(Unicode)
စက္ကကို ပြန်ပို့ပေးပြီးတော့ ဟန်လင်းညိုသည် သူ့ကွန်ဒိုကို မပြန်သေးဘဲ မိဘများအား မတွေ့ရတာကြာ၍ အိမ်သို့ ပြန်မိသည်။ သူသည် ဆေးခန်းနှင့် အိမ်က အနည်းငယ်လှမ်း၍ မြို့ထဲမှာတင် ကွန်ဒိုတစ်ခုဝယ်ပြီး တစ်ယောက်တည်းနေထိုင်ခဲ့တာဖြစ် သည်။ အသက်၃၀ကျော်ယောကျာ်းတစ်ယောက်ဖြစ်နေပြီမို့ ကိုယ့်ခြေထောက်ပေါ်ကိုယ်ရပ်တည်နိုင်ပြီဆိုသောသဘောကို ဆောင်ချင်သည်။ အဖေက ကုမ္ပဏီတစ်ခုလုံးကို ဦးစီးလုပ်ကိုင်နေသည်မို့ မိဘတွေအတွက် ဘယ်သောအခါမှ စိတ်မပူရ။ အဖေနှင့် အမေရယ်၊ သူရယ်ပဲ ရှိတာမို့ မိသားစုဘဝက ခြောက်ကပ်ကပ်ဖြစ်နေသည်ကတော့အမှန်။ အိမ်ထောင်ပြုဖို့ကျတော့လည်း သူ့မှာ ချစ်သူရည်းစားဟူ၍ မရှိ။ မိဘများကတော့ သူ့ကို အိမ်ထောင်ပြုခိုင်းနေကြပြီ။
" အမေ"
" ဟယ်...သားပြန်လာတယ်"
အမေက သူ့ကို မြင်တော့ ပြေးဖက်ရှာသည်။
" ဟယ် ကိုကို"
" အတော်ပဲ နွယ်က အမေတို့အဖို့ မုန့်လာပို့ပေးတာ"
" ဪ နွယ်လည်း ရောက်နေတာပဲ"
နွယ်ဟု အတိုကောက်ခေါ်သောမိုးသားနွယ်ဆိုတာ သူနှင့်ဆွေမျိုးမတော်စပ်ပေမဲ့ မိဘချင်းရင်းနှီးကြတော့ အမေက သူ့ကို မျက်စိကျနေပြီး ဟန်လင်းညိုနှင့် သဘောတူနေတာ ဖြစ်သည်။ နွယ်က သူ့ထက်၈နှစ်လောက်ငယ်ပေမဲ့ နွယ်က မြန်မာမှုကို အလေးထားပြီး အိန္ဒြေကြီးသော မိန်းကလေးတစ်ယောက်ဖြစ်၏။ သူ အိမ်မှာ မရှိချိန်တိုင်း သူ့မိဘနှစ်ပါးကို အဖော်လာပြုပေးနေကျမို့ အမေက သူနှင့် ဟန်လင်းညိုကို အများကြီးနီးစပ်စေချင်သည်။ သူ့ဘက်ကတော့ နွယ့်ကို ကိုယ့်ညီမလေးအရင်းတစ်ယောက်လို တန်ဖိုးထားသည်။ သို့ရာတွင် နွယ်က သူ မငြင်းပယ်နိုင်လောက်အောင် အဘက်ဘက်က ပြည့်စုံသောမိန်းကလေးတစ်ယောက် ဖြစ်သည်။
" အဖေရော အမေ"
" သားအဖေက ပြန်မရောက်သေးဘူး၊ ခဏနေတော့ ပြန်ရောက်လိမ့်မယ်ထင်တယ်"
" ဪ..."
