مع مر الزمان

الحزء الرابع

#مع_مر_الزمان
#مع_مر_الزمان_4
#جزء_من_حلقه_سابقه
سليم(بقلق) أنا برن عليه يابابا الموبايل مقفول
سلمي(بعياط) طيب هيكون راح فين يعني أنا قلقانة أوي
حازم(بقلق ودموع) بإذن الله شوية وهيجي ماتقلقش ياجماعة
مينا(بقلق وبصوت مسموع) يارب يارب إنت فين يابني كل ده
رنا(بعياط) رن عليه تاني يامينا بالله عليك قلبي مش مطمن عليه قلبي بيقولي ان حاتم فيه حاجة والله وإن إبني مش بخير!
مينا(بصلها بقلق) لالا باذن الله هيبقى كويس إدعي انتي بس وهو شوية وتلاقيه داخل علينا(قطع كلامه رسالة على الفون بتاعه فتحها بسرعة مجرد مافتحها بص عليها بصدمة وبصوت عالي) مستحيل! مش معقول!
#بدايه_الحلقه_الجديده
(في بيت ميناا اللي كلهم قاعدين في قلق بسبب تأخير حاتم ومينا اللي بيحاول يتصل عليه تاني فجأة وصله رسالة بص للرسالة بصدمة)
مينا(بصدمة) مستحيل ! مش معقول!
رنا(بخوف) فيه إي ياميناا هو اي اللي مش معقول!
مينا(باصصلهم كلهم بتوهان وساكت)
سليم(راحله وحط إيده علي كتفه بقلق) بابا مالك فيه إي! وإي الرسالة اللي جتلك قلبتك 180درجة دي !
سلمي(بدموع) حاتم كويس صح!
حازم(بخوف وبقلق) بابا رد علينا إنت ساكت ليه!
مينا(بصلهم ورجع بص لرنا بتوهان وخوف علي إبنه ) حاتم .. إتخطف!
رنا(بصدمة وعدم إستعاب)مينا إنت بتهزرصح! بتعمل فينا مقلب صح!لالا بس مستحيل إنت تعمل فينا مقلب زي ده! لالا بس إبني كويس صح حاتم كويس يامينا هيتخطف ليه ومين اللي خاطفه ها رد عليا طيب ريحني ومين اللي بعتلك الرسالة دي! مينا إنت ساكت ليه (بصوت عالي ودموع)رد عليا بقاا
مينا(بتماسك ومسك إيديها) رنا حبيبتي إهدي! هو اللي بعتلي الرسالة بيقولوا إنهم خطفوا حاتم بسبب الصفقة اللي بينا وعاوزيني أنسحب منها بس هيا تيجي علي الصفقة ومايكونوش عايزين يكسروني بحد من ولادي
رنا(بعياط وإنهار) لالا حاتم كويس أيوة هو كويس! مينا مينا لو بتحبني هاتلي حاتم هاتلي إبني ياميناا (وفجأة أغمي عليها)
مينا(بصوت عالي ) رناااااااااااااا
(مينا إشتال رنا وطلع بيها علي الأوضة وحاول يفوقها مافاقتش إتصل بهايدي تيجي تشوفها وسط خوف مينا وسليم عليها وإنهيار سلمي وحازم )
.........................................................................................................
(عند هايدي اللي جت هيا وعباس بعد مامينا كلمها وقالها إن رنا أغمي عليها ومش عارف يفوقها وطلب منها تجيب شنطتها الطبية ومهدأ معاها وهيا جاية )
هايدي(بقلق) مينا ! مالها رناا خيرر إنت قلقتني !
مينا(بتوهان وخوف عليها) إطلعي بس إكشفي عليها يارنا ونتكلم بعدين ..
(سليم وحازم وسلمي قعدوا مع عباس في الصالة وطلعت هايدي للأوضة اللي فيها رنا وكشفت عليها وكان معاها مينا)
مينا(بقلق) خير ي هايدي مالها !
هايدي(بإبتسامة تطمن أخوه) ماتقلقش ياحبيبي هيا كويسة بس متعرضة لصدمة هيا اللي سببت الأغماء أنا إعطتلها حقنة مهدأ هتنيمها شوية ولما تصحي الصبح هتبقي كويسة بإذن الله ماتقلقش ..
