#مع_مر_الزمان
#مع_مر_الزمان25
#جزء_حلقه_سابقه
تانى يوم عند فريده ظهرت قدام بيت مينا رنت الجرس وفتحلها سليم دخلت وسلمو على بعض وقعدو مع بعض
سليم: عامله ايه واخبارك ايه يافريده
فريده: الحمدلله ،، سلمى فين
سليم: في اوضتها
فريده: طب انا هطلعلها
سليم:(بص لفريده) انتي سيبتي خطيبك ليه يا فريده
فريده:(بصتله بتوتر) مافيش نصيب نكمل مع بعض
(ولفت عشان تطلع
سليم: بس انا عارف انتي سيبتيه ليه (فريده وقفت وبصتله بصدمه)
#بدايه_الحلقه_الجديده
فريده وقفت وظهرها لسليم
سليم:(قرب منها ووقف قدامها) الكل كان مستغرب انتي ليه فجأه سيبتيه و بدون اسباب رغم أن انتي اللي كنتي مصممه عليه وبتحبيه بس لما عرفت السبب قولت انك عندك حق(فريده بصتله بصه بمعنى كمل كلامك ،، سليم كمل كلامه) طلع قواد... بمعنى اوضح بيدير شبكات دعاره و بيشارك في صنع الافلام الزباله اللي بوظت شباب البلد كلها (فريده فضلت باصه لسليم بصدمه أنه ايه اللي عرفه و عينها مليانه دموع ،، كمل سليم كلامه)واللي انتي متعرفيهوش بقا ان لو كان جوازتكوا كملت كان هيخليكي تشاركي في اللي بيعمله ده و يعطيكي بإيده لاي واحد يطلبك (فريده حطت ايدها على بؤها بشهقه وصدمه و دموعها نازله ،، كمل سليم كلامه)اللي انا هموت وافهمه ليه عمي عباس و بابا وعمي محمد مسألوش عليه وقت الخطوبه ، ممكن يكونوا قالوا إنك بتحبيه فالحب كفايه يعني.. بس اهو طلع مش كفايه خالص
فريدن:(بصتله ودموعها نازله وببكاء) ا انت ع عرفت م منين
سليم: لا الموضوع دا هيطول وعايز قعده طويله، انتي تدخلي اول تغسلي وشك وتطلعي تقعدي مع سلمى عادي و نبقى نتقابل في النادي ونتكلم براحتنا
(وسبها وطلع اوضته ،، فريده بصاله بصدمه ودموع لحد ما غاب عن عنيها بصت حواليها بتوتر وطلعت مناديل ومسحت دموعها الى نزلت بسرعه وطلعت لسلمى
................................................................
عند محمد سعد على الفطار الصبح طلع قعد معاهم على الفطار
ساره:(بصت لمامتها بفرحه وبصت لبباها) صباح الخير يابابا
محمد سعد:(بأبتسامه) صباح الخير يا حبيبتى
يحيي: هو حضرتك خارج ولا ايه يا بابا
محمد سعد: ايوه انا قررت انزل واشوف شغلى
دينا:(بفرحه وقعدت جمبه) ايوه كده يا حبيبى الحبسه وحشه قووى وانت اصلا معملتش حاجه علشان تحبس نفسك كده
يحيي: بصراحه الشركه ناقصه بغياب حضرتك عنها وكل الموظفين كانو عايزين يجو لحضرتك يعرفوك انهم جمبك وفى ظهرك بس اديت لحضرتك وقت ترتاح فيه ونفسيتك ترتاح
محمد سعد: انا كنت محتاج ابعد شويه وافصل دماغى عن كل حاجه
ساره: الحمد لله انو حضرتك فوقت بسرعه
مروان:ايوه الحمد لله وحشني الكلام معاك يا بابا ووحشتنى نصايحك
محمد سعد:الى انت بتعمل بيها
مروان:ايه يا بابا اول ما تفوق هتفوق عليا
يحيي:برحته يابنى
دينا:ربنا يديم التجمع ده يارب وتديم الفرحه بنا
الكل:يارب (وفطرو وكل واحد نزل يشوف وراه ايه)
..............................................................
