الساعه ٨:٤٠العشاء
وجدان:وليفوه وين نياف
وليف:للحين نايم
غزلان:الحمدلله انه طلب كل شي هو ومعاذ ولاكان من الصبح وحنا نكرف
وصايف:جديي خير يعزم ناس وحنا مسافرين
بيان:صدق عازم الكل حتى ابو غرام واهله يع
وليف:يويطيي عادد
وصال:غزلان نياف يناديتس
غزلان:هاهههه نيافففف وش تبي
نياف:ابي دربببب
غزلان:مافيه احد البنات كلهم عند الدرج
طلع نياف وكانت قدامه وقالت:وش ذي الكشخه
نياف:شرايتس بس
غزلان:عطرك يموتتت شسمه
نياف:مقدر اقوله لتس
غزلان:مطقم انت ووليف
نياف:احلى طقم صح
غزلان:ايي ماعليك
نياف:بالله عليتس بوسي خدها بدالي وصوريها لي لاتنسين
غزلان:ابشر
وطلع نياف للعيال اللي كانو ينتظرونه
سعود:اوه وش ذا الثوب الكحلي يبو غمور
نياف:لاتخليني اشوش واشغل السماعه واحط الاغاني اللي يحبها قلبك
فيصل:طالععع عريسسس
معاذ:سامحني مقدر اشوفك زين عيني مفلوقه
ضحك الكل وقال نياف:ليه ماحطيت عليها شي
معاذ:مابي
وكملو سوالف ليين وصلت لهم اصوات البوري اللي برا وهذا معناه وصلو الضيوف اللي ينتظرونهم وكانت ساعة وصلو الضيوف محدده عند الكل
قال نياف بصوته الجهوري العالي:ارحبووو حي الله من جانا
ابو غرام:الله يبقيك
كشر نياف من سمع صوته وشاف الحريم كلهم واقفين وقال:من هنا ياخاله الباب
غرام:الكل داخل؟
نياف ضحك بإستهزاء:باقي انا بدخل انتظري
ناظروه البنات بإستغراب من اسلوبه
ومشو كلهم وكانو تقريبا ١٨حرمه
ومشى قدامهم وقال بصوت عالي:ياغزلانن ياوليففففف الحريم وصلووو
فزو البنات كلهم ومشو للباب
ام وصايف:حي الله من جانا تو ينور المكان
ام حسن:منور بأهله
ام فهد:حياكم ادخلو
دخلو كلهم وسلمو على البنات وام ذياب وام سعد وصبو القهوه البنات وخلصو وجلسو
وليف:يلا وجداني شغليها
وجدان:يلليلل عاد اصبري
شغلت اشرلي بالمنديل وكانت وليف تحن فوق راسها انها تشغلها وقامت وليف ومعاها وجدان
الكل ابتسم من عرفو ليه وليف ترقص على ذي الاغنيه بذات وقامت غزلان مع وليف ووجدان ومعاها بيان ووصايف ومواليف
مواليف قربت من وليف وقالت:ياحظ نيافف ياجماعه
وجدان ناظرت غرام وقالت بصوت عالي:
عاشتتتتتتت حـرّم نياففففففففف
ابتسمت وليف من سمعت اسمه وقالت:
تعيشيييننن
وقامو باقي البنات اللي جو مع الحريم
وقامو كلهم من جاء اسم ام ذياب وام سعد وكانت هذي اللي كان مجهزها نياف ك شكر لهم وقامو حفيداتهم كلهم معاهم
وجدان بصوت عالي:جداتي ترا نياف وفيصل بيدخلون
غزلان:ليه يدخلون
وجدان:على حسب كلام نياف انه جايب هديه لجداته وفيصل كذلك وماحب يعطيهم لحالهم ويقول ذي الهديه غاليه عليه وجدا
غزلان:طيب بدق عليهم يدخلون
وقالو للحريم يتغطون ودخل نياف وجنبه فيصل اللي كان يبتسم من شاف مواليف
نياف بهمس لفيصل:بشويش ياخفيف
فيصل:انطم
تقدم نياف من ام ذياب وام سعد وباس راسهم وقال:هذي قليله بحق جداتي لكن قلت بعطيكن قبل رمضان وطلع هديته لهم وكانت عباره عن طقمين ذهب لكل وحده فيصل:بس دوري وخر
وخر نياف وقال فيصل:هو صحيح اني ماني مثل هالخبل بقلبكن لكن والله اني مسكين
ضحك الكل على كلامه وكمل وهو يقول:ذي مني انا وذي من مواليف
وكانت نفس هدية نياف بس كان فيه اختلاف شوي
وجدان:ماودكم ترقصون
نياف:عرضتنا بعد شوي
وجدان:صدقق؟
فيصل:اييه صدق
مشى فيصل قبل نياف اللي كان يتأمل وليف وابتسم من تلاقت عيونه بعيونها
وجدان استغلت لحظة تأمله وشغلت اشرلي بالمنديل
ضحك نياف وهمس بصوت مايسمعه الا هو:لاياوجدان لااااا
وجدان:اسحب حرمك وارقص وانت ساكت
ام وصايف بهمس لوجدان:مو وقتس قدام الناس
وجدان:هو قال لي عشان يوقف غرام عند حدها
ابتسمت ام وصايف لانها كانت تشوف نظرات غرام لنياف وكانت تنتظره يمسك يد وليف وفعلاً تقدم ومسك يدها وصارو جنب بعض وباس خدها وقال لها بهمس:والله ان قلبيي مغليتس غلا ماهوب عادي
كانت غزلان تصورهم وتتأمل كل حركاتهم
وصال:امسك منديل
ناظرها وسحب حبة فاين وقال وهو يمشي:
وجداننن توصييي بالحرييققققققق
وجدان:ماعليييككك
وطلع برا وكانو العيال ينتظرونه عشان يشغلون السامري اللي يحبه وبالنسبه لداخل عند الحريم
كانت وليف تحترق من الخجل بس كل مالها تتذكر كيف مسك يدها ويناظرها وكأنها اعظم انتصاراته
وجدان:تعالو نشوففف العيالل
قامو معاها البنات اللي هم(مواليف وصايف غزلان وليف هتاف رحيق نغم غاده هديل ريف بيان بدور وصال)
وقفو قدام الباب كلهم وكانو يشوفون السيوف مع الكل(العيال اشترو سيوف)
اشتغل السامري المعروف عند الكل وتقدم نياف وقابله فيصل وبدات كلمات السامري
وهي تقول:
قلب ابو سليمان وقادي
من همومه ذاب اجا كله
يابعد حيي والاجدادي
ارحم اللي صابته عله
ابتسم نياف من جاء هالمقطع:
ياعوض هو غاية مرادي
ياتبسم والشعر فله
تقدم معاذ ومعاه سعود معاهم
وسرعان ماغير سلمان من لو ذبحني ياعوض ل العبو بالعوجا
وتعالت اصوات العيال وهم يشوفون حماس نياف وفيصل ومعاذ وسعود
وكانو البنات يناظرونهم ولاملو بالعكس كانو يبتسمون
باسم وعبدالله وتركي تقدمو وكانو مبتسمين
كانو الشياب والضيوف جالسين برا يعني على الثيل لانهم ماحبو المشب او الدوانيه وكانو يناظرون لعب نياف وفيصل اللي كانو نسخة بعض
ناظر نياف فيصل ورفعو سيوفهم وضربو رجولهم بالارض
باسم اللي كان يناظر يوسف اللي كان وده يدخل لكنه متردد وناظره بمعنى"ادخل"
دخل يوسف وابتسم باسم وهو يشوف عياله كلهم ومن ضمنهم نياف اللي حبه اكثر من عياله دخل فهد وقباله ابوه عبدالله ودخل عز وقباله اخوه سعود وناظر نياف سلمان ودخل سلمان وقابله نياف وعرضو عرضتهم لين وقف الصوت ونزلو سيوفهم وكان منظرهم جنب بعض مُرعب
