#مع_مر_الزمان
#مع_مر_الزمان_23
#جزء_من_حلقه_سابقه
فى محمدعباس الباب بيخبط بسرعه
مالك:(وهو رايح يفتح) ايوه ايوه جاين والله هتهد البيت علينا (وراح فتح الباب لقى فريده واقفه ومنهاره ,, كمل كلامه بخضه) فى ايه يا فريده مالك
#بدايه_الحلقه_الجديده
عند حازم الى قاعد على الاكل مع الكل
مينا: يلا يا حازم اتعشي علشان تاخد علاجك وتنام
حازم: بس انا مش جعان
مينا: هو انت متعرفش تسمع كلامنا مره من غير معارضه لازم تعارض وتعارض وتقول كلمه لا
حازم: انا مش بقول لا وانا عايز انا فعلا مش عايز
رنا: من شويه كنت بتقولي انا جعان ولم سمعت سيره العلاح شبعت
حازم: لا نفسي قفلت بقا اتاخرتى وانا شبعت
مينا:(تنهد وقام وقف وقرب من كرسي حازم وبص لحاتم) قوم اقعد مكانى ياحاتم (حاتم اخد طبقه وراح مكان بباه وسليم اخد طبق مينا حطه قدام مينا (بدل الاطباق مع حاتم يعني ،، مينا قعد جمب حازم بهدوء) ايه رأيك لم تقول من ايد بابا النهارده
عمر: محدش قدك ياعم حازم
مينا:(بص لعمر بغضب مصطنع) بس ياله وبص في طبقك وانت ساكت
سليم:(متصنع التعب) اااه يا بابا دراعى بيوجعني تعالى اكلنى
مينا: لا انا هاكل حازم بس
سلمى: هنيالك ياعم حازم
مينا:(مسك معلقه حازم وحط فيها اكل وقرب من بوء حازم) يلا يا حبيبي (حازم تنهد واخد من ببباه ومينا فضل وراه لحد ما اكله الاكل ومينا حس انو حازم شبع
رنا:(بتنهيده) لسه العلاج بقا
حازم:(بزعل) لا بقا مش هاخد العلاج ده طعمه وحش والحبايه بتقف فى زورى
مينا:(مسك ايد حازم) تعالى بس نطلع الاوضه نشوف موضوع العلاج ده فوق (وطلعو الاوضه مينا ورنا وحازم والشباب طلعت وراهم ،، رنا جابت العلاج وادته لمينا
مينا:(حط شويه فى المعلقه وقرب من حازم) يلا يا زوما بقا
حازم:(بعند) لا قولت لا يعنى لا
مينا:(بعصبيه شويه) يعنى ايه قولت لا يعني لا حازم بطل دلع شويه بقا وخد علاجك
حازم:(بزعل) انا مش بتدلع والله بس طعمه مقرف اوي ولو دوقته هتقرف جدا
مينا: طب لو دوقته و عادي مقرفتش هتاخده
حازم:(بتحدى) اه هاخده(مينا مسك الدوا والمعلقه)
رنا:(بخوف) مينا انت بتعمل ايه
مينا: هدوقه عشان أدوق طعمه وحش نغيره(و شرب مينا بالفعل و بص لحازم وكمل كلامه) طعمه عادي جدا على فكره واشرب يلا وبلاش دلع
سليم: يلا يا حازم بقا دا بابا داقه كأنه بيشرب عصير اهو يلا بقا
عمر: يلا بقا يا زوما (حازم اخد العلاج وهو قرفان جدا من العلاج وبيبرطم بكلام مش مفهوم
مينا:(فتح الحبوب) يلا دي واحده و صغيره خالص اهي
حازم: والله ما بعرف ابلعه
مينا: حاول ياحبيبي دي صغيره خالص(حازم اخد الحبوب مينا بصله وكمل كلامه)اخيرا يابنتى نشفت ريقنا
رنا:علشان تعرفو انا بعاني قد ايه (حازم بصلهم بزعل ونام على السريرفضلو جمبه لحد ما راح في النوم وخرجو وسابوه علشان ينام)
..............................................................
