Unicode
~~~~~~~
"ဟို...ဇီးကွက်ကို ဗွေမယူပါနဲ့ဗျာ
သူက ကလေးသာသာဆိုတော့
သိပ်စကားမပြောတတ်လို့ပါ။ "
'သိင်္ခ'တစ်ယောက် သူ့ကိုကောင်ငယ်လေးက
တောင်းပန်လာတာမို့ စိတ်ထဲမှာ အပြစ်ရှိသလိုခံစားလိုက်ရတယ်။သူ့အပြုအမူတွေကြောင့် 'ကျောက်ခဲလေး'တို့ ထိခိုက်သွားမယ်ဆိုရင် သူဘာဆက်လုပ်ရ
မလဲ။
သူ့ကိုလဲတစ်ရက်မှ
မတွေ့ရရင်မနေနိုင်တော့ဘူး။
အိမ်ကို ခဏခဏလာပြန်တော့လဲ 'ကျောက်ခဲ'မှာက
အပျို အရွယ်ညီမငယ်လေးကရှိတော့
အရပ်ကမကောင်းပြောရင်ကောင်ငယ်လေးက
ငြိုငြင်လာလိမ့်မယ်။ ဒီထက်ပိုပြီးကောင်းမွန်တဲ့
နည်းလမ်းကိုရှာရတော့မယ်နဲ့တူတယ်။
"အစ်ကို....ဘာဖြစ်လို့လဲ
စိတ်ဆိုးသွားတာလား။"
ထမင်းပန်းကန်ကိုပဲ တွေတွေကြီးစိုက်ကြည့်လို့နေတဲ့
'ကိုသိင်္ခ' ကိုကျုပ်စိုးရိမ်စွာနဲ့ မေးလိုက်တယ်။ တကယ်ပဲစိတ်ဆိုးသွားရင်တော့ ကျုပ်လဲကြားကနေ
ဖျန်ဖြေရတော့မှာပေါ့ဗျာ။ 'ကိုသိင်္ခ' နဲ့
'ဇီးကွက်'ကတစ်အိမ်တည်းမှာနေကြတာမို့လား။
မိုးလင်းတာနဲ့ ဒီမျက်နှာတွေက မတွေ့ချင်လဲတွေ့နေရမှာ။ ကိုယ့်ရပ်ကိုယ့်ရွာကိုခေတ္တလာတဲ့ အချိန်မှာ စိတ်အနှောင့်အယှက်တော့မဖြစ်စေချင်ဘူးလေဗျာ။
"ဟုတ်ပါတယ် မောင်ရင်လေးရယ်။
ဇီးကွက်လေးက ကလေးသာသာမို့ ခွင့်လွှတ်ပေးပါကွယ်ကျောက်ခဲက သူ့ညီကိုပြောပါလိမ့်မယ်။"
ဘေးနားက ကြီးကြီးကပါဝင်ပြောပေးလာတာမို့
'သိင်္ခ'အသာပြုံးလိုက်ရင်း တစ်ဖက်လူတွေစိတ်သက်သာရာရအောင်ပြောလိုက်ရတယ်။
"ကျွန်တော်စိတ်မဆိုးပါဘူး ကြီးကြီး
ကျွန်တော်လဲ တခြားကိစ္စကိုတွေးမိသွားလို့ပါ။"
"ကိုင်း...ဒါဖြင့်လဲစားကြလေကွယ်။
ကျောက်ခဲက လိုတာထည့်ပေးလိုက်အုံး
ကြီးတော်နဲ့ 'ညိုမ' ကတော့မစားသေးဘူး။"
"ဟုတ်ကဲ့ အမ။"
'အမ' နဲ့ 'ဒွေးညို'ကလဲ ထမင်းဝိုင်းကနေထသွားတော့ကျုပ်နဲ့ 'ကိုသိင်္ခ'ပဲ ကျန်ခဲ့တော့တယ်။ 'ဇီးကွက်' ကိုတော့သေချာအောင် ပြောပြမှဖြစ်တော့မယ်။'အမ'နဲ့'ဒွေးညို 'ထမင်းဝိုင်းကနေ
ထသွားတာမြင်ရတော့ ကျုပ်လဲ
စိတ်ထဲမကောင်းတော့ဘူး။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
