#مع_مر_الزمان
#مع_مر_الزمان_33
#جزء_من_حلقه_سابقه
بعد كذا يوم مينا رجع البيت بليل متأخر عشان يطمن عليهم ،، دخل على سليم لقاه نايم اطمن عليه وسابه وخرج ،، و راح لحاتم و شافه نايم اطمن عليه وعدل عليه الغطا وسابه وخرج ،، دخل لسلمى وشافها وهي نايمه اطمن عليها وباسها من دماغها وعدل عليها الغطا وسابه وخرج ،،، راح أوضة حازم اطمن عليه ومسك ايده وباسها وباسه من خده وسابه وخرج من الاوضه ونازل ع السلم
رنا:(جات من وراء مينا) مينا (مينا وقف مكانه
#بدايه_الحلقه_الجديده
(عند مينا اللي ظهر واقف ظهره لرنا وهيا واقفة وراه وباين عليها الزعل والدموع فـ عنيها سمعها بتناديله تانـي وباين الحُزن على صوتها بس هيفضل واقف وعاطيها ضهره وباين عليه الحزن منها وعليها)
رنا:(بحزن) للدرجه دي مش عايز تبص في وشي يامينا.. (هيفضل واقف زي ما هو من غير مايتكلم)
رنا:(هتنزل سلمتين وتقف وراه بحزن) أنا مش عارفة أعيش من غيرك ، مش مرتاحه وإنت بعيد عني ، أنا حاسة إنـيّ تايهه ومحتجاك جمبي ومعايا يامينا (برضو هيفضل واقف زي ما هو ومش بيتكلم ولابيرد عليها)
رنا:(بدموع) مينا أنا أسفه بالله عليك ماتزعل مني إنت عارف إنـيّ ما أقدرش على زعلك واللي حصل ده وقت إنفعال مني وما أقصدش أزعلك ولا أهنيك بكلمتي دي ..
مينا:(لف وبصلها بحزن) بس قدرتِ يارنا جه اليوم اللي تهنيني قدام عيالي وماتراعيش الايام والحُب اللي بينا..
رنا:(بعياط وإنهيار) ما أقصدش والله غصبن عني أنا أسفة بالله ماتزعل مني ما أقدرش أقعد كمان ساعة وإنت زعلان مني يامينا هموت فيها بجد..
مينا:(هيقرب منها ويحط أيده على بؤها وبإبتسامة) بعدالشر عنك يارنا متعتذريش خلاص مافيش حاجة..
رنا:(بدموع وهتشيل إيده) يعني مش زعلان مني !
مينا:(بحنية وإبتسامة) آها ياستي مش زعلان أنا أصلاً ماكونتيش زعلان ولاعمري أقدر أزعل منك أنا كنت واخد على خاطري منك بس مش أكتر ..
رنا:(حضنته بعياط) متسيبناش تاني يامينا إحنا كلنا تعبانين أوي أوي من غيرك..
مينا:(هيمسح دموعها وبحنية) شششش بطلي عياط دموعك دي مبحبش أشوفها وإنت عارفة كده كويس..
رنا:(بدموع وإبتسامة) طب هتفضل معانا صح! (مينا هيبصيلها شوية ويبتسم ويهز دماغه بمعنى أيوه هتحضنه بفرحة وتكمل كلامها بإشتياق) وحشتني أوي أوي أوي يامينا ..
مينا:(هيلف إيده على وسطها وهو حاضنها ويشيلها فجأة) وإنتِ كمان وحشتيني أوى أوى أوووي ياقلب مينا ..
رنا:(بكسوف) طب نزلني..
مينا:(بغمزة وخبث) تؤ تؤ تؤ مش أنا غايب عن البيت بقالي عشر أيام و رجعت لازم أشبع منك بقا لإنك وحشتيني أوي..
(رنا بصتله بضحكة ولفت إيديها على رقبته بحُب وإشتياق وهتضحك هيأخدها ويروحوا الأوضة فــ عالمهم الخاص)
~~~~~~~~~~~~~~~~~~~~~~~~~
(الصبح في بيت مينا ظهر مينا قاعد بيشرب قهوته قبل الفطار ورنا بتجهز الفطار في المطبخ وسلمي نازلة من أوضتها شافت باباها قاعد بصت عليه بصدمة إنه هنا وراحت وقفت قدامه)
سلمي(بزعل وحطت وشها ف الأرض) بابا ..
