#مع_مر_الزمان
#مع_مر_الزمان_30
#جزء_من_حلقه_سابقه
رنا: العيال روحهم فيك يامينا، وانت عارف ان الزعل دا غلط على حازم و غلط كدا عشان ميتعبش(مينا بصلها بتنهيده من غير كلام ،، كملت رنا كلامها) عباس مقالكش حاجه على عملية حازم
مينا: لسه يارنا.. بيقول قلب حازم تعبان اوي ومش هيستحمل عمليات حاليا فلازم يتابعوه اول بالادويه اللي بياخدها و بعدين نلجأ للعمليه بقا
رنا:( بخوف) انا خايفه اوي يامينا بجد
مينا: متقلقيش و خلي ثقتك في ربنا (فجأه سمعوا صوت حد بيعيط بصوا لاقوا حازم قاعد على السلم و بيعيط الاتنين جريو عليه
رنا:(قربت منه بسرعه ومسكت وشه) مالك يا حازم في ايه
حازم:(بصلهم بخوف و بعياط) انا مش عايز اموت يا ماما( رنا ومينا بصو لبعض بصدمه وبصو لحازم)
#بدايه_الحلقه_الجديده
ظهر حازم واقف على السلم وهو واقف ودموعه نازله قعد ع السلم و صوت عياطه ظهر
مينا ورنا بصوا للصوت شافو حازم جريو عليه الاتنين
مينا: حازم مالك فيك ايه(حازم مردش عليه وفضل يعيط
رنا :( بقلق) انت تعبان ياحبيبي ولا فيك ايه
حازم:( بعياط) انا مش عايز اموت يا ماما
رنا:(بصتله بخوف) تموت.. تموت ايه بس ياحازم ليه بتقول كدا
حازم:( بعياط) انا عندي القلب انا سمعتكم وانتوا بتقولوا أن قلبي تعبان وهعمل عملية صعبه يعني خلاص هموت
مينا :(بحزن) ليه يابني بتقول كدا أهدى و تفائل خير و هتقوم بالسلامه والله
حازم:(بص لمينا بعياط) انا خايف اوي يا بابا خايف من الموت اوي انا مش عايز اموت
مينا:(اخده في حضنه بتنهيده) شششششش بطل عياط واهدى والله هتبقى كويس وكلنا معاك متخافش
حازم:( بعياط) متسبنيش يا بابا وقولهم اني مش عايز عمليات لو عملتها هموت فيها انا عارف والله
مينا: طب اهدي و سيب كل حاجه لوقتها ومتفكرش في اللي جاي، ويلا تعالى اطلع اوضتك عشان ترتاح
حازم:( بعياط) هتخليك معايا
مينا :(بحزن) هفضل معاك حاضر (ومسك أيده وقفه و طلع معاه و رنا واقفه مكانها ومنهاره من العياط على ابنها بعد عدده ثوانى ظهر مينا نايم على جمبه وساند ايده السرير وساند راسه على ايده وحازم نايم فى حضن مينا ،، ومينا عمال يطبطب على ظهره لحد ما راح فى النوم)
.............................................................
بعد شويه مينا نزل من عند حازم لقى رنا قاعده مكانها ولسه بتعيط مينا قعد جمبها
رنا:(بصتله) سبته ونزلت ليه
مينا: حازم نام وتليفونى رن طلعت علشان معملش دوشه جمله
رنا:(بعياط) انا خايفه قووى نفسيته تاثر عليه
مينا: لو حازم خايف قيراط بمنظرك ده هتخوفيه 24 قيراط ،، حازم محتاج مننا القوه مش الضعف ،، مش محتاج انك تعيطى قدامه ،، محتاجك قويه وصالبه نفسك ،، محتاج ايد تاخد بايده لقدام مش ترجعه لوراء ،، محتاج قلب جامد مش ضعيف زيك كده علشان لو انتى ضعيفه هو هيضعف حازم اى حاجه بتأثر عليه ،، لو ظهر خوفنا قدامه هو هيخاف وده هيأثر عليه
رنا:(بعياط) انا مش هسامح نفسي ابدا مكنش ينفع اتكلم فى حاجه زى كده هنا انا السبب انو يعرف
مينا: كان مسيره هيعرف لو ماكنش مننا هيبقى من اى حد فانتى اهدى علشان خاطرى
رنا:(بعياط) مش قادره يامينا مش قادره اني اشوف ابني الصغير تعبان قدامي كدا و خايف وانا مافيش في ايدي اعمله حاجه
مينا:(اخدها فى حضنه بحزن) طب اهدى علشان خاطرى اهدى بقا (فضلت رنا فى حضن مينا ،، بعد شويه رنا لسه فى حضن مينا بتعيط
