Unicode
~~~~~~~
ဒီလိုနဲ့ ကျုပ်လဲ တောတိုးလိုက်
လယ်ထဲဆင်းလိုက်၊ အိမ်မှာဝိုင်းလုပ်လိုက်နဲ့
စနေနေ့ကိုရောက်မှန်းမသိ ရောက်လာတယ်။
ကျုပ်ရဲ့ဖျင်လွယ်အိတ်ကြီးထဲကို အ၀တ်စားသုံးစုံရယ်၊လမ်းမှာအဆာပြေစားဖို့ ကောက်ညှင်းပေါင်းထုပ်ရယ်၊ ရေထည့်ထားတဲ့ ဘူးသီးခြောက်ရယ်
နဲ့အခြားလိုရမယ်ရပစ္စည်းလေးတွေကို
မရှိမဖြစ်လောက်လေးခွနဲ့ ရောပြီးထည့်လိုက်တယ်။
"ငကျောက်ခဲ ဒီကိုလာ..
အမ သျှောင်ထုံးပေးမယ်။"
အမက အုန်းဆီခွက်ကြီးဘေးကိုချလို့
သစ်သားဘီးကြီးကိုင်ပြီးကျုပ်ကိုသျှောင်ထုံးပေးဖို့ခေါ်လာတယ်။ ကျုပ်လဲအမရဲ့ရှေ့မှာ ဝင်ထိုင်လိုက်တော့ အမကဖျင်စခေါင်းပေါင်းလေးကို
ဖျည်ချလိုက်ပြီး သစ်သားဘီးကြီးနဲ့ ဆံပင်ကိုတစ်ချက် နှစ်ချက်လောက်ဖြီးပြီးအုန်းဆီနဲ့လူးပေးလာတယ်ဗျ။
"ငကျောက်ခဲရယ်...နင့်မလဲဆံပင်ကိုဖြစ်သလို
ထားထားတာပဲ။မအားရင် အမကိုပြောပေါ့။
အသက်ဖြင့်မငယ်တော့ဘူး
သျှောင်ကိုတော့သပ်သပ်ရပ်ရပ်
ထုံးတတ်အောင်လုပ်ထား...ကြားရဲ့လား။"
အမ က ကျုပ်ကိုဆူသလိုလေးပြောလာတယ်။
ကျပ်က ဒီလိုအလုပ်တွေ သိပ်စိတ်ရှည်တာမဟုတ်ဘူး ဒါကြောင့် ဆံပင်ကို သိပ်လဲအာရုံမစိုက်မိပါဘူး။
ဖြစ်နိုင်ရင် ညှပ်ပစ်ချင်တာ အမ က
သျှောင်ပဲထားပါဆိုလို့။ကျုပ်တို့ရွာမှာက
သျှောင်ထားတဲ့သူတွေလဲရှိသလို
အတို ညှပ်တဲ့သူတွေလဲရှိတယ်ဗျ။
မိန်းကလေးတွေကတော့ ဆံရစ်ဝိုင်း၊
ဆံတောက်၊ တစ်ပတ်လျှိုသူ့အရွယ်နဲ့
သူထားကြတာပေါ့ဗျာ ။
"ကဲ....ရပြီ။"
အမ ကဆံပင်ကိုဖျင်ပိတ်စလေးနဲ့
ကျုပ်ကိုပတ်ပေးတယ်။
"ဒီသားအမိ အခုမှတွယ်တာနေတယ်ဟုတ်စ။"
အဘက ခြံထဲကအပင်တွေ ရေလောင်းပြီး
အိမ်ပေါ်ပြန်တက်လာတော့ ကျုပ်တို့သားအမိကို ကျီစယ်လာတယ်။အမ ကလဲ ပြောင်းဖူးဖတ်ဆေးလိပ်ကြီးကို မီးခတ်နဲ့ မီးညှိရင်း အဘကို
မျက်စောင်းတခဲခဲ ။
"တော်ကြီးကပဲ ပြောရတယ် ရှိသေး
တော်ကြီးသျှောင်ကလဲ
ကျုပ်ထုံးပေးလို့ ကြည့်ကောင်းနေတာလေ
ကျုပ်သားကျုပ်ထုံးပေးတာ ဘာဖြစ်သတုံး..။ "
"ဟားဟား...ဘာမှမဖြစ်ပေါင်ဗျာ
ခင်ဗျားတို့သားအမိတဒွေ
အဆင်ပြေရင် ပြီးတာပါပဲ။"
အဘက အော်ရယ်ပြီး အမ ကို
အလျှော့ပေးလိုက်တယ်ဗျ။
ကျုပ်ကတော့ အဘ နဲ့ အမ
အဲ့လိုစကားရည်လုကြတိုင်းပီတိ
ဖြစ်နေရတာပေါ့ဗျာ ။
"ကဲ...ကဲ...ကျွန်တော်လဲသွားရတော့မယ်၊
အဘ နဲ့ အမ ကိုကန်တော့မယ်။ "
ကျုပ်ဒီလိုပြောမှပဲ အဘ က အမနဲ့အတူ
ခေါင်းရင်းမှာဝင်ထိုင်လာတယ်။
ကျုပ်လဲမြတ်စွာဘုရားရော၊ အဘနဲ့ အမကိုရော
ရည်မှန်းပြီးကန်တော့လိုက်တယ်။
အမ ကလဲသောက်လက်စပြောင်းဖူးဖတ်ဆေးလိပ် ကိုဘေးချပြီးဆုပေးလာတယ်။
"ငါ့သား...ကျောက်ခဲလေး ခလုတ်မထိစူးမငြိနဲ့ လိုရာ
ခရီးရောက်ပါစေတော်၊သူတော်ကောင်းတွေ
စောင့်ရှောက်ပါစေ။"
"အိမ်း...မင့်အမ ပြောသလိုပဲ ဖြစ်ပါစေကွာ"
အဘ ကမိန့်မိန့်ကြီးပြုံးပြီး ကျုပ်ကိုဆုပေးသဗျ ။
"ဒါဆို ကျွန်တော်သွားပြီနော်...
သူကြီး အိမ်ကိုလဲ၀င်ရဦးမှာမို့။"
"အိမ်း...အိမ်း...အန္တရာယ်လဲ ကြည့်ရှောင်နော်။ "
"ဟုတ်ကဲ့ အဘ။ "
ကျုပ်လဲအဘ နဲ့ အမ ကိုနှုတ်ဆက်ပြီးနောက်
သူကြီးအိမ်ကို သွားပြီး'ဇီးကွက် '
လေးကိုပါဝင်ခေါ်လိုက်တယ်။
ဒီကောင်လေးကလဲ မြို့ ကိုသွားရမယ်ဆိုတော့
ပျော်နေတာပေါ့ဗျာ ၊ သူကြီးက ကျုပ်ကိုလိုရမယ်ရသုံးဖို့ဆိုပြီး 'ရူပီးတစ်ရာ'ပေးလိုက်တယ်၊ ကျုပ်တို့ဆီမှာက 'ဆယ်ရူပီး'ဆိုရင်တောင် ၀က်သားနဲ့
ခေါက်ဆွဲတစ်ထုတ်ရတာ ၊
တစ်ရာဆိုတော့ကျုပ်အသုံးစရိတ်နှစ်လစာ
နီးနီးရှိတယ်ဗျ ။ သူကြီးကိုနှုတ်ဆက်ပြီးတာနဲ့
ကျုပ်လဲ 'ထွန်းစံ' နဲ့ 'မဲကြီး'ကို
မောင်းပြီး ရွာထဲကနေ စထွက်လာခဲ့လိုက်တယ်။
ကျုပ်တို့ ငလင်ဗန်း နဲ့ သနပ်ကုန်း ရွာက (၅တိုင်)
လောက်ဝေးတယ်ဗျ။ ကြားထဲကရွာတွေနဲ့
တောလမ်းတွေကိုဖြတ်ပြီး "ထွန်ဖြုတ်ချိန်"လောက်
မှပဲရွာထိပ်ကိုရောက်လာတော့တယ်။
ကျုပ်လဲသူကြီးအိမ်ကိုရှာရအုံးမှာမို့
ရွာထိပ်က ညောင်ပင် ကြီးအောက်မှာ လှည်းတစ်ထောက်နားပြီး နွားတွေလဲ အစာကျွေး၊ ကျုပ်လဲ အမ ထည့်ပေးလိုက်တဲ့ ကောက်ညှင်းပေါင်းနဲ့ ဆတ်သားခြောက်ကလေးကို 'ဇီးကွက်'နဲ့အတူ
အဆာပြေစားလိုက်တယ်။ဇီးကွက်ကလဲ
ကောက်ညှင်းပေါင်းနဲ့ ဆတ်သား ခြောက်ဖုတ်ဆိုတော့
လဲစားလို့မရတော့ဘူးပေါ့ဗျာ။
ပြီးမှကျုပ်တို့လဲသူကြီးမှာလိုက်တဲ့
သနပ်ကုန်းရွာသူကြီး အိမ်ကိုမေးမြန်းရင်း
မောင်းလာခဲ့ကြတာပေါ့ဗျာ။
ကျုပ်တို့ဘက်က ခေါင်တော့ မြို့ပေါ်ကို
လှည်းမောင်းပြီးပဲသွားရတာ။
သနပ်ကုန်းပြီးရင် ၊ ကျွဲဖြူ ရွာ၊ သပြေတန်းတို့ကို
ဖြတ်ပြီးတာနဲ့ မြို့ပေါ်ကိုတန်းသွားလို့ရောက်ပြီပေါ့။
သပြေကုန်းနဲ့ မြို့ပေါ်က တစ်တိုင်လောက်ပဲ
ဝေးတာရယ်။ သပြေတန်းဘုန်းကြီးကျောင်းမှာ
လှည်းအပ်ပြီးမှမြို့ပေါ်ကိုခြေလျင်သွားရတာဗျ။
မြို့ပေါ်ရောက်မှ လန်ချားငှားပြီး
လေးလေးဘိုးစည်အိမ်ကိုသွားရမှာ၊၊
'လေးလေးဘိုးစည်'က တစ်ကိုယ်တည်း လူပျိုကြီးဗျ၊ ၊ ကျုပ်က လေးလေးဘိုးစည်အိမ်
နှစ်ခေါက်သုံးခေါက်ရောက်ဖူးတော့
လမ်းကောင်းကောင်းသိနေတာပေါ့ဗျာ။
ကျုပ်စိတ်ပူတာက မြို့ကဧည့်သည်တွေကိုပဲ
ကျုပ်တို့အညာသားတွေက
သွားဖူးလာဖူးတော့ အတွေ့အကြုံ ရှိတယ်
တော်ရုံမပန်းဘူးလေ။ဧည့်သည်တွေကျ ရန်ကုန်ကလူတွေလဲဖြစ်တော့ လှည်းမူးဘာမူးနဲ့ ခရီးပန်းမှာကိုစိုးရိမ်နေရတယ်။
ဒီလိုနဲ့ ကျုပ်တို့နှစ်ယောက်လဲစကားလေး
တပြောပြောနဲ့ ရွာထဲကိုမောင်းလာခဲ့တယ်။
ရွာလမ်းထဲတော်တော်ဝင်ပြီးမှ
သနပ်ကုန်း ရွာသူကြီးအိမ်ကိုရောက်တော့တယ်ဗျ။
ကျုပ်နဲ့ 'ဇီးကွက်'လဲ ရွာသူကြီးပေးလိုက်တဲ့စာကိူ
သနပ်ကုန်းရွာလူကြီးကိုပေးလိုက်တယ်။
သနပ်ကုန်းရွာသူကြီးက အသားဖြူဖြူ ဝဝဖိုင်ဖိုင်နဲ့
ပစ်တိုင်းထောင် အရုပ်ကြီးလိုပဲဗျို့ ။
သူကြီးရဲ့ လူတွေမှန်းလဲသိရော ကျုပ်တို့နှစ်ယောက်ကိုချက်ချင်းအိမ်ပေါ်ကို ခေါ်ပြီး
လက်ဖက်တွေ၊ ကွမ်းတွေနဲ့ ဧည့်ခံပါလေရောဗျာ။
"ဟေ့...ရှင်မရေ အရှေ့ကိုထွက်လာခဲ့ပါအုံးဟ
ငဘိုးသာရဲ့ တူတွေရောက်နေတယ်။"
'သူကြီးဘချော'က သူ့မိန်းမကိုလှမ်းခေါ်တယ်ဗျ ၊
သူ့ကိုကြည့်ရတာဧည့်သည်လာလို့ ပျော်နေပုံပဲ။
သူကြီးကတော်ကလဲလက်နှီးကြီးကိုင်ပြီး ကျုပ်တို့ဆီကိုရောက်လာတယ်ဗျို့ ။သူကြီးကတော်က ပိန်ပိန်ပါးပါး နဲ့သေးသေးလေးဗျ ၊သနပ်ခါးဖွေးဖွေး၊ ဘီးဆံပါတ်ကြီး ထုံးထားပြီး၊ အသားကလည်းဝင်းဝင်းနဲ့ တစ်ချိန်က မိန်းမချောဖြစ်ခဲ့ပုံပါပဲ။