مينا(كمل شرب قهوته وهو ساكت وماردش عليها)
سلمي(بدموع) بابا أنا أسفة ماتزعلش مني (برضو مينا ساكت كملت سلمي كلامها بدموع) طيب بص رد عليا ومش هتكلم تاني والله بس رد عليا ..
مينا(بصلها بجدية وزعل) وهيهون عليكِ كمان أيام تانية تعدي وإنتِ مش بتكلميني ولا ع إي ما أنتي قعدتي عشر أيام أهو وعدوا عادي صحيح يبقي مافيش مشكلة يعدي غيرهم..
سلمي(بدموع) مين قالك كده والله يابابا أصعب 10 أيام عدوا عليا من يوم ما إتولدت وبعدين حضرتك اللي ماكونتيش موجود فـ البيت وماكونتيش عارفة أصالحك ولا أطلب منك إنك تسامحني..
مينا:(بحزن) اللي عاوز حاجة بيعملها ياسلمي كان ممكن تتصلي وتعرفيني حتى إن بُعدي عنك فارق معاكِ تيجي الشركة مش صعبة يعني حتى لو رفضت ف كل محاولاتك دي بس هتبقي قدامي حاولتي إنك تصالحيني والامر فارق معاكِ ..
سلمي:(بعياط) بابا إنت غالي عندي جداً إنت أخويا وحبيبي وصاحبي قبل ماتكون بابايا وإسأل ماما كنت هموت وعاوزة أكلمك بس كنت خايفة والله صدقني..
مينا(بجدية) وخايفة من إي بقي!! إنت عارفة إني عمري مامديت إيدي عليكِ بس إنت السبب وتهورك السبب فإني أمّد إيدي عليك يعني كل ده مش قصدي فخايفة ليه بقي ..
سلمي(بدموع وحزن) خايفة تصدني ف الكلام يابابا وماترضاش تصالحني ساعتها كنت هموت بجد والله ومش هستحمل ده فحبيت أفضل شوية لما تهدي وتصفي من ناحيتي..
مينا(بجدية) ومين قال إني زعلان منك أنا زعلان عليكِ وع اللي عملتيه ف نفسك وسداجتك وإستهتارك وأخرتها دخلتِ أماكن زي دي!!
سلمي(بعياط) هأخد بالي والله بعد كده بس بالله عليك ماتزعلش مني يابابا والله ماقادرة ع بُعدك أكتر من كده..
مينا(بصلها بإبتسامة وحنية) طيب خلاص إمسحي دموعك دي أميرة البيت ماينفعش تبكي ولا دموعها تنزل ..
سلمي(بإبتسامة ودموع) يعني مش زعلان مني يابابا ..
مينا(بإبتسامة وفتحلها إيده) وفيه حد يزعل من بنوته حبيبته برضو تعالـي ..
سلمي(بدموع وفرحة وجرت وحضنت باباها) أنا بحبك أوي أوي أوي يابابا ربنا مايحرمني منك أبداً ..
مينا(بإبتسامة) وأنا كمان ياقلب بابا بحبك جداً (وكمل كلامه بجدية) بس نصيحة مني خليكِ ناصحة وواعية لكل تصرفاتك بعد كده إنت مش صغيرة سمعاني ياحبيبتي؟!
سلمي(بإبتسامة) أيوة يابابا حاضر والله ماتقلقش..
رنا(خرجت من المطبخ وبصت عليهم بإبتسامة وبهزار) آآآه ياقلبي خيااااانة ع الصبح كده أحضان وهيصا ..
سلمي(بصت لباباها بإبتسامة وحضنته وباسته جامد) بابا ده حبيبي أصلاً وأبوسه وأحضنه وقت ما أعوز ياست ماما ..
رنا(بضحكة) بقي كده طيب إطلعي يلاا يالمضة صحي إخواتك علشان نفطر يللا ..
سلمي(بإبتسامة وقامت وقفت) حاضر ياماما إنتِ تأمري
(طلعت سلمي تصحي إخواتها ورنا راحت قعدت جنب مينا وبصتله بإبتسامة عشق وحُب)
رنا(بإبتسامة حُب) أنا مبسوطة أوي إنك صالحت سلمي..
مينا(بإبتسامة) أنا ماكونتيش مخاصمها يارنا بس كنت عاوز أعلمها درس ..
رنا(بإبتسامة) ربنا يباركلنا فيك ياحبيبي ..
(قطع كلامهم مع بعض صوت سلمي العالي وبتندهه عليهم بصوا لبعض بخوف وقلق وطلعوا علي مصدر الصوت في أوضة حازم)
مينا(بقلق) مالك ياسلمي فيه إي!!
