#مع_مر_الزمان
#مع_مر_الزمان_52
#جزء_من_حلقه_سابقه
حازم:(بعبوس) الحقنه وجعتنى
مينا:(بص لحازم الى زعلان من الحقنه ونفس الوقت فرحان انو خلص العلاج) خلاص يا زوما بقا اخر واحده وزمانها راحت اصلا
حازم: لا بتوجعني
مينا: بس خلاص ارتحت خلاص
سليم: مش هقفشك زى الحرامى علشان الحقنه
حازم: انا الى هقفشك زى الحرامى علشان الحقنه
عمر: بقينا بيتكلم بقلب جامد(تليفونه رن) وبعدين عيب تقول لاخوك حرامى (مسك تليفونه وبص فيه) دى سلمى (فتح عليها) ايوه يا سلمى (قام وقف بصدمه) انتى بتقولى
#بدايه_الحلقه_الجديده
ظهرو كلهم فى المستشفى عمر جمب الباب العمليات مينا قاعد وواخد سلمى فى حضنه وجمبها من الناحيه التانيه رنا حاتم ورائد واقفين جمب عمر وسليم وحازم قاعدين جمب بعض ،، التوتر والقلق مسيطر على الكل سلمى وشها مخطوف وساكته ومش بتتكلم ومش بترد على حد
مينا:(وهو واخد سلمى فى حضنه) سلمى اهدى خلاص هنا كويسه
رنا:(بصت لسلمى بقلق) ياترى ايه الى حصل مخليها ساكته كده وخايفه
مينا: حاولى تتكلمى ياسلمى وتحكى الى حصل معاكو
رنا:(اخدت سلمى فى حضنها) سبها شويه يامينا نطمن على هنا وبعدين نعرف (وبصت لعمر ورجعت بصت لمينا) قوم شوف عمر
مينا:(قام وقف جمب عمر) عمر
عمر: كل ده عمتو بتكشف عليها
مينا: اهدا ياعمر شويه
عمر: حد يطلع يطمنا عليها قلبى هيقف من القلق عليها
مينا: متقلقش هيا البكريه متعبه شويه مامتك كانت تعبانه جدا ايام ما كانت حامل فيك (باب الاوضه اتفتح وخرجت هايدى) طمنينا يا هايدى
هايدى: لازم تولد دلوقتى
عمر:(بصدمه) دى لسه فى السابع ياعمتو
هايدى: عارفه ياعمر بس للاسف وجود البيبى غلط عليها لازم تولد
رنا:(سابت سلمى وقربت من هايدى) يعنى البيبى هيدخل حضانه
هايدى: ممكن اه وممكن لا واحمدو ربنا انها كانت بتاخد حقن الرئه من اول السابع
مينا: هايدى الى مصلحه هنا اعمليه اى كان ايه هو
عمر: حتة لو هضحى بالبيبى المهم هنا
هايدى: مافيش تضحيه بحد ان شاء الله سلاممتقلقش مراتك وابنك هيطلعولك بخير بأذن الله
الكل: يارب (طلعت هنا على سرير كانت نايمه الكل اتحرك معاها وصلوها لباب العمليات ودخلت
هايدى: متقلقوش ساعه بالكتير وهتكون بخير (وسابتهم ودخلت العمليات بعد ساعه طلعت هايدى
هايدى:(بابتسامه) مش قولتلك خير بأذن الله الحمد لله البيبى بخير وهنا كمان بخير (طلعت ممرضه معاها سرير عليه البييى)
حاتم: طب انتو رايحين فين بيه
هايدى: دكتور الاطفال هيطمن عليه تقدرو تستنو هنا فى الاوضه بتاعتها نفس الدور 204(واخدت البيبى ومشيت هيا والممرضه راحو كلهم الاوضه
عمر:(بص لبباه ومامته) مش المفروض اعرف مامتها
سلمى:(برعب ودموع ومسكت ايد عمر) لا لا الست دى لا متحبهاش هنا هسا ست وحشه لا لا متقولوهاش (رنا اخدتها فى خضنها وهما مستغربين انهيار سلمى ،، شويه واتنقلت هنا اوضه الاوضه وظهر رائد وحازم بيتخانقو على النونو
حازم:(بيبعد رائد من جمب سرير النونو) على فكره ده ابن اخويا
رائد:(بعند وبيبعد حازم ) واخوك ده صاحبى من قبل ما يشوفم اساسا
حازم: طب ابعد شويه
رائد:(بعند) ابعد انت
مينا:(بنفاذ صبر) ربنا يصبرنا على المجانين دول (وبص لسليم) اخدت العلاج
سليم: ايوه
مينا: بالشفا ياحبيبى (وسكتو كلهم علشان هنا ترتاح شويه)
هنا:(فتحت عنيها) عمر
عمر:(قعد جمبها) حمد الله على السلامه يا حبيبتى
هنا: فين البيبى
عمر: نايم ياحبيبتى رضعوه ونام على ما تفوقى
هنا: خليك جمبى
عمر:(قعد جمبها واخدها فى حضنه) انا جمبك اهوه(كلهم قربو منها وباركولها على البيبى وهنا نامت تانى اثر البنح
~~~~~~~~~~~~~~~~~~~~~~~~~~~~~~~~~~~~~~~~~
فى البيت عند الشباب الى اتجمعو فى بيت مينا ولاد عباس راحو لبيت مينا يباتو معاهم
ظهرو الشباب قاعدين (حاتم وسليم ومالك وادم وحازم قاعدين مع بعض)
ادم: ايه يا زوما زعلان ليه
حازم: علشان بابا صمم اننا نرجع البيت مقعدناش مع النونو ولا حتى عرفنا اسمه ايه
