#مع_مر_الزمان
#مع_مر_الزمان_12
#جزء_من_حلقه_سابقه
عند حازم وسلمى الى راجعين من بره بينأقرو فى بعض كالعاده والكل قاعد فى البيت
رنا:(بجديه)ايه مالكم مبتبطلوش خناق حتى وانتوا لسه داخلين من باب البيت
حازم:(بزهق) البت دي انا مبقتش اطيقها لأنها متخلفه و...
مينا:(مقاطع لحازم بزعيق) احترم نفسك ياولد و خد بالك انك بتتكلم على اختك اللي اكبر منك
رنا : حصل ايه
حازم:(بزعل) وانا ماشي مع اصحابي لقيتها مطلعالي دماغها من عربيتها وبتناديلي تقولي تعالى يازوما أما اوصلك عشان متتأخرش وبابا يعاقبك، وحرجتني قدام اصحابي كأني طفل(عمر وسليم و حاتم بصوا لبعض بضحكه)
سليم:(بضحكه)وانت اتحرجت ليه يابطه
حازم :(بزهق) يووووه شوفت يا بابا بيكلمني ازاي وبيتريقوا عليا
مينا: اتكلم براحه وأتكلم كويس(وبص لسلمى) غلط وعيب انك تحرجي اخوكي قدام حد او تحرجي عموما اصلا ولازم تعتذريله
سلمى: يا بابي انا معملتش حاجه عشان اعتذر
مينا:(بجديه) اعملي زي ما قولت و اعتذريله (سلمى بصت لحازم وفجأه أغمى عليها ,, الكل جري عليها بخوف)
#بدايه_الحلقه_الجديده
حازم:(بخوف) سلمى مالك قومي خلاص متعتذرليش انا مش زعلان منك(عمرشلها بسرعه ودخلها اوضتها والكل معاها ,, حاولوا يفوقوها بس مش عارفين خالص
مينا:(بعصبيه) ما تتصرفي يارنا وتفوقيها اومال دكتوره ازاي
رنا:(بدموع) مش عارفه يامينا مش عارفه بقا
حاتم : كلموا عمتو هايدي أو عمو عباس يجوا يشوفوها بسرعه (سليم جرى كلمهم وبعد نص ساعه جم الاتنين ,, كل ده وسلمى لسع غايبه عن الوعى ,, عباس كشف على سلمى وفوقها
سلمى:(بص باستغراب للكل) هو في ايه
محمد عباس:انتي مغلبانه دايما كدا
سلمى: ايه اللي حصل ؟
محمد عباس: اغمى عليكي ودا لان الاستاذه مأكلتش حاجه طول اليوم(مينا بص لرنا بـ لوم انها مش مهتمه بسلمى ,, ورنا بصت لسلمى بدموع)
محمد عباس:(بص لرنا) انتي بتعيطي ليه يارنا هي كويسه الحمدلله بس اليومين دول محتاجه راحه بقا وبلاش كليه الاسبوع ده ومش هوصيكي على أكلها مع الادويه اللي هتاخدها عشان هي اصلا ضعيفه(وطلع من شنطته حقنه)
سلمى:(قعدت بسرعه على السرير) ايه دا و لمين اكيد مش ليا طبعا صح !