سلمي(بخوف) بصحي حازم مش بيصحي مش عارفة ماله ..
رنا(قربت منه وشافته وبصتلهم بقلق) ده مغمي عليه(وبصت لسلمي) هاتي أي برفان كده ياسلمي أفوقه..
(راحت سلمي جابت برفان وإعطته لرنا اللي قعدت تحاول تفوق حازم ومافيش أي نتيجة)
رنا(بقلق ودموع بصت لمينا) هو مش بيفوق ليه!!
مينا(بقلق وبص لرنا) مش عارف يارنا إهدي كده بس وروحي غيري هدومك بسرعة ونأخده المستشفى والدكتور بتاعه أكيد هيكون هناك وهرن عليه كمان أعرفه علي أما تخلصي يلا ونأخده ونروحله ..
(مينا كلم الدكتور وخلص معاه وإشتال حازم ونزل بيه بسرعة ف الوقت ده كانت رنا خلصت ونزلوا مع بعض علشان يأخدوه المستشفى)
~~~~~~~~~~~~~~~~~~~~~~~~~
( في المستشفى ظهر مينا ورنا في أوضة الدكتور وهو بيكشف علي حازم)
الدكتور(بجدية) هو مُغمي عليه من زمان!!
مينا(بقلق) مش عارفين إحنا جينا نصحيه لقيناه مغمي عليه..
الدكتور(بتنهيدة) الواضح إنه مغمي عليه بقاله فترة لان عضلة القلب عنده مُرهقة جداً وشبهه مش نشيطة أصلاً وكان لقدر الله ممكن يدخل في غيبوبة..
رنا(بصدمة ودموع وحطت إيديها علي بؤها) غيبوبة !!!
مينا(بصدمة وبص للدكتور) طيب هو كويس!! وهيفوق ولاإي!!
الدكتور(هز رآسه بمعني أيوة ورجع بص لحازم وبدأ يعمله تمارين لعضلة القلب علشان تنشط القلب ويفوق شوية وبالفعل حازم بدأ يفتح عينه وبص عليهم بتوهان وتعب)
حازم(بتعب وبيفتح عينه) إممممم آآآآه
الدكتور(بإبتسامة) حازم سامعني!! إنت كويس؟!
حازم(بص لباباه ومامته بحزن وبص للدكتور بتعب) كويس الحمدلله هو أنا فين!!
الدكتور(بصله بإبتسامة) إنتِ فـ المستشفى تعبت شوية وبابا جابك وجه علشان نطمن عليك حاسس بتعب أو أي وجع!
حازم:(بص لباباه ومامته بحزن وبص للدكتور بهدوء ) شوية بس عادي يعني الوقتي ويروح..
الدكتور:(بإستغراب من هدوءه) طيب إرتاح شوية لما أكلم بابا وماما وهجيلك تاني (وبص لمينا بعملية) تعالوا نبعد شوية..
مينا(بقلق) فيه إي يادكتور خير حازم كويس!
الدكتور(بتنهيدة وعملية) هو الواضح إن فيه حاجة مزعلاه وده واضح من سكوته وكمان اللي باين من إرهاق عضلة القلب عنده إنه ما أخدش علاجه من فترة..
مينا(بجدية) لا بيأخده علي طول (وسكت بتذكر وبص لرنا ورجع بص للدكتور بحزن) بس هو إمبارح بس اللي ماأخدوش..
الدكتور(بعملية) ما ده للأسف اللي سبب الإرهاق ده لعضلة القلب بجانب بقي الزعل اللي عنده فده سبب الإغماء فحاولوا إنكم تخلوا بالكم منه ومن علاجه وياريت تشوفوا إي اللي مزعله وتتكلموا معاه ..
مينا(بحزن) بإذن الله يادكتور حاضر هو هيمشي الوقتي صح!
الدكتور(بإبتسامة) بإذن الله هعطيه بس حقنة تنشط القلب شوية وكمان مايتعبش منكم في الطريق ويقدر يمشي معاكم بإذن الله بس خلوا بالكم منه..
(راح مينا ورنا وقفوا قدام حازم اللي بيبص عليهم بتعب وحزن وعتاب وساكت مش بيتكلم قرب منه الدكتور وهو معاه حقنة وحازم باصص عليه بخوف)
الدكتور(بإبتسامة يطمنه) يللا يابطل علشان تأخد الحقنة دي علشان تبقى كويس وتروح مع بابا وماما..
حازم(بص للدكتور بخوف وسكت ما إتكلمش)..