ادم: بكره تقعد معاه لحد ما تزهق وبعدين مكنش ينفع عمر يسميه ومامته لسه مافقتش
حازم:(بزعل) كنت عاوز اقعد معاه
حاتم:(ضربه على دماغه براحه) انت ياعم العيوطه انت اكبر بقا انت هتدخل الكليه وانت لسه طفل كده ازاى
حازم:(بصله بغيظ) زى ما انت دخلت بالظبط
مالك:(بضحكه) اوووبااااا اين الجبهه انا لا ارها
حاتم:(بص لمالك بغيظ) لم نفسك ياخويا (وبص لحازم) وانت ياله لم نفسك
حازم:(بصله) حاضر هقوم المها اهوه هاتى يامالك الحته دى من جمبك
حاتم:(قام وقف وقرب من حازم) انت بتتريق عليا يامعفن ياحيوان
مالك:(بعد حازم) خلاص ياعم حاتم عيل وغلط
حازم:(بيحاول يبعد مالك) عيل ايه يابنى انت كمان
مالك: بس يابنى واخرص بقا (وبص لحاتم) اقعد مكانك بقا
ادم:(بصلهم كلهم) انا ساكت بس مش هفضل كده كتير ماشي احترمو نفسكو بقا
حازم:(بص لادم) هو الى غلط (مالك حط ايده على بوء حازم)
مالك: ياعم اسكت بقا
ادم:(بص لحازم) ماشي يا زوما ليك يوم وهتقع تحت ايدى ومش هسمى عليك (وبص فى الساعه) وبص لسليم) سليم معاد الحقنه دلوقتى
سليم:(بص لادم) فكك منى مش هاخد حقن انا
حازم:(قام. وقف) تعالا بس يا ابيه همسك وومش هتحس بحاجه
سليم:(زق حازم الى بيقرب منه فى صدره) ابعد عنى ياله
حازم:(حط ايده على صدره) اااه
سليم:(قرب من حازم والكل بصو لحازم بخضه) انت كويس وجعتك
حازم:(بتعب) شويه بس
سليم:(اخد حازم فى حضنه) انا اسف حقك عليا
حازم: مافيش حاجه يا ابيه خلاص انا كويس بس خد علاجك علشان تبقى كويس انت كمان
سليم: حاضر
ادم:( حضر علاج سليم) يلا يا سليم
سليم:(بتعب) خف ايدك يا ادم
ادم: حاضر بس يلا (سليم وقف قدام ادم وادم ضربله الحقنه
سليم:(بوجع وتعب) اااه اااه
ادم:(شال السن ودلك مكانها) بالشفا يارب
سليم:(قعد على السرير جمب حازم) انت كويس
حازم: اه والله
سليم:(اخده فى حضنه) الحمد لله (وقعدو كلهم يتكلمو مع بعض)
~~~~~~~~~~~~~~~~~~~~~~~~~~~~~~~~~~~~~~~~~
نرجع للمستشفى فاقت هنا وبقيت كويسه عند عمر الى قاعد مع هنا بعد مافاقت واطمن عليها
عمر: ايه الى حصل وتعبتى ازاى
هنا: تعبت ياعمر مافيش سبب
عمر: لا فى سبب ومامتك ليه مش بترد عليا لم كلمتها من تلفونك
هنا:(بصتله) انت كلمتها
عمر: مردتش (هنا سكتت ،، كمل عمر كلامه) فى ايه ياهنا وليه سلمى لم جبت سيره مامتك انهارت من العياط هيا مامتك جاتلكم وانتو لوحدكو
هنا: لا مجتش ياعمر
عمر: لا جات حصل ايه ياهنا
هنا:(بعياط) ايوه جات ( 🎬 #فلاش_باك 🎬) فى الفيلا قاعد سلمى وهنا بيعملو اكل علشان سليم الدكتور كاتبله على خروج الباب خبط
سلمى:(بفرحه) ابيه سليم رجع (وجريت على بره وهنا وراه سلمى فتحت الباب وظهرت والده هنا) اتفضلى يا طنط
هنا:(بصدمه) ماما
سوزان: مش هتقوليلى ادخلى ولا ايه
هنا: اتفضلى (سوزان دخلت ودخل وراها هنا وسلمى
سلمى: حضرتك تشربى ايه
سوزان: وانتى الى هتعملى
هنا: ماما لو سمحتى
سوزان: انا مش جايه اضايف انا جايه اقول كلمتين وماشيه
هنا: اتفضلى
سلمى: هروح اشوف الاكل (ودخلت سلمى المطبخ)
هنا: اتفضلى ياماما عاوزه منى ايه
سوزان:(بصت لسلمى) مهرك
هنا:(بعدم فهم) مش فاهمه
سوزان: من الاخر ومن غير لف ودوران انا عاوزه ادخل شراكه مع حماكى بمهرك
هنا: مهرى وشراكه ده على اساس ايه
سوزان: على اساس انك اتجوزتى ياحلوه ابنهم من غير قايمه ومهر
هنا:(بدموع) قايمه اكتب قايمه بايه انتى جبتيلى ايه اصلا علشان تكتبيه فى القايمه عمر الى جابلى كل حاجه وانتى عارفه كده كويس
سوزان:(بعصبيه) هو كده ياما يطلقك
هنا:(بعصييه وصوت عالى بصريخ) انت ايه عاوزه منى ايه حرمتينى منك طول عمرى عشت حياتى كلها ذل وتعب وقهر ولم حياتى اتعدلت والدنيا ضحكتلى عاوزه تخربى عليا
سلمى:(جات من جوه بسرعه) فى ايه ايه الى حصل
سوزان:(بعصييه وبصت لسلمى) انتى مالك يابت انتى كمان ادخلى جوه ولا اطلعى بره ومالكيش دعوه