نرجع لبيت عباس
فريده داخله من باب البيت و مكلمتش حد و دخلت على اوضتها على طول
الكل بص لبعضه
محمد عباس:(بأستغراب) هي مالها داخله من غير كلام ليه في ايه
هايدي:(بقلق) انا هقوم اشوف مالها
مالك:(وقف) خليكي انتي يا ماما وانا هشوفها(ودخل لفريده لاقها قاعده ع السرير وباصه قدامها و سرحانه و ظاهر عليها ملامح الصدمه ،، مالك حط أيده على كتف فريده:(فريده بصتله بأنتباه) مالك يا فريده
فريده: مافيش
مالك: عليا انا برضه
فريده:(بشرود) لو سمحت اخرج برا عايزه ابقى لوحدي
مالك: ياشيخه ومن امتى و انا بسمع كلامك و اني ممكن اخرج برا بجد ،انا مش هخرج ولا اعبرك
فريده:(وقفت بعصبيه و بزعيق و صريخ) اييييه انت مبتفهمش بقولك اطلع برا و سيبني (الكل جي جري على صوتها
هايدي:(بقلق وخوف) مالك يافريده في ايه
فريده:(بعصبيه) سيبونى في حالي بقا واطلعوا برا حرام عليكوا
محمد.عباس:(بص لهايدى بأستغراب) هايدي في ايه هيا فريده مالها
فريده:(بصريخ) حرام عليكوا سيبوني في حالي حرام عليكوا حرام علي(وفجأه اغمى عليها وقعت في الارض الكل جرى عليها حاولو يفوقوها فاقت معاهم قاموها نامت على السرير ،، فريده باصه قدامها بعياط بدموع من غير صوت ،، هايدى اخدتها في حضنها وفضلت تقرأ قرآن لحد ما نامت معاها
هايدى: انا هفضل جمبها
محمد عباس: انا هفضل معاكى (وبص للشباب)اطلعو انتو علشان منعملش دوشه جمبها ،، طلعو الشباب وعباس نام على الكنبه وهو خايف على فريده وهايدي نامت جمبها ولا هايدى ولا محمد نامو وفريده خاضت فى نوم عميق
...................................................................
عند. رنا ومينا فى اوضه النوم بعد ما حازم نام
رنا:انا قلقانه عليك من شربك للعلاج ده
مينا:انا مأخدش منه حاجه على فكره انا اخد شويه صغريين خالص طرف المعلقه بس ،، بس بجد طعمه مقرف بجد الله يكون في عونه
رنا:انا عارفه علاج القلب متعب جدا ربنا يعينه عليه
مينا:يارب ويشفيه ويقوم بالسلامه
رنا:يارب يلا ننام علشان انا فصلت
مينا:ماشي يلا وصحيني بدرى بقا اطمن عليه قبل ما انزل
رنا:بأذن الله (مينا نام ورنا كمان نامت جمبه وفضلو يفكرو في حازم لحد ما تعبو ونامو
...............................................................
عند. مينا الى راح مكتب حاتم وفتح الباب فجاه حاتم ومروان بص للباب بخضه ووقفو الاتنين
مينا: ايه الى سمعتو ده
حاتم:(بخوف) في ايه يابابا
مينا: انت بتسال في ايه انتو بشمهدس ومحامى انتو والله عيال تافهه معندكوش ادنى مسؤليه
مروان: ليه بس ياعمى
مينا: عمك دبب يا اخى انتو بتعاكسو موظفات الشركه انتو مش عايزين تتعدلو ابدا (الاتنين سكتو وبص لبعض وبصو في الارض ،، كمل مينا كلامه) متبصوش في الارض وردو عليا (وقرب منهم ومسك ودن مروان مروان بان على وشه الوجع كمل مينا كلامه) وانت ايه اللي جابك هنا ياله مش انت المفروض تكون في شغلك اوعى تكون مزوغ
مروان:(بوجع) مزوغ ايه بس ياعمو و الجو ده ، انا اخدت اجازه النهارده و جيت عشان اخد حاتم و نخرج
مينا:(ساب مروان وبصلهم بجديه) لو حد اشتكى تاني منكوا صدقوني هتزعلوا (وبص لمروان) امشي علشان ماقولش لابوك وسيب حاتم يشتغل يمكن نطلع منه بحاجه منفعه(حاتم بص في الارض بضحكه مكتومه مينا سابهم ومشي مروان وحاتم بصو لبعض وضحكو)
حاتم:(بص لمروان) انا مش جايلي من وراك غير التهزيق
مروان: لا ياخويا انت طول عمرك مهزء المهم هتخرج
حاتم: لم اخلص شغل الاول اتنيل اقعد فى اى جمب على ما اخلص
مروان: لا انا هطلع اشوف بنت كده اعاكس فيها
حاتم: بابا هينفخك
مروان:(شوحله) اقعد يلا (وطلع مروان من المكتب يلف فى الشركه وحاتم قعد يكمل شغله
...................................................................
