بين الليل والحال هبت الذكرى

البارت الرابع

نياف:والله انه ماهوب حزن ولامشاعر حزن يافيصل ماقد حزنت ولابحزن كل اللي فيني تراك عارف وشو
فيصل:متضايق لهدرجة ياعيون عشيرك
نياف:اسمع وصل البنات للبيت وانت نم ويصير خير بعدها
فيصل:ماني نايم برجع لك
نياف:اللي يريحك
عند البنات اللي كانو يناظرون فيصل ونياف من شباك السياره
مواليف:يابنات وجه وجه المتضايق
غزلان:لايابنات انا متأكده انه قاعد يقول له شي يخصه هو
وليف:خلاص عاد اسكتو ازعجتوني
غزلان:تكفين وليف لاتقلبين بيان وبدور
بدور:ليه ان شاء الله وش مسويه انا واختي؟
غزلان:ابد ولاشي
فتح فيصل الباب وركب بدون ولاصوت
غزلان:شفيه نياف
فيصل مارد
وليف:نكلمك حنا رد علينا
غزلان:صدق وجع شفيه ولد اختي ذا بعد لايكون صارت فيهم عدوه
فيصل صرخ وقال:خلاص انتي وياها انطمو اسمع صوت وحده فيكم
انخرشو البنات وسكتو على طول وفيصل اللي كان باله مشغول مع نياف وحالته اللي كل مالها تسوء وصلو البيت وحصلو العيال نايمين وصحوهم
سعود:وجعاه ماني ماكل بنام
فيصل:احسن لاتبلع
عايض:يولد صارلكم ساعتين توكم تجون
فيصل:مرينا نياف
يوسف:شفيه نياف
فيصل:مافيه شي يلا ابلعو ونامو
هتان:وش عندك منفس ياحلو
فيصل:بالله كل وانت ساكت
يوسف:روق يولد
فيصل:مع السلامه توصون بشي
يوسف:على وين
فيصل:برجع لنياف
سلمان:سلامتك
طلع فيصل من المشب وشاف غزلان والبنات واقفين
غزلان:تعال تعال
فيصل:وشو
غزلان:شفيه نياف وليه انت منفس
فيصل:اول شي اللي فيه مايخصتس ولايخص وحده منكن ثاني شي يلا كلكن طسن داخل ولااشوف وحده برا
وليف:بدال ماتعتذر لنا انك صرخت علينا
فيصل:خلاص اسف يلا داخل
مواليف:اعتذارك مو مقبول تصارخ علينا والحين تطردنا
فيصل:خلاص يابابا اسف يلا مع السلامه
غزلان:على وين
فيصل:لنيييييياففففففف
غزلان:وجعاه يافيصل وجعاه
فيصل:خلصتي ياحلوه تكفون خلوني بروح
غزلان:خلاص انقلع وانتن يابنات خلونا ننام امي قالت العصر نبي نغسل الفرش
وصايف:اوه جوييي جويييييييي ونلعب بالرغوه
وليف:تكفين بعدها بيجون بنات الديره كلهم ولازم ننظف هنا ونروح للبيت نتضبط
غزلان:يويطيييي عاد يلا خلونا ننام دام الساعه ٣:٣٠الفجر
ريف:ننام كلنا بغرفه وحده؟
وليف:ايوه
ريف:كيف بتكفينا الغرفه
هتاف:عن نفسي بتكفيني تكفون نعسانه وفيني نوم لبكره
غزلان:اجل يلا خلونا ننام
راحو البنات ينامون
عند نياف وفيصل
فيصل اخذ نياف من شغله وراحو مكان بعيييييد عن الناس والعالم
فيصل:يلا تكلم
نياف:من وين ابدا بالله عليك فيصل انت شايف حالتي شايف قد ايش انا اعاني والله العظيم احيانا اتمنى يجيني شي يذبحني ويموتني وافتك
فيصل:ولددددد لاتفاول على نفسك
نياف:لييه ماافاول وانا قاعد اشوف كل شي فيصللل استوعب معاي تكفى استوعب معاي شوي انا انسان مجرد زيادة بالعدد السكاني
