ومشت بسرعه وصحت رُوح على مشي مواليف ونزلتها مواليف
نياف:تعالن كلكن نبي نسولفف
وجدان:بنضبط الجلسه اصبر
نياف:يلا استعجلو انا بروح اصلي واجيي
وراحو يصلون الفجر ورجعو وحصلو البنات مضبطين الجلسه
نياف:الله عليكممممم
ام وصايف:الله عليك انت يانيوف
نياف:اعجبتس ياام وصايف
ام فهد:ورا فهد ماجاء
نياف:يقول انه تعبان وبينام
مواليف:شفيه
نياف:مدري عنه
فيصل:شرايكم نلعب
سعود:وشهي اللعبه
نياف:كنسلو اللعبه عندي لكم فكره
بدور:وشهي
نياف:كنسلو خلاص ماني قايل
بدور:مسوي تحارشني تقهر
نياف:تستاهلين
موده:نياف متى توديني الجبل
نياف:قومي يلا
موده:وليف تعالي معانا
وجدان:ليه بس وليف
موده:لان انتي عصبيه وتخوفين
ضحكو كل الموجودين وقال نياف:يلا وليف
وليف ناظرته وابتسمت وقامت ومسكت يد موده وكان نياف شايل رُوح وبيده هايف وبدو يمشون لجهة الجبل
نياف:موده خذي هايف ورُوح والعبو شوي بالالعاب
موده:تمام
واخذتهم وراحو يلعبون وناظرت وليف نياف وقالت:شعندك خليتهم يروحون
نياف:فكي نقابتس
وليف:بس نياف
نياف:اقول مامن غريب كلهم بزارين
فكت وليف نقابها وحجابها وطلعت شعرها وكان الهواء يلعب فيه ومشى نياف وهو ماسك يدها وقال:يلا موده هايف رُوح
وركضو قدامهم للجبل وطلعو للجلسه فوق وكانت وليف للحين ماسكه يد نياف وقالت بهمس:عيونك تلمع
نياف:من حقها تلمع فيها انعكاس وليفها!
موده:نيافف شوف هايف مايبي يعطيني اللعبه
نياف:ولد هي عطها اللعبه بعدين حقت بنات وش تبي فيها
هايف:ابيها لرُوح
نياف:للحين معلق على رُوح
هايف:هذا انت حرمتك جنبك وش تبي برُوح
موده:صدق نياف وش تبي برُوح وانت عندك وليف؟
ضحكت وليف وناظرها نياف وقال:عادي انا ابيهم الاثنين
وليف:لاوالله ياانا يارُوح
قرب نياف من وليف وهمس لها:طبعا وليف القلب
وليف ناظرته وابتسمت بربكه وبعدها راحت لهايف وقالت:طيب انت الحين ليه تناشب نياف على رُوح
هايف:لاني احبها ونياف يحبك انتي مايحب رُوح
وليف:وش دراك انه يحبني
هايف:انا سمعته
وليف:وش كان يقول
..........................................................
نرجع بالأحداث لورا
البارت السادس
..........................................................
نياف:بترك ريف قبل لايصير بيني وبينها كل شي وبروح اخطب اللي ابيها
غزلان:منهي اللي تبيها
نياف:وليف
غزلان:انتتتت تحبببهااااا
نياف:وماهوب اي حب
غزلان:عشششنااااااااا
نياف:هدي شوي
غزلان:وشلون بتصرف ريف
نياف:بتهاوش مع هتان لانه الوحيد القريب لها ولابيرضى ان اخته تضل مع واحد متهاوش معاه هو
غزلان:قول كذااا
..........................................................
