မင်းလည်ပင်းမှာ ဘာဖြစ်နေတာလဲ ?
အားကစားနေ့ ဖွင့်ပွဲအခမ်းအနားကို သတ်မှတ်ချိန်အတိုင်း ကွင်းပြင်၌ ကျင်းပခဲ့သည်။ မနက်ခင်းပွဲစဉ်တွေက အတော်လေး ငြီးငွေ့စရာကောင်းတယ်။ သူတို့လုပ်စရာရှိတာက ကွင်းထဲမှာစုပြီး ဖွင့်ပွဲအခမ်းအနားကို ကျင်းပမယ်။ ပြီးတော့ ကျောင်းအုပ်ကြီးနဲ့ ကျောင်းသားခေါင်းဆောင်တွေက အမှာစကား ပြောကြားကြမယ်။ တစ်ချိန်တည်းမှာပင် ကျောင်းသူ/သားတွေက နေရောင်ခြည်ကို ထိတွေ့ဖို့ စောင့်ဆိုင်းနေသည့် အအလေးတွေလို ကွင်းပြင်ပေါ်တွင် ရပ်နေရတယ် ။
ကျိရှင်းလန်က စစ်ဆေးမှုပြုလုပ်ဖို့ စတိတ်စင်ပေါ်တက်ခဲ့ပြီး ထိပ်ပြောင်နေတဲ့ လူလတ်ပိုင်းနဲ့ ကျောင်းသားခေါင်းဆောင်တွေနဲ့အတူ ရပ်နေခဲ့သည်။ သူ့အတွက် မပေါ်လွင်ဖို့ဆိုတာက မဖြစ်နိုင်ပါဘူး။ စတိတ်စင်အောက်ရှိ ကျောင်းသူ/သားများ၏ အာရုံစူးစိုက်မှုကို သူကလုံးလုံးလျားလျား စွဲဆောင်သွားခဲ့သည်။ ယန်ချုံးက အသက်ရှုကြပ်သွားသည်အထိ လူစုလူဝေးတွင် တိုးဝှေ့ခံခဲ့ရသည်။ သခင်လေး ကျိရှင်းလန်က နေအောက်တွင် နေရဖို့ စတိတ်စင်အောက်မှာ ဘာလို့ရပ်နေဖို့မလိုအပ်တာလဲဆိုတာကို သူမသိပေ။
အနီးနားရှိ စစ်တပ်ကျောင်းမှ ကျောင်းသားတွေနဲ့ သူတို့လို အရေးမပါတဲ့ လူများက စီတန်းလမ်းလျှောက်ခြင်းအတွက် ကိန်းဂဏန်းများကို စုဆောင်းရန် ခဲယဉ်းသည်။သူတို့ မတ်တတ်ရပ်နေဖို့ပဲလိုတယ်။ ယန်ချုံးက စတိတ်စင်ရှေ့တွင် လေးထောင့်ပုံစံဖြင့် သပ်သပ်ရပ်ရပ်အတန်းလိုက်စီနေကြသော စစ်တပ်ကျောင်းသားများကို ကြည့်နေသည်။ တစ်ချိန်တည်းမှာပင် မိန်းကလေးများ၏ အဆက်မပြတ်အော်သံကို ရှေ့တန်းမှ အဆက်မပြတ်ကြားနေရပြီး သူတို့တွေထဲမှ ပိုင်ယွမ်ယွမ်က အသံအကျယ်ဆုံးနဲ့ အော်ဟစ်နေသည်။
ယန်ချုံးနဲ့ ရှဲ့ယွီတို့က အဖွဲ့၏အဆုံးတွင် ရပ်နေကာ နှစ်ယောက်စလုံး အာရုံမစိုက်ကြပေ။
ရှဲ့ယွီက ယန်ချုံးကို ဂရုတစိုက်နဲ့ယပ်ခတ်ပေးဖို့ ဗလာစာအုပ်ကို အသုံးပြုခဲ့သည်။ သူက ယန်ချုံးကို တိတ်တဆိတ်မေးလိုက်တယ် "ဘော့စ် အခု ဘော့စ်အိမ်မှာ ကြောင်တစ်ကောင်ကို တကယ်မွေးထားတာလား ?"
"ဟုတ်တယ်" ယန်ချုံး ပြန်ဖြေလိုက်တယ်။ လွန်ခဲ့သည့် နှစ်ရက်အတွင်း သူက ကြောင်တွေနဲ့ ကစားခြင်းဖြင့် အားဖြည့်ခဲ့သည်။ သူ့ လန်လန်က အိမ်မှာရှိနေတာကို တွေးမိတဲ့အခါ သူအနည်းငယ် စိတ်လှုပ်ရှားသွားပြီး တယုတယနဲ့ပွတ်သပ်ဖို့ သူ့လက်မောင်းထဲမှာ ကိုင်ထားချင်ခဲ့တယ်။
ရှဲ့ယွီက ကြောင်ကို အမှန်တကယ် သိချင်နေခဲ့သည်။ အရင်တုန်းကတော့ မြေပြင်ပေါ်မှာ လှဲနေတဲ့ကြောင်တစ်ကောင် ပြေးလိုက်လာတဲ့အခါမှာ ယန်ချုံးက သုံးစက္ကန့်အတွင်း သစ်ပင်ပေါ်တက်နေတာကို သူမြင်ဖူးတယ်။ သူ့ဘော့စ်ရဲ့ နှလုံးသားကို ဘယ်လို ကြောင်မျိုးက ဖမ်းစားနိုင်ခဲ့တာလဲ? ကြောင်တွေအပေါ် ကြောက်ရွံ့မှုတွေကို ကျော်လွှားနိုင်ဖို့ ယန်ချုံးက ဘယ်လိုအချစ်မျိုး စွဲကိုင်ထားတာလဲ?
နောက်ဆုံးအကြိမ်တွင် သူမေးခွန်းများစွာမေးခဲ့ပြီး ယန်ချုံးက သူ့ကို တွဲခေါ်လာသောကြောင့် ရှဲ့ယွီက ဒီအချိန်မှာ သူ၏သင်ခန်းစာကို သင်ယူခဲ့သည်။ သူက မေးခွန်းနှစ်ခုကို အစမ်းသဘောမေးလိုက်သည်။ "ဘော့စ် ၊ ဘော့စ် ဘယ်လိုကြောင်မျိုး ကောက်လာတာလဲ ? ငါ အရမ်းသိချင်နေပြီ ! မင်းအိမ်လာကြည့်ဖို့ ငါ့ကိုဘယ်တော့လာခွင့်ပြုမှာလဲ?"