(فى بيت عباس متجمعين كلهم)
محمد عباس:الحلفه هتبدأ امتى يا مالك
مالك:9 انتو لازم تكونو معايا
محمد.عباس:هخلص واروح اعطى حازم الحقنه وهجيلك
مالك:اى حد يعطى حازم مش لازم حضرتك يعنى
هايدى:بيخاف يا مالك بيطمن مع بابا شويه
مالك: واد خرع خالص والله وبيفضح الفضايح الفضايح
أدم:ربنا ما يوريك الى هو فيه يا مالك
مالك:انا ماليش دعوه بكل ده انا ليا تكونو جمبى اول حفله هتتذاع على التليفزيون
هايدى: ربنا يسهل يا حبيبي ويوفقك
أدم:(بص لهايدى)هيا فريده مالها
هايدى:هيا كويسه متخفش (فجأه فريده سمعت صوت موبايلها بصوت رساله
فريده:(فتحت الرساله كانت من سليم ،، فى بالها)مستنيكى بكره فى النادى الساعه اربعه
هايدى:من مين الرساله يا فريده
فريده:(بصتلها)من واحده صاحبتى بعد أذنكو (وسابتهم وطلعت كلهم تنهدو بحزن عليها وسكتو)
...................................................................
عند حاتم الى راجع من بره مضايق وعلى اخره
سلمى: حمد الله على سلامتك يا جميل
حاتم:(زق ايدها بعصبيه)ايه الى بتعمليه ده ،، ده اسمه شغل عيال اكبرى بقا انتى كبرتى على كده
سلمى:(بزعل)انا بهز معاك يا حاتم فى ايه
حاتم:(بنرفزه)فى انى مش كايق هزارك الطفولى ده (وزقها)اوعى من وشي بقا (سلمى بصتله بزعل ولسه خاتم هيطلع لقى رنا خارجه من المطبخ)
رنا:(بجديه)حاتم (حاتم بصلها ،، سلمى راحت لمامتها وعنيها فيها دموع) في ايه مالك صوتك عالي ليه و بتزعق لأختك ليه
حاتم:(بضيق) ماما انا مش فايق لدلعها دلوقتي ولا فايق لأي كلام خالص انا عايز اطلع اتخمد (ولسه بيلف علشان يطلع)
رنا:(بجديه) استنى هنا انا مقولتلكش تطلع ،، في ايه لعصبيتك دي و ايه اللي مخليك تزعق في اختك و تتكلم معايا بالطريقه دي
حاتم:(نزل وقعد بزهق)اتخانقت انا ومروان
رنا:(قعدت قدامه هيا وسلمى) ليه
حاتم:( بضيق)علشان كنا متفقين نتقابل وفضلت مستنيه بس بقا للاسف الاستاذ مجاش ولم رحت اطمن عليه ساره قالتى انو نايم طلعت واتخانقت معاه وسبته ومشيت
رنا:(بصدمه من طريقه ابنها) يعنى انت رحت عند عمك علشان تتخانق مع ابنه الى هو بيشتغل فى مكتب مخامى وبيروح محكمه وقواضي ولف طول النهار وبيرجع لشركن ابوه يشوف وراه ايه يخلصه ،، وانت روحت اتخانقت معاه في بيت عمك عشان رجع من شغله تعبان و نام يا بجاحتك يا اخي ،، يعني مش عامل احترام لعمك ولا لمراته و كمان مش مقدر تعب أقرب حد ليك دا بدل ما كنت تقوله ارتاح و تأجلوا الخروجه ليوم اجازه
حاتم:(بنرفزه)خلاص بقا ميبقاش يتفق معايا على ممواعيد
رنا:(يجديه)اتكلم بأدب
حاتم:يا ماما هو انا عملت ايه انا استنيته كتير وقافل موبايله ونايم وانا مستنيه فى الشارع
رنا:ماهو رجع تعبان
حاتم: يقولى يا ماما
رنا:من تعبه نسى ونام تقوم تلومه ،، قوم اطلع يا حاتم قوم (حاتم بصلها وقام طلع ،، رنا بصت لسلمى الى كانت لسه بتعيط)متزعليش يا حبيبى(سلمى بصتلها بدموع وحضنت رنا ورنا حضنتها)
....................................................................
