#مع_مر_الزمان
#مع_مر_الزمان_55
#جزء_من_حلقه_سابق
اما عند يحيي الى كان عند مامته
دينا: يحيي مراتك منزلتش خالص النهارده
يحيي: طيب محاولتيش تشوفيها
دينا: لا طبعا طلعت وشوفتها قالتلى تعبانه شويه وهتنام الكلام ده من ساعه كده اطلع انت اطمن عليها وهاتها علشان تتعشو معانا لانها معملتش اكل
يحيي: ماشي (وطلع يحيي لشقته ودخل وبص حواليه وفجأه بص قدامه بصدمه
#بدايه_الحلقه_الجديده
ظهر يحيي قاعد مع رحمه وبيبص للشقه الى مزينه ببلانين ازرق وبينك وبلونه مكتوبه عليهها welcome baby
يحيي:(بص لرحمه) انتى بتتكلمى جد ولابتهظرى
رحمه:(بفرحه ودموع) وهو الكلام ده فى هزار
يحيي:(بمشاعر ملغبطه) انا متلغبط مش عارف طب طب انتى عرفتى ازاى
رحمه: كنت تحت مع طنط دينا ودوخت شويه وحسيت بتعب شويه واتكرر موضوع الترجيع تانى اتصلت على الصيدلى بعتلى اختبار حمل وعملته ولم اتكدنا رحت لطنط دينا واكدتلى
رحمه:(بزعل مصطنع) ما سيادتك قاعد فى الشركه كل وقتك ولا سائل فيا
يحيي:(مسك ايدها وباسها) انا اسف حقك عليا متزعليش منى انا هفضيلك نفسي من هنا وجاى وهبقى جمبك كل دقيقه وكل ثانيه
رحمه:(بحب) ايوه طبعا وتكلمى البيبى كتير علشان انا عاوزه يعرفك قبل ما يجى الدنيا وزى ما بيحس بيا لازم بردو يحس بيك
يحيي: دانا مش هبطل كلام معاه هحكيله على كل حاجه
رحمه:(مسكت ايد يحيي) فرحان يا يحيي
يحيي: فرحان بس دانا هموت من الفرح
رحمه: يارب يكمل فرحتنا على خير يارب
يحيي: يارب اه صحيح انتى عرفتى انهم هيعملو عقيقه لرائد يوم الجمعه
رحمه: لا معرفش طب هيا طنط دينا هتروح امتى علشان احهز نفسي
يحيي: لايه ياحبيبتى
رحمه: هروح اساعدهم
يحيي: لااااا انسي يا ماما انسي انتى من هنا ورايح مش هتعملي حاجه انتى سامعه
رحمه: اه سامعه بس مش هسمع منك وهعمل كده انا حامل مش تعبانه طنط هايدى قالت اتحركى برحتك بس بحذر انا قايمه اعمل عشا (لسه يحيي هيتكلم كملت رحمه كلامها) وتعالا ساعدنى وبدون نقاش يلا (ومشيت قدامه يحيي بصلها باستغراب ولقى نفسه بيسمع كلامها وبيمشي وراها وهو مستغرب انو ده رحمه الكيوته)
~~~~~~~~~~~~~~~~~~~~~~~~~~~~~~~~
عند عمر الى دخل على هنا الاوضه وشافها قاعدها ومسكه الفون ومركزه فيه دخل شد منها الفون
هنا: ايه ده فى ايه
عمر:(بعصبيه) هو انا يابنتى خيال مش شيفانى مش واخده بالك منى
هنا:(بعدم فهم) فى ايه ياعمر انا عملت ايه
عمر:(بصدمه) اقولك عملتى ايه انا جيت من بره لاعملتى اكل ولا غدا ولم انا قومت عملت قولت يمكن تعبانه ولا حاجه خلصت مرضتيش تاكلى معايا ولا عايزه تتكلمى وكل ما ادخل عليكى الاقى الزفت ده فى ايدك فى ايه
هنا:(بتشد من ايده الفون) هات ياعمر التليفون بقا بعمل حاجات مهمه والله
عمر: اهم منى يابنتى
