#مع_مر_الزمان
#مع_مر_الزمان_45
#جزء_من_حلقه_سابقه
~~~~~~~~~~~~~~~~~~~~~~~~~~~~~~~~~~~~~~~
ظهر عمر نايم على السرير فتح عينه وبص حواليه كام ثانيه وافتكر حازم والعمليه قام بفزع بص حاليه لقى الكل حواليه وبيعيطو ورنا منهاره من العياط ومينا عيونه مدمعه والكل عيونه مدمعه
عمر:(بصلهم برعب وخوف ودموع سبقت كلامه) حازم مات ( محدش رد عليه ودموعهم زادت اكتر عمر بصلهم بصدمه)
~~~~~~~~~~~~~~~~~~~~~~~~~~~~~~~~~~~~~
مينا:(قرب من عمر بسرعه) عمر انت كويس
عمر:(بدموع) حازم مات يا بابا
مينا:(بدموع) لا ياعمر عايش
عمر:(بص للكل وبص لمينا تانى) بلاش تخبى عنى لو مات قولى
مينا:(مسك ايده) والله ما مات كويس بس هو لسه فى العمليات
عمر:(مسح دموعه)عدى قد ايه
مينا:اربع ساعات
عمر:(بدموع) اومال فى ايه
مينا: كنا قاعدين فجأه لقيناك فى الارض ضغطك كان نازل جدا جدا ومن كتر ما كان الضغط نازل كانو عاوزين يدخلوك العنايه المركزه مامتك انهارت زى ما انت شايف كده
عمر:(شال الغطا من عليه وقام لرنا وقعد جمبها) ماما
رنا:(بصت لعمر بعياط) اول فرحتى انت ياعمر واخر فرحتى حازم لم حازم دخل العمليات حسيت انهم اخدو قلبى معاهم حسيت كأن روحى طلعت لم اخدو حازم ،، انت وقعت انا مستحملتش والله يابنى مستحملت
عمر:(مسك ايد رنا وباسها) بس انا كويس ياماما احنا محتاجينك معانا لسه ،، حازم لسه محتاجك يا ماما لسه محتاجك قويه زى ما انتى علشانه محتاج كلنا نفضل زى ما احنا علشان نقدر نسنده ونعدى الفتره الى جايه يلا قومى نقعد بره قدام العمليات علشان لم الدكتور يخرج يطمنا
مينا:(مسك ايده) لا مش هتطلع هتفضل هنا وانو هطلع بره ولم يخلصو هجيلكو اطمنكو
عمر:(برفض) لا مش هعرف اقعد هنا انا جاى معاكو بره
رنا: وانا كمان (وطلعو كلهم بره وعدى باقى الوقت وخرجو الدكتور وعلى وشه الارهاق باين
مينا:(بلهفه وجرى عليه وكلهم جريو على الدكتور) طمنا يادكتور
الدكتور: احنا عملنا الى علينا الباقى بتاع ربنا هيدخل العنايه المركزه هيفضل فيها لحد ما يفوق وادعو الساعات الى جايه تعدى من غير اى مضاعافات
مينا:(بعدم فهم) يعنى هو كويس والعمليه نجحت. الدكتور: العمليه نجحت الحمد لله وهو اتنقل العنايه المركزه ادعوله بقا يعدى الساعات الى جايه على خير بعد اذنكو (مشي الدكتوى وكلهم جريو وقفو قدام العنايه المركزه وبيدعو ربنا لحازم انو يفوق ويقوم
بالسلامه)
~~~~~~~~~~~~~~~~~~~~~~~~~~~~~~~~~~~~~
عند سليم الى واقف مع فريده بعيد عن العيله شويه
فريده:(بزعل) انا مش عاوزه اشوفك كده
سليم: انا كويس يا فريده
فريده:(بعدم تصديق) مش باين ،، انا مبحبش اشوف ضعفك يا سليم
سليم:(بحزن) انا اول مره احس فعلا انى ضعيف وعاجز قدام تعب اخويا الصغير وانا مش عارف اعمله حاجه
فريده: هيبقى كويس مش هنتوجع فيه بأذن الله (جيه عليهم عمر)
سليم: يارب
عمر:(قرب منهم) سليم تعالا معايا
سليم: فى ايه ياعمر
عمر: مافيش حاجه تعالا بس
سليم: طب انت رايح فين طيب
عمر: صيدليه المستشفى هنجيب الحقنه بتاعتك وهتروح تاخدها
سليم:(بيحاول يدارى خوفه) ماشي
فريده: طيب انا هرجع هناك (ومشيت فريده)
سليم:(بص لعمر) عمر انا مش هاخد حقن
عمر:(بتنهيده) انت شايف انو ده وقت مناهده تعالا معايا لان انا مش قادر اتكلم وواقف على رجلى بالقوه
سليم: انا بقيت كويس ياعمر
عمر: احنا مش حمل وقعات تانيه بالله عليك ماما تعبت وبابا حاسس انو فى دنيا تانيه وضايع يلا معايا يا سليم (سليم تنهد ومشي مع عمر راحو الصيدليه وقابلو الدكوور الصيدلى وقالوله على حقنه سليم ودخلو الاوضه والدكتور بدأ يجهز الحقنه