“အင်း....…” ယန်ချုံးက ယခုတစ်ကြိမ် ရှဲ့ယွီ မေးလာတဲ့ မေးခွန်းနှစ်ခုကို မဖြေနိုင်ပေ။
လန်လန်က ဘယ်လိုကြောင်မျိုးလဲဆိုတာကို သူမသိသည့်အပြင် ရှဲ့ယွီကို အိမ်ကိုခေါ်သွားဖို့လည်း သတ္တိမရှိပေ။
ရှဲ့ယွီ၏မျှော်လင့်ချက်အပြည့်နဲ့ အကြည့်ကို မြင်သောအခါ ယန်ချုံးက အကြောင်းအရာများကို စတင်စဉ်းစားကာ ရှဲ့ယွီ၏မျှော်လင့်ချက်များကို မဖျက်ဆီးရန် အစွမ်းကုန်ကြိုးစားကာ ဂရုတစိုက်ပြောခဲ့သည်။ "အခုမင်းကို ငါ့အိမ်ကိုဖိတ်ဖို့က သိပ်အဆင်မပြေဘူး။ ကြောင်လေးက သူစိမ်းတွေကို အရမ်းကြောက်နေတုန်းပဲ။ သူနည်းနည်းပိုကြီးလာပြီး အခွင့်အရေးရပြီဆိုတာနဲ့ မင်းကြည့်ဖို့ ငါထုတ်ပြမယ် "
ရှဲ့ယွီ၏ စူးစမ်းလိုစိတ်ကို ကျေနပ်စေဖို့ ဤနည်းကိုသာ သူစဉ်းစားရခဲ့သည်။ ဘာကြောင့်လဲဆိုတော့ ရှဲ့ယွီက သူ(ယန်ချုံး)ကြောင်ကြောက်ရသည့် ပြဿနာမှ အပြည့်အဝ ပြန်လည်ကောင်းမွန်လာတယ်ဆိုတာကို မသေချာသောကြောင့်ဖြစ်သည်။
ကြောင်ကလေးက အလွန်ငယ်သေးသည်၊ အဲ့တာက ယန်ချုံး မကြောက်ရခြင်းရဲ့ အကြောင်းရင်း ဖြစ်နိုင်သော်လည်း ယန်ချုံးက ကြောင်ပေါက်လေး ကြီးပြင်းလာပြီးနောက် သူ့ကို မကြောက်သေးပေ။
တကယ်တစ်ခုခုဖြစ်လာခဲ့ရင် ကြောင်လေးနဲ့သင့်တော်တဲ့ အိမ်တစ်လုံးကို သူရှာရလိမ့်မယ်။
ယန်ချုံး သက်ပြင်းချလိုက်သည်။ ဒီလို မိုက်မဲတဲ့ အကြောက်လွန်ရောဂါကို ပျောက်ကင်းအောင် ကုသနိုင်မယ်လို့ သူမျှော်လင့်ခဲ့တယ်။
အရင်ကထက် နှောင့်နှေးနေတာကြောင့် မွန်းတည့်ချိန်နီးသော်လည်း ဖွင့်ပွဲအခမ်းအနားက မပြီးသေးပါဘူး။
ကွင်းပြင်က ကျယ်ပြီး ပွင့်နေတယ်။ နေရောင်ကို တားဆီးရန် အရိပ်အနည်းငယ် သို့မဟုတ် မည်သည့်အရာမျှ မရှိပေ။ ဆောင်းဦးရာသီအစတွင် နေရောင်ခြည်သည် အရေပြားကို မလောင်ကျွမ်းစေသော်လည်း သူတို့အပေါ်မှ နေရောင်ခြည်က တောက်ပလာပြီးနောက်၊ ပြေးလမ်းက တဖြည်းဖြည်း ပူလာပြီး ယင်းအပေါ်မှာသူတို့ မခံနိုင်တော့ပေ။
ကျောင်းအုပ်ကြီးက စတိတ်စင်ပေါ်တွင် ဆက်လက် လှုပ်ရှားနေ၏။သူက အားကစားပွဲ၏ ကြိုတင်ကာကွယ်မှုများအကြောင်း ခေါင်းစဉ်ကို တစ်နည်းနည်းနဲ့ ပြောင်းလိုက်သောအခါတွင်ပင် သူက အားကစားပွဲများ၏ ကြိုတင်ကာကွယ်မှုအကြောင်းကိုပြောလို့မပြီးသေးပေ။သူ့ကြည့်ရတာ နာရီဝက်အလိုမှာတောင် သူ့စကားဆုံးမယ့်ပုံမပေါ်ဘူး။
ယန်ချုံးက ရှဲ့ယွီ၏လက်မှ ဗလာစာအုပ်ကို ကိုင်လိုက်ပြီး သူ့ကိုယ်သူ ပြင်းပြင်းထန်ထန် ယပ်ခတ်လိုက်သည်။
ဒီမနက်သူအိပ်ရာက နိုးလာတော့ အပြင်မှာ အပူချိန်က ဆယ်ဒီဂရီစင်တီဂရိတ်လောက်ရှိတယ်။ အအေးဒဏ်ကို ခံစားရင်း သူ့ရဲ့ကုတ်အင်္ကျီအောက်မှာ ဆွယ်တာအင်္ကျီကို ၀တ်ထားသည်။ ထိုအချိန်တွင် သူက ကွင်းပြင်၌ နှစ်နာရီကျော်ကြာအောင် ရပ်နေပြီဖြစ်သည်။ နေမင်းကြီးက သူတို့၏ဦးခေါင်းထက်တွင် ရှိနေပြီး အပူချိန်က လန်းဆန်းအေးမြမှုမှ ပူလောင်စေ သောအပူသို့ ပြောင်းလဲသွားတော့မည်ဖြစ်သည်။
ကျောင်းအုပ်ကြီး၏ ရှည်လျားသော မိန့်ခွန်းက နောက်ဆုံးတွင် ပြီးဆုံးသောအခါ အခမ်းအနားမှူးက စကားအနည်းငယ်ဖြင့် နိဂုံးချုပ်ပြီး ဖွင့်ပွဲအခမ်းအနားကို ပြီးဆုံးစေခဲ့သည်။
ထိုအချက်ကြောင့် ကျောင်းသူ/သားများ စာလောင်ငတ်မွတ်နေကြသည်။ သူတို့ကနေရာအရပ်ရပ်ကို ပြန့်ကျဲသွားကာ ကန်တင်းသို့ ပြေး သွားလိုက်ကြသည်။
ကုတ်အင်္ကျီအောက်မှ ဆွယ်တာအင်္ကျီကို ၀တ်ထားသဖြင့် သူ မယုံနိုင်လောက်အောင် ပူနေ၏။ ထို့ကြောင့် သူ၏ ကုတ်အင်္ကျီနဲ့ ဆွယ်တာအင်္ကျီကို ချွတ်ဖို့ရေချိုးခန်းထဲ ဝင်သွားစဉ်တွင် ရှဲ့ယွီကအပြင်ဘက်တွင် ကင်းထောက်အဖြစ် ဆောင်ရွက်ခဲ့သည်။
သို့သော် သူ ဆွယ်တာအင်္ကျီကို ချွတ်ပြီးနောက်၌ သူ့လည်ပင်းတစ်ဝိုက်တွင် မှေးမှိန်နေသည့် အချစ်ကိုက်ရာများကို တွေ့လိုက်ရသဖြင့် သူအံ့ဩသွားလေသည်။
ယန်ချုံးက သူဒီလိုမျိုး အပြင်ထွက်သွားရင် မကောင်းဘူးလို့ သိလိုက်ရတဲ့အတွက် အံကြိတ်ပြီး ဆွယ်တာအင်္ကျီကို ထပ်ဝတ်ဖို့ ဆုံးဖြတ်လိုက်ပေမယ့် အင်္ကျီလက်ကိုဝတ်ပြီးတာနဲ့ တံခါးက ရုတ်တရတ် ပွင့်လာခဲ့တယ်။
ရှဲ့ယွီက စိတ်ရှုပ်စွာ အတွင်းထဲကို ကြည့်လိုက်သည်။ "ဘော့စ် လဲပြီးပြီလား?! ကျိရှင်းလန် လာနေတာငါတွေ့မိတယ်ထင်တယ်!"