" ကိုကိုရော့ နွယ်ကိုယ်တိုင်လုပ်ထားတဲ့မုန့်လေး စားကြည့်"
" အင်း"
ဟန်လင်းညိုလည်း ကမ်းပေးလာသည့်ပန်းကန်ကို လှမ်းယူလိုက်ပြီး မုန့်ချိုကို အနည်းငယ်စားကြည့်၍ အရသာရှိကြောင်း ခေါင်းညိတ်ပြလိုက်သည်။
" သား သည်ည သည်မှာပဲ အိပ်သွားမယ်မလား"
" ဟုတ်ကဲ့ အမေ၊ ၇နာရီတောင်ထိုးပြီဆိုတော့ သည်မှာပဲ အိပ်တော့မယ်"
" ဪ ဒါဆို နွယ့်ကို အိပ်ပြန်လိုက်ပို့ပေးလိုက်ပါလား သား၊ မှောင်နေပြီမို့"
" ဟုတ်ကဲ့ အမေ၊ သား လိုက်ပို့ပေးလိုက်ပါ့မယ်၊ လာ နွယ်"
" ဟုတ်ကဲ့ ကိုကို"
ထို့နောက် နွယ်က သူတို့၏တစ်လမ်းကျော်မှာ နေတာမို့ လမ်းလျှောက်ပြီးသာ လိုက်ပို့ဖြစ်သည်။
" ကိုကို သည်မှာပဲ ပြန်လာနေပါလား"
" အင်း အစ်ကိုလည်း နေချင်ပါတယ်၊ ဒါပေမဲ့ သွားရလာရတာ အဆင်မပြေဘူးလေ"
" အင်းပေါ့"
လမ်းလျှောက်နေရင်း နှစ်ယောက်ကြားက လေထုသည် ပြန်တိတ်ဆိတ်သွားပြန်သည်။
" ရောက်ပြီ ကိုကို၊ လိုက်ပို့ပေးတာ ကျေးဇူးပဲနော်၊ ဂရုစိုက်ပြန်"
" အင်း ဘိုင့်ဘိုင်"
နှုတ်ဆက်ပြီး ပြန်လှည့်အထွက် နွယ်က သူ့ကို ရုတ်တရက် လှမ်းခေါ်လာပြန်သည်။
" ကိုကို"
" ဟင်"
" ကိုကို နွယ့်ကို အဆက်အသွယ်မဖြတ်ထားပါနဲ့လား၊ နွယ်တို့က တစ်ချိန် လက်ထပ်ရမဲ့လူတွေလေ၊ တစ်ယောက်နဲ့တစ်ယောက် သည့်ထက်ပိုပြီး ရင်းရင်းနှီးနှီးတိုင်တိုင်ပင်ပင် ရှိသင့်တယ် မဟုတ်ဘူးလား"
" အင်းပါ၊ နွယ် ပြောတာ မှန်ပါတယ်၊ ဒါပေမဲ့ အစ်ကိုက မအားတာများတယ်လေ၊ စိတ်ချပါ၊ အစ်ကိုတို့က တစ်ချိန်လက်ထပ်ရမှာပဲ၊ သည်လိုနှစ်ယောက်ကြားကိစ္စတွေက မလိုလောက်ဘူးလို့ အစ်ကို ထင်တယ်"
ပြုံးပြရင်း ကျောခိုင်းလှည့်ထွက်လာခဲ့သည်။ တကယ်ဆို သူ့ဘဝကြီးက အထီးကျန်ဆန်လွန်းသည်။ သူ့အသက်က လူပျိုကြီးစာရင်းပင် ဝင်လုပြီ။ သည်လိုမျိုးလူငယ်တွေနှင့်အတူ အပျော်အပါးအချိန်ပေးဖို့ သူ့စိတ်အစဥ်ဟာ မဆောင်တော့ပါ။ ကိုယ်လက်ထပ်ရမဲ့မိန်းကလေးကို အားနာပေမဲ့လည်း မတတ်နိုင်ချေ။
/~/
/ omo~omo ဒါ နေခမင်းမြတ်ကြီးမလား /
/ ငါ့အထင်မဟုတ်လောက်ဘူး ထင်တယ်နော်/
/ ပထမအလွှာက အမျိုးသမီး စကားကို ဆင်ခြင်ပြော၊ ငါတို့နေခက မာနမင်းသားနော်၊ ကြမ်းကြမ်းရမ်းရမ်း အဟင်း.../
/ သည်မှာ အလွှာတွေ ထည့်ပြောမနေနဲ့၊ နင်တို့ရဲ့မာနမင်းသားကြီးက ဟိုက ကောင်လေးရင်ခွင်ထဲမှာ မြုပ်နေတာ မမြင်ဘူးလား/
/ အမလေး သေပါပြီ၊ ဒါဘယ်လိုတောင်ဖက်ထားတာလဲ၊ သူ ဆိုတာ သေချာနေပြီကို၊ ငါ့ရဲ့ဝါရင့်နှလုံးသားကြီးက သည်အခြေအနေကို ကောင်းကောင်းကြီးခံစားမိနေတယ်/
