Under The Twilight Sky (KOV #3)

Pictures In The Wall

***********************

Aviery Louisse Cortez

Todo todong sermon ang inabot ko kay mama at papa dahil nahuli kami ng barangay, minor lang kaming tatlo nina Ryuu atsaka Rylan kaya agad din kaming pinauwi matapos may sumundo saamin habang naiwan doon sina Margaret kasama nung mga lalaki niya. Of course I'm happy kase nabangasan ko ang mukha niya pero sigurado akong hindi matutuwa si Mino, he'll throw a fit at mukhang hindi nanaman kami mag papansinan dahil dito.

As usual palagi niyang ipag tatanggol yung babaeng iyon pero kung iisipin ay sina Ryuu ang nag aya kaya hindi ko to kasalanan, sumali lang naman ako kase gusto kong maki sapak sa mukha ni Margaret atsaka babae pa rin yong malanding iyon kaya sigurado akong hindi magagawang bangasan ng mga lalaki ang pag mumukha niya, ligtas sana siya kung wala ako doon eh kaso nimamalas siya dahil nakita ko rin gamit ang dalawang mata ko at malinaw saakin na niloloko niya si Mino patalikod.

Ang walang kamalay-malay na si Mino ay nandoon, abalang nagpapakatanga sa lomihan habang siya nakikipag harutan sa mga kabit niya. Hindi naman literal na kabit kase hindi naman sila kasal hindi ba? Pero ang ibig kong sabihin ay mali pa rin iyon dahil una sa lahat kahihiyan ni Mino ang nakasalalay, hindi man siya buong prinsepe pero may lahi pa rin siyang dugong bughaw at sampal iyon sa pangalan ng ama niya kapag nalaman ng lahat na nag papaloko lang pala siya sa isang alipin na katulad ni Margaret. Pangalawa magiging issue to sa buong bayan namin na kung tutuusin ay hindi ko naman concern pero since kaibigan ko si Mino, edi madadamay kaming mga nag mamalasakit sa kaniya hindi ba?

Pang huli ay wala naman akong ibang hinangad kung hindi ang kasiyahan ni Mino kahit alam kong hindi ako ang rason non, Oo napapatawa ko siya o sige na napapasaya pero hindi yon katulad ng nararamdaman niya kapag kasama niya si Margaret. Nakita ko na kung papaano sila maging masaya, ang sakit sakit nilang pag masdan kaya hangga't maaari noon ay hindi ako lumalabas para lang maka iwas sa sakit. I tend to close my eyes for as long as I can hold it, I don't want to see his smiles nor his laughs because I know it's not mine. It will always belong to someone else and that person? will never be me.

Hanggang kaibigan lang ako, iyon lang ang kayang ibigay ni Mino saakin. Hindi naman natin maaaring ipilit ang isang bagay na hindi para saatin diba? Isa pa may something talaga na kulang saakin na kahit si Mino hindi kayang punahan iyon, isang bagay na ibang tao ang makaka kumpleto dahil kung si Mino lamang iyon ay sana matagal na akong ayos hindi ba? Minsan nag kakaroon ako ng weird dreams, nakaka kita ako ng isang mag asawa, batang lalaki, at tila isang aksidente pero lahat iyon ay malabo tapos hindi ko na masyadong maalala kapag gising ko kaya hindi ko magawang maikwento kina kuya Allard at ate Azalea para sana itanong kung mayroon ba iyong ibig sabihin o hindi kaya'y pahiwatig man lang.

Sa tuwing malungkot ako o matutulog ng galit ay iyon ang napapanaginipan ko dahilan kung bakit hindi na ako nakaka tulog pag tapos, pilit kong inaalala pero sumasakit lang yung ulo ko pero wala namang nang yayari at hindi ko na muling maalala yung mismong panaginip. Parang totoo ang lahat ng iyon, pati yung malabong pang yayari ng isang aksidente ay tila tunay at hindi basta basta panaginip lamang. Una kong mapapanaginipan yung batang lalaki na naka suot ng pula ngunit hindi ko makita ang mukha niya, sumunod doon yung mag asawa na wala ring mukha pero kakulay ng buhok ko yung sa babae tapos huli naman yung sa aksidente tapos bigla na akong magigising kahit hindi pa ito tapos.