#مع_مر_الزمان
#مع_مر_الزمان_51
#جزء_من_حلقه_سابقه
عمر: مافيش رقص ولا زفت انت تقعد هنا اهو لاما هخدك وامشي انت سمعت
هنا: خلاص ياعمر بقا
مينا: خلاص ياعمر بقا اهدا شويه فى ايه
محمد عباس:(قرب منهم) مينا لو مكنش عمر قام جاب حازم انا كنت قومت جبته
حازم: انتو اصلا مبتحبوش انى افرح
رنا:(بزعل) لا ياحبيبى والله احنا خايفين عليك اخوك خايف عليك مش عاوزك تتعبت
مينا: عمر يلا روح ابقى جمب يحيي مينفععش تسيبه
حازم: هروح معاك واقف جمبك
عمر: ولو اتحركت
حازم:(بتزمر) مش هتحرك (عمر اخد حازم وطلعو وقفو جمب يحيي ويحيي شد حازم ورقص معاه براحه خالص فرحه كبيره جمعت العيله مع بعض وخلص الفرحه برقصه سلو شارك فيها رحمه ويحيي ساره ومروان حازم وسلمى سليم وفريده وهنا وعمر وكل شاب اخد بنت من اقاربهم ورقصو سلو مع بعض وانتهى الفرح
#بدايه_الحلقه_الجديده
ظهرو فى مستشفى ورنا بتعيط ومينا جمبها وعمر وحاتم وحازم
عمر:(بص لحازم) مكنش ينفع تيجى معانا قولتلك استنى فى البيت
حازم:(بخوف وقلق) عاوز اطمن على ابيه سليم
عمر: طب اهدا وسليم كويس (وبص لحاتم) انت كويس
حاتم:(باين على وشه الخوف والرعب) كويس
مينا:ايه الى حصل ياحاتم
حاتم:دخلت عليه علشان كنت خايف انام لوحدى حلمت حلم وحش ورحت انام جمبه دخلت
#فلاش_باك
حاتم:(دخل الاوضه عند سليم وبص عليه) سليم انا خايف(وبصله بصدمه وقرب منه بسرعه) مالك ياسليم فى ايه
سليم:(بتعب ومش قادر يطلع الكلمه) نادى ماما بسرعه #نرجع_للواقع
حاتم:(بص لمينا) وبس ناديت عليكم وجينا هنا (طلع الدكتور من الاوضه الكل جرى عليه)
مينا: سليم كويس يا دكتور
الدكتور: هو ايه الى حصل
مينا: هو كان نايم فجاه تعب
الدكتور: اكيد لا مش فجاه رجله ورامه وفيه املاح شديده جدا جدا وعملتله مغص كلوى هو اكل ايه امبارح
مينا: احنا كنا فى فرح اكل عادى
عمر: لا يا بابا سليم اكل حوادق كتير امبارح وشطه
الدكتور:(بتنهيده) اول مره يتعب كده
مينا: لا تعب بس مش للدرجه دى كان بياخد علاج املاح
الدكتور: احنا عملنا اسعافات اوليه وعلقناله محاليل
رنا: هننقله مستشفى تانيه
الدكتور: يكون احسن بردو هيخلص المحلول ده واكتبله على خروج وتنقلوه مستشفى احسن بعد اذنكو (مشي الدكتور ودخلو كلهم لسليم الى كان نايم كلهم قربو منه يطمنو عليه لحد ما يخلص المحلول
~~~~~~~~~~~~~~~~~~~~~~~~~~~~~~~~~~~~~~~~~~~~
ظهر سليم نايم فى المستشفى بعد ما اتنقل المستشفي
الدكتور:(بص لسليم) انت كويس
سليم: اه كويس (وراح سليم فى النوم تأثير منوم ،، الدكتور بص للمرض) ركب قسطره وتابع تفريغ المثانه وعرفنى اول باول
الممرض:تمام يادكتور (بره عند مينا ورنا والكل موجود معادا سلمى وهنا ،، لقيو محمد عباس بيقرب منهم
محمد عباس: مينا
مينا: انت عرفت ازاى وجيت امتى
محمد عباس: حصل ايه يا مينا وازاى معرفتنيش
مينا: هنعرفك ازاى بس والفرح مبقالوش كام ساعه خلصان واكيد كنتو تعبانين ونايمين
محمدعباس:نوم ايه بس الى ببتكلم عنو (مينا تنهد وسكت.،، كمل محمد كلامه) حصل ايه وانتوهنا من امتى
مينا: احنا كنا فى مستشفى تانيه
محمد عباس: ومجبتهوش هنا على طول ليه
مينا: سليم كان تعبان جدا والاسعاف اخدته على افرب مشتشفى مننا ولم انتظمت الحاله وعملوله الاسعافات الاوليه جبته وجيت
محمد عباس: انا هدخل اطمن عليه (محمد عباس خبط ودخل بص لسليم وراح اطمن عليه وبص للدكتور) دكتور كريم ايه الاخبار
كريم: الحمد لله الحاله مستقره وده بفضل ربنا ثم العلاج الى اخده قبل ما يجى كانت ممكن الكلى تتدمر نهائي احنا ركبناله قسطره علشان الاملاح الزايده دى عملتله احتباس بول هنتابع تفريغ المثانه
محمد عباس: اومال هو نايم ليه
الدكتور: انا اديته نسبه منوم علشان ميتعبناش واحنا بنركب القسطره هيصحى دلوقتى بس متقلقش الحاله مستقره هيفضل معانا تحت الملاحظه علشان ميحصلش اى مضاعافات