فيصل:ولد صحصح معاي نياف تكفى لاتقول كذا والله ان قلبي يتقطع عليك كل مااشوفك كذا ويوجعنييي واندم على كل لحظه ماكنت فيها معاك والله يانياف اني ودي اخذ وجعك ذا واحط بين قلبي وضلوعي ولايجيك شي انت الوحيد اللي اتمنى من كل قلبي مايجيه شي ولايمسه شي لان الناس ماعرفو نياف الحقيقي او شخصيته الحقيقه ماعرفو نياف على طبيعته دايم عرفو نياف البارد اللي مايهمه شي نياف القاسي العصبي ليييه مايعرفون نياف الضعييييف اللي يضعفف قدام الناس اللي يحبها ليييه داييييييم تظهر للناس انك قويي وانت بحالة ضعف وانهيييار
نياف:بسم الله عليك من الوجع يافيصل اسمعني للاخير بدون ماتتكلم تدري ماقد حسيت بشعور حلو ابد ولامره اذا لقيتني حسيت بيكون قلييييل مره والله يافيصل ان الايام ذي ثقيييله ماودي بشي ولاودي بأحد ودي اجلس لحالي ولااسمع كلام احد ولااشوف احد بس كذا ابي اقعد لحاليي وافكر بكل شي تدري يافيصل مع ان معاي يبه ويمه وغزلان الا ان فيه فراغ كبييير بقلبيي محد يقدر يحس فيه امي وابوي راحو وانا ماشفتهم ولاشبعت منهم كنت تويي صغيير يافيصل والله كنت صغير كانو رايحين السوق ولاكنت ادري انهم مابيرجعون اذكر ان امي قالت بجيب لك العاب كثيره لاتبكي عشان الالعاب والله يافيصل كنت مستانس عشان الالعاب اللي بتجيني بس ماكنت ادري ان الالعاب مراح تجيني وابوي وامي مرا يجوني ويوم طولو ماجو رحت عند يمه ونمت بحضنها تمنيتها امييي والله تمنيتها اميييي اللي ماشبعت منها تدري انها كانت تتمنى انها تشوفني اشطر دكتور هذاني حقتت امنيتها بس هيي ويين وابوي وين والله اني احتاجهم جمبي احتاج حضن امي وكلام ابوي يافيصل والله احتاجه ابي احضنهم بس لمره وحده بس بحضن ابوي وامي بنام بينهم مره وحده بس بدونهم والله ماني قادر والله يافيصل
......................................................
تعالت شهقات نياف وحضنه فيصل
فيصل:تكفى يانياف لاتسوي كذا طلبتك لاتقول والله انك تقدر ياعين فيصل انت تكفى يانياف لاتقول كذا انا جمبك انا وراك بكل شي تحتاج يبه ويمه وغزلان وامي وخاله أصايل وخاله غدير طالبك يانياف ماتقول كذا كلنا نعرف انك تحتاج امك وابوك بس مابيدنا شي الا اننا ندعي لهم بالرحمه والله يانياف لو بيدنا شي سويناه
نياف:فيصل والله ماني قادر معاد لي نفس بالدنيا ذي نفسي طابت من الدنيا ومافيها
فيصل:وجعاه انطم واشرب مويه وانت ساكت ولااسمع ذا الكلام مره ثانيه وبعدين قم نصلي الفجر ونرجع للديره
نياف:متى بتمشون انتو؟
فيصل:لهدرجه مستعجل علينا تبي الفكه
نياف:لايولد بس بشوف
فيصل:امي تقول بعد عيد الفطر بأسبوعين نرجع
نياف:اشوا ياولد يلا قم نصلي
قامو يتوضون ويصلون
وبعدها رجعو الديره
ام ذياب:من وين جايين يالداشرين
فيصل:وشو كنا بالمسجد
ام ذياب:يالكذاب وين كنت انجز علي لااعلم امك عليك
نياف:كنا نتمشى
ام ذياب:وجعاه انت وياه ماتستحون هالفجور تتمشون
وصارت تضربهم بعصاها وصارو يصارخون
نياف بألم:فيصللل كمل تمايلتي زعل ولاتثنيتي ياغصن العود انا ماارخصك لو انك تزعلتي مية مره
فيصل بصراخ وألم:تعدي للسحاب وخذي النجمه من العنقودد وخلي للسهر غير الدموع صدور مستره
ام ذياب:ماتستحون انتم حتى قدامي تغازلون ياللي ماتنتخون