"ငဘိုးသာရဲ့တူတွေ ဟလား....ဟမယ်လေး
သင်းကတော့ ကျုပ်တို့ဆီကိုကျ အလည်မလာပါဘဲ
တူတွေကိုလွှတ်လိုက်တယ်ပေါ့လေ။ "
"လေးလေးက အသက်လည်းကြီးလာတော့
ခရီးဝေးသိပ်မသွားတော့တာပါ ဒေါ်ဒေါ်ရယ်၊
သူကြီးတို့ကို သူကလည်းတွေ့ချင်နေပါတယ်...ဗျ။ "
'ဇီးကွက်'က ဒီလိုကျတော့သွက်ချက်ဗျာ၊
သူကြီးကတော်ကလဲ
'ဇီးကွက်'ရဲ့စကားကိုကြားမှပဲ
ခေါင်းလေးညိတ်ပြီးပြောလာတယ်။
"သူမလာနိုင်မှတော့ ကျုပ်တို့ကိုယ်တိုင်ပဲ
သွားရသေးတာပေါ့တော်...။ "
"ဟုတ်တယ်ကွ....မင့်တို့ လေးလေးတွေနဲ့ငါတို့ဆိုတာ
ငယ်သူငယ်ချင်းအရင်းကြီးတွေ ပေါ့ကွာ။
အခုလိုအသက်ကြီးမှပဲ သိပ်မတွေ့ဖြစ်တော့တာ
မင်းတို့လဲကိုယ့်အိမ်ကိုယ့်ရာလိုသဘောထား။"
"နို့....ငကျောက်ခဲမင်းတို့က တစ်ညပဲအိပ်မှာလား။"
သူကြီးက ရေနွေးတစ်ငုံကိုငုံ့သောက်ရင်း
မေးလာတယ်ဗျ ။
"ဟုတ်ပါတယ်ဗျ
မနက်စောစောမြို့ကိုအရောက်သွားမှာပါ။"
"အိမ်း အိမ်း...ကောင်းပြီ လေးလေး
မနက်အတွက်အကုန်ပြင်ဆင်
ထားလိုက်မယ်...ဟုတ်ပလား
အခုတော့ ခန နားကြအုံးကွာ
ပြီးမှ နေ့လည်စာစားကြတာပေါ့။"
"ရပါတယ်လေးလေး...
ကျွန်တော်တို့နေ့လည်စာစားပြီးပါပြီ။ "
ကျုပ်တို့လဲရွာမရောက်ခင်ကတည်းက
ကောက်ညှင်းပေါင်းစားလာတာမို့
နေ့လည်စာမစားနိုင်တော့ဘူးလေဗျာ။
"ဟေ...ဒါဖြင့်လဲညနေစာစားပေါ့ကွာ
ဒီလူနဲ့ဒီလူ အားနာစရာမလိုပါဘူးဟ။ "
"ဟုတ်ကဲ့ပါလေးလေး။ "
"အိမ်း ...နားထောင်လို့ကောင်းပါ့ကွာ
ရှင်မရေ ကလေးတွေကို
နေရာစီစဉ်ပေးလိုက်အုံးလေ။"
သူကြီးက လေးလေး လို့အခေါ်ခံရတော့
ပြုံးပြုံးကြီးနဲ့ဗျာ။တကယ်ပါသူကြီးပြုံးတာမြင်တိုင်း
ကျုပ်တို့ငယ်ငယ်ကဆော့ခဲ့တဲ့
ပစ်တိုင်းထောင် ရုပ်ကြီးကိုပြေးပြေးမြင်
နေမိတော့တာဗျို့ ။
အဲ့ဒီနောက်မှာတော့ ကျုပ်တို့နှစ်ယောက်လဲ
သူကြီးကတော်နောက်လိုက်သွားပြီးသူကြီးကတော်ပေးတဲ့ အခန်းမှာခဏလောက် လှဲလိုက်နေလိုက်ကြတယ်။
"ကိုကြီးကျောက်ခဲ။"
"အင်း။"
"ယောကျာ်းလေးချင်း ချစ်ကြိုက်တာ တကယ်ရှိလား။"
"ဟမ်....ဘာကြီး။"
'ဇီးကွက်'ရဲ့စကားကိုသိပ်နားမလည်လို့ကျုပ်
ပြန်မေးလိုက်ရတယ်။ ဒီကောင်လေး
ဘာတွေပြောနေတာပါလိမ့်။
" ဟို....ယောကျာ်းလေးချင်းကြိုက်တာ
တကယ်ရှိတာလားလို့။"
"ဟ...မင့်ပေါက်တက်ကရ ဘယ်လိုရှိမှာတုံး
ဘယ်လိုကြိုက်ပြီး ဘယ်လိုခံစားလို့ရမှာလဲ...နို့
မင်းကိုဘယ်သူပြောတာလဲ၊
ဒါသေချာပေါက်မင်းဘာမင်းတွေးမိတာ
မဟုတ်လောက်ဘူး။"
ဒီကောင်လေးကို ဘယ်သူကဘာတွေ သင်ပေးလိုက်တယ်မသိပါဘူးဗျာ။'ဇီးကွက်'ဆိုတာ သိပ်စူးစမ်းတဲ့ကောင်ဗျ။တော်ကြာကျော်မကောင်းကြားမကောင်း
တွေဖြစ်ကုန်ရင် ခက်ရချည်ရဲ့။
"တောင်ပိုင်းက ကျေးဥမကယောက်ျားလေးချင်းလဲချစ်လို့ရတယ်တဲ့...တစ်ယောက်ကို
တစ်ယောက်ချစ်ဖို့ပဲလိုတာတဲ့။"
'ဇီးကွက်' ကမျက်နှာပေါ်ကို ခေါင်းအုန်းကြီးတင်ပြီး
ကျုပ်ကိုမသဲမကွဲပြောလာတယ်။
ကျုပ်တော့ရယ်ချင်တော့တာပဲသိတယ်။
ဒီကောင်လေးနှယ်....'ကျေးဥမ' စကားကိုမှအရေးလုပ်ရတယ်လို့။
"ဟားဟား....ဇီးကွက်ရယ် မင့်ကတော့
ကျေးဥမစကားကိုမှသွားယုံတာကိုး။
အဲ့ကလေးမက ချော်လဲပြီးခေါင်းထိသွားကတည်းက
ရူးကြောင်ကြောင်ဖြစ်နေတာကိုကွာ...။"
"ကိုကြီးကျောက်ခဲကလဲ .....သူကမရူးဘူးတဲ့ ၊
ဘာတဲ့ သူကနေရာကူးပြောင်း လာတာတဲ့။"
'ဇီးကွက်' စကားကြောင့် ကျုပ်အော်ရယ်မိတော့တယ်။ဒီကောင်လေးလဲ 'ကျေးဥမ'
နဲ့ပေါင်းပြီး ရူးတော့မှာပဲ။
"ကဲ...ကဲတော်တော့ 'ဇီးကွက် '
ငါအရယ်လွန်ပြီးသေတော့မယ်၊
လျှောက်တွေးမနေနဲ့ အဲ့ကလေးမက
ယဉ်ယဉ်လေးရူးနေတာ
မင့်မသိတာလဲ မဟုတ်ဘဲနဲ့ကွာ။"
ကျုပ်ဒီလိုပြောလိုက်မိတော့
'ဇီးကွက်'ကကျုပ်ကိုဘာမှမပြောတော့ဘဲ
ဟိုဘက်ကိုလှည့်သွားတယ်။
စိတ်ဆိုးသွားတယ်ထင်ပါ့ မျက်နှာကြီးကနီရဲလို့
ဗျာ...နောက်မှပဲချော့တော့မယ်။
~~~~~~~~~~~~~~~~~~~~~~~~~~~~~~~
ညနေရောက်တော့ သူကြီးဦးဘချောက ကျုပ်တို့ကို
ခရမ်းချဉ်သီးပန်ထွေဖျော်ရယ်၊ ကြက်သားဆီပြန်လေးရယ်၊ကင်းမုံရွက်နဲ့ဘူးညွန့် ကိုကြက်သွန်နီလေးနဲ့ ကြော်ချက် ချက်ထားတာလေးတစ်ခွက်ရယ် ၊ မန်ကျည်းရွက်သုပ်လေးရယ်နဲ့ ညနေစာ ကျွေးတယ်ဗျ ။ ကျုပ်တို့နှစ်ကောင်လဲ ခရီးပန်းတာနဲ့အသကုန်
လွေးတော့ပေါ့ဗျာ။ ညနေစာစားပြီးတဲ့အခါကျ
တော့ ထန်းလျက်လေးနဲ့အကြမ်းအိုးတည်ပြီး ရှေးဟောင်းနှောင်းဖြစ်တွေ ပြောပြတယ်ဗျ ။
ပြီးတော့မှ ကျုပ်တို့လဲစောစော အ်ိပ်ရာဝင်ခဲ့
လိုက်တယ် မနက်ကျစောစောထပြီးမြို့သွားရအုံးမှာ
မို့်လား ။
'ဇီးကွက်'ကတော့ ကျုပ်ကိုတစ်နေကုန် စကားမပြောဘူးဗျို့။ကျုပ်လဲ ဘုရားရှိခိုးလိုက်ပြီးမှ ကျုပ်ကိုကျောပေးထားတဲ့ 'ဇီးကွက်'ကို လှမ်းခေါ်လိုက်တယ်။
"ဟေ့...ဇီးကွက်ဘာဖြစ်လို့လဲ
တစ်နေကုန် စကားလဲမပြောပါ့လား။"
"ကျုပ်အိပ်ချင်နေပြီ၊ အိပ်တော့မယ်။"
'ဇီးကွက်'ကစောင်ထဲတိုးဝင်ပြီး
ကျုပ်ကိုမကျေနပ်တဲ့ပုံနဲ့ပြောလာ
တယ်ဗျ။ ဒီကောင်လေး
တစ်ကယ်စိတ်ကောက်နေတယ်ဆိုတာ
သိလိုက်တယ်။ ကြည့်ရတာ
ကျုပ် 'ကျေးဥ' ကိုစလိုက်လို့ထင်ရဲ့။
"စိတ်မဆိုးပါနဲ့တော့ ဇီးကွက်ရာ မင်းမကြိုက်ရင်
ငါနောက်တစ်ခါအဲ့လိုမပြောတော့ဘူး ဟုတ်ပလား။
ကိုကြီးက 'ကျေးဥ'ကိုဒီအတိုင်းစလိုက်တာပါကွာ...။"
" ကျေးဥကရူးနေတာမဟုတ်ဘူး၊ ကျုပ်သိတယ်။"
'ဇီးကွက်'က ကျုပ်ကိုမျက်နှာငယ်လေးနဲ့ပြောလာတော့ကျုပ်လဲအပြစ်ရှိသလိုခံစားလိုက်ရတယ်။
"ဟုတ်ပါပြီ...နောက် ကိုကြီးအဲ့လိုမပြောတော့ဘူး
ကိုကြီး မှားပါတယ်ကွာ။ "
"ပြီးရော ဒါဆိုကျုပ်တကယ်အိပ်ပြီ။"
ကျုပ်တောင်းပန်လိုက်တော့မှ 'ဇီးကွက်'
လည်းကျေနပ်သွားပုံပဲ။ကျုပ်ကိုပြုံးပြပြီး တစ်ဖက်ကိုလှည့်အိပ်သွားတော့တယ်။ 'ကျေးဥ'ဆိုတာရွာတောင်ပိုင်းက လယ်ပိုင်ရှင်'ဦးအုန်းမောင်'ရဲ့
သမီးအငယ်မလေးဗျ။အသက်ကတော့ 'ဇီးကွက်'နဲ့ ရွယ်တူပဲသူငယ်ချင်းတွေပေါ့ဗျာ။
အရင်တုန်းက 'ကျေးဥ'ကပုံမှန်ပါပဲ
သူ့ဟာနဲ့သူ အေးအေးဆေးဆေးလေး
နေတတ်တယ်၊၊
လွန်ခဲ့တဲ့သုံးလလောက်က ရွာထဲကရေကန်မှာ
ချော်လဲပြီး ခေါင်းပေါက်သွားကတည်းက အဲ့လိုပုံစံဖြစ်သွားတော့တာပဲ။ ကျန်းမာရေးပြန်ကောင်းသွားကတည်းက 'ဆံတောက်'ကြီးကို ညှပ်ချပစ်တာ အခုတော့ အုန်းမွှေးလုံးပုံစံပဲကျန်ခဲ့တယ်ဗျာ။
' ဆံတောက် 'ဆိုတာက..