الدكتور(بإبتسامة) يلا ياحازم ماتخافش شكة وننتهي ..
(حازم بص لباباه ومامته اللي بيبصوا عليه وعارفين خوفه ورجع بص للدكتور ولف على جنبه بهدوء والدكتور قرب منه ويدأ يعطيه الحقنة وسط إستغراب مينا ورنا لسكوته غمض حازم عينه جامد بوجع والدكتور خلص وشال السن ودلك مكانها وساعده يقعد تاني)
الدكتور(بصله بإبتسامة) بالشفا إن شاء الله يابطل ..
(قام حازم من علي السرير بمساعدة الممرض اللي مع الدكتور ومينا قرب من الدكتور)
مينا(بقلق) هو كده هيكون كويس؟!
الدكتور(بعملية) بإذن الله بس واضح زي مابقولكم إن فيه حاجة مزعلاه ومزعلاه جامد كمان والدليل إنه أول مرة يأخد الحقنة ويقعد ساكت كده فحاولوا تشوفوه ماله وأشوفه بإذن الله الأسبوع الجاي في معاده علشان أطمن عليه..
مينا(بتنهيدة قلق) بإذن الله يادكتور شكراً على تعبك معانا ..
الدكتور(بإبتسامة) لا مافيش تعب ولاحاجة ده واجبي ربنا يشفيه يارب..
مينا ورنا(بتنهيدة قلق) يارب..
(مينا ورنا خرجوا وكان معاهم حازم اللي كان ساكت وماشي براحة من وجع الحقنة ركبوا العربية وحازم ركب ورا وسط تعبه ورجعه اللي كاتمه ومينا ورنا باصين عليه بإستغراب وقلق من سكوته)
~~~~~~~~~~~~~~~~~~~~~~~~~
(في بيت مينا ظهروا كلهم قاعدين قلقانين وعمر وهنا كانوا قاعدين معاهم)
سلمي(بدموع) وبعدين بقى هما إتأخروا ليه كده!!
عمر(بقلق) سلمي إهدي بقي م أنا كلمت بابا وقالي إنهم جايين في الطريق وكمان حازم كويس إهدي بقي..
سلمي(بدموع) م أنا قلقانة ياأبيه غصبن عني إنت ماشوفتوش الصبح ماما قعدت تحاول تفوقه أكتر من ربع ساعة ومافيش إستجابة منه خالص..
سليم(بحزن) طيب خلاص إهدي ياسلمي هيبقي كويس وبعدين بابا والله طمنا وقالنا إنه كويس..
سلمي(بدموع) يارب يارب..
(عدي عليهم ربع ساعة ولقوا الباب بيفتح ومينا ورنا داخلين وحازم داخل وراهم وساكت وباين عليه التعب)
سلمي(جرت علي حازم حضنته وبدموع) حازم إنت كويس!!
حازم(بهدوء) الحمدلله كويس..
عمر(بإبتسامة) عامل إي الوقتي يازوما ؟!
حازم(بتعب) الحمدلله يا أبيه كويس
سليم(بضحكة) طيب الحمدلله تعال بقي أقعد معانا ده أنت نشفت دمنا يا أخي..
حازم(بتعب ومشي من قدامهم علشان يطلع أوضته) معلهش يا أبيه أنا تعبان وعاوز أنام ..
(طلع حازم أوضته وكلهم باصين عليه بقلق وخوف من سكوته وهدوءه)
عمر(بتساؤل) حازم ماله يابابا ؟!
مينا(بتنهيدة قلق) كويس ياعمر ماتقلقش..
سليم(بتساؤل وقلق) أومال ماله كده هادي وساكت علي غير العادة هو الدكتور قالكم إي! وكان ماله!!
مينا(بتنهيدة تعب وقعد) مافيش قال إن عضلة القلب عنده مُرهقة وده للأسف نتيجة إنه ماأخدش علاجه إمبارح وكمان بيقول فيه حاجة مزعلاه وده السبب في الإغماء اللي حصله وكان ممكن يقلب بغيبوبة..
حاتم(بقلق وصدمة) غيبوبة !!! طيب والدكتور عمله إي!!
مينا(بجدية) ولاحاجة عمل شوية تمارين كده لعضلة القلب وفوقه وإعطاه حقنة وبس..
سلمي(بإستغراب) ورضي يأخد الحقنة بسهولة كده..
رنا(بدموع) المفاجأة إنه آه أخدها وماإتكلمش نهائي ولاحتي إتوجع منها وده اللي خلي الدكتور متأكد إن فيه حاجة مزعلاه..