صحو اللي بالمزرعه كلهم على صراخ ام ذياب ونياف وفيصل
غزلان:شفيه شصايييييير ليه يصارخون ذولي
وصايف وهي تدمع من الضحك:تعالي شوفي جده تضرب نياف وفيصصللل
غزلان ركضت للشباك وشافتهم وصارو يضحكون كل البنات عليهم
وجدان:يمه بنات جده ليه تضربهم ونياف وجهه احمر وطاح على الارض شكله انكتم من الضحك والركض
غزلان:تكفييين نسيت انه ينكتم يمه وين عبايتيييي
جابو لها البنات العبايه وطلعت ركض لنياف وسحبته وصارت تصرخ
غزلان:غديير جيبي مويه نيافف تكفيين الحين يصير فيه شي
فيصل بخوف على نياف:نياف شفيك ولد رد شفيه ذا مايرد
سعود:وخرو وخرو عنه خلوه يتنفس كتمتوه زياده
ذياب:الحين يموت الله يرحمه
وجدان من داخل بصراخ:وجعاه انت جعلك قبله ماتستحييي تراه ولد اختك والله العظيم ان مافيك ذرة رحمه وانسانيه
ذياب:الصغار طلع لهم صوت ويدافعون عن نياف
فيصل بعيون فيها دموع ولونهم احمر توجه ل ذياب وصار يصرخ عليه:والله العظيم ياذياب ان مابلعت لسانك لاافرك وجهك بالارض فاهممممم تراني قد سويتها وبسويها مره ثانيه لاتحسب اني قليل شر انا الشر بعينه واقف قدامك ياجعل روحك الليله تطلع
يوسف:ولد لاترفع صوتك على خالك
فيصل:يخسي ويعقب يكون خالي وانت اثبت مكانك لاافجر فيك
عز سحب فيصل ووداه عند نياف
غزلان:ليه توكم تتذكرون انه ينكتم ليييه الولد انكتم
ام ذياب اللي كانت واقفه ومصدومه من منظر نياف اللي قدامها اللي كانت جسد بدون روح وصراخ فيصل
ابو ذياب:يابنات تعالن خذن امكن داخل
ام يوسف:تعالي يمه معاي داخل
ام ذياب:نياف نياف جيبوه معاي
ام وصايف:يمه نياف صحى مافيه شي يلا امشي داخل
ام فهد:يانياف طلع صوت عشان امي ترتاح
نياف بصوت مبحوح:يمه هذاني بخير مافيني شي
دخلو البنات ام ذياب وام سعد وطلعو البنات الباقين من مواليف ووليف والباقي وهم لابسين عباياتهم يتطمنون على نياف
نياف:اوه شفيكم والله اني بخير مجرد كتمه طبيعيه
غزلان وعيونها دموع :نياف تراك ماشفت شكلك وانت منسدح بالارض وتحاول تتنفس
نياف حضن غزلان وقال:يعربببب دموع غزلانييي لاتنزل تكفون
فيصل:نياف كمل غيابك لعنبو هذا الغياب
نياف:لايولد مابي الاغنيه ذي غيرها
فيصل:اجل اعتذرلك ياسحابة؟
نياف:اوه جوييييي
فيصل:وشوقي اثمن ماحملته بالمطار جيت ابفصح عنه عند الامتعه
نياف: افتحو كل النوافذ تنفتح معها القلوب واربطو كل الكآبه بعد ربط الاحزمه ومثلو فن الملاحه وابدعو من كل صوب عن شروحات السلامه كل شرح استطعمه اعتذرلك ياسحابه عن صدودي فالدروب كيف يلهمني خيالي وانتي اجمل مُلهمه والهواء يرسل عتابه في مطبات وهبوب كنت اخافه منت اهاله صرت احبه وافهمه
سلمان:ذا ماكان قبل شوي تعبان؟
نياف:اغير جوكم يخيي والله اني خبصتكم وحنا تونا الصبح
وليف:يوه انت لو شايف غزلان وهي داخل تهاوشنا عشان نطلع عبايتها
وصايف:طار نومنا
نياف:اوه بروح اشوف يمه
مواليف:بيصيرر فيلممم يابناتت خلونا نروح داخل قبله
وصارو البنات يركضون لداخل وجلسو عند الامهات
ام يوسف:شبلاكن بعبياتكن
مواليف:نياف بيجي
ام وصايف:وينه خلوه يجي بشوفه
