Unicode
~~~~~~~မြင်းဆွဲရထားလုံးလေးဟာ မနှေးမမြန်သောအရှိန်နဲ့
'ဖရေဇာ'လမ်းတစ်လျှောက်ပြေးလွှားလျက်ရှိပြီး၊ ရထားလုံးထဲမှာရှိနေတဲ့ 'ကျောက်ခဲ'ကတော့
ဘေးပြတင်းပေါက်ကနေခေါင်းလေးပြူပြီး
စည်းကားလှတဲ့မြင်ကွင်းကိုကြည့်ရှုလို့နေတယ်။လမ်းရဲ့တစ်ဖက်တစ်ချက်စီတိုင်းမှာအရိပ်ရတဲ့အပင်တွေနဲ့အတူ ဆိုင်ခန်းတွေနဲ့တိုက်အဆောက်အအုံတွေဟာ စီစီရီရီတည်ရှိလို့နေပြီး၊ လမ်းမတစ်လျှောက်မှာ
တော့လန်ချားလှည်းတွေနဲ့၊ မြင်းလှည်းတွေကပြေးလွှားလို့နေကြတယ်။ဒါ့အပြင် ဝတ်ကောင်းစားလှတွေဝတ်စားထားတဲ့
လူတွေနဲ့ မနက်ခင်းဈေးသည်တွေဟာလဲ
လမ်းတစ်လျှောက်မှာသွားလာလို့နေကြပြီး အရောင်သွေးစုံစွာဖြင့် မြို့ပြရဲ့လက္ခဏာတစ်ရပ်ကိုဖော်ကျူးလို့နေပြန်တယ်။လမ်းမရဲ့တစ်နေရာမှာတော့
နှစ်ဖက်ကျစ်ဆံမြီးလေးတွေချလို့ ဂါဝန်ကားကားလေးတွေဝတ်ထားတဲ့ ကလေးမလေးတွေနဲ့၊
ဗိုလ်ဆံတောက်ကို ဆီရွှဲနေအောင်လိမ်းပြီး
ပေါင်လည်ဘောင်းဘီတို၊စပို့ရှပ်အအစင်းလေးတွေကိုသပ်သပ်ရပ်ရပ်ဝတ်ဆင်ထားတဲ့ ကလေးတွေဟာ ၊ ဆင်တူလက်ဆွဲအိတ်လေးတွေဆွဲလို့အင်္ဂလိပ်လိုရေးထားတဲ့ အဆောက်အအုံထဲဝင်သွားကြတာကိုတွေ့ရသလို၊သျှောင်ပေစူး၊ ဆံရစ်ဝိုင်းနဲ့ကလေးတွေကတော့ ကျောက်သင်ပုန်းကို ကိုင်လို့အဝတ်အိတ်ကိုသိုင်းလွယ်ကာပြေးလွှားဆော့ကစားရင်း တစ်နေနေရာရာကိုသွားနေကြတာကိုလဲ'ကျောက်ခဲ'နားလည်ရခက်စွာနဲ့တွေ့လိုက်ရပြန်တယ်။
[AK/ကိုလိုနီခေတ်အခါဖြစ်တာမို့ ထိုခေတ်က
လူအများစုက အင်္ဂလိပ်စာတတ်ရင် ဂုဏ်ရှိသည်၊
အဆင့်အတန်းမြင့်သည်ဟုလက်ခံထားကြတာ
ကြောင့် ပိုက်ဆံချမ်းသာတဲ့သူတွေရဲ့သားသမီးတွေဟာအင်္ဂလိပ်စာတတ်အောင်ဗိုလ်ကျောင်းတက်ရပြီး၊
သာမန် လက်လုပ်လက်စားကလေးတွေကတော့
ငွေကြေးသိပ်မတတ်နိုင်ကြတာကြောင့်
ဘုန်းတော်ကြီးပညာသင်ကျောင်းနဲ့၊ ပွဲကျောင်း တွေမှာစာသင်ကြားရပါတယ်။]
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...