/ သေရင် သွားသေလိုက်ပါ အစ်မ၊ shipper ဆိုပြီး အာချောင်တော့မယ်၊ သူ့ကို အားမနာရင်တောင် သူနဲ့ တွဲရိုက်ခဲ့တဲ့ ကျွန်မတို့ရဲ့မင်းသမီးကို အားနာသင့်တယ်မလား/
/ သူ့ကိုတော့ လုံးဝမကွေးနိုင်မဲ့အဖြောင့်ကြီးလို့ ထင်ထားခဲ့တာလေဟာ T T/
/ နင်တို့ သည်လိုလောင်နေချိန် ငါကတော့ သူ့ Seme ကြီးကိုပဲ သိချင်တယ်/
/ နေခမင်းမြတ်လို ဗလတောင့်တဲ့အချေမင်းသားကိုတောင် အောက်ပို့တယ်ဆိုတော့ သည့်ဘဲကြီးက အထက်တကာ့အထက်ပုဂ္ဂိုလ်ကြီးပဲ ဖြစ်ရမယ်/
/ ကိုနေခရေ မနေ့ကမှ ရိုက်တင်ခဲ့တဲ့ဆစ်ပက်ကြီးကို အားနာပါဦးဟ၊ ဂေးရင်တောင် အထက်ပုဂ္ဂိုလ်လောက်တော့ ဖြစ်သင့်တယ်မလား/
Cele စုံထောက်က တင်လိုက်သည့်ပုံက ၅မိနစ်အတွင်း Share နှင့် Comment များ ထောင်ချည်ကုန်သည်။
/ ဒါ ဟို bar က အစ်ကိုမလား၊ @may su ရေ လာကြည့်ပါဦး၊ ညည်း ဦးခန့်လို့ အော်အော်နေတဲ့ တစ်ယောက်လားလို့/
/ ဟမ် ဘာကြီးလားဟ၊ မဖြစ်နိုင်ဘူးလေ၊ အမလေး သေပါပြီ ငါ့ oppa/
ပုံက လူကြီး၊လူငယ်မရွေး ပျော်ပါးသောက်စားလို့ရသည့် fantasy hotel & bar ရှေ့မှာ ရိုက်ထားသည့်ပုံ။ နေခမင်းမြတ်ကို ထက်ဦးခန့်က ဆွဲသိမ်းပြီး တားနေသည့်ပုံ ဖြစ်သည်။ အရှေ့က အမျိုးသမီးတစ်ယောက်ကလည်း ပါသေးသည်။ သို့ပေမဲ့ နေခမင်းမြတ်က ရုပ်ဖျက်ထား၍ သူပါဟု အတပ်ပြော၍မရ ဖြစ်နေကြ၏။
fantasy ၏ နာမည်ကြီးသည့် အဓိကအချက်က စက္ကမင်းမြတ်နှင့်ထက်ဦးခန့်ကြောင့် ဖြစ်သည်။ အရွယ်သုံးပါးအမျိုးသမီးများ၏အကြိုက်နှင့် ထပ်တူကျနေသောသူတို့နှစ်ယောက်ကြောင့် Fantasy က တခြား hotel တွေ၊ bar တွေထက် အောင်မြင်မှုနှုန်း ပိုမြန်သည်။ ထို့အပြင် သူတို့နှစ်ယောက်၏ fan page တွေတောင် ရှိသေးသည်။ သူတို့ သီချင်းဆိုပုံတွေ၊ လှုပ်ရှားပုံတွေကို ဆိုင်သို့ တကူးတကလာပြီး ရိုက်ယူထားကြတာဖြစ်သည်။
ထိုအခြေအနေကြောင့် ဒေါ်မေခ comment တွေကို ဖတ်ရင်း မူးမေ့လဲချင်တော့သည်။ Cele စုံထောက်က တခြား media တွေလို ပိုက်ဆံပေးပြီး လွယ်လွယ်သတင်းဖျက်ခိုင်းလို့ ရသည့် media တစ်ခုမဟုတ်။ သည်လိုအခြေအနေအထိ သားဖြစ်သူကို လွှတ်ထားမိလေခြင်းဆိုပြီး ကိုယ့်ကိုယ်ကိုယ်သာ ဒေါသထွက်ရပြန်သည်။
သားဖြစ်သူ၏အခန်းကို တံခါးသွားခေါက်တော့လည်း သားက အခန်းထဲမှာမရှိ။ သည်နေ့ ရှူတင်မရှိသည့်နေ့ကို ဒီကောင်လေးဘယ်တွေ လည်ပတ်နေသည်မသိပါ။ ခက်ဇော်ကို ဖုန်းဆက်ပြီး သားကို အမြန်လိုက်ရှာခိုင်းလိုက်သည်။
တီ...တီ...