سليم:(بص لعمر) عمر انا كويس ياعمر والله
عمر: شكه وهتخلص ياسليم
سليم: طب ليه اتشك وانا كويس يابنى
عمر: علشان خاطري لو سمحت انا مش قادر لمناهده
الدكتور:(خلص الابره وبص لسليم) انا ايدى خفيفه متقلقش يلا
عمر:(مسك ايد سليم وشده برحه وقفه قدام الدكتور ومسكه) متقلقش شكه وهينتهى الموضوع (سليم وقف قدام الدكتور ومسك فى عمر الدكتور بدأ يدخل السن
سليم:(مسك فى ايد عمر جامد وبتوجع مش طالع) اممم ااه (الدكتور شال السن ودلك مكانها وسابهم وطلع ،، سليم بص لعمر) ده ايده خفيفه
عمر:(بأبتسامه مرهققه) فكرتنى بحازم وبطريقته (وبتنهيده عاليه) يااارب
سليم: انا عاوزك تتماسك شويه مينفعش ضعفك ده دلوقتى انت لم وقعت كلنا وقعنا وراك انت سندنا كلنا حتى بابا انت الى سانده اجمد علشانا وعلشان حازم
عمر: نفسي يقوم بقا ويبقى كويس
سليم: هيقوم وهيبقى كويس وهيملى البيت لعب وتنطيط وهيزهقك لم ابنك او بنتك تيجى لانه هيغير منها جامد جدا
عمر:(بحزن) بس هو يقوم بالسلامه ويعمل الى هو عاوزه
سليم:(بحزن) بأذن الله يلا ياعم نطلع ليقولو بيسرقو حاجه (عمر ابتسم وخرجو ورجعو قدام العنايه تانى)
~~~~~~~~~~~~~~~~~~~~~~~~~~~~~~~~~~~~~~~~~~~
اما عند الدكتور الى ظهر فى اوضه حازم مع محمد عباس فى اوضه العنايه المركزه
محمد عباس:(بحزن) كل المؤشرات بتقول انو كويس ليه بقا مش بيفوق
الدكتور: هيفوق بس عاوز وقت متنساش انو ضعيف جدا جدا وده الى مخليه لسه فى مرحله الخطر
محمد عباس:(بحزن) طول عمر حازم ضعيف ومناعته ضعيفه جدا
الدكتور: ده بقا مترتب على ده (واداله علاجه وسابوه وخرجو
مينا:(قرب من الدكتور بلهفه) ها يا دكتور فاق طمنا عليه
الدكتور: متقلقش يا مستر مينا هو كويس بس هو محتاح وقت يفوق بس
رنا: هو المفروض يكون فاق اصلا
الدكتور: فى ناس بتتاخر وده بيترتب على حالته الصحيه بعد اذنكو
مينا:(بص لمحمد عباس) محمد فى ايه الدكتور مالقش حاجه ومشي هو حازم فيه حاجه
محمد عباس: بقولك اسه ماتيجى تققد معايا فى المكتب شويه
رنا:(بعياط) محمد هو حازم فيه حاجه قولى لو فيه حاجه
محمد عباس: مافيهوش اى حاجه يا رنا صدقينى (مشي محمد عباس ومينا معاه وعمر راح وراهم دخلو مكتب الدكتور وقعدو التلاته
مينا: ها يا دكتور ايه الاخبار فى حاجه ولا ايه يا دكتور
الدكتور: انا مرضتش اتكلم قدام دكتوره رنا بس للاسف لسه حازم فى حاله خطر جدا للاسف مؤشراته مافيش فيها اى تحسن خالص
عمر: يعنى العمليه فشلت
الدكتور: لا مفشلتش بس دى اعراض للعمليه بس هيا مطوله بس مع حازم
مينا:(بخيبه امل) يعنى حازم مش هيكمل وهيموت
الدكتور: الاعمار بيد الله الوحيد بييقى سليم وبيموت
مينا: يعنى هو لسه مافقش من الغيبوبه
الدكتور: هو مش فى غيبوبه هو بس لسه فى مرحله خطر ادعوله بس هو محتاج الدعاء (الكل بصو لبعض بحزن اما عند رنا)
رنا: هو اكيد فى حاجه والله فى حاجه
دينا: لا متقلقيش مافيهوش حاجه بأذن الله
رنا: اومال متكلموش قدمنا ليه
دينا: ياستى مش ليكى انو يفوق ويبقى كويس اهدى بقا
مينا:(جيه عليهم) ايه يارنا مالك
رنا:(بخوف) حازم فى حاجه يا مينا صح
مينا:(بابتسامه) حازم كويس جدا متقلقيش
رنا:(بدموع) بجد
مينا: بجد اهدى بقا (رنا نامت على صدر مسنا وعيطت مينا تنهد بصوت عالى وبيدعى ربنا انو حازم يبقى بخير ويقوم بالسلامه)
~~~~~~~~~~~~~~~~~~~~~~~~~~~~~~~~~~~
رجع عمر البيت مع سلمى وحاتم وسليم وهنا عند عمر في اوضته ظهرت هنا قاعدة على السرير وسرحانة قطع عليها تفكيرها مع نفسها صوت فتح الباب ودخول عمر اللي باين علي ملامحه الحزن والتعب)
عمر(بص لهنا بإستغراب) لسا صاحية!!