محمد عباس: تمام يادكتور كريم
كريم: ده واجبى وشغلى الف سلامه عليه
محمد عباس: الله يسلمك (خرج كريم ومحمد عباس بص لسليم وخرج وسابه لقى كريم واقف مع مينا
مينا: طمنى يادكتور
كريم: انا طمنت دكتور محمد متقلقوش الحاله مستقره وعملنا اللازم
محمد عباس: خليك متابع معاه وانا هاجى اشوفه كل شويه
كريم: تمام يادكتور بعد اذن حضرتك (ومشي كريم
محمد عباس: مينا متقلقش سليم كويس هيفضل تحت الملاحظه
رنا:(بعياط) عاوزه اشوفه
محمد عباس: ماشي ادخلى شوفيه (دخلت رنا وحازم واتبقى محمد عباس ومينا وحاتم وعمر
مينا: محمد سليم كويس
محمد عباس: الاملاح عنده عليت جدا وعملتله احتباس بول الدكتور ركبله قسطره علشان تفريغ المثانه هيفضل فى المستشفى فتره لحد ما يتظبط الاملاح متقلقش يامينا خير باذن الله
مينا: يارب
محمد عباس: هروح وهاجى اشوفه تانى
مينا: روح ارتاح يامحمد شكلك مرهق جدا روح نام شويه
محمد عباس: لا طبعا وعلى فكره الى عملته انا مش هسكت عليه وهقول لاختك وانت عارفها بقا انا ماشى (وسابهم وراح مكتبه ومينا تنهد ودخلو الاوضه هو والشباب لقيو رنا ماسكه ايد سليم وبتعيط
حازم:(بزعل) بابا سليم ركب بتاع زى الى كنت مركبها ومبحبهاش وبتكسف منها
عمر:(بجديه) بس ياحازم واسكت (حازم سكت ومينا قعد جمب سليم الناحيه التانيه وتنهد بحزن وسكتو علشان سليم يرتاح
~~~~~~~~~~~~~~~~~~~~~~~~~~~~~~~~~~~~~~~~~
عند محمد سعد الى قاعد مع دينا ومروان وساره
دينا: يحيي وحشنى قوى البيت من غيره وحش
محمد سعد: مش كنتى عاوزه تجوزيه اهوه اتجوز
دينا: دى سنه الحياه بس بردو فراقه صعب
محمد سعد: فراق ايه بس ربنا ميجبش فراق داحنا بنا سلم
ساره: بس هو مش هنا
محمد سعد: هيجى بالسلامه ان شاء الله بس انا قلقان على مينا قوى مبيرودش عليا
دينا: هو لسه مردش بردو
محمد سعد لا
مروان:(طالع من الاوضه) بابا عرفت الى حصل
محمد سعد: فى ايه يا مروان
مروان: سليم فى المستشفى من الفجر
محمد سعد: فجر ايه يابنى احنا راجعين هنا الساعه 3
مروان: والله يابابا فى المستشفى شوف استورى بتاع حازم منزله الصبح
محمدسعد:(فتح موبايله وشاف استورى حازم ورن عليه) ايوه ياحازم
حازم: ايوه ياعمو محمد
محمد سعد: ايه الى انت منزله ده
حازم: سليم تعبان جدا يا عمو بس متقلقش ابيه يحيي مش هيشوف الاستورى
محمد سعد: طب بابا عندك
حازم: احنا كلنا فى المستشفى
محمدسعد: طيب اقفل اقفل انا جاى دلوقتى (وقفل التليفون وبص للكل) انا هروحلهم دلوقتى
دينا: عرفت حاجه
محمد سعد: لا (وقام مشي مروان جرى وراه وراحو المستشفى وصلو وطلعو لسليم الاوضه بعد ما عرفوها من الطوارئ
مينا: انت عرفت ازاى انت كمان
مروان: حازم منزل استورى
مينا: شيل الزفت الى انت نزلته ده قلقت الكل
محمد سعد: ايه يامينا انت مكنتش عاوزنى اعرف
مينا: لا يا محمد بس انا عارف الكل تعبان
محمد سعد: انا كان لازم ابقى جمبك اول ما تعب
مينا: الحمد لله جات سليمه وهو كويس
محمد سعد: ايه الى حصل
مينا: افترى فى الشطه والمخللات والحوادق كالعاده عملتله احتباس بول ومغص كلوى
محمد سعد: هيبقى كويس
مينا: بأذن الله خليك فى الشركه مكانى
محمد سعد:متقلقش يامينا (وسكتو محمد طبطب على ايد مينا وتنهدو وسكتو الاتنين)
~~~~~~~~~~~~~~~~~~~~~~~~~~~~~~~~~~
فى بيت محمد عباس اتجمعو على الفطار
فريده: ماما هو بابا لسه مصحاش
هايدى: مش هنا انا لم صحيت ملقتوش فى البيت وبرن عليه حد من المستشفى كلمنى وقالى انو فى المستشفى لان فى حاله محتاجاه
ادام:(خرج من الاوضه) عرفتو حاجه عن سليم
هايدى:(باستغراب) ماله سليم
ادم: فى المستشفى من بالليل تعب
هايدى:(بصدمه) انت بتقول ايه
ادم: ايوه يا ماما والله انتو متعرفوش
