Under The Twilight Sky (KOV #3)

Wandering Freely

**************************

Jared Vincent Chavez

Dahil may pasok ngayon, kaylangan namin mag hiram ng uniporme kay West. Mukha kaming mga tanga ngayon, mas malaki yung katawan ni Thor kaysa sa kambal kaya masikip pay dating sa kaniya. Kay Eros, sakto lang yung sukat pero sa'kin? Medyo maluwag yung sleeves pero okay na to. Mamimili pa ba ako? Wala akong susuotin, nakalimutan kong mag dala este wala pala talaga akong dala maliban sa sarili ko.

Mabuti na nga lang at mayroon akong damit na naiwan sa locker room namin sa Cielo, alangan namang gumala ako sa labas ng naka uniporme diba? Edi napag kamalan pa akong kriminal o peke. Baka maging dahilan pa yon ng pag kakakulong ko dito tapos si dad yung magiging abogado ko, grabe! Nakaka takot yung scenario na yon. Parang mas malala pa yon sa trailer ng the ring na palabas tapos mag isa ka lang nanood.

Maaga kaming papasok ngayon kase masyadong advance mag isip si Thor, ginising niya kami ng wala sa oras. Sabi niya pa sa'min, tanghali na kaya nag madali kaming maligo lahat. Yon pala? Ala singko pa lang ng umaga! Punyeta tong taong to. Huwag na daw kaming mag reklamo, maaga din naman daw pumapasok si Lauren atsaka Cece eh galit nga sa'kin yung babes ko kaya paano yon?

Malamang hindi niya ako gustong makita, baka nga galit pa yon sa'kin hanggang ngayon. Sa tuwing mag papadala ako ng text, nag rereply naman siya pero sobrang iksi lang. Parang freezer yung conversation namin, hinahayaan ko lang muna siya kase alam kong kusa siyang babalik sa'kin. Wala naman siyang ibang pwedeng puntahan kung hindi ako lang, hindi ako papayag na sa ibang lalaki siya mapupunta no!

"Jared! Dalian mo! Malapit na mag umaga!". Sigaw ni Thor. Gago pala to eh, umaga na kaya! Pasikat pa lang yung araw! Napaka OA mo! Akala mo naman maagang pumapasok si Dawn. Mag hihintay lang tayo doon eh.

"Dalian daw natin sabi ni boss, tangina neto akala mo tatakbuhan ni Aurora". Bulong na reklamo ni Eros sa'kin. Natawa ako sa sinabi niya, eh anong magagawa natin? In love yung tao eh. Ganon talaga kapag nahulog na, ang kaso kase kay Thor? Matagal na siyang nahulog kay Dawn. Ngayon? Ayan, nahuhulog pa rin naman siya.

Pag tapos kong mag ayos, sumabay na ako kay Eros at kapwa kami lumabas. Mukha na kaming mga tao pero inaantok pa rin talaga ako, punyemas kase tong taong to eh. Masyadong OA, wala namang ibang lakad si Dawn. Hindi rin naman mag hahanap ng iba yon, pwede naman kaming hindi sumama o pumasok ng maaga kaso hindi uso sa'min yon eh. Gawain ng isa, gawain ng lahat. All for one, one for all.

"Oh? Hindi na tayo kakain? West? Pag kain, penge ako". Sambit ni North habang naka lahad ang palad niya sa harapan ng kakambal niyang sinapian nanaman ng espiritu ng biyernes santo, maaga pa kase kaya wala siya sa mood.

"Bakit sa'kin? Una sa lahat, ikaw ang mas matanda kaya dapat ako ang nang hihingi sayo. Pangalawa, kay Thor ka mang hingi kase siya naman may pakana kung bakit tayo papasok ng maaga". Walang ganang sagot ni West. Napaatras kaming lahat, high blood siya ngayon. Tangina kase nito ni Thor eh! Kutong lupa ka talaga! Tama si Dawn!

"Ako na mag papakain sainyo, gusto niyo pati magpa aral pa eh". Natutuwang sagot ni Thor. Sabagay, hindi naman kuripot si Thor kaya walang problema yon sa kaniya. Kung si North yan? Auto ghosting na yan, kahit tumawag ka pa ng exorsist? Wala kang North na makikita sa paligid.

"Bago mo ko pakainin, gawan mo ng paraan yung high blood ng kapatid ko. Tingnan mo oh? Nang hingi lang ako ng pag kain tapos ang daming sinabi". Paawang aniya ni North. Natawa kami ni Eros, buti pa kaming dalawa. Walang masyadong problema sa mundo, pwede naman kaming matulog sa classroom mamaya eh.