هنا:(بعصبيه لمامتها) لا معلشي انتى الى مالكيش دعوه بيا ولا بحياتى ولا تيجى هنا تانى انتى مش ماصدقتى خلصتى منى خلاص وقولتلى كده وكسرتينى يوم فرحى كفايه بقا كده انسينى بقا وطلعينى من حياتك
سوزان:(بضحكه) مش قبل ما اخد حق ما ربيتك
هنا:(بصدمع ودموع) حق ما ربتينى هو فى ام بتاخد حق ما ربت بنتها
سوزان:(بجبروت) اه فى انا
هنا:( بعصبيه وبعياط) اطلعي بره بقا انسينى بقا وسبينى فى حالى (وفجأه مسكت بطنها) اااه اااه
سوزان:(بصتلها) اعملي حسابك انى هاجى اى وقت لحماكى
هنا:(بصريخ) اطلعى بررره اطلعى بررره. اااااه اااه الحقينى ياسلمى (مشيت سوزان وهنا وقعت فى الارض من التعب سوزان بصتلها ومشيت وسابتها وسلمى جريت على هنا الى بتصرخ
سلمى:(بعياط)هنا مالك ياهنل
هنا:(بتعب وعياط جامد)كلمى عمر بسرعه(هنا جابت التليفون وكلمت عمر الى جيه بسرعه ونقلها المستشفى ( 🎬 #نرجع_للواقع 🎬)
هنا:(بعياط) عملتلى ايه هيا علشان تطلب بمهر ولا قايمه ولا اى حاجه شافتنى كويسه وعايشه كويس عاوزه تبهدلنى تانى وعاوزانى اطلق وارجع لذلها تانى
عمر: انا مش ممكن اطلقك ياهنا انتى روحى وقلبى وام ابنى ازاى بقا استغنى عنك
هنا:(بصت لعمر بدموع) مهما يحصل هتبقى معايا
عمر:(اخدها فى حضنه) مش هيفرقنى عنك غير الموت
هنا:(ضربته فى دراعه) متقولش كده ،، البيبى فين
عمر: نايم لسه
هنا: عاوزه اشوفه
عمر: ماما بره لم تيجى هخليها تجبهولك حاضر
هنا: هتسميه ايه
عمر:(بتردد) رائد
هنا:(بابتسامه) موافقه
عمر:(بفرحه) بجد
هنا:(بحب) اه طبعا
عمر:(حضنها تانى) ربنا يخليكى ليا ياقلبى(واخدها فى حضنه لحد ما بطلت عياط)
~~~~~~~~~~~~~~~~~~~~~~~~~~~~~~~~~~~~~~~
عند رحمه الى ماسكه تليفون يحيي وبتقلب فيه
يحيي:(طالع من الحمام وبينشف شعره) ايه يارحووم بتعملى ايه
رحمه:(بصتله) هنا ولدت
يحيي: ولدت ازاى ده لسه تقريبا فى السابع
رحمه: معرفش والله بس هيا ولدت سلمى منزله بوست قالت فيه انو هيا بقيت عمه رسمى واول حفيد للعيله وصل
يحيي:(مسك تليفونه من ايد رحمه وبص فيه) ده من كام ساعه استنى اتصل عليه (يحيي رن على عمر وعمر رد عليه ) بابا عمورى
عمر:(بضحكه) عامل ايه
يحيي: الحمد لله حمد الله على سلامه هنا
عمر: الله يسلمك
يحيي: اخيرا بقيت اب
عمر: الحمد لله عقبالك يارب
يحيي: بأذن الله بس هيا هنا ولدت بدرى
عمر: اه تعبت شويه وقالو وجود البيبى غلط ولدت الحمد لله
يحيي: البيبى كويس
عمر: اه الحمد لله هنرجع البيت بكره
يحيي: حمد الله على سلامتها ياحبيبي ويتربى فى عزك يارب
عمر: حبيبي تسلم يارب انتو عاملين ايه ورحمه
يحيي: الحمد لله ورحمه بتباركلك وبتبارك لهنا
عمر: الله يبارك فيها
يحيي: اوعى تعمل سبوع غير لم اجى ياض
عمر: وانا اقدر بردو انتى هترجع امتى
يحيي: يومين بأذن الله
عمر: ترجع بالسلامه يارب
يحيي: الى عندك عاملين ايه وحشووونى جدا
عمر: كلهم بخير وانت كمان وحشتهم جدا
يحيي: سلملى على الكل وبوسلى النونو. سميته ايه
عمر: رائد بأذن الله
يحيي:(بضحكه) ياعم احنا كنا قادرين على واحد لم هتروح تسمى التانى على اسمه
عمر:(بضحكه) نصيبه بقا
يحيي: ربنا يخليهولك يارب ............ عايز سلامتك.......... مع السلامه (قفل وبص لرحمه) سماه رائد
رحمه: واضح انو بيحب صاحبه جدا
يحيي: جدا جدا دول اصحاب من الكى جى
رحمه: ماشاء الله ربنا يديم صداقتهم يارب
يحيي: مش نفسك انتى كمان يكون عندك بيبى
رحمه: لسه يا حبيبى احنا لسه مكملناش اسبوع
يحيي: نفسي قوى احس احساس عمر
رحمه: بأذن الله قوم نخرج بقا مفضلش غير يومين
يحيي: ماشي احهزى على اخد شاور واجهز
رحمه: ماشي (والاتنين قامو يجهزو)
~~~~~~~~~~~~~~~~~~~~~~~~~~~~~~~~~~~~~~~~~~~~~
تانى يوم عند. عمر ورنا وهنا ومينا وهايدى ومعاهم البيبى الى ظهرو قدام شقه رنا
مينا: رايحه فين يا هنا
هنا: هطلع شقتى عاوزه ارتاح شويه
رنا: تعالى ارتاحى هنا
هنا: بس انا عاوزه اطلع فوق
رنا: مش هتقدرى ياهنا ولا هتعرف تخدى بالك من الولد لوحدك.