မိန်းကလေးတွေ အသက်၁၀ နှစ်ကနေစပြီး
တစ်ဆယ့်ခြောက် ၊ တစ်ဆယ့်ရှစ် လောက်အထိ
နဖူးရှေ့ကဆံရစ်ကိုညှပ်ပေးရပြီး အလယ်က
ကျန်တဲ့ဆံရစ်ဝိုင်းကို အရှည်ထားရတယ်ဗျ။
ပြီးရင်နားရွက်စွန်းနဲ့ တညီတည်းဖြစ်အောင်ညှိပေးရတာအဲ့တာကို ဆံတောက်လို့ ခေါ်တာ။
သူ့မိဘတွေကတော့ သမီးအငယ်ဆုံးလေး
အပမှီနေတယ်ဆိုပြီးဆရာတွေဘာတွေ ပြကြတာပေါ့ဗျာ။ကောင်မလေးကတော့အခုဆိုဗျာ ဟိုအပင်တက်ဒီအပင်တက်နဲ့ မိဘတွေက မနည်း
လိုက်အုပ်နေရတော့တာဗျို့ ။
ဒါကိုပဲ 'ဇီးကွက်'ကအသနားပိုပြီး
သံယောဇဉ် တွယ်မိတယ်ထင်ပါရဲ့ဗျာ။
'ဇီးကွက်'လဲ အိပ်ပျော်သွားပြီ
ဆိုတော့ ကျုပ်လဲအိပ်ဖို့ပြင်လိုက်တယ်။
မနက်ကျ ခရီးထွက်ရအုံးမယ်မို့လား ။
~~~~~~~~~~~~~~~~~~~~~~~~~~~~~~~~
မနက်ရောက်တော့ ကျုပ်တို့နှစ်ယောက်လဲ
'အရုဏ်တက်ချိန်'လောက်ထပြီး
ရေမိုးချိုးမနက်စာစားပြီးတာနဲ့ ပြင်စရာရှိတာ
ပြင်ရတယ်ဗျ ပြီးတာနဲ့ လှည်းတပ်ပြီး ကျွဲဖြူ ရွာဘက်ကို မောင်းလာခဲ့လိုက်တယ် ။
'ဇီးကွက်' ကတော့
လှည်းပေါ်မှာငိုက်ရင်းပါလာတာပေါ့ဗျာ။
ကျုပ်လဲ ပါးစပ်ကနေ မေတ္တာသုတ်လေးရွတ်ရင်းပေါ့။မွန်းတည့်လောက်ရောက်တော့မှ
ကျုပ်တို့သပြေတန်းကိုရောက်တယ်။
သနပ်ကုန်းသူကြီးထည့်ပေးလိုက်တဲ့ နေ့လည်ထမင်းစားပြီးတာနဲ့ လှည်းကိုဖြုတ်ပြီး
သပြေတန်းဘုန်းကြီးကျောင်းမှာ
အပ်ထားခဲ့ရတာပေါ့။ ကျုပ်ကမြို့သွားတိုင်း
ဘုန်းကြီးကျောင်းမှာအပ်နေကျ ဆိုတော့
ကျောင်းထိုင်ဆရာတော်ကြီးနဲ့တောင်
ခင်နေပြီဗျ ။ ကျုပ်တို့လဲဆရာတော်ကြီးကို
ကန်တော့ပြီး မြို့ကိုရောက်တဲ့ အုတ်လမ်းလေးကနေ
ခြေလျှင်လျှောက်လာလိုက်ကြတယ်။
အုတ်လမ်းတစ်လျှောက်မှာက
အညာဆီးပင်တွေ စိုက်ထားတာဆိုတော့
အရိပ်လဲရ ၊ ဆီးသီးလဲစားလို့ရတာပေါ့ဗျာ။
နှစ်ယောက်လုံးကလမ်းလျှောက်မြန်တော့ဘယ်လောက်မှ မလျှောက်လိုက်ရဘူးဗျို့။
အုတ်လမ်းလေးလွန်တာနဲ့
မြို့ထဲကိုတန်းရောက်တာပဲ ကျုပ်တို့နှစ်ယောက်လဲ
အမောပြေ အအေးလေးဝင်သောက်ပြီးတာနဲ့
လန်ချားငှားပြီး လေးလေးဘိုးစည်
တို့အိမ်ကို လာခဲ့လိုက်တယ်။
'လေးလေးဘိုးစည်' အိမ်က အုတ်ခံ
နှစ်ထပ်အိမ်ကြီးဗျ ၊ အိမ်ကြီးမှာ လေးလေးဘိုးစည်ရယ် ခြံစောင့် ကောင်လေးရယ်ပဲအနေများတာ။
အဲ့ဒီလိုအိမ်ကြီးမှာ တစ်ယောက်တည်းနေတော့
လေးလေးဘိုးစည်ကအထီးမကျန်ဘူးလားမသိဘူး။
ကျုပ်တော့ မိသားစုနဲ့ခွဲပြီး
တစ်ယောက်တည်းမနေနိုင်ပေါင်ဗျာ။
ဒီလိုနဲ့လေးလေးဘိုးစည်အိမ်ရှေ့ရောက်တော့
ကျုပ်လဲ ခြံဝမှာဆွဲထားတဲ့ခေါင်းလောင်း
သေးသေးလေး တီးလိုက်တယ်။
"ကလင်၊ ကလင် ၊ ကလင်!။ "
'သိင်္ခ' တစ်ယောက်စာဖတ်နေရင်း
ခြံဝကခေါင်းလောင်းသံကြားတာကြောင့်
ခြံစောင့်ကောင်လေးကို လှမ်းရှာကြည့်လိုက်တယ်။
"ကလင် ၊ ကလင် ၊ ကလင်!။ "
ခြံစောင့်လေးကိုလဲမတွေ့
ခေါင်းလောင်းလေးကလဲ
အဆက်မပြတ်မြည်နေဆဲမို့ သူလဲ
ဖက်လက်စ စာအုပ်လေးကိုချပြီး
ခြံဝကိုထွက်လာခဲ့လိုက်တယ်။
ခြံဝနားရောက်တော့ သူလှမ်းမြင်လိုက်ရတာ
သျှောင်ထုံးနဲ့ လူငယ်လေးနှစ်ယောက်က
နေပူထဲကနေအိမ်ကြီးကို လှမ်းကြည့်ရင်း
ခေါင်းလောင်းကိုအဆက်မပြတ်တီးနေတာကိုပဲ ၊၊
"ကိုကြီးကျောက်ခဲ
လူမရှိတာလားမသိဘူးနော်။"
'ဇီးကွက်'က သူ့မျက်နှာပေါ်ကိုကျရောက်နေတဲ့
နေရောင်ခြည်တွေကို လက်နဲ့ကာပြီး
ကျုပ်ကိုပြောလာတယ်။
နေ့လည် ဆိုတော့နေကလည်းပူပါ့ဗျာ။
"လူမရှိတာတော့ မဟုတ်လောက်ပါဖူးကွာ
ပုံမှန်ဆို ခြံစောင့်ကောင်လေးကအမြဲပြေးထွက်လာနေကျပါဘယ်ရောက်နေလို့ပါလိမ့်။ "
ကျုပ်လဲခေါင်းလောင်းကိုထပ်တီးဖို့
လက်လှမ်းလိုက်တယ်။
ဒါပေမဲ့ ခေါင်းလောင်းကိုင်ထားတဲ့
ကျုပ်လက်ပေါ်ကိုအေးစက်စက်လက်တစ်ဖက်
ရောက်လာတာကြောင့် ကျုပ်လက်ကိုအမြန်
ရုတ်လိုက်ရသေးတယ်။
"ညီငယ်တို့က ဘယ်သူ့နဲ့တွေ့ချင်လို့လဲ။ "
'သိင်္ခ' အသားညိုညိုအရပ်ရှည်ရှည်နဲ့
လူငယ်လေးကို မေးလိုက်တယ်။ သူ့လက်နဲ့ထိမိသွားမို့
လန့်သွားပုံပဲ။ အနီးကပ်ကြည့်တော့
ကောင်လေးတွေက သျှောင်ထုံးလေးတွေနဲ့ အတော်
လေးလိုက်ဖက်ကြတာပဲ။
"ကျုပ်တို့လေးလေးဘိုးစည်နဲ့တွေ့ချင်လို့ပါ
ငလင်ဗန်းက'ကျောက်ခဲ' နဲ့ သူ့တူ'ဇီးကွက်'ပါ။ "
"ကျောက်ခဲတဲ့လား။"
"ဟုတ်ပါတယ်...။"
သူကောင်လေးရဲ့နာမည်ကိုရုတ်တရက်
ရေရွတ်မိလိုက်တယ်။
ကောင်လေးကလဲ သူဟုတ်ကြောင်းရိုးရိုးလေးပြန်ပြောလာတာမို့ ရယ်မိမလိုတောင်ဖြစ်သွားတယ်။
အရိုးခံတောသားလေးဆိုပေမဲ့ လူချောလေးတစ်ယောက်ပဲ ၊ မျက်လုံးဝိုင်းဝိုင်းလေးတွေနဲ့
နှုတ်ခမ်းလေးက 'ကကြီး'ပုံလေး...
