قبل ما نبدا البارت تانى حابه اوضح سبب تغير اسم البيدج انو عرفت انو استار اكاديمى تمويله اسرائيلى محبش يكون ليه وجود فى البيدج
#دعواتكم_لاهل_فلسطين
#مع_مر_الزمان
#مع_مر_الزمان_53
#جزء_من_حلقه_سابقه
اما فى اوضه حازم الى نايم وعمال يكح كتير ومش عارف ياخد نفسه من الكحه وجمبه رنا ومينا وعمر
رنا:(بصت لمينا) اليانسون والحلبه والنعناع واى حاجه ساخنه من جايبه نتيجه
مينا: اعمل ايه يارنا
رنا: شوفله دكتور (حازم بصلهم بخوف وسكت بس لسه الكحه مستمره عمر بص لحازم بضحكه من خوفه من الدكتور حازم بصله بتوتر وخوف
#بدايه_البارت_الحديد
فى اوضه حازم ظهر مينا وادم وعمر و محمد عباس قاعد جمب حازم وبيكشف عليه
محمد عباس:(بص لمينا) صدره بايظ خالص (بص لحازم) انت عملت ايه يا حازم بوظ صدرك خالص كده بتشرب ميه ساقعه
مينا: طول عمرنا بنشرب ميه ساقعه اشمعنا متعبتوش الا دلوقتى
ادم: لا يا بابا الموضوع مش ميه ساقعه (حازم بص لادم برعب) الاستاذ هو ومالك كانو قاعدين فى وسط ناس وللاسف الناس الى كانو معاهم بيدخنو والاتنين قاعدين عادى وسطيهم ولاخافو على نفسهم ولا على صحتهم (حازم تنهد براحه)
محمد عباس: هو انت مش عارف يا حازم انو قربك للدخان غلط
مينا: محمد حازم نفسه راح من الكحه
محمد عباس: هات جهاز الاستنشاق ومافيش معارضه يا حازم
ادم:(كان لسه حازم هيتكلم قاطعه ادم) لا هو مش هيعارض يا بابا متقلقش مش كده ياحازم
حازم:(بصله بخوف) ايوه
ادم: شاطر خليك كده للاخر (مينا جاب جهاز الاستنشاق ومحمد عباس ركبه لحازم
عمر:(شد ادم بره الاوضه) فى ايه يا ادم انا مش داخل عليا كل الى قولتله
ادم: ليه مش داخل عليك انا قولت الى حصل
عمر:(بثبات) لا انت هتقولي الى حازم عمله لسه والى حصل معاه عشان انت ماقولتش الى حصل
ادم: انا قولت الى حصل ياعمر
عمر: وانا مش مصدقك بقا
ادم: عندك اخوك اساله
عمر: هساله بس لو طلع فى حاجه تانيه انت مخبيها عنى صدقنى يا ادم هيكون فى زعل
ادم: انت مش مصدقنى ليه ياعمر
عمر: علشان انا عارفك وعارف اخويا وعارف نظارتكم علشان انت رفيق عمرى وهو ابنى (وسابه ومشي ادم تنهد. ومشي هو كمان)
~~~~~~~~~~~~~~~~~~~~~~~~~~~~~~~~~~
عند مالك الى قاعد فى اوضته سمع الباب بيتفتح قام بسرعه طلع لقاه ادم
ادم: انت ايه الى مصحيك لحد دلوقتى
مالك: مافيش عندى نوم وبعدين انا مستنيك انت اتأخرت ليه
ادم: وانت مالك انت
مالك:(بحزن) انت لسه زعلان منى
ادم: انا ماليش دعوه بيك يا مالك انت حر فى نفسك
مالك: متقولش كده يا ادم انا عارف انى غلط واتأسفت كتير خلاص بقا قولى انت كنت فين عند حازم صح
ادم: اه كنت هناك
مالك: طب هو ماله مش بيرد عليا
ادم: تعب ،،، تعبان جدا الكحه قطعه نفسه هيرد عليك ازاى
مالك:(بدموع عياط) انا السبب انا الى عرضت عليه انو يشرب ويجرب
ادم: انت متخلف يا مالك والله لم انت عارف انو تعبان وكان مريض قلب ومش معنى انو عمل العمليه يبقى خف وبقى كويس ممكن يتنكس اى وقت
مالك:(بصدمه) يعنى ممكن يتعب تانى
ادم: اه طبعا
مالك: هيبقى انا السبب (وراح قعد على الكرسي وحط ايده بين وشه وعيط بصوت)
ادم:(تنهد وراح قعد جمبه) خلاص يا مالك اهدى هو كويس وبابا كتبله علاج وادله حقنه وبقى كويس
مالك:(بصله) بجد ولا انت بتقول كده وخلاص
ادم: لا بجد بس اهدو بقا وبطلو شغل العيال ده انتو كبرتو وخلى بالك من نفسك انتى هتبقى موسيقار وصوتك حلو وبتعزف حلو مضيعش نفسك بهبلك ده ماشي
مالك: ماشي
ادم:(مسح دموع مالك) طب يلا قوم اغسل وشك ده ونام يلا اتعشيت
مالك: ايوه اكلت مع ماما وفريده
ادم: طب اغسل وشك يلا ونام
مالك:(قام حضن ادم) انا اسف
ادم: مافيش حاجه يا حبيبى خلاص (مالك بصله ادم ضحك ومالك ضحك وباسه مت خده ودخل اوضته ادم تنهد ودخل هو كمان)
~~~~~~~~~~~~~~~~~~~~~~~~~~~~~~~~~~~~~~
عند وائل الى قاعد فى اوضته دخلت حوريه عليه (حوريه ولدته)
حوريه: ايه بقا هو انا هفضل طول اليوم لوحدى حتى لم ترجع من شغلك سايبنى لوحدى
وائل:(قام وقف وراح لامه باس ايد امه) حقك عليا يا ست الكل انا اسف
حوريه: ماتخودنيش فى دوكه يا وله وقولى مالك
وائل: وله ماشي يا أما وله وله مقبوله منك
حوريه: بجد مالك يا حبيبى
وائل: بعمل حاجه هتفرحك قوى بس ادعيلى انها تكمل يا امى
حوريه: طب هتخبى على امك قولى ايه هيا علشان ادعيلك بنفس
وائل: خايف متكملش يا امى افرحك وارجع ازعلك تانى
حوريه: مافيش حاجه هتحصل غير الى كاتبه ربنا قولى يا حبيبى افرح دلوقتى يمكن ملحقش افرح وقتها
وائل:(بحزن) ممكن بعد اذنك بقا ماتقوليش كده تانى لان انتى عارفه انك انتى الى بقيالى فى الدنيا وانا من غير مش هسوى اى حاجه