حاتم:(دخل الشقه وهما مش حاسين بيه قرب منهم وتصنع الصدمه)ايه اللي انا شايفه ده على الملأ كدا (رنا بعدت عن مينا
مينا (بص لحاتم) اتأخرت ليه يا حاتم
حاتم: مافيش يدوب قعدت مع اصحابي شويه زي ما قولت لحضرتك و جيت (وبص لأمه باستغراب وقرب منها) مالك يا ماما انتي بتعيطي ولا ايه
رنا:(وهيا بتمسح دموعها) مافيش حاجه ياحبيبي متقلقش
حاتم:(بص لمينا) ماما مالها يا بابا في ايه
مينا:(بتنهيده عاليه) كنا بنتكلم انا وماما عن عمليه حازم وحالته وصلت لايه وحازم كان نازل وسمعنا وعرف طبعا انهار وقال انو هيموت ومش عايز يعمل عمليات وطبعا انت عارف خوف اخوك خواف قد ايه
حاتم:(بحزن) هو فين دلوقتى يا بابا
مينا:نايم فى اوضته فضلت جمبه لحد ما نام من ساعتها بقا ومامتك بتقول انها السبب فى انو عرف
حاتم:(بص لرنا)كان لازم يعرف علشان يخلى باله من نفسه علشان الايام الى جايه هينزل مدرسته وهيبقى لوحدو كده احسن(وبصلها بحزن) وبعدين يا ماما لازم تهدى ومش لازم نحسسه أننا قلقانين و خايفين عشان ميخافش بزياده (رنا هزت دماغها بمعنى ماشي ودموعها على خدها
مينا: يلا يا حبييى اطلع غير هدومك وشوف هتعمل ايه
حاتم: ماشي (وبص لامه بابتسامه حزن) متعيطيش بقا (ومسك ايدها وباسها رنا بصتله بأبتسامه بدموع حاتم نتهد وطلع ومينا اخد. رنا وطلعو قعدو جمب حازم وهو نايم)
.............................................................
تانى يوم الصبح عند حازم الى قاعد فى اوصته وباين عليه التعب والارهاق الباب خبط مردش ،، البا اتفتح ودخل سليمز
سليم:( بص للسرير) طب لم انت صاحى مش بترد عليا ليه (حازم بصله بارهاق وتعب وما ردش على سليم ،، سليم قرب منه وقعد جمبه) مالك يا حازم انت تعبان ولا ايه
حازم:(يبصله بتوهان) لا انا خايف
سليم:(باستغراب) خايف ،، طب خايف من ايه
حازم:(يبصله بدموع) مرضي القلب قليل منهم الى بيعيشو (سليم بصله بصدمه حازم كمل كلامه) انا عرفت امبارح وصحيت بالليل معرفتش انام وفتحت النت وعرفت
سليم:(بصدمه بس مش هيبين) ياعم النت بيهول الموضوع انت كل الى عندك شويه تعب وهيرحو بالعلاج
حازم:(بعصبيه شويه) متفضلش تخبى عنى انا عارف انو حالتى صعبه جدا ومحتاج علاج فتره ولم اتحسن هعمل عمليه ولحد الان الحاله بتسوء اكتر مبتتحسنش وده الى سمعته من بابا وماما وهما بيتكلمو بس بابا قالى انى كويس
سليم:(بهدوء) طب يعنى انت مش هتصدق بابا يا حازم اه انت كنت فى الاول اول ما عرفنا كنت تعبان جدا بس الحمد لله دلوقتى بقيت كويس
حازم:(بص لسليم) طب مش بروح المدرسه ليه
سليم: علشان انت لو رحت المدرسه مش هتقعد ساكت وهتلعب وهتجهد نفسك وهتفضل طالع نازل مع اصحابك وهتعمل زيهم قولنا تقعد فى البيت فتره وهتنزل مدرستك تانى بس طنط دينا بتظبط شويه حاجات وهتنزل مدرستك
حازم:(بصله بدموع) طب هو الدكتور قال انا هموت قبل العمليه ولا بعدها ولا وانا بعملها اكيد وانا بعملها
سليم:(بصله بصدمه) انت جبت الكلام ده منين انت مش هتموت ان شاء الله وهتخف وتبقى كويس وهتعمل العمليه وتقوم منها بالسلامه بس لازم انت يبقى من جواك عارف ده ده هيفرق معاك كتير متحطش فى دماغك انك هتموت ،،، انت هتبقى كويس وهتقوم بالسلامه وهتخلص من كل الى انت فيه ده بأذن الله
حازم:(بصوت مخنوق وباين فيه العياط) بجد
سليم:(بضعف واوشكت الدموع انها تظهر ،،، سليم اخد حازم فى حضنه) طبعا يا حبيبى باذن الله هتبقى كويس (دموعه نزلت فعلا مسحهم بسرعه وبص لحازم) يلا يلا بسرعه قوم يلا اغسل وشك الجميل ده وغير وتعالا يلا علشان تفطر معانا