هنا: لا مش اهم منك بس هيا مهما بردو بختار حاجات عقيقه الولد اوغى بقا (لسه عمر هيتكلم هنا شدت من ايده الفون الباب خبط راح عمر يفتح الباب لقى مامته واخته بصلها بعصبيه) تعالى بقا شوفى البت الى جوه بدل ما ادخل اموتها جوه
رنا: هيا فين اصلا انا طالعها البت دى ايه الى هيا بتعمله ده
عمر: مش فاهم والله اهيه فى الاوضه ده
سلمى: يعنى انت يا ابيه مش عاجبك الى بتعمله صح
عمر: لا طبعا
رنا:(دخلت الاوضه وبصت لهنا) محدش فينا مواقفك على الى انتى بقيتى فيه ده
هنا: لا انا صح
عمر: هو ايه الى انتى صح
هنا:(بصت لعمر) اسكت انت ،،، انت مش فاهم حاجه
عمر:(بصلها) وماله نفهمهم انتى بتعملى ايه
هنا:(بصت لعمر) خلاص ياعمر مش وقته
عمر:(بضحكه سخريه) اااه دلوقتى بقيتى خايفه
هنا: خلاص ياعمر
عمر: لا مش خلاص ولازم يعرفو
هنا:(بصت لعمر) انت مصمم بقا
عمر: اه مصمم
هنا:(بصت لرنا) ماشي ياطنط انا مش هجيب غربال لابنى واحط فيه واهزه
رنا: بابنتى هو انا بقولك هنزه بس يتحط فيه انا اخترت واحد حلو جدا
هنا: حضرتك دكتوره يا طنط مش عارفه مدى خطوره الوضع
رنا: لا عارفه وانا اكيد مش هتسبب لحفيدى باى اذيه يعنى
عمر:(بصلهم بصدمه) ماما هو انتى كنتى قاعده معاها بتتكلمو
رنا: ايوه طبعا
سلمى: اومال يا ابيه وطنط دينا معانا وطنط هايدى وساره وفريده ورحمه
عمر: ااه كمان (وبص لرنا) انا ابويا فين انا هنزل لابويا اشتكيله
رنا:(بصتله) انتو عدوين الفرحه
هنا: ايوه انزل ياعمر وسبنا هنا مع بعض (عمر بصلها بغيظ وذقها من قدامه وزق سلمى و نزل وقعدو البنات مع بعض يكملو اختيار الحاجه
~~~~~~~~~~~~~~~~~~~~~~~~~~~~~~~~~~~
بعد يومين عند رنا الى ظهرت فى المطبخ مع سلمى
سلمى:(بصت لرنا) مامى هو احنا الى هنعمل الحاجات دى كلها
رنا: لا بابا جايب ناس تعمل كل حاجه
سلمى: والاكل
رنا: لا الاكل احنا الى هنعمله علشان بابا مبحيبش اكل الطباخين
سلمى: يوووو بقا
رنا:(بصت لسلمى) ايه يا سوو ده على اساس يعنى انك بتساعدى انا وعمتك ومرات عمك
سلمى: وهنا
رنا: من بعد ما جيه رائد بقيت معاه على طول
سليم:(دخل المطبخ) ماما الجزار اتكلم وقال انو جاى دلوقتى
رنا:ماشي يا سليم احنا جهزنا كل حاجه
سليم: ماشي
رنا: اومال اخواتك وبباك فين
سليم: عمر راح يجيب رائد من بيته علشان عربيته عطلانه وحاتم بره
رنا: وفين حازم
سليم: طلع الاوضه معرفش يعمل ايه طلعت لقيته نايم
رنا: ماشي
سليم: انا هطلع بقا
رنا: ماشي ياحبيبى
سلمى: مامى هنا فين
رنا: فوق فى شقتها
سلمى: هطلعلها
رنا: استنى شويه يمكن تلاقيها لسه نايمه من سهره امبارح لم كنا بنجهز حاجه السبوع
سلمى:(عملت نفسها عاوزه تنام) طيب انا هطلع انام انا كمان منا كنت سهرانه (وسابتها وطلعت وسط صدمه رنا)