حوريه: ربنا يخليك ليا يا حبيبى انت سندى بعد ربنا قولى بقا وفرحنى
وائل: فى بنت عجبتنى تبع دكتور محمد وانا فتحته وهو فاتح اهله ومستنى منهم بأذن الله الموافقه الاخيره علشان اروح انا وانتى ونخطبها رسمى (حوريه بصتله بصدمه وسكتت ،، وائل كمل كلامه باستغراب) مالك يا امى سكتى ليه
حوريه: عارف يا وائل انت من جيت الدنيا وانا بحلم الحلم ده اشوف ليك زوجه وبيت قبل ما اروح من الدنيا بحلم اشيل عوضك كان حلمى وحلم ابوك الله يرحمه
وائل: ربنا يبارك ليا فى عمرك انا بقا قررت احقق حلمك ده واجيبلك زوجه ليا
حوريه: تبع دكتور محمد قولت صح
وائل: ايوه يا امى انا الى فهمته انو البنت دى تبقى بنت اخو دكتور هايدى الصغير
حوريه: هيبقى احلى نسب ربنا يجعلها من نصيبك يابنى يارب ويفتحها فى وشك ويجعلك فيك القبول ويجعلك فى خطوه سلامه وخير ويحبب فيك خلقه يا ابن عمرى يارب
وائل: ربنا يباركلى فى عمرك يارب
حوريه: بس اوعى تتجوز وتبعد عنى يا وله
وائل: انا مقدرش ابعد عنك ابدا يا امى انا هقعد معاكى هنا لو وقفت
حوريه: لا ياخويا مش هتقل عليها بيا ده هيتعملها احلى شقه وافرشهالك بايدى يا حبيبى يارب اعيش لم يجى اليوم ده يارب
وائل: انا مكنتش حابب اقولك علشان خايف البنت ترفض
حوريه: لا يا حبيبر تف من بؤك ربنا هيفرحنى بيك وانت اصلا تترفض ليه واد حلو وعسل ومتعلم وبتشتغل وتقدر تفتح بيت البت هتعوز ايه تانى والحمد لله تقدر تعيشها فى مستوى اهلها ويمكن اكتر كمان
وائل:(باس ايد امه) ربنا يباركلى فى عمرك يارب ويديمك فى حياتى يارب(حوريه تنهدت بصوت عالى وسابت وائل وخرجت وائل تنهد ورجت مكانه والاتنين بيحلمو اليوم ده يجى
~~~~~~~~~~~~~~~~~~~~~~~~~~~~~~~~~~~~~~
عند رائد الى قاعد فى شقته الجرس رن قام فتح
رائد:( اول مافتح) دخل الحاجه المطبخ (وبصدمه) عمر
عمر:(بصله برفعه حاجب) هو انا زعلتك فى حاجه
رائد:(بصله بتنهيده) تعالا ياعمر
عمر:(بصله) مش هدخل يا رائد غير لم اعرف فى ايه
رائد: تعالا ادخل مش هنتكلم على الباب
عمر:(تنهد ودخل وقفل الباب) انا يدوب اطمنت على حازم وجيتلك اعرف مالك
رائد: ماله حازم ماله
عمر:(بصله ومردش على سؤاله) اقدر افهم فى ايه بقا بتيجى المكتب ولا بتتكلم ولا بتدخل المكتب اصلا فى ايه فمهنى لو عملت حاجه زعلتك قولى
رائد:(بتنهيده) لا معملتش حاجه ياعمر
عمر:(بعدم فهم) اومال فى ايه لا بترد عليا ولا بتيجى فهمنى يابنى فى ايه انا هتجن من كتر التفكير معرفتش استنى للصبح
رائد: انت ايه نزلك دلوقتى اصلا
عمر: مالكش دعوه يا رائد
رائد:(تنهد وقام وقف) تشرب ايه
عمر:(بعصبيه وقام وقف ) رائد متستفزنيش انا مش جاى اتضايف
رائد: طب اقعد
عمر:(قعد) قعدت اهوه فى ايه بقا ممكن افهم
رائد: هو عمو مينا مالقكش حاجه
عمر: مكنتش جيتلك
رائد: هحكيلك ياعمر
عمر:ياريت كرم اخلاق من سيادتك انك تريحنى وتقولى مالك
رائد:(بيعدل ياقه القميص الوهميه)انا طول عمر صاحب كرم اخلاق (عمر بصله وهو جازز على سنانه.،، كمل رائد كلامه بخوف مصطنع) احم احم ... انا كلمت بباك انو عاوز اخطب سلمى
عمر:(باستغراب) سلمى اختى
رائد: اومال اختى انا ،، ايوه سلمى اختك
عمر: طيب برده ده مش سبب يخليك تختفى ومتتكلمش معايا ايه السبب او المانع انك تكلمنى وتقاطعنى كده
رائد:(بجديه) علشان مبقاش بضغط عليكم فى التفكير سيبلك حريه شويه تفكر بعيد عنى مش عاوز كده
عمر: انت عبيط صح قولى انك بتستعبط وانت اتهبلت ولا ايه
رائد: لا مش عبيط ولا بستعبط ولا اتهبلت انا سيبلكم فرصه تفكرو مع بعض
عمر:(بصله بتحدى وقام وقف ) انا همشي يا رائد لو مرجعتش زى مانت هتكون بتنهى الى بنا بايدك واولهم يوم الجمعه بعد صلاه الجمعه كالعاده تجمع العيله الى انت منها هتيجى تتجمع معانا زى الاول هبقى اخوك وزى ما احنا لو مجتش يبقى دى نهايه لكل حاجه بنا وهتبقى انت الى نهتها بأيدك (وسابه ومشي رائد تنهد وحاول يلحق عمر معرفش يلحقه دخل وقفل الباب وفضل يفكر هيعمل ايه هيروح ولا لاء
~~~~~~~~~~~~~~~~~~~~~~~~~~~~~~~~~
عمر خرج من عند رائد راح مكتبه وقعد فيه يخلص شغل وراه عند عمر فى مكتبه قاعد ودخل ادم عليه
عمر:(بص لادم) انت ايه الى جابك هنا
ادم: مانت مش عاوز ترد عليا
عمر: عاوز ايه يا ادم
ادم: اقعد ياعمر هحكيلك كل حاجه بس توعدنى انو انت مش هتكلم حازم ولا هتحسسه انى عرفتك اصلا
عمر: قول
ادم: اوعدنى ياعمر الاول
عمر: اوعدك يا ادم
ادم: حازم شرب سجاير (عمر بص لادم بصدمه ،، ادم كمل كلامه بسرعه) بس اقسم بالله كانو اول مره يشربوها
عمر: يشربوها مين تانى كان معاه
