#مع_مر_الزمان
#مع_مر_الزمان_18
#جزء_من_حلقه_سابقه
(في بيت عباس ظهروا دينا وهايدي قاعدين مع بعض وبيتكلموا)
دينا:(بعياط) بعد العمر ده كله جاى يعمل معايا كده ليه أنا نفسى أفهم!!
هايدى:(بتحاول تهديها) طب بس إهدى وفهمينى لأن أنا مش فاهمة حاجه منك ومن كلامك فى التليفون
دينا:(بصت لهايدى بعياط ) إيه اللي مفهمتوش ياهايدى بقولك أخوك اتجوز عليا واحدة من سن عياله!!
هايدى:(بصدمة وعدم إستيعاب) ها !! إنتِ بتقولي إيه يادينا انتى بتهزرى صح!!
دينا:(بصتلها بعياط) لا مبهزرش أخوكِ إتجوز (هايدى بصتلها بصدمة )
#بدايه_الحلقه_الجديده
هايدى:(بصدمه) انتي بتقولي ا يه يا دينا مستحيل محمد يعمل كدا
دينا:(بعدم وعى) انا كنت بقول زيك كدا بس بقاله فتره متغير و طريقته بقت غريبه وراقبته لغاية ما اتاكدت
هايدي:(بصدمه )يا نهار اسود طب ليه كدا
دينا: انتي بتسأليني انا ليه كدا، ما تروحي تسالي الباشا اخوكي
هايدي: لا حول ولا قوة الا بالله.. طب تحبي اقول لمينا يتدخل
دينا: لا طبعا و غير كدا محمد مش صغير انه يسمع كلام اخوه هو خلاص بقا ماشي بدماغه وراح اتجوز واحده قد عياله ولا أصغر كمان
هايدي: انا مش عارفه اقول ولا اعمل ايه بجد، حاسه اني في كابوس و بتمنى افوق منه بقا طب انتى ناويه على ايه
دينا:(بتوهان) مش عارفه والله مشس عارفه انا مصدومه ومش عارفه افكر
هايدى: واجيهه ,, افضل حل هو المواجهه
دينا: اواجه
هايدى: اه افضل حل علشان توصلى ليه عمل كده وانتى أثرتى فى ايه(دينا بصتلها وبصت قدامها ورجعت بصت لهايدى واخدت شنطتها ومشيت )
.............................................................................................................
في بيت مينا فريده قاعده مع سلمى بيتكلموا وهما قدام التلفزيون
سلمى:(بفرحه) قشطه بقا يعني هيتقدملك بجد وهيبقى عندنا فرح وتبقي عروسه وانا اخت العروسه اخيييييرا
فريده:(بفرحه) انا فرحانه اوي جدا.. الحب دا حاجه حلوه اوي يا سولي بالأخص لما نهايته تبقى خطوبه و جواز
سلمى:(بغمزه) اممممم سيدي ياسيدي وبقينا نعرف نقول كلام حلو و محن وبقينا خبره اهو
فريده:(بضحكه) اه طبعا يابنتي طول عمري خبره بس ميبانش عليا
سلمى:(بضحكه) طبعا طلعالي
سليم:(نزل وقرب منهم( ازيك يا ديدا عامله ايه
فريده: الحمدلله كويسه يا ابيه
سليم: كنتوا بتضحكوا على ايه بقا انتوا الاتنين
سلمى : لا عادي الطبيعي بتاعنا كدا
سليم: مجانيين يعني بتضحكوا من غير سبب
سلمى:( بضحكه) اه مجانيين(حازم خرج من المطبخ وهو لابس شورت ومش لابس تيشرت ,, فريده بصتله وضحكت من منظره)
سلمى: انت طالعنا بمنظرك دا ليه الله يفضحك
حازم : انتي مالك انتي يابت انا حر
فريده:(بضحكه) اكيد انت حر يا زوما بس احنا هنا في البيت مش ف البحر ولا على البيسين عشان تقعد كدا
حازم: لو بتتكسفي متبصيش يااختي
فريده: انت بجح ياله
سلمى:(وقفت ومسكت ايد فريده وقفتها) احنا طالعين اوضتي عشان منشوفش المناظر دي، غور من قدامي(و طلعوا الاتنين اوضه سلمى)
سليم:(صيله بجديه) صحيح انت نازل من اوضتك كدا ليه وانت عارف ان فريده هنا
حازم: والله ما اعرف انها هنا انا كنت في المطبخ من ساعتها كنت جعان و ماما عملالي اكل و باكل
سليم: وانت نازل المطبخ بمنظرك كدا ازاي
حازم:ما انا كنت نايم وانا بنام كدا ولما صحيت لقيتني جعان والجو حر فنزلت بقا
سليم:(تنهد بنفاذ صبر )اطلع يابني اطلع استر نفسك
حازم : حاضر(وطلع وهو بيبرطم وفى سره) استر نفسي ليه هما قفشوني بملايه ولا ايه
سليم:(واقف مكانه وفى نفسه وهو بيضحك )الواد نازل بمنظره ده عرنا والله (وقعد قدام التليفزيون)
...............................................................................