ودق جوال نياف ورد:هلا
:احنا برا
نياف:ياعيال العشاء وصل امشو ندخله
ركضو كل البنات لداخل ومشو العيال يدخلون العشاء ودخلوه للمطبخ
وطلعو العيال بس عز اللي كان ياكل من الفطاير
ودخلت وصايف وماكانت منتبه له وهي تتحلطم:يععع هالغرام ترفع الضغط مسويه على جونا هالمخيسه قال وش قال وصايف حبيبتي ليه ماتجلسين معاي
لف لها عز يحسبها هتاف او ريف وشرق من شاف انه مايعرفها
وصايف انخرشت وشافت وجهه وكان بيموت وعطته مويه وقالت:انت بخير
عز:اييي بخييير ياوصايف(كان يحسب خواته يقلدون غرام)
انخرشت هي وطلعت تركض من المطبخ
ضحك عز واستغفرالله وطلع لبرا وشاف العيال جالسين
عز:خير انت وياه قومو ارقصو
سعود:والله ودنا بس شايف الحاله اللي فيها نياف
عز:ليه شفيه
نياف ناظر عز وابتسم وقال:اي اغنيه تبي
عز:حفيد الاكابر ياولد العم
نياف:طفشنا منها غييرررها
عز:لو كان ودي لفرش الطرقات من ذهب
سلمان:تعرف ترقص عليها؟
عز:بنحاولل
يوسف:انا اعلمك بس قممم جب عصيان من جدتي
عز:خذ عصى جدي وعصى ابو غرام
يوسف قام وتقدم من ابو ذياب وابو غرام
يوسف:جدي نبي عصاتك انت والعم
ابو ذياب:ليه تبونها
يوسف:نبي نرقص عسيري
ابو غرام:امسك
واخذ العصيان ورجع لعز واعطاه عصى وشغل سلمان لو كان ودي لفرش الطرقات من ذهب
وبدو يعرضون عرضة عسير المعروفه وعيال الجنوب استغربو انهم يعرفون للعرضه حقت عسير
دق جوال نياف ورد وطلعت غزلان
نياف:سمي غزلاني
غزلان:تعال داخل ابيك
نياف:ابشري بعزتس
وقام لداخل وحصلها واقفه تستناه وقال:
شبغيتي
غزلان:ياخيييي الكل تعشى طفشناااااا وش نسوي
نياف:وش تبين اسوي يعني
غزلان:مدري مدرييي والله طفش وامي عصبت
نياف:ليه تعصب منايري
غزلان:فيه وحده من الضيوف شكلها ملقوفه ومن دخلت انت وفيصل قامت تتكلم عنكم وكذا وتقول ولدكم ابو ثوب كحلي عينه زايغه ومدري وشو
نياف:نادي لي منايري
غزلان:تعال عند الباب داخل من برا
نياف باس راسها ومشى قدامها ووقف قدام الباب الشفاف ينتظر ام ذياب وجت ووراها غزلان وقال بصوت عالي:ارحبييييي ثممم ارحبييييييي
ام ذياب:البقى وش بغيت
نياف:غزلان توكلي بتكلم مع امي شوي
ضحكت غزلان ووقفت عند البنات اللي كانو بيسمعون وش بيقول
باس راس ام ذياب وقال:من معصبتس
ام ذياب:ام لسانينن هذي العوبا
نياف:خليها تتكلم ماعليتس منها ولاتعصبين عشان احد ياام نياف
ام ذياب:تكلم عليك وشلون ماتبيني اعصب
نياف همس لها:من هي عشان تتكلم عني واهلي يعرفوني
ام ذياب ضحكت وقالت:تعدل الراس ياعين ام نياف
نياف:ابي وليفي خليها تجيني
ام ذياب:وشو هنا خل الناس تروح
نياف:ابيها طيب خليها تجي
ام ذياب:توكل للمطبخ هذاهي به
نياف:تفهميييينن
ومشى للمطبخ وحصلها تسوي قهوه وكانت تتمايل مع صوت الاغنيه اللي واصله للمطبخ
ابتسم وقال:يا صدفة حلوه ازهرت قلبي ورد
ابتسمت وليف من سمعت صوته ولفت عليه وشافته يناظرها
نياف تقدم منها وحاوط خصرها وقال: يالمختلفه في حبتس ويا أغلى محبيني
ابتسمت وليف وحاوطت عنقه بيدها وقالت: لاتلومني لاشفتك وضاع الكلام نظرة عيونك سالفتها سالفه
نياف:عاجبتس عيوني؟
وليف:مو بس عيونك وغمازتك بعد وشعرك اذا جاء على عيونك وشامتك اللي بفكك
نياف:طيب تدرين
وليف:وشو
نياف باس شامتها القريبه من مُبسمها وقال: ابيتس لي ياغاية النفس والروح ابيتس تبقين طول عمرتس وليفي
وليف ابتسمت وناظرت وراه وحصلت كل البنات يناظرونهم من باب المطبخ وهمست له:البنات عند الباب
نياف:صدق؟
وليف هزت راسها بمعنى"ايوه"
نياف همس لها:من معاهم
وليف بنفس الهمس:غرام وخواتها والبنات اللي جو معاهم
نياف ناظرها وابتسم ودفن وجهه بنحرها وكانت مصدومه وتناظر البنات اللي كانو مصدومين مثلها
همس لها:ماودي اناظرهم وتعصبين ولاودي اطلع دامني معاتس
وليف:طيب وخر تراهم يناظرون
نياف:لامابي
عند الباب
وجدان:يويلييي يهبلوننننن
مواليف:شايفيننن وليفيي عيونها تلمع ياحبيلهم
بالنسبه لغرام اللي كانت مقهوره وناظرتها بيان وقالت:تدرون استناهم يتزوجون بسرعه عشان مخيمات نياف بالشتاء وبدال مايصوت لغزلان يصوت لوليف
ريف:واههههه حنا كان يفوتنا واجد وينا عنكم من زمان
هديل:غزلان ادخلي لهم
غزلان:لاعاجبني منظر الحب اللي اشوفه
وصال بتنهيده:اخ لو يجيني واحد مثل نياف واصيرله مثل وليف واعيش معاه قصة حب وغرام وعاطفه واسمع اغاني حب وبيوم انا وهو نكون بخط سفر ونسولف عن بعض ويكون يتأملني وانا اسولف عن حياتي المتعبه واقول له قد ايش انا تعب ويقول كل شي بيزين دامني معاك ياوصال قلبي و
وصايف وهي تقاطعها:خلاصص تراتس بزر انطمي
غاده:وهي صادقه صرنا نتمنى الحب من اللي حولنا
وجدان:مالت عليكم وعلى حبكم ياخفيفينن انطمو وشوفو سوالفهم
غرام ناظرت البنات بحقد وكأنها هي زوجة نياف مو وليف ومثلت انها تطيح وصرخت بقهر
وجدان:انتييي هيييي ترا فيه عيال انطمييي
بدور:لاتخافين نياف ماهوب طالع غارق بالعسل
غزلان:اصبرو بدخل اشوف العلوم
ودخلت غزلان وطقت كتف نياف ووخر عن وليف وقالت غزلان:وش عندك للحين واقف
نياف:عند حرمتي وش تبين انتي
غزلان:اطلع ورانا اشغال
نياف:والله مااطلع طفشت بالله بسألتس وش احسن وجه العيال ولاوجه وليف
غزلان:وجه فيصل
نياف:بطلع بس بشرط
غزلان:وشهو
نياف:نسمر اليوم ونجلس نسولف بدون الكبار ولاابي الصغار بجلس مروق
غزلان:تمممم موافقين ماعليك
ابتسم نياف وباس خد وليف وقال:بيننا كلام ثاني وحضن ثاني لو ماغزلان خربت علي تراني للحين حاضنتس
ضحكت وليف وقالت:تحلم بالحضن ذا
نياف:والله لاتجين عندي وتشوفين
ابتسمت وليف ورفعت نفسها وباست خده وقالت:يلا مع السلامه