حازم:(بدموع) انا ماليش نفس
سليم:(مسك ايده وقومه براحه) يلا بقا بلاش دلع (حازم قام وقف وحضن سليم تانى ،، سليم كمل كلامه) يلا يا حبيبى وانا هطلعلك غيار واجبهولك (حازم دخل الحمام سليم تنهد بدموع وعدل السرير مكان حازم وطلعله هدوم وراح ادهاله وطلع قعد لحد ما خلص وخرج)
حازم: انت لسه هنا يا ابيه
سليم:(قام وقف وحط ايده على كتف حازم) مش عايزك تحسس بابا وماما انك مضايق وخايف علشان هما ميخفوش عليك ماشي لو حد كلمك قولهم انا بقيت راجل وهستحمل تعبى وهخف وهبقى كويس علشان انا عايز اعيش وسطيكو ماشي يا حازم (حازم هز راسه بمعنى ماشي سليم حضنه تانى وبصله بابتسامه حزينه وكمل كلامه) يلا يا بطل
حازم:(باتسامه) يلا (ونزلو الاتنين سوا تحت)
............................................................
عند رنا الى وافقه بتعمل الفطار دخلت عليها سلمى
سلمى:(راحت لرنا وباستها من خدها) صباح الخير يا مامى
رنا:(بابتسامه حزينه) صباح النور يا حبيبتى
سلمى:(بقلق) مالك يامامى فى حاجه
رنا: لا ياقلبي مافيش حاجه
سلمى:(مسكت ايدها) هتخبى بردو على بنوتك حبيبتك يلا بقا قولى بابى مزعلك
رنا: لا يا حبيبتى (ودموعها نزلت)
سلمى:( بزعل) طب انتى بتعيطى ليه بقا
رنا:(بعياط) علشان حازم عرف مرضه
سلمى:(بصدمه) ايييه عرف منين
رنا:(بعياط) سمعنا بنتكلم انا وبابا
سلمى:(بدموع) وعمل ايه يا مامى
رنا: انهار طبعآ بس الحمد لله بابا عرف يهديه شويه بس صعب قووى وكلامه صعب وهو بيقول انو هيموت قطع قلبي
سلمى:(مسحت دموعها) طب متعيطيش علشان خاطري
رنا:(قعدت على الكرسي) صعب قووى اشوف حازم تعبان وانا مش عارفه اعمله حاجه صعب جدا يارب الى فيه يجى فيا يارب
حازم:(دخل المطبخ على كلام رنا وقعد قدمها على كرسي تانى) بعد الشر عنك يا ماما
رنا:(رفعت وشها وشافت حازم بصتله بصدمه) حازم
حازم: متدعيش على نفسك تانى علشان خاطري انا كويس والله وهخف وهبقى كويس بأذن الله
سلمى:(راحت وقفت جمبه) باذن الله ياحبيبي
حازم:(بص لسلمى ورجع بص لرنا) ماما انا هاخد بالى من نفسي وانا مش هبقى ضعيف علشان ابقى كويس واقدر اعيش وسطيكو انا مش هيعيط ومش زعلان وزى ما ابيه سليم بيقول انو ده اختبار من ربنا وانا هصبر عليه وانا ونصيبى بقا
رنا:(مسكت وشه وحضنته) هتبقى كويس باذن الله وهتعمل العمليه وهتبقى احسن من الاول
حاتم:(دخل عليهم المطبخ) ايه ده بقا هو الدلع كله لحازم مافيش لينا احنا كمان (رنا بصت لحاتم وابتسمت
سلمى: ايه رأيكو نشارك كلنا فى عمل الفطار
رنا: لا يا سلمى علشان اخواتك يا حبيبتى
حازم: بس انا عايز اعمل معاكو وانتى هتفضلى قاعده وهتكلى من ايدينا النهارده
سليم:(بص لحازم) ايه ياعم حازم انت دبستنا ولا ايه
حازم: ايوه يلا ماما مش هتعمل حاجه النهارده واحنا الى هنعمل ( وراح وقف يعمل مكان مامتها رنا بصتله بتنهيده سليم بص لحاتم وراحو وقفو يعملو هما كمان سلمى بصت لرنا وابتسمت وراحت تساعدهم ،، وقفو الشباب مع سلمى يعملو الاكل دخل مينا وقف على الباب رنا بصتله بضحكه وبص لولادها الى وقفو يسعدو بعض تنهدت وبتدعى ربنا ميوريهاش شر فيهم ابدا دخل مينا قعد مع رنا حازم بصله وابتسم وبص قدامه وكمل الى بيعمله خلصو سوا وحطو الاكل على السفرا وقعدو اكلو وسط ضحكهم وهزارهم مع بعض)
..............................................................