~~~~~~~~~~~~~~~~~~~~~~~~~~~~~~~~~~~~~~~~~~~
عند حازم الى نزل من اوضته راح المطبخ لرنا
حازم: ماما هما اخواتى فين بدور على حاتم وابيه سليم مش لاقيهم
رنا: بره يا حازم فى الجنينه
حازم: هو انتى بتعملى ايه يا ماما
رنا: بحضر علشان الدبيح كمان شويه وابقى جاهزه ومافيش ورايا حاجه علشان نكيسها اول باول
حازم:(بتفاجأ) هما لسه مدبحوش ياماما
رنا: لا لسه
حازم:(بفرحه) هييه هطلع اتفرج (وجرى من قدمها)
رنا:(بصوت عالى) براحه ياحازم متجريش ( نطلع بره مينا واقف مع الجزار ومعاه الشباب كلهم ومعاهم رائد حازم راح وقف معاهم وهو مش فاهم حاجه من الى بيسمعها بص ناحيه العجل وابتسم وراح وقف قدامه
حازم:(بص للعجل بابتسامه) صباح الخير ياعجل ،، كويس انى شوفتك قبل ما تموت واتعرفت عليك ،، انت عارف انك هتموت دلوقتى عارف ولا مش عارف (وبتفكير) هو صحيح العجل والجاموسه والحاجات الى بتدبح دى بتبقى عارفه انها هتدبح (وبص جمبه بعيد شويه لقى ادوات الجزار الى هيدبح بيها بص لاعجل) استنى استنى هقولك هيعملو ايه (وراح جاب السكينه وقرب من العجل وحط السكينه قدام عينه) انت عارف دى ايه ولا انت شكلك مش عارف انا هقولك دى اسمها سكينه عارف بيعملو بيها ايه(العجل بدا انو يتحرك بخوف حازم قرب من العجل اكتر وبدأ انو يقرب السكينه من العجل اكتر وجاى يمسك رقبته العجل بدا انو يعمل صوت حازم اتخض ورجع لوراء بسرعه ،، حازم كمل كلامه بخضه) خضتنى ياعم انت ( ولسه حازم بيقرب العجل هاج اكتر واتحرك فك الحبل حازم بصله بصدمه وجرى والعجل جرى وراه)
حازم:(بصريخ وخوف وهو بيجرى) بابا بابا الحقنى يا بابا بابا يابابا يا ابيه عمر (الكل بص لحازم بصدمه الى بيجرى والعجل بيجرى وراه
مينا:(بصدمه) ينهار اسود (وجرى والكل جرى وراه رائد بص للكل الى جرى وبص لباب الفيلا وجرى عليه دخل منه
مينا:(وهو بيجرى بص للجزار) اعمل حاجه ياعم انت
حازم:(خلاص بيقرب من الحطيه والعجل وراه) يابابا حد يحوشه عنى بقا يا بابا يابابا (وفجأه لاقى ايد بتشد من قفاه لجوه الفيلا ودخل وقفل الباب حازم بص لرائد بنهجان ومسك دماغه واغمى عليه
رائد:(بخضه وخوف) حازم (الكل دخل طبعا وبقى الجزار والمساعد بتاعه يمسكو العجل سيطرو عليه لحد ما مسكوه جوه فى الفيلا الكل متجمع حوالين حازم الى اغمى عليه
رنا:(طلعت من المطبخ بسرعه) فى ايه يا جماعه (محدش رد عليه بصت لحازم بخوف) ماله حازم
مينا:(بص لولاده) حد. يجيب اى ريحه بسرعه (حاتم طلع بسرعه ،، مينا بص لحازم وبيضرب على وشه براحه) حازم حازم حازم
عمر:(بزعيق) بسرعه ياحاتم (نزل حاتم بسرعه ومعاه البرفان مينا اخده منه وفوق حازم بيه
حازم:(اول ما فتح عينه قام قعد بسرعه ولقى مينا قدامه بصله بعياط وحضنه) بابا العجل كان هياكلنى كان بيجرى ورايا انا كنت خايف قوى