ادن: مالك
عمر:(بتنهيده) وعملت ايه ساعتها
ادم: ضربت مالك وحازم ساعتها اغمى عليه بس هو وعدونى انو مش هيكرروها تانى
عمر:(بتنهيده) ايه المطلوب منى انى لم عرفت المصيبه دى
ادم: متكلمش حازم خالص وبلاش يعرف انو انت عرفت علشان خاطرى ياعمر
عمر: ازاى يعنى يا ادم
ادم: انا وعدته انى مش هقول لحد بس قولتلك بس علشان متزعلش منى بس علشان خاطرى حازم ميعرفش انى عرفتك
عمر: ولو قرروها النى
ادم: هعرف بابا وعمى
عمر: ماشي يا ادم
ادم: وعد ياعمر
عمر: وعد يا ادم
ادم: طيب انا همشي
عمر: ماشي (مشي ادم وعمر قعد وهو مش عارف ازاى هيمسك نفسه لم يشوف حازم وميكلموش
~~~~~~~~~~~~~~~~~~~~~~~~~~~~~~~~~~~~~~
مر اربع ايام وعمر تمالك اعصابه مع حازم يوم الخميس على الغداء بعد ما الكل رجع من بره
على الغدا كلهم متجمعين
حازم: بابا
مينا: نعم يا حبيبي
حازم: انا عايز اجيب موبايل جديد
مينا: اممم وماله هات موبايل
حازم: ماشي.. ما انا مش معايا فلوس
مينا: يبقى خلاص ما تجيبش
حازم:(بزعل) بس الموبايل بتاعي وقع من بلكونه الاوضه وحضرتك عارف انو شاشته اتكسرت ومش شايف فيه حاجة
مينا: طب هو مش وقع اهمال منك ياحازم (حازم بصله بزعل وسكت كمل مينا كلامه) هات الموبايل الى انت عايزه ياحازم
حازم: بس الفلوس اللي معايا مش هتكفى تمن الموبايل اللي عايز اجيبه
مينا:(بتفكير) شوف موبايل على قد فلوسك لانى مش هساعدك في تمن الموبايل الجديد
حازم:(بزعل) ليه كده يا بابا
مينا:(بصله) بص ياحبيبى انت ليك عندي موبايل جديد كل سنه .. وبما ان موبايلك ده اتكسر ومات بعد شهرين فاانا للاسف مش هجيب موبايل جديد علشان تتعلم تحافظ على حاجتك
حازم:(بصله)والله هحافظ عليه ومش هوقعه والله بس علشان خاطرى يا بابا
مينا: انا عندى ليك كذا حل تختار منها الى انت عاوزه الاول انك تستنى كمان باقى السنه علشان تجيب موبايل جديد
التانى انك تاخد ١/٣ تمن الموبايل الجديد وتكمل عليه من مصروفك
التالت انك تصلح الى معاك وعلى حسابك
حازم:(بتفكير وزعل) انا عاجبني الحل التاني بس عايز اجيبه دلوقتي .. ايه رأيك اخد باقي الفلوس سلف لحد ما ييجي عيد ميلادي وييجي لي هدايا فلوس من اخواتى
مينا:(وهو باصص فى طبقه) لا ياحازم بلاش نتعود على السلف .. لما الفلوس تبقى معاك ابقى اشتري..
حازم:(بزعل) ما هو اصل يابابا في دلوقتي خصم على التليفون ولو استنيت هيغلى وانا خايف على فلوسك
مينا:(بتنهيده وساب المعلقه وبص لحازم) انا هأكملك الفلوس الناقصة( حازم ابتسم بفرحه) بس انا عندى شرط
حازم: ايه هو يا بابا
مينا: الموبايل الجديد هيفضل عندي في الدرج بتاعي لحد ما تاخد هدايا عيد ميلادك كمان اسبوعين(حازم رجع زعل تانى والكل اتصدم من قرار مينا) ساعتها تحط الفلوس في البيت وتاخد الموبايل مبروك عليك
حازم:(بص لابوه بزعل) هستنى كل ده
مينا: كل ده ايه يازوما هما اسبوعين بس
حازم:(بزعل)انا شبعت تسلم ايديكم(وطلع وسابهم وهو زعلان،، مينا مبصلوش وكمل اكله عادى)
رنا:(بصت على حازم بزعل) ليه كده يا مينا زعلتله فيها ايه لم تجبله موبيل
عمر:(بحزن على زعل حازم) بعد اذنك يا بابا انا هجبله التليفون الى هو عاوزه
مينا:(بص لعمر) لا ياعمر حازم مش هيجيله موبايلات جديده دلوقتى
رنا: هتاخد من ابنك فلوس علشان تجبله موبايل يامينا
مينا:ايوه يارنا حازم كبر لازم بقا يتحمل المسؤليه شويه
ولازم بقا يبطل اهمال الى هو فيه ده هو الى كاسر موبايله وموقعه من البلكونه ولسه جديد يعنى انا مش مانع عنه حاجه وجايبله واحد غالى مش رخيص
سلمى: بس يابابى الجامعه قربت وهو هيدخل الجامعه بالموبايل المكسور الى معاه ده
مينا: عيد ميلاده قبل الدراسه
سليم: متزعلوش يا بابا لو سمحت
حاتم:طب انا هديله موبايلى القد
مينا:(مقاطع لحاتم بعصبيه) محدش هيعمل حاجه غير الى بقول عليها هجبله الموبايل الجديد الى هو يختاره وهيسيبه لحد ما يكمل تمنه ويحطه فى الدرج وياخد التانى سبونى بقا انا فى دماغى حاجه وعاوز اعملها
رنا:فلوس ايه الى هتاخدها من ابنك يامينا علشان تجيبله تليفون
مينا: انا اجبله الدنيا كلها تحت رجله بس يارنا يا حبيبتى انا فاهم انا بعمل ايه
رنا:(قامت وقفت) برحتك يا مينا بس رافضه الحوار ده
مينا:(مسك ايدها قعدها تانى وبصلها بحب) لم تفهمى انا عاوز ايه هتفرحى كملو اكل بقا
سليم: حازم مأكلش
مينا: لم اخرج معاه اجبله الموبايل الى هو عاوزه هأكله بره (وكملو اكل والكل سكت وزعلانين بسبب زعل حازم)
~~~~~~~~~~~~~~~~~~~~~~~~~~~~~~~~~~
بالليل فى بيت محمد سعد قاعدين مع بعض كلهم بعد العشا ومعاهم يحيي ورحمة