ပိတ်အပါးလေးနဲ့ထုံးထားတဲ့သျှောင်ထုံးလေးကိုကြည့်ရင်းသူ့ရင်ထဲမှာလဲ ကိုင်ကြည့်ချင်စိတ်ကြောင့်
ကလိကလိဖြစ်လို့လာရတယ်။
"နောင်ကြီး ကဘယ်သူလဲ
လေးလေးဘိုးစည် ကိုခေါ်ပေးပါ။
မဟုတ်လဲ ကျုပ်တို့ကိုအထဲပေးဝင်
ကျုပ်တို့ကအဝေးကြီးကနေ လာရတာဗျ
နေသိပ်ပူနေပြီ။ "
ကျုပ်လဲအရပ်ရှည်ရှည်၊ အသားဖြူဖြူ ၊
အင်္ဂလိပ်စတိုင်နဲ့ လူကိုပြောလိုက်တယ်။
ဘယ့်နှယ့်ဗျာ မသိရင်ကျုပ်တို့က
ရှားပါးလူသားကျနေတာပဲ စိုက်ကြည့်နေတာ၊၊
မြို့ပေါ်ကလူတွေကအင်္ဂလိပ်စတိုင်နေကြတာများတော့ ကျုပ်တို့လိုဗမာရိုးရာပုံစံက ရှားပါးနေလောက်ပါပြီ။ ဒီလူက နေဒီလောက်ပူနေတာကို
ရပ်ကြည့်နေရအောင် လူမှုရေးမရှိဘူးလားမသိဘူး။
"အော်...အင်း အင်း ..ဆောရီး
ရွာကလူတွေမဟုတ်လား ၀င်ခဲ့ပါ။ "
သူလဲ 'ကျောက်ခဲ'ဆိုတဲ့ ကောင်ငယ်လေးမာန်မှပဲ
အသိပြန်ဝင်တော့တယ်။ နေပူထဲရပ်နေရလို့
စိတ်ဆိုးသွားပုံရတာမို့ တံခါးအမြန်ဖွင့်ပေးလိုက်ရတယ်။
ကျုပ်လဲနေရင်းထိုင်ရင်း ဘိုလိုညှပ်ပြောလာတဲ့
လူကိုတစ်ချက်စိုက်ကြည့်ပြီး ခြံထဲဝင်လာလိုက်တယ်။
"ဟာ ကိုကြီးကျောက်ခဲတို့ရောက်နေပြီပဲ
လာ...အပေါ်မှ လေးလေးစောင့်နေတယ်။"
ကျွန်တော်လဲ 'ဇီးကွက်'ကို လှမ်းဆွဲရင်း
ခြံစောင့်ကောင်လေးနောက်ကိုလိုက်လာခဲ့လိုက်တယ်။
အင်္ဂလိပ်စတိုင်နဲ့ လူကလဲအနောက်ကနေ
ပါလာသေးတာဗျ ။ ကျုပ်တို့အပေါ်ထပ်ကိုရောက်တော့ 'လေးလေးဘိုးစည်'အပြင်
တရုတ်လိုအသားဖြူ ဖြူ။
အရပ်မြင့်မြင့်ခန့်ခန့်ထည်ထည်ရွှေကိုင်းမျက်မှန်နဲ့
လူကြီး တစ်ယောက်နဲ့ တော်တော်ကျက်သရေရှိတဲ့
အမျိုးသမီးတစ်ယောက်က ဝိုင်းပြီးစကားပြောနေကြတယ်။
"ဟော...ကျောက်ခဲလာကွာ..
လေးလေးကမင့်ကို မျှော်နေတာကွ။"
ကျုပ်တို့ကိုမြင်တော့ လေးလေးဘိုးစည်က
နှုတ်ဆက်လာတာမို့ကျုပ်လဲ'ဇီးကွက်'လက်ကိုဆွဲပြီး
လေးလေးဘိုးစည်ရှေ့ဝင်ထိုင်လိုက်တယ်။
"အဟက်..."
သူထပ်ပြီးရယ်မိပြန်တယ်။တောသားလေးက
'ဇီးကွက်'ဆိုတဲ့ကောင်လေးကို လက်ကနေဆွဲပြီးရှေ့ကနေသွားနေတာက မသိရင် အငယ်လေးကိုကာကွယ်မဲ့အစ်ကိုကြီးကျနေတာပဲ။
၀င်ထိုင်လိုက်တော့လဲစွေ့ခနဲပဲ။
သူကသာရင်းနှီးချင်နေပေမဲ့ တောသားလေးကတော့
သူ့ကိုသိပ်ကြည်တဲ့ပုံတော့မပေါက်ဘူး။
"လေးလေး...ဒါဇီးကွက်လေ "
"ဟ...ငါ့တူတောင်လူပျို လေးဖြစ်နေပြီပဲ
မင်းအမ နဲ့တူတော့ လူချောဖြစ်တာပေါ့ကွာ။"
'ဇီးကွက်'က လေးလေးနဲ့ သိပ်မတွေ့ဖြစ်တော့စိမ်းနေပုံဘဲ၊ ကျုပ်လဲ စကားပြန်ပြောဖို့ဇီးကွက်
ကိုလက်ကုပ်လိုက်ရတယ်။
"ဟုတ်ကဲ့...လေးလေး။ "
"ဟားဟား ငါ့တူက ငါ့ကိုရှိန်နေပုံပဲကျောက်ခဲရ
ထားပါလေ...နောက်တော့ကျ ရင်းနှီးမပေါ့ကွာ။"
လေးလေးက ရယ်ပြီး 'ဇီးကွက်'ရဲ့ခေါင်းလေးကို
ပုတ်ရင်းပြောလာတယ်ဗျ ။
"အိမ်း ....ဒါနဲ့....ရွာမှာအလှူလုပ်မဲ့ အလှူ
ရှင်တွေနဲ့ လေးလေးမိတ်ဆက်ပေးမယ်။
ဒီဘက်က 'ဦးရွှေမောင်'တဲ့လေးလေးမိတ်ဆွေပေါ့
ဟိုဘက်ကဒေါ်ဒေါ်က'ဒေါ်ရွှေဇင်ညိမ်း'လို့ခေါ်တယ်။"
"ကိုယ်က 'ဗညားသိင်္ခ' ပါ...အစ်ကိုလို့ခေါ်လို့ရတယ်။"
'သိင်္ခ' ကောင်လေးကိုစချင်တာမို့
တမင်ဖြတ်ပြောလိုက်တော့
တောသားလေးရဲ့ မကျေနပ်သလိုပေစောင်းစောင်း
အကြည့်လေးက သူ့ဆီကိုဦးတည်ရောက်ရှိလို့
လာတော့တယ်။
~~~~~~~~~~~~~~~~~~~~~~~~~~~~~~~~~~
ထွန်ဖြုတ်ချိန် /လယ်ထွန်ဖြုတ်ချိန် =နေ့လည်၁နာရီခန့်။
အာရုဏ်တက်ချိန် = မနက်၎နာရီမှ ၆နာရီခွဲ ။
၅တိုင် = မြန်မာ့ရိုးရာအတိုင်းအတာမှာ ၁တိုင်ဆိုတာ
၂မိုင်နဲ့ညီမျှပါတယ်။ ၅တိုင်ဆိုတော့
၁၀ မိုင်ပါ။
[ Aa/အပ်ပေးလိုက်ပါပြီ
ဖတ်ပေးဖို့ကမင်းလေးတို့တာဝန်ပါ]
🍀🍀🍀🍀🍀🍀🍀🍀🍀🍀🍀🍀🍀🍀
Zawgyi
~~~~~~~
ဒီလိုနဲ႕ က်ဳပ္လည္း ေတာတိုးလိုက္
လယ္ထဲဆင္းလိုက္၊ အိမ္မွာဝိုင္းလုပ္လိုက္နဲ႕
စေနေန႕ကိုေရာက္မွန္းမသိ ေရာက္လာတယ္။
က်ဳပ္ရဲ႕ဖ်င္လြယ္အိတ္ႀကီးထဲကို အ၀တ္စားသုံးစုံ
လမ္းမွာအဆာေျပစားဖို႔ ေကာက္ညွင္းေပါင္းထုပ္ရယ္၊ ေရထည့္ထားတဲ့ ဘူးသီးေျခာက္ရယ္ နဲ႕အျခားလိုရမယ္ရပစၥည္းေလးေတြကို
မရွိမျဖစ္ေလာက္ေလးခြနဲ႕ ေရာၿပီးထည့္လိုက္တယ္။
"ငေက်ာက္ခဲ ဒီကိုလာ...