هايدى: لا بباك خلى حد كلمنى وقال انو فى حاله محتجاه فى المستشفى
فريده:(بصدمه) سليم ماله يا ابيه
ادم: الاملاح رجعتله بسبب الى عمله فى الفرح
فريده:(بعياط) انا قولتله بلاش الى بيعمله ده واخدت منه المخلل كذا مره وهو مافيش فيه فايده
هايدى:(بصت لفريده) خلاص اهدى يافريده هيبقى كويس
مالك :(شد ادم وقرب منه) هو انت متعرفش تخبى (ادم بص لمالك ورجع بص لفريده ورجع بص لمالك تانى ،،، مالك كمل كلامه) بتحبه وواقعه خااالص
ادم:(بصدمه) ااايه فريده
فريده: مامى لو سمحتي عاوزه اروحله لو سمحتى
هايدى: حاضر بس اهدى
فريده:(مسحت دموعها) هقوم البس
هايدى: طيب ياحبيبتي خليها بالليل (قامت فريده وسابتهم)
ادم: امتى حبته
هايدى: هو ده وقتك يا ادم انت كمان وسابته ومشيت
مالك:(بص لادم) اقعد افطر دى اهم وجبه
ادم: دانت بارد (وسابه ودخل اوضته
مالك:(بصله) براحه ياخويا وفرت فطار افطر انا وبعدين اروح اطمن على الواد سولى اه لو يسمعنى هيقطع علاقته بيا (وقعد يفطر)
~~~~~~~~~~~~~~~~~~~~~~~~~~~~~~~~~~
فى المستشفى فى اوضه سليم
سليم:(فتح عينه وقفلها تانى حاول يقوم يقعد) اااه ااه
حاتم:(فتح عينه وقرب من سليم) سليم
سليم:(بصله بتعب) انا فين وايه الى حصل
حاتم: انت كنت تعبان يا سليم
سليم: جمبى كان بيوجعنى
حاتم: افورت انت فى الحوادق يا سليم
سليم: انا مش فاكر غير انك دخلتلى بس بعدها انا مش فاكر حاجه
رنا:(قامت وبصت قدمها لقيت سليم صاحى وبدموع) حمد الله على السلامه يا حبيبى
سليم: الله يسلمك يا ماما
رنا: كده يا سليم كده تتعب ومتقوليناش
سليم: انا كنت مفكر انو هيروح زى كل مره
رنا: يعنى انت تعبت قبل كده بالمنظر ده ومكنتش بتقول
سليم: ماهو انا كل مره اتعب بتشكشك وانتى عارفه انى مبحبش العلاج
حاتم: طب بلاش تقول الكلام ده قدام بابا ولا عمو محمد علشان محدش يضايق عليك لانك بقيت مهمل فى صحتك جدا
رنا: عاده سليم ولا هيشتريها
سليم: انا عاوز اروح البيت
رنا: لم الدكتور يقول غير كده انسى (دخل مينا ومعاه عمر ومسندين حازم وعمال يعيط
مينا: خلاص يا زوما بقا زمانها راحت يا حبيبى
حازم: لا مرحتش واصلا بتوجعنى
عمر: خلاص يا زوما متزعلش (وبص لسليم) حمد الله على السلامه يا سليم
سليم: الله يسلمك
مينا: مش هتكلم كتير علشان انت عارف انك غلطان
سليم: يابابا انا
مينا:(مقاطع لسليم) انت ايه غاوى تتعب نفسك غاوى قلق وبهدله لينا وليك مش عارف تاخد بالك من نفسك وعايز الى يمشي وراك ويدلك على الصح ويقولك ده لا وده اه
سليم: يا بابا لا بس
مينا:(مقاطع لسليم) ما اهوه عارف فين الغلط وبتجرى تعمله عارف انك ممنوع من الحوادق ومع ذالك بتاكل مخللات كتير وحوادق وشطه ده غير الاندومى الكورى الى بتجييه وتاكله من ورانا والاخر احنا الى بنشيل الليله تخيل احساسك ايه وانت داخل على ابنك الى بيصرخ من تعبه والاخر اغمى عليه لم مستحملش التعب تخيل احساسك ايه هتحس بايه ها قولى قولى قلبك هيتقطع مع كل صرخه بتطلع منه رغم انو السبب فى تعبه
سليم:(بحزن) انا اسف يابابا
مينا: انا مش عايزك تقولى انا اسف انا عايزكم تخلى بالكو من صحتكم ماشي (سليم هز راسه بمعنى ماشي مينا تنهد وقعد اخده فى حضنه وسط سكوت الكل وحزنهم من كلام مينا الى طالع منه اصلا بحزن
~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~
بالليل فى الاوضه عند رحمه ويحيي فى اوتيل فى دهب
رحمه:(بصت ليحيي وقربت منه) انت هتفضل كده كتير مش هننزل
يحيي: مش عارف حاسس فى حاجه بس مش عارف ايه هيا
رحمه: انت بتكلم ماما وبابا وساره ومروان ولسه قافل معاهم فى ايه بقا
يحيي: بجد مش عارف عندى احاسس خوف
رحمه: ده احساس غير مبرر مالوش مبرر يا حبيبى ولا انت جاى هنا بقا تنكد عليا
يحيي: لا والله
رحمه: ما اهوه ولا احنا جايين نقعد هما ومننزلش