(في بيت عمر ظهر عمر واقف قدام المراية بيلبس علشان خارج ولابس تيشرت موف على بنطلون جينز هنا هتدخل الأوضة وهو بيظبط شعره هتفضل واحدة على الباب بتبصيله)
عمر(بص عليها من المراية بإستغراب) هتفضلي واقفة عندك كده! وبتبصي عليا ليه كده!!
هنا(بهيام) ببص عليك
عمر(بضحكة) ليه مُعجبة ولاإي!!
هنا(بضحكة وهيام) ماأنا على طول مُعجبة بيك ..
عمر(بصلها وراح لعندها ومسك إيديها) مالك حاسس إنك عاوزة تقولي حاجة..
هنا(إنفجرت في الكلام وبسرعة) أها عاوزة أقول مش عاوزاك تخرج بلبسك ده ..
عمر(بإستغراب) ليه!! ماله لبسي؟!
هنا(بغيرة واضحة) أها مش عاوزاك تخرج كده لأن أي واحدة هتشوفك هتفضل تبص عليك ويعاكسوك بقي وأنا محبش حد يبص لجوزي..
عمر(بضحكة وحُب) مايبصوا براحتهم المهم أنا ببص وشايف مين! أنا مش شايف في حياتي غيرك ياهنايا إنتِ قلبي وروحي ودنيتي وحياتي كلها ..
هنا(هتبصله بحُب وبإبتسامة) غيره برضوا ياحبيبي..
عمر(بضحكة) طيب إخلصي يالمضة وهاتيلي لبس تاني بس هاتي حاجة شيك برضو ..
هنا(بحُب) إنت شيك في كل حالاتك ياحبيبي ..
(عمر هيبصلها بإبتسامة وحُب باين في عنيه وهنا راحت علي الدولاب تختارله هدوم شوية وطلعتله طقم بنطلون جينز إسود وقميص إسود وكوتشي أبيض)
عمر(بضحكة) ها ياستي كده تمام مبسوطة كده ؟!
هنا(بإبتسامة) أها طبعاً
عمر(بإبتسامة) طيب يلا علشان ننزل وخليكِ قاعدة معاهم تحت بقي لحد ماأجي علشان ماتقعديش لوحدك وتزهقي ..
(وأخدها ونزلوا وسلمي اللي فاتحتلهم بصتلهم بإبتسامة وسلمت عليهم)
سلمي(بصت لعمر بإبتسامة) إي الشياكة دي ياأبيه على فين العزم كده؟!
عمر(بإبتسامة) خارج مع رائد وناس إصحابنا ..
سلمي(بغمزة) الإسود هيأكل منك حتة كالعادة طول عمري بشوف أن لما تلبس إسود كده بتبقي شبه أبطال الروايات اللي بنقرأها ..
عمر(بضحكة) لا ده أنا كده هتغر بقي وأشوف نفسي عليكم ..
سلمي(بضحكة) حقك تتغر وتشوف نفسك ياباشا ..
عمر(بإبتسامة) مش هخلص من لماضتك وهتأخر يلا سلام
(مشي عمر وهنا خرجت معاه لحد الباب علشان تودعه وسط تغيرها المفاجئ)
عمر(بإستغراب) مالك كشرتي فجأة كده ليه !!
هنا(بضيق) هو أنا لو قولتلك تطلع تغير الطقم ده هتقول حاجة؟!
عمر(بصدمة) هقول عليكِ مجنونة ياروحي (ويمسكها من خدودها وبإبتسامة) أصل مش معقول تغيري عليا من سلمي يعني!!
هنا(بضيق وغيرة) وبغير عليك من طنط رنا كمان ..
عمر(باس دماغها وبإبتسامة) لا الموضوع ده بقي نتكلم فيه لما أجي بإذن الله لإني إتأخرت سلام ياهنايا ..