يحيي:(بابتسامه) الواحد بيستنى قعده يوم الخميس دى اكتر ما بيستنى مسلسلات رمضان
مروان: اه والله طول الاسبوع مش بنتجمع الا يوم الخميس واوقات الاكل بس
محمد سعد: بس شكل العيله دى هيزيدو نفر
ساره:(بتلقائيه) رحوم انتى حامل
رحمه:(باستغراب من كلام محمد سعد) لا والله لسه
دينا: احنا منقصدش رحمه خالص انتو الى متسرعين
مروان: طب مين يا بابا جايبين ليا عروسه صح
يحيي: دى هتبقى امها داعيه عليها فى ليله قدر الى هتبقى من نصيبك
مروان:(بصله بغيظ) والله يكون فى عون رحمه منك
محمد سعد: خلصتو هزار وكلام والنقار مع بعض ولا لسه فيه
يحيي: اتفضل يا بابا
محمد سعد:(بص لدينا وتنهد) فى عريس جاى لساره كويس ومحترم ونعرفه
يحيي: مين يابابا
محمد سعد: وائل
يحيي: وائل مساعد عمو محمد
دينا: ايوه (وبصت لساره) ايه رائيك يا حبيبتى
ساره:(بصت لدينا بخوف) الى تشوفوه يا ماما
دينا:(قامت قعدت جمب ساره وحطت ايدها على كتفها بحب وحنان) لا يا حبيبتى دى حياتك انتى وانتى الى هتتجوزى لازم تكونى مقتنعه من جواكى
ساره: يعنى لو قولت لا مش هتزعلى
دينا: بس يكون عندك سبب مقنع للرفض
ساره: مامى هقول لاصحابى ايه ممرض
محمد سعد:(بص لساره بابتسامه) وايه يعنى ياحبيبتى. ده كويس ومحترم
ساره: بس يابابى
دينا: قبل ما تتكلمى يا ساره حابه اقولك معلومات عن وائل وائل اهله طيبين جدا بشاهده حوز عمتك هو اتعامل مع والدته لان والده متوفى اختار كليه التمريض علشان يعرف يتعامل مع المرض ويكون عنده طوله بال على المريض ويقدر يريحهم من الالم لان كان والده بيعانى وهو حابب انو محدش يعانى زى ماعانه والده ومعرفش يساعده متخرج من كليه تمريض امتياز طول دراسته ومش معنى انو ممرض يبقى مستواه المادى مش كويس لا كويس وعنده امالك ومع ذالك وافق يشتغل مع عمك محمد
محمد سعد: غير ده كله عمك محمد الى قالنا عليه لم وائل كلمه
رحمه: عاوزه اقولك كمان يا ساره انا كان متقدملى واحد ممرض قبل يحيي كان حنين جدا جدا وبيقدر يستحمل الى محدش بيستحملو وانتى هترتاحى معاه (يحيي بان عليه الضيق بس متكلمش
مروان: وعلى فكره وائل جدع جدا مش زى ما كان الواد حازم بيقول عليه ولا ايه يا يحيي
يحيي:(بسرحان) ها. اه اه كويس جدا بس صلى استخاره الاول (وقام وقف) يلا نطلع يارحمه
محمد سعد: مالك يا يحيي
يحيي: مافيش يا بابا بس افتكرت انو فى مشوار الصبح بدرى ولازم انام بدرى علشان اعرف اصحى بدرى
محمد سعد: متنساش بكره تجمع عمك علشان ميزعلش ومبيحبش حد ميبقاش موجود
يحيي: لا يا بابا مش ناسي متقلقش حاضر هبقى موجود يلا يارحمه
رحمه:( قامت وقفت) ماشي بعد اذنكو يا جماعه
يحيي: تصبحو على خير
كلهم: وانتم بخير (وطلعو رحمه ويحيي)
مروان: ماله ده ،، قلب مره واحده ليه كده
دينا: مكنش ينفع رحمه تتكلم كده عن حد عرفته قبل يحيي
محمد سعد: بس ده كان محاوله انو ساره متخدتش الناس باشكلها
دينا: ابنك غيور جدا،، المهم ياساره قولتى ايه
ساره: ماشي يا مامى مواقفه
دينا: وفى فتره خطوبه لو حسيتى انك مش متقبله او كده تقدرى تتراجعى عادى جدا
ساره: ماشي تصبحو على خير
مروان: وانا يعنى الى هيبقى عازول فى النص انا كمان تصبحو على خير (ودخلو مروان وساره كل واحد اوضته)
دينا: انا قلقانه على رحمه
محمد سعد: متخافيش ابنك عاقل مش هيعمل حاجه فيها
دينا: ربنا يستر
محمد سعد: متقلقيش يلا ننام احنا كمان وقامو محمد دخل الاوضه ودينا شالت مكان السهره ودخلت الاوضه هيا كمان
~~~~~~~~~~~~~~~~~~~~~~~~~~~~~~~~~~~~~
فى نفس وقت تجمع محمد سعد بأولاده كان بيت مينا الكل اتجمع كالعاده يوم الخميس بالليل كل اهل بيت مينا اتجمعو مع بعض ومعاهم عمر وهنا والفرحه باينه على حازم بسبب موبايله الجديد ومتشوق جدا عيد ميلاده يجى بسرعه علشان ياخد التليفون
مينا:(بص للكل) فى موضوع عاوز اتكلم معاكم فيه وبالذات انتى يا سلمى لانو يخص انتى
سلمى: فى ايه يا بابى
رنا: فى عريس متقدملك يا سلمى
سلمى:(بأرتباك) عر عريس
مينا: ايوه فى ايه فى حد فى دماغك ولا ايه
سلمى:(بسرعه) لا طبعا يا بابا بس اتفاجات بس
رنا: ليه يا حبيبتى انتى مش بنوته زى اى بنوته ممكن يجيلها عريس اى يوم
سلمى: بس انا لسه صغيره
مينا: لا انتى مش صغيره
سليم: مين يا بابا العريس ده انا متشوق اعرف الى اميرتنا خطفت قلبه
مينا:(بابتسامه) رائد
سلمى:(بتوتر وارتباكها زاد) صا صاحب ابيه عمر
مينا: ايوه ياسلمى ايه رائيك فيه
حازم:(بزعل طفولى) لا بقا هو اخد حته من قلب ابيه عمر وماما وبابا وحاتم وسليم مش مكفيه عاوز ياخد قلب سلمى كله
سلمى:(تلقائيا) لا طبعا يا زوما محدش هياخد قلبى من اخواتى واهلى ابدا هفضل احبك بردو