نياف:عزالله اني بطلع وانا تفكيري مو معاي
غزلان:اخلص علينااااا
نياف:بطلع وركض بعد
غزلان:واحد اثنين ثلاث
نياف باس خد وليف للمره الثانيه وركض لبرا
غزلان:هالخفيف
وجدان وهي داخله المطبخ:اهبب طلع عنده علوم
وصال:لاتلومينييي اذا قلت لتس ابي مثل نياف
وليف:وشو مثل نياف مامنه اثنين
وصايف:عشتووو
هتاف:لاتلومينها
رحيق:اييي صدق والله انهم محظوظين ببعض
نغم:بديت احب شخص ماهوب موجود
وليف:امشن بس واقفات هنا والبنات لحالهم
وجدان:ايي صدق تخيلي غرام انقهرت ان نياف حضنتس
وليف:وين عايشه ذي متخلفه لابعد درجه اصبري علي بس بجننها
غاده:الله يابنت العمه
مواليف:طلعي لها قرون تكفين
وليف:ماعليتس
ومشو البنات كلهم للمجلس وجلسو جنب ام ذياب
ام يوسف:وش عنده نياف يابنات
وجدان:جاء يشوف حـرّمه
وليف ناظرت غرام اللي كانت مقهوره وانقهرت زياده من كلام وجدان
ام حسن:منهي حـرّمه
ام ذياب اشرت على وليف اللي جالسه بين وجدان ومواليف
ام حسن:ماهي بنت ام يوسف؟
ام يوسف:الابنتي
ام حسن:تبارك الرحمن كنت ابيها لحسن بس طلع نصيبها مع نياف ونياف رجال ويستاهلها
ام سعد:ليه انتو تعرفون نياف؟
ام حسن:نعرف ابوه سعود كان يجي هنا له الله يرحمه
ذكرى:عاد تدرين ماهوب طالع على اخوي ابد
مضاوي كانت بتتكلم بس اشرت لها ام ذياب وسكتت
وجدان:ماودكم ترقصون؟
ام وصايف:شغلي اللي يعجبتس
وجدان شغلت ياحظ عينك وكان محد يرقص وطفتها وقالت بصوت عالي:قومنن طيبب ضحيت بالإيباد عشان الوناسه
موده وهي تجي للبنات:شغلو اللي قبل شوي
وجدان:ارقصي عليها
موده:لامابي كنت اشوف العيال رقصهم يهبلل
وجدان:تعالي معاي نشوفهم
ومسكت يد موده وقامو يشوفون العيال اللي كانو جالسين كلهم ويسولفون بحماس ورجعت داخل وحصلت البنات يرقصون ورقصت معاهم
فيصل:لاتكذبب كنت تصفق معاذ
معاذ:كذااببببب محد صفقني
نياف:الا صفقت راسك قبل يروحون امي وابوي السوق
سعود همس لنياف وقال:عينك تلمع
نياف:لاماتلمع يتهيى لك
عز:والله طفش ياعيال
حسن:ماودكم نلعب او نغني
يوسف:قسم يااني متكسسرر واحس جسمي يقول تستاهل محد قال لك العب بالسيوف
نياف ناظر سعود اللي كان يقرا رسالة نياف وتنحنح سعود وقال هو ونياف بصوت واحد:
جرحت قلب الغرام وزدت في عنادك تبغى الصراحه ترى ما كان له داعي من اربع شهور كثر الصد ويش فادك ما غير حرضت طول الليل لخضاعي
فيصل ومعاذ بصوت واحد:كملوها
نياف وسعود: طيرت الاشواق من مرفـاك وبـلادك وذبلت رسايلك ما جاني بها ساعي يا زين تتوقـع ان الـلـي حـصـل زادك بالعكس ما زادك الا زاد في اوجاعي جرحت قلب الغرام وزدت في عنادك تبغى الصراحه ترى ما كان له داعي
صفقو العيال وقال سلمان:عند سعود موهبه تستحق الدفن
عز ضحك بصوت عالي وقال:صوته يقهرر يجيب الصداع
فهد:الاصدق هتان وعايض ليه عند الكبار
يوسف:ينقال لك سوالف الصغار تقهر وحنا نصنا اكبر منهم
حسن وقف وقال:توصون ياعيال
نياف:على وين تو الساعه
حسن:والله تعبنا نبي ننام وامي تبي علاجها
نياف:اجل مع السلامه
ومشى حسن ومعاه العيال اللي جو معاه وطلعو لسياراتهم وماهي دقايق وطلعو الحريم
ليال:ناظريه كيف يبتسم
داليا:خلاص عاد قال لكم انه متزوج ليه معلقين عليه ماتفهمون
غرام مشت وسحبت عليهم وراحت للسياره وحرك ليث
نياف:اخيييرا ياعيييياللل
فيصل:يولد ورانا تنظيف
نياف:اهخ يالقهر والله تعبنا ظهري تكسر
معاذ:ياكذاببب طول اليوم وانت داخل وش سويت
يوسف همس لمعاذ:ظهره انكسر من حضن وليف
معاذ بصوت عالي:اييي مايستحييي قليل الادب
نياف فهم عليهم وقال:والله عاد انا ماارد قلبي
معاذ ناظر نياف وركض نياف ولحقه معاذ لكن نياف دخل لداخل يغير ملابسه وطلع لهم وهو يقول:ياعيالل تكفون خلو التنظيف بعدين
معاذ:الكل جلس حتى البنات بس انت
نياف وهو يجلس:الله اكبر عليكم بدوني للمره المليون
وجدان:اسكت بس
نياف:وش عندتس علي وش سويت
وجدان:اول شي ماتهنينا بشي رحنا يوم للبحر ويوم لأبو غرام ويوم جونا الناس والايام الباقيه ياطالعين الحديقه القريبه ياهنا واليوم جدي كرفنا كرف عازم ابها كلها هذا كثر بناتهم بعدين امداه ياخذ رقم ابو غرام وتصير ميانه بينهم
معاذ:حشى راديو مو لسان
وجدان:صوتك يجيب الغثى اسكت بس
وليف:الا اخوييي
وجدان:اسكتي انتي بعد
فيصل:هالنفسيه
وجدان:انطم ابو خشم
مواليف همست لها:الا فيصلي
وجدان:انطمي انتي بعد مع حبيب القلب
وناظرت يوسف وقالت:وانت بعد انطم
يوسف:وش قلتت
وجدان:هذا انت تكلمت انطممم
نياف:عطتكم انطم لانهائي
وجدان:انت تكلم عادي
سلمان:ليه بس هو
وجدان:يويطييييي سلوم انطم انت بعد ولااسمع حسك يجيب الغثى مثل صوت معاذ
ضحك نياف بصوت عالي وناظروه وهم مستغربين
وجدان:انهبللل الولددددد
نياف ناظر شكل معاذ اللي ماسك نفسه غصب عشان لايعصب عليها وضحك زياده
سعود:ولدد انتتت وش عندك
نياف ضحك اكثر من سمع صوت سعود وناظره عز وقال:انهبلل ياعياللل
نياف سكت وهو ماسك بطنه وقال:وجدان وش عندتس عليهم
وجدان:والله اني بنهار
نياف:وش عندتس
وجدان:تخيل اول شي معاذ معلم امي علي اني اكلت البطاطس حقه هو حطه عند الثلاجه وانا اكلته وثاني شي فيصل قاهرني لانه حيوان كان مع معاذ وقايل لها اني شربت الببسي حقه ومواليف مثله تدافع عنه غثتني فيصلي فيصلي تقول مافيه فيصل بالعالم غيره ويوسف لانه كلب تخيل قايل لجده اني متكلمه عليه وانا ماجيته ووليف بس كذا لانها اختهم
نياف:اوفف اوففف كل ذا بقلبتس
وجدان:فيه واجد خلني اكتم
معاذ:انطمي يعنني مهمومه بعدين انتي مشفوحه ليه تاكلين شي ماهوب لتس كل ذا جوع والله انتس كذابه العامله تعبت وهي تنظف وتطبخ بس انتي بقره وبطنتس فرامه ماهوب بطن