مينا:( اخده فى حضنه وهو بينهج وغمض عينه براحه)متخفش يا حبيبى خلاص يا حبيبى اهدا
سليم:(دخل من الباب) حازم كويس
مينا:(مسك وش حازم بين ايده) ايه الى حصل وانت مش كنت واقف معانا ايه الى وداك ناحيه العجل
حازم:(بص لمينا) كنت بشوفه قبل ما يدبح
سليم:(بص لحازم) وتمسك حاجات الجزار ليه يا حازم
مينا:(بص لسليم) هو مسك حاجات الجزار
سليم: ايوه يابابا الساطور كانت بره الشنطه والحزار قالي العجل مش هيهيج كده الا لو شاف الاداه الى هيندبح بيها واتهوش بيها
حاتم:(بعصبيه) وغير كده كمان يابابا هو نازل قدامه وهو لابس احمر
حازم:(بص لحاتم) وفيها ايه
مينا:(بجديه) غلط يا حازم وبعدين انت متخلف ماسك السكينه ورايح بيها قدامه ومش عاوزه يهيج عليك
حازم: طب ما هو الجزار بيمسكها وبيدبح مش بيهيج عليه ليه
مينا: بيغمو عينه يامتخلف انت وبعدين انت مالك ده شغله وهو فاهم هو بيعمل وبعدين بتلعب فى حاجه مش حاجتك ليه انت لسه طفل يعنى انت مش هتكبر خالص هتفضل طول عمرك عيل صغير مش عارف الغلط من الصح
عمر:(بص لحازم الى لقى خوفه بيزيد من عصبيه بباه) بابا لو سمحت اهدا
حازم:(بخوف من عصبيه مينا) معرفش والله انو ده هيحصل
مينا:(بتنهيده وبهدوء) ياحازم اعقل بقا وبطل تصرفاتك الطفوليه دى فكر فى تصرفاتك قبل ما تعملها يا حبيبى
حازم: ماشي حاضر(مينا تنهد واخد حازم فى حضنه ورنا قعدت جمب حازم وحضنته
مينا: يلا نطلع نشوف هنعمل ايه قبل ما الدنيا تليل علينا
حازم: ينفع اطلع معاكو
مينا: متسبش ايدى يا حازم
عمر: متقلقش عليه يابابا هيفضل معايا
مينا: متسبوش ياعمر
عمر: متقلش يابابا
حازم:(بص لرائد) شكرا يا ابيه
رائد: لا يا حبيبى بس انتبه وخلى بالك من نفسك وتصرفاتك بعد كده
حازم:(حضن رائد ويدوب ايده لفت على وسط رائد حازم بص لرائد) وطى شويه علشان ابوسك
رائد:(بضكحه) انا مش عارف هتدخل الكليه ازاى يا شبر ونص انت
حازم:(بغضب طفولى) انا مش قصير انتو الى طوال قوى. ومش هبوسك بقا ومش هحضنك تانى بس كده هااا (كلهم ضحكو على حازم ورائد وعمر حط ايده على كتف حازم وخرحو كلهم كان الجزار سيطر على غضب العجل واتحكمو فيه وربطوه كويس جدا وبدا انو يجهز نفسه للدبح
~~~~~~~~~~~~~~~~~~~~~~~~~~~~~~~~~~~~~~
بعد ما خلص اليوم وكل الناس مشيت اتفقو انهم يقضو باقى اليوم عند مينا
محمد عباس:(بص لمحمد سعد ومينا) بما ان الكل متجمع انا بقرر طلبى عليك تانى
محمد سعد: طلب ايه
محمد عباس: وائل وساره
محمد سعد:(بص لمينا مينا ابتسم محمد سعد بص لمحمد عباس): خليه يجيب ولدته ويجي
سليم:(بص لمينا) وانا وانا
مينا:(بص لسليم) وانت ايه
سليم: عاوز اخطب
مينا:(بص للكل) طب بما ان فى كذا مشروع خطوبه عندنا انا بفكر نتجمع كلنا فى بيت واحد ونقرا فاتحه للكل