مينا:(بص لرنا بغمزه ورجع بص لسلمى) يعنى افهم من كلامك انك موافقه يا سلمى (سلمى مردتش على مينا وسكتت
رنا: بس بقا يا مينا متكسفش البنت هيا هتقول لامها موافقه يا حبيبتى (سلمى مردتش)
سليم: انا بقول ننزل نجيب الشبكه ونخلص من البت دى بقا دى شكلها واقع (سلمى بصتله بغضب طفولى وسكتت
مينا: بس يا سليم انا عاوز اسمع رائيك
سلمى:(بخجل) الى تشوفه يا بابى (وستبتهم وطلعت
سليم:(بص لعمر بهمس) قول لصاحبك البت واقعه
عمر:(بص لسليم بهمس) دانا الى هوقعك لو مسكتش
حازم:(بص للاتنين) هو انتو بتتوشوش ليه
سليم: انت مالك يابارد
حازم:(باستفزاز) انت زعلان يا ابيه علشان ابيه عمر بيزعقلك
سليم:(بص لعمر وبصوت عالى شويه) لو مسكته كسرته واتكلمت هينولك من الحب جانب
مينا: فى ايه ياولاد
عمر: مافيش يا بابا بس كالعاده يعنى توم وجيرى
مينا:(بابتسامه) طيب كده انا هقول لرائد يجى على يوم الجمعه يتقدم رسمى
حاتم:(بص لمينا بحزن) بابا هو هيجى لوحدو هيبقى صعب عليه قوى
مينا: مش عارف بفكر فى الى هيبقى حاسس بيه فى الوقت ده
سليم: هو مش كافى يا بابا انو يجى لوحدو
مينا: كافى طبعا بس ،، هكلم عمك محمد وجوز عمتكو يجو معاه
عمر: لا يا بابا سيبه هو يختار مين يجى معاه يمكن حابب يجى لوحدو بس انا سمعته انو لو لم يجي يتجوز هياخد اللواء معاه
مينا: طيب شوفه هيعمل ايه وحتى لو جيه لوحدو هو كفيل قدامى انا بديله روحى ومامنه عليها معاه ربنا يكملهم على خير (ظهرت سلمى واقفه بتسمعهم من بعيد وعلى وشها فرحه بابتسامه مخفيه وبتدعى من قلبها وبتقول يارب وعلى وشها ابتسامه جميله راحت اوضتها والفرحه مش سيعاها
~~~~~~~~~~~~~~~~~~~~~~~~~~~~~~~~~~~~~
فى شقه يحيي ورحمه
رحمه: مالك يا يحيي فى ايه
يحيي:(بان عليه الزعل) مافيش حاجه
رحمه: لا فى مالك بجد من ساعه ما طلعنا من تحت وانا متغير
يحيي: انت مش شايفه نفسك غلطانه يا رحمه
رحمه: غلط فى ايه قولى
يحيي: كلامك على خطيبك الى قبلى
رحمه: هو زعلك يا يحيي
يحيي: اه زعلنى
رحمه:(بزعل من نفسها) انا مقصدتش والله يا حبيبى ازعلك
يحيي: انك تتكلمى على شخص كنتى مرتبطه بيه قبلى وتقولى كلام حلو فى حقه ميزعلنيش
رحمه: اه ميزعلكش علشان انت الى فى قلبى والله ومافيش غيرك اصلا
يحيي: بردو متقوليش فى حق حد كلام حلو ويالذات بقا لو راجل وكنتى مرتبطه بيه قبلى
رحمه: حاضر انا اسفه متزعلش والله ما اقصد ازعلك بس انا كنت بوضح لساره حاجه انا كنت خايفه منها بحاول اطمنها بس والله
يحيي: ماشي
رحمه: طب اعمل ايه بقا علشان ترضى
يحيي: انا بحبك يا رحمه ومبحبش انك تتكلمى عن حد غيرى حتى لو اخوكى
رحمه:(بدموع) حاضر انا اسفه انا مقصدش ازعلك والله حقك عليا
يحيي:(بزعل) طيب انتى بتعيطى ليه
رحمه:( بدموع) علشان انت زعلان
يحيي:(مسح دموعها) طب خلاص انا مش زعلان بس بلاش تعيطى
رحمه:( مسك ايده وباستها) انا والله مافيش فى دماغى غيرك انت وبس
يحيي: طب خلاص بقا
رحمه:(مسحت دموعها) انت زعلتنى وشكيت فيا صالحنى بقا
يحيي: ماشي ياستى هعملك عشوه من ايدى هتاكلى صوابعك وراها
رحمه: لا انا الى هعمل
يحيي: لا انا
رحمه: هتبوظلى المطبخ يا يحيي وانا تعبت على ما نظفته
يحيي: لا متقلقيش
رحمه: هقف معاك طيب
يحيي: ماشي (ودخلو الاتنين المطبخ وعملو العشا مع بعض ورحمه بتساعد يحيي وقعدو اكلو مع بعض الاتنين)
~~~~~~~~~~~~~~~~~~~~~~~~~~~~~~~~~~~~~~~~~
تانى يوم الصبح (في شقة عمر صحي من نومه مالقاش هنا في الأوضة قام ودخل الحمام مالقهاش خرج يشوفها برا ظهرت واقفة في المطبخ وقف يراقبها ويراقب حركاتها بإيتسامك حُب)
عمر(قرب منها ولف إيده علي وسطها) الجميل بيعمل إي!!
هنا(بخضة) عمر!! خضيتني ..
عمر(بإبتسامة) صباح الورد والفل والياسمين..
هنا(بإبتسامة) صباحك سعادة..
عمر(بإبتسامة حُب) أنا سعيد طول ما أنا شايفك قدامي ..
هنا(بإبتسامة كسوف) طيب ياسيدي سيبني بقي علشان أكمل اللي بعمله..
عمر(بتساؤل) بتعملي إي!!
هنا(بحماس طفولي) بجهز الفطار وبعمل كب كيك سيبني بقي علشان أعمله وأخلص..
عمر(بإبتسامة) لا إعملي وإنتِ في حضني كده أنا كده مرتاح ..
هنا(بضحكة) بس أنا مش عارفة أعمل كويس
عمر(بلامبالاه وإبتسامة) مش مهم نفطر ولاأقولك ماتيحي أصبح عليكِ الأول ..
هنا(بصتله بضحكة وإعتراض) لا الكب كيك نفسي فيه وعايزاك كمان تدوقه من إيدي ولازم تأكله الوقتي..
عمر(بضحكة) بتهربي مني ياهنا ..
هنا(بدلع وإبتسامة) ماقدرش ياحبيبي بس عاوزة أخلص اللي بعمله قبل الولد ما يصحى
عمر(بإبتسامة) تمام ياستي خلصي وأنا هروح الحمام وأقعد علي الفون شوية لما تخلصي..