عند فريده الى صحيت لاقيت هايدى ومحمد عباس معاها ف الاوضه مناموش خالص
هايدي:(بخوف وقلق) فريده مالك ياحبيبتي(فريده بصتلها و دموعها نزلت بهدوء
محمد عباس:(قرب منها بقلق عليها) متقلقيناش عليكي يافريده قوليلنا مالك(برضه فريده ساكته
هايدى: طب انتي تعبانه (فريظه هزت دماغها بمعنى لا
محمد عباس:(بتردد وقلق) هو في حاجه حصلت بينك انتي و خطيبك يافريده ، عملك حاجه او قربلك
فريده:( بسرعه) لا والله يا بابا
محمد عباس: اومال مالك ياحبيبتي
فريده(بعياط) انا هسيبه يا بابا
هايدى:(بصدمه) نعععم ليه بقا
فريده:( بعياط) مبقتش مرتاحه يا ماما
هايدى:(بجديه) ومبقتيش مرتاحه من امتى بقا مش دا اللي كنتي بتحبيه وعايزاه
محمدعباس: براحه يا هايدي كل حاجه بتتحل بهدوء فريده:(بعياط) مبقتش ارتاحله ولا بقيت احبه ولا بقيت طيقاه و بليز بقا متضغطوش عليا اكتر من كدا(ونامت على السرير بعياط. هايدى وعباس بصولها بخوف وهايدى حضنتها وفضلت تهدى فيها
....................................................................
(عند حازم في الأوضة ظهر هو ومالك قاعدين مع بعض يلعبوا بلاستيشن)
مالك(بصله بضحكة) قولي بقى أخبار البت بتاعتك إي!!
حازم(بإبتسامة) تقصد هيلانا ..
مالك(بضحكة) أها هيا أنا عارف إي الإسم الغريب ده بس قولي بقى كلمتك إتطمنت عليك ولاإي!!
حازم(بإبتسامة) أها طبعاً بس بتكلمني واتس أو ماسنجر لإن أوقات مش ببقي قادر أتكلم في الفون ولاصوتي طالع وكمان هتيجي تزورني..
مالك(بضحكة وهزار ويغمزله) أيوة ياعم بقي ده أنت عملت اللي إخواتك الكبار ماعملهوش..
(قطع كلامهم مع بعض دخول رنا الأوضة راحتلهم ووقفت قدامهم)
رنا(بهدوء وإبتسامة) كل ده لسا ماشبعتوش لعب بالبلاستيشن دي..
مالك(بإبتسامة) إحنا خلصنا من ساعتها بس كُنا بندردش ونتكلم شوية هو خالو جه ولالسا؟!
رنا(بإبتسامة) لا مينا إتكلم وقال إنهم هيتأخروا في الشركة النهاردة علشان وراهم شغل في ورق وصفقات وحاجات من دي..
مالك(بتفهم) أها ربنا معاهم يارب..
رنا(بصتله بإبتسامة) يارب ياحبيبي (وبصت لحازم بإستعطاف) زوما حبيبي علشان خاطري تسمع كلامي بقي النهاردة وتأخذ الحقنة بسرعة وماتتعبنيش معاك وتتعب نفسك لإن عمك عباس إتكلم وقال إنه مش هيقدر يجي علشان وراه عمليات..
حازم(بخوف ورفض) مستحيييييييييل ياماما إنتِ وعمتو هايدي مستحييييييل ..