“??”
'What the heck ? ကျိရှင်းလန်က ငါ့ဆီမှာ ခြေရာခံစက်ကို ထည့်ထားတာလား ? သူ မပေါ်လာသင့်တဲ့အချိန်မှာ သူကဘာလို့ အမြဲပေါ်လာရတာလဲ ?!'
ထိတ်လန့်တုန်လှုပ်စွာဖြင့် သူဘာလုပ်နေတာလဲဆိုတာကို ဂရုမစိုက်တော့ဘူး။ ယန်ချုံးက ရှဲ့ယွီရဲ့အင်္ကျီလက်ကိုဆွဲပြီး အံ့အားသင့်နေသောသူငယ်ချင်းကို အခန်းငယ်ထဲ ဆွဲသွင်းဖို့ ဆုံးဖြတ်လိုက်သည်။ ဒီလို အခန်းငယ်တစ်ခန်းကို သိမ်းပိုက်ထားရင် ကျိရှင်းလန်က သူ့ဘောင်းဘီထဲ ဆီးသွားအောင် လုပ်မှာလားဆိုပြီး သူ့မှာ ဇိမ်ခံစရာမရှိပါဘူး။ သူက ကလစ်တစ်ချက်နှိပ်ရုံနဲ့ တံခါးကို လော့ခ်ချလိုက်တယ်။
"ဘော့စ်.......?" ရှဲ့ယွီ စိတ်ရှုပ်စွာနဲ့ မေးလိုက်သည်။
ယန်ချုံးမှာ ရှဲ့ယွီကို နှောက်ယှက်ရန် အချိန်မရှိပေ။ စိတ်လှုပ်ရှားနေချိန်တွင် တံခါးပေါက်မှ လှုပ်ရှားမှုများကိုသာ အာရုံစိုက်နေမိသည်။ သူမျှော်လင့်ထားသည့်အတိုင်း ခြေသံကြားလိုက်ရသည်။
ထိတ်လန့်သွားပြီး ရှဲ့ယွီရဲဲ့ ပါးစပ်ကို ဖုံးထားဖို့ဆုံးဖြတ်လိုက်သည်။ သနားစရာကောင်းသော ရှဲ့ယွီက အိမ်သာအတွင်းရှိ အအေးခန်းနံရံကြွေပြားများ၌ ညှပ်ထားခံရစဉ်တွင် အပြစ်ကင်းစင်သောပုံစံဖြင့် မျက်လုံးများကို ပြူးကျယ်စွာဖွင့်နိုင်ခဲ့သည်။
ခဏအကြာတွင် တံခါးဝတွင် ခြေသံများ ရပ်တန့်သွားသည်။
တစ်စုံတစ်ယောက်က တံခါးကို တွန်းခဲ့ပုံရသော်လည်း သူတံခါးကို မဖွင့်နိုင်ခဲ့ကြောင်းကိုတွေ့ရှိခဲ့သည်။ ထို့နောက် ယန်ချုံးက တံခါးခေါက်သံများကိုကြားလိုက်ရသည်။
အဘယ်သူမှမတုံ့ပြန်ခဲ့ပေ။ အပြင်ကလူက နောက်ဆုံးတော့ အရှုံးပေးလိုက်ပုံရတယ်။အကြိမ်အနည်းငယ် တံခါးခေါက်ပြီးမှ သူကတံခါးခေါက်တာကို ရပ်လိုက်တယ်။
ဒါပေမယ့် ယန်ချုံးက သတိမမူဘဲ မနေနိုင်ရဲပေ။ သူက ရှဲ့ယွီ၏ ပါးစပ်မှ သူ့လက်ကို ဖယ်လိုက်ပြီး ဘာမှ မလှုပ်ရှားရန် ဒါမှမဟုတ် ဘာမှမပြောရန် ကိုယ်ဟန်လက်ဟန်ပြလိုက်သည်။ ထို့နောက် တံခါးကြားရှိ ဟနေတဲ့နေရာကို တိတ်တဆိတ် ကြည့်လိုက်သည်။
အိမ်သာတံခါးက သစ်သားတံခါးဖြစ််တာကြောင့် ကျိုးနေခဲ့သည်။ နှစ်အတော်ကြာ မထိန်းသိမ်းထားသောကြောင့် တံခါးကို ဖွင့်လိုက်သောအခါတွင် ကျယ်လောင်သောအသံများက ထွက်ပေါ်နေသည်။ တစ်စုံတစ်ယောက်က တံခါးကို ပွတ်ဆွဲရန် သူ့လက်ကိုသုံးလိုက်လျှင် သုတ်လိမ်းထားသော ဆေးသုတ်ထားတဲ့ အစအနများပင် ကွာကျသွားပေလိမ့်မည်။ သော့ပေါက်တစ်ခုရှိရန် မဖြစ်နိုင်သောကြောင့် ယန်ချုံးက အက်ကွဲကြောင်းမှတစ်ဆင့် အပြင်ဘက်သို့ လှမ်းကြည့်နိုင်ခဲ့သည်။
သူက အက်ကွဲကြောင်းကို ကြည့်နေကတည်းက သူ့အမြင်မှာ အကန့်အသတ်ရှိနေသည်။ ယန်ချုံးက တံခါးရှေ့ရှိ လက်ဆေးဘေစင်ကို မှုန်ဝါးဝါးမြင်နေရသည်။
ကျိရှင်းလန်က သူ့လက်များကို ဆေးကြောပြီး မှန်ရှေ့တွင် သူ့ကော်လာအား ပြင်နေတာကို သူမြင်လိုက်ရသည်။ထို့နောက် အရှိန်ပြင်းပြင်းဖြင့် လမ်းလျှောက်ထွက်သွားခဲ့သည်။
သူထွက်မသွားခင်မှာ တံခါးဘက်ကို လှမ်းကြည့်နေပုံရတယ်။