هنا: بس....
رنا:(ماقطعه لهنا) مافيش بس يلا ياحبيبتي وبعدين شويه كده واطلعى شقتك
عمر: كلام ماما صح انا مش هعرف اخد بالى منك ولا من رائد ولا هعرف اعمله حاجه
هايدى: وبعدين انتى بكريه هتبقى تعبانه
رنا: يلا ياحبيبتى (ولسه هيدخلو الباب اتفتح ودخل رائد
رائد: حمد الله على السلامه يا مدام هنا
هنا: الله يسلمك (دخلو كلهم الشقه كلهم استقبلوهم بفرحه وفرحتهم بالنونو اكتر من فرحتهم برجوع هنا)
حازم:(بص لهايدى) عايز اشيله ياعمتو
هايدى:(حطته على ايد حازم) بس اقعد بيه بقا (حازم اخده وقعد بيه وكلهم قعدو
سلمى: سميته ايه يا ابيه
عمر: رائد
رائد:(بص لعمر) ليه
عمر:(بصله) انت مالك يا عم انا حابب كده الله ابنى وانا حر فيه
رائد: انا كنت متوقع اسم حازم
حازم:(بص لرائد) لا انا واحد بس مافيش حد هيبقى زى صح يا ابيه
عمر: صح ياحبيبى
رائد:(بصلهم) قصدكم ايه بقا
حازم: يعنى انت عادى يكون فى منك اتنين بس انا لا
رائد:(بص لحازم باستحلاف) طب اسكت بقا ياحازم علشان مقلبش عليك
مينا:(بص لرائد وحازم ورجع بص لهنا) هنا يلا ياخبيبتى اطلعى ارتاحى
هايدى: صح علشان متتعبيش
حازم: بس سيبى رائد معايا
رائد: هيبقى معايا انا هو اتسمى على اسمى اصلا
حازم: لا مش على اسمك على اسم واحد تانى
رائد: لا على اسمى
حازم: هو مافيش الا انت اسمك رائد
مينا:(وهو جازز على سنانه) رنا خدى الولد من العيال دى علشان شكلى كده هقوم ادور فيهم الضرب الاتنين
رائد: ليه بس ياعمو انا عملت حاجه
مينا: ابدا يا حبيبى بس انت اكبر واحد فيهم وعامل دماغك بدماغ اصغر واحد فيكو
رائد: ماهو الى بيناكفنى
مينا: تقوم ترد عليا
رائد: اومال اسيبه ينرفزنى
مينا:(بصله وهو جازز على اسنانه) امشي من قدامى يا رائد
رائد: حاضر(وبعد من قدام مينا وقعد جمب عمر وبهمس) ابوك هيقلب
عمر:(بهمس) مانت مستفز بصىراحه
رائد:(بهمس) اخوك الى بيستفزنى
عمر:(بهمس) سيبك منه ياحبيبى
رنا:(قامت وقفت بضحكه على همسهم المسموع) يلا يابنتى
هايدى: انا همشي بقا يا رنا
سلمى: فريده لسه نايمه
هايدى: هنيجى بالليل تانى ان شاء الله
رنا: ماتستنى معانا هتمشي ليه
هايدى: علشان ارجع المستشفى
رنا: ماشي ياحبيبتى (وسلمت على الكل ومشيت هايدى ورنا اخدت البيبى من حازم وعمر سند هنا وطلعو الاوضه بتاع عمر وفضل سلمى ومينا وحازم ورائد
مينا: انا طالع ارتاح شويه لو سمعت نفس ها نفس هنزل ادور فيكو الضرب (مينا لف علشان يطلع رائد طلع لحازم لسانه
حازم:(بعصبيه) شوفت يابابا بيطلعلى لسانه ازاى
مينا: تعالا معايا ياحازم
رائد:(بضحكه) خلاص ياعمو والله انا ماشي
مينا: لا خليك اتغدى معانا
رائد: هاجى على الغدا بس فى مشوار كده هروح اعمله
مينا: فى حاجه ولا ايه
رائد: لا رايح اقابل اللواء كان عاوزنى
مينا: ماشي هنستناك على بالليل
رائد: ماشي (مشي رائد وسلمى طلعت لهنا الاوضه ومينا اخد حازم وطلعوا
~~~~~~~~~~~~~~~~~~~~~~~~~~~~~~~~~~~~~~~~~~~~~~
فى شقه مينا فى اوضه عمر ظهرو كل العيله مع هنا بيطمنو عليها بعد ما الكل اطمن عليها
مروان: يحيي كلمك
عمر: ايوه كلمنى وهنا لسه فى المستشفى المفروض جاى بكره
محمد سعد: ايوه بس هيوصلو على بلليل
عمر: ربنا يجيبهم بالسلامه يارب
دينا: يارب (وبصت لهنا) لسه تعبانه ياهنا
هنا: الحمد لله المسكنات الى طنط هايدى بتديهالى بتريحنى
دينا: ربنا يكمل نفاسك بخير يارب
هنا: ربنا يخليك يارب عقبال ماتشيلى عوض ساره يارب والشباب
دينا: يارب (وبصت لمينا) مينا انا جبت معايا ملف حازم
مينا: تمام
محمد سعد: هدخله ايه
مينا: عمر اقنعه بالحاسبات والمعلومات بس لسه مش عارف اذا كان رسى عليها ولا لاء
اما عند الشباب والبنات الى قاعدين مع بعض حازم قاعد وباين عليه الزعل
ادم:(مسك خدود حازم) زعلان من ايه
حازم:(بعد ايد ادم) متمسكنيش من خدودى
سلمى:(مسكت وش حازم وبتفتش فيه) هيا فين الخدود دى يا زوما
حازم: اوعى يابت انتى كمان