(مشي عمر راح لإصحابه وهنا دخلت جوا سلمت عليهم وقعدت مع رنا وسلمي يتكلموا ويضحكوا سوا)
....................................................................بعد شويه ظهر مروان فى اوضه حاتم ،، حاتم نايم ومغطى نفسه وعامل نفسه نايم ومروان جمبه
مروان:(بزعل) والله يا حاتم نسيت المعاد خالص ،، انا كنت راجع تعبان جدا ولم شوفت السرير نسيت كل حاجه انا حتى مفطرتش والله العظيم لسه (بردو حاتم نايم ومش بيرد على مروان ،، مروان كمل كلامه) يابنى قلبى وحعنى من كتر المناهده معاك
حاتم:(قام قعد) بيوجعك ازاى
مروان: من كتر المحايله عليك
حاتم:انا زعلان منك اصلا
مروان:انا عمرى كنسلت معاك خروجه بس كنت مرهق جدا كان عندى كذا قضيه وشغل فى الشركه تعبت والله جدا
حاتم:طب بطل زن بقا علشان انا اتهزقت من ماما بسببك
مروان:(بضحكه)ليه
حاتم:علشان جيت عندكو وزعقت معاك ماما زعقلتى وقالتى تلاقيه تعبان ولا حاجه ويا بجح اتهزقت
مروان: علشان انت مهزء يا حبيبى
حاتم:هديك قلم اعيشك بعاهه مستديمه دلوقتى
مروان:(شد حاتم من ايده)قوم بقا بقولك مفطرتش
حاتم:روح افطر فى بيتكو
مروان:انا عايز افطر من ايد طنط رنا النهارده (ونزلو الاتنين مع بعض
حاتم:(بص لرنا وراح باس ايدها)متزعليش منى يا ماما انا اسف
رنا:بقيت بتزعق معايا
حاتم:انو كنت مضايق والله(وبص لسلمى)متزعليش (وباس دماغها)
سلمى: مش بعرف ازعل منك اصلا
مينا:(خرج من مكتبه)ازيك يا مروان
مروان:(قام وسلمى على مينا وحضنه وباسه)ازى حضرتك يا عمى
مينا:انا كويس انت هنا من بدرى
حاتم:عازم نفسه عنده بطرد فيه مبينطردش
مروان:اطرودنى لم يبقر بيتك انا جاى بيت عمى ومرات عمى وبالغيظه فيك بقا (واكل من الاكل الى حطاه رنا ،، وبص لحاتم وطلعله لسانه وبيغيظه حاتم حدفه بتفاحه كانت قدامه
مينا:(بجديه)بس ياحاتم الهزار مش بالاكل يلا اقعدو كلو بقا وبطلو لعب اومال سليم وحازم وعمر فين
رنا:(بصت لمينا)حازم اتعشى ونام وسليم وعمر بره هيتعشو مع اصحابهم
حاتم:(بص لمروان)كان زمانا بنتعشي بره احنا كمان
مروان:خلاص بقا يا حاتم (اتجمعو كلهم على العشا ومعاهم مروان واتعشو وقام مروان وحاتم قعدو مع بعض ومينا رجع مكتبه ورنا وسلمى دخلو يخلصو المطبخ
...................................................................