رائد:(بص للكل) انا بعد اذنك ياعمو مينا انا هبقى اجى يوم تانى
مينا: ليه يا رائد
رائد:(بدموع محبوسه) معلشى ياعمو خلينى على راحتى انا اصلا هاجل الموضوع شويه (وسابهم وقام طلع بره
مينا:(بص لرائد بزعل وبص لعمر) فى ايه ياعمر
عمر:(بحزن علشان صاحبه) اللواء سافر اول امبارح مع مراته بره علشان تعبانه جدا ومن ساعه ما عرف انو سافر وهو زعلان كان حاطط فى دماغه انو هيكلمه ويجى معاه واللواء كان موافق بس تعب مراته وسفرهم وكده هو اتضايق
مينا:(ومحمد سعد بصو لبعص ومينا بص لعمر الى قام وقف) استنى ياعمر
عمر: هروح اشوفه
محمد سعد:(قام وقف) انا هروحله (وسابهم وخرج والكل بان على وشه الزعل)
~~~~~~~~~~~~~~~~~~~~~~~~~~~~~~~~~~~~~~~~~~~
طلع محمد سعد لقى رائد واقف على البسين ودموعه على خده محمد سعد وقف جمبه رائد بصله وصت عياطه بان وحضن محمد سعد حضن رائد واخده وراحو قعدو وفضل محمد سعد حاضن رائد لحد ما هدا خاالص
محمد سعد: هديت (رائد بدموع وعيون محمره جدا من العياط هز راسه بمعنى ايوه ،، محمد سعد كمل كلامه وهو بيمسح دموع رائد ) طيب هنتكلم بس من غير اى عياط خالص ماشي (رائد هز راسه بمعنى ماشي ،، كمل محمد سعد كلامه) هحكيلك حاجه (رائد بصله محمد كمل كلامه) احنا زيك يا رائد اتربينا من غير اب ام ولا خال وعم يسأل علينا مينا ربى نفسه بنفسه هايدى كانت ام فى سن صغير قووى يوم ما ابونا مات كان اصعب يوم عدى علينا عمى الى هو اخو ابويا دفن ابويا ومرجعش البيت من الطريق نفسه سبنا ومشي ومكملش العزا بتاع اخوه احنا الى وقفنا واخدنا عزا ابونا مع واحد جارنا كانو مينا وهايدى بيروحو المدرسه ويسبونى عند جاره لينا كانت ونعم الام عوضتنى كتير قووى عن فراق حضن امى وانا لسه مش فاهم اى حاجه فى اى حاجه هيا الى عملت هايدى الطبيخ وازاى تدير البيت كان مينا بيشتغل مع جوزها كان كل شهر يقبض ويروح يديها الفلوس تقسمهالو وتعرفو ازاى يمشي الشهر من غير ما يمد ايده لحد وكبرنا على كده ومينا اتخرج من الجامعه وشاف رنا وحبها خبى حبها فى قلبه سنين وسنين علشان مش عارف ياخد مين معاه عارف مين الى راح معاه اخو عمك محمد الكبير كان اكبر واحد فينا اخده وراح سمعته مينا بيقول انو طول عمره مش حاسس انو يتيم بس النهارده حس بقيمه وجود الاب والام وليد قاله كلمه عمرها ما طلعت من دماغى ابوك وامك خلفو راجل يسد عين الشمس لوحدو ليه مكانه وبنى نفسه بنفسه تفوق فى شغله وتفوق فى دراسته وخلى باله من اخواته الاصغر واخو الى مكنش يعرف حاجه فى الدنيا بقا فى ثانويه عامه وبينج وبتفوق وقاله انا فى ظهرك مع انك لو روحت لوحدك هيقبلو بيك (وبص لرائد) انا عارف انك محتاج دلوقتى لاب ولام يجو معاك ويشركوك فرحتك وطالما بباك الله يرحمه كان من اعز الناس على قلبى انا بقا هتحل مكانه انا ودينا ونيجى معاك ونطلب ايد سلمى ليك ولا انت مش عاوز