مينا(بتنهيدة قلق) يارب ياهايدي يارب ..
هايدي(طبطبت على كتفه) ماتقلقش .. المهم قولي حصل إي وصلها لكده !
مينا(بتنهيدة وهو بيخرج برا الأوضة) تعالي وهقولك كل حاجة تحت ياهايدي علشان مانعملش صوت جنبها ..
(نزلوا تحت في الصالة اللي كان قاعد فيها عباس وسليم وسلمي وحازم)
سليم(بقلق) ماما كويسة ياعمتو ..
هايدي(بإبتسامة تطمنه) كويسة ياحبيبي ماتقلقش (وبصت لمينا بجدية) قولي بقي حصل إي وإي اللي وصلها لتعرضها لصدمة عصبية !
مينا(بتنهيدة حزن) حاتم إتخطف
عباس(بصدمة) إتخطف إزاي يعني يامينا !
مينا(بحزن) جالي رسالة من اللي خطفوه وبيقولولي أتخلي عن الصفقة الكبيرة اللي أنا داخلها دي وبيهددني دي قصاد حياته !
هايدي(بحزن علي إبن أخوها) طيب وهتعمل إي يامينا ! إتخلي عن الصفقة دي المهم حاتم يرجعلنا ويبقي كويس
مينا(بحزن) تولع الصفقة ياهايدي بس أضمن بس إنه حتي لو تنازلت عنها هيرجعلي إبني ومايأذهوش !
عباس(بإبتسامة يطمنه ويخفف عنه) باذن الله هيبقي كويس ويرجع لحضنك وتتطمنوا عليه
مينا(بإبتسامة باهتة) باذن الله ياعباس باذن الله ..
...................................................................................................................
(في مكان أخر مهجور ظهر حاتم متغمي عيونه بحيث مايشوفش حاجة ولا أي حد ومتربط من إيده ورجله وفيه ناس جنبه باين عليهم القوة والإجرام دخل عليهم الأوضة راجل لابس إسود في إسود وباين علي ملامحه الكبرياء والخبث )
الرجل(قعد علي كرسي قدام حاتم وبإبتسامة شر وببرود) منورنا والله ياحاتم المكان بقي له حِس لما دخلته !
حاتم(بقوة مُزيفة) انت عاوز مني إي !
الرجل(بضحكة شر) وأنا هعوز منك إي ! أنا عاوز من أبوك ..
حاتم(بخوف) عاوز من بابا إي ! وخاطفني ليه ! وهتستفاد من خطفي إي أصلاً بدل عاوز من بابا مش مني !
الرجل(ببرود وبضحكة شر) حيلك حيلك كل دي أسئلة بس أنا علشان أبينلك إني رجل حنين مش هسيبك متعلق كده كتير ودماغك تودي وتجيب أولاً ياسيدي عاوز من أبوك إي ! فبصراحة عيني علي الصفقة ماهو مش كل شوية يدخل صفقة يخرج منها الكسبان بس مش الصفقة وبس (وراح قدام حاتم وبصوت مهموس مُرعب عند ودنه) أنا عايز أهدمه ! عاوز مايبقاش لأبوك أسم خالص في الدنيا دي
حاتم(بقوة وبصوت عالي) يبقي بتحلم! وصدقني بدل إنت مغلول منه أوي كده يبقي بابا قاهرك أوي برضو بصراحة بحيي بابا وأرفعله القبعة علي كده
الرجل(بإبتسامة مُرعبة) إممم وماله كلام جميل خالص لما نشوف هيقدر يفضل بقوته بعد اللي هيحصل فيك ولا واللي هيحصلك هيكسره ويقضي عليه !
حاتم(بخوف) هتعمل إي ! إي اللي هيحصل!
الرجل(بشر) لالا دي بقي خليها مفاجأة أصل أنا بحب أبوك أوي الصراحة ولازم أكرمك وأستقبلك أحسن إستقبال ..
حاتم(بخوف بس تظاهر بالقوة) يبقي بتحلم بابا أصلااً مش هيسكت وهيعرف مكاني ويمحيك من علي وش الدنياا وبكرة تشوف غضب باشمهندس مينا بنفسك ..