" ဟယ်လို ခက်ဇော် သားဘယ်မှာလဲ၊ သားကို တွေ့ပြီလား"
" အန်တီစိတ်ကို အေးအေးထား၊ နေခကို အဲ့ဆိုင်မှာ မတွေ့တော့ဘူး၊ သူ အဲ့ကောင်နဲ့ ဘယ်ကိုပါသွားလဲ မသိဘူး"
" ငါ သေသာ သေလိုက်ချင်တော့တာပဲ၊ နေခမင်းမြတ်...နေခမင်းမြတ်...အခု သူအဲ့ Bar ကို သွားပြီး အပျော်အပါးလိုက်စားနေတယ်လို့ သူ့ပရိသတ်တွေက ထင်ကုန်ကြပြီ"
" ဟို ဟုတ်လို့လား အန်တီရဲ့၊ ကျွန်တော် comment တွေကို ဖတ်ကြည့်သလောက်တော့ သူ့ကို ဟိုကောင်လေးနဲ့..."
ဆက်ပြောသင့်၊ မပြောသင့်စဥ်းစားပြီးနောက် ခက်ဇော် နှုတ်ပိတ်လိုက်သည်။ အခုခေတ် လူကြီးတွေက ဘာမှ နားလည်တာမဟုတ်ဘူး။ သည်လို လွယ်လွယ်နှင့် အခြေအနေကို ပြောပြလိုက်လျှင် သွေးတက်သွားလိမ့်မည်။
//နေခမင်းမြတ်ရေ..ရွှေသွေး ....မအေဘေး မွှေတယ်ဟ!//
" စိတ်မပူနဲ့ အန်တီ၊ သူ ပြန်လာမှာပါ၊ သည်အခြေအနေကို သူ မသိသေးလို့ နေမှာပါ"
" သူ အခု သည်လိုလျှောက်သွားနေလို့ မရဘူးလေ၊ media တွေက သူ့နောက်လိုက်နေမှာ"
" ဟုတ် ဒါပေမဲ့ အခုလို ရှောင်နေလိုက်တာလည်း ကောင်းတယ် မဟုတ်ဘူးလား"
" သားခက်ဇော်ရယ် အန်တီ အားကိုးပါတယ်၊ သားသူငယ်ချင်းကို ရအောင်ရှာပေးပါ။"
" စိတ်ချအန်တီ"
ခက်ဇော်နှင့် ဖုန်းပြောပြီးတာတောင် သူ့စိတ်က မအေးရသေး။ သည်သားတစ်ယောက်နှင့်ပင် တော်တော်စိတ်ဆင်းရဲရသည်။ ဪ...သားကြီးကတော့ သားငယ်လို မဆိုးလောက်ပါ။ အမေ့သားကြီးကတော့ လိမ္မာမှရမည်။ သတိရမိတော့ ဦးမင်းမြတ်ပေးခဲ့သောဖုန်းနံပါတ်လေးကို နှိပ်ကြည့်ပြီး ခေါ်ကြည့်လျှင် ကောင်းမလားဟု တွေးပြီးမှ ပြန်ချလိုက်သည်။ ကျွန်မ၏သားငယ်အပေါ် မထိန်းသိမ်းနိုင်ဖြစ်နေသည့် ပုံကို ရှင့်ကို မမြင်စေချင်ပါ။
____________
(Zawgyi)