هنا(راحتله ومسكت إيده وقعدته جنبها على السرير) مبعرفش أنام وإنت مش جنبي المهم سلمى نامت
عمر(بتنهيدة تعب وحزن) ايوه الحمدلله فضلت جمبها لحد مانامت وإطمنت عليها وجيت
هنا(بحزن ومسكت إيديه وبصتله بإبتسامة) ماتقلقش عليه أنا عارفة أد إيه متعلق بإخواتك كلهم وعارفة إنك بتحاول تتماسك وتبقي قوي من وقت ماعرفت عن تعب حازم ،، بس أنا عارفة وحاسة بيك وأد إيه إنت تعبان من جواك بس والله هيبقي كويس بإذن الله..
عمر(بصلها بخزن ولأول مرة تنزل دموعه وبضعف) حاسس إني ضعيف ياهنا وهو كان بيتألم قدامي وأنا مافيش في إيدي حاجة أعملهاله ولازم أبان قوي علشان خاطر بابا وماما وإخواتي اللي أنا متأكد باللي جوا كل واحد فيهم بس بنظهر العكس علشان حازم مايحسش بحاجة بس لما أقعد مع نفسي ويجي في دماغي إنه ممكن لقدر الله يجراله حاجة أنا ببقي هتجنن مش هقدر ياهنا أشوف حد فيهم بيروح قدام عيني ..
هنا(بدموع وحزن وهتأخده في حضنها) سيب كل حاجة على ربنا وهو هيشفيه علشانا كلنا وعلشان أملنا فيه كبير مش عايزاك تضعف ياعمر أبداً أبداً إنت طول عمرك سند باباك ومامتك وإخواتك مش هتيجي فى وقت زي ده وتضعف ماينفعش لازم تبقي قوي للأخر وبالذات في الوقت ده وعلشان خاطر حازم..
عمر(بحزن) بحاول أبقي قوي والله ياهنا بس كل ما كنت بنزل وبشوف حازم وتعبه ووجعه كنت بخاف ليجي وقت وأضعف بس حاليا انا حاسس انى عاجز وحاسس انى ضعيف
هنا(بإبتسامة) أنا معاك وجنبك دايماً وفي ظهرك ومش هسيبك لحظة هما أهلي زي ماهما أهلك ومش هسيبك لضعفك ده يتملك منك
عمر(هيبصلها بإبتسامة إمتنان وباس إيديها) ربنا يباركلي فيكِ ياهنايا ومايحرمني منك..
هنا(بإبتسامة وتبوس إيده) ويباركلي فيك ويديملي وجودك ياحبيبي يلاا بقي ننام الوقت إتاخر ولازم نكون بدرى فى المستشفى وتكون معاهم وتقويهم وتكون سندهم للأخر..
عمر(بإبتسامة) ماشي هقوم أغير هدومي وجاي ..
(عمر قام يغير هدومه وهنا باصة عليه بتنهيدة حزن وقلق عليه وعلى حازم وكلهم شوية وعمر جه وناموا من كتر التفكير وتعب اليوم)
~~~~~~~~~~~~~~~~~~~~~~~~~~~~~~~~~~~~~~~~
مرو ثلاث ايام ويبقى الحال كما هو عليه حازم لسه
مالك:(بص ليحيي) يحيي هو لسه حازم مخرجش من العنايه
يحيي:(بص لمالك) لا لسه مطلعش
مالك:(بتنهيده) وحشنى قوى يا يحيي
يحيي: ادعيله يا مالك ادعيله
~~~~~~~~~~~~~~~~~~~~~~~~~
اما فى المستشفى ظهرو قدام العنايه والخوف بياكل فيهم والرعب متملك منهم لدخول الدكتور وغيابه فى الاوضه عند حازم بعد اكتر من ساعه الا ربع خرج الدكتور ومعاه محمد عباس وعلى وشهم ابتسامه امل
مينا:(بصلهم) ها يا دكتور
الدكتور: حازم فاق وفتح عينه
رنا:(بدموع فرحه) بجد يادكتور عاوزه اشوفه
الدكتور: احنا نيمناه تانى لحد ما نجهزله اوضه هيفضل فيها لحد. ما يتحسن اكتر
مينا:(بدموع فرحه) يعنى هو خلاص هيطلع من العنايه ومرحله الخطر عدت
رنا:(بصت لمينا) خطر ايه يامينا
الدكتور: حازم كان فى مرحله خطر يس الحمد لله تخطاه وبقا كويس اهوه
محمد عباس: محبيناش نقولك علشان متخفيش (رنا بصتلهم بخوف)
مينا:(بصلها) انتى خايفه ليه خلاص قاق وهيتنقل اوضه عاديه الحمد لله
رنا:(بدموع) الحمد لله (وسكتو وبيستنو حازم يتجهزله اوضه ويتنقل فيها)
~~~~~~~~~~~~~~~~~~~~~~~~~~~~~~~~~~~~~~~
تانى يوم الصبح ظهر الدكتور مع حازم فى الاوضه