رائد:(بصوت مبحوح) لا ازاى انا اتشرف والله
محمد سعد: خلاص نتجمع فى الاتفاق كلنا ونطلب ايد سلمى لابنى (ومسك وش رائد بين ايده) انت ابنى زيك زى يحيي ومروان
رائد:(بصله بقلق) بس طنط دينا يعنى
محمد سعد: دينا بتحبك جدا يا رائد على فكره معرفش انت متجبنها ليه
رائد:(لسه عيونه مدمعه) مش تجنب والله بس
محمد سعد: شديده شويه (رائد بصله محمد سعد ابتسم) شديده كتير بس علشان كنتو تذاكرو بدل لم كنتو بتتجمع مع عمر ويحيي وادم مكناش بنلاقى مذاكره وتانى يوم كنا بنسمع العصايا بتشتغل
رائد:(وهو بيمسح دموعه) خلاص ياعمو بقا
محمد سعد:(مسك وشه تانى بين ايده ومسح دموع رائد الى لسه بتنزل من عينه) ايوه اضحك وافرح انت داخل على نكد ابدى
رائد:(بصله برفعه حاجب) انت كده بتشجعنى انى اخد الخطوه دى يعنى
محمد سعد: طبعا يابنى
رائد: اه صح واضح
محمد سعد: انت بتشكك فيا
رائد:(بضحكه حزين) لا طبعا
محمد سعد: وله وله انت اخد من وقتى كتير قدامى على جوه
رائد: لا كفايه كده انا هروح بقا
محمد سعد: هتمشي تدخل ولا ها (وبيمد ايده يفك الحزام)
رائد:(بصله بخوف مصطنع) ايه ده سليم بينادى عليا(وجرى من قدامه دخل جوه محمد سعد بصله بضحكه وتنهد بالم من الماضى والى حكاه ودخل وراه دخل بص لمينا وغمزله
مينا:(بصلهم كلهم) طيب يلا ياجماعه نطع ننام كفايه كده (وبص للشباب) نطلع ننام مش نكمل السهره
(الكل ضحك وطلعو كلهم البنات البنات ورنا وهايدى ودينا فى الفيلا والشباب ومينا ومحمد سعد ومحمد عباس طلعو شقه عمر وكلهم من تعب اليوم نامو
~~~~~~~~~~~~~~~~~~~~~~~~~~~~~~~~~~~~~~~~
تانى يوم عند وائل الى قاعد مع محمد عباس فى شقه وائل
محمد عباس: انا مش عايزك تزعل منى خالص ولا تكون شايل منى
وائل: هو فى ابن بيشيل من ابوه مافيش وحضرتك زى والدى اكيد انا مش زعلان من حضرتك
محمد عباس: طيب انا كلمت عمك محمد تانى وهيتفقو على معاد علشان فى كذا قاعده كده هنتفق على مكان نتجمع كلنا وابلغك بالمعاد ونشوف معاد يناسبنا كلنا
وائل: بأذن الله
حوريه:(دخلت بالقهوه) اتفضل يا دكتور محمد اتفضل
محمد عباس:(قام وقف) تسلم ايدك يا ست ام وائل تسلم بس معلشي انا مستعجل ولازم امشي
حوريه: طب اشرب قهوتك الاول
محمد عباس: معلشى مره تانيه ان شاء الله يلا سلام عليكم
وائل: هوصل حضرتك
محمد عباس: لا يا حبيبى خليك (وبابتسامه) يلا هسيبك تفرح ماما (محمد عباس خرج ووائل وصله لحد الباب ونزل محمد
حوريه:(ووائل بيقفل الباب) فى ايه يابنى
وائل:(بابتسامه وقعد جمبها) خلاص يا ماما هيكلم قريب قوى هنحدد معاد وهنروح علشان نطلب ايد الانسه ساره