စကၠကို ျပန္ပို႔ေပးၿပီးေတာ့ ဟန္လင္းညိဳသည္ သူ႔ကြန္ဒိုကို မျပန္ေသးဘဲ မိဘမ်ားအား မေတြ႕ရတာၾကာ၍ အိမ္သို႔ ျပန္မိသည္။ သူသည္ ေဆးခန္းႏွင့္ အိမ္က အနည္းငယ္လွမ္း၍ ၿမိဳ႕ထဲမွာတင္ ကြန္ဒိုတစ္ခုဝယ္ၿပီး တစ္ေယာက္တည္းေနထိုင္ခဲ့တာျဖစ္ သည္။ အသက္၃၀ေက်ာ္ေယာက်ာ္းတစ္ေယာက္ျဖစ္ေနၿပီမို႔ ကိုယ့္ေျခေထာက္ေပၚကိုယ္ရပ္တည္ႏိုင္ၿပီဆိုေသာသေဘာကို ေဆာင္ခ်င္သည္။ အေဖက ကုမၸဏီတစ္ခုလုံးကို ဦးစီးလုပ္ကိုင္ေနသည္မို႔ မိဘေတြအတြက္ ဘယ္ေသာအခါမွ စိတ္မပူရ။ အေဖႏွင့္ အေမရယ္၊ သူရယ္ပဲ ရွိတာမို႔ မိသားစုဘဝက ေျခာက္ကပ္ကပ္ျဖစ္ေနသည္ကေတာ့အမွန္။ အိမ္ေထာင္ျပဳဖို႔က်ေတာ့လည္း သူ႔မွာ ခ်စ္သူရည္းစားဟူ၍ မရွိ။ မိဘမ်ားကေတာ့ သူ႔ကို အိမ္ေထာင္ျပဳခိုင္းေနၾကၿပီ။
" အေမ"
" ဟယ္...သားျပန္လာတယ္"
အေမက သူ႔ကို ျမင္ေတာ့ ေျပးဖက္ရွာသည္။
" ဟယ္ ကိုကို"
" အေတာ္ပဲ ႏြယ္က အေမတို႔အဖို႔ မုန္႔လာပို႔ေပးတာ"
" ဪ ႏြယ္လည္း ေရာက္ေနတာပဲ"
ႏြယ္ဟု အတိုေကာက္ေခၚေသာမိုးသားႏြယ္ဆိုတာ သူႏွင့္ေဆြမ်ိဳးမေတာ္စပ္ေပမဲ့ မိဘခ်င္းရင္းႏွီးၾကေတာ့ အေမက သူ႔ကို မ်က္စိက်ေနၿပီး ဟန္လင္းညိဳႏွင့္ သေဘာတူေနတာ ျဖစ္သည္။ ႏြယ္က သူ႔ထက္၈ႏွစ္ေလာက္ငယ္ေပမဲ့ ႏြယ္က ျမန္မာမႈကို အေလးထားၿပီး အိေျႏၵႀကီးေသာ မိန္းကေလးတစ္ေယာက္ျဖစ္၏။ သူ အိမ္မွာ မရွိခ်ိန္တိုင္း သူ႔မိဘႏွစ္ပါးကို အေဖာ္လာျပဳေပးေနက်မို႔ အေမက သူႏွင့္ ဟန္လင္းညိဳကို အမ်ားႀကီးနီးစပ္ေစခ်င္သည္။ သူ႔ဘက္ကေတာ့ ႏြယ့္ကို ကိုယ့္ညီမေလးအရင္းတစ္ေယာက္လို တန္ဖိုးထားသည္။ သို႔ရာတြင္ ႏြယ္က သူ မျငင္းပယ္ႏိုင္ေလာက္ေအာင္ အဘက္ဘက္က ျပည့္စုံေသာမိန္းကေလးတစ္ေယာက္ ျဖစ္သည္။
" အေဖေရာ အေမ"
" သားအေဖက ျပန္မေရာက္ေသးဘူး၊ ခဏေနေတာ့ ျပန္ေရာက္လိမ့္မယ္ထင္တယ္"
" ဪ..."