مينا(كمل بجدية) وبس قالنا نشوف زعلان ماله ويحافظ علي علاجه لحد مايشوفه الأسبوع الجاي ف معاده وبس مافيش حاجة تاني..
عمر(بتساؤل) طيب إي اللي مزعله طيب!!
مينا(بتنهيدة) مش عارف ياعمر بس لما يصحي كده ويقوم ونتكلم معاه بإذن الله..
عمر(بإبتسامة يطمن باباه) بإذن الله يابابا خير ماتقلقش ..
مينا(بإبتسامة مُتعبة) بإذن الله..
رنا(بتساؤل) هنعمل إي ف العيلة اللي هتيجي كمان ساعة دي مش هلحق أعمل الغدا كده ..
مينا(بتنهيدة) هنلطلب دليفري بقي يارنا المرة دي ماتقلقيش يللا بقي قومي إطمني ع حازم وشوفيه نام ولالا ..
رنا(بجدية) حاضر..
(قعد مينا وإولاده وهنا يتكلموا وطلعت رنا لحازم تتطمن عليه نام ولالا لما لقيته نام نزلت تحت قعدت معاهم يتكلموا لحد ما العيلة تيجي)
~~~~~~~~~~~~~~~~~~~~~~~~~
(في بيت مينا ظهروا كلهم قاعدين على الغدا وبيتكلموا مع بعض وحازم قاعد ساكت زي ماهو)
عباس(بجدية) وإنت ماكلمتناش ليه يامينا ونجيلك بدل ماتبقي لوحدك؟!
مينا(بهدوء) مش مستاهلة أقلقكم ياعباس وبعدين الحمدلله عدت على خير أصلاً كنت قلقان للدكتور مايكونش هناك علشان النهاردة الجمعة وكده ومافيش حد موجود بالنهار ..
عباس:(بجدية) لا فيه بيكون موجود وفيه لا حسب العمليات وقتها وكده ..
مينا:(بهدوء) ربنا معاكم ويعينكم يارب ..
سعد(بقلق) طيب الدكتور طمنك عليه يعني! فيه خطر عليه!
مينا(بهدوء) لا الحمدلله وهو كويس أهو قدامكم ..
سعد(بص لحازم بقلق) عامل إي يازوما إنت كويس ياحبيبي؟!
حازم(بهدوء وتعب) الحمدلله ياعمو..
يحيي(بإبتسامة) أومال ساكت ليه مالك !!
حازم(بهدوء) مافيش يا أبيه أنا كويس الحمدلله ..
مينا(بص لحازم بتنهيدة قلق من سكوته وبصلهم بجدية) ماتقلقوش على حازم شوية وهيبقي كويس بإذن الله يلا كملوا إنتو أكلكم ..
هايدي(بعتاب) مكنش ليها لزوم العزومة النهاردة يامينا ومكنتوش تتعبوا نفسكوا ..
مينا(بإبتسامة) مافيش تعب ولاحاجة ياحبيبي تعبكم راحة وبعدين الأكل دليفري يعني جاي جاهز يلا بقي كلوا هتقضوا القاعدة كلها كلام ولاإي!!
(بصوا لمينا بتنهيدة وبدأوا كلهم يأكلوا وسط سكوت حازم وسرحانه)
عمر(حط إيده علي كتف حازم وبجدية) كُل كويس يازوما يللا بطل سرحان وكمل أكلك..
حازم(بهدوء) بأكل يا أبيه أهو ..
عباس(بهدوء) كُل كويس ياحازم علشان تأخد علاجك بعد الأكل بإذن الله..
حازم(بهدوء وخوف بس سكت ما إتكلمش) حاضر..
عباس(بإستغراب) غريبة يعني مش هتعترض وتزهقنا شوية قبل ماتأخدها ..
(حازم بص لعباس بخوف وتعب وهز رأسه بمعني لا وسكت كلهم بصوله بإستغراب وقلق من سكوته وكملوا أكلهم وحازم باين عليه التعب والخوف من العلاج وبيلعب في الأكل ولما حد يقوله كُل يأخد معلقة بسيطة ويبطل تاني شوية وخلصوا أكل وقاموا قعدوا مع بعض ورنا قامت تعمل الشاي والعصير وجت قعدت معاهم تاني)
عباس(بهدوء) يللا ياحازم علشان نطلع أوضتك وتأخد علاجك..