ယန်ချုံးက သူ့ကို မမြင်နိုင်မှန်းသိပေမယ့် သူ့(ကျိရှင်းလန်)အကြည့်တွေက သူ့(ယန်ချုံး)ဆီရောက်သွားသလို ခံစားလိုက်ရပြီး ထိတ်လန့်တုန်လှုပ်သွားတယ်။
ယန်ချုံးက အသက်ရှုကြပ်ပြီး ခဏမျှ စောင့်ဆိုင်းနေခဲ့သည်။ကျိရှင်းလန် အဝေးသို့ ထွက်သွားသည်နှင့် တပြိုင်နက် သူသက်ပြင်းချမိသည်။
ရှဲ့ယွီကို ရှင်းပြဖို့ သူ့ခေါင်းကိုလှည့်လိုက်တဲ့အခါမှာ ရှဲ့ယွီရဲ့ခေါင်းနဲ့ဝင်တိုက်မိသွားတယ်။ ရှဲ့ယွီက အမှန်တကယ်ပင် သူ့ကို အတုယူခဲ့ပြီး အက်ကွဲကြောင်းကိုလည်း စူးစမ်းနေခဲ့သည်။သူက ဝင်ပေါက်တွင် ရပ်နေချိန်မှာ ရန်သူကို စိုက်ကြည့်နေသလိုမျိုး ကျိရှင်းလန်ကို စိုက်ကြည့်နေသည်။
ယန်ချုံးက ရှုပ်ထွေးသော မျက်နှာထားဖြင့် သူ့ကို စိုက်ကြည့်နေသည်။
သူတို့နှစ်ယောက်လုပ်နေတဲ့ပုံစံက သူတို့နဲ့ခင်မင်ရင်းနှီးတဲ့ အမျိုးသမီးရဲ့ယောကျ်ားက အိမ်ကိုပြန်ရောက်လာတာကြောင့် ကုတင်အောက်မှာ ခိုးကြောင်ခိုးဝှက်နဲ့ပုန်းနေတဲ့ ယောက်ျားလိုမျိုးဖြစ်နေသည်။
ယန်ချုံးက သူ့ဆွယ်တာအင်္ကျီကိုဝတ်ချင်သောကြောင့် သူတို့ကြားအကွာအဝေးကို တိုးနိုင်စေရန်အတွက် ရှဲ့ယွီအား အနည်းငယ်တိုးလိုက်သည်။ သူ့အင်္ကျီလက်ကို စွပ်ပြီးနောက် ရေးကြီးခွင်ကျယ်လုပ်ပြီးမေးနေတဲ့ ရှဲ့ယွီရဲ့အသံကိုကြားလိုက်ရသည်။ "အာ့ ဘော့စ် ၊ဘော့စ်လည်ပင်းက ဘာဖြစ်တာလဲ?"
သူ အခုပဲ အနှောင့်အယှက်ဖြစ်နေပြီမို့ ယန်ချုံးရဲ့ ဆွယ်တာအင်္ကျီက သူ့လက်ထဲမှာ ရှိနေတုန်းပဲ။ သူလုံးဝ မဝတ်ရသေးဘူး။ သူ့လည်ပင်းကို ထိလိုက်ကာ နှုတ်ခမ်းကို ကိုက်လိုက်ပြီး မဝံ့မရဲ ခံစားနေရသည်။
ဒီလိုသိသာထင်ရှားတဲ့ အချစ်ကိုက်ရာတွေကို လူတွေသတိမထားမိဖို့က ခက်ခဲတယ်ဆိုတာ သူသိတယ်။
ဒါပေမယ့် ယန်ချုံးက သူ့မျက်နှာကိုစွပ်ချလိုက်ပြီး ဆွယ်တာအင်္ကျီကို ၀တ်လိုက်သည်။ သူက ခြောက်သွေ့သော ရယ်မောသံများဖြင့် မေးခွန်းကို ဖြေလိုက်သည်။ "ဘာမှမဟုတ်ပါဘူး။ ငါ့မှာနှင်းခူရှိတာဖြစ်နိုင်တယ်။"
ရှဲ့ယွီက ဒီစကားကိုကြားတော့ သူက မျက်မှောင်ကြုတ်ပြီး "မင်းမှာ နှင်းခူရှိနေရင် ကော်လာအမြင့်နဲ့ဆွယ်တာတွေကို မဝတ်နဲ့လေ။အဲ့တာကိုဖုံးကွယ်ထားရင် ပိုဆိုးသွားဖို့က အရမ်းလွယ်တယ်။ဒီမှာ ငါ မင်းကို ကူဖယ်ပေးမယ် "လို့ပြောလာသည်။
ယန်ချုံးက သူ့ကိုယ်ပေါ်က ဆွယ်တာအင်္ကျီကို ဆက်ဆွဲလိုက်သည်။ သူ့လည်ပင်းမှာလည်း ကော်လာကို ပိုတင်းတင်းကျပ်ကျပ် ဆွဲထားသည်။
ရှဲ့ယွီက လိမ်ဖို့လွယ်ကူသော်လည်း အထူးသဖြင့် အခြားသူတွေအတွက်တော့ ဒါက မမှန်ဘူး။ အထူးသဖြင့်ပိုင်ယွမ်ယွမ်ပေါ့။ သူမမှာ စူးရှတဲ့ မျက်လုံးတွေရှိတယ်။
ကျိရှင်းလန် နဲ့ သူ့ရဲ့ လျှို့ဝှက်ဆက်ဆံရေးကို သူ လုံးဝ ထုတ်ဖော်မှာ မဟုတ်ပါဘူး။
နှစ်ယောက်စလုံး အိမ်သာမှထွက်လာတာနဲ့ ရှဲ့ယွီက ယန်ချုံးရဲ့ ကော်လာကို ဆွဲထားကာ စိုးရိမ်နေသေးသည်။ "ဘောစ့် မင်းတကယ်အဆင်ပြေရဲ့လား ? လည်ပင်းမှာ နှင်းခူပေါက်တာ ပုံမှန်ဟုတ်လို့လား? လိမ်းဆေးတောင် မလိမ်းထားပုံရတယ်။ မင်း ငါ့ကိုဝယ်ခိုင်းစေချင်လား? "