وليف ناظرت نياف اللي كان يلعب مع رُوح وموده وابتسمت وقالت لهايف:حتى انا احبه مو بس هو يحبني
هايف:قولي له يترك رُوح لي
وليف:تراه يمزح معاك عادي
هايف:يعني بتزوج رُوح
وليف:ايوه
ناظرها هايف وركض لنياف وقال:مابتاخذ رُوح
نياف:وش صاير
هايف:انا قلت لوليف كل شي
نياف وهو رافع حاجب:وش قلت لها
هايف:اللي سمعته
موده:ياملقوفف مالك دخل فيهم
هايف:اسكتي انتي يلا رُوح
قامت رُوح ومسكت يده ونزلو من الجبل وراحو للمرجيحه اللي قدام الجبل
موده:انا اخليكم مع بعض ياحلوين
ونزلت موده وراحت لهايف ورُوح
وناظرت وليف نياف وحضنته بقوه وقالت:
صدقني ماكنت ادري
نياف رفع وجهها وقال:تدرين بوش
وليف نزلت دموعها:ان ذياب كان بيذبحك
نياف:خلاص ياوليفي ذياب وانقلع عن وجهي ومعاد بيطلع
وليف وهي تحضنه:ولو طلع يانياف
نياف:مابيطلع
وليف:نياف
نياف:عيونه ياوليفه
وليف:اذا طلع لاتخليه يجيك ابد
نياف:من عيوني وغيره
باست وليف خده ووخرت بس سحبها نياف وقبُل مبسمها
نياف:ياربي ياحلوتس ياحـرّم نياف
وليف ناظرته بدون رد وضحك نياف عليها وقال:الحين احسن من الساعه ثمانيه
وليف:نياف
نياف:سمي ياروحه
وليف:جدي قالك؟
نياف:وش يقول
وليف:انه تعبان
نياف:لاماقال شفيه
وليف:كنسل خلاص خلنا ننزل نشوف الاهل
عند اهلهم
ذكرى:عادي يروحون لحالهم مافيها شي عندكم؟
وجدان:طيب زوجته عادي بعدين من انتي عشان تقولين رايتس وتحكمين هذا اهلهم واخوانها جالسين ولاقالو شي صدق انتس حشريه
ام وصايف:وجدانننننن
وجدان:وشو قلت الصدق حاشره نفسها بكل شي وتتدخل بنياف ووليف كأنها ماتركته ١٤سنه وتوها تحن له حتى لو انتم نسيتو حنا مانسينا المعاناة اللي عاناها نياف بسببكم وكلامكم عنه وعن خالتي غاليه وزوجها سعود الله يرحمهم ولابعد تراها قايله للناس ان نياف ولد بالحرام وان خالتي غاليه مسويه شي غلط وسعود تزوجها عشان يستر عليها  ولابعد لاتحسبون ان خطبة نياف وريف ماوراها شي ذكرى قايله لريف تطلع قدام نياف عشان تصورهم ذكرى وهددو نياف بالصور وعشان كذا خطبها والحين يوم نياف اخذ اللي يبيها صارو كل عمامه ضده من انتم ياخييي من انتمممم تاركيييه ولادريتو عنه الا يوم كبر كل هذا حب وعشق ياسبحان الله
كان الكل مصدوم من كلام وجدان واللي تقوله وهي واثقه ومتأكده
ام سعد:وشلون كذا ياذكرى
ذكرى:تصدقون ذي الصغيره؟
وجدان:لاتخلينيي اقوم عليتس وانتفتس تراني ماسكه نفسي غصببببب
رحيق:هييي انتي احترمي امي
وجدان:ليه احترمها هي مااحترمت اخوها وزوجته وهم بالقبر تبيني احترمها وين عايشين انتم ترا قاعده اتكلم كذا عشان نياف لو جاء يسمع عمتهه وبنت عمه وش مطلعين عن امه وابوه كلام
ام ذياب:وجداننن خلاص عاد
ناظرتها وجدان ولاردت وسكتت والكل سكت من بعدها
عند نياف ووليفه
هايف:نيياف جيب لعبتي
نياف:ناظرو مطر
ركضو موده ورُوح وهايف وكانت وليف بتركض معاهم بس سحبها نياف وقال:انتي خليتس معاي ابي اشوف شعوري وهذا اول مطر وانتي حـرّمي وام غموري
وليف:بيجي مطر كثير يانياف وانت معاي
نياف حاوط خصرها ورفع راسه وهي برضو رفعت راسها معاه وكان المكان كله ضحكاتهم
نياف:خلينا نرجع الحين يسوون سالفه
وليف:اصبر بلبس نقاب
نياف باس خدها وقال:شرايتس قبل لاتلبسينه
ضحكت وليف ولبست نقابها ورجعو لأهلهم
وجدان:ياهلا بنويف
نياف:هلا فيتس وش عندتس هاجده
وجدان:ماعندي شي
وصال:نياف شرايك
قاطع وصال صوت رُوح اللي تبكي وتركض لنياف
نياف:وش عندتس تبكين