ادم:(بص لحازم) فى ايه بجد
حازم:(بزعل) أصحابى اتقبلو فى كليه علوم
مالك: وده مزعلك فى ايه
حازم: علشلن محدش معايا منهم وانا هقدم حاسبات ومعلومات
حاتم: عادى يا حبيبى طب ما انا ومروان واصحابنا كل واحد فينا دخل كليه من شكل بس فضلنا مع بعض لو هما اصحابك بجد مش هيبعدو
فريده: وكمان هيبقى ليك اصحاب تانيه كمان جديده
حازم: انا عاوز ابيه عمر
سلمى: قاعد بره مع العيله مش جاين يبركوله
حازم: باركوله كتير كفايه كده يجى يقعد معايا شويه بقا من امبارح مش سايب مراته وابنه وسايبنى
حاتم:(بضحكه) اااااه ايامك الى جايه فله ياعمور
عمر:(دخل عليهم) ايه بتجيبو سيرتى ليه
حاتم: الغيره اشتغلت
عمر:(قرب من حازم) بس ياله هو زوما عارف انو مافيش حد يقدر ياخد مكانه فى قلبى اصلا
حازم: انت سايبنى من امبارح ومش بتيجى تقعد معايا
عمر: معلشى يا زوما هنا كانت تعبانه وفى ناس جايه تبارك لازم استقبلهم بس اوعدك انى اروق بس وارجع اقعد معاك تانى
حازم: يعنى لسه بتحبنى
عمر: اه طبعا انتى ابنى واخويا وحبيبى
حازم:(بابتسامه) هتيجى معايا علشان نقدم للكليه
عمر: اه طبعا هاجى معاك ورائد كمان
حازم:(بفجأه) ابنك
عمر:(بضحكه) لا ده صغنن وحر الصيف وكده رائد الكبير
حازم: ماشي (وكملو القعده سوا وهما بيهزرو مع بعض وبيضحكو)
~~~~~~~~~~~~~~~~~~~~~~~~~~~~~~~~~~~~~~~~~~~~
تانى يوم عند مينا فى الشركه قاعد فى مكنبه السكرتيره خبطت ودخلت
مينا:(بصله) فى حاجه ولا ايه
سهيله: فى واحده بره طالبه تقابل حضرتك بتقول انها مامه مدام هنا مرات ابن حضرتك
مينا: طب خليها تتفضل (طلعت السكرتيره ودخلت سوزان مع سهيله كمل مينا كلامه) اتفضلى تشربى ايه
سوزان: شكرا مش جايه اشرب
مينا:(باستغراب من طريقتها) طب اتفضلى انتى يا سهيله(سهيله خرجت مينا بص لسوزان) نعم اتفضلى
سوزان: ازاى بنتى تولد وانا معرفش
مينا: الى اعرفه انو هنا تعبت وانتى شوفتيها ومشيتى وسبتيها
سوزان: اكيد المفعوصه بنتك الى قالت
مينا: انا بنتى مش مفعوصه ومش هسمحلك تتكلمى عليها كده ممكن اعرف بقا ايه سبب الزياره دى
سوزان: حق بنتى
مينا: الى هو ايه بقا
سوزان:(بصتله بضحكه تريقه) انت متعرفش فى الاصول ولا ايه
مينا:(بنفش التريقه) لا مش عارف اصل انا اهلى ماتو وانا صغير ملحقوش يعرفونى الاصول
سوزان: وماله احنا نعرفهولك
مينا: ماشي عرفهولى
سوزان: المفروض البنت لم تيحى تتحوز تدفعو مؤخر لاهلها
مينا: ااه صح
سوزان: ولم هو صح هو فين ماشوفناش من وشكو حاجه ليه
مينا:(غمض عينه بعصبيه من الاهانه الى بتوجهاله وسكت علشان هنا) لا بنتك اخدت مؤخرها وزى ماهيا عاوزه وزياده كمان هو انتى متعرفيش ولا ايه
سوزان: لا بنتى موصلهاش حاجه
مينا: ازاى بس وعمر هو الى جايب لهنا كل حاجه من الابره للصاروخ
سوزان: اه نفس الكلام الاهبل الى انتو محفظينه للبت طب فين القايمه
مينا: هو انتى متعرفيش انو بنتك مالهاش قايمه او بمعنى تانى بنتك مأمنه لينا عارفه بقا انو ابنى بيحبها مكتبتش قايمه اصلها مش بجحه زى ناس كده جاين يطالبو بحق مش حقهم
سوزان: احترم نفسك يا بشمهندس
مينا:(قام وقف وهبد على المكتب) انا بس احترمتك علشان خاطر هنا بس كلمه تانيه انا مش عاوز لانه خالص فاض بيا ومش هسمحك بكلمه تانيه وحق بنتك انتى مالكيش دعوه بيه نديهولها ناكله عليها لم يبقى عمر يطلقها هنبقى نديها حقها ده لو حصل اصلا وطلقها وانتى ياريت ماشوفكيش تانى لا هنا ولا فى اى حته
سوزان: ياسلام بتمنعمى انى اشوف بنتى
مينا: لا طبعا انا ضد قطع صله الرحم بس لو بنتك حابه♡ تشوفك تبقى تشوف بره بيتى وبيت ابنى ويلا بقا اتفضلى انتى خدتى من وقتى كتير مع السلامه وياريت منتشرفش بالزياره دى تانى
سوزان:(قامت وقفت وبصت لمينا بتحدى) ماشي يابشمهندس انا هعرف اطلق بنتى من ابنك وبنا المحاكم
مينا: اعلى ما فى خيلك اركبيه مع السلامه (مشيت سوزان ومينا بصلها بقرف وتنهد بزهق وكمل الى كان بيعمله)