اما فى شقه محمد سعد ,,, محمد سعد رجع من بره لاقي ولاده قاعدين قدام التليفزيون
مروان: جيت في وقتك يا بابا المسرحيه لسه بتبدأ اهو
محمدسعد:(قعد جمبه) مسرحية ايه دي
مروان: وجهة نظر عارف انك بتحبها
محمدسعد: اها.. اومال دينا فين؟!
ساره: ماما في اوضتكم مخرجتش النهارده خالص
محمدسعد: ليه كدا في حاجه ولا ايه
ساره: مش عارفه بقا
يحيى: ادخل شوفها يابابا
مروان: ما تقوم تدخلها وتعرف انت يا بوب علشان هيا مش طايقه حد اصلا
محمدسعد:(ووقف وخبطه على دماغه) بطل تحشر نفسك (مروان بصله ومحمد سابهم ودخل الاوضه ,, لاقي دينا نايمه ع السرير و رابطه دماغها
قرب منها وقعد جمبها على السرير) دينا دينا (دينا فتحت عينها وبصيتله ,,كمل كلامه ) مالك يا حبيبتي فيكي ايه و رابطه دماغك كدا ليه
دينا: مافيش بس مصدعه شويه
محمد سعد: (بقلق) تحبي نروح لدكتور
دينا:(بعصبيه) هو كل حد يجيله صداع هيروح لدكتور
محمدسعد:(بـأستغراب) في ايه يا دينا مالك عصبيه كدا ليه
دينا: مافيش يامحمد (وقامت دخلت الحمام)
محمد سعد:(قعد على السرير بحيره) هيا مالها فى ايه (جات رساله على موبايل دينا محمد بصلها لقاها من رقم غريب فتح الرساله وبصلها بصدمه وشاف الرساله الى قبلها فى نفس الوقت خرجت دينا من الحمام ,, محمد سعد بصلها بأستغراب وصدمه) ايه ده ايه الكلام ده
دينا:(بصتله) انت بتسالنى انا وزى مايكون مش عنك وعليك
محمد سعد:(بصدمه) انتى مصدقه الكلام ده
دينا: مش مصدقه بس من حقى اطمن
محمد سعد:مقولتليش ليه
دينا:هقولك اي يعني!
محمد سعد: على الرسائل الى بتجيلك
دينا: أنا كنت هقولك بس ماكونتيش عارفة أبدأ الكلام إزاي!
محمد سعد: مش عارفة تبدأي الكلام إزاي ولا صدقني الرسايل دي وشكيني فيا وإني ممكن أخونك فعلاً.. اطمنى انا مش ممكن اتجوز عليكى
دينا: اثبت يا محمد ومتقولش انى شاكه من حقى انك تثبت ده بعد اذنك (وسابته وخرجت ومحمد بصلها بصدمه وقعد على السرير)
........................................................................
........................................................................
نرجع لبيت محمد عباس في بيت عباس الكل قاعد على السفره و بيتعشوا
هايدي:همس بنت عمكوا هاني هتيجي بعد يومين بإذن الله
مالك : هتيجي فين
هايدي: هتيجي هنا، ما انتو عارفين انهم برا مصر بس هي عايزه تيجي تقعد فتره تغير جو
مالك : يوووووووه دي بت رخمه و مش بطيقها
محمد عباس:(بحزم وشده) مالك احترم نفسك
مالك : انا يعني بقول حاجه غلط
فريده : يابني احنا عارفين انها رخمه و حشريه و متطفله بس هتبقى ضيفه هي هتبقى ضيفه تقيله بس للاسف هنعاملها كضيفه
محمد عباس : انتوا الاتنين محتاجين تتربوا من جديد بسبب قلة ادبكوا دي ومبقتش طايق اقعد معاكوا في مكان واحد( تسيبهم وتدخل
هايدى:(بصتلهم بجديه) انا مش لاقي كلام اقولهولكوا بجد(وسابتهم ودخلت وراء محمد )
آدم:(بصلهم بجديه و لوم) ايه اللي انتوا عملتوه ده.. انتوا مش اخدين بالكوا ان انتوا كدا زعلتوا بابا لما تتكلموا بالطريقه دي عن بنت اخوه قدامه وان انتوا مش حابين وجودها هنا
مالك:ما هي بصراحه بت دمها تقيل دي قصيره وصغيره كدا عندها خمستاشر سنه بس لسانها أطول منها و مني
آدم:ملكش دعوه بيها وطول ما هي هنا مسمعش حد فيكوا يزعلها بأي كلمه دي ضيفه و إكرام الضيف واجب
فريده: كل يا ابيه كل الاكل هيبرد
آدم: انتى معندكبش دم تتكو الارف (وسابهم وقام مالك وفريده بصو لبعض واكلو وهما ساكتين )
.............................................................................