رنا(بضيق وتنهيدة) طيب والعمل ياحازم هنعمل إي الوقتي!!
حازم:(بعند وخوف) معرفش بقا ماليش دعوه
مالك(بص لحازم)هتتعب يا حازم وكمان خالو لز عرف انك مأخدهاش هيتعصب عليك
رنا:(بصت لحازم)يلا يا حبيبي
مالك(بإبتسامة) يلا قوم بقا امسك فيا كده واهدا
رنا(بإبتسامة) هروح اجيب الحقنه واخهزها
حازم(بصلهم بخوف وعصبية وشد ايده من مالم) مش هأخد حاجة من حد مش هأخد حقن بقي أنا تعبت ..
مالك(بصله بإبتسامة) إستحمل بقي ياحازم علشان تبقى كويس وماتقلقش
حازم(بخوف وعند) لا برضو مش هأخد حاجة ..
مالك(بصوت مهموس وبيحاول يقنعه)يلا بس متخفش مش هتحس يحاجه
رنا(جيت كانت حضرت الحقنه)يلا يا حبيبي
(مالك مسك ايد حازم وقفه وحازم متابع مامته وسط خوفه وبيشد ايده)
مالك(بإبتسامة يطمنه) يللا يازوما ماتخافش ..
حازم(بخوف ودموع) لالالا مش عاوز حقن مش مهم النهاردة..
مالك(بإبتسامة) يابني ماتخافش والله يللا بقي
رنا(بحزن) يلا بقي ياحازم علشان تخلص
حازم(وقف قدام رنا بخوف ومالك مسكه) طيب براحة بقي
رنا(بإبتسامة) حاضر بس ماتتحركش..
(بدأت رنا تعطي الحقنة لحازم وسط وجعه من الحقنة ودموعه بس كان حاسس
حازم(بتوجع ودموع) آآآآآآه آآآآآآآه *آآآآآآآه*
رنا(خلص وشال السن ودلك مكانها شوية وبصله بإبتسامة) خلاص خلصت بالشفاياؤب
حازم(بتوجع ودموع) آآآه صعبة كمان والله ورجلي وقفت والله ..
رنا:(بإبتسامة) يابني والله الحقنة اللي تقيله بس يلا مش مهم بالشفا يازوما
حازم(بتعب وضيق) يا ماما رجلى بتوجعني
رنا(بضحكة) خلاص بقي ياحازم م أنت أخدتها بسرعة عن المرات اللي فاتت وماحسيتش بيها أوي وقلبت الدنيا زي الحُقن في المرات اللي قبل كده ،، وبصت لمالك)تعبناك النهارده معانا
مالك:(بص لحازم بإبتسامة وحط إيده علي كتفه)زوما أخويا الصغير يعني تعبه راحة ربنا يشفيه يارب ..
رنا(بإبتسامة) يارب ياحبيبي يلا هروح أنا المطبخ أكمل اللي كنت بعمله وإنتو شوفوا هتلعبوا ولا تتكلموا مع بعض ..
....................................................................تاني يوم في البيت عند مينا ظهر جرس الباب بيضرب راحت سلمي تفتح لقت عمر ورائد مع بعض سلمت عليهم ودخلتهم)
عمر(بإبتسامة) حازم صاحي ولانايم ياسلمي؟!
سلمي(بإبتسامة) صاحي ياأبيه وأبيه سليم وحازم معاه فوق ..
رائد(بصلها بإبتسامة) إزيك ياسلمي؟!
سلمي(بإبتسامة) الحمدلله ياأبيه بخير
رائد(بصدمة مصتنعة) أبيه مين يابنتي ده أنتِ اللي أبيه إنتي كبرتي كده أمتي! ده أنا أخر مرة شايفك كنتي صغيرة لسا ..
عمر(برخامة) لقت نفسها فاضية فقالت تكبر شوية ياخفيف
رائد(بص لعمر بضيق وبص لسلمى) إوعي تكوني ظريفة زي أخوكِ كده.. (سلمي هتبصلهم بضحكة كسوف وماترديش)
رائد(بضحكة) لا ده بتتكسف يعني مش طلعالك أهي الحمدلله..