هنا(بإبتسامة) تمام ياحبيبي خلى بالك ما رائد ليصحى
عمر: ماشي
(خرج عمر من المطبخ وهنا بصت عليه بضحكة وإبتسامة حُب ورجعت للي كانت بتعمله)
~~~~~~~~~~~~~~~~~~~~~~~~~~~~~~~~~~~~~~~~~
فى المستشفى ظهر محمد عباس قاعد مع وائل فى مكتبه
محمد عباس: انا كلمتهم زى ما وعدتك ومستنى منهم رد بس فى قبول من اهلها البنت انا مقعدتش معاها واتكلمت معاها
وائل: طيب خير بأذن الله
محمد عباس: خير بس يا وائل بأذن الله يحصل الموافقه وهستنى شويه وقت كده على ما تروح تقدم رسمى
وائل:(بقلق) ليه يا دكتور فى حاجه ولا ايه
محمد عباس: عمر تعبان شويه وكان بيكشف هنا فى المستشفى
وائل: امتى ده انا معرفش والله
محمد عباس: ايوه متعرفش انت مكنتش موجود ساعتها
وائل: هيقول عليا ايه دلوقتى زمانه فاكر انى عارف ومرحتش شوفته وزمانه زعلان انا حتى مكلمتوش
محمد عباس:(بضحكه) انت شايف عمر صغير للدرجه دى عمر مش طفل يابنى هو لا زعلان ولا اى حاجه
وائل: طيب انا هخلص شغلى وابقى اروح اشوفه قبل ما اروح بأذن الله
محمد عباس: تمام لو مافيش شغل استأذن ساعه بدرى ورح شوفه علشان ولدتك متقلقش عليك
وائل: ماشي يادكتور
محمد عباس: وابقى اديله علاجه وانت هناك
وائل: تمام ربنا يشفيه يارب بعد أذنك يا دكتور
محمد عباس: اتفضل (خرج وائل ومحمد تنهد ولسه هيغنض عينه جاله تليفون ،، كمل كلامه وهو بيرفع السماعه) ايوه......... حاضر............... جاى دلوقتى (قفل السماعه وتنهد وقام وقف وخرج من مكتبه بأتجاه الطوارئ)
~~~~~~~~~~~~~~~~~~~~~~~~~~~~~~~~~~~~~
فى نص النهار عند عمر الى قاعد فى اوضته مريح شويه وجمبه حازم بيلعب على فونه وكل شويه عمر يبص فى الساعه
حازم: ابيه انت مستنى حد
عمر: لا ليه
حازم: كل شويه تشوف الساعه كام ليه
عمر: بعرف الساعه كام
حازم: كل خمس دقائق
عمر: انت بتراقبنى بقا (وفجاه الباب اتفح ورائد دخل
حازم:(بص لحازم بخضه) فى حد يدخل على حد كده
رائد: (قرب منهم) اه انا مش دخلت يبقى فيه (بص لعمر الى بيبصله) مالك انت كمان بتبصلى ليه كده
عمر: عارف لو مكنتش جيت انا كنت هاجى اجيبك غصب عنك علشان انا مستحيل اخسرك
رائد: وانا جيت ياعمر لوحدى علشان انت صاحب عمرى ومستحيل اخسرك
حازم: اجبلكم شجره واتنين لمون
رائد:(قعد جمب عمر من الناحيه التانيه وبص لحازم وهو بيلعب حاجب واحد) لا هات اتنين مانجا وسبلنا الاوضه شويه علشان نتكلم برحتنا
حازم:(بزعل وغيظ من حركات رائد) لا مش هخرج انت مالكش دعوه بابيه عمر اصلا وبعدين هو تعبان وعاوز يرتاح
رائد:(بغلاسه) منا علشان كده بقولك سيبه يرتاح وجودك جمبه تعبه مش كده ياعمورى
عمر: لا طبعا مش كده
رائد: لا هو كده انت ايه عرفك انت انا صاحبك وعارف
حازم:(حط ايده فى وسطه وهو قاعد) بس انا اخوه
رائد: من 18 سنه انا صاحبه من 25 سنه يعنى اعرفه قبلك وكمان سمى ابنه على اسمى ده طبعا علشان بيحبنى اكتر منك
حازم: لا هو بيحبنى انا اكتر
عمر:(وهو باصص لرائد بمعنى اسكت بقا ) زوما انت مش كنت بتقول انك مأكلتش الصبح كويس وجعان انزل لماما ياحبيبي قولها تعملك اكل على ما الغدا يخلص علشان عاوز ابيه رائد فى حوار
رائد: اه حوار سر بينى انا وعمورى بس مش لازم حد تالت يعرفه
حازم:(وهو بيدبدب فى الارض) ياابيه
عمر: مافيش سر عليك يا زوما هقولك عليه بعدين لم اخلص كلامى مع ابيه رائد
حازم: ماشي (وبص لرائد) هنزل اكل لوحدى وانت لاء (وطلعله لسانه ولم لاقى رائد هيقوم حازم جرى من قدامهم)
عمر: وانت مش هتعقل بقا وتفضل تكناف فى حازم
رائد: هو انت مش كنت بتقول انو تعبان ماهو زى القرد اهوه
عمر: بقا كويس الحمد لله
رائد:( بص لعمر بتنهيده عاليه ) الحمد لله ،،، انا همشي ياعمر مش عاوز سلمى تشوفنى
عمر: طب جيت ليه لم انت هتمشي
رائد: علشان مش عاوز اخسرك مع انى متاكد انو مكنش هيحصل الى بتقول عليه لو مكنتش جيت
عمر: مش هتمشي يا رائد علشان اولا كده متزعلش منك بابا وماما وثانيا بقا ابشرك انو سلمى موافقه بس مقالتهاش بس باينها هيا كمان بتحبك
رائد:(بصدمه) بتهزر صح
عمر:(بأبتسامه) لا مش بهزر
رائد: طب قول والله انو سلمى موافقه
عمر: والله سلمى موافقه(رائد بصله وقام وقف وراح ناحيه الباب عمر بصله) رائد رايح فين
رائد:(بص لعمر بدموع محبوسه) هنزل اتمش شويه وهاجى تاني
عمر: رائد
رائد:(دموعه خانته ونزلت) سبنى ياعمر هنزل شويه وهاجى اقسم بالله تانى(ونزل وسابه عمر ابتسم على طيبه قلب صاحبه وانو من فرحته عيط وتنهد وفرد ظهره على ظهر السرير وبيتمنى الخير لاصاحبه واخته)
~~~~~~~~~~~~~~~~~~~~~~~~~~~~~~~~~~~~~~
عند سليم فى اوضته قاعد بيتكلم مع فريده
سليم: هو انا كل ما اتكلم معاكى هتنكدى عليا
فريده: هو انا يعنى بنكد عليك من فراغ مش انت الى مزعلنى
سليم: انا زعلتك فى ايه طيب مش انتى الى مش بتسمعى الكلام
فريده: هيا كلمتنى مردش عليها ازاى
سليم: زى الناس يافريده انا سمعت عنها كلام مش كويس وعرفتك يبقى تبعدى عنها