تانى يوم عند آدم الى راح لبيت مينا وطلع لرائد الاول
آدم:هاى عليكو يا شباب
عمر: فى دكتور محترم يقول هاى
آدم:مش انا قولت يبقى فى
رائد:(مد ايده ولف وش عمر ليه تانى) سيبك منه وبصلى
أدم: لا والله
رائد: جاى ليه
آدم: جاى اعلم عليك
رائد: وانت جايلي انا اول ليه ما تروح لحاتم يا رخم انت
آدم: لا انا اللي قاصد اجيلك اول عشان هقضي باقي اليوم عند حاتم اتحايل عليه عشان ياخد علاجه
رائد: وانت مش عارف تنساني او تطنشني
عمر: ولما ينساك ويطنشك وتتعب بليل وتقرفنا بقا نعمل ايه
آدم : بقولك ايه انتوا بتقرفوني معاكوا ليه اخلص ياعم و معدتش جاي اصلا ابقى خلي طنط رنا تعطيلك هي احسن
عمر:(بضحكه) والله هي عرضت عليه بس هو عامل فيها مكسوف منها
رائد:اخلص يا ظريف انت و هو (آدم جهز الحقنه ورائد وقف قدامه وآدم ضرب الحقنه لرائد و عمر قاعد على السرير بيضحك عليهم ,, اول ما رائد اخد الحقنه ,, كمل كلامه بوجع) ااااه يابن ال... حرام عليك يخربيتك يا شيخ داانت حلوف(عمر فطسان ضحك عليه)
آدم:( وهو بيضحك) تستاهل وتعيش وتاخد غيرها، يلا هروح لحاتم هتيجي يا عمر ولا هتقعد مع الأخ المتألم ده
عمر : لا هجيب الأخ المتألم و نيجي معاك
رائد : غور ياعم انت وهو انا مش طايقكوا اصلا
عمر :(بضحكه) طب و انا مالي طيب، ويلا قوم معايا بطل كسل بقا(خرجوا هما التلاته و اتجهوا لاوضة حاتم و دخلوا عنده حاتم قاعد و حازم نايم جمبه بيلعب في الموبايل
حاتم :(بصلهم) جايين بربطة المعلم كدا ليه خير
آدم :جاي أعلم عليك زي ما علمت على رائد باشا
رائد : اه ياحبيبي خد علاجك منه ايده حنينه و زي البلسم زي ابوه بالظبط (كلهم ضحكوا على كلام رائد)
عمر: ملكش دعوه انت هو حاتم هياخدها عشان دي اخر جرعه علاج ليه الحمدلله وكدا يبقى خلص خالص
رائد: انت نايم كدا ليه ياض ياحازم مش عليك مذاكره
حازم :(بصله) انا في الاجازه اصلا و عادي قاعد مع اخويا
رائد :(بأستحلاف) كبرت يازوما وبقيت بتعرف ترد بس متقلقش ايدي تتحسن و ابقى اكوس و اظبطك و اعدلك الزوايا
عمر:(بضحكه جاب العلاج لآدم) سيب الواد في حاله يا بني بقا (آدم جهز الحقنه وبص لحاتم)
آدم : يلا يا حاتم
رائد:ياما نفسي ياعمر تجرب ايد آدم و حنيته علينا زى ما بتجرى تجيب العلاج كده (عمر بص لرائد وضحك)
حاتم: (بقلق) لا ياعم انا هستنى عمو عباس حنين عليا وبيستحملنى انما انت لا
أدم: عمك مش جااى واخلص بدل ما تاخدها غصب عنك انا مش بسايس حد انا
رائد:(مسك ايد حاتم وقومه )قوم ياحاتم قوم ليتعصب يبلعك
حاتم:(تنهد ووقف قدام آدم) طب براحه (وبص لعمر) هاتلى عمو عباس يابنى
آدم:(خبطه فى ظهره بهزار) اخلص ياعم (حاتم نفخ بزهق ووقف وآدام ضربله الحقنه )
حاتم:(بوجع) آآآآآآآآآآآآآه ينهار ابيض (خلص آدم وحاتم بصله وكمل كلامه) ده لو انت بتنتقم مش هتعمل كده
حازم:(قام وقف وسلم على حاتم ) اخر جرعه كفاره ياحبيبى (وحضنه وباسه حاتم زق حازم وقعه على السرير فضبو يرخمو على بعض شويه وآدم مشى ورائد رجع اوضته وحاتم نام على السرير وحازم راح فى النوم جمبه)( وخلاص
............................................................................