يحيي: لا والله مش كده
رحمه: طب يلا بقا قوم البس وبلاش تقل دم
يحيي: حاضر
رحمه: ايوه بقا ياحبيبى
يحيي: انا ممكن اقعد تانى على فكره
رحمه: لا يلا بقا (وشدته قومته ودخل يحيي الاوضه يغير هدومه رحمه:(دخلت معاه تنقيله الهدوم الى هيلبسها) ادخل خد شاور وهطلعلك اللبس
يحيي: ماشي(ودخل الحمام ورحمه راحت تطلعله اللبس
~~~~~~~~~~~~~~~~~~~~~~~~
فى اوضه سليم قاعد وعمر جمبه وكلمهم موجودين بس عمر اقرب لسليم
سليم:(بهمس) عمر (عمر بص لسليم) هو انا ازاى اخد كل المحاليل دى ومش عاوز ادخل الحمام
عمر: ماهو انت م(قطع كلامه خبط على باب الاوضه ودخول محمد عباس ومعاه وائل
مينا: انت لسه مروحتش
محمد عباس: لا انا بايت هنا النهارده مش هروح
مينا: مش هينفع احنا هنا اهوه
محمد عباس: لا انتو هتروحو دلوقتى (وقرب من سليم عمر قام من مكانه) ها عامل دلوقتى يا سليم
سليم: الحمد لله كويس بس انا مش فاهم ازاى مش عايز ادخل الحمام
محمد عباس: انت من كتر الحوادق الى سيادتك اكلتها عملتلك احتباس بول ومنفعش الدكتور يتخلص منه غير عن طريق القسطره
سليم:(بأحراج وصدمه) نعم قسطره ايه
محمد عباس: اهدا يا سليم الطب مافيهوش احراج اهدا وسيب وائل يطمن عليها
سليم: يطمن على ايه انت بتهزر ياعمو
محمد عباس: يعنى انت فى وضع ينفع فيه هزار
سليم: انا محدش هيقربلى
محمد عباس: انت تهدا وتسكت خالص علشان منستعملش معاك اسلوب العيال الصغيره
سليم: بردو محدش هيقربلى ومش عاوز حاجه وانا عاوز ارجع البيت
محمد عباس:(بهدوء) انسي انك ترجع البيت دلوقتى انسي خالص وسيب وائل يشوف شغله (وبص مينا) مينا استنو بره شويه
سليم:(بعصبيه) متطلعش يا بابا انا مش هعمل حاجه وعايز امشي من هنا (وبيقوم علشان يشد الكانويلا من ايده)
محمد عباس:(شد ايده ونيمه تانى وبعصبيه وهو بيشوف الكانويلا ويطمن عليها) مينفعش الى انت بتعمله ده انت اتجننت ولا ايه
مينا:(بص لرنا) رنا خدى الولاد كلهم واستنى بره (رنا اخدت حاتم وحازم وسلمى وهنا وطلعو من الاوضه وقرب من سليم) انا على اخرى منك فاضل تكه وهنفجر فيك اهدى بقا علشان مامدش ايدى عليك واطلع الى فيا فيك وانت بالحال ده
سليم:(بص لبباه) بردو محدش هيقربلى
مينا:(قرب من سليم اكتر بعصبيه وبيحاول انو يضربه) انت مش هتيجى بالذوء انا عارف
محمد عباس:( وعمر ووائل بعدو مينا عن سليم) مينا اهدا بقا مينفعش الى بتعمله ده اهدا شويه واستنى بره معاهم
عمر:(اخد مينا وقربو من الباب) بابا الموضوع محرج وحضرتك عارف كره سليم للعلاج وخوفه من العلاج كله
مينا:(بعصبيه) مش هو الى وصل نفسه لكده
عمر: خلاص اهدا عمو محمد هيتعامل معاه (مينا تنهد وطلع بره الاوضه
محمد عباس:( بص لسليم) سليم انت سواء رضيت او لا هتعمل الى قولتلك عليه فاعمله بمزاجك احسن
سليم:(باعتراض) مش هعمل حاجه انا عاوز امشي
محمد عباس:(بعصبيه) لا واضح فعلا انو انت مبتجيش غير بالعافيه (وبص لوائل) يلا يابنى شوف شغلك
سليم:(بخنقه وصوت اشبه بالعياط) ياعمو محمد صدقنى مش هينفع
محمد عباس:( مهتمش بكلام سليم وبص لعمر ومسك ايد سليم) امسك ايده(وبص لسليم) انت لو اتحركت حركه واحده انت الى هتتبهدل وصدقنى هتزعل منى وهجيب ناس من بره يمسكوك فاخلص احسن ليك (محمد عباس مسك ايد سليم مع عمر سليم بصله بزعل ووائل قرب من سليم وبدأ انو يطمن على القسطره
سليم:(باخراج ودموعه نزلت) والله ما ينفع الى بيحصل ده (وغمض عينه وسكت ودموعه نازله عمر بصله بزعل وحزن وبص لمحمد عباس الى بص لعمر وتنهد بعد ما وائل اطمن على سليم وانو كل حاجه تمام
وائل: كل حاجه كويس والقسطره كويسه ومافيش مضاعافات
محمد عباس: ماشي (وائل خرج من الاوضه ،، محمد عباس بص لسليم) سليم انت كويس
سليم:(بعياط وهو مغمض عينه) سيبونى لوحدى واطلعو بره
