Episode 48 : នំរបស់ថេយ៍.!
បន្ទាប់ពីប្រកែកគ្នាអស់ចិត្តចង់ ពួកគេក៏បានធ្វើដំណើរទៅភូមិគ្រិះវិញជាមួយគ្នាដោយម្នាក់ៗស្ងាត់រាងខ្លួនគ្មាននរណានិយាយអ្វីឡើយ។
« កុំធ្វើមុខអញ្ចឹងអី.! »Jungkookនិយាយទៅកាន់រាងតូចបន្ទាប់ពីលើកបីកាយតូចឡើងសម្តៅចូលទៅខាងក្នុងភូមិគ្រិះ។
« មុខអូន.! អូនចង់ធ្វើយ៉ាងមិចក៏បាន »Taehyung សន្លក់មុខជុងហ្គុកព្រោះខឹងមិនទាន់បាត់នៅឡើយ។
« ... »Jungkookមិននិយាយប៉ុន្តែក៏អោនទៅខាំបបូរមាត់របស់រាងតូចទាំងក្រឺតខ្នាញ់ព្រោះកាយតូចកំពុងតែនៅក្នុងរង្វង់ដៃរបស់គេស្រាប់។
« លែងទៅ...ស្អប់ណាស់ »Taehyungលើកដៃរុញមុខជុងហ្គុកចេញវិញទាំងមុខក្រញូវលើសដើម មកដល់ខាងក្នុងមានសភាពស្ងាត់ច្រងំព្រោះយប់ជ្រៅណាស់ទៅហើយ អ្នកគ្រប់គ្នាប្រាកដជាទៅសម្រាក។
Room✨
មកដល់ក្នុងបន្ទប់ភ្លាមនាយតូចក៏រហ័សលោតចុះពីលើដៃរបស់រាងក្រាស់ភ្លែត មុខនេះគេធ្វើចុះពីលើឡានមិនរួចព្រោះចង់សម្តែងធ្វើរំអួយដាក់ប៉ាម៉ាក់គេប៉ុណ្ណោះប៉ុន្តែពួកគាត់ទៅសម្រាកអស់ទៅហើយទើបផែនការរបស់គេមិនបានសម្រេច។
« ដើររួចវិញហើយឬ? »Jungkookសួរទៅកាន់រាងតូចទាំងស្រឡាំងកាំង ថេយ៉ុងពិតជាពូកែសម្តែងខ្លាំងណាស់សូម្បីតែនាយរស់នៅជាមួយគ្នារាប់ឆ្នាំក៏ចាប់ចំណុចគេមិនបានផង។
« អឺរ.! »Taehyungថាហើយក៏កាន់កន្សែងដើរចូលបន្ទប់ទឹកបាត់ធ្វើមិនដឹង។
« ក្មេងឈ្លើយ.! »Jungkookក្រវីក្បាលមើលដំណើររបស់រាងតូចមុននឹងដើរទៅតុធ្វើការរបស់នាយដើម្បីបង្ហើយការងារដែលមិនទាន់រួចរាល់។
មួយសន្ទុះក្រោយមកថេយ៉ុងក៏ចេញមកជាជាមួយនឹងអាវវែងស្តើងមួយនិងខោរខ្លីត្រឹមគល់ភ្លៅ នាយតូចធ្វើភ្នែកឡង់ៗនៅពេលដែលឃើញជុងហ្គុកកំពុងតែអង្គុយធ្វើការយ៉ាងស្ងៀមស្ងាត់។
« ហ៊ើយ~ ឃ្លានណាស់ »Taehyungធ្វើជារអ៊ូថាឃ្លានមុននឹងអោបពោះដើរទៅរកជុងហ្គុកតាំងៗ ខណៈពេលដែលភ្នែកចេះតែដៀងលួចមើលប្រត្តិកម្មរបស់ជុងហ្គុកជារឿយៗ។
« ជុង.!! »Taehyungចូលទៅអោបករបស់ជុងហ្គុកពីខាងក្រោយរួចយកចង្ការរបស់គេទៅដាក់លើស្មាររបស់ជុងហ្គុកបែបយកចិត្ត។
« ហឹម? »Jungkookក្រហឹមជាសំណួរប៉ុន្តែមិនបានងាកមកមើលមុខរាងតូចឡើយព្រោះជក់ចិត្តនឹងការងារខ្លាំង មិនចង់បង្វែរអារម្មណ៍ទៅណាឆ្ងាយ។
« អូនសុំញ៊ាំនំមួយ »Taehyungពេបមាត់ប្រាប់ជុងហ្គុកតិចៗ គេមិនហ៊ានញ៊ាំនោះទេខ្លាចជុងហ្គុកខឹង។