فريده: طب اعمل ايه يعنى
سليم: غيرى رقمك
فريده: بس ده مع كل اصحابى
سليم: كلميهم عرفيهم رقمك الجديد
فريده: ماشي ياسليم حاضر حاجه تانيه بقا
سليم: اه فى انا ناويت اكلم بابا النهارده بكره بالكتير قوى
فريده: استنى لم يعدى سبوع رائد
سليم:(بصدمه واندفاع) نعم ياختى وانا لسه هستنى لم رائد يتجوز ويعدى سبوعه
فريده: مين الى يتجوز يابنى هو انت بتتكلم عن مين
سليم: هو احنا عندنا كام رائد يعنى
فريده: والله هما بقا اتنين ياخويا مش واحد
سليم:(بصحكه) والله يابنتى بنسي الواد ده ديما
فريده:(بتنهيده) نفسي تبطل التسرع بتاعك ده
سليم: المهم يعنى انا كلمت ماما وهيا رحبت جدا بالموضوع وشجعتنى افاتح بابا
فريده: بأذن الله ربنا يسهل
سليم: نفسي بقا بجد يجى اليوم ده الى اعلن فيه حبك قدام الناس كلها
فريده: بأذن الله يلا انا هقفل بقا
سليم: ليه
فريده: انا فى المستشفى يا سليم يلا سلام
سليم: لحد دلوقتى
فريده: هروح مع بابا وماما
سليم: ماشي خلى بالك من نفسك
فريده: ماشي سلام
سليم: مع السلامه (وقفل وتنهد وبص حواليه.،، ايه الملل ده لم اقوم ارخم على حد من اخواتى (وقام خرج من الاوضه)
~~~~~~~~~~~~~~~~~~~~~~~~~~~~~~~~~~~~~
(بالليل فـ بيت مينا ظهروا الشباب عند عمر فـ أوضته بيطمنوا عليه وكان حازم نايم جنب عمر)
عمر:(بص لوائل بتعب ووجع) صدق لم حازم قال انو ايدك تقيله
وائل:(بضحكه) لا والله بس الحقنه الى تقيله جدا شكل دكتور كريم كان متوصى بيك على الاخر
عمر: انا عارف هو مستقصدنى ليه بس فين عمو محمد مجاش ليه
وائل: هو كان جايلك بس لم عرف انى جاى هنا لم عرفت انك تعبان قالى اديلو علاجه بالمره
يحيي: انت بقيت كويس ياعمر
عمر: ايوه والله الحمد لله
سليم: بيعرف غلاوته عندنا بس
مالك: هو عارف انو غالى من غير اى تعب ده اكبر حفيد فى العيله وواخد الدلع كله
عمر: والله يابنى ما لحقت جات الاستاذ يحيي والاستاذ ادم ورايا على طول
يحيي: عندك سيادتك مانع
عمر: لا ياعم معنديش ابو رخمتك ياشيخ (وبص لرائد الى بيبص لحازم) ايه يا رائد مالك
رائد:(بغيرة مُصطنعة) يعني أنا أنزل اتمشي شوية أجي ألاقي الواد ده نايم جنبك !
عمر:(بضحكة وهزار) إنت ليه محسسني إننا متجوزين يارائد ياشيخ ده أنت عامل حرس حدود على الأوضة..
رائد:(بصدمة مُصطنعة) متجوزين إخسسس لا أنا راجل من ظهر راجل يااخوياا ..
يحيي:(بضحكة) طيب أقعد ساكت بقي ياسيد الرجالة وسيب زوما فـ حاله مالكش دعوة بيه..
رائد:(بغضب طفولي) أديني سكت يااخوياا كلكم عليا ..
أدم:(بإبتسامة وهزار) كويس إن زوما نايم كان زمانه شاف وائل جاله صرع ..
وائل:(برفعة حاجب) قصدك إنـي بجيب صرع يا أدم !
أدم:(بخوف مُصطنع) لا ياباشا أنا اللي بجيب صرع مين ده اللي بيقول عليك الكلام الوحش ده..
مروان:(بضحكة) حتى أدم بقي بيجيب ورا إخسس ..
حاتم:(بضحكة) طيب أقعد ساكت وبلاش تتريق وتألس وإنت مألسة أصلاً ياعم المحامي إنت..
مروان:(بضحكة) على فكرة إنت صاحب مش جدع ..
وائل:(بص لحازم وهو نايم جنب عمر بإبتسامة) بس شكل حازم متعلق بيك أوي ياعمر ..
رائد:(بضحكة) متغلقين ببعض إيه بس دول روحهم فـ بعض يابني..
سليم:(بضحكة) آها ده بابا عمر ..
وائل:(بإستغراب) بابا مين مش فاهم !
سليم:(بضحكة) عمر بابا حازم التاني كلنا عندنا بابا واحد لكن عمر كان عنده إتنين وعمر باشا باباه التاني ..
عمر:(بص لحازم بإبتسامة وبص لوائل) من ساعة ما أتولد وأنا يعتبر المسئول عنه فبقي إبني قبل مايكون أخويا فعلشان كدهه هو متعلق بيا أوي ..
حاتم:(بضحكة) حازم لحد تانية إعدادي بيقول لعمر بابا لحد ماقولناله كلنا يقول أبيه وبصعوبة قال أبيه لكن قبل كدهه فعمر كان بابا ..
وائل:(بإبتسامة وهدوء ) لاحظت فـ المستشفى علاقتكم القوية ببعض بس ماكونتيش أتوقع إنها تبقي كدهه بس علاقتكم ببعض جميلة ماشاء الله ..
سليم: جميله جدا استنى احكيلك موقف (بإبتسامة)كان مرة وهو صغير أعتقد فـ ستة إبتدائـي كان زوما تعبان جداً وسخن والمفروض يأخد حقنة وكالعادة حقن وحازم فـ جملة واحدة ماتنفعش بس يومها عمر لما أقنعه رغم عياطه وخوفه بس أخدها هو خايف وبيعيط بس طالما عمر قال لحازم حاجة هيعملها ..
#فلاش_باك
(فـ بيت مينا فـ أوضة حازم ظهر حازم نايم على السرير وباين عليه التعب ووشه أحمر من السخونية وعمر قاعد جمبه يعمله كمدات ومينا ورنا وكلهم موجودين)
رنا:(بدموع) وبعدين يامينا هيفضل تعبان كدهه ده الحرارة عالية جداً ..
مينا:(بقلق) إهدي يارنا هيبقي كويس أنا كلمت عباس وشوية وهيكون هنا بإذن الله..
سليم:(بص لعمر اللي بيبص لحازم بخوف) عمر إهدي هيبقي كويس ماتخافش..
مينا:(بهدوء) ماتخافش ياعمر هيبقي كويس ياحبيبي..
عمر:(بص لباباه بتنهيدة) بإذن الله يابابا (وبص لحازم بهدوء ومسح على شعره بهدوء) حازم زوما سامعني !
حازم:(فتح عينه بضعف وتعب) إممممم
عمر:(بإبتسامة حنية وهدوء) عامل إيه ياحبيبي؟!
حازم:(بتعب وصوت ضعيف) كويس يابابا الحمدلله ماتخافش ..