الرجل(بإبتسامة شر) طيب أديني بستني أشوف لاني متحمس بصراحة نشوف مفأجاتي اللي هتعجبه ولا مفاجأته اللي هتعجبني الأيام بيننا ياا اااه حاتم .. سلام بقي أسبيك من رجالتي الوقتي يسلوك لما أرجعلك تاني (وبص لرجالته) رحبو بيه يارجالة بس علي خفيف كده لانه غالي عندي ولسا مشواره معاناا طويل فمحتاجينه !
(مشي الرجل وخرج برا الأوضة وساب رجالته مع حاتم اللي قعدوا يضربوا فيه شوية وخرجواا وسابوه وسط وجعه وخوفه)
.................................................................................................
(الصبح في بيت مينا كان سعد أخوه ودينا وأولادهم وهايدي وعباس كانوا لسا موجودين وكلهم قاعدين في الصالة)
سعد(بقلق) وإنت هتعمل إي ياميناا !
مينا(بحزن) مش عارف والله ياسعد أناا قلبت الدنياا عليه وعلي مكانهم من إمبارح ومافيش أي نتيجة حتي إستعينت برجالة من الشرطة وكده بس الرقم اللي مبعوت منه الرسالة مش صحيح أصلاً مش بيظهر أنه متسجل في خطوط الإتصالات هامة يعني خلاصة الكلام الرقم وهمي !
عباس(بحزن) طيب والعمل بقينا تاني يوم أهو ولسا برضو مش عارفين هو فين ولابيحصل معاه إي !
مينا (بخوف علي إبنه) لالا باذن هيكون كويس هو الموضوع بيني وبينه فمش هيأذي حاتم بإذن الله ..
هايدي(بدموع وحزن) بإذن الله يارب يارب إحفظه
حازم(بعياط وقلق) بابا حاتم هيبقي كويس صح!
سليم(راحله وأخده في حضنه يهديه) بإذن الله ياحبيبي هيبقي كويس ماتقلقش بطل عياط بقي مافيش راجل بيعيط
سعد(بص لمينا بحزن) طيب ماتقول لعمر يجي يامينا ويدور علي أخوه إنت هتخبي عليه ليه!
مينا(بسرعة وبجدية) لالا ماينفعش نقلقه وهو في غُربة وكمان أنا مش مستغني عن حد تاني وأنه يعرض نفسه للخطر كفاية أخوه اللي مش عارفين مكانه ده !
عباس(بتنهيدة حزن) بس هيزعل جداً لما يعرف يامينا وانت عارف أن عمر متعلق بإخواته جداً وبيعتبرهم إولاده مش إخواته
مينا(بتنهيدة) عارف والله بس أناا خايف عليه!
سعد(بتنهيدة وبإبتسامة يطمنه) بإذن الله هنلاقي حاتم قريب ومش هتخسر ده ولا هتقلق عمر إستقوي بس واستعين بالله كده وربنا يرده لينا ولحضنك قريب ياحبيبي
مينا(بصله بإبتسامة مرهقة) بإذن الله ياسعد بإذن الله ..
دينا(بإستفسار) أومال كل ده رناا لسا ماصاحتش مش المفروض المهدأ يكون مفعوله خلص ياهايدي
هايدي(بهدوء) أيوة صحيح المفروض فاقت من نص ساعة (قطع كلامها صراخ رناا كلهم جروا علي الأوضة فوق)
مينا(راحلها بسرعة) رنا حبيبتي إهدي أنا هنا أهو إهدي!
رنا(بعياط جامد وبإنهيار) مينا ميناا أنا عاوزة إبني بالله عليك أنا عاوزة حاتم أنا قلبي واجعني يامينا هاتهولي هاتلي حاتم ..
مينا(بثبات مُزيف) حاضر حاضر بس إهدي بس والله أنا بدور عليه وكل معارفي بيساعدوني وهنلاقيه النهاردة قبل بكرة باذن الله بس ماتقلقيش وخليكِ قوية كده علشان إولادك اللي هيموتوا من الخوف عليكِ دول
رنا(بعياط جامد وبإنهيار) حاضر حاضر هبقي كويسة بس هاتلي إبني أنا عاوزة حاتم هاتلي إبني
مينا(بزعيق لأول مرة) بس بقي إرحميني م أنا بدور أهو ومش ساكت ماتوترنيش بقي بعياطك ده ..