الدكتور:(وهو بيكشف على حازم) ها يا بطل حمد الله على السلامه
حازم:(بتعب) الله يسلمك يا دكتور
الدكتور:(بص لحازم وهو ماسك ايده بيقيس النبض) حاسس بايه يا حازم
حازم:(بصله) مش عارف
الممرض:(قرب من الدكتور) الحقنه يا دكتور
حازم:(بصله بخوف) هو انا مش عملت العمليه خلاص مافيش حقن بقا
الدكتور: اومال هتخف والجرح هيلم ازاى مش لازم مضاد حيوى ومسكن (ومسك ايده وركب الحقنه فى الكانويلا وبص لحازم متشدش ايدك منى يا حازم ،، حازم بصله بخوف وقلق وهز راسه بمعنى ماشي بدأ الدكتور يسلك الكانويلا)
حازم:(وهو بيشد ايده) اااه اااه والله بتوجعنى قوى
الدكتور:(ماسك ايده جامد) اصبر بس هتسلك اهيه
حازم:(فجأه بصوت عالى) اااه اااااه
الدكتور:(بص لحازم) استنى يا حازم اهدا سلكت خلاص (وضربله الحقنه فى الكانويلا براحه وطول ماهو بيضربها بيتكلم مع حازم)
الدكتور: ليه لم حسيت بتعب متكلمتش
حازم: انا كنت فى الامتحان وكان صعب وكنت خايف منه
الدكتور: طب مش انت عارف انو خوفك ورعبك ده غلط عليك
حازم:(بصله) انا كنت بمتحن فيزياء وطبيعى لازم اخاف منها
الدكتور:(بصله وشال الحقنه) خلصنا الحمد لله
حازم:(بص لايده) انا هشيل البتاعه دى امتى بتوحعنى
الدكتور:(بأبتسامه) معلشي يازوما عاوز تشوف بابا وماما واخواتك وكل اقاربك
حازم: اه وحشونى قوى
الدكتور: انا عندى شرط
حازم: ايه هو
الدكتور:(اخد الحقنه من الممرض) دى حقنه مسكنه لازم تاخدها علشان متتعبش
حازم:(بصله) فى ايدى بردو
الدكتور:(هز راسه بمعنى لا) لا دى عضل
حازم:(بصله بخوف ورعب) لا لا مش عاوز لا
الدكتور:(بص لحازم) دى مسكنه ياحازم ومش هتحس بيها يلا بس (وبص للممرض الى قرب من حازم)
حازم:( بيحاول يبعد عنه) لا لا مش عاوز ابعد عنى (الممرض تملك من حازم وقلبه سنه صغيره علشان الحركه غلط عليه
الدكتور:(قرب من حازم) حازم اهدا ثوانى وهتلاقيها خلصت (وبدأ يدخل السن)
حازم:(بعياط بصوت عالى) اااااه اااه كفايه اااه
الدكتور:(بصله) ايه يابنى شيلتها من ساعتها والله
حازم:(بعياط) والله بتوجع قوى
الدكتور: بالشفا بأذن الله يلا نام وارتاح شويه على ما بابا وماما يوصلو المستشفى
حازم:(وهو بيمسح دموعه) ماشي (خرج الدكتور والممرض وحازم نام
بره)
مينا:(اول ما الدكتور خرج) ده كان صوت عياط حازم صح هو بقى كويس
الدكتور: ايوه هو وكمان انا اخد علاجه وهينام شويه سبوه يرتاح شويه
رنا:(بعدم تصديق) بجد يادكتور
الدكتور: بجد هو بقا كويس وممكن تدخله تبقو جمبه لحد ما يصحى ويفوق وتطمنو عليه بنفسكو
~~~~~~~~~~~~~~~~~~~~~~~~~~~~~~~~~~~
بعد كام ساعه حازم قضاها نوم ظهرو رنا ومينا فى اوضه حازم ظهرت رنا قاعده جمبه على السرير وماسك ايده وبتبوسها ومستنياه يصحى باى شكل
رنا:(بتمنى) نفسي اشوفه مفتح نفسي قوى اسمع صوته
مينا:(بص لرنا) انتى عارفه انو بعد الحقن من عياطه بينام ده مش جديده عليه يعنى والحمد لله الخطر زال من عليه
رنا:(بحمد) الحمد لله الحمد لله
حازم:(فتح عينه وبص لرنا وبتعب) ماما (رنا ومينا بصو لحازم ومينا قرب منه ومسك ايده التانيه حازم بصله) وحشتونى قوى
رنا:(بدموع فرحه) وانت كمان ياقلب ماما وحشتنى قوى يا زوما (ووطت على ايده وباستها)
مينا:(بدموع فرحه) حمد الله على السلامه ياقلب بابا
حازم:(باشتياق) وحشتنى يا بابا
مينا:(باس ايده بحب) وانت كمان ياقلب بابا عامل ايه