تانى عند يحيي الى ظهر مع خطيبته فى شقه ومعاهم مريم ومامتها
نهله:(مسكت ايد مريم) طب احنا هنتفرج على الشقه
يحيي:(بعد ما نهله ومريم مشيو بص لرحمه) الشقه حلوه
رحمه:(بقلق وخوف) اه حلوه (وبتبص على البلكونه
يحيي: تيجى نطلع البلكونه المنظر حلو قووى من هنا
رحمه:(بخوف) بلاش علشان خاطرى انا خايفة
يحيي: متخفيش انا معاكى(ومسك ايدها واخدها وطلعو البلكونه وقف وبص منها ورحمه فضلت بعيد ،، يحيي كمل كلامه) انتى هتفضلى بعيد كده تعالى
رحمه:(بخوف) لا انا كويسه هنا
يحيي: متخافيش والله
رحمه:(بخوف) بلاش انا بخاف من الامكان العاليه
يحيي: يعنى بلاش الشقه دى
رحمه: انا حبيتها جدا (برعشه باينه عليها) ب بس مح محبتش بلكونتها
يحيي: على فكره يا رحمه لازم تتحدى خوفك ده وتيجي تبصى من هنا هتنسى خوفك صدقيني
رحمه: انا حاولت ابص من اماكن عاليه بحس انى هقع منها وبيتهيلى حاجات تانية مش حلوه خلينى بعيد عن البلكونه
يحيي: اومال لم تتحوزى هتنشري ازاى
رحمه:(بصت للبلكونه) البلكونه واسعه هعمل منشر فيها وهعمل ركنه ارضيه فيها(وبدأت تتحرك وترتب الاماكن لى دماغها وقربت من السور من غير ما تحس) وومكن اجيب مر (وفجأه لقيت نفسها جمب السور وقفت مكانها من خوفها معرفتش تتحرك)
يحيي:(وقف جمبها وحط ايده على السور وبصلها) جربى اقفى زى وبصى من البلكونه
رحمه:(بصتله بخوف وحطت ايدها على السور وجربت تبص فى الشارع رجعت لوراء بسرعه بخوف) لا اااا
يحيي:(بضحكه وخضه) ايه يابنتى خضتينى ،، طب اقولك انسى علو الشقه وحطى ايدك على السور وبصيلى واتكلمى معايا (رحمه عملت كده واتجنبت بص للشارع وبصت ليحيي وبدأو يتكلمو وبدأت رحمه تتحرك برحتها ونسيت خوفها واندمجت مع يحيي فى الكلام)
....................................................................
(فـي النادي ظهر سليم وفريدة اللي كان باين عليها الحزن والتوتر سليم بصلها بحزن وتنهد)
سليم:(بإبتسامة) عاملة إيه يافريدة؟!
فريدة:(بحزن باين في صوتها) الحمدلله ياأبيه ، أديني جيت زي ماقولت أهو قولـي بقي الموضوع كله وإزاي عرفت أصلاً الموضوع ده!!
سليم:(بصلها بتنهيدة وبجدية) بصي ياستي هحكيلك..
#فلاش_باك
(ظهر سليم بالليل ف النادي وكان معاه صاحبه وقاعدين يتكلموا مع بعض وفجأة سليم لمح خطيب فريده إستأذن من صاحبه وراح يسلم عليه)
سليم:(بإبتسامة) إزيك يافارس عامل إيه!!
فارس:(بهدوء وإبتسامة بسيطة) بخير الحمدلله إزيك إنت؟!
سليم:(بهدوء) بخير الحمدلله أنا لمحتك قولت أجي أسلم وأطمن عليك..
فارس:(بهدوء وإبتسامة) تسلم يارب ياسليم بس هستأذن أنا بقي معلهش عندي معاد مع ناس ومضطر أمشي..
سليم:(بإبتسامة) آها طبعاً إتفضل..
(مشي فارس ورجع سليم قعد مع صاحبه وسط صدمته وسكوته)
سليم:(بإستغراب من سكوت صاحبه) مالك يابني بتبصلي ليه كدهه! وإقفل بؤك ده الدبان هيدخل..
معتز:(بصدمة) إنت إيه اللي موقفك مع الشخص ده وتعرفه منين أصلاً ..
سليم:(بإستغراب) شخص مين تقصد فارس؟!
معتز:(بتريقة) آها سي فارس تعرفه منين!!
سليم:(بإستغراب من أسلوبه) مالك يابني بتتكلم كدهه ليه على العموم ده يبقى خطيب فريدة بنت عمتي ..
معتز:(بصدمة وزعيق) نععععععم ياأخوياا خطيب مين!
سليم:(بإستغراب) صوتك يابني وبعدين مالك مش فاهم حاجة منك ماله يعني!!
معتز:(بإستغراب) إنتو ماسألتوش عليه ولاإيه يابني قبل الخطوبة دي!