رنا(بصتله بعياط وعنيها محمرة من العياط ووشها أصفر وباين عليها الإرهاق بصلها بتنهيدة حزن وخرج)
هايدي(راحت لرنا وحضنتها) إهدي يارنا إهدي ياحبيبتي والله هيبقي كويس ويرجعلك بالسلامة بإذن الله
رنا(بصتلهم بعياط) يارب إحفظه وإحميه لينا يارب يارب ..
(نزل مينا تحت في الصالة ونزل معاه عباس وسعد وسليم وحازم وسط حزنهم وقلقهم علي أخوهم وأمهم وهايدي ودينا وسلمي فضلوا مع رنا لما هدّت خالص وسط دموع سلمي علي مامتها وأخوها )
...................................................................................................................
(في مكان أخر في شغل عمر كان قاعد في الأوضة المشتركة بينه هو وصاحبه رائد وبيتكلموا )
عمر(بقلق) أنا قلقان أوي ومش مطمن لكلامهم!
رائد(بيحاول يطمنه) قلقان ليه بس ماأنت بتقول حاتم بيحب الحركة ومن الشركة للنادي لإصحابه ومش بيقعد في البيت ..
عمر(بقلق) أيوة يارائد بس مش لدرجة إني لمدة 4 أيام بكلمهم وأكلمهم كلهم وكل أما أسأل علي حاتم يقولولي نايم لا في النادي لا إتأخر في الشركة عندهم شغل كتير
رائد(بهدوء) إهدا بس ياعمر ودي فيها إي عادي أنا مش شايف الموضوع مُقلق يعني !
عمر(بخوف وقلق) لا مُقلق واللي مقلقني أكتر من غياب حاتم إن ماما كل أما أكلمها تعيط وأقولها فيه إي تقولي مافيش إنت بس وحشتني وبابا اللي كل أما أسأله ماما مالها وتعبت من إي مايرديش وسليم اللي لما أساله علي حاتم يتوتر ويدخلني في كلام تاني ويلهيني وحازم اللي مابقاش برخم عليا خالص وإحنا بنتكلم وهادي هدوء غريب ..
رائد(بإبتسامة وبهزار يخفف عنه) يااااه كل ده لمحته لما كلمتهم ده أنت طلعت مش سهل ده بحُكم شغلك في القوات الخاصة ده ولاإي يابااشا
عمر(بيهز رآسه بالنفي وبهدوء) لاا بحُكم قربي لإخواتي أو قول إولادي هتكون أقرب لانهم فعلاً ولادي وبحس بكل حد فيهم من غير مايتكلمواا ..
رائد(بإبتسامة وبيطبطب علي رجله) ماتقلقيش هيكونوا كلهم بخير وكويسين بإذن الله
عمر(بقلق ودعاء) يارب يارائد يارب ..
.........................................................................................................
(في نفس المكان المهجور ظهر حاتم قاعد علي الأرض ولسا مربطين أيده ورجله ومغمين عينه)
رجل1(بضحكة شر وراح شال القماشة اللي متغمي بيها) والله صعبان علياا بقالك كام يوم وشكل أبوك مضحي بيك علشان كده ما إنسحبش ومكمل في الصفقة عادي وكأن إبنه مش مخطوف !
حاتم(بقوة مزيفة) الوقتي بابا قالب عليا الدنيا بس إنتو اللي جُبني ومش هتكونوا سايبين حاجة وراكم شبهه الحرامية
رجل2(بضحكة وبرود) إنت شكلك مش بتتهد وهتفضل تعاند وتتدعي القوة وخلاص !
رجل3(بضحكة شر) أها وإحنا عندنا حل للموضوع ده ومعانا اللي يهّد حيله بصراحة
حاتم(بصلهم بخوف وقلق وبتوتر) هتعملوا إي!
