Unicode
~~~~~~~နောက်တစ်နေ့ မနက်ရောက်တော့ကျုပ်တို့လဲ
မနက်စောစောထပြီး မကွေးမြို့ပေါ်ကို တက်လာခဲ့ကြ
တယ်ဗျ။ 'လေးဘိုးစည်'နဲ့ 'ဦးရွှေမောင်'
တို့တော့ ပါမလာကြတော့ဘူး၊ ခရီးပန်းပြီး
သိပ်မလန်းတော့လို့တဲ့ဗျာ။ အဲ့ဒါကြောင့် ကျုပ်တို့သုံး
ယောက်ပဲ မြို့ပေါ်ကိုရောက်လာခဲ့ကြတယ်။မြို့ပေါ်ကိုရောက်တော့ ရန်ကုန်ကိုသွားမဲ့
ရထားလက်မှတ်ဖြတ်ပြီး ရထားပေါ်ကိုတက်
လာခဲ့တာပေါ့ ။ ဘူတာကြီးက စည်လိုက်တာဆိုတာဗျာလူတွေများ ပြွတ်ခဲနေတာပဲ။ ကျုပ်ခမျာ လူတွေများလွန်းလို့ နေရာရပါ့မလားတောင်တွေးမိတာ
အစ်ကိုက ဘယ်လိုလုပ်လိုက်လဲမသိ အိပ်စင်တွေလဲပါတဲ့ လူရှင်းတဲ့အတွဲတစ်ခုကိုရလိုက်တယ်ဗျ။အဲ့ဒီရထားတွဲမှာ ကျုပ်တို့သုံးယောက်ရယ်၊ ကျုပ်တို့လိုပဲရန်ကုန်ကိုသွားမဲ့ ညီအစ်မ သုံးယောက်ရယ်ပဲရှိတာပေါ့။" မြသလွန် စေတီကြီးဆီပို့ပေးအုံးမလို့ပဲ
ဒါပေမဲ့ ရထားအချိန်အရမ်းကပ်သွားလို့။"အစ်ကိုက ကျုပ်လက်ထဲကို ချောကလက်တောင့်လေးထည့်ပေးရင်း ပြောလာတယ်ဗျ ၊၊ ခပ်နွေးနွေးလေးဖြစ်နေတဲ့ ချောကလက်တောင့် လေးကိုအသာဆုပ်ကိုင်ထားရင်း ကျုပ်ပြုံးမိတယ်။ အစ်ကိုက ကျုပ်အပေါ်သိပ်ကောင်းတာဗျ။ဒါကြောင့်ပဲ အစ်ကိုနဲ့အနေနီးလာလေကျုပ်ပိုသိလာလေပဲအစ်ကို့ကို
ကျုပ်သိပ်ချစ်တယ်ဆိုတာကိုလေ။"ကျောက်ခဲလေး..။"
ချောကလက်တောင့် လေးကိုကြည့်ပြီး
ပြုံးလို့နေရှာတဲ့ကောင်ငယ်လေးကို 'သိင်္ခ' လှမ်းခေါ်လိုက်တယ်။"စားလေ ဘာကိစ္စပြုံးကြည့်နေတာတုံး။"
"ဟုတ်ကဲ့..။"
ခေါင်းလေး ညိတ်ရင်း ၊ ပါးစပ်ထဲကို ချောကလိတ်တောင့်လေးပစ်ထည့်လိုက်တဲ့ ကောင်ငယ်လေးက
သူ့မျက်လုံးထဲမှာ တကယ်ကိုချစ်စဖွယ်အတိ။
အချစ်တွေပါတဲ့ ချောကလိတ်မို့သိပ်ချိုမှာပါလေ။'ကျောက်ခဲ'တို့သုံးယောက်ဟာ မကွေးနှင့်ရန်ကုန်
ကိုဆပ်သွယ်ထားသည့်ရထားအားတစ်ညအိပ်စီးခဲ့ပြီးနောက်၊နှစ်ရက်မြောက် နေ့လယ်အချိန်လောက်တွင်
'ကွမ်းခြံကုန်းဘူတာကြီး'(ယခုရန်ကုန်ဘူတာကြီး)
သို့ရောက်ရှိခဲ့ကြလေတယ်။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...