رُوح:طيحني هايف
نياف وهو يمسح دموعها:لاتبكين طيب خليه ينقلع
رُوح وهي تشاهق:توجع
نياف:خلاص طيب شرايتس احط لتس علاج ويروح الوجع؟
رُوح هزت راسها بـ"لا"
نياف:وش تبين طيب
ذكرى:لاتدلعها يانياف بعدين بتشوف حالها عليك
نياف ناظرها بدون رد وشال رُوح وقام لسيارته وقعد رُوح على الدرج اللي قدام السياره
نياف:الحين بحط لتس علاج
رُوح:يوجع ابي ميمي
ضحك نياف وعرف انها تقصد مواليف وقال:
ياميمييييي تعالي عند رُوح
قامت مواليف وراحت لرُوح ومسكتها
نياف:وش اعاقب هايف
رُوح:اضربه
نياف:لابدون ضرب
رُوح:تاخذ الالعاب حقته
نياف:لاكنسلي
رُوح:خلصنا؟
نياف:ايه يابطله
وقامت مواليف وشالت رُوح ورجعو لأهلهم
فيصل:وين نياف
مواليف:بسيارته
فيصل شاف الساعه وكانت ٩ وقال:بيروح لدوامه الحين
ام فهد:متى تبين ياوليف دوامتس
وليف:الاربعاء ذا
ام فهد:مع نياف ولا؟
وليف:الامع نياف بنفس فريقه
ام فهد:زيين يابنتي
ام ذياب:لبسه داخل وشلون يروح
يوسف كان بيرد بس قاطعه ركض نياف لداخل وقال:بيروح يلبس
طلع نياف بلبس الدوام وكان لابس السكراب باللون الاسود
ام وصايف:مااكلت يانياف
نياف:مابي
غزلان:وخر شعرك عن عيونك
نياف:البلشه اني كل ماوخرت رجع لعيوني شكله يحبها
سعود:وش يقول محمد عبده يانيوفي
نياف: أشوفك كل يوم وأروح وأقول نظرة ترد الروح أعيش فيها عشان بكرة عشان ليلي اللي كله جروح صحيح النظرة ما تكفي من الآلام ما تشفي
معاذ:خف علينا يالخفوق
نياف:يلا توصون بشي
ام ذياب:سلامتك
نياف:الله يسلمتس وطلع من الحوش وراح لسيارته وحرك على طول
مضاوي:وين ذياب ياعمه مايرد على الجوال
بيان:انسجن هو وولدتس
مضاوي:وش تقولين انتي
بيان:مثل ماتسمعين
هديل:من اللي سجنه
فيصل:مب شغلتس
غاده:بالله هديل من بيكون غير نياف من الاول وهو حاقد على ابوتس
مضاوي:ياجعل مشاكلك يانياف تزود ولاتنقص ياجعل حوبتي ماتعداك ياولد غاليه ياجعل عذابك وتعبك كل يوم يزيد
ام وصايف:مضاوي تراتس تعرفين ببلاوي ذياب وتدعين على نياف؟بالعكس ذياب ومحمد يستاهلون اللي يقطهم بالسجن ولايطلعون
ام ذياب:هذاني اقولتس يامضاوي تقربين من نياف صدقيني باخذ احفادي منتس ولاعاد تشوفينهم وتنقلعين عند اهلتس
فيصل:جده شوي شوي الحين ضغطتس يرتفع
سعود:خلاص ياجماعه تراكم جايين هنا توسعون صدوركم
فيصل:نياف يدق ، هلا عشيري
نياف:فيصل تكفى يافيصل
فيصل وقف وقال:وش عندك
نياف:نسيت اوراقي
فيصل:وينهم فيه
نياف:مع غزلان وجيب معاك وليف لانها هي مساعدتي
فيصل:ابشر بس تراك ترجعها بنزلها وبمشي
نياف:ابددد ابشر بعزك وهي تبشر
قفل فيصل وقال:وليف بنروح لنياف وغزلاني جيبي اوراقه اللي معاتس
وليف:ليه نروح
فيصل:لانتس مساعدته
قامت وليف وراحت لسيارة فيصل اللي كانت مع سعود وركبو وحرك فيصل
بعد مده وصلو المستشفى
فيصل:انزلي وروحي لنياف بالاسعاف واقف عشانتس
وليف:اذا وصلت كلمني
فيصل:تمام
ونزلت من السياره ومعاها اوراق نياف وشافته واقف بالاسعاف ينتظرها ويوم دخلت ابتسم وقال:هلا باللي عجزت القى عذاريبه هلا باللي تحبه كل اسبابي
وليف:قصر صوتك
نياف:ترا جبت لتس لبس بغرفتي
وليف:وين غرفتك
نياف:ماتعرفينها
وليف:لابس اذكر انها بالدور الثالث
ناظرها نياف ومسك يدها وتوجه لغرفته وكان الكل يناظر نياف ووليف ودخلو الغرفه
وليف:اطلع بلبس
نياف:البسي بالحمام(يكرم القارئ)
وليف فكت نقابها ونزلت عبايتها وكانت لابسه جينز مع بلوفر ابيض وقام نياف لها قبل لاتاخذ لبسها وقال:انا هايم في وجهتس العذب وتعابيره