نياف:جيت جيت ياعين نياف انتي
ام ذياب بخوف:نياف فيك شي
نياف حضنها وقال:لاوالله مافيني شي مثل الحصان
ذكرى:جدتك بغت تكسر ضلوعك وتودع
نياف:حلالها ضلوعي لو تبي تكسرهم كلهم حلالها بس تآشر على اي ضلع تبيه وانا اكسره لها
ام ذياب:لاوالله مايجي ضلوعك شي مني والله ياعل يدي الكسر اللي مديتها عليك
نياف:لاوالله ياام جواهر؟يدتس مايصير فيها شي ضربتس على قلبي مثل العسل اقبله بكل اشكاله حتى لو تكسرت منه ماعندي مشكله
ام سعد:كنت بتروح قبل لانشبع منك
نياف ناظرها وباس راسها وقال:وين رُوح؟
مواليف:مع هايف
نياف:اوه لقت حبُ جديد غيري ذي
وليف:لامافيه حبُ حلو غيرك وغير جدتي
نياف:طبعا الاشفيهم بنات ذياب وبنات عمامي هاجدين
غاده:بنات ذياب لهم اسم
نياف:معاهم ذي مع السلامه اجل
وقام نياف وجت رُوح تركض ل نياف
رُوح:نيافف خبيني من هايف
نياف جلس وحطها بحضنه:لاتطلعين صوت
سكتو كلهم وكانو يناظرون نياف ورُوح وكيف يعاملها
ريف ب همس ل رحيق:يارب يلاعب بنتي وبنته كذا
رحيق:حاطه عينك عليه؟
ريف:انا من دخلت وشفته يركض انسرق قلبي مع ركضته
رحيق:الله يجمع بينكم اجل
ابتسمت ريف وناظرو نياف ورُوح
هايف:وين رُوح شفتوها؟
نياف:لاماهي هنا
هايف:هذاهي بحضنك جيبها
نياف:ولد شتبي فيها ذي حقتي
هايف:لاحقتي كنا نلعب انا وهي
نياف ناظر رُوح وقال:هاه انا ولا هايف؟
رُوح:هايف
نياف بتمثيل للحزن:افااا بس ياعروستييي افاااااااا تخليني كذا انا زعلت
رُوح:نياف زعلت؟
نياف:وواجد بعد
رُوح:لاتزعل اعلمك من تتزوج؟
نياف:من
رُوح ب همس عند أذن نياف:وليف
نياف ناظر وليف وابتسم وقال لرُوح بصوت عالي:اوه حلوه هي طيب؟
رُوح:اييي حلوه مره
وصال:من هي الحلوه عشان نعرفها
نياف:لاخلو الامر بيني وبين رُوح بعدين ماتدرون يمكن بالقلب غيرها
وصال:بنصدقكك اصلا انت انسان مقفل قلبك كيف بتحب
نياف:ماقلت حبيت يمكن بعدين ماتدرين
مواليف:من قالت بنعرف
نياف:مااعلم اغار على زوجتي شفيتس انتي
وجدان:رُوح تعالي عندي
رُوح راحت لوجدان بحكم انها تحبها ومتعوده عليها مره وقالت:اقولك بس انتي موافقه؟
وجدان:ايوه يلا قولي
رُوح ب همس ل وجدان:وليف
وجدان ناظرت وليف وابتسمت وقالت:يسمع منتس يارببب انك تجمعهم
نياف:بنت اهجدي يلا يمه توصين بشي قبل لااروح؟
ام ذياب:سلامتك
غزلان:اخذت مطارتك معاك؟
نياف توجه لغزلان وحضنها وقال:اييي ياغزلاني اخذتها
وطلع من الصاله وراح للعيال بالمشب بحكم انهم مايبون مع ذياب بالخيمه وكملو سوالف
غزلان:من قالت رُوح بعرف
وجدان:مااقدر اعلم بس اعلمتس انتي لحالتس
بيان:خير حتى حنا بنعرف
غزلان:طلع لها صوت يابناتتتتتت
وجدان:غزوله اصبري بقولتس
قالت وجدان لغزلان وابتسمت غزلان وكانت تدعي ان ربي يجمع بين وليف ونياف
مواليف:غش غش حتى انا بعرف
غزلان:انا اقولتس بعدين انتي ووصال ووصايف
بدور:سحبتي علينا
غزلان:تكلمن معانا اول بعدها يصير خير
جتهم ام وصايف وقالت:يلا قمن بنغسل الفرش
قامو البنات وهم متحمسين وناظرو بنات آل ناصر
غزلان:حتى انتن معانا قمن
ريف:ايش نسوي يروحي انتي مانعرف نغسل