حاتم:(بإبتسامة وهزار) والله يازوما المفروض إننا قلقانين عليك وخايفين بس كلمة بابا لعمر بتطلع منك قمر ..
(قطع كلامهم مع بعض دخول عباس اللي سلم عليهم وقعد جنب حازم على السرير)
عباس:(بإبتسامة) ماله بقي زوما باشا تعبان مالك !
مينا:(بهدوء)سخن من زمان وحرارته مش بتنزل خالص..
عباس:(بإبتسامة) هكشف عليه أهو ونشوف..
(عباس أخد شنطته وطلع منها السماعة وبدأ يكشف على حازم اللي باين عليه التعب والخوف وماسك فـ إيد عمر بعد شوية خلص عباس الكشف)
عباس:(بهدوء) الظاهر إن عنده مكروب فـ بطنه هو سبب الحرارة دي وكمان واخد دور برد بسيط هكتبله على مضاد حيوي ومطهر معوي وهعطيه الوقتي حقنة خافض مع الكمادات والعلاج بإذن الله الحرارة هتنزل وهيبقي كويس..
حازم:(بدموع وخوف أول ماسمع حقنة) لالا حقنة لا مش عاوز..
عباس:(طلع الحقنة من الشنطة وبدأ يجهزها) لا يازوما لازم علشان الحرارة دي تنزل ماتخافش ياحبيبي هتخلص على طول ومش هتوجعك..
حازم:(بعياط وخوف) لالا مش عاوز (وبص لعمر بخوف وعياط) مش عاوز حقن يابابا بالله عليك مش عاوز..
عمر:(بحزن) ماتخافش ياحبيبي ماتخافش هتخلص على طول أحسن ماتفضل تعبان كدهه صح!
حازم:(بعياط) لالا مش عاوز ..
عباس:(خلص الحقنة وبص لعمر بهدوء) يلا ياعمر إمسكه ..
عمر:(قام وقف وإشتال حازم اللي بيعيط وخايف) ماتخافش ياحبيبي أنا معاك أهو ماتخافش..
(عمر إشتال حازم ومسكه كويس وسط خوف وعياط حازم وعباس قرب منهم وبدأ يعطي حازم الحقنة وسط عياطه وصريخه)
حازم:(بعياط وصريخ) آآآآآآآه آآآآآآآه آآآآآآآه
عباس:(خلصها وشالها ودلك مكانها) خلاص خلاص خلصت..
حازم:(حضن عمر جامد وبعياط) آآآآآآه صعبة ..
عمر:(حضنه جامد وقعد على السرير وهو فـ حضنه) هش خلاص راحت والله ماتعيطش بقي إهدي يازوما ..
عباس:(بهدوء)شوية وهيبقي كويس بإذن الله عليكم بالكمدات بقي والعلاج وهيبقي كويس..
مينا:(بإبتسامة) شكراً ياعباس..
عباس:(بإبتسامة) مافيش تعب ولاحاجة عندنا كام زوما إحنا المهم يبقي كويس وخلاص..
(مشي عباس وعمر نيم حازم على السرير وقعد جمبه يعمله كمادات وكلهم حواليه قاعدين يضحكوه ويخففوا عنه)
#نهاية_الفلاش_باك
حاتم:(بضحكة وهزار) ده موقف بسيط خالص كدهه على تعلق عمر بزوما ده فيه مواقف جامدة جمدان..
وائل:(بضحكة) ماشاءالله ربنا يبارك فيه زوما أصلاً عسول وكيوت (وبص لعمر بضحكة وهزار) واللي جابلك يخليلك ياعمر باشا ..
حازم:(فاق على صوتهم وبصالهم بإستغراب) فيه إيه!
يحيي:(بضحكة) صح النوم يازوما كنا بنجيب فـ سيرتك شوية بس نام تاني وخد راحتك ..
وائل:(بإبتسامة) عامل إيه يازوما !
حازم:(بصله بقلق وخوف) الحمدلله يا أبيه ..
رائد:(بغضب مُصطنع) إيه اللي نيمك هنا ياض يازوما ..
حازم:(بتلعثم وتوتر) مافيش كنت بتكلم أنا وأبيه ونمت فجأة ..
عمر:(طبطب على ظهر حازم وبضحكة) نام ياحبيبي نوم العوافي يارب سيبك منه هو غيران منك..
يحيي:(بضحكة)من ناحية غيران فهو هيفرقع من الغيرة ..
رائد:(بتكبر) هه ولا يهزنـي عادي أصلاً ..
(عمر بص لرائد بإبتسامة وبص لحازم اللي ماسك إيده زي ماكان بيعمل وهو صغير والشباب قعدوا يتكلموا مع بعض وإطمنوا على عمر وصحته وقضوا السهرة سوا ومشوا )
~~~~~~~~~~~~~~~~~~~~~~~~~~~~~~~~~~~~~~~~~~
اما عند محمد عباس الى ظهر داخل الشقه وفى فى عينه غضب جامد
هايدى:(بتحاول تلحقه) يا محمد اكيد الى سمعته غلط. استنى بس يا محمد استنى (وراح فتح اوضه ادم من غير ما يخبط
ادم:(وقف بخضه) بابا فى ايه
محمد عباس:(راح بغضب لادم ومسكه من شعره وبعصبيه وزعيق ) قولى انا عملتلك ايه علشان تعمل فيا كده قولى انا بعاملك على انك راجل بس انت طلعت عيل وعيل صغير كمان انا غلطان انو اديتك حريتك انا غلطان يا ادم
ادم:(بصدمه من كلام ابوه وعصبيته عليه وانو يمد ايده عليه لاول مره مسك ايد محمد بوجع من شده شعره) طب بس فهمنى فى ايه انا والله مش فاهم حاجه
هايدى:(مسكت ايد محمد وخلته يسيب ادام) ممكن تهدا بقا نفهم الى حصل الاول
محمد عباس:(بصلها بعصبيه) ده موقف مينفع فيه اننا تفاهم ده موقف محتاج اعاده تربيه (ولف فجأه وضرب ادم بالقلم من شدته ادم وقع على السرير بص للبباه بصدمه وبص لامه واخواته الى جم على الزعيق وبص فى الارض ،، محمد عباس كمل كلامه) انت مش هتخرج من هنا خالص لا فى شغل ولا هتروح اى مكان علشان الى انت عملته والمخروبه دى انا هقفلهالك(وخرج وسابه ادم بصله بصدمه وبص لامه)
هايدى:(بصت لادم بزعل وخرجت وراء محمد وقبل ما تخرج) خليك مع اخوك يا مالك (وخرجت هايدى واخدت ساره معاها مالك دخل لادم الى قعد على السرير بصدمه مالك دخله ادم بصله وبص حواليه والصدمه باينه عليه
ياترى فى ايه ايه الى حصل لو حابين تعرفو استنو الحلقه الى جايه
#دعواتكم_للاهل_فلسطين