حازم:(بتعب) الحمد لله (وبص حواليه) ابيه عمر فين وكلهم فين
رنا:(بدموع) عمر كان هنا يا حبيبى بس بره بيعمل تليفون
حازم:(باشياق لعمر) وحشنى قوى
مينا: وانت كمان وحشتنى قوى كنا هنموت علشانك ياحازم
حازم:(بدموع) انا اسف يا بابا انا بس من خوفى تعبت
مينا: مش قولنا متخفش مش قولنا مهما كانت النتيجه احنا راضين بيها
حازم:(بدموع) تعبى راح يا بابا
مينا: انسي يا حبييى انسي
عمر:(دخل الاوضه وجرى على حازم ومسك ايده من مينا وفضل يبوس فيها وبدموع) وحشتنى يا زوما وحشتنى قوى
حازم:(بدموع) وانت كمان يا ابيه وحشتنى قوى
الممرضه:(خبطت ودخلت) بعد اذنكو يا جماعه لو سمحتو بلاش ترهقوه بالكلام سبوه يرتاح شويه
رنا: بس كنا بنطمن عليه
الممرضه:(بابتسامه) ربنا يتم شفاه على خير وظبطت الكانويلا وركبت فيه محلول وسابته وبصتلهم) المحلول فيه نسبه منوم الاحسن ليه انو ينام علشان مبجهدش نفسه اول الايام وميحسش بالم
مينا: ماشي يابنتى شكرا
الممرضه: لم يخلص بس حضرتك اضغط على الزرار ده وانا هاجى اقفلها
مينا: تمام (وخرجت الممرضه
حازم:(بص لمينا) مش عاوز انام زهقت
رنا: علشان متتعبش يا حبيبى (حازم تنهد وشويه واثر العلاج ظهر ونام حازم وفضلو جمبه لحد ما خلص المحلول وجات الممرضه شالت المحلول وقفلت الكانويلا وسابوه يرتاح)
~~~~~~~~~~~~~~~~~~~~~~~~~~~~~~~~~~~~
عند ساره الى قاعده مع مروان ويحيي
ساره: بجد يامروان يا حازم خرج من العنايه
مروان: اه والله انا لسه قافل مع حاتم وقالى كده
ساره: الحمد لله (وبصت ليحيي) هتروح امتى يا ابيه
يحيي: شوفى فريده هتروح امتى وروحى معاها وانا هاجى معاكو
مروان: مش احنا متفقين نروح مع الشباب
يحيي: يعنى هنسيب البنات لوحدهم
ساره:(بصت ليحيي) اه عادى ممكن مروان ومالك وحاتم يسوبنا عادى
مروان: خفى يابت انتى
ساره: شوفت يا ابيه بيقولى ايه ولم بشتكى لبابا بيزعل منى
يحيي: معلشى يا سو اخوكى الكبير بقا وبيدلع عليكى
ساره: رخم فى دلعه
مروان:(بتزمر) شوفت شوفت بتشتم قدامك وانت ساكت
يحيي: هو انت مديلى فرصه اتكلم
مروان: يعنى انت كنت هتتكلم
يحيي: لو كنت سكت كنت شوفت
مروان: انا سكت اهوه هاتلى حقى بقا
يحيي: مانت اخدته خلاص وعلى الله تكلمها
ساره:(باست يحيي من خده) حبيبى يا ابيه
مروان: اخلصو هتروحو لحازم امتى
يحيي: مش عارف والله شوفو معاد وانا معاكو انا قايم انام تصبحو على خير (وقام ينام ومروان وساره كملو نقتر وسهره مع بعض
~~~~~~~~~~~~~~~~~~~~~~~~~~~~~~~~~~~~~~
تانى يوم الصبح فى اوضه حازم ظهرت رنا ومينا قاعدين معاه وحازم نايم ع السرير
حازم :(بص لبباه) بابا كلم الدكتور وقوله اني اخرج بقا انا زهقت من هنا
مينا :(بابتسامه) ماشي ياحبيبي حاضر (الباب خبط
مينا :(بص للباب) اتفضل (الباب فتح ودخل شاب طويل وعريض وعضلات اسمه وائل
وائل:(بابتسامن) ميعاد حقنة حازم دلوقتي
رنا : ادخل يابني
حازم :(بخوف وقلق) هو انا ينفع مخدهاش
وائل:(من غير ما يبص لحازم وهو بيجهز الحقنه) مينفعش لازم تاخدها
حازم:(بص لمينا بخوف) بابا انا مش هاخدها علشان خاطرى
مينا:(وقف وقرب من حازم) حازم هو انت مبتزهقش من كل مره بتعمل كدا وفي الاخر بتاخدها برضه
حازم: ( بدموع وخوف)بس انا مش هاخدها بجد المره دى بقا انا زهقت
رنا:(وقفت وراحتله) يابني بقا متتعبش قلبنا معاك و قوم خدها