عمر(بص لسلمي بضحكة) روحي ياسلمي وإعمليلنا كوبيتين قهوة مش هتخلصي منه وهاتيهم في أوضة حازم ..
(راحت سلمي المطبخ تعمل القهوة وطلعوا رائد وعمر لحازم ظهروا قاعدين في أوضة حازم بعد ماسلموا عليهم)
سليم(بضحكة) فينك ياباشا وحشتنا والله..
رائد(بضحكة) كنت مفحوت في الشغل ياعم إنت وهو ومافيش حد فيكوا فكر يكلمني يسأل عني (ويبص لحازم بإبتسامة) عامل إي الوقتي يازوما؟!
حازم(بهدوء) الحمدلله ياأبيه كويس..
رائد(بضحكة وهزار) طيب لما أنت كويس قاعد على السرير ليه ياأخويا كأنك والد كده .. (كلهم هيضحكوا)
حازم(بضيق) على فكرة أنا مش عايز أقعد في الأوضة ولا السرير كده بس ماما وبابا اللي رافضين إني أخرج من هنا ..
رائد(بإبتسامة) شطور يازوما وإسمع الكلام وخد علاجك وماتتعبهش علشان تخف وتقوملنا بالسلامة وتدخل ثالثة ثانوي بقي ولما تنجح هتوسطلك وتبقي ظابط معانا ..
حاتم(بضحكة) ماشااء الله ونعم الواسطات
(قطع كلامهم مع بعض دخول رنا الأوضة ومعاها القهوة هتحطها على الترابيزة وتسلم علي رائد)
رائد(بإبتسامة) حضرتك اللي جايبة القهوة ياست الكل وتعبتي نفسك..
رنا(بإبتسامة) تعبكم راحة ياحبيبي وبعدين أنا ماكُنيش عاوزاكم تشربوا قهوة الوقتي أصلاً علشان تعرفوا تتعشوا ..
عمر(بضحكة) أيوة ياماما هو أصلاً جاي مخصوص علشان يأكل من إيدك مش علشان يطمن على حازم ..
رائد(بضحكة) ما الأكل البيتي ده بيوحشني الصراحة ..
رنا(بإبتسامة) خد خطوة زي عمر وإتجوز علشان يبقى معاك واحدة تعملك كل اللي تحبه وتحتاجه..
عمر(بهزار) وهو ده منظر واحد حد يوافق عليه ولا يفكر يتجوزه..
رائد(بضحكة وهزار) يابني ده العرايس والله كتير بس النفس بقي نعمل إي!!
(كلهم ضحكوا عليه وعلي هزاره وطريقة كلامه قطع كلامهم خبط علي الباب ودخول سلمي)
سلمي(بصت لحازم) حازم في ضيفة جاية عايزة تشوفك
حازم(بتساؤل) مين! هيلانا ؟!
رنا(بتأكيد) أها هيا قالت إسمها كده..
حازم(إتعدل بسرعة وظبط شعره وبص لرنا) دخليها بسرعة
(خرجت سلمي جابتها وجت وسلمت على رنا وباستها وراحت لحازم سلمت عليه تحت نظرات الحب والهيام من حازم والكُل بيبصيله وبيبصوا لبعض بإستغراب وصدمة من نظرات حازم لها )
هيلانا(بحزن) ألف سلامة عليك ياحازم أنا زعلانة أوي عليك علشان مبقتش أشوفك كل يوم زي الأول ..
حازم(بحُب وهيام) إنت مش متخيلة إنتي وحشاني إزاي بس اللي بيصبرني إننا بنتكلم كل يوم ويطمن عليكِ
رائد(بصلهم بصدمة وبص لهيلانا) إنت في سنة كام ياحلوة؟!
هيلانا(بإبتسامة) في تانية ثانوي قد زوما ..
رائد(بدهشة وتريقة) أهاااااا قد زوما وبتكلمي بقي زوما كل يوم تطمني عليه؟!
هيلانا(بحزن) أها طبعاً لإني بقلق عليه جداً ..
رائد(بحسرة) إمممم ومالوا ياحسرة عليا وعلي سنين عمري أنا اللي زيي المفروض ينتحر ..