حازم(بصله بخوف وتعب وسكت مارديش عليه )
عمر(قام وقف ومسك إيد حازم) يلا يازوما ماتخافش أنا معاك أهو يللا (وبص لعباس) يلا ياعمو عباس..
(طلع عباس وعمر وحازم الأوضة قعد على السرير وسط خوفه وتعبه وعمر جاب لعباس الحقنة وبدأ يجهزها شوية وخلص تجهيزها وقرب من حازم)
عباس(بهدوء) ها يلا ياحازم ..
(حازم بص لعمر ورجع بص لعباس بخوف وهدوء ونام على السرير ومسك في المخدة بدأ عباس يعطيله الحقنة وسط توجعاته اللي كاتمها وغمض عينه جامد بتوجع من الحقنة)
حازم(بتوجع وكاتم صوته في المخدة) آآآه
عباس(شال السن ودلك مكانها شوية) خلاص خلصت بالشفا يارب ياحبيبي..
عمر(عدل حازم علي السرير وقعد جنبه) ألف سلامة ياحبيبي..
عباس(بضحكة) فيه تطور المرة دي أهو شوفت محستش بيها إزاي لما أخدتها بمزاجك ومن غير معافرة..
حازم(بصله بدموع مكتومة وتعب وهدوء وسكت)
عباس(بصله بتنهيدة وقلق من سكوتة وبص لعمر بمعني خليك معاه) ماشي هسبقكم على تحت ماتتأخروش ..
عمر(بتنهيدة قلق علي أخوه وبص لعباس) ماشي ياعمو شوية بس لما حازم يقدر يمشي من الحقنة وهننزلكم ..
عباس(بص لحازم ورجع بص لعمر) ماشي..
(حازم نام على السرير بتعب ووجع من الحقنة وعمر باصص عليه بقلق وعباس نزل تحت وقعد معاهم)
مينا(بقلق) إي ياعباس فين عمر وحازم!!
عباس(بهدوء) فوق شوية وهينزلوا لما حازم يرتاح شوية من الحقنة..
سعد(بإستغراب) هو أخدها ؟!
عباس(بهدوء) آه أخدها الحمدلله ..
أدم(بإستغراب) ماعملش أي صوت ولا حاجة يعني!!
عباس(بتنهيدة) آها ماإتكلمش خالص وأخدها بكل هدوء ..
مروان(بإستغراب) غريبة يعني !!
(قعدوا يتكلموا مع بعض شوية لحد ماعمر وحازم ينزلوا وسط قلهم على حازم وإستغرابهم من هدوءه وسكوته حتي ولو بيأخد الحقن ومينا ورنا قاعدين قلقانين عليه)
~~~~~~~~~~~~~~~~~~~~~~~~~
(في أوضة حازم ظهر عمر قاعد على السرير وحازم نايم وباين عليه التعب والوجع من الحقن)
عمر(بهدوء) ممكن بقي أعرف سيٰ حازم ماله !!
حازم(بتعب وهدوء) مالي ياأبيه ما أنا كويس أهو ماتقلقش..
عمر(بجدية) فين الكويس ده ياحازم من أمتي وإنت ساكت كده ده فيه أيام كُنت بتبقي تعبان أكتر من كده وبتكون بتهزر وتضحك رغم تعبك مالك بقي؟!
حازم(بدموع مكتومة ) مافيش يا أبيه أنا بس تعبان شوية..
عمر(بجدية ) حازم!!! مش هتقدر تضحك عليا بالكلمتين دول إنت إبني قبل ماتكون أخويا وفاهمك من غير ماتتكلم حتي مالك بقي قولي..
حازم(بهدوء) يا أبيه والله عادي يعني..
عمر(بتنهيدة زهق) طيب نفترض إنك كويس ومافيش حاجة غير إنك تعبان من أمتي بتأخذ الحقن وإنت ساكت كده ومش بتتكلم ولا حتي تتوجع منها من أمتي!! إوعي تفكر إني ماشوفتيش وجعك من الحقنة وعمو عباس بيعطهالك قولي بقى مالك زعلان من إي ..
حازم(بص لعمر بحزن وهدوء) زعلان على سلمي وإن بابا ضربها وكمان علي الخناق اللي حصل بين بابا وماما مش بحب أشوفهم كده ولا بحب يكون فيه حاجة تزعلهم آها كل بيت بيحصل فيه مشاكل بس بابا وماما عمرهم مابيقعدوا كل الوقت ده مقاطعين بعض إلا إذا كان الموضوع فعلاً مش سهل وكمان سلمي بابا أول مرة يمد إيده عليها ويقاطعها الفترة دي كلها فأنا خايف وزعلان علشانهم ..