وجدان:شايف كرشك انتت تقول حامل استغفرالله بس
معاذ:وين الكرش مااشوفه
وجدان:عينك ملياننهههه مايحتاج ابو بطين لاتنسى انك داق علينا ذاك اليوم تبي شاورما همك بطنك يالمشفوح
معاذ:بعدين بطني ولابطنتس من اللي يدفع الاكل انتي او العيال خليني اكل كيفيييي
وجدان:كل عساك تاكل ومن كثر الاكل يغمى عليك وتفطس
يوسف:خلاصصص عاد ملسونه هذا طول لسانتس
نياف:ماعليتس منه كملي
سعود:اقول اسكتي خلاص راسي اوجعني
وجدان:وش دخلك انت
نياف:وجدان خلاص
وجدان:بسكت وقولو ياوجدان تكلمي
نياف:تكلمي بس مو كذا اكلتي عيالنا
وجدان:مالت عليكم زعلتوني
نياف:وش تبين نعوضتس؟
وجدان:ياخييي خلونا نطلع
نياف:تم
وصال:وين نروح
وصايف:مدري عنهم ذا على طول قال تم
نياف:مايعجبكم العجب
فيصل:وين تبي
نياف:مدري عنكم اللي يعجبكم
غزلان:تبون السوده فيها جبل يموتتت
يوسف:لامعانا بزارين لازم نخاف عليهم
وصال:نعم نعممم من البزارين
يوسف:انتي وبدور وغدو وبنت عم نياف ذي مدري شسمها
نغم:تكفون سدو حلقه
نياف فتح جواله وقال:اجهزو دام الساعه ٣الفجر بيقعدون كلهم بعد شوي
فيصل:وين نروح
نياف:مكان برسله لك
فيصل فتح جواله وكان نياف مسوي قروب للعيال كلهم ومرسل المكان
فيصل:الله يانياففف المكان يهبل
غزلان:وشو المكان
نياف:مكان بس تدفو زين
بيان:ماخذنا ولاتبينا نعرف؟
نياف:اعتبريه مكان سري
عز:يلا ياعيال خلونا نتجهز
يوسف:غزلان وليف وصايف مواليف بيان لبسو رُوح زين هي وهايف وموده
سعود:موده وهايف على خواتهم
ريف:ماعليك
نياف وقف وقال:معاكن ساعه وقعدن الكل انا بستلم عمامي وابو ذياب
فيصل:ماودك تنهي هالزعل
نياف ضحك بسخريه:اذا هو خلص كلام قل لي ماودك تنهي الزعل
غزلان:خلاص يلا يابنات نتجهز
وقامو البنات كلهم يتجهزون والعيال مثلهم وراح نياف يقعد عبدالله وباسم وتركي ومعاهم ابو ذياب
نياف:عمي باسم
باسم:وش عندك
نياف:قمم نبي نروح
باسم:وين نروح
نياف:نفرفر يلا عمي عبدالله قممممم عمي تركييييي
عبدالله:ياابن الحلال توكل خلنا ننام
نياف:ترا خالتي أصايل معانا كيفك
عبدالله:بقوم خلاص
نياف:عمي تركي ترا خالتي غدير معانا ومروقه حدها وتبتسم للي رايح واللي جاي
تركي:ينقال لك جايب راسي
نياف:جبته صح
باسم:كلهم بيقومون قعد جدك
نياف:قعدوه انتم انا مالي شغل فيه لاهو ولا سعد
وطلع من المشب واذن الفجر وكانت الساعه ٤ وراح يصلي وانتظرهم ولاطلعو وراح لداخل يشوفوهم
نياف:ساعتين انت وياه
معاذ:خلصنا وصلينا وجيناك
نياف:الشمس طلعت طولتو
معاذ:وانت ليه شورت مع بلوفر؟
نياف:ماودي بشي غير الشورت
فيصل:اخلص البس شي يدفيك وخذ نظارتك
نياف:مابي طيب اخذ فروتي وخلاص
سعود:رح جبها
ومشى يجيب نظارته الشمسيه والفروه
وجابهم وطلع من الغرفه وحصل الكل بالصاله ولبس فروته ونظارته وقال:هاه جاهزين؟
رُوح:وين نروح
نياف:مكان حلو
ام ذياب:ماامدانا ننام
نياف:مو انتو تبون تمشون خلونا نتونس ولو طلعنا بدون مانقول لكم تهاوشون
ابو ذياب:كم المسافه من هنا لمكانك ذا؟
نياف تجاهل سؤال ابو ذياب وقال:ياعيال مثل ماجينا من الديره ومعاذ انت معاي بالسياره
فيصل:خير معاذ عندك انا وعندك يوسف وسعود وعز وسلوم وفهد ليه معاذ؟؟؟
نياف:انا ابي معاذ او سلوم
معاذ:خذ سلوم
نياف:يلا سلوم
ومشى سلمان والبنات للسياره وقال سعود:
وش بتشغلون نبي نغش منكم
نياف:والله مدري عن وجدان
معاذ:وش بتاخذون من البقاله
نياف:نمر ونشوف
ومشى للسياره والعيال للجمس وحرك نياف وكان الوضع هادي
سلمان:وجدان شغلي اغنيه
وجدان:وش تبون
سلمان:عادي اي شي
وشغلت انا شمس الصباح المطلة
سلمان ناظر نياف اللي يسوق ولاهو معاهم وحط طاقية الفروه على راس نياف وقال:
شكلك كذا حلو
نياف لف لسلمان وقال:عاجبك شكلي يعني؟
سلمان:خلك كذا بصورك وعطها ابتسامه بعد
ابتسم نياف وصوره سلمان وقالت غزلان:
سلومي امسك جوالي وصوره لي انا بعد
سلمان اخذ جوالها وقال:نياف ناظر
ناظره نياف وابتسم وكان شكله حلو
وصور نياف ورجع الجوال لغزلان
عند البنات ورا
وليف:ارسليهم لي
وجدان:ليه ماصورتيه انتي
وليف:ماامون على سلوم واجد ارسليهم غزلان
ارسلتهم غزلان لوليف وقالت بيان:تتأملين الصور؟
وصال:وش عرفتس انتي ذي سوالف حبيبه جديده
ريف:خلوها طيب
وليف:والله احبتس
رحيق:اسمعي وليف سوي تصميم اللي يطلع ورود وكذا وحطيها ستوري واتس وحطي تحت زوجي الغالي
ضحكو كل البنات ووليف معاهم
ام ذياب:وش عندتس انتي وهي
ام سعد:خليهن يضحكن
ام وصايف:اسكتن يابنات
وصايف:ليه طيب بنسولففف
نياف:اسكتي طيب جدتس انزعجت
وصايف:مسوي مؤدب
نياف:والله انتس وصايف انطمي
مواليف:وش عندك انت علينا معصب وش صاير
نياف مارد عليها
غزلان:قل وش عندكك
نياف:منزعج راسي يوجعنيي
غزلان:وش عندها وصال
وصال:انطمي انتي انا مو مثله بس اعصب
سلمان:غزلان خلاص الولد تعبان
وجدان:وش عنده من وش يشكي هل وقع في الحب او تعرض للخيانه او انسرقت فلوسه
نياف:سدي حلقتس
سلمان طلع جواله ودق على فيصل وفتح السبيكر وقال:فيصل كلم نياف
فيصل:وش عنده
سلمان:معصب يسمعك تكلم معاه
فيصل:نياف شعندك
نياف:مدري
فيصل:لاتستهبلل علييي اخلصنيي
نياف:لاتنافخ طيب انطم
فيصل:بنطم بس قل وش عندك وش فيك
نياف:وقفو عند المحطه واقول لك
فيصل:سعود وقف عند المحطه بنشتري اغراض
وقف سعود وكانت وراه سيارة نياف ونزل نياف من السياره وتوجه لفيصل اللي واقف قدام السياره
فيصل:هاه شعندك
نياف:والله مدري شفت ذاك الاحساس اللي بين متضايق وبين سعيد
فيصل:لاسعيده
نياف:لاتسوي سامج
فيصل:امزح معاك اغير جوك تبيني اسوق عنك؟
نياف:مو على السواقه مدري فيني احساس غريبببب