محمد عباس: اهدي ياسلمى انتي كبرتي على الحركات دي
سلمى:( بخوف) لا مكبرتش ومش عايزاها ومش هاخدها
محمد عباس: مش هتحسي بحاجه انتي عارفه أن ايدي خفيفه
سلمى:( بدموع) لا برضه عشان خاطري يا اونكل مش عايزه
مينا: يلا بقا يا سلمى ولا انتي فرحانه انك تعبانه و اغمى عليكي وعايزه تفضلي تعبانه كدا
سلمى:(بعياط) يا بابي مش عاااايزه (عباس بص لعمر بمعنى اتصرف)
عمر:(قرب من سلمى) يلا ياحبيبتي بقا عشان نخلص م الموال ده
سلمى:(بدموع) انا خايفه يا أبيه والله ومش عايزاها
عمر: متخافيش انا معاكي اهو
سلمى:(بتصميم) لا برضه (عمر شاورلسليم و مسكوها غصب عنها ,, سلمى فضلت تصوت ,, عباس قرب منها وضربلها الحقنه وسلمى كانت بتصرخ من الوجع ,, حاتم غمض عينه بحزن عشان أخته و بألمها لأنه حاسس بتعبها وبعد كام خطوه عنهم ,, حازم واقف زعلان عشانها جدا ,, و رنا واقفه بتعيط لان مبتحبش تشوف حد من عيالها تعبان وهايدي واقفه جمبها ,, ومينا زعلان عشان سلمى لأنها الصغيره والوحيده بتاعته
عباس:( خلص) بالشفا يا حبيبتى (عمر سابها وسلمى فضلت تعيط)
رنا:(قرتب منها واخدها في حضنها) خلاص يا قلب ماما
محمدعباس:(بص لرنا) ربنا معاكي ويكون في عونك معاها بقا وانتي بتعطيها علاجها، دي متعبه زي اخوها حاتم بالظبط
حاتم : انا متعب بس موصلتش لمرحلة الصريخ بتاعها ده
محمد عباس:(بصله برفعه حاجب) ما دا اللي ناقص انك تصرخ
مينا :(بقلق) هي كدا هتبقى كويسه ياعباس
محمد عباس: هي كويسه اصلا يامينا متقلقش بس هي اللي ضعيفه اوي ومناعتها ضعيفه فالادويه دي هتخليها تتحسن بإذن الله وكمان كتبتلها فاتح شهيه عشان ترضى تاكل بس المهم تنتظم على ادويتها
مينا : بإذن الله
محمدعباس:( ادا الروشته لمينا) خلي حد يجيب الادويه بقا عشان تاخدها وتاكل
مينا:(اخدها منه وناولها لعمر ) ابعت السواق يجيبها بسرعه
عمر: حاضر يا بابا (نزل عمر والكل اتبقى مع سلمى علشان يطمنو عليها اكتر)
..............................................................................
بالليل عند دينا الى كانت قاعده على السرير ومحمد دخل الاوضه اخد غيار ودخل الحمام من غير ما يكلم دينا دينا تنهدت وبصتله بزعل بعد شويه خرج محمد من الحمام وراح بأتجاه السرير علشان ينام لقى دينا جات مكانه بصلها بأستغراب وراح الناحيه التانيه ولسه هيقعد جات جات قعدت بسرعه قبل ما يقعد
محمد سعد: ماترسى على مكان انا عايز انام
دينا: ماتنام هو انا مسكاك
محمد سعد:(زق دينا وقعد على السرير وبصلها) بطل شغل العيال الصغرين ده
دينا:(بتنهيده حزن) يا محمد كفايه بقا انا تعبت من البعد الى بنا
محمد سعد: البعد ده انتى الى عملتيه
دينا: وجيت واعتذرت كذا مره وانت مش قابل اعتذارى
محمد سعد: ومش هقبله يا دينا ولازم تعرفى انو مينفعش تغلطى فيا
دينا: عرفت ,, عرفت والله علشان خاطرى بقا (محمد بصلها وتنهد وبص الناحيه التانيه ,, دينا قربت منه ونامت على كتفه بدموع وضعف) محمد وحياه العشره الى بنا خلاص انا حاسه انى صعيفه من غيرك انا مكنتش اعرف انى هبقى كده انت طلعت حاجات كتيره قوى بالنمسبالى انت امانى وحمايتى وانا من غيرك منفعش اكون ,, انت سندى فى الحياه بعد ابويا وامى ما ماتو ,, خلاص ما توجعش قلبى اكتر من كده
محمد سعد: مانتى عارفه بردو انك بالنسبالى كل حاجه علشان كده عملتى الى عملتيه
دينا: والله ابدا انا بس اتجنبين لم الولد جاى متأخر وانت اكتفيت انك تزعقله
محمد سعد: كنت عايزانى اعمل ايه اضربه ازاى فعمينى ده مينا بيضربش حازم عايزانى انا اضرب مروان
دينا: انا مكنتش عارفه ساعتها انا كان ايه فى دماغى غير انو يتعاقب على رجعو متأخر
محمد سعد: انا كنت هعاقبه عاقب للى فى سنه بس انتى اتسرعتى
دينا:(بدموع وضعف) خلاص بقا انااسفه
محمد سعد:(بصلها ومسح دموعها) طب بلاش تعيطى علشان انتى عارفه انى مبحبش اشوف دمعك دى
دينا:(مسحت دموعها) خلاص سامحتنى
محمد سعد:(بأبتسامه) سامحتك
دينا:(زقت ايده) اوعى ايدك دى( ونامت على صدره محمد ابتسم واخدها فى حضنه بأشتياق )
.....................................................................................