အမ ေသွ်ာင္ထုံးေပးမယ္။"
အမက အုန္းဆီခြက္ႀကီးေဘးကိုခ်လိဳ႕
သစ္သားဘီးႀကီးကိုင္ၿပီးက်ဳပ္ကိုေသွ်ာင္ထုံးေပးဖို႔ေခၚလာတယ္။ က်ဳပ္လည္းအမရဲ႕ေရွ႕မွာ ဝင္ထိုင္လိုက္ေလေတာ့ အမကဖ်င္စေခါင္းေပါင္းေလးကို
ဖ်ည္ခ်လိဳက္ၿပီး သစ္သားဘီးႀကီးနဲ႕ ဆံပင္ကိုတစ္ခ်က္ ႏွစ္ခ်က္ေလာက္ၿဖီးလိုက္ၿပီးအုန္းဆီနဲ႕လူးေပးလာတယ္ဗ်။
"ငေက်ာက္ခဲရယ္...နင့္မလဲဆံပင္ကိုျဖစ္သလို
ထားထားတာဘဲ။မအားရင္ အမကိုေျပာေပါ့။
အသက္ျဖင့္မငယ္ေတာ့ဘူး
ေသွ်ာင္ကိုေတာ့သပ္သပ္ရပ္ရပ္
ထုံးတတ္ေအာင္လုပ္ထား...ၾကားရဲ႕လား။"
အမ က က်ဳပ္ကိုဆူသလိုေလးေျပာလာတယ္။
က်ပ္က ဒီလိုအလုပ္ေတြ သိပ္စိတ္ရွည္တာမဟုတ္ဘူး ဒါေၾကာင့္ ဆံပင္ကို သိပ္လည္းအာ႐ုံမစိုက္မိပါဘူး။ျဖစ္နိုင္ရင္ ညွက္ျပစ္ခ်င္တာ အမ က
ေသွ်ာင္ဘဲထားပါဆိုလို႔။က်ဳပ္တို႔႐ြာမွာက
ေသွ်ာင္ထားတဲ့သူေတြလည္းရွိသလို
အတို ညွက္တဲ့သူေတြလည္း
ရွိတယ္ဗ်။မိန္းကေလးေတြကေတာ့ ဆံရစ္ဝိုင္း၊
ဆံေတာက္၊ တစ္ပတ္လွ်ိသူ႕အ႐ြယ္နဲ႕
သူထားၾကတာေပါ့ဗ်ာ ။
"ကဲ....ရၿပီ။"
အမ က ဆံပင္ကို ဖ်င္ပိတ္စေလးနဲ႕
က်ဳပ္ကိုပတ္ေပးတယ္။
"ဒီသားအမိ အခုမွတြယ္တာေနတယ္ဟုတ္စ။"
အဘက ၿခံထဲကအပင္ေတြ ေရေလာင္းၿပီး
အိမ္ေပၚျပန္တက္လာကာ က်ဳပ္တို႔သားအမိကို က်ီစယ္လာတယ္။အမ ကလည္း ေျပာင္းဖူးဖတ္ေဆးလိပ္ႀကီးကို မီးခတ္နဲ႕ မီးညွိရင္း အဘကို
မ်က္ေစာင္းတခဲခဲ ။
"ေတာ္ႀကီးကဘဲ ေျပာရတယ္ ရွိေသး
ေတာ္ႀကီးေသွ်ာင္ကလည္း
က်ဳပ္ထုံးေပးလို႔ ၾကည့္ေကာင္းေနတာေလ
က်ဳပ္သားက်ဳပ္ထုံးေပးတာ ဘာျဖစ္သတုန္း..။ "
"ဟားဟား...ဘာမွမျဖစ္ေပါင္ဗ်ာ
ခင္ဗ်ားတို႔သားအမိတေဒြ
အဆင္ေျပရင္ ၿပီးတာပါဘဲ။"
အဘက ေအာ္ရယ္ၿပီး အမ ကို
အေလွ်ာ့ေပးလိုက္တယ္ဗ်။
က်ဳပ္ကေတာ့ အဘ နဲ႕ အမ
အဲ့လိုစကားရည္လုၾကတိုင္းပီတိ
ျဖစ္ေနရတာေပါ့ဗ်ာ ။
"ကဲ...ကဲ...ကြၽန္ေတာ္လည္းသြားရေတာ့မယ္၊
အဘ နဲ႕ အမ ကိုကန္ေတာ့မယ္။ "
က်ဳပ္ဒီလိုေျပာမွဘဲ အဘ က အမနဲ႕အတူ
ေခါင္းရင္းမွာဝင္ထိူင္လာတယ္။
က်ဳပ္လည္း ျမတ္စြာ ဘုရား ေရာ၊ အဘနဲ႕ အမကိုေရာ ရည္မွန္းၿပီးကန္ေတာ့လိုက္တယ္။
အမ ကလည္း ေသာက္လက္စေျပာင္းဖူးဖတ္ေဆးလိပ္ ကိုေဘးခ်ၿပီးဆုေပးလာတယ္။
"ငါ့သား...ေက်ာက္ခဲေလး ခလုတ္မထိစူးမၿငိနဲ႕ လိုရာ ခရီးေရာက္ပါေစေတာ္၊သူေတာ္ေကာင္းေတြ ေစာင့္ေရွာက္ပါေစ။"
"အိမ္း...မင့္အမ ေျပာသလိုဘဲ ျဖစ္ပါေစကြာ"
အဘ ကမိန႔္မိန႔္ႀကီးၿပဳံးၿပီး က်ဳပ္ကိုဆုေပးသဗ် ။
"ဒါဆို ကြၽန္ေတာ္သြားၿပီေနာ္...
သူႀကီး အိမ္ကိုလည္း၀င္ရဦးမွာမို႔။"
"အိမ္း...အိမ္း...အႏၱရာယ္လည္း ၾကည့္ေရွာင္ေနာ္။ "
"ဟုတ္ကဲ့ အဘ။ "
က်ဳပ္လည္း အဘ နဲ႕ အမ ကိုႏႈတ္ဆက္ၿပီးေနာက္
သူႀကီးအိမ္ကို သြားၿပီး'ဇီးကြက္ '
ေလးကိုပါဝငိေခၚလိုက္တယ္။
ဒီေကာင္ေလးကလည္း ၿမိဳ႕ ကိုသြားရမယ္ဆိုေတာ့ေပ်ာ္ေနတာေပါ့ဗ်ာ ၊ သူႀကီးက က်ဳပ္ကိုလိုရမယ္ရသုံးဖို႔ဆိုၿပီး ႐ူပီး၁ဝဝ ေပးလိုက္တယ္၊ က်ဳပ္တို႔ဆီမွာက ၁၀႐ူပီး ဆိုရင္ေတာင္ ၀က်သားနဲ့
ေခါက္ဆြဲတစ္ထုတ္ရတာ ၊
၁၀၀ဆိုေတာ့က်ဳပ္အသုံးစရိတ္ႏွစ္လစာ
နီးနီးရွိတယ္ဗ် ။ သူႀကီး ကိုႏႈတ္ဆက္ၿပီးေတာ့
က်ဳပ္လည္း 'ထြန္းစံ' နဲ႕ 'မဲႀကီး'ကို
ေမာင္းၿပီး ႐ြာထဲကေန စထြက္လာခဲ့လိုက္တယ္။
က်ဳပ္တို႔ ငလင္ဗန္း နဲ႕ သနပ္ကုန္း ႐ြာက (၅တိုင္)
ေလာက္ေဝးတယ္ ဗ် ။ ၾကားထဲက႐ြာေတြနဲ႕
ေတာလမ္းေတြကိုျဖတ္ၿပီး "ထြန္ျဖဳတ္ခ်ိန္"ေလာက္မွဘဲ ႐ြာထိပ္ကိုေရာက္လာေတာ့တယ္။
က်ဳပ္လည္းသူႀကီးအိမ္ကိုရွာရဦးမွာမို႔
႐ြာထိပ္က ေညာင္ပင္
ႀကီးေအာက္မွာ လွည္းတစ္ေထာက္နားၿပီး ႏြားေတြလဲ
အစာေကြၽး၊ က်ဳပ္လဲ အမ ထည့္ေပးလိုက္တဲ့
ေကာက္ညွင္းေပါင္းနဲ႕ ဆတ္သားေျခာက္ကေလးကို
အဆာေျပစားလိုက္တယ္၊ဇီးကြက္ကလည္း
ေကာက္ညွင္းေပါင္းနဲ႕ ဆတ္သား ေျခာက္ဖုတ္ဆိုေတာ့ လဲစားလို႔မရေတာ့ဘူးေပါ့ဗ်ာ။
ၿပီးမွက်ဳပ္တို႔သူႀကီးမွာလိုက္တဲ့
သနပ္ကုန္း႐ြာသူႀကီး အိမ္ကိုေမးရင္း
ျမန္းရင္းေမာင္းလာခဲ့ေတာ့တယ္။
က်ဳပ္တို႔ဘက္က ေခါင္ေတာ့ ၿမိဳ႕ေပၚကို
လွည္းေမာင္းၿပီးဘဲသြားရတာ။
သနပ္ကုန္းၿပီးရင္ ၊ ကြၽဲျဖဴ ႐ြာ၊ သေျပတန္းတို႔ကျဖတ္ၿပီးတာနဲ႕ ၿမိဳ႕ေပၚကိုတန္းသြားလို႔ေရာက္ၿပီေပါ့ဗ်ာ။
သေျပတန္းဘုန္းႀကီးေက်ာင္းမွာ လွည္းအပ္ၿပီးမွၿမိဳ႕ေပၚကိုေျခလွ်င္သြားရတာဗ်ိဳ႕ ။
သေျပကုန္းနဲ႕ ၿမိဳ႕ေပၚက ၁ တိုင္ေလာက္ဘဲ ေဝးတာရယ္။ ၿမိဳ႕ေပၚေရာက္မွ လန္ခ်ားငွားၿပီး
ေလးေလးဘိုးစည္အိမ္ကိုသြားရမွာ၊၊
ေလးေလးဘိုးစည္က တစ္ကိုတည္း လူပ်ိဳႀကီးဗ်၊ ၊
က်ဳပ္က ေလးေလးဘိုးစည္အိမ္
ႏွစ္ေခါက္သုံးေခါက္ေရာက္ဖူးေတာ့
လမ္းေကာင္းေကာင္းသိေနတာေပါ့ဗ်ာ။
က်ဳပ္စိတ္ပူတာက ၿမိဳ႕ကဧည့္သည္ေတြကိုဘဲ
က်ဳပ္တို႔အညာသားေတြက
သြားဖူးလာဖူးေတာ့အေတြ႕အႀကဳံ ရွိေတာ့
ေတာ္႐ုံမပန္းဘူးေလ။ဧည့္သည္ေတြက် ရန္ကုန္ကလူေတြလည္းျဖစ္ေတာ့ လွည္းမူး ဘာမူးနဲ႕ ခရီးေတာ္ေတာ္ပန္းမွာကိုစိုးရိမ္တယ္။
ဒီလိုနဲ႕ က်ဳပ္တို႔ႏွစ္ေယာက္လည္းစကားေလး
တေျပာေျပာနဲ႕ ႐ြာထဲကိုေမာင္းလာခဲ့တယ္။
႐ြာလမ္းထဲေတာ္ေတာ္ဝင္ၿပီးမွ
သနပ္ကုန္း ႐ြာသူႀကီးအိမ္ကိုေရာက္ေတာ့တယ္။
က်ဳပ္နဲ႕ 'ဇီးကြက္'လည္း ႐ြာသူႀကီးေပးလိုက္တဲ့စာကိူ သနပ္ကုန္း႐ြာလူႀကီးကိုေပးလိုက္တယ္၊
သနပ္ကုန္း႐ြာသူႀကီးက အသားျဖဴျဖဴ ဝဝဖိုင္ဖိုင္နဲ႕
ပစ္တိုင္းေထာင္ အ႐ုပ္ႀကီးလိုဘဲဗ်ိဳ႕ ။
သူႀကီးရဲ႕ လူေတြမွန္းလဲသိေရာ က်ဳပ္တို႔ႏွစ္ေယာက္ကိုခ်က္ခ်င္းအိမ္ေပၚကို ေခၚၿပီး
လက္ဖက္ေတြ၊ ကြမ္းေတြနဲ႕ ဧည့္ခံပါေလေရာဗ်ာ။
"ေဟ့...ရွင္မေရ အေရွ႕ကိုထြက္လာခဲ့ပါဦးဟ