رجل1(بضحكة شر ومسك الحقنة في إيده) هتشوف حالاً هو بصراحة كان بإيدينا نقتلك بس مش هنستفاد حاجة غير وجع الدماغ فهنعمل معاك اللي يخليك تتمنى الموت وماتلاقيهوش! (وبص للرجالة بضحكة خبيثة ) كتفوه !
حاتم(بصله وبص للحقنة في إيده بخوف وبصراخ) إي ده! إبعدوا عني إنتو عايزين مني إي ! إبعدوا عني
رجل1(بضحكة مستفزة) لا إهداا كده ياحبيبي هياا أول مرة بس اللي هتعمل كده بس كده انت اللي هتتمناها ووقتها إحنا ومزاجنا بقي ..
حاتم (بزعيق وصريخ وبيقاموهم ) إبعدوااااااااا عني ..
(الرجالة مسكوه كويس لحد م إتحكموا منه وواحد منهم إعطاله الحقنة وسط صريخ حاتم ومقاومته إعطاله الحقنة وخرجوا وسابوه مرمي علي الأرض)
رجل1(بضحكةشر) أهي دي أول حقنة في الجرعة كمان مرة ويطلبها هو من نفسه ويكون مدمن رسمي وإبقي خلي أبوه يورينا نفسه ..
رجل2(بضحكة عالية وبخبث) خلونا نتسلي بقي شوية بدل الملل اللي كُنا فيه ده
(ومشوا الرجالة وسط ضحكهم اللي بيدل علي جبروتهم وإنسانيتهم اللي دفنوها جواها وإستبدلوها بشر وخبث)
...........................................................................................................
(عند عمر اللي قاعد قلقان ونفسه يطمن علي حاتم لانه حاسس إنهم مخبيين عليه حاجة فقرر يتصل علي حازم أخوه)
عمر(في باله) أيوة أنا هكلم حازم هو اللي هعرف أطلع منه بكلام من الموضوع ده بدل مافيش حد راضي يريحني فيهم ! (ومسك موبايله وإتصل علي حازم)
(عند حازم اللي كان قاعد في الأوضة وحزين وباين عليه الحزن جداا بسبب حاتم واللي بيحصلهم واللي حصل ف البيت قطع شروده رن الموبايله بتاع بص فيه لقي عمر)
حازم(بقلق وبصوت مهموس) ياختاااي ! هو أبيه بيتصل علياا ليه مش لساا مكلمنا من شوية! شكله شاكك في حاجة ومش لاقي غيري بقي يتشطر عليه ويأخد منه الكلام ! (بقلق وفتح عليه)
حازم(بإبتسامة وتوتر) أبيه إزيك!
عمر(بإستغراب من توتره) الحمدلله ياحازم بس أما أنا كنت عاوز أسألك في حاجة كده !
حازم(بخوف ليقع بالكلام وبتوتر) خ خير ياأبيه!
عمر(بجدية) إنتو مالكم بابا وماما وسليم وسلمي حتي أنت فين الرخامة بتاعك والهزار والضحك وفين حاتم كل أما أسأل عليه يقولولي سبب شكل ..
حازم(بتوتر وقلق) م مافيش ياأبيه إحنا كويسين ماتقلقش!
عمر(بنفاذ صبر) طيب ماما تعبانة من إي!
حازم(بتوتر) مافيش هيا بقت كويسة ماتقلقش
عمر(بصوت عالي خوف حازم وبجدية) حازم إخلص وقولي فيه إي وماما مالها !
حازم(بعدم وعي) هيا ماما تعبت لما عرفت بموضوع حات.. (ويقطع كلامه ويحط إيديه علي بؤه لما حس إنه عك الدنيا وإتكلم وحكي لعمر)
عمر(بقلق وخوف) حاتم! ماله حاتم ياحازم إخلص !
حازم(بقلق) بابا منبه علينا مانقولش حاجة ولو قولت هيزعقلي!
عمر(بنفاذ صبر وقلق) قولي وأنا مش هقوله إنك اللي قولتلي ..
حازم(بحزن) حاتم إتخطف
عمر(بصدمة وزعيق بصوت عالي) نعععععععم ! إتخطف إزاي يعني وأمتي وفين ومين اللي خطفه !