تانى يوم عند مينا وعمر وسليم الى جايين من برا ومكنش فى حد في البيت
سليم: اومال ماما و حاتم والباقي فين
عمر: اكيد حاتم نايم كالعاده لأنه بقى بيقضي يومه كله نوم
سليم :(بص لعمر) طب و ماما وحازم
مينا: اكيد في أوضة سلمى، يلا نروح نشوفهم ونطمن على سلمى (طلعوا هما التلاته ودخلوا الاوضه بتاعة سلمى ولاقيو رنا و حازم معاها
مينا:(قرب من سلمى وقعد جمبها وباس دماغها) عامله ايه النهارده يا حبيبتي
سلمى: الحمدلله يا بابي كويسه
سليم:هو حاتم فين
رنا : لسه داخل ينام من شويه
سليم : طب هروح اطمن عليه
مينا:(بص لسلمى) حاسه انك اتحسنتي شويه ياسلمى
سلمى: اه الحمدلله يا با..
رنا:(مقاطعه لسلمى) هتتحسن ازاي و هي برضه مرضتش لا تاكل ولا تاخد ادويتها
مينا:(بص لسلمى بـ لوم) ليه كدا يا سلمى انتي مش عايزه تبقي كويسه ولا ايه
سلمى: والله يا بابي انا مش جعانه و مش عايزه اخد ادويه عشان انا كويسه
رنا : اه كويسه اوي، لما النهارده كانت هتقع مني ويغمى عليها تاني بس لحقتها وسندتها(سلمى بصت لرنا بزعل ,, كملت رنا كلامها) متبصليش كدا، انتي مكنتيش عايزاني اقول لبباكي عشان ميقلقش عليكي بس كان لازم أقوله عشان يقدر يقنعك تاكلي بقا
مينا: طب انتي لما اغمى عليكي كنتي هنا في البيت وبرضه لما دوختي النهارده كنتي هنا في البيت والحمدلله ربنا ستر، افرضي بقا طنشتي نفسك و في مره اغمى عليكي وانتي برا والله اعلم مين هيشوفك ولا هيجرالك ايه(وبص لرنا وكمل كلامه) هاتي يا رنا الصينيه دي وانا هأكلها بإيدي
سلمى: يا بابي والله ان.....