فيصل:نيافوه
نياف ابتسم عشان يريح فيصل:امزح معاك
فيصل:والله انك كذاببببببب
نياف:فيصل والله يااني منغث الرقم اللي يعرف اختي غثني غثنيييييييي
فيصل:وش مرسل لك
نياف مد جواله لفيصل يشوف الرساله
فيصل:مايستحيي ذا
نياف:شفتتت يرفع الضغط
فيصل:اصبر بس عطني رقمه برسله لواحد يطلع اسم اللي يرسل لك وموقعه
نياف نقله الرقم وكانت على طلعة سعود ويوسف من البقاله واخذو الاغراض ورجع نياف للسياره
ام ذياب:وين بنروح الحين
نياف:عقبة سنان
ام سعد:تستهبل؟
نياف:والله اني صادق
ام فهد:وش يودينا للعقبه طريقها يخوففف ويمكن يصير شي
نياف:عاد انا ابيها ماتبون انزلو
ام ذياب:وين ننزل تستهبل معانا انتتت
نياف:والله العظيم كيفكم تبون ترجعون بالجمس؟
ذكرى:ايي دق عليهم
نياف دق على سعود ووقف سعود
نياف:ياعيال من يرجع الكبار مايبون العقبه
باسم:وشهي عقبته
نياف:عقبة سنان
تركي:وش يودكم لهاا
نياف:ياعمي وش يودينا لها نبيها طيبب
ابو ذياب:ماتروحون لها يمكن يصير فيكم شي ومعاكم صغار
نياف تكى على السياره وقال:لايكون خايف علينا
سعد:نياف
نياف:اللي بيجي يجي انا بستنى بالسياره كيفكم عاد
ام وصايف:يلا يابنات
وجدان:وشو يلا يابنات نبي نروحح
وصايف: نبي نروح عادي كل البنات بيروحون
ام وصايف:انتن والبنات اخلصني انزلن
معاذ:وش عندتس خاله خليهن
ام وصايف:يامعاذ محد بيروح الا نياف
معاذ:من قال كل العيال بيروحون معاد هتان وعايض
ام وصايف تقدمت من نياف اللي بيركب السياره:يانياف لاتعاند
نياف:ياخاله انا بروح كيفكم انتم
ام وصايف:اجل اسمع بناتي بأمانتك
نياف:بعيوني ولاتخافين وهذا هم كلهم ينتظرونتس بالجمس
ومشت للجمس وركب نياف السياره وحصل كل العيال بالسياره وقال:سلوم ماتستحي
سلمان:وش سويت
نياف:مخلي يوسف ورا وهو اكبر
سعود:اللي اكبر من يوسف هنا
نياف:سلوم نط ورا والكبير يجي قدام
نط سلمان ورا وجاء سعود قدام وحرك نياف وابتسم وناظره سعود وقال:وش عندك تبتسم
نياف:ماعندي شي بس بخاطري ابتسم
وجدان:الحين ليه مااخذو الوراعيين معاهم
نياف:انا قلت لهم نبي الصغار معانا
مواليف:ليه
نياف:بس انتي تتونسين يعني
فيصل:هي انت الا حـرّمي
نياف:خف علينا بالله
فهد:وهو صادق الا اختي
نياف:والله انكم غريبينن جدا انطمو احسن
وجدان:وش ودك نشغل
نياف:اللي يعجبكم
فيصل:تكفين يابنت الخاله انا اللي حط فيه الحب شامه
وجدان:جوك مخيسسسسس
سلمان:اخلصي علينا
وجدان:اسكت انت
معاذ:انتي وش عندتس تسكتين خلق الله
وجدان:انت اولهم لااسمع حسك صوتك يجيب لي صداع يغثني
معاذ صرخ وقال:وجدانننننننننننننننننن
نياف:وجعاه يامعاذ انطممم خلاص عاد
معاذ:انت انطم مسوي نفسك علينا اسكت بس
يوسف:اجلدوه ياعيال تراه قاهرني
نياف:والله انكم تقهرون
عز:ماعليك منهم باقي على العقبة
نياف:نص ساعه
وصال:بهالسرعه
نياف:لاوينن ترا كنا نسوق ساعتين متواصله بعدين مرينا البقاله والحين باقي نص ساعه
يوسف:بعدين انت وش عندك ماترد على جدي
نياف:جدك لحالك ماعندي جد
سعود:بلا استهبالل عاددد
نياف:قلت اللي عندي
شغلت وجدان قلبي الصغير
وكملو الطريق ووصلو عقبة سنان
وصال:يخوفف الطريق
نياف:شفتوها؟
وصال:بنرجع الحين
نياف:اييي بس شفناها وخلاص بنرجع
غزلان:اذا تعبان لاتسوق
نياف:لابسوق وبسرع بعد
سعود:مطفوق انت
نياف:ايي مطفوق يلا اركبو
يوسف:خلونا شوي
نياف:داييخ الشمس صكت براسيي
وركبو السياره وحرك نياف من عقبة سنان يتجه للشاليه اللي يبعد ساعتين ونص
وجدان:خلاص بحط بودكاست
نياف:من متى صرتي تسمعين بودكاست
وجدان:من اليوم
معاذ:وليف
وليف:هلا
معاذ:اصفقي وجدان
وليف:مااقدر
معاذ:اجل انا اصفق نياف
وليف وجهها صار احمر وقالت:خلاص اسكت
وجدان:سلوم من اللي جنب معاذ
سلمان:عز
وجدان:انت عز اسمع شد شعر معاذ
عز:شديه انتي
وجدان طلعت يدها من ورا وشدت شعر معاذ بقوه وصرخ معاذ والكل ضحك
معاذ:اتركييي شعرييي
وجدان:قل اسف ياوجدان واترك
معاذ مسك يدها ووخرها من شعره وقال:
والله لااعلم عمي تركي
وجدان سحب يدها بتوتر وقالت:احسن انقلع
غزلان:خلاص انتي وياه نبي ننام
نياف:مافيه نوم شغلو شي يخليكم تتنشطون
سعود:وضعك غريبببب
نياف:بس حلو صح
سلمان:مخيسس
فهد:وهو صادق لاعاد تروق روقانك يسبب توتر
نياف:اوفففف اقول شغلو كم باقي على الرجعه
فيصل شبك جواله وشغلها وكل العيال بدو يغنون ويرقصون عليها
سعود:خلاص غيروها
نياف:وش ودك به
سعود:جابر الكاسر احبه
نياف:احبه ولاادري وين اوديه ذبحني اكيد انه ذبحني
غزلان:اقول انت وياه خلاص عاد
سلمان:تبين نحط لتس راشد
غزلان:ايي وحط ياطير خذ قلبي وشله
نياف:سلوم عطني الجوال
سلمان اعطى الجوال نياف وحط نياف قال الوداع
سعود:ومقصده يجرح القلب
نياف:مُحال قلبي ينجرح من وداعه
موده:حطو نانسي عجرم
نياف:يابنات اي اغنيه تبون
وصال:يابنات يابنات
نياف:سلوم عطهم الجوال
سلمان عطاهم الجوال وكل البنات صارو يغنون معاها
نياف:يالله انك ترزقني ببنت تشبهني بكل شي حتى الاسلوب
فهد:من زين اسلوبك
عز:لاحرام اسلوبه حلو بس احس مستحيل تجي تشبهك خلها تشبه امها
نياف:عادي انا او امها كلنا حلوين
موده:كم بتجيك بنت انت
نياف:غمور وغزلان وفيصل ان شاءالله يجون
يوسف:انت تحب البنات يعني
نياف:الصغار اموت فيهممم ولاغمور قبل لاتجي حبيتها
فيصل:يارب فيصل يشبهني
نياف:لاخله يشبه معاذ
فيصل:خيرررر السمي ذا
معاذ:للحين يغار ذا
نياف:فيصل اسمع ذي
ورفع الصوت حق الاغنيه وقال:اعمل ايه وياك يا حماده اللي عملته ده اسوء عاده
يوسف:بزر انتت
نياف: عايز ترسم ارسم لكن من غير ما تشخبط ع الحيط شخبط شخابيط لخبط لخابيط مسك الالوان ورسم ع الحيط