« អត់ទេ.!! ស្អែកបងនឹងយកវាទៅបោះចោលហើយ »Jungkookតបវិញធម្មតា នាយមិនជឿរនោះទេថារាងតូចមិនព្រមញ៊ាំបាយដោយសារតែនំ ពេលគេឃ្លានគេច្បាស់ជាញ៊ាំពុំខាន នាយមិនចាញ់ល្បិចថេយ៉ុងបោកទៀតឡើយ។
« អត់ទេ.! អូនសន្យាណាថាមួយថ្ងៃអូនញ៊ាំតែមួយកញ្ចប់ទេ »Taehyungពេបមាត់រលីងរលោងដាក់ជុងហ្គុកហើយតែទាំងលើកដៃកូនមួយឡើងជាការ សន្យាទៀតផង មិនដឹងសន្យាខ្យល់ឬយ៉ាងមិចទេ។
« ... »Jungkookមិនតបគិតតែផ្តោតអារម្មណ៍លើការងារតែមួយមុខគត់ព្រោះត្រូវបង្ហើយយប់នេះអោយហើយ។
« មិនតបមានន័យថាOkeyណា៎? »Taehyungសួរទាំងមុខច្រងឺមព្រោះគិតថារាងក្រាស់មិនបានចាប់អារម្មណ៍ស្តាប់គេនិយាយ។
« ទេ.! »Jungkookឆ្លើយមួយម៉ាត់ធ្វើអោយស្នាម ញញឹមរាងតូចអម្បាញ់មិញត្រូវរសាត់ទៅវិញអស់។
« សុំតែមួយទេ.! ណាជុងហ្គុកណា.!..ណា៎ៗៗៗ »Taehyungដើរមកអង្គុយច្រកគៀវពីមុខរបស់ជុងហ្គុករួចលើកដៃអោបករបស់រាងក្រាស់ជាប់មុននឹងចាប់ផ្តើមរំអុកទាមទារ។
« ថេយ៍.! ស្តាប់បង...បងមិនអោយញ៊ាំទេ.! »Jungkookលើកដៃអង្អែលក្បាលថេយ៉ុងតិចៗ មុនពេលទៅពិធីមង្គលការរបស់YoongiនិងJiminមិនដឹងថាគេញ៊ាំអស់ប៉ុន្មានកញ្ចប់ហើយទេទើបបណ្តាលអោយក្តៅខ្លួនបែបនេះ ឥឡូវមកទារអីទៀត?
« តែមួយទេ.!..ហិក »Taehyungពេបមាត់រលីងរលោងមើលទៅហាក់ដូចជាចង់ញ៊ាំខ្លាំងណាស់ ទឹកមុខកំសត់របស់គេធ្វើអោយជុងហ្គុកទប់អារម្មណ៍មិនអោយទន់ចិត្តមិនបានតែម្តង។
« ហឹម.! តែមួយទេអញ្ចឹង...ញ៊ាំហើយប្រញាប់គេងឮទេ? »Jungkookយល់ព្រមមុននឹងដើរទៅយកនំមួយកញ្ចប់នៅលើតុហុចអោយរាងតូចដែលកំពុងអង្គុយចាំ ចំណែកថេយ៉ុងក៏អង្គុយទះដៃទាំងសើចខខឹក សប្បាយចិត្តជាត្រូវឆ្នោតធំទៅទៀត។
« បងញ៊ាំទេ? »Taehyungមិនបានទៅណាឆ្ងាយពីជុងហ្គុកឡើយគឺគេនៅអង្គុយញ៊ាំនំលើភ្លៅរបស់ជុងហ្គុកដដែលដោយមានជុងហ្គុកអោបចង្កេះរបស់គេជាប់មិនលែងទៅណាដូចគ្នា។
« អត់ទេ.! »Jungkookថាហើយក៏ធ្វើការងារបន្ត ចំណែកថេយ៉ុងបន្ទាប់ពីញ៊ាំអស់នាយស្រាប់តែចុះពីលើភ្លៅរបស់ជុងហ្គុករួចដើរតម្រង់ទៅតុដាក់នំ។
« ... »Jungkookមិនមាត់ប៉ុន្តែក៏លួចដៀងភ្នែកមើលនាយតូចថាគេនឹងធ្វើអ្វីបន្ទាប់។
Taehyungងាកមើលជុងហ្គុកឃើញថានាយមិនបានចាប់អារម្មណ៍នឹងខ្លួនទើបនាយរហ័សអោបយកនំទាំងពីរថង់ធំៗនោះរត់សម្តៅទៅរកគ្រែ។
