Unicode
~~~~~~~
'သိင်္ခ'လဲအခန်းထဲမှာခဏနားနေခဲ့လိုက်ပြီး
ရင်ခုန်သံတွေကို ငြိမ်သက်အောင်ကြိုးစား
ပြီးနောက်မှာတော့ အဝတ်အစားတွေကိုချွတ်လို့
ရေချိုးဖို့အောက်ထပ်ကိုဆင်းလာခဲ့လိုက်တယ်။
သူရဲ့ဘယ်ဘက်ခြေသလုံးတစ်ခုလုံးက
လဲကျတဲ့အရှိန်ကြောင့်ရော၊ အမြန်ပြေးလာခဲ့တဲ့အရှိန်ကြောင့်ပါညိုမည်းယောင်ယမ်းလို့နေတယ်။
အဲ့ဒါကြောင့် သူ့ခမျာဘယ်သူမှမသိရလေအောင်
ဖြေးဖြေးချင်းပဲရေချိုးကန်ရှိရာဆီ
လျှောက်လာခဲ့လိုက်ရတယ်။
"သိင်္ခ ။"
"ဗျာ..လေးလေး။"
လေးလေးက သူ့အနောက်ကနေလှမ်းခေါ်လာတာကြောင့်သူခြေထောက်ကိုမတ်မတ်ရပ်လိုက်ပြီး
အမြန်ပြန်ထူးလိုက်ရတယ်။
"ရေချိုးမလို့လား။ "
"ဟုတ်။ "
"အင်း...အဲ့ဒါဆိုလဲမြန်မြန်ချိုး
အအေးပက်နေမယ် ရေချိုးပြီးရင်
လေးလေးဆီလာခဲ့အုံး။ "
"ဟုတ် ။"
အဲ့ဒီနောက်သူလဲ လေးလေးထွက်သွားတဲ့အထိ
စောင့်လိုက်ပြီးတော့မှရေချိုးကန်ရှိရာဆီကို လာခဲ့လိုက်တယ်။ခြေထောက်က တဆစ်ဆစ်နာနေတာကြောင့်ရေကိုခပ်သုတ်သုတ်ချိုးပြီးတာနဲ့
အခန်းထဲဝင်၊ ပရုတ်ဆီလူးလိုက်ရသေး။
ပြီးမှပဲအဝတ်အစားလဲပြီးလေးလေးရှိရာ
အခန်းဆီ တက်လာခဲ့လိုက်တော့တယ်။
"ထိုင်လေ သိင်္ခ။"
"လေးလေး ကျွန်တော့်ကိုပြောစရာရှိလို့မလား
ပြောပါ...ကျွန်တော်နားထောင်နေပါတယ်။"
သူအခန်းထဲကိုရောက်ရောက်ခြင်း
လိုရင်းကိုပြောလိုက်ပြီးတာနဲ့ ပြတင်းပေါက်နားမှာ
သွားရပ်နေလိုက်တယ်။
"မင်း မောင်ကျောက်ခဲအပေါ်ဘယ်လို
သဘောထားနေသလဲ။"
"ကျွန်တော်သူ့ကိုချစ်မိသွားပြီ။"
'သိင်္ခ'တွန့်ဆုတ်ခြင်းမရှိဘဲ ဦးလေးဖြစ်သူကိုပြောလိုက်တယ်။သူကဘာကြောင့်နဲ့များထပ်ပြီး ဖုံးကွယ်ထားရအုံးမှာလဲ။သူ့မှာ ပြတ်သားတဲ့အဖြေတစ်ခုရှိနေပြီဖြစ်တဲ့အတွက် ဆုံးဖြတ်ချက်တွေကိုလဲ အမြန်လုပ်ဆောင်သွားတော့မှာ။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