ငဘိုးသာရဲ႕ တူေတြေရာက္ေနတယ္။"
'သူႀကီးဘေခ်ာ'က သူ႕မိန္းမကိုလွမ္းေခၚတယ္ဗ် ၊ သူ႕ကိုၾကည့္ရတာဧည့္သည္လာလို႔ ေပ်ာ္ေနပုံဘဲ။ သူႀကီးကေတာ္ကလည္း
လက္ႏွီးႀကီးကိုင္ၿပီး က်ဳပ္တို႔ဆီကိုေရာက္လာတယ္ဗ်ိဳ႕ ၊ သူႀကီးကေတာ္က ပိန္ပိန္ပါးပါး နဲ႕ေသးေသးေလးဗ် ၊သနပ္ခါးေဖြးေဖြး၊ ဘီးဆံပါတ္ႀကီး ထုံးထားၿပီး၊ အသားကလည္းဝင္းဝင္းနဲ႕ တစ္ခ်ိန္က မိန္းမေခ်ာျဖစ္ခဲ့ပုံပါဘဲ။
"ငဘိုးသာရဲ႕တူေတြ ဟလား....ဟမယ္ေလးး
ဒင္းကေတာ့ က်ဳပ္တို႔ဆီကိုက် အလည္မလာပါဘဲ
တူေတြကိုလႊတ္လိုက္တယ္ေပါ့ေလ။ "
"ေလးေလးက အသက္လည္းႀကီးလာေတာ့
ခရီးေဝးသိပ္မသြားေတာ့တာပါ ေဒၚေဒၚရယ္၊
သူႀကီးတို႔ကို သူကလည္းေတြ႕ခ်င္ေနပါတယ္...ဗ်! "
'ဇီးကြက္'က ဒီလိုက်ေတာ့သြက္ခ်က္ဗ်ာ၊
သူႀကီးကေတာ္ကလည္း
'ဇီးကြက္'ရဲ႕စကားကိုၾကားမွဘဲ
ေခါင္းေလးညွိတ္ၿပီးေျပာလာတယ္။
"သူမလာနိုင္မွေတာ့ က်ဳပ္တို႔ကိုယ္တိုင္ဘဲ
သြားရေသးတာေပါ့ေတာ္...။ "
"ဟုတ္တယ္ကြ....မင့္တို႔ ေလးေလးတေွနဲ့ငါတို့ဆိုတာ ငယ္သူငယ္ခ်င္းအရင္းႀကီးေတြ ေပါ့ကြာ၊
အခုလိုအသက္ႀကီးမွဘဲ သိပ္မေတြ႕ျဖစ္ေတာ့တာ
မင္းတို႔လည္း ကိုယ့္အိမ္ကိုယ့္ရာ
လိုသေဘာထား။"
"နို႔....ငေက်ာက္ခဲမင္းတို႔က တစ္ညဘဲအိပ္မွာလား။"
သူႀကီးက ေရႏြေးတစ္ငုံေသာက္ရင္း
ေမးလာတယ္ဗ် ။
"ဟုတ္ပါတယ္ဗ်
မနက္ေစာေစာၿမိဳ႕ကိုအေရာက္သြားမွာပါ။"
"အိမ္း အိမ္း...ေကာင္းၿပီ ေလးေလး
မနက္အတြက္အကုန္ျပင္ဆင္
ထားလိုက္မယ္...ဟုတ္ပလား
အခုေတာ့ ခန နားၾကဦးကြာ
ၿပီးမွ ေန႕လည္စာစားၾကတာေပါ့။"
"ရပါတယ္ေလးေလး...
ကြၽန္ေတာ္တို႔ေန႕လည္စာစားၿပီးပါၿပီ။ "
က်ဳ ပ္တို႔လည္းမလာခင္က
ေကာက္ညွင္းေပါင္းစားလာတာမို႔
ေန႕လည္စာမစားနိုင္ေတာ့ဘူးေလဗ်ာ၊
ဒါေၾကာင့္ က်ဳပ္တို႔လည္းအမွန္တိုင္းေျပာျပလိုက္တယ္။
"ေဟ...ဒါျဖင့္လည္း ညေနစာစားေပါ့ကြာ
ဒီလူနဲ႕ဒီလူ အားနာစရာမလိုပါဘူးဟ။ "
"ဟုတ္ကဲ့ပါေလးေလး။ "
"အိမ္း ...နားေထာင္လို႔ေကာင္းပါ့ကြာ
ရွင္မေရ ကေလးေတြကို
ေနရာစီစဥ္ေပးလိုက္ဦးေလ။"
သူႀကီးက ေလးေလး လို႔အေခၚခံရေတာ့
ၿပဳံးၿပဳံးႀကီးနဲ႕ဗ်ာ၊ တကယ္ပါသူႀကီးၿပဳံးတာျမင္တိုင္း က်ဳ ပ္တို႔ငယ္ငယ္ကေဆာ့ခဲ့တဲ့
ျပစ္တိုင္းေထာင္ ႐ုပ္ႀကီးကိုေျပးေျပးျမင္
ေနမိေတာ့တာဗ်ိဳ႕ ။
က်ဳပ္တို႔ႏွစ္ေယာက္လည္း
သူႀကီးကေတာ္ေနာက္လိုက္သြားၿပီးသူႀကီးကေတာ္ေပးတဲ့ အခန္းမွာခနေလာက္ လွဲလိုက္ေနလိုက္တယ္ ။
"ကိုႀကီးေက်ာက္ခဲ"
"အင္း"
"ေယာက်ာ္းေလးခ်င္း ခ်စ္ႀကိဳက္တာ တကယ္ရွိလား"
"ဟမ္....ဘာႀကီး!"
'ဇီးကြက္'ရဲ႕စကားကိုသိပ္နားမလည္လို႔က်ဳပ္
ျပန္ေမးလိုက္ရတယ္။ ဒီေကာင္ေလး
ဘာေတြေျပာေနတာလဲဆိုတာ က်ဳပ္မေတြး
နိုင္ေတာ့ဘူး။
" ဟို....ေယာက်ာ္းေလးခ်င္းႀကိဳက္တာ
တကယ္ရွိတာလားလို႔"
"ဟ...မင့္ေပါက္တက္ကရ ဘယ္လိုရွိမွာတုန္း၊
ဘယ္လိုႀကိဳက္ၿပီး ဘယ္လိုခံစားလို႔ရမွာလဲ.....နို႔
မင္းကိုဘယ္သူေျပာတာလဲ၊
ဒါေသခ်ာေပါက္မင္းဘာမင္းေတြးမိတာ
မဟုတ္ေလာက္ဘူး။"
ဒီေကာင္ေလးကို ဘယ္သူကဘာေတြ သင္ေပးလိုက္တယ္မသိပါဘူးဗ်ာ၊ 'ဇီးကြက္'ဆိုတာ သိပ္စူးစမ္းတဲ့ေကာင္ဗ်။ေတာ္ၾကာေက်ာ္မေကာင္းၾကားမေကာင္းေတြျဖစ္ကုန္ရင္ ခက္ရခ်ည္ရဲ႕။
"ေတာင္ပိုင္းက 'ေက်းဥ'မကေယာက်ာ္းေလးခ်င္းလည္းခ်စ္လို႔ရတယ္တဲ့...တစ္ေယာက္ကို
တစ္ေယာက္ခ်စ္ဖို႔ဘဲလိုတာတဲ့။"
'ဇီးကြက္' ကမ်က္ႏွာေပၚကို ေခါင္းအုန္းႀကီးတင္ၿပီး က်ဳပ္ကိုမသဲမကြဲေျပာလာတယ္။
က်ဳပ္ေတာ့ရယ္ခ်င္ေတာ့တာဘဲသိတယ္။
ဒီေကာင္ေလးႏွယ္....'ေက်းဥမ' စကားကိုမွအေရးလုပ္ရတယ္လို႔။
"ဟားဟား....'ဇီးကြက္'ရယ္ မင့္ကေတာ့
'ေက်းဥမ'စကားကိုမွသြားယုံတာကိုး။
အဲ့ကေလးမက ေခ်ာ္လဲၿပီးေခါင္းထိသြားထဲက
႐ူးေၾကာင္ေၾကာင္ျဖစ္ေနတာကိုကြာ...။"
"ကိုႀကီးေက်ာက္ခဲကလည္း .....သူကမ႐ူးဘူးတဲ့ ၊
ဘာတဲ့ သူကေနရာကူးေျပာင္း လာတာတဲ့။"
'ဇီးကြက္' စကားေၾကာင့္ က်ဳပ္ေအာ္ရယ္မိေတာ့တယ္၊ ဒီေကာင္ေလးလည္း 'ေက်းဥမ'
နဲ႕ေပါင္းၿပီး ႐ူးေတာ့မွာဘဲ။
"ကဲ...ကဲေတာ္ေတာ့ 'ဇီးကြက္ '
ငါအရယ္လြန္ၿပီးေသေတာ့မယ္၊
ေလွ်ာက္ေတြးမေနနဲ႕ အဲ့ကေလးမက
ယဥ္ယဥ္ေလး႐ူးေနတာ
မင့္မသိတာလဲ မဟုတ္ဘဲနဲ႕ကြာ။"
ဇီးကြက္လည္းက်ဳ ပ္ကိုဘာမွမေျပာေတာ့ဘဲ
ဟိုဘက္ကိုလွည့္သြားေတာ့တယ္၊
စိတ္ဆိုးသြားတယ္ထင္ပ့ မ်က္ႏွာႀကီးကနီရဲလို႔
ဗ်ာ...ေနာက္မွဘဲေခ်ာ့ေတာ့မယ္။
~~~~~~~~~~~~~~~~~~~~~~~
ညေနေရာက္ေတာ့ သူႀကီးဦးဘေခ်ာက က်ဳ ပ္တို႔ကို
ခရမ္းခ်ဥ္သီးပန္ေထြေဖ်ာ္ရယ္၊ ၾကက္သားဆီျပန္ေလးရယ္၊ကင္းမုံ႐ြက္ရယ္ ၊ ဘူးၫြန႔္ရယ္ ကိုၾကက္သြန္နီေလးနဲ႕ ေၾကာ္ခ်က္ ခ်က္ထားတာေလးတစ္ခြက္ရယ္ ၊ မန္က်ည္း႐ြက္သုပ္ေလးရယ္နဲ႕ ညေနစာ ေကြၽးတယ္ဗ် ။ က်ဳပ္တို႔ႏွစ္ေကာင္လည္း ခရီးပန္းတာနဲ႕အေသက်ိတ္တာေပါ့ဗ်ာ။ ညေနစာ
စားၿပီးေတာ့ ထန္းလ်က္ ေလးနဲ႕ အၾကမ္းအိုးတည္ ၿပီး ေရွးေဟာင္းႏွောင္းျဖစ္ေတြ ေျပာျပတယ္ဗ် ။ ၿပီးေတာ့ က်ဳ ပ္တို႔လည္းေစာေစာ အ်ိပ်ရာဝင်ခဲ့လိုက်တယ် မနက္က် ေစာေစာထၿပီးၿမိဳ႕သြားရဦးမွာမို႔္လား ။
'ဇီးကြက္'က
ေတာ့ က်ဳ ပ္ကိုတစ္ေနကုန္ စကားမေျပာဘူးဗ်ိဳ႕ ၊
က်ဳပ္လည္း ဘုရားရွိခိုးလိုက္ၿပီးမွ က်ဳပ္ကိုေက်ာေပးထားတဲ့ 'ဇီးကြက္'ကို လွမ္းေခၚလိုက္တယ္။
"ေဟ့...'ဇီးကြက္' ဘာျဖစ္လို႔လဲ
တစ္ေနကုန္ စကားလဲမေျပာပါ့လား။"
"က်ဳပ္အိပ္ခ်င္ေနၿပီ၊ အိပ္ေတာ့မယ္။"
'ဇီးကြက္'ကေစာင္ထဲတိုးဝင္ၿပီး
က်ဳပ္ကိုမေက်နပ္တဲ့ပုံနဲ႕ေျပာလာ
တယ္ဗ် ၊ ဒီေကာင္ေလး
တစ္ကယ္စိတ္ေကာက္ေနတယ္ဆိုတာ
က်ဳပ္သိလိုက္တယ္၊ ၾကည့္ရတာ