حازم(بدموع وحزن علي أخوه) مش عارف والله ياأبيه أي حاجة بس هو مخطوف بقاله كام يوم وماما تعبت بسبب كده ..
عمر(بصدمة وخوف وقلق علي أخوه) إقفل ياحازم إقفل ..
(قفل عمر مع حازم وسط صدمته وخوفه علي حاتم وحازم سرح تاني وسط دموعه وخوفه علي أخوه)
.....................................................................................................
(في بيت سعد عند مروان اللي قاعد في اوضته وسرحان وباين عليه الحزن جداً دخل عليه أخوه)
يحيى(دخل الاوضه وقرب منه) إيه يامروان أنت هتفضل كدا كتير دا أنت بقالك كام يوم علي الوضع ده من يوم ما عرفت اللي حصل لحاتم وانت قاعد نفس القعده دي!
مروان(بحزن) هتجنن عشانه يا يحيى ، حاتم دا أقرب حد ليا حتى أقربلي منك إنت كمان ، بحاول أتخيل هو بيعمل إيه ولا بيحصل فيه إيه بس مش عارف ومش عايز أتخيل بيحصله إيه هناك مجرد التخيل لوحده بيوجع قلبي عليه ..
يحيى(بهدوء وطبطب علي كتف أخوه) متقلقش يابني والله هيرجع بالسلامة وهيرجع كويس جداً  كمان إنت يعني مش عارف أن عمك مينا لما يحط حاجة في دماغه بينفذها وبالاخص إن الحاجة دي إبنه يعني هيرجعه وهيجيب حقه من اللي خاطفه دا وباذن الله مش هيأذوا حاتم في حاجة هو اللي بينهم بينهم وبين عمك مينا يعني حاتم كتهديد له بس ماتقلقش كده وقوم وفوق لنفسك كده ..
مروان(بصله بخزن وقلق علي حاتم وسكت وماأتكلمش)
يحيي(بإبتسامة وبيمسك إيده)يلاا يابني بقي قوم (قطع كلامهم دخول أبوهم عليهم)
سعد(بحنان وراح مسك إيد مروان) مالك يامروان خليك قوي كده إنت من أمتي يائس وضعيف كده ..
مروان(بصله بحزن) ده حاتم يابابا وإنت نفسك عارف أننا الاتنين إخوات مش بس إولاد عم
سعد(بحزن علي إبن أخوه بس مابينش لأبنه وبصله بإبتسامة هادية يطمنه) ماتقلقش والله هيرجع قريب وعمك ميناا وإحنا كلنا معاه ومش هنسيب أي خيط يوصلنا له لحد مايرجعلنا بإذن الله
مروان(بتنهيدة حزن) بإذن الله يابابا ..
سعد(بإبتسامة) يللا قوم كده وفوق لنفسك سليم وعمك وكلناا محتاحينك معاناا علشان نلاقيه ويرجعلناا بإذن الله
مروان(بص لأبوه بحزن وحضنه) بإذن الله يابابا هيرجع وسطنا تاني ويبقي كويس صح!
سعد(حضنه وبإبتسامة) بإذن الله ياحبيبتي يللا قوم إغسل وشك وفوق كده وأخرج أقعد معانا براا يللا
مروان(بهدوء) حاضر يابابا
(قام مروان يغسل وشه في الحمام وسعد بص ليحيي بقلق وخوف علي إبنه وإبن أخوه وسكت)
يحيي(حط إيده علي كتف أبوه وبإبتسامة) هيبقوا كويسين يابابا بإذن الله ماتقلقش حاتم هيرجع ومروان هيبقي كويس مجرد م حاتم يرجع بإذن الله إدعيلهم إنت بس ..
سعد(بإبتسامة بسيطة وبحزن) بإذن الله ياحبيبي بإذن الله
.......................................................................................................
(في المكان المهجور الموجود فيه حاتم ظهر قاعد بس ساند علي الحيطة وجسمه مرخي علي الأرض دخل عليه الرجال اللي خاطفينه)
رجل1(بضحكة شر) شايف هنا حد كده عجبته الحقنة اللي أخدها ولابقينا نسمعله صوت ولا حس!