حازم: (بدموع بتصميم) قولت مش واخد يعني يعني مش واخد حاجه
وائل:(بتجاهل لكلام حازم وبص لمينا) بعد ازنك يافندم ممكن تتفضل برا شويه
حازم:( بدموه وخوف) لا يا بابا متسيبنيش
وائل :(باحترام) خمس دقايق بس يافندم و ادخل تاني
) مينا اخد رنا و خرجوا ،، وائل وقف على باب الاوضه و نادى لواحد زميله نفس شكله الطول والعرض ودخلوا وققفلوا الباب ،، حازم بصيلهم بخوف كمل وائل كلامه) ساعده يقف
حازم:( بخوف ودموع ) محدش يقربلي
وائل :(بص لحازم) لو موقفتش لوحدك هتقف غصب عنك وكدا كدا هتاخدها فـ متتعبش نفسك و يلا اقف ،، ساعده يابني يلا (الممرض التانى اسمه وليد)
وليد:(قرب من حازم وسنده خلاه يقف) تعالا بس ومتخفش (حازم وقف بخوف وهو مرعوب)
وائل:(قرب من حازم وبصله) يلا ياحازم (حازم بصله بخوف ورعب ومسك ايد وليد ،، وائل بدأ يدخل سن الابر
حازم:(بصريخ ووحع) اااه اااه كفايه اااه
(بره عند مينا ورنا واقفين وباين عليهم الحزن وهما سامعين صوت عياط حازم وصريخه
محمدعباس:(قرب من رنا ومينا) في ايه ياجماعه واقفين كدا ليه و مالكم كدا
مينا :(بحزن) بيدو لحازم الحقنه جوه ومكنش موافق ابدا والممرض خرجنا عشان يعرف يتعامل معاه
وائل:(الباب اتفتح خرج مع وليد والممرض خرج وقرب مهم وبص لمينا) انا اسف يافندم بس كان لازم اعمل كدا انك حضرتك تخرج عشان مكنش هيوافق ياخد غير بالطريقه دي
مينا :(بحزن) عادي يابني المهم اخدها
وائل: بالشفا بإذن الله، بعد اذنك( ومشي وائل و مينا و رنا ومحمد عباس هيدخلوا و حازم لسه واقف وبيعيط
هيقربوا منه
محمدعباس:خلاص بقا ياحبيبي اهدي
حازم:(بعياط) انا عايز امشي من هنا مبقتش عايزه اقعد هنا
محمدعباس :(سنده ورجعه على السرير) طيب حازم أهدى بس و هنمشيك بس اقعد عشان متتعبش
حازم :(بتعب اول ما قعد على السرير) انا مبقتش عارف لا اقعد ولا انام بسببكم كل واحد يجي يشكشك فيا شويه، و اخرتها المصارع اللي جه الوقتي دا كأنه بيعطي حقنه لجاموسه مبتحسش وحاسس اني اتشليت بسببه
مينا:(بحزن) خلاص يا حبيبى خلاص يلا اهدى ونام بقا
رنا:(اخدته فى حضنها وبطبطب عليه) خلاص ياقلب ماما معلشب زمانها راحت يا زوما
حازم:(بعياط) لا مرحتش وبتوجعنى
رنا:(بحنان) معلشي ياقلبى (وفضلو مع حازم بيهدوه لحد ما هدا ونام)
~~~~~~~~~~~~~~~~~~~~~~~~~~~~~~~~~~~~~~
عند محمد سعد ودينا كانو قاعدين مع ولادهم على الاكل
ساره:(بصت لمحمد) بابى انا هروح مع فريده ورحمه النهارده عند حازم اتفقنا على كده
دينا: وانتى جايه تقوليلنا تحصيل حاصل
ساره: لا طبعا لو موفقتوش مش هروح
دينا: لا ياحبيبتى روحى بس كان لازم نعرف الاول
ساره: سورى يا مامى
يحيي:(بص لمحمد) بابا عمو مينا مبيجيش الشركه فى حاجات كتير عطلانه
مروان: طب ما تقول لعمه يا يحيي مستنى ايه
يحيي: هقوله فى ظروفه دى ازاى
مروان: عمو مينا مبيحبش يوقف الشغل
يحيي: بس هما فى ظروف صعبه
محمد سعد: قول لعمك يا يحيي على الورق المتعطل واى ورق يجى معاك ومحتاج مينا ابقى ورهولى لو عرفت فى شغل مينا حاجه هعملها معرفتش هبقى اكمله فى ساعتها بدل ما يتعطل الشغل
يحيي: حاضر يا بابا
محمد سعد: لسه مافيش اخبار عن النتيجه بتاع حازم
دينا: لسه يا محمد هما لسه مخلصين امتحانات بس مش عارفه لو مجبش مجموع حلو او شال حاجه هنبلغه ازاى
محمد سعد: هنقول لمينا وهو هيعرف ازاى يعرف حازم.
