Unicode
~~~~~~~တစ်ကိုယ်လုံးမှာနေရာလပ်မကျန်အောင်
ကိုက်ခဲလို့နေတဲ့ ခံစားချက်နဲ့အတူ 'သိင်္ခ'ရဲ့မျက်ခွံတွေလှုပ်ရှားလာတယ်။"ကျောက်...ကျောက်ခဲလေး!။"
သူတမ်းတစွာနဲ့ ရေရွတ်မိလိုက်တယ်။ အခုချိန်မှာသူပထမဆုံးတွေးမိတာက'ကျောက်ခဲ'ဆိုတဲ့ အမည်နာမပိုင်ရှင်ကိုပဲ။
ယောင်ယမ်းနေတဲ့မျက်လုံးတစ်ဖက်ကို မမျှော်လင့်ဘဲ
လက်နဲ့ထိမိလေတော့ မျက်နှာတစ်ခုလုံး လျှပ်စစ်နဲ့
အတို့ခံလိုက်သလိုကျင်တက်သွားရတယ်။အဲဲဒီအခါမှ
ပဲနေ့လည်တုန်းက မြင်ကွင်းတွေက သူ့ရဲ့အာရုံထဲမှာ
တစ်ခုချင်းစီပြန်ပေါ်လာတာကြောင့် တစ်ဖက်လူကို
အရမ်းစိတ်ပူသွားရတာ ချက်ချင်းတောင်ထထိုင်မိတဲ့အထိ။ အဲ့ဒီနောက်မှတော့
ပတ်တီးအဖွေးသားနဲ့ ခြေထောက်တစ်ဖက်ကို
တရွတ်တိုက်ဆွဲလို့ အခန်းတံခါးဆီကိုအမြန်သွားလိုက်ရတော့တယ်။'ကျောက်ခဲလေး...မင်းဘယ်မှာလဲ။'
'ဒေါက်....ဒေါက်!"
ခြစ်ရာ၊ ညိုမည်းရာတွေနဲ့ ပြည့်နှက်နေတဲ့
လက်ဆစ်ရှည်ရှည်တွေဟာ ကျွန်းတံခါးကြီးကို
ခပ်ပြင်းပြင်းထိခတ်လို့လာတယ်။"အပြင်မှာ ဘယ်သူရှိလဲ။"
'သိင်္ခ'က သူ့ရှေ့မှာမြင်နေရတဲ့တံခါးလက်ကိုင်ကို
ဆွဲကိုင်ရင်းပြောလိုက်တယ်။"အစ်ကိုလေး ဘာလိုအပ်တာရှိလို့လဲခင်ဗျ။"
အပြင်ဘက်မှာ တံခါးကိုစောင့်နေတဲ့အစေခံလေးရဲ့အသံကထိတ်ထိတ်ပြာပြာရယ်။ဒီအခန်းထဲမှာ သူတို့ရဲ့အစ်ကိုလေးရှိနေတယ်ဆိုပေလို့သာပဲ၊ မဟုတ်လို့ကတော့ ကြောက်စရာကောင်းတဲ့သရဲတစ်ကောင်ကို
ပိတ်ထားတယ်လို့ထင်မိမှာ။"အဟက်..!။"
'သိင်္ခ' အသံထွက်ပြီးရယ်လိုက်မိတယ်။
သူ့ကို အခန်းထဲပိတ်ထားရုံနဲ့
စိတ်ချရမယ်လို့ထင်နေတာပဲ။" ကျောက်ခဲလေး ကိုငါ့ဆီခေါ်ခဲ့ပေး။"
"ဟို ...ကျောက် ကျောက်ခဲက။"
တစ်ဖက်ခြမ်းက လူကအထိတ်တလန့်နဲ့
ထစ်ငေါ့စွာဖြေလာတာမို့ အကင်းပါးလှတဲ့ 'သိင်္ခ'
ဆောက်တည်ရာမရဖြစ်လာတယ်။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...