" ကိုကိုေရာ့ ႏြယ္ကိုယ္တိုင္လုပ္ထားတဲ့မုန္႔ေလး စားၾကည့္"
" အင္း"
ဟန္လင္းညိဳလည္း ကမ္းေပးလာသည့္ပန္းကန္ကို လွမ္းယူလိုက္ၿပီး မုန္႔ခ်ိဳကို အနည္းငယ္စားၾကည့္၍ အရသာရွိေၾကာင္း ေခါင္းညိတ္ျပလိုက္သည္။
" သား သည္ည သည္မွာပဲ အိပ္သြားမယ္မလား"
" ဟုတ္ကဲ့ အေမ၊ ၇နာရီေတာင္ထိုးၿပီဆိုေတာ့ သည္မွာပဲ အိပ္ေတာ့မယ္"
" ဪ ဒါဆို ႏြယ့္ကို အိပ္ျပန္လိုက္ပို႔ေပးလိုက္ပါလား သား၊ ေမွာင္ေနၿပီမို႔"
" ဟုတ္ကဲ့ အေမ၊ သား လိုက္ပို႔ေပးလိုက္ပါ့မယ္၊ လာ ႏြယ္"
" ဟုတ္ကဲ့ ကိုကို"
ထို႔ေနာက္ ႏြယ္က သူတို႔၏တစ္လမ္းေက်ာ္မွာ ေနတာမို႔ လမ္းေလွ်ာက္ၿပီးသာ လိုက္ပို႔ျဖစ္သည္။
" ကိုကို သည္မွာပဲ ျပန္လာေနပါလား"
" အင္း အစ္ကိုလည္း ေနခ်င္ပါတယ္၊ ဒါေပမဲ့ သြားရလာရတာ အဆင္မေျပဘူးေလ"
" အင္းေပါ့"
လမ္းေလွ်ာက္ေနရင္း ႏွစ္ေယာက္ၾကားက ေလထုသည္ ျပန္တိတ္ဆိတ္သြားျပန္သည္။
" ေရာက္ၿပီ ကိုကို၊ လိုက္ပို႔ေပးတာ ေက်းဇူးပဲေနာ္၊ ဂ႐ုစိုက္ျပန္"
" အင္း ဘိုင့္ဘိုင္"
ႏႈတ္ဆက္ၿပီး ျပန္လွည့္အထြက္ ႏြယ္က သူ႔ကို ႐ုတ္တရက္ လွမ္းေခၚလာျပန္သည္။
" ကိုကို"
" ဟင္"
" ကိုကို ႏြယ့္ကို အဆက္အသြယ္မျဖတ္ထားပါနဲ႔လား၊ ႏြယ္တို႔က တစ္ခ်ိန္ လက္ထပ္ရမဲ့လူေတြေလ၊ တစ္ေယာက္နဲ႔တစ္ေယာက္ သည့္ထက္ပိုၿပီး ရင္းရင္းႏွီးႏွီးတိုင္တိုင္ပင္ပင္ ရွိသင့္တယ္ မဟုတ္ဘူးလား"
" အင္းပါ၊ ႏြယ္ ေျပာတာ မွန္ပါတယ္၊ ဒါေပမဲ့ အစ္ကိုက မအားတာမ်ားတယ္ေလ၊ စိတ္ခ်ပါ၊ အစ္ကိုတို႔က တစ္ခ်ိန္လက္ထပ္ရမွာပဲ၊ သည္လိုႏွစ္ေယာက္ၾကားကိစၥေတြက မလိုေလာက္ဘူးလို႔ အစ္ကို ထင္တယ္"
ၿပဳံးျပရင္း ေက်ာခိုင္းလွည့္ထြက္လာခဲ့သည္။ တကယ္ဆို သူ႔ဘဝႀကီးက အထီးက်န္ဆန္လြန္းသည္။ သူ႔အသက္က လူပ်ိဳႀကီးစာရင္းပင္ ဝင္လုၿပီ။ သည္လိုမ်ိဳးလူငယ္ေတြႏွင့္အတူ အေပ်ာ္အပါးအခ်ိန္ေပးဖို႔ သူ႔စိတ္အစဥ္ဟာ မေဆာင္ေတာ့ပါ။ ကိုယ္လက္ထပ္ရမဲ့မိန္းကေလးကို အားနာေပမဲ့လည္း မတတ္ႏိုင္ေခ်။
/~/
/ omo~omo ဒါ ေနခမင္းျမတ္ႀကီးမလား /
/ ငါ့အထင္မဟုတ္ေလာက္ဘူး ထင္တယ္ေနာ္/
/ ပထမအလႊာက အမ်ိဳးသမီး စကားကို ဆင္ျခင္ေျပာ၊ ငါတို႔ေနခက မာနမင္းသားေနာ္၊ ၾကမ္းၾကမ္းရမ္းရမ္း အဟင္း.../
/ သည္မွာ အလႊာေတြ ထည့္ေျပာမေနနဲ႔၊ နင္တို႔ရဲ႕မာနမင္းသားႀကီးက ဟိုက ေကာင္ေလးရင္ခြင္ထဲမွာ ျမဳပ္ေနတာ မျမင္ဘူးလား/
/ အမေလး ေသပါၿပီ၊ ဒါဘယ္လိုေတာင္ဖက္ထားတာလဲ၊ သူ ဆိုတာ ေသခ်ာေနၿပီကို၊ ငါ့ရဲ႕ဝါရင့္ႏွလုံးသားႀကီးက သည္အေျခအေနကို ေကာင္းေကာင္းႀကီးခံစားမိေနတယ္/