وليف:نياف ترانا بالمستشفى
نياف:الواحد مايتغزل بزوجته يعني
وليف:الايتغزل بس مو بالمستشفى
نياف:وين اتغزل يعني
وليف:بالبيت
نياف:البيت مطول ياوليفي باقي له شهر
وليف:خلاص ياقلب وليفك بلبس
باسها نياف على خدها ودخلت الحمام تلبس وطلعت وكان اللبس عليها يموتت ناظرها نياف وقال:سبحان من سواتس
وليف ابتسمت وربطت شعرها ذيل حصان وتقدم نياف منها وسحب خصرها وقال:
مثلتس مثل ذاك القمر مالتس اثنين لاحل زولتس زادت الدنيا حلى
وليف: ابي قربك وابيك بدنيتي تبقى
نياف: ابيتس لي ي غاية النفس والروح ابيتس تبقين طول عمرتس وليفي
وليف باست خده وقالت:لازم نطلع قبل يكتمل الفريق
نياف:يلا
لفت وليف ولبس حجابها ونقابها وطلعت هي ونياف من الغرفه بنفس الوقت وكان الفريق كله قدام غرفة نياف
نياف:السلام عليكم
الكل:وعليكم السلام
نياف:اولا احنا هنا لسلامة المريض واحنا هنا عشان نساعد الناس ثاني شي مثل ماكلكم تعرفون ان الطب والتمريض صعبين ف لذلك راح نكون مع بعض بكلشي وبنساعد بعضنا وبخصوص التقييم كل شخص بياخذ التقييم اللي يستحقه والحين بعطيكم راحه نص ساعه وبعدها بنبدأ شغل مع بعض وبتدخلون معاي غرفة العمليات
حسن:دكتور نياف بخصوص العمليه بتكون عن ايش؟
نياف:انت بأي قسم الحين؟
حسن:القلب
نياف:طيب عمليتنا عن القلب يلا بدأ وقتكم
الاء:مين مساعدك دكتور نياف؟
نياف:وليف
ناظرت الاء وليف اللي كانت واقفه وتناظر نياف وقال نياف:وقتكم بدا ينقص وليف تعالي معاي شوي
دخلت وليف معاه الغرفه وقال نياف:متوتره؟
وليف:يعني شوي
نياف:يعني شوي يعني كثير؟
وليف:ايوه
نياف كان بيتكلم بس قاطعه دخول الممرض
:دكتور نياف عندنا حالة خطيره بالطورائ
نياف ناظر وليف وقال:يلا وليف بسرعه
وطلعو يركضون
نياف:نادو فريقيي بسرعهه
الممرض:حادث مروري السياره الوحيده المتأذيه ذي السياره والباقين سليمين
نياف:دقيتو على اهله؟
الممرض:لا
نياف تقدم من السرير وشاف فيصل وقال:
فيصللللللللل
لفت وليف على صوته وركضت لجهته وصرخت:فيصللللللللللل
نياف:وليف
وليف ودموعها خذت مجراها:لاتخليه يموت
احتاجه يانياففففف
نياف:وليف مابيموت انتي الحين دقي على معاذ وقولي له نياف يبيك انت وامي وابوي بالمستشفى وجيبو معاكم يوسف
وليف:وفيصل
نياف:ماراح يجيه شي لاتخافين
وليف ناظرت نياف وقالت:توعدني؟
نياف:وعد
وبعدها بدا نياف يشوف أثار الحادث اللي بجسم فيصل وكانت وليف تتصل بأهلهم كلهم وتجمعو كل العائلتين بالمستشفى
عائلة آل ناصر وآل سلطان
نياف:دخلوه غرفة العمليات الحين بجي
دخل نياف قسم العمليات وشاف اهله كلهم وتقدم منهم وقال:وش جابكم
ام يوسف وهي تحضن نياف:نياف فيصل لايروح يانيافف
نياف:خاله جواهر
غزلان:نياف فيصل بخير فيه شي؟
نياف:مقدر احدد الحين
الممرض:دكتور نيافففف بسرعه
نياف ناظر اهله وقال:صدقوني بيعيش فيصل مايخلينا وركض لغرفة العمليات بعد مالبس اللبس المخصص لغرفة العمليات 
نياف:الفريق كامل موجود؟
الممرض:ايوه دكتور نياف
وبدا نياف شغله بصديق عمره وعشيره فيصل خايفف يفقده مايقدر بدون فيصل اصلا مين نياف بدون عشيره وصديق طفولته فيصل مين بيشاركه مصايبه وهوشاته وضحكه وطقطقته
.........................................................
ونقول آخيراً أفتكينا من ذياب ، ونياف صار سعيد ، محد كسر خاطري كثر فيصل😔😔
الكاتبه:منيره آل عبدالعزيز💙.