က်ဳပ္ 'ေက်းဥ' ကိုစလိုက္လို႔ထင္တယ္။
"စိတ္မဆိုးပါနဲ႕ေတာ့ 'ဇီးကြက္'ရာ မင္းမႀကိဳက္ရင္
ငါေနာက္တစ္ခါအဲ့လိုမေျပာေတာ့ဘူး ဟုတ္ပလား၊
ကိုႀကီးက 'ေက်းဥ'ကိုဒီအတိုင္း
စလိုက္တာပါကြာ...။ "
" 'ေက်းဥ'က႐ူးေနတာမဟုတ္ဘူး၊ က်ဳပ္သိတယ္။အေပၚသံေယာဇဥ္ရွိေနတာဘဲ။"
'ဇီးကြက္'က က်ဳပ္ကိုမ်က္ႏွာငယ္ေလးနဲ႕ေျပာလာေတာ့က်ဳပ္လည္းအျပစ္ရွိသလိုခံစားလိုက္ရတယ္ ၊
"ဟုတ္ပါၿပီ...ေနာက္ ကိုႀကီးအဲ့လိုမေျပာေတာ့ဘူး၊ ကိုႀကီး မွားပါတယ္ကြာ။ "
"ၿပီးေရာ ဒါဆိုက်ဳပ္တကယ္အိပ္ၿပီ။"
က်ဳပ္ေျပာလိုက္ေတာ့ 'ဇီးကြက္'
လည္းေက်နပ္သြားပုံဘဲ။
က်ဳပ္ကိုၿပဳံးျပၿပီးတစ္ဖက္ကိုလွည့္အိပ္သြားေတာ့တယ္။ 'ေက်းဥ'ဆိုတာ႐ြာေတာင္ပိုင္းက လယ္ပိုင္ရွင္
ဦးအုန္းေမာင္ရဲ႕ သမီးအငယ္မေလးဗ် ၊
အသက္ကေတာ့ 'ဇီးကြက္'နဲ႕ ႐ြယ္တူဘဲ
သူငယ္ခ်င္းေတြေပါ့ဗ်ာ။
အရင္တုန္းက 'ေက်းဥ'ကပုံမွန္ပါဘဲ
သူ႕ဟာနဲ႕သူ ေအးေအးေဆးေဆးေလး
ေနတတ္တယ္၊၊
လြန္ခဲ့တဲ့သုံးလေလာက္ကမွ ႐ြာထဲကေရကန္မွာ
ေခ်ာ္လဲၿပီး ေခါင္းေပါက္သြားကတည္းက အဲ့လိုပုံစံျဖစ္သြားေတာ့တာဘဲ။ က်န္းမာေရးျပန္ေကာင္းသြားကထဲက 'ဆံေတာက္'ႀကီးကို ညွပ္ခ် ျပစ္တာ အခုေတာ့ အုန္းေမႊးလုံးပုံစံဘဲက်န္ခဲ့တယ္ဗ်ာ။
' ဆံေတာက္ 'ဆိုတာကဗ်ာ
မိန္းကေလးေတြ အသက္၁၀ ႏွစ္ကေနစၿပီ္း
တစ္ဆယ့္ေျခာက္ ၊ တစ္ဆယ့္ရွစ္ ေလာက္အထိ
နဖူးေရွ႕ကဆံရစ္ကိုညွပ္ေပးရၿပီး အလယ္က
က်န္တဲ့ဆံရစ္ဝိုင္းကိူ အရွည္ထားရတယ္ဗ်။
ၿပီးရင္နား႐ြက္စြန္းနဲ႕ တညီတည္းျဖစ္ေအာင္ညွိေပးရတာအဲ့တာကို ဆံေတာက္လို႔ ေခၚတာဗ်။
သူ႕မိဘေတြကေတာ့ သမီးအငယ္ဆုံးေလး
အပမွီေနတယ္ဆိုၿပီးဆရာေတြဘာေတြ ျပၾကတာေပါ့ဗ်ာ။ေကာင္မေလး ကေတာ့အခုဆိုဗ်ာ ဟိုအပင္တက္ဒီအပင္တက္နဲ႕ မိဘေတြက မနည္း
လိုက္အုပ္ေနရေတာ့တာဗ်ိဳ႕ ။
ဒါကိုဘဲ 'ဇီးကြက္'ကအသနားပိုၿပီး
သံေယာဇဥ္ တြယ္မိတယ္ထင္ပါရဲ႕ဗ်ာ။
'ဇီးကြက္'လဲ အိပ္ေပ်ာ္သြားၿပီ
ဆိုေတာ့ က်ဳ ပ္လည္းအိပ္ဖို႔ျပင္လိုက္တယ္။
မနက္က် ခရီးထြက္ရဦးမယ္မို႔လား ။
~~~~~~~~~~~~~~~~~~~~~~~
မနက္ေရာက္ေတာ့ က်ဳပ္တို႔ႏွစ္ေယာက္လည္း
'အ႐ုဏ္တက္ခ်ိန္'ေလာက္ထၿပီး
ေရမိုးခ်ိဳးမနက္စာစားၿပီးတာနဲ႕ ျပင္စရာရွိတာ
ျပင္ရတယ္ဗ်ၿပီးတာနဲ႕ လွည္းတပ္ၿပီး ကြၽဲျဖဴ ႐ြာဘက္ကို ေမာင္းလာခဲ့လိုက္တယ္ ။ 'ဇီးကြက္' ကေတာ့
လွည္းေပၚမွာငိုက္ရင္းပါလာတာေပါ့ဗ်ာ။
က်ဳပ္လဲ ပါးစပ္ကေန ေမတၱာသုတ္ေလး႐ြတ္ရင္းေပါ့။မြန္းတည့္ေလာက္ေရာက္ေတာ့မွ
က်ဳပ္တို႔သေျပတန္းကိုေရာက္တယ္။
သနပ္ကုန္းသူႀကီးထည့္ေပးလိုက္တဲ့ ေန႕လည္ထမင္းစားၿပီးတာနဲ႕ လွည္းကိုျဖဳတ္ၿပီး
သေျပတန္းဘုန္းႀကီးေက်ာင္းမွာ
အပ္ထားခဲ့ရတာေပါ့ဗ်ာ။ က်ဳပ္ကၿမိဳ႕သြားတိုင္း
ဘုန္းႀကီးေက်ာင္းမွာအပ္ေနက် ဆိုေတာ့
ေက်ာင္းထိုင္ဆရာေတာ္ႀကီးနဲ႕ေတာင္
ခင္ေနၿပီဗ် ။ က်ဳပ္တို႔လည္းဆရာေတာ္ႀကီးကို
ကန္ေတာ့ၿပီး ၿမိဳ႕ကိုေရာက္တဲ့ အုတ္လမ္းေလးကေနေျခလွ်င္ေလွ်ာက္လာလိုက္
ၾကတယ္။ အုတ္လမ္းတစ္ေလွ်ာက္မွာက
အညာဆီးပင္ေတြ စိုက္ထားတာဆိုေတာ့ အရိပ္လည္းရ ၊ ဆီးသီးလည္းစားလို႔ရတာေပါ့ဗ်ာ။
ႏွစ္ေယာက္လုံးကလမ္းေလွ်ာက္ျမန္ေတာ့ဘယ္ေလာက္မွ မေလွ်ာက္လိုက္ရဘူးဗ်ိဳ႕၊
အုတ္လမ္းေလးလြန္တာနဲ႕
ၿမိဳ႕ထဲကိုတန္းေရာက္တာဘဲ က်ဳပ္တို႔ႏွစ္ေယာက္လဲ
အေမာေျပ အေအးေလးဝင္ေသာက္ၿပီးတာနဲ႕
လန္ခ်ားငွားၿပီး ေလးေလးဘိုးစည္
တို႔အိမ္ကို လာခဲ့လိုက္တယ္။
ေလးေလးဘိုးစည္ အိမ္က အုတ္ခံ
ႏွစ္ထပ္အိမ္ႀကီးဗ် ၊ အိမ္ႀကီးမွာ ေလးေလးဘိုးစည္ရယ္ ၿခံေစာင့္ ေကာင္ေလးရယ္ဘဲ အေနမ်ားတာ
အဲ့ဒီလိုအိမ္ႀကီးမွာ တစ္ေယာက္ထဲ ေနေတာ့
ေလးေလးဘိုးစည္ကအထီးမက်န္ဘူးလားမသိဘူး။
က်ဳပ္ေတာ့ မိသားစုနဲ႕ခြဲၿပီး
တစ္ေယာက္ထဲမေနနိုင္ေပါင္ဗ်ာ။
ဒီလိုနဲ႕ေလးေလးဘိုးစည္အိမ္ေရွ႕ေရာက္ေတာ့
က်ဳ ပ္လည္း ၿခံဝမွာဆြဲထားတဲ့ေခါင္းေလာင္း
ေသးေသးေလး တီးလိုက္တယ္။
"ကလင္၊ ကလင္ ၊ ကလင္! "
'သိခၤ' တစ္ေယာက္စာဖတ္ေနရင္း
ၿခံဝကေခါင္းေလာင္းသံၾကားတာေၾကာင့္
ၿခံေစာင့္ေကာင္ေလးကို လွမ္းရွာၾကည့္လိုက္တယ္။
"ကလင္ ၊ ကလင္ ၊ ကလင္! "
ၿခံေစာင့္ေလးကိုလည္းမေတြ႕
ေခါင္းေလာင္းေလးကလည္း
အဆက္မျပတ္ျမည္ေနဆဲမို႔ သူလည္း
ဖက္လက္စ စာအုပ္ေလးကိုခ်ၿပီး
ၿခံဝကိုထြက္လာခဲ့လိုက္တယ္။
ၿခံဝနားေရာက္ေတာ့ သူလွမ္းျမင္လိုက္ရတာ
ေသွ်ာင္ထုံးနဲ႕ လူငယ္ေလးႏွစ္ေယာက္က ေနပူထဲကေနအိမ္ႀကီးကို လွမ္းၾကည့္ရင္း
ေခါင္းေလာင္းကိုအဆက္မျပတ္တီးေနတာကိုဘဲ ၊၊
"ကိုႀကီးေက်ာက္ခဲ
လူမရွိတာလားမသိဘူးေနာ္။"
'ဇီးကြက္'က သူ႕မ်က္ႏွာေပၚကိုက်ေရာက္ေနတဲ့
ေနေရာင္ျခည္ေတြကို လက္နဲ႕ကာၿပီး
က်ဳပ္ကိုေျပာလာတယ္။
ေန႕လည္ ဆိုေတာ့ေနကလည္းပူပါ့ဗ်ာ။
"လူမရွိတာေတာ့ မဟုတ္ေလာက္ပါဖူးကြာ
ပုံမွန္ဆို ၿခံေစာင့္ေကာင္ေလးကအၿမဲေျပးထြက္လာေနက်ပါဘယ္ေရာက္ေနလို႔ပါလိမ့္။ "
က်ဳပ္လည္းေခါင္းေလာင္းကိုထပ္တီးဖို႔
လက္လွမ္းလိုက္တယ္။
ဒါေပမဲ့ ေခါင္းေလာင္းကိုင္ထားတဲ့
က်ဳပ္လက္ေပၚကိုေအးစက္စက္လက္တစ္ဖက္
ေရာက္လာတာေၾကာင့္ က်ဳ ပ္လက္ကိုအျမန္
႐ုတ္လိုက္ရေသးတယ္။
"ညီငယ္တို႔က ဘယ္သူ႕နဲ႕ေတြ႕ခ်င္လို႔လဲ။ "
'သိခၤ' အသားခပ္လတ္လတ္အရပ္ရွည္ရွည္နဲ႕
လူငယ္ေလးကို ေမးလိုက္တယ္။ သူ႕လက္နဲ႕ထိမိသြားမို႔ လန႔္သြားပုံဘဲ ။ အနီးကပ္ၾကည့္ေတာ့
ေကာင္ေလးေတြက ေသွ်ာင္ထုံးေလးေတြနဲ႕ အေတာ္ေလးလိုက္ဖက္ၾကတာဘဲ။
"က်ဳပ္တို႔ေလးေလးဘိုးစည္နဲ႕ေတြ႕ခ်င္လို႔ပါ
ငလင္ဗန္းကေက်ာက္ခဲ နဲ႕ သူ႕တူ'ဇီးကြက္'ပါ။ "
"ေက်ာက္ခဲတဲ့လား"
"ဟုတ္ပါတယ္..."
