Unicode
~~~~~~~
'သိင်္ခ'ရဲ့စကားသံကြောင့် 'ဦးရွှေမောင်'
ရဲ့မျက်နှာကြီးခမျာ ရှုံ့တွနေတဲ့သံပုရာ
သီးခြောက်တစ်လုံးကဲ့သို့ပြောင်းလဲသွားရတယ်။
"အဲ့ဒါ မင်းနဲ့ဆိုင်သလား။"
"ဆိုင်လို့ပေါ့ ခုနကကျောက်ခဲကလဲ
အဲ့အမျိုးသမီးကြီးကို သေချာကြည့်နေလို့လေ
သူကဘယ်သူလဲ။"
'သိင်္ခ'ကသူသိချင်တာကို ရှင်းရှင်းပဲမေးလိုက်တယ်။
ပြန်ရောက်တာဖြင့်တစ်နာရီမပြည့်သေးဘူး
စိတ်ထဲအလိုမကျရတာ နှစ်ခါရှိနေပြီ။
"သိချင်ရင် အပေါ်ကလူကိုသွားမေး
ဖယ်..မင်းနဲ့လဲစကားဆက်မပြောချင်ဘူး။"
'ဦးရွှေမောင်'လဲတူဖြစ်သူကိုပုခုံးနဲ့တွန်းတိုက်ပြီး
ထွက်လာခဲ့လိုက်တယ်။ဘယ့်နှယ်....ဦးလေးဘာဖြစ်နေသလဲကျမမေးဘူးသူ့လူ တခြားမိန်းကလေးကိုကြည့်တာကျသဲသဲလှုပ်နေတယ်
လူကြားလို့မှမကောင်းဘူး။
"ကျောက်ခဲ ထိုင်အုံးလေ
အမောပြေ အကြမ်းရည်လေးသောက်သွားအုံး။"
သူကြီးကတော်က ရေနွေးကြမ်းဗန်းလေးကို
ချရင်းအထုတ်တွေသယ်လို့နေတဲ့'ကျောက်ခဲ'
ကိုလှမ်းပြောလိုက်တယ်။
"ဟုတ်ကဲ့ အရီး။"
အထုတ်တွေကို အိမ်အပေါ်ထပ်
တင်ပေးပြီးတဲ့နောက်မှာတော့ ကျုပ်လဲ
ကွက်ပျစ်မှာဝင်ထိုင်ပြီး အရီးကမ်းလာတဲ့ ရေနွေးကြမ်းပူပူလေးကိုမှုတ်သောက်နေလိုက်တယ်။
"မောနေပြီလား ကျောက်ခဲလေး။"
အစ်ကိုက ကျုပ်ဘေးနားမှာရုတ်တရက်ကြီး
ဝင်ထိုင်ပြီးမေးလာတာမို့ ကျုပ်လဲအစ်ကို့ပြုံးပြရင်း
ဖြေလိုက်တယ် ။
"အာ..မမောတော့ပါဘူးဗျာ
အခုပဲ ရေနွေးကြမ်းသောက်ထားတာ။"
"ကျောက်ခဲလေးက တစ်နေကုန်လှည်းမောင်း
လာရတာဆိုတော့ပင်ပန်းနေမှာပဲ
လာ..ကိုယ်နှိပ်ပေးမယ်။"
'သိင်္ခ'က စကားဆုံးတာနဲ့ 'ကျောက်ခဲ'ရဲ့ပုခုံးတွေကို
စတင်နှိပ်နှယ်ပေးလာတာကြောင့်တစ်ဖက်လူရဲ့မျက်နှာလေးခမျာရဲခနဲ။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