سليم:(بهدوء) أكيد سألوا بس أصلاً هما بيحبوا بعض يابني علشان كدهه الأمر جه ع طول وإتخطبوا..
معتز:(بتريقة وضيق من الشخص ده) حُب! آها قولتلي طيب إشمعني بقي ياسليم فارس اللي يتقول عليه خطيب بنت عمتك ده قواد عارف يعني إيه قواد!! ياريته مثلاً شخص شمال لا ده قواد وأكيد مش محتاج مني أقولك يعني إيه قواد أكيد إنت عارف..
سليم :(بصدمة) إنت يتقول إيه يامعتز !!!!!!
معتز:(بهدوء) والله هو كدهه وكل النادي بيتكلم عن إنه يعتبر أشهر قواد أصلاً ف مصر..
سليم:(فاق من صدمته وبصله بجدية) إنت متأكد من الكلام ده يامعتز!!
معتز:(بثقة) متأكد جداً زي ماأنا شايفك قدامي كدهه الشخص ده قواد وبيقرب من أي بنت عشان يكبر شغله يعني لازم تكلمهم ف البيت وتفشكلوا الخطوبة دي لأن بنت عمتك هتبقى ماهي إلا ضحية زيها زي باقي البنات اللي إرتبط بيهم قبلها للأسف..
سليم:(بتوهان) هتصرف أنا ماتقلقش وكويس أوي إنـي عرفت بدل ماكانت الأمور أخدت مسار تانـي..
#إنتهاء_فلاش_باك
(ظهر سليم قاعد وهو بيحكي لفريدة اللي باين عليها الصدمة ومنهارة من العياط بدون كلام)
سليم:(بجدية) أنا فضلت فـي صدمة وخايف أصدق كلام صاحبي وخايف عليكِ ليأذيكِ في أي وقت لدرجة إني بقيت براقبك من غير ما تحسي عشان ميفكرش يأذيكي وبراقبه هو كمان عشان أتأكد برضو من الكلام ده ، وطول ماأنا براقبه كنت بتأكد من كل كلمه صاحبي قلهالي وبالفعل طلع قواد و شوفته في مناظر قذرة و بيساهم في إخراج الأفلام الزبالة وعنده أكتر من كباريه و بعد ما إتأكدت كنت هتجنن هموت وأقولك بس خوفت متصدقينيش عشان كنتِ بتحبيه فمش سهل عليك تصدقي عليه حاجة، وكمان خوفت أقول لبابا ولا عمي عباس ياخدوا موقف في وقت عصبية و يدمروكِ لغاية بعدها بكام يوم عرفت إنك سيبتيه من غير سبب وإنك منهارة ومبتقوليش أسبابك فوقتها إتأكدت إنك عرفتي حاجة ووقتها فرحت إنك فوقتي من وهم الحب اللي كان مفهمهولك ده..
فريدة:(بصتله بحزن ودموع مغرقة وشها وسكتت ماإتكلمتش)
سليم:(ناولها منديل وكمل كلامه بحزن عليها) أنا عارف إن الأمر صعب عليكِ بس صدقيني ده خير وكويس إن الموضوع إتكشف الوقتي بدل ما ياعالم كان هيحصل إيه لما تتجوزوا ومرة ف مرة هتنسي وتعيشي حياتك وتحبي وتتجوزي شخص يصونك كمان المهم ماتزعليش نفسك وماتخليش الحزن اللي شايفه ده يستمر كتير وتأكدي من مقولة الخير يكمن ف الشر فكل حاجة بنفكرها شر لينا هيا ف الأساس خير لينا يافريدة والله..
فريدة:(بدموع وصوت واطي) الحمدالله..
(ف الوقت ده سليم كان طلبلها عصير ليمون علشان تشربه وتهدي شوية لإنها كانت منهارة جداً شوية وجه النادل وحط قدامها العصير ومشي)
سليم:(بإبتسامة) يلا إشربـي العصير علشان نمشي ..
فريدة:(بحزن وهدوء) لا مش عاوزة ماليش نفس والله..