عمر: طب انت كويس
سليم:(بعصبيه) قولتلكم سبونى لوحدى (محمد عباس اخد عمر وخرج من الاوضه سليم صوت عياطه بان
عمر: متزعلش ياعمو من سليم
محمد عباس: لا ياحبيبى انا عارف انو محرج وانو الى بيعمله غصب عنه ربنا يشفيه
عمر: هو هيشيل البتاعه دى امتى
محمد عباس: ممكن بكره المهم محدش يدخله دلوقتى سبوه لوحدو شويه
عمر: ماشي (وقربو من مينا ورنا وباقى العيله)
مينا: سليم كويس يامحمد
محمد عباس: كويس سبوه شويه لوحدو محدش يدخلو دلوقتى ولم ينام اطمنو عليه وسيبو عمر معاه وارجعو البيت ارتاحوا شويه (محمد عباس طبطب على ايد مينا وسابه ومشي عمر تنهد وبص لبباه بزعل كلهم رجعو قعدو مكانهم ظهر سليم نايم على السرير ودموعه نازله بدون صوت)
~~~~~~~~~~~~~~~~~~~~~~~~~~~~~~~~~~~~~~~~
بعد شويه عند سليم فى الاوضه ظهرت هايدى ومعاها فريده
هايدى: الف سلامه عليك يا حبيبى
سليم: الله يسلمك يا عمتو
هايدى: طيب انا هروح اشوف المرضي واجيلك تانى ابقى عدى عليا يافريده قبل ما تمشي
فريده: حاضر يا ماما (وخرجت هايدى من الاوضه وفضلت فريده باصه لسليم بعتاب وهيا ساكته)
سليم: انت هتفضلى بصالى كتير
فريده: وانت هتفضل كده لحد امتى هتفضل مهمل لامتى يا سليم ،، متزعلش من كلامى بس بجد انا خايفه تروح منى خايفه عليك وانت مش خايف على نفسك من اى حاجه
سليم: هو الكل عمال يقطم فيا هو التعب بايدى
فريده: اه بأيدك وانت عارف انو سببه اكل الحوادق الى انا اخدته من ايدك يوم الفرح والاندومى الكزري الى بتاكله والاخر بيتعبك وانا مش عارفه ازاى بوافق انك تاكل الارف ده وابقى عارفه انو بيضرك
سليم: فريده انا فيا الى مكفسمى وزياده لو جايه تتخانقى امشي
فريده: مش هزعل وامشي علشان انت بتقولى امشي انا مش هسمحلك انك تأذى نفسك تانى وانا هفضل ضلك يا سليم ولو عملت حاجه تضرك انا مش هسكت ومش هسمحلك اصلا
سليم: يا سلام هتعملى ايه بقا
فريده: همنعك منها ولو معرفتش هقول لخالو مينا هعمل اى حاجه مقابل انك تبقى كويس ولو كان حتى انت هتزعل منى ازعل وانت معايا وقدامى وكويس
سليم: هتستحملى زعلى
فريده: زعلك منى هيبقى اهون عليا انك متبقاش معايا خالص
سليم: انتو مكبرين الموضوع قوى
فريده: هو الموضوع كبير يا سلام كان ممكن احتباس البول ده يعملك تسمم وتروح فيها فانا مش هستحنل اعيش من غيرك فتوقع منى اى حاجه هعملها لو اهملت فى صحتك تانى حتى بو هتزعلك منى (وطلعت بره الاوضه وسليم باصص عليها بابتسامه حب
عمر:(دخل وقعد جمب سليم) البت بتحبك جدا اهمد بقا علشانها
سليم: اول مره احس فعلا بحبها ليا من غير ما تقول
عمر: خلى بالك من نفسك يا سليم لو مش علشان خاطرنا يبقى علشان خاطر فريده
سليم: حاضر يا عمر بس عاوز اقولك مهما كان حبى لفريده ومهما كان خاطرها عندى مش هيجى جمب خبك وخاطرك انت عندى وانت عارف كده كويس
عمر: يبقى علشان خاطرنا كلنا خلى بالك من نفسك وبلاش الى يأذيك
سليم: حاضر
عمر:(فى باله)ربنا يهديك ياسليم يارب (وتنهد وسكت سليم راح فى النوم وعمر غمض عينه على شاذلونج جمب سرير سليم)
~~~~~~~~~~~~~~~~~~~~~~~~~~~~~~~~~~~
فى اوضه سليم ظهر نايم ومغمض عينه بس مش رايح فى النوم الباب خبط ودخل ادم
عمر: جيت بردو مش قولتلك متجيش
ادم: دى مستشفى ابويا اجى زى ما انا عاوز (عمر ابتسم ادم بص لسليم وبص لعمر) هو عامل ايه
عمر: الحمد لله
سليم: هو نايم من امتى
عمر: هو مش نايم اصلا بيهرب بالنوم بس هو مش نايم
ادم:(باستغراب) ليه مش عاوز يشوفنى
عمر: مش عاوز حد يشوفه اصلا
ادم:(قرب من سليم وبرخامه وقعد جمبه) ليه مش كفايه انو قال لبابا اطلع بره وزعل منه (بص لعمر بغمزه)
سليم:(فتح عينه وبص لادم) انا مقولتلوش كده
ادم: يعنى انت صاحى اهوه
سليم: مش عاوز اشوف حد. ولا حد يشوفنى
ادم: ليه علشان ايه يعنى
سليم: كده