ساره: بس حازم شاطر يا ماما
دينا: ايوه شاطر بس السنه دى من غيابه دورس ومدرسه عكس عليه جدا
مروان: ربنا معاه معاه بقا
الكل: يارب
محمد سعد: يلا يا يحيي انت ومروان
مروان: لا انا رايح المحكمه النهارده فى جلسه للشاب الى حكيت لحضرتك عنه واول جلسه النهارده هروح احضرها مع المحامى واجى الشركه
محمد سعد: تمام متتاخرش
مروان: هخلص واجى على طول
محمد سعد: تمام (ومشي محمد. ويحيي وبعدهم مروان كمان مشي وفضلت دينا مع ساره شالو مكان الاكل وقعدو مع بعض
~~~~~~~~~~~~~~~~~~~~~~~~~~~~~~~~~~~~~~~~
فى الصيدليه عند ادم دخلت تيا
تيا: دكتور ادم احنا سلمنا المندوبين الادويه الى كانت مطلوبه
ادم: طيب تمام الحمد لله انا عارف انى مقصر الايام الى فاتت بس انتو عارفين الظروف
تيا: لا طبعا يا دكتور مافيش حاجه هو حازم عامل ايه بقا كويس
ادم: الحمد لله احسن
تيا: خرج من العنايه ولا لسه
ادم: خرج الحمد لله واتنقل اوضه عاديه
تيا: انا ممكن احى ازوره
ادم: اه طبعا ايه المانع يعنى
تيا: يعنى هيقولو مين دى او حاجه
ادم: عارفين انك شغاله هنا وحازم اتعرف عليكى وهيفرح على فكره بالزياره دى
تيا: طب ممكن حضرتك تقولى عنوان المستشفى
ادم: عنوانها ميتهوش وهتلاقيه على الGPC بس انتى ممكن تروحى معايا
تيا: مش عاوزه اضايق حضرتك
ادم: حضرتى مش هيضايق
تيا: تمام شوف حضرتك هتروح امتى وعرفنى
ادم: لا شوفى انتى حضرتك هتروحى امتى وانا اى وقت ممكن اروح عادى
تيا: ممكن نروح بعد الشركه بكره هعرف ولدتى ونروح
ادم: ماشي بأذن الله
تيا: شكرا يا دكتور بعد اذن حضرتك (وخرجت تيا وادم سرح مع نفسه وتنهد وقام يشوف شغله)
~~~~~~~~~~~~~~~~~~~~~~~~~~~~~~~~~~~~
فى نص النهار فى اوضه حازم كان نايم الباب خبط فتحت سلمى لقيت ساره وفريده ورحمه سلمو على سلمى ورنا ومينا مينا خرج من الاوضه ونزل تحت يشرب قهوه
ساره:(بصت لرنا) هو حازم عامل ايه ياطنط رنا
رنا: الحمد لله يا حبيبتى كويس
فريده: انا اسفه يا طنط انا عارفه انى هنا طول الوقت بس للاسف مينفعش اسيب التدريب بتاعى واجى
رنا: انا عارفه يا حبيبتى وقت التدريب (وبصت لرحمه) عامله ايه يا رحمه
رحمه: الحمد لله
رنا: معلشى يا بنتى بقا على تأخير فرحك عمك مينا قال ليحيي يعمله بس يحيي رافض وقال لم حازم يقوم بالسلامه
رحمه: ماهو مينفعش يا طنط نعمل فرح وحازم تعبان وعادى المهم انو حازم يبقى كويس ومينفعش فرح من غيره اصلا
رنا: ربنا يكملكو على خير ياحبيبتى
سلمى:(بصت للبنات) مقولتوش ليه انكو هتيجو
فريده: احنا كنا جايين مع ابيه يحيي بس هو انشغل بقا واعتذر جينا احنا
ساره:(بصت على حازم وقربت منه وباسته فى جبينه) هو ليه مش صاحى
رنا: اخد مسكن ونايم من ساعتها هيصحى دلوقتى
فريده: يارب يصحى لان انا نفسي اسمع صوته واطمن عليه
رنا: الحمد لله ياحبيبتى هو كويس والله
حازم:(فتح عينه بتعب وبص لساره) انتى واقفه ليه كده
ساره:(بصتله بضحكه وابتسامه) حمد لله على سلامتك يازوما
حازم: الله يسلمك
فريده: شد حيلك. بقا وقوم بالسلامه وارجع البيت
حازم: ان شاء الله
رحمه: حمد الله على سلامتك يا حازم
حازم: الله يسلمك شكرا (وبص لرنا) هو بابا فين
رنا: نزل يشرب قهوه تحت عاوز حاجه يا حبيبى
حازم: بسأل بس عليه علشان مش شايفه
رنا: هو تحت ياحبيبى
سلمى: شوفتى يافريده حازم بقا مؤدب ازاى
فريده: اه بس انا مش حباه كده عاوزاه يرجع لرخامته وغلاسته
حازم: قصدك انى رخم وغلس يعنى
ساره: مش فى كل حلاتك طبعا
رنا:(قدمت عصير للبنات) اتفضلو يابنات
رحمه: شكرا يا طنط انا والله مش عاوزه خليه علشان حازم
رنا: حازم مبيشربش اى عصير. ليه اكل معين بيتصرف تحت اشراف الدكتور
ساره:(اخدت واحد) واو ده مانجا من الى انت بتحبها ياحازم
حازم: بشرب منها كل يوم
ساره:(بتزمر) كنت عاوزه اغظيك زى ما غظتنى بالايس كريم لم كنت تعبانه وممنوعه منه
حازم:(بأبتسامه خفيفه) لسه فاكره
(وقعدو يتكلمو معاه وحازم قليل لم يتكلم ولم نام من تعبه استأذنو البنات ومشيو
~~~~~~~~~~~~~~~~~~~~~~~~~~~~~~~~~~
عند مينا ورنا الى قاعدين فى اوضه حازم وكان نايم دخل محمد عباس
محمد عباس: انتو لسه هنا
رنا: مش هنمشي يا محمد
محمد عباس: ليه يارنا
مينا: افرض صحى بالليل