صفقو البنات كلهم وضحك نياف وقال معاذ:والله انك كبير بس عقلك صغير
نياف:اعجبك اصبر
وجدان غيرتها وحطت بابا فين
نياف:يلا موده هايف رُوح غنوها
موده:بابا فين
هايف:بابا هنا اقوله مين
رُوح:قوله عمو
موده:عمو مين
بدور:وجدان عطيني الجوال شوي
وجدان عطتها الجوال وحطت جعل الرجاجيل للماحي
نياف:ترانا معاكنن هنا
بدور رفعت الصوت وصفقو البنات كلهم والعيال يضحكون
غزلان بصوت عالي:ياعل مافيهم الصاحييي
يوسف:كلنا صاحين بس انتي
مواليف:كل واحدٍ فيه جنيييه
فهد:مواليف ترا اخوتس وزوجتس هنا
تجاهلته مواليف وقالو البنات كلهم بصوت واحد وعالي:جعل الرجاجيييل للماحييي
نياف:صفقو ياعيال ذا اختبار
صفقو العيال وهم يضحكون
بدور:خلاص رحمناكم بنغيرها لكم
فيصل:حطي انت معك بورش وانا معاي ددسن
حطتها بدور وزاد نياف السرعه كأنه ينتظرها
فيصل:اييييييييييييي
سعود: وش فيك موتري مغبر ولا الشكل باين انه مطفر وش ذا النفسيه انت وشلون تفكر
يوسف:اقول خذ النصيحه لو ماتقبلها خذ بها وانا خوك لا تحذلها الرجاله نطولها نوصلها علوماً غير ذا العلوم ما نقبلها
معاذ: ولد وش العلم خلك شقردي يا رجال نفس الدم ولا انت دمك وردي
كلم باسلوبه خل عنك الشماته كلم بدربه كل الي حياته انت معك بورش وانا معي ددسن اسمعي عزازي وانت مايكل جاكسن
نياف: احب البر والطلعات وجواً سامر وغادي على ريح المطر نسمر ونار جمرها زادي ارحب ياوو هذاني من جديد اقطع
فتره بسيطه وارجع بالمفيد شي اكيد
مالها كلام ثاني معي خبرات وخذ الحكم من لساني
وصال:خلاصصصص انت ويييياههه
غزلان:مزعجين ماصدقو يلقون جوهم
فيصل:أمي كم أهواها أشتاق لمرآها
وأحن لألقاها وأقبل يمناها
عز وسلمان: أمي هي نبع حنان أمي هبة الرحمن والروح كما الريحان أتعطر بشذاها أمي كم أهواها أشتاق لمرآها
وأحن لألقاها وأقبل يمناها
فهد:أمي هي أحلى الحور يبدو في الوجه النور أمي فرح وحبور وضياء يغشاها
سعود ومعاذ: فأدم أمي بأمان وسلام يا حنان و لترضا يا رحمن أكرمني برضاها
أمي كم أهواها أشتاق لمرآها وأحن لألقاها وأقبل يمناها
بيان:ازعاج والله
هتاف:راسي صدع
رحيق:والله يضحكون
ريف:يضحكون بس صوتهم صداععععع
نياف:ياغزلان حطي ريمييي تكفيييننن
فيصل:بزر انت
نياف:ايه بزر
غزلان:ماتطلع
نياف:حطي عهد الاصدقاء
معاذ:يليللل يابنات عطوه العاب هايف
وجدان حطت سيمبا
نياف:تفهمونننننننن
وصال:تراك بزر عشان كذا
نياف:سيمبا سيمبا قادم سيمباء جاء
فيصل:حطوو الحديقة السريييه
موده:انا مااتابعهم كيف تتابعونهم
نياف:الطفوله ياموده
وصال:اسمع ذي وجدان تقول ل معاذ
حطت كم كنت غبيه
ضحكو العيال والبنات بس معاذ
معاذ:انطمي احس لتس
غزلان:خلاص يااطفال بنحط لكم امي ضمي يدي ضمي
حطوها البنات وكانو العيال يغنون معاها بس نياف
ورا عند البنات
وليف:غزلان غيرها بسرعه
غزلان:ليييه
وليف:غيرها وانتي ساكته
غزلان:لاماابي
وصايف فهمت على وليف وقالت:غزلان صدق غيريها
غزلان:طيب نغني خلوها
هديل:حطو اللي تبونها بعد ماتخلص
وليف سحبت الجوال من يد غزلان وقالت:
ماتفهمينن انتي اقولتس غيريهااا
معاذ:وش صاييير
غزلان:اختك ماتفهم سحبت الجوال وطفت الاغنيه
يوسف:وليفوه عيببب تراها خالتس
وليف:ادري انها خالتي بدون ماتقول بس ماترد ولاتفهم اقول لها غيريها كأنها ماتسمع
فيصل:خلاصص انتي وياها
نياف وقف قدام الشاليه وقال:ياكثر سوالفكم انزلو وصلنا
وجدان:اخييييرا
ونزلو البنات والعيال وكل واحد راح لغرفته ينام بس نياف اخذ شاور وطلع وجلس على الكنبه ودق الباب ودخلت وليف
نياف:هلا وليفي
وليف:تبي تنام؟
نياف:لامطول
وليف جلست جنبه وقالت:اجل بجلس عندك البنات نامن وطفشت
نياف:احلى من يجلس
وليف سكتت وقال نياف:سولفي لي عنتس
وليف:وشلون
نياف:هو انا اعرف وش تحبين بس اكلتس اللي تحبينها مااعرفها اشياء واجد عنتس مااعرفها
وليف بدت تسولف وتحرك يدينها وكان نياف يناظرها او بالأصح يتأملها
نياف:يعني ماتحبينه مع التوت؟
وليف:ايوه بدون توت احلى
نياف:طيب وش اللي احلى معاه غير التوت
وليف:ساده طعمه حلو
نياف:بدون ولاشي؟
وليف:اييي انت ماذقته بدون ولا شي
نياف:طيب اسمعي ماعلينا من الفرنش توست
وليف:وشو
نياف:شرايتس اليوم باليلل نطلع بس انا وانتي نفرفر
وليف:صعبه ذي
نياف:وشلون صعبه
وليف:باليلل بنجلس مع البنات وامي وخالاتي وعماتك وجداتي
نياف:وش علي منهم انا علي منتس انتي والبنات لاحقه عليهم تسحبين علي عشانهم؟
وليف:لامااسحب بس اذا سألوني وين تبين وش اقول
نياف:اعلمتس وش تقولين؟
وليف:ايوه
نياف همس لها وقال:طالعه مع ابو غمور
وليف:بالله
نياف:انا عندي تصريفه
وليف:وشهي
نياف:اذا نمنا وقعدنا اقولتس
وليف:بنامم عندك!!!؟؟
نياف:لاعند معاذ اكيد عندي
وليف:نياف والله لااموت من البنات
نياف:وش علي ب البنات
وليف:نوم مابنام عندك
نياف:بتنامين وطرق اصلا افتحي الباب اذا فتح اطلعي
وليف:مقفلل البابب؟؟
نياف:لا
وليف:اجل
نياف:المهم الحين تقارنين راحتي معاتس بالبنات؟
وليف:مااقارن بس انا اوعدك اول مانرجع الديره اسمر معك مع لحالك الحين بقعد مع البنات
نياف:كل شي البنات تقولين هم اللي بيتزوجنتس ماهوب انا
وليف:ياولد الناس ماني نايمه عندك ولابطلع نياف يعني صدق حنا مسافرين سفره عائليه ولاجلسنا معاهم بعدين نطلع مع بعض
نياف:زيين
وقام فتح الباب بالمفتاح وقال:البنات ينتظرونتس
قامت وليف وباست خده وطلعت من الغرفه على طول وقفل نياف الباب وانسدح على السرير ونام على طول
...........................................
٤ الفجر
...........................................