عمر(بصله بإبتسامة) بابا وماما إتصالحوا إمبارح وبقي الدنيا تمام خالص وكمان بابا صالح سلمي النهاردة ومش زعلان منها يعني الأمور كلها تمام ومافيش حاجة خالص..
حازم(بعياط) يعني إتصالحوا ؟!
عمر(بإبتسامة وحنية) أيوة والله هكذب عليك ليه !!
حازم(بصله بهدوء) ما أقصدش يا أبيه طيب كويس الحمدلله ربنا يصلح الحال بينهم دايماً ومايجيبش أي زعل ..
عمر(بإبتسامة) يارب ياحبيبي بس متأكد إن ده كل اللي مزعلك مافيش حاجة تانية ..
حازم(بدموع مكتومة وهدوء) أيوة يا أبيه ماتقلقش..
عمر:(بإبتسامة) طيب يللا ننزل نقعد معاهم ..
حازم:(بصله بتعب) معلهش يا أبيه مش قادر أنا عاوز أنام شوية..
عمر(بيقومه براحة وبجدية) مافيش نوم يللا ننزل نقعد معاهم إحنا لسا العصر يابني ..
حازم(بصله بدموع وتعب) مش قادر والله يا أبيه سيبي أنام شوية بالله عليك ..
عمر(بقلق ومسك وشه بين إيده) حازم مالك بجد فيك حاجة إنت تعبان طيب إحكيلي ياحبيبي مالك !!
حازم(بدموع وتعب) مافيش يا أبيه بس بجد مش قادر أنزل وعاوز أنام..
عمر(قام قعد جنبه بقلق) طيب هقعد جمبك لحد ماتنام ..
حازم:(برفض وتعب) لا يا أبيه إنزل إنت أقعد معاهم أنا هنام والله ماتقلقش..
(قام عمر من ع السرير ونزل تحت وسط قلقه على حازم ونزل تحت وقعد معاهم)
مينا(بقلق) فين حازم ياعمر هو كويس !!
عمر:(بقلق) مش عارف يابابا والله انا قعدت أتكلم معاه بس مش بيقول حاجة ومارضاش ينزل وبيقول تعبان وعاوز أنام..
عباس(بقلق) الواد ده فيه حاجة مش طبيعية ..
سعد(بقلق) طيب هيكون ماله يعني إيه اللي مزعله للدرجة دي يعني ..
مينا(بص لرنا ورنا بصتله بحزن وقلق وما إتكلموش وبصلهم بهدوء وقلق ) لما يصحى بإذن الله نبقي نعرف ..
عباس(بقلق) هيكون كويس بإذن الله..
الكُل:(بحزن وقلق) يارب يارب ..
( قعدوا كلهم يتكلموا بس باين عليهم القلق والزعل بسبب حازم ودماغهم مشغولة معاه )
~~~~~~~~~~~~~~~~~~~~~~~~~
عند هايدى الى قاعد مع محمد عباس فى كافتريا المستشفى
هايدى:(بتعب)هلكت خلاص تعبت قووى اليوم كان طويل
محمد عباس:لسه عندك شغل
هايدى:لا خلصت همر بقا على الحالات وخلاص
محمد عباس:انا قدامى عمليه واخلص
هايدى:تمام
نورين:(ظهرت بتجرى تجاه هايدى ومحمد عباس)
دكتوره هايدي ابن حضرتك عامل حادثه وجايه
هايدي:(بصتلها بصدمه) ادم (وجروا الاتنين وصلوا لغرفة الطواريء لاقوا مالك قاعد على السرير و معاه دكتور شاب بيعقموله الخدوش
محمد عباس:(قرب من مالك ومسكه من التيشيرت بتاعه وبزعيق) هببت الحادثه دى ازاى اخد عربيه مين (مالك بصله بخوف وسكت)
وحيد:(بعد ايد محمد عباس عن مالك) لو سمحت يادكتور محمد أهدى هو كويس بس محتاج الراحه بس
هايدى: بجد يا دكتور وحيد هو كويس
وحيد:اه والله كويس بس لازمله راحه بس بعد اذنكو (خرج وحيد من الاوضه
محمد عباس:(بصله بجديه)خد عربيه مين (مالك بصله بخوف وسكت ،، كمل محمد عباس كلامه بعصبيه وزعيق)انطق
مالك:(بسرعه وبخوف)آدم
محمد عباس:(بصله وهز راسه بمعنى ماشي وعصبيه)آدم تانى