/ ေသရင္ သြားေသလိုက္ပါ အစ္မ၊ shipper ဆိုၿပီး အာေခ်ာင္ေတာ့မယ္၊ သူ႔ကို အားမနာရင္ေတာင္ သူနဲ႔ တြဲ႐ိုက္ခဲ့တဲ့ ကြၽန္မတို႔ရဲ႕မင္းသမီးကို အားနာသင့္တယ္မလား/
/ သူ႔ကိုေတာ့ လုံးဝမေကြးႏိုင္မဲ့အေျဖာင့္ႀကီးလို႔ ထင္ထားခဲ့တာေလဟာ T T/
/ နင္တို႔ သည္လိုေလာင္ေနခ်ိန္ ငါကေတာ့ သူ႔ Seme ႀကီးကိုပဲ သိခ်င္တယ္/
/ ေနခမင္းျမတ္လို ဗလေတာင့္တဲ့အေခ်မင္းသားကိုေတာင္ ေအာက္ပို႔တယ္ဆိုေတာ့ သည့္ဘဲႀကီးက အထက္တကာ့အထက္ပုဂၢိဳလ္ႀကီးပဲ ျဖစ္ရမယ္/
/ ကိုေနခေရ မေန႔ကမွ ႐ိုက္တင္ခဲ့တဲ့ဆစ္ပက္ႀကီးကို အားနာပါဦးဟ၊ ေဂးရင္ေတာင္ အထက္ပုဂၢိဳလ္ေလာက္ေတာ့ ျဖစ္သင့္တယ္မလား/
Cele စုံေထာက္က တင္လိုက္သည့္ပုံက ၅မိနစ္အတြင္း Share ႏွင့္ Comment မ်ား ေထာင္ခ်ည္ကုန္သည္။
/ ဒါ ဟို bar က အစ္ကိုမလား၊ @may su ေရ လာၾကည့္ပါဦး၊ ညည္း ဦးခန္႔လို႔ ေအာ္ေအာ္ေနတဲ့ တစ္ေယာက္လားလို႔/
/ ဟမ္ ဘာႀကီးလားဟ၊ မျဖစ္ႏိုင္ဘူးေလ၊ အမေလး ေသပါၿပီ ငါ့ oppa/
ပုံက လူႀကီး၊လူငယ္မေ႐ြး ေပ်ာ္ပါးေသာက္စားလို႔ရသည့္ fantasy hotel & bar ေရွ႕မွာ ႐ိုက္ထားသည့္ပုံ။ ေနခမင္းျမတ္ကို ထက္ဦးခန္႔က ဆြဲသိမ္းၿပီး တားေနသည့္ပုံ ျဖစ္သည္။ အေရွ႕က အမ်ိဳးသမီးတစ္ေယာက္ကလည္း ပါေသးသည္။ သို႔ေပမဲ့ ေနခမင္းျမတ္က ႐ုပ္ဖ်က္ထား၍ သူပါဟု အတပ္ေျပာ၍မရ ျဖစ္ေနၾက၏။
fantasy ၏ နာမည္ႀကီးသည့္ အဓိကအခ်က္က စကၠမင္းျမတ္ႏွင့္ထက္ဦးခန္႔ေၾကာင့္ ျဖစ္သည္။ အ႐ြယ္သုံးပါးအမ်ိဳးသမီးမ်ား၏အႀကိဳက္ႏွင့္ ထပ္တူက်ေနေသာသူတို႔ႏွစ္ေယာက္ေၾကာင့္ Fantasy က တျခား hotel ေတြ၊ bar ေတြထက္ ေအာင္ျမင္မႈႏႈန္း ပိုျမန္သည္။ ထို႔အျပင္ သူတို႔ႏွစ္ေယာက္၏ fan page ေတြေတာင္ ရွိေသးသည္။ သူတို႔ သီခ်င္းဆိုပုံေတြ၊ လႈပ္ရွားပုံေတြကို ဆိုင္သို႔ တကူးတကလာၿပီး ႐ိုက္ယူထားၾကတာျဖစ္သည္။
ထိုအေျခအေနေၾကာင့္ ေဒၚေမခ comment ေတြကို ဖတ္ရင္း မူးေမ့လဲခ်င္ေတာ့သည္။ Cele စုံေထာက္က တျခား media ေတြလို ပိုက္ဆံေပးၿပီး လြယ္လြယ္သတင္းဖ်က္ခိုင္းလို႔ ရသည့္ media တစ္ခုမဟုတ္။ သည္လိုအေျခအေနအထိ သားျဖစ္သူကို လႊတ္ထားမိေလျခင္းဆိုၿပီး ကိုယ့္ကိုယ္ကိုယ္သာ ေဒါသထြက္ရျပန္သည္။
သားျဖစ္သူ၏အခန္းကို တံခါးသြားေခါက္ေတာ့လည္း သားက အခန္းထဲမွာမရွိ။ သည္ေန႔ ရႉတင္မရွိသည့္ေန႔ကို ဒီေကာင္ေလးဘယ္ေတြ လည္ပတ္ေနသည္မသိပါ။ ခက္ေဇာ္ကို ဖုန္းဆက္ၿပီး သားကို အျမန္လိုက္ရွာခိုင္းလိုက္သည္။
တီ...တီ...