~~~~~~~~~~~~~~~~~~~~~~~~~~~~~~~~~~~~~~~~~~~~~~
فى اوضه رنا قاعده بتكوى هدوم لمينا سمعت صوت عياط البيبى سابت المكوه مكانها وطلعت راحت لاوضه عمر خبطت ودخلت لم اذنولها
لقيت عمر واقف جمب سرير البيبى وهنا مش قادره تقوم وبتتخانق مع عمر
هنا:هات الولد ياعمر ومتخفش
عمر:لا مش هشيله هشيل السرير كله
رنا:(بصت باستغراب) فى ايه يا ولاد
هنا:(بصت لرنا )رائد مش عاوز يسكت وعمر مش عاوز يجيبه
رنا: ليه ياعمر
عمر: ليه ايه ياماما هو ده يتشال ازاى ده
رنا: ازاى ايه ياعمر (وقربت منهم وشالت الولد وقربت من هنا) خدى يا حبيبتى رضعيه
هنا: شكرا يا طنط(وبصت لعمر بغيظ
رنا:(بصت لعمر) لازم تتعلم تشيل البيبى ياحبيبى ده ابنك
عمر: والله خايف اتعبه
رنا:(بضحكه) فكرتنى بابوك قعد تلات شهور على ما عرف يشيلك ولا يلمسك حتى كان ديما انا هبقى قوى عليه يتكسر فى ايده وانا افضل اقوله انو مش ازاز او قشر بيض هيتكسر من اللمس وهو ابدا
عمر:(بص لهنا) عرفتى انو كلنا بنخاف
هنا:(بصت لعمر) منا مش خايفه وشلته
عمر:(بصلها) لا والله انتى كنتى خايفه تقومى تشليه من على السرير اصلا وعايزه حد يشيلهولك
رنا:(بصت لهنا) حتى انتى ياهنا
هنا:(بصت لرنا) بصراحه بقا اه وكمان هو عايز يغير مش عاوز ياكله وعياط من الغيار وانا بقا خايفه اصلا اغيرله يتلوح منى
رنا:(بصت لهنا بصدمه) نعم يتلوح منك
هنا: اه تعالى بقا غيريله (رنا بصتلها وراحت تغير للبيبى وسط ابتسامه عمر وهنا على نفسهم
~~~~~~~~~~~~~~~~~~~~~~~~~~~~~~~~~~~~~~~~~~~
فات يومين على كده عند رحمه ويحيي
رحمه: انا كده لميت باقى الهدوم مافضلش بس الا اللبس الى هنمشي بيه
يحيي: والله مش عاوز امشي المكان هنا تحفه
رحمه: انا بقا متشوقه جدا اشوف ابن هنا
يحيي: اه والله الواحد متشوق يشوفه
رحمه: وماما واختى وبابا واخويا وحشونى جدا
يحيي: ده على اساس انك مكنتيش بتشوفيهم
رحمه: اشوفهم وش لوش غير انو يبقى فى بينا شاشه
(وقربت منه) يحيي هو انا ممكن انزل اشوفهم اول ما نرجع
يحيي: هنبقى تعبانين من السفر نرتاح شويه وبعدين نروحلهم
رحمه: انت ممكن تمنعنى منهم يا يحيي فى يوم
يحيي: لا طبعا انا اتعلمت من عمو مينا حاجه حلوه قووى انى مقطعش صله الرحم ولو انا اعرف حد قطعها لازم احاول معاه يصلحها
رحمه: بحس انو عمو مينا شخصيه كاريزما كده
يحيي: طبعا هو وعمتو هايدى الى مربيين بابا اصلا اصل جدو مات وبابا لسه متولدتش ونينا بردو ماتت وبابا صغير ملحقش يعيش معاهم فاهما الى ربوه لحد ما كبر واتجوز انا افتكر انو كان عمو مينا يقول لبابا سيب يحيي عندى ده ابنى مش ابنك اكتر الوقت اصلا انا وادم ويحيي ورائد مع بعض من يوم ما وعينا على الدنيا لقينا نفسنا احنا مع بعض دراسه خروج نوم يعنى اصلا احنا بيت واحد قبل ماكل واحد ياخد بيت لوحدو لم يحبو يدورو علينا ويلاقونا ،، يلاقونا فارشين فى الارض وسيبين السراير ونايمين جمب بعض
رحمه:ربنا يخليكو لبعض يارب
يحيي:يارب ويخليكى ليا يا قلبى يارب (رحمه ابتسمت ويحيي قرب منها رحمه بعدت عنه يحيي كمل كلامه)ايه يابنى مشيتى ليه
رحمه:ورنا سفر ياقلبى يلا قوم نجهز
يحيي:(بتنهيده) ماشي ياختى
رحمه:وهنزل نجيب هديا للكل
يحيي:ماشي ياختى يلا (وقامو الاتنين لبسو ونزلو يشترو الى هما عاوزينه
~~~~~~~~~~~~~~~~~~~~~~~~~~~~~~~~~~~~~~~~~~
عند سليم فى الاوضه قاعد دخلتله رنا
رنا:(خبطت ودخلت) سليم عمتك هنا اهيه بتشوف هنا وبتطمن عليها وهتيجى علشان الحقنه بتاعتك
سليم:(بص لرنا) ماما قولى انك بتهزرى ومش هتعملى كده
رنا: ودى حاجه فيها هزار
سليم:(بص لرنا بصدمه) ماما انا مش هاخد حقن من عمتو متقوليلهاش حاجه
رنا: مقولتلهاش يا سليم هيا الى قالت لم جات
سليم:) قام وقف ولبس الكوتش بتاعه) طب انا نازل بقا وهمشي
رنا:(باستغراب) هتمشي تروح فين وانت لسه خارج من المستشفى
سليم: منا مش هقعد اخد علاج منها انا يا ماما مينفعش