فيصل:نياف للحين نايم
ام وصايف:الكل جالس بس هو بغرفته شكله تعبان
معاذ:بقوم اشوفه
فيصل:لااقعد انا بقوم اشوفه
وقام فيصل لغرفة نياف
ابو ذياب:يحسب نياف حرمته يغار عليه
يوسف:جدييي لاتلومه اكثر واحد مع نياف فيصل
فيصل بصوت عالي:ياعيييالللل الورع ذا معصببب يقول ماكلين اكله من اللي بالعه ياجعله بالمغص
نياف ضرب فيصل على راسه وقال:تستهبل انت
فيصل:امزح معاك اصلا جدتي تنتظرك تبيك تنسدح على رجولها
نياف:يالله امش بس
وراحو للجلسه وانسدح نياف على رجول ام ذياب
سعد:الناس تسلم
نياف مارد عليه وقال:عمي باسم
باسم:سم
نياف:من اللي له علاج قلب بغرفتي لايكون انت
باسم:لاماهوب لي شكله لجدك لانه يدور علاجه
نياف قام وطلع العلاج من مخباه ومده لبو ذياب وقال:سم ي
سعود ابتسم وقال:ياجديي
نياف ناظره بحده وقال:يبو ذياب
ورجع جلس عند ام وصايف وام يوسف
ام وصايف:لايكون ضايق
نياف:لاماعليتس
ذكرى:متى تبون نرجع الديره
ام ذياب:حنا على حسب شغل نياف متى بيبدأ
نياف:مطول
فيصل:ماعلينا وش رايكم نلعب
نياف:طلعني من اللعبه مالي خلق
ابو ذياب دق جواله بذي اللحظه ورد وقال:
هلا
:شخبارك يامحمد
ابو ذياب:الحمدلله من معاي
:انا من المستشفى وابي اكلم احد من اهلك عشان مواعيدك
ابو ذياب ناظر نياف وقال:ايي امسك
نياف:وشو
ابو ذياب:كلمه يبي واحد من الاهل
نياف اخذ الجوال ورد وقال:هلا
:من انت عشان نعرف
نياف:حفيده
:صارله فتره مايجي مواعيده ولازم نصرف له علاج
نياف:ليه هو وش فيه
:انت ماتعرف؟
نياف:لا وش اعرف
:جدك فيه سرطان
نياف:انت صادق؟
:ايي نعم ولازم يجي بأقرب وقت عشان العلاج الكيماوي
نياف:اعتبره عندك
وقفل منه وناظر ابو ذياب وقال:ليه ماقلت لي
ابو ذياب:وش اقول
نياف تنهد وقال:اجهزو بنحرك الديره
سعد:ماهوب على كيفك تخلينا نحرك وقت ماتبي انت
نياف وقف وقال:اسمع عاد انت تبي تنثبر هنا انثبر ولااشوف وجهك انطم وابلع لسانك
فيصل:وش عندك انت وش صاير
نياف:ماعندي شي بس استعجلو
والكل قام لانهم لو سألوه ليه بنحرك الحين بيعصب
ابو ذياب عرف ان نياف درا انه تعبان ولحقه لغرفته ودخل وراه وحصله جالس ويناظر الباب
ابو ذياب:نياف
نياف:يبه ليه ماقلت لي ليييه ليه تتعب نفسك ولاتقول لي ليه ماتروح المواعيد الحين امداه ينتشر بجسمك خنقتني وانا مخنوق بلاياك ليهه ماتقول لي انا ولدك ليه ماقلت ليي كنت بوديك كل يوم بس عشان تتشافى
ابو ذياب حضن نياف وقال:الشي هذا كاتبه رب العالمين يانياف ماهوب بيدي ولا بيدك
نياف:الحين لازم نوديك بس انت لاتتعب
ابو ذياب:يلا يلا قم عشان نحرك
نياف:انت ارتاح وحنا بنقوم
وطلع ابو ذياب من الغرفه وهو يعرف ان نياف مو مرتاح الحين هو كان مخنوق وانخنق زياده بسبب اللي سمعه
ابو ذياب:ياوليييفففففف
وليف جت:هلا جدي
ابو ذياب:ادخلي شوفي نياف ماهوب على بعضه
وليف:ليه وش فيه
ابو ذياب رفع كتوفه ب عدم المعرفه ودخلت وليف غرفة نياف وشافته يضب ملابسه وقالت:كان قلت لي
نياف:مايحتاج
وليف:انت من كلمت عشان تختبص وتخلينا نحرك قبل رمضان بيومين
نياف:كلمت شخص وعشان كذا
وليف تقدمت له وقالت:انت شفيك تعبان؟
نياف:لا
وليف:الا الا تعبان
نياف:اقولتس ماني تعبان
وليف:تمام تبي شي قبل لا اطلع؟
نياف هز راسه بمعنى"ايوه"
وليف:وشو
نياف تقدم وحضنها وقال:الحين ماابي الا سلامتس وسلامتي
وليف ابتسمت وطلعت من غرفته وراحت للبنات فوق تكمل ترتيب معاهم
(الساعه ٨الصباح)
سعود:يلا عادد ساعتيين ترا كلها شنطتين
نياف ضرب سعود على راسه وقال:انططمم شف شناطك انت
سعود:تستهبل انت والله الشمس صكت براسييي وهذولن ساعتييين
ريف:جييينا جييينا
فيصل:نيوفي انا بجي معاك
نياف:اركب يلا
وركبو البنات والحريم والرجال وكان سعود يسوق فيهم والعيال ورا
ابو ذياب:نياف ليه مايسوق فينا
سعود:والله مدري تبيني اشوفه؟
ابو ذياب:اييه شفه
ونزل سعود من السياره قبل يحرك نياف ودق الشباك وقال:نيافوه
نياف:سم شبغيت
سعود:جدي يقول ليه نياف مايسوق فينا يبيك تسوق فيه
نياف همس لسعود وقال:قل له عند المهبوله غزلان والمطفوقه وجدان
سعود:مالتتتتت بدال ماتنزل فيصل عشان جدك
نياف:سعود لاتكبر الموضوع ترا كلها سبع ساعات
سعود شد شعر نياف وركض للجمس وقال لأبو ذياب اللي نياف قاله
ام ذياب:يلا حرك
نياف:معاكم كل شي صح عشان مانمر البقاله
وصال:اييي ماعلييك
فيصل:يويطي نياف هذا صوت معاذ ليه راكب عند البنات
نياف:اسكت الا بنات غدير
وحرك السياره وكانت سيارة العيال ماشيه قبله
وجدان:نشغل شي ولا بدون؟
نياف:كيفتس فيصل هات نظارتي انعمت عيني
فيصل:الله يبو عيون حلوه وملفته
نياف: اخلصني
عطاه فيصل النظاره وقالت مضاوي:شغلو محمد عبده
فيصل:خاله مضاوي تبين تاكلهم الهواجيس خليهم كذا
نياف:فيصل رد على اللي يدق ذا
وسحب فيصل جوال نياف وحطه سبيكر
نياف:ليه تحطه سبيكر
فيصل:عشان نسمع كلنا
نياف سحب الجوال وسكر السبيكر وقال:
تغاضى والعتب مرفوع تناسى ذنبي المسموع فبعدك ماني متحمل تلاحق قلبي الموجوع
نادر:أبيها منك هالمرة أبطفى بالحشا جمره ترى أيامي عقب عينك غدت يا صاحبي مره
نياف:ارحببب ياندوريي وش علومك
نادر:البقى الحمدلله وشعلومك انت
نياف:على كيف كيفك
نادر:متى ناوي تجي الديره
نياف:بالطريق للديره بس اسمع ابي امك تسوي لي كبستها يااني مشتهيهاااا
نادر:تدري انها كل ماتطبخ الكبسه تقول لو نياف عندنا اكلها كلها
نياف:قل لها اني بالطريق وبحضنها واسلم عليها
نادر:امييي لاتطمع
نياف:سلم عليها يبو مسفر
نادر:يوصل
وقفل من نادر وقال:من أول وانت تعنيلي
قبل تسكن مواويلي وزاد الحب فوق الحب ألا ياحلمي وليلي
فيصل:اسكت اسكتتت صوتك ازعجني
ام يوسف:وش عندك عليه
فيصل:بس كذا
ام وصايف:شغلي شي ياوجدان
ام ذياب:مايحتاج حنا نغني بصوت واحد يلا يابنات
ام يوسف وذكرى:حظي عجاجة والحبايب قراطيس من يمسك القرطاس وسط العجاجة
البنات كلهم بنفس الوقت:قراطيس ومن يمسك القرطاس وسط العجاجة ياحظي اللي دايم الدوم المعكوس مدري قرادة حظ ولا وراثة
نياف:صح لسانكن بس مو كذا
فيصل:وش ودك به
نياف شبك جواله بالسماعه وحط قايد الغزلان
فيصل:اوه جده مناير ناظري ذا الصحح
نياف:هات يدك بس
ومسك يد فيصل وصارو يرقصون ويضحكون
وصايف:نيافف حط شاقني شاقني ياغزال ولعتني
نياف:امسكي كرتون المويه اللي عندتس وطبلي عليه
وبدت تطبل عليه وصايف
فيصل:صفة نبيها أثنين يلا صفوا صفين
مابي زعل مابي حزن يلا اترسولي العين