ရှဲ့ယွီက အဆက်မပြတ် စကားများပြောနေကာ ယန်ချုံး လွှတ်ရန် ငြင်းဆိုသောအခါတွင် ယူနီဖောင်းဝတ်ထားသော မိန်းကလေးနှစ်ယောက်က အဝေးမှ လှမ်းကြည့်နေသည်ကို တွေ့လိုက်ရသည်။
သူတို့သည် မူလက ပျော်ရွှင်စွာ စကားပြောနေသော်လည်း သူတို့ကို လှမ်းကြည့်သောအခါတွင် သူတို့၏ မျက်နှာများကို ရုတ်တရက် ဖုံးအုပ်ဖို့ သူတို့အင်္ကျီလက်တွေကို အသုံးပြုခဲ့သည်။ သူတို့ရဲ့ စိတ်လှုပ်ရှားမှုကို ထိန်းဖို့ အရမ်းခက်ခဲနေသလိုပဲ သူတို့ အော်ဟစ်လာတော့တယ်။
ယန်ချုံးက စိတ်ရှုပ်ထွေးစွာဖြင့် လှည့်ကြည့်လိုက်သည်။ ကျိရှင်းလန် အနားမှာမရှိမှန်းတော့ သေချာသည်။
ယန်ချုံးက ရှဲ့ယွီရဲ့ ကော်လာကိုဆွဲပြီး တစ်ချက်ကြည့်လိုက်သောအခါ နောက်ဆုံးတွင် အခြေအနေကို မှတ်တမ်းတင်ခဲ့သည်။ သူ့လည်ပင်းကို ဆုပ်ကိုင်ထားဖို့ အမြန်ကြိုးစားခဲ့တယ်။
ရှဲ့ယွီမှာ ဘာရောဂါမှမရှိမှန်း သူသိသော်လည်း၊ သူက Alphaတစ်ယောက်ဖြစ်ပြီး လက်ရှိတွင် Omega၏လည်ပင်းကို နေ့ခင်းကြောင်တောင် စိုက်ကြည့်နေသည်။ အဲဒါ ဘာကို ဆိုလိုတာလဲ? တစ်ခြားဘာကို ဆိုလိုရမှာလဲ ? ဘယ်လောက် အရှက်မဲ့လိုက်သလဲ!?
တစ်ချိန်တည်းမှာပင် ယန်ချုံးက နောက်ပြန်ဆုတ်သွားကာ သူ့မျက်လုံးထဲ အလင်းတန်းတစ်ခု ထိုးဖောက်ဝင်ရောက်လာသောကြောင့် သူ့မျက်လုံးများကို အလိုလိုဖုံးကွယ်ဖို့ သူ့လက်များကို အသုံးပြုခဲ့သည်။
နောက်တစ်ကြိမ် လှမ်းကြည့်လိုက်တော့ ဟိုနေရာက ကောင်မလေးနှစ်ယောက်က သွားလိုက်ပြီ။
“……”
တစ်ယောက်ယောက်က သူ့ဓာတ်ပုံကို ရိုက်လိုက်တယ်လို့ ခံစားရတယ်။ ယန်ချုံးက အခြေအနေတွေ တကယ်ဆိုးတော့မယ်လို့ တွေးမိလိုက်တယ်။
သူမျှော်လင့်ထားသည့်အတိုင်း နေ့လည်စာစားချိန်ရောက်သောအခါ ယန်ချုံး၊ ရှဲ့ယွီတို့နဲ့ ပတ်သက်သော အတင်းအဖျင်းစကားများကို သတိပြုမိသွားသည်။ သူက ပါးစပ်ထဲက ဟင်းရည်ကို ထွေးလုနီးပါးပင်။
[အထူးသတင်း ဒီနေ့ ရှဲ့ယွီက Omega တစ်ယောက်နဲ့ အိမ်သာထဲက ထွက်လာတာကို တစ်ယောက်ယောက် တွေ့လိုက်ရတယ် .gif]
[1L: ရှဲ့ယွီ ချိန်းတွေ့နေတာလား? ဂုဏ်ယူပါတယ် အခု ငါတို့ဆီမှာ ချိန်းတွေ့တဲ့ရေကန်မှာ ရနိုင်တဲ့ အရည်အချင်းမပြည့်မီတဲ့Alphaတစ်ယောက်ရှိတယ်။ ဖြစ်နိုင်ခြေရှိတဲ့ လက်တွဲဖော်တွေကို ရှာဖွေဖို့ ကြိုးစားခြင်းက အလွန်ခက်ခဲတယ် :)]
[5L- ဒီ Omega ကို နည်းနည်းရင်းနှီးတယ်လို့ ငါဘာလို့ခံစားမိတာလဲ? ]
[8L: ဟေး ငါသူ့ကိုသိတယ်။ သူက ကျိရှင်းလန်ရဲ့သွေးဝေးဝမ်းကွဲလို့ ငါကြားလိုက်ရတယ်]
[13L: ဘာလဲ ? ဒါဆို သူက ငါ့ယောက်ဖ ! >////<]
[15L- မကြာခင်တုန်းက ကြိုးတစ်ချောင်းရှိခဲ့တယ်။ မိန်းကလေးတွေ မှတ်မိကြရဲ့လား ? ရှဲ့ယွီရယ် အခြား Alpha လေးကောင်ရယ် Omegaတစ်ယောက်နဲ့ အတူစားတဲ့အကြောင်းပဲ။]