وجدان وهي رافعه حاجب واحد:اقول قمن بلا دلع لاتسون نفسكن ضيوف وانتن بتجلسن عندنا دامكن هنا بتساعدنا كلنا يلا
نغم:ذي حلات من قص لسانها
وجدان:جربي وشوفي وربي لااطلع جنون نياف وفيصل عليتس
هتاف:خلاص يابنات انا بساعدكن
غزلان:ياحلوها ذي يابنات تهبل لطييفه احسن من الدلوعات ذولي
راحو البنات وضلو بدور وبيان ونغم ورحيق وريف بالصاله ولاساعدوهم
عند العيال
سعود:يولد اول مره اشوف شخص قدامي كذا
نياف وهو طايح من الضحك:ياربييي تضحكون ياعيال عمامي شفيكم عادي تعودت اصلا ويمه خافت وجدي يهاوش ذياب ووجدان اسمعها تصارخ
يوسف:لايانويف تخيل ان جدتي بغت تودع
نياف:اسألك بالله
يوسف:ايوالله كانت بتطيح علينا بس دخلوها داخل
نياف:ليه محد قال لي انها كانت بتطيح؟
فيصل:محد كان بيشغل بالك
نياف:لاوالله ياحلو انت وياه الحين وين يمه
فيصل:بالحوش
قام نياف طيران للحوش ودخل بدون لايدري ان فيه احد وتوجهه على طول لجدته
ام ذياب:شفيك يانياف
نياف:هو صدق انتي كنتي بتطيحين عليهم؟
ام ذياب:اي كنت بطيح شفيك
نياف:يلا امشي بوديتس المستشفى يفحصونتس
ام ذياب:يوليدي لاتكبر الموضوع ماصار فيني شي
نياف:لاوالله ماني مستعد افقد امي الثانيه يلا غزلان وليف مواليف جهزو جدتي ووحده منكن تجي معاها
مواليف:اطلع طيب ترانا مندسين وحشرتنا انت الواحد يدق الباب
نياف:اعذرونيي
غزلان:نويف امي مابتروح مافيها شي تبي تقيس الضغط والسكر ادخل داخل وقسهم بس ماتوديها مافيها شي
نياف:شورتس وهداية الله يلا امشي يمه معاي داخل
غزلان:مسوي خايف توي شفتهم لها كلهم كويسين انت ارجع عند العيال يلا
نياف:اخر الليل بجي اقيسه لها
وطلع نياف من الحوش وتوجهه ل الالعاب اللي فيها موده ورُوح وهايف
نياف:شعندكم ياحلوين ماطفشتو
موده:لاالمكان هنا حلو ومنظر الجبل حلو
نياف:اعلمتس سر بس ماتعلمين احد
موده:ايش قول
نياف ب همس ل موده:الجبل ذا محد يجيه غيري وحاط فيه جلسه وكل شي
موده:احلف
نياف:والله
موده:طلعت كشوخيي ياولد العم
نياف:اعجبتس
رُوح جلست بحضن نياف وقالت ب همس له:انت تحب وليف؟
نياف:شدخل وليف الحين
رُوح:عشان تتزوجون
نياف:لااسمعي اقولتس بعدين انا من احب
رُوح:لالاانت تزوج وليف وانا بتزوج هايف
نياف:رُوح انتي وموده وهايف يلا كلكم روحو داخل اصلا شوي ونروح البيت
موده:ياربييي منكم كل ماتونست اخذتوني من مكان لمكان
نياف:لاوالله توكلي اخلصي
موده:نياف ترا اذا جينا المزرعه تعزمنا بالجبل فوق
نياف:خلص ابشري
هايف:نلعب مسابقه؟
رُوح:ايوه
موده:نياف تلعب معانا؟
نياف رفع طرف ثوبه وحطه بين اسنانه وقال:يلا عدو
هايف:123
وصارو يركضون ويضحكون
طلعو العيال من المشب وشافو نياف يركض مع الصغار والبنات كانو واقفين عند باب الحوش وصارو يضحكون على شكل نياف
غزلان بصراخ:نياففف انكتمت؟
نياف:لالامافيني شي معليتس
وليف:يربييي يضحكون كيف كذا انتن شفتن شكل نياف وهو يركض لحاله يضحك
....................................
علاقة نياف وغزلان🥹🥹🥹🥹🥹
رُوح كأنها تعرف وش بيصير بعديين😉
"تجاهلوا الاخطاء"