ابي اسمع صوت الطبل والصاقول يصقل صقل يا كاسور اكسر كسر وابي انسى اللي حصل وانا اليوم بستانس وبونسكم طقوا رقبة هزوا الخصر خلونا نسهر ونغني للفجر مابي زعل مابي حزن يلا اترسولي العين
نياف:مابي أرجع وأحب وأسهر ليالي ولا أعشق وأجلس اليوم لحالي اليوم انا بستانس وبونسكم طقوا رقبة هزوا الخصر خلونا نسهر ونغني للفجر
البنات كلهم بحماس:طير يا الزير طير
شاقني شاقني يا غزال ولعتني من يوم شفته وشافني شاقني شاقني هدا هدا يلا هدا والحفل توى ابتدا كل شر عنكم غدا هدا هدا يلا فلوا الشعور يلا شبوا البخور
هذا اهو أحلى شعور رقصوا يننوا الحضور
ربي جمع شملنا وحد كل قلوبنا لا تفرق بيننا ربنا ربنا
نياف بصوت عالي:شاقني شاقني يا غزال ولعتني من يوم شفته وشافني شاقني شاقني
فيصل:اييييييييوه عاشوووو
غزلان:يمه ويمه مها غنو لنا اغانيكم القديمه
ام سعد:وش نغني لكم ناسينها كلها
نياف:فصفص تسوق؟
فيصل:تعبت؟
نياف:نعست بنام شوي
فيصل:وقف يلا
ووقف نياف ونزل وراح مكان فيصل
ورا عند البنات
وجدان:ريففف لاتغشيييننننننن
ريف:اصبري انتيي قاعده احاول احط ذييي
غزلان:ماتفوزييين عليينا ياوجدان
وجدان:انطمي انتييي
غزلان:تراني خالتس
وصايف:ابثرتينا تراتس خالتكن خالتكن انطمي بس
مواليف:الحين لو نياف اللي قايل لها كذا ماتقول انا خالتك لان الاستاذ نياف غيير عندها
وصال:ابن المحظوظه ياخذ كل الحب
هديل:ايي صدق غزولي ليه بس تعصبين علينا وماتعصبين على نياف
رحيق:ولد خالي ماخذ حب غزلان كله
غاده:ومو بس غزلان حتى وليف من جاء طاري نياف ابتسمتت
وصال:اسمعي وليف
وليف:وشهو
وصال:بعدين يعني اذا صار عرستس انتي ونياف قولي له يدبر لي واحد مثله ابي مثله يعني شوفي ابي واحد مثل شعره وغمازته ولون عيون وذوقه بالملابس صح ان نصها اسود بس يلا ماعليه وابي بعد مثل ذوقه بالاغاني وابي بعد واحد نفس مزحه معانا وضحكه وخليه يجيب واحد مثل فيصل يصير لبدور والثاني يصير معاذ لعيون وجدان والثالث سعود لغاده
وجدان:وش ابي بواحد مثل معاذوه ذا ابو كرش
غزلان:ايي وليف وقولي لنياف لايتغير علي
وليف:يمه هي هدو طلبات قولن له هو مو لي انا
بيان:اييي ولييييففف وقولي له يسمي ولده الفيصل مو فيصل
مواليف:شفيه فيصلل ياحلوه بس
بدور:ادعسس اختي تحبين فصفص
موده:اصص انتي وهي نياف وفيصل يسمعون
نغم:عادي خليهم يسمعون
هتاف:وليييففف قولي له يسوي لنا جوله في بيتكم
هديل:وبعد خليه يغني بنص الجوله وش يغني ياوجدان
وجدان:بس انا خايف علينا ياغلاي لا يجينا يوم وافقد مسمعك
وليف:وجدان انتي اسكتي لاعاد تغنين
وجدان:لييه ان شاء الله
وليف همست لها:كيفي مااحب اسمع صوت غير صوت نياف يغني ذي الاغنيه
وجدان:عششتووووو قال مااحب اسمع صوت غير صوته
غاده:وليف قسم بالله ياانتس حاله خاصه انتي ونيافوه
غزلان:حاله غريبه ومواليف وفيصل مايتقابلون كثر وليف ونياف
مواليف:من قال لتس ترانا نشوف بعض عند المسبح
بيان:ادعسسس
غزلان:بنات شرايكن دام رمضان قرب نسوي سحور اول يوم لبنات الديره كلهن ونجلس معاهن ونسولف ونطرد العيال
مواليف:السحور يكون بكره الفجر؟
وصايف:اييي غزلان وخلي العيال يضبطون السطح لنا والانوار
وجدان:وتجي سوالف عن غراموه عليها ملاحظات هالعوبا
وليف:تصدقون بديت اشبكها مع نادر صديق نياف احسهم يصلحون لبعض
غزلان:ايي صدق كلهم ناشبين لنياف
(وكملو سوالف لين وصلو الديره والبيت)
نياف:يبه بكره الصبح اوديك موعدك
فيصل همس لمعاذ:تصالحو ذولي؟
معاذ:والله شكلهم
سعد:يلا ياعيال يلا يابنات
ام ذياب:وين ياسعد
سعد:نبي نروح لبيتنا نرتاح وانتم ترتاحون ونجيكم بعدين(ومشو الحريم والبنات والعيال للبيت اللي كان فيه باب مشترك بين البيت حقهم وبيت ام ذياب)
نياف:فيصل معاذ يوسف سلوم فهود ترا ننام بغرفتي
رُوح ركضت لنياف وقالت:عادي انام عندك؟
نياف ناظر خالته ام فهد وعمه عبدالله وقال:
قولي لأمتس وابوتس
رُوح:ماما بابا عادي انام عند نياف بس اليوم بلعب معاه
ام فهد:وش تبين انتي بين العيال
عبدالله:خليها توها صغيره
تركي:عبدالله ترانا بنمشي الرياض عشان عقارات البيوت اللي هنا بتجي معانا بسيارتك؟
عبدالله:اييي انتظروني
نياف:ولايهمتس ياخاله انام انا وهي بالصاله بس لاتكسرين خاطرها عشان العيال
غزلان:احط لك فراش؟
نياف:اييي ياغزلان تراني تعبان وبتشقق من التعب
فيصل:نايييم طول الطريق
نياف:ماني نايم قاعد اهوجس
ومشى يسلم على باسم وتركي وعبدالله قبل لايمشون هم جو بسياره وبيرجعون بنفس السياره
تركي:تعرف اللي بقوله
نياف:بعيوني لاتخاف عليهن
عبدالله:انتبه لأصايل
نياف:عندها فهود بس انا انتبه لبنات غديري وغزلاني ومنايري وقلبي غيرهم مافيه
باسم:ووليف سحبت عليها
نياف همس لهم بصوت شبه مسموع:
مااسحب على قلبي ياعمي
باسم:خفيف اثقل شوي
نياف:قلبي رهيف عاد انا اسمح لكم تسلمون على بناتكم وعيالكم وخالاتي
ودخل داخل ومعاه ام ذياب اللي كانت تشوف ابتساماته وهو يكلم عبدالله وتركي وباسم
وسلمو البنات والعيال عليهم والكل دخل داخل من مشو للرياض
نياف فتح حضنه وقال:رُوح اذا ماجيتي بسحب عليتس
غزلان تعاند رُوح تقدمت وحضنت نياف وقالت:سبقتها
نياف:نشبه انتي نشبه
فيصل:خالتك ياولدى
نياف:غزلاني ذي ماهي بخالتي
غزلان:حتى لو خالتك لاتكذب
نياف:مااكذب مااحب اقولتس خاله غزلان
غزلان:وراعينك بيقولون لي خاله غزلان
نياف:ام سيف روحي للبنات
فهد:بعدين صدق تنام بالصاله عشان روح؟
نياف:ايي عادي انام بالصاله
معاذ ركض وقال:السرير ليييي
سلمان:احجز ليييي جنبكككككك
وكل العيال ركضو للغرفه وصار معاذ وجنبه سلمان على السرير
فيصل:لي الكنبه وفهود ويوسف على الارض
يوسف:غش والله غش تعبانن
معاذ:تعال انا انام على الارض ولايتعب ظهرك
يوسف حضن معاذ وقال:احبك ياشيخ
وكل واحد انسدح بمكانه وبسرعه نامو
بالصاله عند نياف اللي كان يسمع سوالف رُوح وكانت تقول له سوالف البنات يوم كانو بالخط(نقالة علوم)
نياف:بيعزمون بنات الديره بالسطح؟
رُوح:اييييوه واللي جاب الفكره خالتو نوني
نياف:وبعد وش قالن
رُوح:وجدان غنت اغنيه ووليف قالت ابي اسمعها بصوت نياف ومواليف تقول
نياف حس انها بتجيب العيد وقال:خلاص يلا نامي
رُوح نامت على طول وقام نياف وراح للغرفه اللي فيها العيال وشاف فيصل على الارض وسحب البطانيه ونام هو على الكنبه
............................................
نياف والاخت المجهوله!! ، وحسنا علاقة ابو ذياب ونياف وش باقي؟
الكاتبه:منيره آل عبدالعزيز💙.