محمد عباس: مش هيصحى العلاج الى واخده بينيمه
رنا: لا قلبى مش جايبنى والله ولو عرف هيزعل
محمد عباس: وايه الى هيعرفو روحو وتعالو الصبح قبل ما يصحى
مينا: خلاص يلا يارنا
رنا: ازاى يا مينا (بدموع) قلبى مش جايبنى والله
محمد عباس: مش هيصحى يا رنا متخفيش (الباب خبط ودخل عمر ،، محمد عباس كمل كلامه باستغراب) انت ايه الى جابك ياعمر
عمر: مش قولت انو بابا وماما راجعين البيت جيت اقعد مع حازم
محمد عباس: يا جماعه يعنى انا مش هعرف اخد بالى منه يوم من غيركو
عمر: مش القصد والله ياعمو بس بيبقى محتاج حاجه يبقى حد جمبه
مينا: احنا مش عاوزين نتعبك بس اكتر من كده كفايه انو بقالك اكتر من اربع خمس ايام مبترجعش بيتك
محمد عباس: هو مش حازم ده ابنى زى ماهو ابنك ولا ايه ،، وطالما عمر جيه تقدرو انتو بقا ترجعو البيت مينفعش يبقى البنات لوحدهم يلا بقا
مينا: ماشي يلا يارنا هنجيلك الصبح ياعمر
عمر: براحتكو يا بابا(ومشي مينا ورنا
محمد عباس:(قرب من حازم واطمن عليه وبص لعمر) الحمد لله النبض رجع انتظم تانى هو نايم يلا نام انت كمان متسهرش هو مش هيصحى دلوقتى خالص
عمر: حاضر والله اول ما يجيى نوم هنام
محمد عباس: ماشي يا حبيبى انا فى مكتبى لو احتجت اى حاجه تصبح على خير
عمر: وحضرتك من اهله (خرج محمد عباس وعمر راح قعد جمب حازم ومسك ايده وباسها) مش هتطلع من هنا بقا وحشتنى قوى والله وسند ظهره على السرير وتنهد) تعرف ياحازم انا النهارده معرفتش اشتغل ،، اول مره اقصر فى شغلى ولولا انو اللوء عارف ظروفى كان زمانى دلوقتى فى سجن تأديب كل دماغى مشغوله بيك انت بس مش عارف افكر فى حاجه تانيه مش عارف افصل دمافى بين بيتى وشغلى علشان انت كل حياتى والله (وبصله برجاء) قوم بقا علشان خاطرى قوم بقا وابقى كويس تانى (ودموعه نزلت بحزن مسحهم وغمض عينه بتنهيده عاليه)
~~~~~~~~~~~~~~~~~~~~~~~~~~~~~~~~~~~~
عند حازم الى قاعد لوحده فى الاوضه دخل عليه عمر لقاه صاحى راح قعد على كرسي جمب السرير وبصله حازم بصله
عمر: عامل ايه ياحبيبي
حازم: الحمد لله كويس
عمر:(بحب) وحشتنى يا زوما قوى
حازم: وانت كمان يا ابيه وحشتنى قوى
عمر: ياااه انا كل ما افتكر انك دخلت العمليه وقفلو باب بينك وبينك وفكره انك ممكن متخرجش انا كنت هموت والله
حازم: بعد الشر عليك يا ابيه(عمر ضحك ،، حازم كمل كلامه ايه يا ابيه بتضحك ليه
عمر: اصلا افتكرت وانت فى العمليات اول عقاب اخدتو منى
حازم:(بتزمر) ودى حاجه تفتكرها انا كل ما افتكر ابقى عاوز اعيط من الى عملته
عمر: انا كنت مضايق من كلام بابا ليا اصلا بس والله كلمه بابا الى كانت بتطلع منك كانت حلوه قوى
حازم: هما ليه منعونى اقولك بابا
عمر:علشان هو بابا واحد بس وانا اخوك مش باباك
حازم: بس انا بحسك بابا
عمر: وانا بحسك ابنى والله (الباب خبط ودخل الدكتور)
الدكتور:(بص لحازم) ايه يا زوما عامل ايه
حازم: عاوز اخرج بقا زهقت من هنا
الدكتور: زهقت مننا
حازم: لا مبحبش المستشفيات
الدكتور: معلشى علشان تبقى كويس اكتر وتخف بسرعه
حازم: طب انا مش عاوز حقن
الدكتور: علشان تخف ياحازم وتبقى كويس
حازم: 3حقن كتيى والله
الدكتور: معلشي يا زوما علشان الجرح يلم والقلب يبقى كويس ومترجعش تتعب تانى (حازم تنهد الدكتور بص لعمر) مستر مينا فين
عمر: بابا راح البيت هو وماما يجيبو لبس لحازم ويرتاحو شويه وهيجو اخر النهار فى حاجه ولا ايه
الدكتور: لا ابدا مافيش بس كان شكله مرهق بس فكرت انو تعب ولا حاجه
عمر: الحمد لله يا دكتور هو اخد علاجه وبقا كويس
حازم:(بخوف) هو بابا تعبان
عمر: لا ياحبيبى متخفش هو كويس بس اكمنه هنا بقاله كام يوم هينام شويه ويبقى كويس
حازم:(بعدم تصديق) ماشي (خرج الدكتور بعد ما اطمن على حازم وعمر قعد معاه وكملو مع بعض كلام
~~~~~~~~~~~~~~~~~~~~~~~~~~~~~~~~~~~~~~~~
عند رائد الى قاعد فى اوضته تليفونه رن
رائد:(بيكلم نفسه) ودول عاوزين منى ايه دلوقتى........ الو............ مساء النور ................ بخير الحمد لله.................. نعم ازاى يعنى.................. انت بتقول ايه.................. مستحيل طبعا.............(قام وقف بصدمه) ياترى فى ايه وايه الى صدم رائد