[21L: ဒီအမှုကိုဖြေရှင်းပြီးပါပြီ သမီးတို့။ ဒီ Omega က ဘာလို့ ဒီအဖွဲ့နဲ့ အမြဲရှိနေလဲလို့ တွေးနေမိတယ်။ ဒီတော့ ဒါက သူတို့ရဲ့ ယောက်ဖအသစ်ပါ]
[23L- သူက သူတို့ရဲ့ ဘောစ့် အသစ်လို့ ပြောတဲ့သူက ဘယ်သူလဲ? ]
[27L: ငါမဟုတ်ဘူး။ အစ်ကိုကြီးယန် ချန်ထားခဲ့တဲ့ ယောင်းရဲ့ယောကျ်ားငါးယောက်အဖွဲ့ က Omegaကို ဘောစ့် အဖြစ် ဆက်ဆံနိုင်မှာမဟုတ်ကြောင်းကို မင်းကိုငါပြောခဲ့တယ်]
[51L: ဟင် ? နေ့ခင်းကြောင်တောင် သူ့ရနံ့ဂလင်းတွေကို ကြည့်နေတာလား? ဘယ်လောက်တောင်ကောင်းတဲ့ အာရုံခံစားမှုလဲ ~]
[135L: @Mr. ရန်! လူအိုကြီးရန် ဒီကိုလာ။ ကျောင်းမှာချိန်းတွေ့နေကြတာ။]
ယန်ချုံးက လုံးဝကို ထိတ်လန့်သွားသလို ခံစားလိုက်ရတယ်။ ဖျက်ဖို့ ခလုတ်ကို မနှိပ်မီ အချိန်အတော်ကြာ တုန်လှုပ်သွားခဲ့သည်။
နည်းလမ်းမရှိဘူး ဘာပဲဖြစ်ဖြစ် ဒီစာကြောင်းကို ဖျက်ပစ်ရမယ်။ ကျိရှင်းလန်သာ ဒါကိုမြင်သွားရင် ရှဲ့ယွီနဲ့ သူ လုံးဝသေပြီပဲ။
ကျောင်းသားတွေက နေ့လယ်စာစားပြီးနောက် ကွင်းထဲတွင် စုဝေးခဲ့ကြသေးသည်။
ပြိုင်ပွဲများကို နေ့လယ်ပိုင်းမှ စတင်ကျင်းပခဲ့သည်။ မနက်ခင်း နေရောင်ခြည် ထိတွေ့မှုကြောင့် တဆတ်ဆတ် တုန်ခါလုနီးပါး ဖြစ်ခဲ့ရတဲ့ ကျောင်းသား ကျောင်းသူတွေဟာ တဖြေးဖြေး ပြန်လည် ရှင်သန်လာခဲ့ပါတယ်။
ပထမနေ့အတွက် အဖြစ်အပျက်တွေက အတော်လေးကို တင်းကျပ်နေတယ်။ ၎င်းတို့ထဲမှ အများစုမှာ တာတိုပြေးခြင်း သို့မဟုတ် ပစ်ရတဲ့အားကစား အမျိုးအစားများဖြစ်သည်။ ပဏာမအချီနှင့် နောက်ဆုံးအချီမရှိသော ၂ ကီလိုမီတာ အပြေးပြိုင်ပွဲကိုလည်း ယနေ့တွင် ကျင်းပခဲ့သည်။
ယန်ချုံးက သူ့လက်ပါးစေများနှင့်အတူ ပရိသတ်ထိုင်ခုံတွင် မြင့်သောနေရာ၌ ထိုင်နေ၏။ သူက အကောင်းဆုံး မြင်ကွင်းကို ပေးသည့် နေရာကို သိမ်းပိုက်ပြီး သူ့လက်ပါးစေများက သူ့ကို လေးစားမှု လက္ခဏာ အဖြစ် ပေးသော အဆာပြေ မုန့်များကို စားခဲ့သည်။
ယန်ချုံးက ကျိရှင်းလန်ကို ဖွင့်ပွဲအခန်းအနားမှာ ခဏတာတွေ့လိုက်ပေမယ့် ဖွင့်ပွဲအခမ်းအနားပြီးတာနဲ့ သူပျောက်သွားတယ်။
ကျိရှင်းလန်က ပြိုင်ပွဲများနှင့် အလုပ်ရှုပ်နေသောကြောင့် ယန်ချုံးကို သူမျှော်လင့်ထားသည့်အတိုင်း ရှာရန် အချိန်မရှိပေ။ ယန်ချုံးက သူ့ယာယီလွတ်လပ်မှုအတွက် အလွန်ပျော်ရွှင်နေခဲ့သည်။ အားကစားပွဲအတွင်း သူဘာမှလုပ်စရာမရှိတာကြောင့် ပရိသတ်ထိုင်ခုံမှာထိုင်ပြီး သူ့လက်ပါးစေတွေနဲ့ ကတ်ကစားရင်း အဆာပြေစားတယ်။
ကွင်း ဝင်ပေါက်များနှင့် ထွက်ပေါက်များကို ဝန်ထမ်းများက ပိတ်ဆို့ထားသည်။ အားကစားသမားများအတွက် နောက်ကျမကျန်နေစေရန်အတွက် အခြားမသက်ဆိုင်သော ပုဂ္ဂိုလ်များအားလုံးကို ပရိသတ်ထိုင်ခုံများကို ပို့ဆောင်ပေးခဲ့ပါသည်။ အားပေးရတဲ့အသင်းနှင့် ဓာတ်ပုံအသင်းမှ ကျောင်းသားများကိုသာ ကွင်းအတွင်းသို့ ဝင်ရောက်ခွင့်ပြုခဲ့သည်။