" ဟယ္လို ခက္ေဇာ္ သားဘယ္မွာလဲ၊ သားကို ေတြ႕ၿပီလား"
" အန္တီစိတ္ကို ေအးေအးထား၊ ေနခကို အဲ့ဆိုင္မွာ မေတြ႕ေတာ့ဘူး၊ သူ အဲ့ေကာင္နဲ႔ ဘယ္ကိုပါသြားလဲ မသိဘူး"
" ငါ ေသသာ ေသလိုက္ခ်င္ေတာ့တာပဲ၊ ေနခမင္းျမတ္...ေနခမင္းျမတ္...အခု သူအဲ့ Bar ကို သြားၿပီး အေပ်ာ္အပါးလိုက္စားေနတယ္လို႔ သူ႔ပရိသတ္ေတြက ထင္ကုန္ၾကၿပီ"
" ဟို ဟုတ္လို႔လား အန္တီရဲ႕၊ ကြၽန္ေတာ္ comment ေတြကို ဖတ္ၾကည့္သေလာက္ေတာ့ သူ႔ကို ဟိုေကာင္ေလးနဲ႔..."
ဆက္ေျပာသင့္၊ မေျပာသင့္စဥ္းစားၿပီးေနာက္ ခက္ေဇာ္ ႏႈတ္ပိတ္လိုက္သည္။ အခုေခတ္ လူႀကီးေတြက ဘာမွ နားလည္တာမဟုတ္ဘူး။ သည္လို လြယ္လြယ္ႏွင့္ အေျခအေနကို ေျပာျပလိုက္လွ်င္ ေသြးတက္သြားလိမ့္မည္။
//ေနခမင္းျမတ္ေရ..ေ႐ႊေသြး ....မေအေဘး ေမႊတယ္ဟ!//
" စိတ္မပူနဲ႔ အန္တီ၊ သူ ျပန္လာမွာပါ၊ သည္အေျခအေနကို သူ မသိေသးလို႔ ေနမွာပါ"
" သူ အခု သည္လိုေလွ်ာက္သြားေနလို႔ မရဘူးေလ၊ media ေတြက သူ႔ေနာက္လိုက္ေနမွာ"
" ဟုတ္ ဒါေပမဲ့ အခုလို ေရွာင္ေနလိုက္တာလည္း ေကာင္းတယ္ မဟုတ္ဘူးလား"
" သားခက္ေဇာ္ရယ္ အန္တီ အားကိုးပါတယ္၊ သားသူငယ္ခ်င္းကို ရေအာင္ရွာေပးပါ။"
" စိတ္ခ်အန္တီ"
ခက္ေဇာ္ႏွင့္ ဖုန္းေျပာၿပီးတာေတာင္ သူ႔စိတ္က မေအးရေသး။ သည္သားတစ္ေယာက္ႏွင့္ပင္ ေတာ္ေတာ္စိတ္ဆင္းရဲရသည္။ ဪ...သားႀကီးကေတာ့ သားငယ္လို မဆိုးေလာက္ပါ။ အေမ့သားႀကီးကေတာ့ လိမၼာမွရမည္။ သတိရမိေတာ့ ဦးမင္းျမတ္ေပးခဲ့ေသာဖုန္းနံပါတ္ေလးကို ႏွိပ္ၾကည့္ၿပီး ေခၚၾကည့္လွ်င္ ေကာင္းမလားဟု ေတြးၿပီးမွ ျပန္ခ်လိုက္သည္။ ကြၽန္မ၏သားငယ္အေပၚ မထိန္းသိမ္းႏိုင္ျဖစ္ေနသည့္ ပုံကို ရွင့္ကို မျမင္ေစခ်င္ပါ။
____________