سليم:(بضحكة وهزار) والله مايحصل يعني جايبلك عصير ومظبطك ومغرم نفسي وتقولـي مش شاربة لاقـي فلوسي ف الشارع أنا إشربـي يلاا يا أختشي مش شاربة آل..
فريدة:(بضحكة بسيطة وبدأت تشرب وفجأة بصتله) شكراً ياأبيه على وقفتك معايا..
سايم:(بإبتسامة) إنت بنت عمتي يافريدة واللي يأذيكِ يأذيني أي حاجة تحتاجيها أنا موجود وأي وقت محتاجة تتكلمي كلميني إنتِ زي سلمى إتفقنا؟!
فريدة:(بإبتسامة بسيطة) بإذن الله إتفقنا..
(خلصت فريدة العصير وسليم دفع الحساب وأخذها ومشوا وسط إرتايحه إنه حكي لفريدة وعرفها كل حاجة)
................................................................
عند رنا وسلمى وحازم وبيتفرجوا على التليفزيون على مسلسل
رنا:(بحزن) ياقلبي يابني الراجل دا مفتري و مش مقدر حالة الشاب ده و بيعامله بطريقه مستفزه اوي
سلمى:(بصت لحازم والاتنين ضحكوا بصوت عالي
،، سلمى بضحكه) ايه يا مامي انتي متأثره كدا ليه دا مسلسل يعني دول بيمثلوا
رنا: تمثيل بس في نماذج من دي حقيقيه والناس بتعاملهم بطريقه مش كويسه
حازم: والله الدور والباقي على الكئيبه اللي جيبالنا مسلسل كئيب زيها
رنا:(بصت لسلمى) اه صحيح ايه اللي انتي جيباه ده هو المسلسل دا اسمه ايه و دا هندي ولا تركي ولا صيني ده
سلمى: يا مامي دا مسلسل تركي اسمه الطبيب المعجزه واكيد دا شغل مسلسلات يعني أصل اكيد مافيش حد هيبقى عنده توحد ويبقى دكتور جراح كمان ( فجأه لاقوا الباب اتفتح و مينا دخل ،، سلمى وقفت وقربت من مينا وباسته من خده) حمدالله على السلامه يا بابي
مينا: الله يسلمك يا حبيبتي، عامل ايه يا حازم
حازم: انا كويس يا بابا الحمد لله
مينا:(بص لرنا) هي ماما مالها حد فيكوا مزعلها ولا ايه
حازم وسلمى: لا طبعا هو حد يقدر يزعل رنوش هانم
سلمى: مامي متأثر بمسلسل بنتفرح عليه
مينا:(قعد جمب رنا) اهااا مسلسل معلش ياولاد أصل مامتكوا حساسه بزياده
رنا:(بصت لمينا) شكلك بتتريق شكرا اوي
مينا:(ضحك من منظرها) شكلك زعلتي قومي وانا اصالحك
رنا:( بهمس) مينا بس بقا العيال قاعدين عيب كدا
مينا: شكلك دماغك كدا مش كويسه انا تفكيري محترم على فكره
رنا: طيب ياللي تفكيرك محترم انا هقوم أحضر الاكل
مينا:(بص لسلمى) قومي ياسلمى انتي كدا سخني و جهزي السفره زي البنات الشاطرين
سلمى: حاضر (وسابتهم ودخلن المطبخ (مينا مسك ايد رنا وجايين يطلعوا
حازم: راحين فين يا بابا مش حضرتك جعان وسلمى بتحضر الاكل
مينا: دقيقه ونازلين يا حازم
حازم:(بغلاسه) في حاجه ولا ايه
مينا: طالعين دقيقه مامتك هتحطيلي قطره وننزل
حازم:(بضحكه) قطره.. اممم حلو موضوع القطره ده
مينا:( بضحكه) امشي ياولد انا مش فاضيلك(وطلعو الاتنين ورنا مكسوفه من كلام حازم ،، حازم قلب التليفزيون على فيلم اجنبى)
...................................................................
تفتكرو ايه الى ممكن يحصل تانى لو عاوزين تعرفو استنونا الحلقه الة جايه
#hadeer
#rody
#hager