حوريه:(بفرحه) بجد يا حبيبى اخير هشوف الى خطفت قلبك
وائل: ايوه يا امى
حوريه: يارب يكرمك يابنى وتبقى من نصيبك يارب
وائل: يارب يا امى يارب
حوريه:(بفرحه) يلا ياحبيبي قوم ريح شويه على ما احضر الاكل
وائل: ماشي يا امى (وقام وائل وحوريه دخلت المطبخ وهيا بتدعى ربنا يفرح قلب ابنها ديما
~~~~~~~~~~~~~~~~~~~~~~~~~~~~~~~~~~~
اما عند عمر الى ظهر بيخبط على باب اوضه حازم ودخل
عمر:(قعد جمبه) عامل ايه
حازم: الحمد لله
عمر: بقيت كويس يعنى ولا لسه مرهق من امبارح
حازم: لا بقيت كويس الحمد لله
عمر:(بصله بابتسامه) خلاص كبرت يازوما وداخل الكليه
حازم: ايوه بقا خلاص
عمر:(مسك ايد حازم) زوما الكليه عالم تانى غير المدرسه المدرسه فى عدد محدود الكليه لا عالم مفتوح فى كذا كليه هتقابل اشكال والوان وناس مختلفه عننا وناس زينا هتقابل الحلو والوحش المتربى والقليل الادب هتقابل المنافق والخاين وهتقابل الصحاب الكويس انت فاهم معنى كلامى ايه
حازم: لا
عمر:(بابتسامه من برأءه اخوه) يعنى ياحبيبى مش اى حد تصاحبه مش اى حد نثق فيه الكليه مش زى المدرسه لو حد غلط هنروح للمدير او لللمستر والطالب يتعاقب لا مافيش الكلام ده احنا نبقى فى حالنا ونخلى بالنا من نفسنا كويس قوى واهم حاجه حط رضا ربنا قدام عينك وبعدينبابا وماما وانا واخواتك ومستقبلك انت نفسك تبقى جزء من شركه بابا ،، وبابا عمره ماهيديلك حاجه انت مش قدها لازم تثبت انك قد اى مسؤليه
حازم: ايه يا ابيه انا جاى تخوفنى
عمر: لا انا جاى احط ليك اساسيات مينفعش نتعدها بابا قعد معايا نفس القعده دى قبل اول يوم كليه وقعد مع سليم وانا هوه قعدنا مع حاتم واختبرنى فى سلمى ودلوقتى انا جتلك من نفسي من غير ما حد يعرف انى جاى اتكلم معاك لان انت ابنى قبل ما تبقى اخويا مش هتخذلنا يا زوما مش كده
حازم: ان شاء الله لا بس انت هتيجى معايا اول يوم مش كده
عمر: ايوه ،، زوما هو انت مش معاك حد من صحابك
حازم: اعرف ولدين وبنت كانو معايا فى المدرسه بس ماليش كلام مع البنت والولدين يعنى معرفه سطحيه بس هما صحاب
عمر: كويسين
حازم: ايوه
عمر: ماشي يا حبيبى اتعرف عليهم اكتر
حازم: محمود وحامد قالولى مش هنسيبك لوحدك
عمر: عارف بس ممكن السكاشن تختلف
حازم: متقلقش عليا يا ابيه اخوك قوى وقدها
عمر: وانا واثق فى كده (عمر بص للسرير الى عليه اسبايدر مان والحطيه الى عليها روسومات كرتون وبص لحازم) مش شايف انك كبرت على ديكور الاوضه
حازم: بحبها كده
عمر: طفوليه قوى ايه رائيك نغيرها سوى ونغير الدهان كله كمان
حازم:(بتحمس) ماشي
عمر: خلاص نفضى نفسنا وقت كده ونجيب الشباب ندبسهم كلهم ورائد كمان
حازم: ماشي تلعب ديمنو
عمر: نلعب (حازم قام بحماس يجيب الديمنو وقعد يلعب هو وعمر وسط ضحكهم وهزارهم سوا)