رجل2(بإبتسامة مستفزة) ولساا لما يكمل الباقي مش عاوز أقولك هتكون هتموت علشان تأخد الحقن دي !
رجل3(ببرود وإبتسامة شر) أحنا هنقضيها كلام ولا إي مايلاا علشان مانخليش حبيبنا إبن حبيبنا ده يستني كتير !
حاتم(بصوت واطي ومُنتشي وبمقاومة بسيطة) إبعدوا عني ماتلمسونيش!
رجل1(بإبتسامة وخبث) ده لسا فيه نفس يقاوم ومالو المرة الجاية هتفضل تستناها زي الجعان اللي ماأكلش بقاله سنة وبيستني أي أكلة تسد جوعه! ومالو خلينا صابرين ماالصبر حلو برضو ولا إي يارجالة
رجل2(بإبتسامة خبيثة) يللا بقي إحنا هنفضل نتكلم كتير خلينا نعيطهاله علشان نمشي ونسيبه بقي مع متعته باللي هيحصله
حاتم(بخوف وبيقاومهم بضعف) أبعدوااااا عني
رجل3(بإبتسامة شر) إهدا بقي وبطل كلام الحق علينا كُرمة معاك وبنهتم بضيفناا كويس ! ده أنت إبن الغالي برضو !
رجل1(بجدية وملامح الشر علي وشه) إمسكوه يللا علشان نخلص من الموضوع ده ..
(كتفوه وإعطوله الحقنة وسط مقاومته ليهم بس بضعف وعدم قدرة علي المقاومة مجرد ماخلصوا الحقنة حاتم سكت وتوقف عن مقاومته وبصلهم بتوهان وسكت بصوله بخبث وشر وسابوه وخرجوا برا الأوضة )
.............................................................................................................
عند رنا الى قاعده على الكنبه وبتعيط وسلمى جمبها من ناحيه وحازم من ناحيه تانيه والكل حواليها  مينا ومحمد سعد ومحمد عباس ودينا وهايدى وولادهم ولاد مينا
رنا: (بتوهان) ياترى انت فين يابنى  بيعملو فيك ايه ,, طب ياترى هما بيأكلوه ويشربوه  ولا سيبينه كده
هايدى:يارنا اهدى شويه يا حبيبتى مينفعش الى بتعمليه فى نفسك ده
رنا:(بعياط) اهدى ازاى يا هايدى وابنى مش معايا ولا اعرف عنه حاجه
دينا: بالى بتعمليه هيرجع يعنى اهدا بقا علشان يعرفو يفكرو
سليم: يا ماما طول مانتى تعبانه كده احنا مش عارفين نفكر اهدى علشان نطمن عليكى  ونعرف نشوف هنعمل ايه
رنا:(بعياط وعصبيه) يعنى ايه اهدا وابنى معرفش حاجه بقالى  كام يوم انا هتجن حاسه انو هيجرالى حاجه
سلمى:(بعياط) مامى هتتعبى تانى
محمد سعد: ماتشوف الرقم الى بيكلموك منه يا مينا ونديه للشرطه وترقبه
مينا: فكرت فى كده بس لقيت انو كل مره بيكلمونى من رقم من شكل
محمد عباس: طب مقر شركتهم فين
مينا: هو انا اعرف هما مين اصلا علشان اعرف اروح مقر شركتهم يا محمد
رنا:(بعصبيه لمينا) انت هتفضل تبعد عن كل حاجه ,, كل ما يجيلك خيط  هتبعد عنه ,, اومال هتمشى وراء ايه
مينا: (بيحاول يهدا) رنا اهدى يا حبيبتى احنا بنحاول نفكر صح (فجأه جرس الباب رن قامت سلمى تفتح )
سلمى:(مسحت دموعها وراحت وفتحت وبصت بصدمه) ابيه عمر
عمر:(جرى على مينا) فى ايه يابابا حاتم فين وحصله ايه ومين خطفه (الكل بصوا لبعض باستغراب هو عرف منين)
..........................................................................................................................................
ياترى ايه الى هيحصل لو حابين تعرفو استنونا الحلقه الى جايه
#hadeer
#rody
#hager