مينا:(مقاطع لسلمى) متقوليش حاجه ويلا افتحي بؤك(وبدأ يأكلها)
حازم:(بغيره) يعني لازم اتعب عشان تأكلني كدا يا بابا ولا ايه
عمر:(بص لحازم) اتعب انت بس وكلنا هنأكلك بس اتعب و اتهد شويه
رنا :(بسرعه) بعيد الشر عليكوا كلكوا من التعب
سلمى : الحمدلله
مينا:ايه لا لسه هتكملي
سلمى : لا والله يا بابي متضغطش عليا عشان خاطري
مينا:(بتنهيده) خلاص ماشي، خدي يا رنا الصينيه دي
رنا:(اخدت الصنيه وحطتها على جمب ,, ورجعت بصت لمينا) اعطيها الدوا بقا عشان ترضى تاخده
سلملا:(بقرف) لاااء استحاله اخده دا طعمه مقرف اوي
عمر: انتي متعبه اوي والله ياسلمى، لا بتعرفي تبلعي حبوب ولما يتكتبلك دوا تقرفي منه
حازم : و الخوافه مرضتش ماما تعطيها الحقنه وكانت هتعيط بس انتوا جيتوا انقذتوها بقا
مينا : لا هتاخد كل علاجها و بهدوء عشان انا معاها ولا ايه يا سو
سلمى: لا يا بابي دا وحش اوي حتى دوقه كدا
مينا:مسكها طب افتحي بؤك بسرعه بس كدا ، يلا بسرعه هيقع ، ها يلا ياسلمى بقا
سلمى:(مسكت مناخيرها بإيدها وفتحت بؤها بقرف وخدت الدوا) يععععععععععع معدتش هاخده تاني ابدا
مينا:(ناول لرنا الدوا) لسالها ادويه تاني
رنا:(بصت لسلمى) لسالها اللي رفضاها
سلمى:(برفض نهائي) لا والله ما هاخدها، ماليش دعوه بقا كفايه امبارح
مينا:(بص لرنا) جهزيها يارنا يلا
سلمى:( بدموع) لا يا بابي عشان خاطري بقا، والله هاكل وهبقى كويسه بس بلاش
مينا:انا معاكي ياسلمى ومتخافيش
سلمى:(بدموع) هي بتوجع وبفضل تعبانه منها فبلاش عشان خاطري
مينا: مينفعش ياسلمى لازم تاخدي علاجك كله
رنا :(انهت تجهيزالحقنه)خلصت يلا
سلمى:(بعياط وزعيق) لااااء مش هاخد حاجه قولت ومحدش يقربلي
مينا :( بجديه وبزعيق) بنت .. اتظبطي واسمعي الكلام وبطلي دلع بقا ومتخلنيش اتعامل معاكي بطريقه متعجبكيش(سلمى بصت لبباها ودموعها نازله بصمت عشان اول مره يزعقلها ,, مينا مسك أيدها ووقفها قدام رنا لوحدها من غير ما حد يمسكها ,, ورنا ضربتلها الحقنه وسط توجعاتها بس متحركتش ولا عملت صوت
رنا:(خلصت وشالت السن ودلكت مكنها شويه) بالشفا ياقلب ماما (سلمى راحت بعياط على السرير واتغطت ونامت من غير كلام ,, رنا بصت لمينا بزعل عشان زعق لسلمى
مينا: يلا تعالوا عشان تصحوا حاتم ونتعشى احنا كمان (وبص لعمر بمعنى أنه يخليه معاها ويصالحها)
.......................................................................................