هايدى:(قربت من محمد)محمد اهدى بقا احنا فى المستشفى مش فى البيت فى ناس تعبانه ومحتاجه ترتاح
محمد عباس:(بصلها وبص لمالك) حسابنا لم نرجع البيت (وبص لهايدى)انا رايح مكتبى ابلغ حد دكتور وليد انى مش هحضر العمليه الاخير وخلى وحيد يكتب للاستاذ على خروج وجهزى نفسك يلا
هايدى:طيب يا محمد ماشي روح انت بقا (محمد بص لمالك بعصبيه وخرج ،، هايدى قريت من مالك)انت كويس (مالك بصلها بخوف وهز راسه بمعنى ايوه هايدى كملت كلامها)ارتاح شويه على ما اجيلك (مالك نام على السرير وغمض عينه وفتحها بخوف وقلق من ابوه)
~~~~~~~~~~~~~~~~~~~~~~~~~
عند.محمد عباس فى العربيه ظهر بيكلم حد وهو سايق
محمد عباس:(بجديه)انت فين
آدم:(ظهر فى مكتبه)فى الشركه يا بابا
محمد عباس:عايزك فى البيت حالا (وقفل السكه فى وشه ،، آدم بص للتليفون بأستغراب وقام اخد الجاكت بتاعه وخرج من مكتبه بعد شويه ظهرو كلهم فى البيت ،،، وآدم بيفتح الباب ودخل
آدم: فى ايه يا بابا ،، انتو كويسين
محمد عباس:(بجديه) عربيتك فين
آدم:(بتوتر)ع عربيتى
محمد عباس:(بجديه) كانت مع مالك مش كده ( آدم بص لمحمد عباس وبص فى الارض وسكت ،، كمل محمد عباس كلامه بعصبيه) انا مش حذرتك قبل كده وقولتلك متعطيهوش عربيتك ايه الى خلاك تعطيهاله تانى
آدم:(بص لابوه)هو كان نفسه يروح الكليه بعربيه وانا بس حققتله رغبته
محمد عباس:(بعصبيه)اهو اخدتها وعمل بيها حادثه (وبلغه تحذير) لتانى مره بتكسر كلامى وانا عمال اقول ده كبير وعاقل وقد المسؤليه وشكلى كده هغير كلامى فيك (آدم سكت وبص فى الارض ،، محمد عباس كمل كلامه بعصبيه من سكوت ادم)متسكتش وتنرفزنى
هايدى: خلاص بقا يا محمد كفايه كده
محمد عباس:(بعصبيه)لا مش خلاص انا الكلمه الى اقولها سيف على الكل وتمشي على الكبير والصغير سامع
مالك:(وقف وراه بباه)بابا لو سمحت
محمد عباس:(لف فجأه وضرب مالك بالقلم وقعه على الكنبه تانى)انت تخرص خالص
آدم:( قرب منهم)بابا لو سمحت
محمد عباس:(بص لادم بعصبيه)انت كمان تخرص خالص انا مش عايز اسمع صوتك خالص ماشي (وبص لمالك) وانت اسمعنى ياله لو حصل وقولت لاخوك تانى هات العربيه انا مش هخلى فيك حته سليمه سمعتى والى معملتوش معاك وانت صغير هعمله دلوقتى(وبص لآدم بجديه)وانت انا حذرتك لتانى مره بلسانى بعد كده متلمونيش على الى هعمله سمعتنى ابقى قررها تانى بقا غورو من وشي انتو الاتنين (آدم اخد مالك ودخلو اوضه مالك
آدم:(بص لمالك الى خده علم من ضرب بباه)انا اسف يا مالك انا السبب
مالك:(بحزن)متقوليش اسف انا الى اسف على الى حصل سواء للعربيه او ليك
آدم:(اخده فى حضنه)بطل هبل ياله انت اخويا يلا نام وارتاح وانا كمان هروح انام (مالك هذا راسه بمعنى ماشي وساب مالك وخرج راح اوضته قعد على السرير بحزن وزعل
~~~~~~~~~~~~~~~~~~~~~~~~~
عند ادم خارج من الشركه بيكلم صاحبه
ادم: يلا بقا بكره نتقابل(وبص جمبه) ايه ده فى ايه (وجرى ناحيه ولد بيعاكس بنت وقامت بنهم خناقه
~~~~~~~~~~~~~~~~~~
ياترى هيحصل ايه لو حابين تعرفو استنو الحلقه الى جايه
~~~~~~~~~~~~~~
#hadeer
#rody
#hager