ادم: طب متكشرش كده علشان شكلك بيبقى وحش (سليم بصله ادم كشر زيه سليم ابتسم قطع كلامهم خبط ودخول وائل
سليم: ياعم هو انت مواركش حد غيرى
عمر: ايه ياسليم الكلام ده
سليم: بص انا مش هعمل حاجه ومحدش ليه دعوه بيا
وائل: مش تعرف انا عاوز ايه الاول (سليم بصله وائل قرب منه وبصله واخد محلول من الكومودينو الى جمب السرير) شوفت هركب محلول وهتاخد العلاج بس (وبدا وائل يركب المحلول ومسك ايد سليم) متشدش ايدك منى ماشي (سليم بصله وبدأ وائل يسلك الكانويلا وسط توجعات سليم
سليم:(بوجع) ااه بتوجع قووى على فكره
وائل: خلاص سلكت الحمد لله (ركب المحلول وجاب لسليم الحبوب اخدها وبيعمله الفوار
سليم: انا مش هاخد الفوار ده
عمر: انا كل حاجه معترض عليها
سليم: انت عارف انى مبحبوش
ادم:(بص لسليم وبص لوائل واخد منه كيس الفوار) فى منه نوع حقن اكيد متوفره هنا
وائل: اه متوفره
ادم: تمام قول لدكتور محمد او دكتور كريم المتابع الحاله انو مش عاوز الفوار وهياخد مكانه حقنه
سليم:(بص لادم بعصبيه) حقنه ايه ياعم انت كمان
ادم: طالما مش حابب الفوار
سليم: لا ده ولا ده
ادم: لا ياحبيبى انسي يا ده يا ده ومش عاوز مناهده كتير انت غلبت الواد حازم على فكره (واخد الفوار)روح هات الحقنه( ولسه هيرمي الفوار)
سليم: هات يا ادم وخلصنى (اخده وشربه كله مره واحده) شربته اهوه ومش عاوز اخد زفت علاج تانى وسبونى فى حالى بقا محدش ليه دعوه بيا (وسابهم ونام ادم وعمر ضحكو ووائل خرج من الاوضه)
~~~~~~~~~~~~~~~~~~~~~~~~~~~~~~~~~~~~~~~~~~
مر يومين على كده بالليل فى المستشفى عمر واقف عند الشباك الباب خبط ودخل ادم
ادم: عموورى
عمر: فكرتنى برائد والله هو الى ديما ماسكلى عمورى عمورى
ادم: الا هو فين صحيح
عمر: فى بيتهم اكيد
ادم: فى حاجه بينك وبينه ولا ايه
عمر: تاتش خفيف كده
ادم: الواد ده عبيط اصلا مش بعيد تلاقيه جاى
عمر: ماهو ميعرفش الى حصل لسليم
ادم: ما حازم زاع الخبر اساسا
عمر: ريتر العيله الواد ده
ادم: المهم انت اكلت ولا لسه
عمر: اكلت مع سليم بس الاكل مالوش طعم
ادم: مش من غير ملح خااالص
عمر: رينا يقويه عليه يارب
ادم: طب بما انه سليم نايم تعالا انا جايب اكل معايا
عمر: ولو صحى
ادم: بأذن الله مش هيصحى يلا بس (وقعدو وفتحو الاكل ولسه بيقولو بسم الله الباب اتفتح
رائد:(وهو فاتح دراعه) عمورى حبيبى وحشتنى ياجدع ادخل فى حضن اخوك يافواز (وقرب من عمر الى وقفو من الخضه رائد وهو رايح شاف الاكل لف وشه وبص للاكل وقرب منه) ايه ده دا فى اكل
ادم:(شال الاكل) محدش هياكل مش عامل حساب حد انا
رائد: اخس عليك يادومى دانا رائد حبيبك ياجدع
عمر: مش وحشك اتفضل بقا استلم
رائد: بس ياعمورى علشان انا مخاصمك
سليم:(فتح عينه وبصلهم) انا قولت الدوشه دى مش هتيجى غير من رائد
حاتم:(قرب من سليم هو ومروان) انت بقيت كويس
سليم: انا كويس اصلا (وبص للكل) انتو جايبين اكل
رائد: اه جايبين بيتزا وكريب ومش عاوزين يدونى
سليم: طب انا عاوز
ادم: انت بالذات لا الاكل في شطه
سليم: ليه يا ادم
ادم: علشان غلط عليك يا حبيبى
رائد:(خطف الكيس من ايد ادم) بس مش غلط عليا
عمر:(بضحكه) يابنى انت حبك فى الاكل
رائد: مش عارف مبحبوش اكتر منك ياعمورى
عمر: واضح انت هتقولي
ادم:(بص لرائد) انت بتاكل اكل يا رائد وياريته بيبان عليك
مروان: بياكل وينكر زى القطط
رائد: بس يا شبر ونص (الباب خبط ودخل وائل ومعاه ممرض)
وائل:(بصدمه وبص لرائد) ايه ده الاكل ده دخل هنا ازاى
رائد: دخل مع الواد ادم
وائل:(بص لادم) حضرتك عارف انو البشمهندس سليم ممنوع من الاكل ده
رائد: البشمهندس وحضرتك احنا اصحاب على قكره شيل الالقاب الرخمه دى على جمب وقولهم زى ما بوقلهم دومى وعمورى وسليم علشان مبيحبش اسم سولى وماور والواد حاتم مالوش دلع قولهم زى