ယန်ချုံးက မဝင်ချင်ဘူး။ သူက လှုပ်ရှားအားထုတ်မှုကိုလျှော့ချဖို့ ထိုင်ခုံမှာ ထိုင်နေတယ်။တခါတရံမှာ သူ့အတန်းထဲက တစ်ယောက်ယောက်က ကွင်းထဲ လမ်းလျှောက်သွားတာကို မြင်ရင် သူတို့ကိုလည်း အားပေးတယ်။
အခု နေ့လည် သုံးနာရီ ထိုးနေပြီ။ ရှဲ့ယွီနဲ့ တလောင်တို့ပါဝင်သည့် တာတိုအပြေးပြိုင်ပွဲကို စတင်တော့မည်ဖြစ်သည်။သူတို့ နံပါတ်တွေတပ်ပြီး စာရင်းပေးတဲ့နေရာကို သွားကြတယ်။ ထို့အတွက်ကြောင့် ယန်ချုံးနဲ့ သူ့အဖွဲ့က သူတို့၏ ကတ်ဂိမ်းအတွက် အဖွဲ့ဝင်တစ်ဦး ချို့တဲ့နေပြီဖြစ်သည်။
ယန်ချုံးက ပိုင်ယွမ်ယွမ်ကို ဖုန်းခေါ်ပေမယ့် သူမ အခင်ဆုံးသူငယ်ချင်းတွေနဲ့ ကတ်ကစားရင်း သရေစာတွေ အမြဲလိုလို အတင်းပြောပြီး အဆာပြေစားနေတာကြောင့် ကတ်ပြားကိုင်ဆောင်တဲ့ သူမရဲ့ ကျွမ်းကျင်မှုက အရမ်းကြီး အံ့ဩစရာဖြစ်နေပါပြီ။ သုံးကြိမ်ဆက်တိုက်ရှုံးပြီးနောက် ယန်ချုံးက ငြီးငွေ့စရာကောင်းတယ်လို့ ခံစားမိသွားတာကြောင့် သူ့ကတ်များကို ဘေးတွင်ထားရန် ဆုံးဖြတ်လိုက်သည်။
ထိုအချိန်တွင် ပရိသတ် ထိုင်ခုံနေရာက ရုတ်တရက် အသက်ဝင်လာသည်။ လူအများအပြား မတ်တပ်ရပ်ပြီး လက်ရန်းများပေါ်တွင် လက်တင်ကာ ငုံ့ကြည့်နေကြသည်။ ယန်ချုံးက နေကြာစေ့ လက်တစ်ဆုပ်စာကို ယူပြီး အပြင်ကို ကြည့်လိုက်သည် ။ ကွင်းအလယ်မှာ လူနှစ်ဆယ်ကျော်လောက် ရပ်နေတယ်။လေးပစ်တဲ့ ပစ်မှတ်များကို ကွင်းပြင်တွင် ချထားခဲ့ပြီး သူတို့က မြှားပစ်နေပုံရသည်။
အခု တစ်နေ့တာလုံး ပျောက်ကွယ်နေတဲ့ ကျိရှင်းလန်ကတော့ ကွင်းထဲမှာ ရပ်နေခဲ့တယ်။ အရပ်အမောင်းနဲ့ အသွင်အပြင်က လူအုပ်အလယ်မှာရပ်နေချိန်မှာတောင် မယုံနိုင်လောက်အောင်ကို ဆွဲဆောင်မှုရှိပါတယ်။လေးကိုဆွဲပြီး မြှားကိုလေးကြိုးပေါ်တင်လိုက်တဲ့အခါ သူ့ရဲ့လှုပ်ရှားမှုတွေက ချောမွေ့ပြီး လှပပါတယ်။ သူလည်း အဲဒါကို တော်တော်ကျွမ်းကျင်ပုံရတယ်။ လေးဆွဲ၊ မြှားကိုလေးကြိုးပေါ်တင်ပြီး ပစ်လွှတ်လိုက်တိုင်း၊ မြှားကပစ်မှတ်အလယ်တည့်တည့်ကအနီရောင်အမှတ်ကိုထိမှန်လေသည်။
အားကစားဌာန အကြီးအကဲက ဤပြိုင်ပွဲကို အပျော်သဘောဖြင့် ထည့်သွင်းရန် စိတ်ကူးပေါက်လာသော်လည်း အားကစားသမားများမှာ ယခင်က ပရော်ဖက်ရှင်နယ် လေ့ကျင့်မှု မရှိသလောက်နည်းပါသည်။ ကျိရှင်းလန်ရဲ့ ဦးတည်ချက်ကို ကြည့်ရလျှင် သူက တောထဲမှာ အမဲလိုက်နေတဲ့ မင်းသားတစ်ဦးနှင့်တူသည်။
ကျိရှင်းလန်က မြှားခြောက်ချောင်းလုံး ပစ်ခတ်ပြီးသောအခါတွင် သူက စောင့်ဆိုင်းဖို့ ဘေးနားတွင် ရပ်လိုက်ပြီး ထိုအချိန်တွင် ရှေ့တွင် စုရုံးနေသော လူအုပ်သည် တဖြည်းဖြည်း ပျောက်ကွယ်သွားခဲ့သည်။
ပိုင်ယွမ်ယွမ်က အရမ်းသတိထားနေတယ်။ ကျိရှင်းလန်ဆီ ရေကို ချက်ချင်းလက်ငင်း ကိုင်ဆောင်သွားတဲ့ Cheerleader ဝတ်စုံဝတ်ထားတဲ့ မိန်းကလေးကို သူမမြင်လိုက်ရပြီး ဒေါသအရမ်းထွက်ပြီး အံကြိတ်ခဲ့ပါတယ်။
“လင်းဝေ ဒီခွေးမ ပြေးနေတဲ့သူတွေကိုကျ ရေမပေးဘဲ လေးပစ်ပြိုင်ပွဲဝင်တဲ့သူတွေကို ဘာကြောင့် ရေပေးရတာလဲ? သူတို့ဆီ ရေပေးဖို့လိုသေးလို့လား !”