رنا: ليه بقا ده عمتك ياحبيبى
سليم: ماما انا مش هاخد حاجه وقام اخد غيار ودخل الحمام
هايدى:(دخلت اوضه سليم) فين سليم يارنا
رنا: مش عاوز ياخد علاج ياهايدى انا تعبت من الواد ده حازم وكنا لم نغصب عليه بياخدها لاكن ده اعمل معاه ايه اغصيب عليه ازاى اعمله زى حازم واخواته يمسكوه
هايدى: لا طبعا هو سليم قد حازم يا رنا (سليم خرج من الحمام هايدى بصتله وكملت كلامها) رايح فين ياسليم
سليم:(مبصلهاش) خارج مع اصحابى
هايدى: مينفعش تخرج دلوقتى
سليم: ليه
هايدى: اولا انت لسه تعبان ثانيا انت ليك علاج دلوقتى
سليم: انا مش هاخد علاج اصلا
هايدى: مينفعش ماتخدوتش علاج هتتعب وتدخل المستشفى تانى
سليم: ماشي هنزل اخدها فى عند ادم
هايدى: ادم مش فى الشركه عنده مؤتمر النهارده وعمك محمد عنده عمليات
سليم: هنزل لاى حد فى صيدليه يدهالى
هايدى: انت مكسوف منى ياسليم (سليم سكت ،، كملت هايدى كلامها) ياحبيبى غير انى عمتك الطب مافيهوش احراج
سليم: ياعمتو انا هنزل اخدها تحت
رنا: مش هتاخدها ياسليم انا عارفه ومافيش نزول من هنا قبل ما تاخد علاجك
سليم:(بص لرنا) خلاص ياماما ادهالى انتى
رنا: منا اتحايلت عليك كتير وسيادتك رافض
هايدى: خلاص يا رنا المهم انو ياخد علاجه وخلاص
رنا: انا خلاص فاض بيا والله مابقتش قادره استحمل
سليم:(بص لرنا بزعل) اعتبارنى عمر ولا حازم ولا سلمى ولا حاتم ياماما واستحملينى بعد اذنكو
هايدى:(بعتاب) ايه الى انتى قولتيه ده يارنا
رنا:(بدموع) هو زعل علشان تعبت من الزعل عليهم
هايدى:(سابتها وخرجت وراء سليم لحقته قبل ما يخرج) سليم
سليم:(مسح دموعه) ايوه ياعمتو
هايدى: ماما مش قصدها ياحبيبى وانت عارف هيا بتحبكو قد ايه
سليم: بس مش بتحبنى انا
هايدى: مين قالك انت روح قلبها يا سليم ده انت لم كنت تعبان كانت بتعيط بدل الدموع دم ياحبيبى مافيش ام بتفرق بين عيالها يعنى لم مش بتحبك هتفضل تتحايل عليك اكتر من ساعه لمجرد انك تاخد علاجك علشان متتعبش (سليم بص فى الارض وسكت ،، كملت هايدى كلامها وهيا ماسكه ايد سليم) يلا ياحبيبى تعالا يلا (ورجعو الاتنين الاوضه تانى رنا كانت بتعيط
سليم:(قرب من رنا ومسك ايدها وباسها) ماما متزعليش منى انا اسف
رنا: مش زعلانه منك يا حبيبى انا خايفه عليك هتتعب ومش هتستحمل تعب تانى وهتقع تانى وانا مش هتسحمل اشوفك تعبان تانى علشان خاطر ماما يا سليم
سليم:(بتنهيده) حاضر ياماما
هايدى هسبكو بقا واطلع بره (طعت هايدى بره لقيت حازم قاعد ومعاه رائد الصغير على رجله ،، كملت هايدى كلامها) زوما ايه ده مين الى اداهولك
حازم: لقيته بيعيط وهنا مش عارفه تسكته اخته منها شوفتى سكت معايا ازاى
هايدى:(بضحكه) ماشي يا حبييى بس دخله لمامته بقا علشان التكيف هنا عالى
حازم:(بصلها يزعل) انا لسه مشلتوش
هايدى: معلشي يازوما علشان ميتعبش
حازم:(بصلها) طب تعالى خوديه بقا
هايدى: ماشي (وراحت اخدت رائد رنا خرجت من اوضه سليم هايدى بصتله) اخد علاجه
رنا: ايوه ربنا يهديه بقا. ايه الى طلع رائد بره
هايدى: كان مع حازم هدخله لمامته بقا علشان ميتعبش من التكيف
رنا: ماشي (ودخلت هايدى ورنا نزلت تغسل ايدها وحازم نزل يتفرج على التليفزيون)
~~~~~~~~~~~~~~~~~~~~~~~~~~~~~~~~~~~~~~~~~~
عدى اسبوع على كده رحمه ويحيي رجعو من السفر عمر بيحاول يبقر مع حازم اكتر وقت علشان ميحسش بالغيره وكمان رنا ومينا وباقى اخواته بيحاولو انهم يهتمو بحازم الفتره ده الاسبوع ده رائد مرحش بيت عمر خاااالص وده قالق مينا جدا
~~~~~~~~~~
فى مكتب مينا الباب خبط ودخل رائد بعد ما مينا اذنله دخل وسلم عليه وقعد
رائد: حضرتك فاضى اتكلم معاك شويه
مينا:(ساب الى فى ايده وبص لرائد) اااه حضرتك وادب نيلت ايه
رائد:(بتزمر) هو انا علشان عاوز اتكلم معاك يبقى عامل مصيبه
مينا: من صغرك انت والباشا التانى طالما حضرتك وفاضي نتكلم يبقى فيها استدعاء ولى امر.