عمر: سيبك منه يا بنى ده عبيط الاكل طبق على مخه ده مش معاد علاج لسليم
وائل: لا مش علاج احنا بس هنغير كيس الميه
سليم:(برعب) لا مش دلوقتى
وائل: بس هو اتملى ومش هينفع نسيبه اكتر من كده
عمر: متقلقش يا سليم
وائل:(بص لسليم) متقلقش مافيش حاجه هتوجعك ولا هنلمسك انت اصلا (وبص للممرض) يلا (الممرض بدأ يشوف شغله ووائل بص لسليم ومسك ايده) لسه جمبك بيوجعك
سليم: لا مافيش وجع بتاع الاول ده
وائل: تمام انا هديلك مسكن دلوقتى علشان تقدر تنام
سليم: مش عاوز انام وبعدين انا زهقت من النومه دى
وائل: لم دكتور كريم بكره يجى يشوفك ابقى قوله انك عاوز تمشي وتقدر تتحرك
الممرض: انا خلصت
وائل: تمام
عمر: الكيس اول مره يتغير من ساعه ما غيرته اخر مره امبارح
وائل: ايوه لو فضل على كده الدكتور هشيل القسطره بكره ونشوف ونتابع عدد مرات دخوله الحمام والكميه قد ايه علشان نعرف احتباس البول راح ولا لسه
سليم: يارب يكون راح بقا علشان انا زهقت
وائل: باذن الله بعد اذنكو (وخرج وائل ادم وعمر بيبصو وراهم لقيو حاتم ومروان ورائد خلصو الاكل كله
ادم: مكملناش خمس دقائق
عمر: دا رائد يابا
رائد: يلا تصبحو على خير ونام على الشذلونج
عمر:(راح لرائد بغيظ) اصحى ياله ايه هو فندق تاكل وتنام روح نام فى بيتكو
رائد: لا هنام هنا
ادم:(بص لحاتم ومروان) يلا يابنى انت وهو امشو علشان الساعه قربت على 10
حاتم: ماشي تصبحو على خير
عمر: طمنى ياحاتم لم توصل انت ومروان
حاتم: حاضر (مشي حاتم ومروان وادم وعمر بصو لرائد الى كان نام وسليم الى بيروح فى النوم
ادم: تعالا نطلع بره نطلب اكل تانى
عمر: انا قلقان على رائد
ادم: سيبه بس ويلا (واخدو بعض وطلعو الكفاتيريا طلبو اكل من مطعم جمب المستشفى وقعدو يستنوه)
~~~~~~~~~~~~~~~~~~~~~~~~~~~~~~~~~~~~~~~~
عند محمد عباس الى دخل الاوضه الى فيها سليم بس كان سليم نايم وموجود رنا ومينا وحازم بس
محمد عباس:(بص لمينا) سليم لسه نايم
مينا: ايوه نايم
محمد عباس: دكتور القلب عايز حازم
حازم:(بخوف ورعب) لا مش عاوز
محمد عباس: ليه ياحازم عاوز بس يطمن عليك
مينا: تعالا يا حازم نشوف فى ايه
حازم: لا مش عاوز مش هروح
محمد عباس:(مسك ايد حازم وقومه غصب عنه) مافيش حاجه اسمها لا مش عاوز يلا قولنا يبقى يلا (واخدو حازم هو ومينا وراحو للدكتور)
رنا: استر يارب الواحد مش ناقص
~~~~~~~~~~~~~~~~~~~~~~~~~~~~~~~~~
محمد عباس ومينا وحازم ظهرو عند الدكتور حازم واقف وراء مينا برعب وخوف
الدكتور: ايه ياحازم
حازم: مش عاوز اكشف
الدكتور:ليه بقا
حازم:علشان لم باجى هنا بتوجع وباخد حقن اكتر
الدكتور:طب تعالا اطمن عليك بس الاول وبعدين نتكلم فى الحقن دى
حازم:مش عاوز
مينا:متقلقش يا زوما بقا يلا بس (ومسك ايد حازم وخلاه ينام على سرير الكشف والدكتور قرب وبدا يكشف عليه خلص كشف
الدكتور:ها ياحازم لسه بتحس بنبضات قلبك سريعه
حازم:مش كتير زى الاول
الدكتور:ولم بتطلع السلم
حازم: مش تعب زى الاول بردو
الدكتور: طيب هو مبدأيا المؤشرات الحيويه للقلب كويسه جدا نبض القلب منتظم ضخ الدم كويس جدا كل حاجه كويسه هو اخد جرعه النهارده ولا لسه (حازم بص لمينا بخوف
محمد عباس: هدهاله لم نرجع البيت فى حاجه يا دكتور ولا ايه
الدكتور:(ضرب جرس) لا بس هديهاله انا علشان فى مفاچاه لحازم بس لم ياخد الحقنه
حازم:(بدموع سبقت الكلام) لا مش عاوز
الدكتور: استحمل بقا يا زوما علشان منتعبش (دخل الممرض والدكتور قاله على اسم الحقنه وخرج يجيبها)
حازم:(بص لمينا) بابا مش عاوز حقن بالله عليك
مينا: اهدا ياحازم مش عاوز تعرف المفاجاه ايه
حازم: لا مش عاوز (الممرض جاب الحقنه للدكتور وادهاله
محمد عباس: هو فى حاجه يا دكتور
الدكتور: مش هقول حاجه قبل ما حازم ياخد الحقنه الاول
