Under The Twilight Sky (KOV #3)

Wandering Freely

"Doon na tayo kumain sa school mamaya, mag diet naman kayong lahat". Paalala ko sa kanila. Una na akong lumakad palabas, may dala naman akong sariling sasakyan. Uuwi rin naman ata ako mamaya, hindi ako sigurado pero bahala na muna sa ngayon. Walang plano eh.

Sumunod na silang lahat sa'kin, si Thor lang ata ang walang dalang sasakyan kaya sasabay siya sa kambal. Sasakyan namin ang taga bulabog ng mga nakatira din dito sa condo ni West, mabuti na nga lang at walang umaalis sa kanila. Hindi naman ata naririnig pero kahit na, maingay pa rin lalo na tong si North na ubod ng gago. Biglang bubusina kahit wala namang sasakyan o hindi naman siya nag mamaneho sa highway.

Pag pasok ko sa loob ng sasakyan ko, nakita kong puno na ang tank kaya hindi ko na kaylangang magpa lagay ulit. Baka nilagyan na to ng mga gas boy sa Cielo kahapon, wala akong maalalang nag utos ako pero salamat na rin sa kanila. Agad kong binuhay ang makina at nag simulang humarurot palabas ng building, alam ko na kung bakit gustong pumasok ni Thor ng sobrang aga. Ayaw niya sa traffic!

Dahil hindi pa sumisikat ang araw, wala pa ring masyadong sasakyan na dumadaan kaya halos solo lang namin. Si Eros na tarantado nakikipag karera nanaman kaya siyempre hindi mag papahuli si North, hindi ugali ni Thor na sumali sa mga ganito pero himalang sumali din siya. Ayokong mahuli ng mga MMDA officers tapos mag babayad nanaman ng malaki para lang sa over speeding, bahala na silang tatlo o apat diyan.

Nang makarating kami sa St. Valentine, literal na kaming apat pa lang ang tao doon. Solo namin ang parking lot ngayon kaya bahala na kung papaano yung pag kakaayos ng mga sasakyan namin, wala rin namang makikialam niyan mamaya. Ipinarada ko ng maayos ang sa'kin para hindi ako ipapatawag para lang ayusin yan, pinatay ko na ang makina atsaka bumaba.

"Sige nga Thor, saan ka hahanap ng pag kain? Nakikita mo bang may tao na?". Tanong ko sa kaniya. Tinawanan lang ako ng gagong to, mabuti na lang dumayo kami kila Dawn kagabi kaya naka kain ako ng matinong pag kain.

"I thought you're on a diet?". Tanong ni Mr. Kupido. Iba talaga kapag stress free, tangina buti pa si Eros? Blooming kahit hindi naman in love katulad ni Thor.

"Huh? Kailan ko sinabi yan?". Tanong ko rin pabalik. Sabi ko kanina subukan nilang mag diet, wala akong sinabing pati ako magdi diet din kase you can't spell DIET without DIE. Mahal ko pa ang buhay ko no!

"Okay, paalam na mga kutong lupa. Didiretso na ako sa classroom ko para mag aral, may quiz kami mamaya eh". Paalam ni North sa'ming lahat. Masaya siyang kumakaway sa'min habang nag lalakad palayo ng patalikod tapos kami naman tong mga uto uto na nakiki kaway din sa kaniya, mukha kaming tanga pero mabuti na lang ay wala pang tao.

"Tayo? Paano na tayo?". Tanong ko sabay tumingin sa kanilang tatlo. Napakamot si West sa ulo niya, hindi siguro to naligo ng maayos ngayon at si Thor pa rin ang may kasalanan non kase siya tong nag mamadaling pumasok.

"Where else? Let's go to our classroom and go back to sleep". Si West na ang nag sabi niyan kaya siyempre? Choosy pa ba kaming tatlo? Hindi na no! Matulog daw ulit eh. Tamang-tama dahil sa Sabado, simula na ang special training namin na nakakamatay dahil mapapagod ka agad.

Nakapag desisyon na kaming lahat at desidido na kaming matutulog kami pag dating sa classroom, English literature naman ang unang subject namin kaya hindi yon magagalit pero mapapagalitan naman kami kapag bigla kaming nagising sa kalagitnaan ng klase niya. Sa madaling salita, dapat manatili kaming tulog hanggang sa matapos ang subject niya.