Unicode
~~~~~~~
"ဟေ....ဇီး...ဇီးကွက်။"
ကျုပ် အစ်ကို့လက်တွေကြားကနေအမြန်ရုန်း
ထွက်ပြီးထူးလိုက်ရတယ်။ 'ဇီးကွက်'ရောက်လာတာ
ကံကောင်းတာလား၊ ကံဆိုးတာလားမသိပေမဲ့
အနည်းဆုံးတော့ ကျုပ်နှလုံးရောဂါရမဲ့အခြေအနေကနေလွတ်သွားတာတော့အမှန်ပဲ။
"ကိုကြီးကို လေးလေးက ခေါ်ခိုင်းလိုက်လို့
ကိုသိင်္ခ မပါဘူး...နေခဲ့လို့ရတယ်။"
သူ (ဇီးကွက်) 'ကိုသိင်္ခ' ကိုစေ့စေ့ကြည့်ရင်းပြောလိုက်တယ်။မျက်လုံးထဲမှာ လိုတာထက်ပိုလွန်းနေတဲ့ဒီလူကို
သူသိပ်ကြည့်လို့မရတော့တာအမှန်။ အရင်တုန်းကဆို'ကိုကြီးကျောက်ခဲ'နဲ့ သူနဲ့က အမြဲသွားလာနေကြ
ဒီလူရောက်လာမှ 'ကိုကြီးကျောက်ခဲ'က သူ့ကိုတောင်
အရေးမလုပ်နိုင်တော့တာ။ အားနေရင်ပြင်လိုက် ၊ ဆင်လိုက်'ကိုကြီးကျောက်ခဲ' ဆီသွားလိုက်နဲ့ မိန်းကလေးတွေတောင် သူ့လောက်မပြင်လောက်ဘူး။ ပြောပြန်ရင်လဲ 'ဇီးကွက်'လွန်ရာကျအုံးမယ်။အခုလဲလူမြင်ကွင်းကြီးမှာ မြင်မကောင်းအောင်လုပ်နေတယ်လေ ဒီလူကိုဝိုင်းပြောတာကိစ္စမရှိပေမဲ့
ဒီလိုကိစ္စတွေကြောင့် 'ကိုကြီးကျောက်ခဲ'
နာမည်ပျက်မှာကိုသူမလိုလားဘူး။
"ကိုယ်လဲ အခုအိမ်ပြန်တော့မလို့လေ....နေခဲ့စရာ
ကိစ္စမှမရှိတော့တာဘဲ။"
'သိင်္ခ'လဲ 'ကျောက်ခဲလေး'ရဲ့ပုခုံးကိုလှမ်းဖက်လိုက်ပြီး မနာလိုဖြစ်နေရှာတဲ့ ရှေ့ကလူငယ်လေး
ကိုကြည့်ပြီးပြောလိုက်တယ်။သူသာ 'ကျောက်ခဲလေး'ကို ရန်ကုန်ခေါ်သွားမယ်ဆိုတဲ့အကြံကိုသာ
ဒီကောင်လေးသိရင်ဖြင့်ဘယ်လိုများနေလေမလဲ။
"ဟုတ်သားပဲ ဇီးကွက်ရာ...နို့ သူကြီးက
ဘာကိစ္စတဲ့လဲ။"
ကျုပ်လဲ အသက်ရှူကျပ်စရာအခြေအနေကနေ
ရုန်းထွက်ပြီး 'ဇီးကွက်'ကိုမေးလိုက်တယ်။ ဘာကြောင့်မှန်းမသိ ကျုပ်စိတ်ထဲမယ် ဒီနှစ်ယောက်က ကျုပ်ကိုလုနေသလို ခံစားနေရတယ်။
"ကျွန်တော့်စိတ်ထင် အလှူကိစ္စပဲနေမှာပေါ့
သွားရအောင်လေ ကြာနေရင် လေးလေးက
ကျွန်တော့်ကို မာန်ရော့မယ်။"
YOU ARE READING
"Dear Kyauk Khal"(Complete)
Romantika၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