رائد:(بضحكه) ده هما ست سبع عشر مرات الى جبنا فيهم استدعاء وكله بسبب عمر
مينا: عمر بردو والله الواد ده كان مظلوم معاك بتعمل المصيبه وتلبسهاله وابوك ياما قالى ابني الى بيغلط وانا اروح ابهدل عمر ومكنتش بصدق ابوك
رائد:(بحزن) الله يرحمه كان بيحبنى قوى
مينا:(برفعه حاجب) صدقتك انا كده صح عاوز ايه يارائد
رائد: بجد والله عاوز اتكلم معاك شويه بس مش هنا انا عزمك بره
مينا: عزمنى جديده دى
رائد: بس انت الى هتحاسب (مينا بصله ،، كمل رائد كلامه) يعنى اعزمك واحاسب اعمل الاتنين
مينا:(بنفاذ صبر) قدامى خمس دقائق الم الورق ده استنانى
رائد:(قام وقف) هروح ارخم على الموظفات الى بره على ما تخلص
مينا:(برفعه حاجب) نعم
رائد:(بصله) هروح ارخم على الواد حاتم على تخلص (رائد ساب مينا ومشي)
مينا:(بتنهيده) هيفضل زى ماهو
~~~~~~~~~~~~~~~~~~~~~~~~~~~~~~~
ظهرو مينا ورائد فى كافيه على النيل وقدمهم اتنين قهوه
مينا: ها يابنى بقالك ساعه بتتكلم فى كلام مش راكب على بعضه هات من الاخر
رائد: مش ديما تقولى اتجوز وشوفلك واحده تونسك وتملى الدنيا عليك
مينا: ياريت مين دى وانا اخطبهالك على طول
رائد: حضرتك شايفنى ازاى الاول لسه الشاب الطايش الى مش عارف مصلحته زى ما كنت بتقولى هتعقل امتى
مينا: وده هيهمك يعنى
رائد: اه هيهمنى
مينا: بعيد عن هزارك فانت شاب كويس محترم جدا كفايه بس سيره بباك ومامتك وانت نفسك مكافح وبتحب شغلك ويعتمد عليك واى اب مش هيعوز لبنته حاجه احسن من كده
رائد: يعنى لو طلبت من حضرتك ايد سلمى هتوافق (مينا بصله ،، رائد كمل كلامه) ايوه انا بحب سلمى وعاوز اخطبها
مينا:(بصله شويه) علشان كده مكنتش بتيجى الايام الى فاتت
رائد: ايوه بصراحه يعنى لم لقيت نفسي معجب بيها وبدأت اتشدلها قولت لنفسي لا مش هسمحى لنفسي ابص لبنت الناس الى فتحولى بيتهم عملونى على انى ابنهم لم بحتاجهم فى حاجه بلاقيهم جمبى وقت تعب فرح حزن الم اى حاجه بتكونو جمبى كفايه قوى لم كنت بدمر نفسي بايدى لولا تدخلك انا مكنتش هبقى قاعد معاك دلوقتى مكنتش هبقى موجود فى الدنيا
مينا: متقولش كده بس
رائد: بس دى حقيقه انا كنت بموت نفسي بالبطئ (بتنهيده) ده مش موضعنا اصلا حضرتك قولت ايه
مينا: انا شايف سلمى لسه صغيره على الجواز ومسؤليه وبيت وعيال
رائد: بس هيا مش صغيره قدها اتجوزو وفتحو بيوت
مينا: واصغر منها كمان بس سلمى
رائد: وانا مش عاوزها خدامه انا عاوزها زوجه وونس واكيد مش هتبقى قلقان عليها معايا
مينا: لا طبعا مش هبقى قلقان عليها بس
رائد: انا مش عاوز من حضرتك رد دلوقتى بس صدقنى انا بحبها جدا ولو رفضت انا مش ممكن ابصلها تانى باى نظره غير انها اخت وبس
مينا: انا هكلم رنا هكلم سلمى واخواتها عمر يعرف
رائد: لا انا اول ماحسيت الاحساس ده بعدت عن كله علشان افكر صح واعرف اذا كنت فعلا قد الخطوه دى ولا ايه وانا بحبها بجد ولا لاء بس صدقنى ياعمو انا من يوم ما حسيت انو سلمى مش اخت ومشاعرى اتحركت ناحيتها انا مدخلتش البيت الا مره وكنت متاكد انها مش موجوده
مينا: وانا عارف دانا الى مربيك ياله انا وابوك ربنا يقدم الى فيه الخير ولو فى نصيب انا هبقى اسعد اب فى الدنيا انو بنته جاله حوازه بالشكل ده ومع حد زيك
رائد:(بكسوف) بس بقا علشان بتكسف
مينا:(بضحكه) يابنى هو انت مبتكلمش الموضوع جد شويه
رائد: لا انا بحب الهزار
مينا:(بص للقهوه) القهوه بردت يلا يلا قوم نشربها بعد الاكل فى البيت
رائد: لا بلاش انا اجى النهارده
مينا: ليه بس يابنى
رائد: لا معلش انا مش هاجى هسيبك النهارده تكلمهم فى البيت وسلمى وطنط يصلو استختاره وبلغى بقرارهم الاخير
مينا: ماشي يا رائد بس ميمنعش انى اوصلك للبيت
رائد: ماشي ادفع بقا حق القهوه انت جايبنى مكان غالى ياعم وانا مش قده
مينا:(بضحكه) ماشي ياعم اللمض (وطلب مينا الحساب ودف الحساب وقامو مشيو وصل رائد وبعدين رجع البيت
~~~~~~~~~~~~~~~~~~~~~~~~~~~~~~~~~~~~~~~~~~
ياترى رد فعل رنا وسلمى ايههه