« កុំសង្ឃឹមថាបោះចោលបានអោយសោះ »Taehyungច្រត់ចង្កេះសម្លឹងមើលនំដែលបានដាក់តម្រៀបគ្នាលើពូកនោះមុននឹងទាញភួយដណ្តប់អោយវាបន្តិចរួចរត់ចូលទៅគេងអោបនំទាំងនោះតាមក្រោយ ថេយ៉ុងគេងអោបយ៉ាងស្អិតហាក់ដូចជាខ្លាចនរណាមកបេះចេញពីគេយ៉ាងអញ្ចឹង។
« ហ៊ឹសៗ ចំមែន.! »Jungkookអង្គុយក្រវីក្បាលទាំងហួសចិត្តម្នាក់ឯងបន្ទាប់ពីបានឃើញសកម្មភាពកំប្លែងៗរបស់ប្រពន្ធរួចមក។
មួយសន្ទុះក្រោយមកជុងហ្គុកក៏បង្ហើយការងាររួចរាល់ នាយចូលទៅមូជទឹកសម្អាតខ្លួនហើយអស់ទើបចូលទៅគេងអោបរាងតូចតាមក្រោយ មុននឹងចូលទៅគេងនាយក៏បានប្រមូលនំដែលរាងតូចបានអោបនោះដាក់ថង់វិញផងដែរព្រោះរាងតូចអោបស្អិតតែពេលមិនទាន់គេងលក់ប៉ុណ្ណោះ ពេលគេងលក់បាត់ប្រលែងអស់ដដែល។
Morning✨
ព្រឹកថ្ងៃថ្មីក៏បានឈានមកដល់ Jungkookរៀបចំខ្លួនតាំងពីប្រលឹមដើម្បីទៅក្រុមហ៊ុនព្រោះតាំងពីរៀនចប់មកនាយត្រូវទៅក្រុមហ៊ុនរាល់ព្រឹកហើយក៏ចូលផ្ទះវិញថ្ងៃឬល្ងាច មិនទៀងប៉ុន្មានទេ។
« បងធ្វើដើម្បីអូននិងកូនប៉ុណ្ណោះ »Jungkook អោនថើបថ្ងាស់រាងតូចបន្តិចមុននឹងប្រមូលនំរបស់ថេយ៉ុងដែលមានក្នុងបន្ទប់ទាំងប៉ុន្មានទៅចែកក្មេងកុមារកំព្រាអោយអស់ សរុបមកបីថង់ធំៗជុងហ្គុកយួរចុះទៅខាងក្រោមសឹងតែមិនរួច។
« អ្វីនឹងកូនរញេរញៃសម្បើមម្លេះ? »លោកKimសួរជុងហ្គុកព្រោះឃើញរញេរញៃពេក។
« គឺនំរបស់ថេយ៍.! កាលពីយប់មិញគេក្តៅខ្លួនទើបកូនយកគេទៅមន្ទីពេទ្យ គ្រូពេទ្យបានផ្តាំមកថាមិនអោយគេញ៊ាំនំច្រើនពេកទេទើបកូនសម្រាច់ចិត្តឈប់អោយថេយ៍ញ៊ាំតែម្តង »Jungkookប្រាប់ទៅអ្នកទាំងពីរតាមដំណើរ។
« ធ្វើអញ្ចឹងក៏ល្អ.! ម៉ាក់ក៏មិនសូវចង់អោយគេញ៊ាំប៉ុន្មានដែរ »អ្នកស្រីKimងក់ក្បាលយល់ស្របជាមួយជុងហ្គុកព្រោះគាត់ឃើញថេយ៉ុងញ៊ាំវាមួយថ្ងៃៗដូចជាលើសកំរិតហើយ។
« អញ្ចឹងអ្នកម៉ាក់ជួយមើលគេផងណា៎.! ពេលគេភ្ញាក់ឡើងមិនឃើញនំ គេច្បាស់ជាស្រែកយំបែកផ្ទះមិនខានទេ »Jungkookនិយាយទាំងសើចព្រោះដឹងចរឹករាងតូចស្រាប់។
« ម៉ាក់ដឹងហើយ »អ្នកស្រីKimរាងដកដង្ហើមធំបន្តិច តែប៉ុណ្ណេះដឹងតែយំមួយថ្ងៃទល់ល្ងាចទៀតហើយ គ្មានអ្នកណាលួងបាត់ទេទាល់តែជុងហ្គុកមកវិញ។
( Taehyung be like : ខំដេកអោបប៉ុណ្ណឹងហើយនៅយកបានទៀតប្តីចិត្តអាខក់😔 )
TO BE CONTINUED
✨Thank for Support✨
@Ju Xiu-ជូស៊ី