حازم(بص لعمر بجدية) أبيه عمر ممكن تأخذهم كلهم وتقعدوا تتكلموا تحت علشان نقعد أنا وهيلانا شوية لوحدنا (كلهم بصوله بصدمة من كلامه وقعدوا يضحكوا عليه)
رائد(برخامة وعند وبيرقص حواجبه لحازم) والله ماهنزل ولاهخرج من الأوضة دي الوقتي وبمزاجي ..
حازم(بصله بضيق ورجع بص لهيلانا وقعد يتكلم معاها بصوت واطي مش مسموع)
رائد(بص لسليم وبحسرة) شوفت أخوك الصغير بيأمن مستقبله من الوقتي تك خيبة علينا والله ..
سليم(بضحكة) إنت هتفضحنا والله يابني إفصل بقي..
سلمي(جت وقفت قدام هيلانا وإعطتها العصير وبإبتسامة) أنا جيلتلك عصير مانجا حازم كان قايلي إنك بتحبيه..
رائد(هيبص لحازم بإبتسامة) وكمان عارف بتحب إي يازوما ماشاءالله.. (فضلوا قاعدين في الأوضة وحازم وهيلانا بيتكلموا بصوت واطي والكل مراقبهم ومراقب حركاتهم بضحكة وصدمة)
هيلانا(قامت وقفت وبإبتسامة) همشي بقي يازوما علشان ماأتأخرش وهبقي أجي أشوفك وقت تاني ..
حازم(بيحاول يقوم) إستني هجي أوصلك..
هيلانا(بخوف عليه) لالا خليك مرتاح ماتقومش
حازم(بصلها بإبتسامة) طيب لما توصلي كلميني علشان أطمن عليك..
رائد(بإبتسامة) هجي أوصلك أنا ياجميل ..
هيلانا(بصتله بإبتسامة) ميرسي العربية والسواق تحت هنزل وأروح معاه ..
رائد(بإبتسامة وسلم عليها) إتشرفنا بيكِ ياقمر خلينا نشوفك تاني بقي..
هيلانا(بإبتسامة) أكيد(ومشت بعد ماسلمت علي الكُل)
رائد(قام من مكانه وراح قعد جنب حازم علي السرير) قولي بقى يازوما وإحكيلي عن القمر دي كبرت وبقيت بتحب ياض بس أقولك زوقك حلو طالعلي البت مُزة ..
حازم(بضيق وغيرة) ماتقولش عليها كده
رائد(بإبتسامة ويمسكه من خدوده) ليه بتغيري يابطة!
عمر(بضحكة وهزار) يابني سيب الواد في حاله وبطل بقي صدعتنا من ساعة ماجيت كده ..
رائد(بضحكة وهزار) ماأنا بطمن علي مستقبله الله وبعدين إستني أخد منه شوية خبرة..
رنا(بضحكة عليهم وراحت ناحية الباب) طيب يلا علشان تتعشوا وبعدها تأخد علاجك ياحازم..
حازم(بقرف) مش هأخد علاج أنا طعمه مقرف ..
رائد(بصله بضحكة) ماشاء الله وأنا اللي كنت بقول عليك شاطر وبتسمع الكلام ده باين انت تاعبهم معاك في علاجك ..
حاتم(بضحكة) أبداً يابني ده حازم ده بلسم وبيأخد علاجه والحقن وهو ساكت جداً
سليم(بضحكة) أها وبالأمارة كل يوم بمسكه أقفشه زي الحرمية علشان يأخد الحقن
رائد(بص لحازم بضحكة) لالالا ده أنت طلعت حكاية قوم قوم ده أنا إتخدعت فيك ..
حازم(بصلهم بحزن) والله العلاج اللي صعب ومتعب وبيتعبني ..
رائد(بصله بإبتسامة حزينة) معلهش يازوما إستحمل علشان تبقى كويس ياحبيبي (وبضحكة وهزار) ونجوزك البت المُزة بتاعتك دي..
عمر(راح لحازم ومسك إيده) قوم يابني ننزل مش هتخلص منهم والله (وبصلهم بجدية مصطنعة) وإنتو إفصلوا شوية ويللا ننزل نتعشي ..