خرجو كلهم بره وسلمى نايمه على سريرها ومتغطيه ومغطيه دماغها
عمر:(قرب من سلمى وقعد جمبها) سلمى (سلمى مردتش عليه ,, كمل عمر كلامه) على فكره عيب اوي لما اخوكي الكبير يناديلك وانتي مترديش(سلمى شالت الغطا من على وشها وبصت لعمر ,, عمر بصلها لاقيها كانت بتعيط ,, عمرمسح دموعها) ليه كل العياط و الدموع دي ، انتي متعرفيش أن دموعك دي غاليه علينا اوي ومينفعش تنزل كدا، وبعدين كل الدموع دي بسبب شكة زي شكة الدبوس وخلصت بقالها فتره
سلمى:(بصتله بدموع) على فكره انا ايوه موجوعه منها بس مش بعيط منها
عمر: اومال في ايه اللي يخلي سو هانم تعيط
سلمى:(بعياط) اول مره في حياتي من يوم ما اتولدت بابي يزعقلي و يزعلني منه و مراعاش خوفي
عمر:(اخدها في حضنه بحنان) ياحبيبتي بابا عمل كدا مش عشان يزعلك ولا يخوفك منه بس هو خايف عليكي وانتي عارفه هو بيبقى زعلان ازاي لو اي حد فينا تعب وبالأخص انتي فهو عايزك تبقي كويسه في اسرع وقت ,, يلا ياقلبى نامى وارتاحى علشان اطمن على حاتم
سلمى: اوك روح انت يا ابيه انا هنام
عمر: هفضل معاكى لحد ما تنامى
سلمى: لا روح انت
عمر: ماشى يا حبيبتى تصبحى على خير
سلمى: وانت بخير (طلع عمر وسلمى نامت على السرير بزعل من مينا)
...............................................................................
فى بيت محمد عباس
هايدى:(بصت لمحمد) شوفت يا محمد انا قولتلك بلاش فريده تيجى دلوقتى المستشفى الى كنت خايفه منه حصل
محمد عباس: هيا مش دكتوره ولازم ده يحصل قدمها
هايدى: بس مش اول يوم تدريب ليها
محمد عباس: هو ده بأيدينا وبعدين الحمد لله البنت كويسه
هايدى: بس من ساعه ما جينا وهيا نايمه
محمد عباس: مش انتى مدياها مهدى اصبرى شويه عليها
مالك: ماما هيا فريده كويسه هتبقى كويسه يعنى
هايدى:(بقلق) بأذن الله يا حبيبى ادعلها انت بس
مالك: هو حصلها ايه
محمد عباس: مافيش يا حبيبى روح اوضتك دلوقتى
مالك: بس انا
محمد عباس:(مقاطع لمالك) روح يا مالك دلوقتى
مالك: ماشى (طلع مالك ودخل آدم وهو باين عليه القلق)
آدم: مالها فريده
هايدى: للاسف واحد مريض مات فى المستشفى النهارده وهيا حضرت وشافته اغمى عليها وتعبت جدا
آدم: طب انتى قلقانه ليه بس طبيعى يعنى اول مره تشوف حاجه زى كده متقلقيش هيا هتبقى كويسه (وبصو على فريده الى ابتدأت تفوق
هايدى: (بصتلها) بتفوق اهيه
فريده:(بصتلهم بخوف) ايه الى حصل
محمد عباس: محصلش حاجه يا حبيبتى انتى كويسه
فريده:(بصتلهم بخوف ودموع) انا خايفه قوووى
آدم: ايه يابنتى انتى مش عارفه انو ممكن يحصل طالما انتى دخلتى طب
فريده:(بصتله بخوف) اه بس مش اول يوم
هايدى: طيب يا حبيبتى متخفيش احنا جمبك اهوه (واخدتها فى حضنها ,, فريده راحت فى حضن هايدى ونامت تانى)
محمد عباس:(بص لهايدى) خليكى جمبها النهارده واحنا هنطلع علشان تنام وترتاح (هايدى فضلت مع فريده ومحمد عباس وآدم طلعو بره)
...............................................................................................