ကံကောင်းထောက်မစွာနဲ့ ကျိရှင်းလန်က သူ့လက်ထဲက ရေဘူးကို အနှောက်အယှက်အဖြစ် မှတ်ယူနေပုံရသည်။ သူက ရေသန့်ဘူးကို ဘေးမှာ ထားလိုက်တယ်။ ပိုင်ယွမ်ယွမ်က မဖွင့်ရသေးတဲ့ ရေဘူးကို မြင်သောအခါ သူမ၏ ဒေါသများ ပြေပျောက်သွားသည်။ သူမက သူ့ကိုယ်သူ အားပေးရန် သူမ ဗလာစာအုပ်ကို ကောက်ယူလိုက်ပြီး ယန်ချုံးနဲ့ စပြီး အတင်းပြောလိုက်သည်။
"ငါ နင့်ကိုပြောမယ် လင်းဝေက ကျိရှင်းလန်ကို ဆွဲဆောင်ဖို့ သေချာပေါက်တွေးနေတာဘက်ကို ငါးဆင့်လောင်းတယ်။ သတိထားဖို့ သူ့ကို သတိပေးရမယ် လင်းဝေက ပြီးခဲ့တဲ့ အပတ်က တခြားကျောင်းက ချစ်သူနဲ့ လမ်းခွဲခဲ့တယ်။ အခုတော့ သူမက ပစ်မှတ်အသစ်ကို စိတ်မရှည်စွာနဲ့ ရှာဖွေနေပြီ”
"လင်းဝေ ?" ယန်ချုံးက နာမည်ကို အလွန်ရင်းနှီးတယ်လို့ ခံစားမိလိုက်သည်။ သူ ပိုင်ယွမ်ယွမ် ညွှန်ပြတဲ့ ဘက်ကို ကြည့်လိုက်တော့ အရမ်းရင်းနှီးတဲ့ လူတစ်ယောက်ကို တွေ့လိုက်ရတယ်။
ငယ်ငယ်က ကျောင်းမင်းသမီးကို မဆင်မခြင် ဆွဲဆောင်ဖို့ ကြိုးစားခဲ့ပေမယ့် ယန်ချုံးက သူမရဲ့ နာမည်ကိုတောင် မမှတ်မိတော့ပါဘူး။ ပိုင်ယွမ်ယွမ် ပြောနေတာ ဘယ်သူလဲဆိုတာ သူ ရှင်းရှင်းလင်းလင်း မြင်လိုက်ရမှပဲ သူနားလည်သွားတယ်။
ယန်ချုံး အံ့သြသွားသည်။ "သူမ ? ဒါပေမယ့် ငါအရင်ထဲက ထင်ခဲ့တာ ကျိရှင်းလန် နဲ့ သူမက …”
ပိုင်ယွမ်ယွမ်က အတင်းအဖျင်းရနံ့ကို အနံ့ခံရပြီး ခေါင်းလှည့်လိုက်သည်။ သူမ မျက်မှောင်ကြုတ်လိုက်မိသည်။ " အရင်ထဲက ဘာကိုလဲ ? "
ယန်ချုံး တွေးလိုက်မိသည်။ လင်းဝေက တစ်ချိန်က ကျိရှင်းလန်နဲ့ အလွန်နီးစပ်ခဲ့ကြောင်း သူသာသိသော်လည်း ၎င်းတို့နှစ်ဦးစလုံးက အရင်က ချိန်းတွေ့ခဲ့ဖူးကြောင်း ခိုင်လုံသောအထောက်အထားမရှိခဲ့ပေ။ ဒီတော့ သူက စကားပြောင်းပြီး “သူတို့က နောက်ဆုံးအကြိမ် ရင်းနှီးခဲ့တာလို့ ငါထင်ခဲ့တာ”
"…နည်းလမ်းမရှိဘူး။ ငါ့ကိုမခြောက်ပါနဲ့။ ငါ့ရဲ့ပစ်မှတ်ကို မိုက်မဲမှုတချို့က မဖယ်ရှားနိုင်ဘူး!” ပိုင်ယွမ်ယွမ်က တုန်လှုပ်သွားပြီး “ဒါမဖြစ်နိုင်ဘူး။ လောကမှာ ငါမသိတဲ့ အတင်းအဖျင်းတွေ ရှိနေတာ မဖြစ်နိုင်ဘူး။ ချုံးချုံး ဘယ်ကကြားလာတာလဲ? "
ယန်ချုံး; "ငါတကယ်မမှတ်မိဘူး"
ပိုင်ယွမ်ယွမ်က အရမ်းစိတ်ပိုင်းဖြတ်ထားတယ်။ သူမ စိတ်ငြိမ်သွားပြီး တွေးကြည့်မိသည်။ " လင်းဝေက ကျိရှင်းလန် နဲ့ တွဲနေတာမဟုတ်ဘူးဆိုတာ သေချာတယ်။ မဟုတ်ရင် လင်းဝေ ရဲ့ ပင်ကိုယ်စရိုက်ကြောင့် သူမက ကမ္ဘာကြီးကို သေချာပေါက် ကြေညာလိမ့်မယ်”
ယန်ချုံးက ယုတ္တိရှိကြောင်း တွေ့ရှိသွားတာကြောင့် တိတ်တဆိတ် ခေါင်းညိတ်လိုက်သည်။
ဒါပေမယ့် ပိုင်ယွမ်ယွမ်က ဒီလိုပုံစံနဲ့ ပြောတာကို ကြားလိုက်ရတော့ သူ့ကိုယ်သူ ပိုလို့တောင် ပဟေဠိဖြစ်သွားတယ်။
ကျိရှင်းလန်က ကျောင်းမင်းသမီးလေးနဲ့ အချိန်အတော်ကြာ ရင်းနှီးနေခဲ့ပြီး ထိုအချိန်က ကျောင်းမင်းသမီးလေးအား ယန်ချုံး စတင်လက်ခံသည့်အချိန်ဖြစ်သည်။ ကျိရှင်းလန်သာ ရုတ်တရက် ဝင်မစွက်ဖက်ဘူးဆိုရင် ယန်ချုံးက လင်းဝေ နဲ့ စတင်တွဲနေပြီဖြစ်နိုင်ပါတယ်။
cheerleaders တွေက ပိုင်ယွမ်ယွမ်ကိုရှာဖွေဖို့ ပရိသတ်ထိုင်ခုံကိုလာကြသည်။ ပိုင်ယွမ်ယွမ်က ယန်ချုံး တိတ်ဆိတ်သွားသည်ကို မြင်သောအခါ၊ သူမ ပုခုံးကို ပုတ်လိုက်သည်။ “ဒီအကြောင်းတွေ တွေးမနေပါနဲ့ ချစ်လေး ငါတို့မှာ အပိုဆောင်ထားတဲ့ ဝတ်စုံရှိတယ် နင် ငါနဲ့ ကစားဖို့ ကွင်းထဲ သွားချင်လား? "
ယန်ချုံးက Cheersleader ၏ ယူနီဖောင်းကို တစ်ချက်ကြည့်လိုက်ပြီး အယူအဆကို ပြတ်ပြတ်သားသား ငြင်းဆိုလိုက်သည်။
ပိုင်ယွမ်ယွမ် ထွက်သွားတာကို သူကြည့်နေချိန်မှာ ယန်ချုံးရဲ့ အကြည့်တွေက တဖြည်းဖြည်း နက်မှောင်လာတယ်။ သူ့အကြည့်တွေက ကွင်းတစ်ဖက်ကလူကို စိုက်ကြည့်နေတယ်။
... ကျိရှင်းလန်က လင်းဝေကို မကြိုက်တာကို ဘာလို့ သူ့လက်ထဲကလုဖို့ ကြိုးစားခဲ့တာလဲ ? ကျိရှင်းလန်က သူ့ကို ဒီလောက်အထိ မုန်းနေခဲ့တာလား ?
.......
T/N 1–"သူက ငယ်ငယ်ရွယ်ရွယ်နဲ့ ကျိုးကြောင်းမစဥ်းစားတတ်ရင်တောင်" Pfft, ယန်ချုံး, မင်းငယ်ပါသေးတယ်။
T/N 2– အလယ်တန်းကျောင်းသားလေးက မူလတန်းကလေးငယ်ကို ခေါ်နေသလိုပါပဲ။ :B
💙26.12.2021