بعد يومين فى بيت محمد عباس وصل عباس ومعاه بنت حوالى 15 سنه محمد عباس فتح ودخلوا محمد عباس دخل
هايدي:(سلمت علي البنت وحضنها) حمدالله على السلامه يا حبيبتي
همس: الله يسلمك يا انطي
هايدي: و مامتك و بباكي عاملين ايه
همس: كويسين بيسلموا عليكوا كلكوا
هايدي : الله يسلمهم ياقلبي ادخلي يلا البيت بيتك
همس: فين فريده و آدم و مالك
هايدى: جوه ادخلي (همس دخلت واول ما شافتعم سلمت على فريده و قربت من آدم وسلمت عليه و حضنته مالك و فريده صوا لبعض وبصوا عليها تاني
مالك:(همس سلمت على مالك وقرب منه عشان تبوسه مالك بعد عنها) سوري اصل عندي برد
همس: امممممم اوك
هايدي : يلا يا همس ادخلي ياحبيبتي أوضة فريده غيري و خدي شاور على ما اجهز السفره عشان تتعشي معانا (ودخلت همس مع فريده)
مالك:(قعد ونفخ )اوووووف دا انتي سئيله ياشيخه
هايدى: احترم نفسك و وطي صوتك بقا
مالك: ماما انا هريحك منى وادخل اوضتى ومش هقعد هنا خالص
هايدى: احسن يلا غور
مالك: ماشى (ودخل مالك اوضته وهايدى راحت تحضر السفرا)
.................................................................................................
بعد تفكير عميق عند محمد سعد فى شركته وبالاخص فى مكتبه ,, محمد قاعد على مكتبه وبيراجع ورق سمع خبط على الباب
محمد سعد:( بص للباب) اتفضل (دخل المهندس واسمه يوسف ,, " مهندس اتصالات خاص بالشركه"
يوسف: انا اسف يا مستر محمد بس السكرتيره مش بره
محمدسعد: تعالا يا شمهندس السكرتيره بتصور ورق بس ,, المهم عملت ايه ف الرقم اللي أديتهولك عرفت عنه حاجه
يوسف:اه يا فندم دا طلع رقم من أرقام الشركه يعني موجود هنا
محمدسعد:(بأستغراب) أرقام الشركه.. ازاي؟
يوسف: اه للاسف من ارقام الشركه وبالاخص ارقام سكرتيره حضرتك
محمد سعد:(بصدمه) لا انت اكيد شوفت غلط روح اتاكده
يوسف: لا انا متاكد انا حتى طبعتلك ورقه بالرقم اهيه (يوسف اداله الورقه ومحمد اخدها منه وبص فيها)
محمد سعد:(من غير ما يبص ليوسف) طيب روح انت يا شمهندس(يوسف خرج ,, محمد كمل كلامه بأستغراب)معقول ليه تعمل كده عايزه توقع بينى وبين دينا ليه انا لازم اعرف ليه عملت كده (وسكت وفضل يفكر ازاى يرقبها )
.....................................................................................................
وفات على كده اسبوع يوم خطوبه هنا وعمر بالليل الى عملوها فى بيت هنا ,, خلصت الحفله وعمر اخد هنا وخرجو مع بعض وراحوا مكان هادي لوحدهم
عمر: رغم انك قمر طول الوقت بس النهارده جمالك زايد و بالأخص لما اشوف بسمتك و ضحكتك بحسك أجمل حد في الكون
هنا:(بكسوف) ميرسي
عمر: ميرسي ايه.. طب ايه انتي مش شيفاني حلو النهارده
هنا: انت حلو على طول وفي كل حالاتك
عمر: لا مش كل حالاتي اوي يعني، انتي مشوفتنيش في شغلي ببقى بني آدم تاني
هنا: طبيعي لان دا طبيعة شغلك انك تكون جد
عمر: المهم سيبك من شغلي والكلام ده.. متزعليش عشان معملناش حفلة خطوبة كبيره بس انتي عارفه الظروف اللي حصلت و إصابة رائد وكدا
هنا: انا مش زعلانه والله هنبقى نعوض بإذن الله في الفرح
عمر: اه طبعا انا هعملك أجمل فرح الناس كلها تتكلم عنه(و مسك ايدها هنا شدها بسرعه بكسوف ,, كمل عمر كلامه بأستغراب) ايه في ايه انا كهربتك يابنتي ولا ايه
هنا: احنا تقريبا اتأخرنا يلا نروح ولا ايه
عمر: اتأخرنا ايه دا احنا لسه لا اتعشينا و لا اتمشينا ولا عملنا جو المخطوبين ده( هنا سكتت بكسوف وبصت للارض ,, عمر كمل كلامه بضحكه) طيب خلاص خلاص إنتي قلبتي وخدودك إحمرت ليه كده..