حاتم ورائد وسليم(بخوف مصطنع) حاضر ياباشا ..
(عمر ساعد حازم يقوم من علي السرير ومسك إيده ونزلوا وكانوا الشباب وراه نزلوا كلهم تحت وكان مينا موجود سلم على رائد بحُب وحنان أبوي وإطمن عليه وإطمن علي حازم وقعدوا كلهم يتعشوا وسط هزار رائد والشباب وضحك الباقي عليهم وعلي هزارهم )
................................................
عند يحيي الى قاعد مع رحمه في مطعم
يحيي:(بص لاخت رحمه) منوره يا مريم
مريم:(بأبتسامه) بنورك يا أبيه (وبصت لرحمه) انا هروح اتمشي فى المول على ما تخلصو
رحمه: متبعديش
مريم: متقلقيش مش هبعد (وبصت ليحي) بعد أذنك يا ابيه
يحيي: لو انتى قلقانه وحابها تفضل معاكى عادى سبيها
رحمه: انا بس قلقانه عليها متعرفش ترجع ولا حاجه
يحيي: متقلقيش ،، معلشي امبارح معرفتش اكلمك رجعت متأخر من الشغل فانمت
رحمه: ولا يهمك ،، هو حضرتك عملت ايه في الشقه الى قولتى انو حضرتك شوفتها
يحيي:(بأبتسامه) حضرتك ،، حضرتى لقي الشقه صغيره ومش هتنفعنا فيما بعد
رحمه: ماشي
يحيي: رحمه انا عايزك تشيلى كلمه حضرتك دى انا خطيبك مش مديرك ولا حاجه
رحمه:(بكسوف)ماشي
يحيي:يا ايه
رحمه:(ووشها في الارض)يا يحيي
يحيي:(بابتسامه من كسوفها) انا نسيت تحبى تشربي ايه
رحمه:(بخجل)اى عصير فريش
يحيي:(طلب العصير وجيه الطلبات)انا قدامى شقه تانيه قريبه من شقتنا وشقتك مامتك بس دور علوى انا سمعت انك بتخافى من الادوار العلويه
رحمه:هو الدور الكام يعنى
يحيي:12
رحمه:(بان على وشها الخوف)فين بالظبط
يحيي:.(وصفلها المكان)عرفتيه
رحمه:(بضيق)عرفته ،، بس انا لو رفضت هتضايق
يحيي:انا مش عايزك تخافى من الدور العالى تعالى شوفي الشقه الاول يمكن ترتاحيلها
رحمه:(بخوف)خلاص ماشي الى تشوفه
يحيي:مش الى اشوفه لازم تكوني مقتنعه من جواكى
رحمه:مافيش اعتراض على اى شقه انا بس علوها
يحيي:حبه حبه لو اخدنا الشقه هتتعودى اكيد
رحمه:تمام بأذن الله نشوف معاد ونيجي نشوفها
يحيي:تمام
رحمه:(بصتله)انا هرن على مريم بقا ترجع
يحيي:ماشي ونخرج نتمشي شويه (رحمه بصتله وهزت دماغها بمعنى ماشى ورجعت مريم ويحيي اخدهم ومشيو سوا وكانت مريم سبقاهم بمسافه عشان يبقو على راحتهم ،، يحيي حس انو رحمه قكت معاه شويه اتمشو شويه ورجعهم البيت ورجع هو على بيته
...............................................................
عند محمد سعد الى قاعد في مكتبه بيخلص شغله جاله تليفون
محمد. سعد:(رفع السماعه) الو............ (وبص قدامه) ايييه جاين ليه............... طيب خليهم يدخلو (الباب خبط ودخل السكرتيره ومعاه ظابط واتنين عساكر ،، كمل محمد سعد كلامه) نعم يا حضر الظابط
الظابط: انت محمد سعد
محمد سعد: ايوه انا
الظابط:معانا امر بضبط واحضار (محمد سعد بصله بصدمه) اتفضل معانا لو سمحت
...............................................
ياترى في ايه ومحمد عمل ايه لو حابين تعرفو استنونا الحلقه الى جايه
......................................................
#hadeer
#rody