သူေကာင္ေလးရဲ႕နာမည္ကို႐ုတ္တရက္
ေရ႐ြတ္မိလိုက္တယ္။
ေကာင္ေလးကလည္း သူဟုတ္ေၾကာင္းရိုးရိုးေလးျပန္ေျပာလာတာမို႔ ရယ္မိမလိုေတာင္ျဖစ္သြားတယ္။
အရိုးခံေတာသားေလးဆိုေပမဲ့ လူေခ်ာေလးတစ္ေယာက္ဘဲ ၊ မ်က္လုံးဝိုင္းဝိုင္းေလးေတြနဲ႕
ႏႈတ္ခမ္းေလးက 'ကႀကီး'ပုံေလး...
ပိတ္အပါးေလးနဲ႕ထုံးထားတဲ့ေသွ်ာင္ထုံးေလးကိုၾကည့္ရင္းသူ႕ရင္ထဲမွာလည္း ကိုင္ၾကည့္ခ်င္စိတ္ေၾကာင့္ ကလိကလိျဖစ္လို႔ေနတယ္။
"ေနာင္ႀကီး ကဘယ္သူလဲ
'ေလးေလးဘိုးစည္'ကိုေခၚေပးပါ။
မဟုတ္လည္း က်ဳပ္တို႔ကိုအထဲေပးဝင္
က်ဳပ္တို႔ကအေဝးႀကီးကေန လာရတာဗ်
ေနသိပ္ပူေနၿပီ။ "
က်ဳပ္လည္းအရပ္ရွည္ရွည္၊ အသားျဖဴျဖဴ ၊
အဂၤလိပ္စတိုင္နဲ႕ လူကိုေျပာလိုက္တယ္။
ဘယ့္ႏွယ့္ဗ်ာ မသိရင္က်ဳ ပ္တို႔က
ရွားပါးလူသားက်ေနတာဘဲ စိုက္ၾကည့္ေနတာ၊၊
ၿမိဳ႕ေပၚကလူေတြကအဂၤလိပ္စတိုင္ေနၾကတာမ်ားေတာ့ က်ဳပ္တို႔လိုဗမာရိုးရာပုံစံက ရွားပါးေနေလာက္ပါၿပီ။ ဒီလူက ေနဒေလာက္ပူေနတာကို
ရပ္ၾကည့္ေနရေအာင္ လူမႈေရးမရွိဘူးလားမသိဘူး။
"ေအာ္...အင္း အင္း ...sorry
႐ြာကလူေတြမဟုတ္လား ၀င်ခဲ့ပါ။ "
သူလည္း 'ေက်ာက္ခဲ'ဆိုတဲ့ ေကာင္ငယ္ေလးမာန္မွဘဲ
အသိျပန္ဝင္ေတာ့တယ္။ ေနပူထဲရပ္ေနရလို႔
စိတ္ဆိုးသြားပုံရတာမို႔ တံခါးအျမန္ဖြင့္ေပးလိုက္ရတယ္။
က်ဳပ္လည္းေနရင္းထိုင္ရင္း ဘိုလိုညွပ္ေျပာလာတဲ့
လူကိုတစ္ခ်က္စိုက္ၾကည့္ၿပီး ၿခံထဲဝင္လာလိုက္တယ္။
"ဟာ 'ကိုႀကီးေက်ာက္ခဲ'တို႔ေရာက္ေနၿပီဘဲ
လာ...အေပၚမွ ေလးေလးေစာင့္ေနတယ္။"
ကြၽန္ေတာ္လည္း 'ဇီးကြက္'ကို လွမ္းဆြဲရင္း
ၿခံေစာင့္ေကာင္ေလးေနာက္ကိုလိုက္လာခဲ့လိုက္တယ္။အဂၤလိပ္စတိုင္နဲ႕ လူကလည္းအေနာက္ကေန
ပါလာေသးတာဗ် ။ က်ဳပ္တို႔အေပၚထပ္ကိုေရာက္ေတာ့ 'ေလးေလးဘိုးစည္'အျပင္
တ႐ုတ္လိုအသားျဖဴ ျဖဴ။
အရပ္ျမင့္ျမင့္ခန႔္ခန႔္ထည္ထည္ေ႐ႊကိုင္းမ်က္မွန္နဲ႕
လူႀကီး တစ္ေယာက္နဲ႕ ေတာ္ေတာ္က်က္သေရရွိတဲ့ အမ်ိဳးသမီးတစ္ေယာက္က ဝိုင္းၿပီးစကားေျပာေနၾကတယ္။
"ေဟာ...'ေက်ာက္ခဲ' လာကြာ...
ေလးေလးကမင့္ကို ေမွ်ာ္ေနတာကြ။"
က်ဳပ္တို႔ကိုျမင္ေတာ့ ေလးေလးဘိုးစည္က
ႏႈတ္ဆက္လာတာမို႔က်ဳ ပ္လဲ'ဇီးကြက္'လက္ကိုဆြဲၿပီး
ေလးေလးဘိုးစည္ေရွ႕ဝင္ထိုင္လိုက္တယ္။
"အဟက္..."
သူထပ္ၿပီးရယ္မိျပန္ၿပီ ၊ေတာသားေလးက
'ဇီးကြက္'ဆိုတဲ့ေကာင္ေလးကို လက္ကေနဆြဲၿပီးေရွ႕ကေနသြားေနတာက မသိရင္ အငယ္ေလးကိုကာကြယ္မဲ့အစ္ကိုႀကီးက်ေနတာဘဲ။
၀င်ထိုင်လိုက်တော့လဲ ေဆြ႕ကနဲဘဲ
သူကသာရင္းႏွီးခ်င္ေနေပမဲ့ ေတာသားေလးကေတာ့ သူ႕ကိုသိပ္ၾကည္တဲ့ပုံေတာ့မေပါက္ဘူး။
"ေလးေလး...ဒါဇီးကြက္ေလ "
"ဟ...ငါ့တူေတာင္လူပ်ိဳ ေလးျဖစ္ေနၿပီဘဲ
မင္းအမ (အေမ)နဲ႕တူေတာ့ လူေခ်ာျဖစ္တာေပါ့ကြာ။"
'ဇီးကြက္'က ေလးေလးနဲ႕ သိပ္မေတြ႕ျဖစ္ေတာ့စိမ္းေနပုံဘဲ၊ က်ဳ ပ္လည္း စကားျပန္ေျပာဖို႔ဇီးကြက္ ကိုလက္ကုပ္လိုက္ရတယ္။
"ဟုတ္ကဲ့...ေလးေလး။ "
"ဟားဟားးးငါ့တူက ငါ့ကိုရွိန္ေနပုံဘဲ ေက်ာက္ခဲရ
ထားပါေလ...ေနာက္ေတာ့က် ရင္းႏွီးမေပါ့ကြာ။"
ေလးေလးက ရယ္ၿပီး 'ဇီးကြက္'ရဲ႕ေခါင္းေလးကို ပုတ္ရင္းေျပာလာတယ္ဗ် ။
"အိမ္း ....ဒါနဲ႕....႐ြာမွာအလႉလုပ္မဲ့ အလႉ
ရွင္ေတြနဲ႕ ေလးေလးမိတ္ဆက္ေပးမယ္။
ဒီဘက္က 'ဦးေ႐ႊေမာင္'တဲ့ေလးေလးမိတ္ေဆြေပါ့ဟိုဘက္ကေဒၚေဒၚက
'ေဒၚေ႐ႊဇင္ၿငိမ္း'လို႔ေခၚတယ္။"
"ကိုယ္က ဗညားသိခၤ ပါ...အစ္ကိုလို႔ေခၚလို႔ရတယ္။"
'သိခၤ' ေကာင္ေလးကိုစခ်င္တာမို႔
တမင္ျဖတ္ေျပာလိုက္တယ္။
ေတာသားေလးရဲ႕ မေက်နပ္သလိုေပေစာင္းေစာင္း အၾကည့္ေလးက သူ႕ဆီကိုဦးတည္ေရာက္ရွိလာတယ္။
~~~~~~~~~~~~~~~~~~~~~
ထြန္ျဖဳတ္ခ်ိန္ /လယ္ထြန္ျဖဳတ္ခ်ိန္ =ေန႕လည္၁နာရီခန႔္။
အာ႐ုဏ္တက္ခ်ိန္ = မနက္၎နာရီမွ ၆နာရီခြဲ ။
၅တိုင္ = ျမန္မာ့ရိုးရာအတိုင္းအတာမွာ ၁တိုင္ဆိုတာ
၂မိုင္နဲ႕ညီမွ်ပါတယ္။ ၅တိုင္ဆိုေတာ့
၁၀ မိုင္ပါ။
[ Aa/အပ္ေပးလိုက္ပါၿပီ
ဖတ္ေပးဖို႔ကမင္းေလးတို႔တာဝန္ပါ]
🍀🍀🍀🍀🍀🍀🍀🍀🍀🍀🍀🍀🍀🍀🍀