محمد عباس:(قام وقف وبص لحازم ومسكه شده وقفه قدامه) اخلص ياحازم علشان ابوك تعبان ومش قادرلك
حازم:(بعياط) بابا بابا بالله عليك مش عاوز حقن
محمد عباس:(تملك من حازم) استحمل يا حازم (الدكتور قرب من حازم وبدأ انو يدخل السن)
حازم:(بصريخ) اااااه اااه شيلها شيلها خلاص اااه
الدكتور: (ضرب الحقنه وشال السن) خلاص يازوما شيلتها خلاص
مينا:(قام واخد. حازم فى حضنه) خلاص يا حبيبى اهدا خلاص
الدكتور:(رمى السرنجه وغسل ايده) مش عاوز تعرف المفاجاه يا زوما (حازم مبصلوش)
مينا:(بابتسامه) اكيد عاوز يعرف
الدكتور: عاوز اسمعها منه هو
حازم:(بعياط) ايه هيا
الدكتور: اسمع يا سيدى علشان انت اتظمت على العلاج واخد الحقن فى وقتها ومشيت عليها صح اى نعم كنت بتعذبنا بس خلاص هنعديها احنا هنوقف الحقن فتره
حازم:(مسح دموعه وبص للدكتور بفرحه) بجد مافيش حقن تانى
الدكتور: ان شاء الله هنشوف يا زوما بقا تعامل القلب من غير اى مساعده ليه علشان مش هتاخد حقن طول عمرك
محمد عباس: طب كده مش هنرهق القلب
الدكتور: لا مافيش ارهاق
حازم:(بفرحه) يعنى هعمل كل الى انا عاوزه وانا خلاص كده خفيت
الدكتور: اه انت خفيت الحمد لله بس مش معنى كده ترهق نفسك قوى كل حاجه بالمعقول
حازم: مش انا خفيت عاوز اروح الملاهى
الدكتور:(بابتسامه ومينا ومحمد عباس كلهم ابتسمو على برأه حازم) بص يا زوما هقولك حاجه انت مش بتاكل بقالك اكتر من سنه اكلك كان محاليل مكنتش بتاكل حاجه خالص اول ما تاكل تاكل محشي
حازم:(بعبوس) لا ناكل حاجات خفيفه
الدكتور: هو كده بردو لازم نمهد الاول حاجات خفيفه كده منرهقوش قوووى علشان ميحصلش انتكاسه تانى واحده واحده كده علشان متتعبش تانى
حازم: ماشي
الدكتور: كده هنوقف الحقنه خالص دلوقتى هنبدلها بالبرشام ده
مينا: مبيعرفش يبلعه
الدكتور: خلاص نخلينا فى الحقنه
حازم: لا لا هبلعه والله هبلعه
الدكتور: تمام هنبدلها بالبرشامه دى ولو حصل اى حاجه كلمنى اى وقت حتى لو كنا الفجر كلمنى بردو
مينا: ان شآء الله ميحصلش حاجه
الدكتور: ان شاء الله
محمد عباس:(ومينا وحازم قامو وقفو) شكرا يا دكتور
الدكتور: لا مافيش شكر ولا حاجه ده وجبى حمد الله على السلامه يازوما
حازم: الله يسلمك شرا لحضرتك يا دكتور
الدكتور: خد بالك من نفسك وبلاش تتعب نفسك ماشي
حازم: حاضر (وخرجو التلاته من الاوضه وحازم طاير من الفرحه
~~~~~~~~~~~~~~~~~~~~~~~~~~~~~
دخلو الاوضه سليم كان صاحى وبياكل فجاه الباب اتفتح
حازم:(بفرحه) خلصت حقن خلصت حقن ومش هاخد حقن تانى
رنا:(بصتله بخضه هيا وسليم) فى ايه ياحازم
مينا: الدكتور هيوقف الحقن فتره يشوف تعامل القلب من غيرها
رنا:(قربت من حازم وحضنته) حمد الله على السلامه ياحبيبى الباب خبط ودخل كريم ومعاه ممرض
سليم: حضرتك قولت هتكتبلى على خروج
كريم: ايوه والله خلاص (وبص لمينا) انا هكتب لسليم على خروج بس لازم يلتزم بالتعليمات وان شاء الله على بالليل اكتبله على خروج
مينا: ماشي ان شاء الله
كريم: حمد الله على السلامه
مينا: الله يسلمك يا دكتور
كريم: بعد اذنكم (وخرج كريم من الاوضه)
مينا: ياريت تخلى بالك من نفسك
سليم: حاضر يا بابا والله ما تقلق (بص لحازم) كشرت لسه
حازم:(بعبوس) الحقنه وجعتنى
مينا:(بص لحازم الى زعلان من الحقنه ونفس الوقت فرحان انو خلص العلاج) خلاص يا زوما بقا اخر واحده وزمانها راحت اصلا
حازم: لا بتوجعني
مينا: بس خلاص ارتحت خلاص
سليم: مش هقفشك زى الحرامى علشان الحقنه
حازم: انا الى هقفشك زى الحرامى علشان الحقنه
عمر: بقينا بيتكلم بقلب جامد(تليفونه رن) وبعدين عيب تقول لاخوك حرامى (مسك تليفونه وبص فيه) دى سلمى (فتح عليها) ايوه يا سلمى (قام وقف بصدمه) انتى بتقولى
يارترا فى ايه لو حابين تعرفو استنو الحلقه الى جايه