هنا: لاعادي م أنا حلوة أهو
عمر:(بغمزه) في دي عندك حق إنتي حلوة في كل حالاتك ,, عمر ضحك من كسوفها وطلب الاكل واتعشوا وقامو اتمشوا شوية ع النيل ,, عمر بصلها بحب) ويقولها مبسوطة؟ (هنا هزت راسها بمعنى ايوه ,, عمر كمل كلامه بهزار)طيب إتكلمي وسمعيني صوتك طيب ماتحسسنيش إني بكلم نفسي
هنا :(بضحكه ) حاضر
عمر: حاضر بس كده
هنا: أومال أقول اي!
عمر: قولي إسمي يابنتي أناا خطيبك وهبقي جوزك
هنا :(بكسوف)حاضر ياعمر
عمر:(بصلها بغمزة) أحلي عمر سمعتها في حياتي (هنا بصتله بكسوف وبصت للبحر بضحكه بسيطه زادت من جمالها وفضلو يتكلمو مع بعض )
.......................................................................................
عند دينا ومحمد الى داخلين اوضتهم بعد حفله خطوبه عمر وهنا محمد غير هدومه وراح علشان ينام على السرير
دينا:(قعدت جمبه) محمد انت مش بتكلمنى من ساعه الى حصل
محمد سعد: لا بس مش لاقى كلام اقوله
دينا: انا مشكتش فيك
محمد سعد: اه عارف لدرجه انك بتشتكينى لاختى الكبيره صح فاكره ايه انها هتيجى تضربنى مثلا
دينا: لا والله بس انا مكنش عارفه افكركنت حاسه انو دماغى اتلشت لم جاتلى الرساله محستش بنفسى الا لم قعدت اتكلم مع هايدى
محمدسعد : لا كان لازم تجيلى وتورينى الرساله دى ده لو انتى فعلا كنتى واثقه فيا
دينا: والله واثقه فيك بس انا كان لازم اطمن
محمد سعد: اطمنتى انى مش متجوز عليكى
دينا: بس ليه البنت عملت كده
محمد سعد: عملت كده علشان بتحبنى عايزه تدخل بنا الشك وقله الثقه وانتى ادتيها فرصه بس انا بقا عرفت وعرفت اجرجرها واجرر رجليها لحد ما اعترفت بكده واظن انتى سمعتى التسجيل وسمعتهولها واديكى كنت موجود لم انا مضيت على ورقه استقالتها من الشركه
دينا: طب انت لو مكان هتعمل ايه
محمد سعد: هتجاهل الرساله ومش هشك فيكى نهائى مش هجرى على اخوكى واحكيله
دينا: طيب معاك حق انا اسفه بقا
محمد سعد: خلاص يا دينا خلاص انا هنام عندى شغل الصبح (وسابها ونام ودينا قامت نامت الناحيه التانيه بتنهيده عاليه)
........................................................................
تانى يوم فى بيت محمد عباس هايدى قاعده مع محمد سعد
هايدى: ايه يا محمد مش ناوى تحكيلى
محمد سعد: احكيلك على ايه
هايدى: على دينا قالتهولى ايه الى حصل
محمد سعد:طب ما انا قولتلك انو السكرتيره وطردها
هايدى: اه قولتلى بس عرفت منين
محمد سعد: مهندس الاتصالات الى فى الشركه الى عرفها
هايدى : وبعدين(بعصبيه شويه) انت بتتكلم بالقطاره ليه ما تتكلم وتحكيلى كشفتها ازاى
محمد سعد: ياستى من غير عصبيه هقولك
هايدى: اممم سمعاك
محمد سعد: الى حصل يا ستى .............................
( وصلنا لاخر الحلقه لو حابين تعرفو ايه الى حصل استنونا الحلقه الى جايه
#hadeer
#rody
#hager