عند عمر الى قاعد مع حاتم فى اوضته وحاتم سرحان
عمر:(بص لحاتم) مالك يا حاتم حاسس انك سرحان ومش معايا خالص
حاتم:(بصله بضحكه) انا فعلا مش معاك
عمر: طب روحت فين
حاتم: رحت للايام الى فاتت ازاى عدت عليا ازاى انا استحملتها ووصلت لاخر المشوار ومحصليش حاجه ازاى استحملت كل العلاج وبابا استحملنى وانت وسليم حتى ماما وسلمى وحازم
عمر: علشان ده كان اختبار من ربنا ليك ولينا والحمد لله قدرنا نعديه
حاتم: بس انا تعبت قوووى
عمر: معلشى يا حاتم ماهو كله علشان تخف وتقوم بالسلامه
حاتم:(بص فى الساعه) ان شاء الله
عمر: انت بتبص فى الساعه ليه
حاتم: عمو عباس جاى بعد خمس دقائق من دلوقتى
عمر: عمو عباس مش جاى
حاتم:(بفرحه) مافيش حقن انهارده
عمر: لا طبعا ازاى يعنى
حاتم: عمو عباس مش جاى ليه ومين بقا الى هيدينى الحقنه
عمر: فريده تعبانه واغمى عليها امبارح فى المستشفى
حاتم: هو ايه حكايه الغممان دى عدوى فى الجو ولا ايه
عمر: لا بس هيا تعبت شويه (الباب خبط قام عمر يفتح) اتفضلى يا ماما
رنا:( بصت لعمر وربصت لحاتم) عامل ايه يا حبيبى
حاتم: الحمد لله كويس يا ماما
رنا: طب جاهز لعلاجك
سليم:(دخل) بص يقا يا حاتم ماما داخله وهيا خايفه ومش عايزك تعمل حاجه تضعفها لانها كانت عايزه تجيب صيدلى بس احنا اقنعناها
عمر: يعنى بلاش الحركات الى بتعملها مع عمو عباس دى
حاتم: بس انا تعبت والله
عمر: شكه واخلص منها (عمر جاب لرنا الحقنه وحاتم عينه عليها خلصت رنا تجهيزها )
رنا:(بصت لحاتم) يلا يا حبيبى
عمر:(بص لحاتم ومسك ايده) يلا يا حاتم قوم اقف
حاتم:(بص لرنا ) طب براحه يا ماما
رنا: حاضر بس متتحركش
حاتم: ماشى (حاتم مسك فى عمر ورنا ضربتله الابره ,, كمل حاتم كلامه بتوجع) ااااااااااااااه دى الى براحه ااااااه شليها بقا
رنا:(شالت السن ودلكت مكنها شويه) شلتها خلاص
حاتم:(بتوجع) وربنا صعبه جدا (وبص لسليم الى كان بيضحك) انت بتضحك على ايه انت كمان
رنا: بس ياله انت مضايقش اخوك يلا يا حبيبى ارتاح
حاتم:(بص لسليم بنرفزه وبص لرنا) طلعى الواد ده بره
سليم: طالع يا خويا من غير طرد
حاتم: احسن (خرج سليم وحاتم قعد على السرير ومعاه عمر ورنا راحت ترمى السرنجه وتغسل ايدها)
...........................................................................................
تانى يوم فى المدرسه ظهرت دينا فى مكتبها والباب بيخبط
دينا:(وهيا ماسكه ورقه فى ايدها بتراجعها)اتفضل
مس ولاء:(دخلت الاخصائيه الاجتماعيه مس ولاء) مس دينا
دينا:(بصتلها) خير يا مس ولاء
مس ولاء: فى طالبين مسكو بعض وبهدلو بعض الاتنين والامن بعدهم عن بعض بالعافيه
دينا: هو احنا مش هنخلص من جو الخناقات بين الطلاب ده
مس ولاء: الجيل بقا زفت ما يعلم بيه الا ربنا
دينا: دخليهم لم نشوف اخرتها معاهم ايه
مس ولاء : حاضر (وفتحت الباب وبصت بره) اتفضلو يا بهوات (دخلو ولدين عنيهم ف فى الارض ولد منهم سنانه بتجيب دم
دينا:(قامت وقفت بغضب) بصولى انتو الاتنين ( الاتنين رفعو راسهم ظهر حازم وولد كمان حازم بص لدينا بخوف ودينا بصتله بصدمه)
.........................................................................
تفتكرو ايه الى هيحصل لو حابين تعرفو استنونا الحلقه الى جايه
...........................................................................
#hadeer
#rody
#hager