عند ادم الى ظهر فى مكتبه
أدم:(قاعد على مكتبه وبيحرك دماغه يمين وشمال بتعب وهو بيبص للسكرتيره) لسه كام حد يا اسماء
اسماء: اللي برا دي اخر واحده يامستر ادم
ادم: طب دخليها و اطلبيلي بسرعه بقا قهوه ساده
اسماء: حضرتك شربت قهوه كتير اوي النهارده
ادم: معلش عشان بس اليوم كان متعب شويه
اسماء: حاضر يافندم(اسماء خرحت ودخلت بنت)
ادم:اتفضلى اقعدي (البنت قعدت قدامه بتوتر ،، كمل ادم كلامه وهو باصص فى الملف) اسمك تيا
تيا:( بتوتر) ا اه اه
ادم: انتي لسه خريجة السنه دي يا تيا و تقديراتك كلها امتياز
تيا:( بتوتر) ال الحمد د لله
ادم:(بصلها وساب الملف من ايده) اشمعنى شركتنا اللي فكرتي تقدمي انك تشتغلي فيها رغم أن في شركات زينا كتير وبرضه طالبه دكاتره
تيا:( بتوتر) ب ببصراحه ا انا دخلت صيدله مخصوص عشان اشتغل في شركة حضرتك لأن شركتكم متميزه عن كل الشركات التانيه
ادم: اممم رد فعلك ايه لو اترفضتي
تيا:(بصتله و عيونها هتدمع كأنها هتعيط) ااا انا و والله..
ادم:(مقاطع لتيا بابتسامه) ايه ايه هتعيطي ولا ايه و ليه التوتر دا كله انا مبخوفش حد على فكره
تيا:(بدموع) هو حضرتك هترفضني بجد
ادام: السكرتيره هتكلمك لو اتقبلتي وتقدري تتفضلي دلوقتي(تيا وقف و دموعها نازله واتجهت للباب
ادم: انسه تيا (تيا وقفت وبصت لادم بأمل ،، كمل ادام كلامه) اقفلي الباب وراكي لو سمحتى
(تيا بصتله وخرجت وقفلت الباب ادم بص للملف وقفله وكمل شغله)
.............................................................
يوم الجمعه فى بيت مينا ظهرت فريده طالعه فوق أوضة سلمى سليم بيفتح باب اوضته و خارج منها
سليم:(شاف فريده ابتسم و قرب منها) ازيك يافريده
فريده: الحمدلله
سليم: اخبارك و اخبار مزاجك ايه
فريده: كويسه جدا، انا بجد مش عارفه اشكرك ازاي يا أبيه انك وقفت جمبي في وقت زي ده
سليم: تشكريني ايه يا مجنونه انتي، دا انتي زي سلمى و زي ما قولتيلك قبل كدا لو احتاجتيني اي وقت متتردديش انك تكلميني ومن غير كسوف
فريده: اكيد طبعا
سليمى: كنتي طالعه فين
فريده: راحه أوضة سلمى عشان احط موبايلي ع الشاحن
سليم: ماشي انا هنزل انا بقا اسلم ع الجماعه تحت (فريده هزت راسها باتسامه ومشيت وسليم نزل شويه وفريده نزلت واتجمعو كلهم سوا)
..............................................................
الكل متجمع عند مينا وكلهم موجودين معادا عمر وهنا.فى المكتب
مينا:(حكى لمحمد سعد ومحمد عباس كل الى حصل) بس سليم قالى انو اتكلم معاه وحازم بيحاول انو يبقى قوى انا حاسس بيه وبضعفه
محمد عباس: ما طبيعي يعرف بتعبه يامينا و كان لازم يعرف اصلا عشان يخاف على نفسه ويبقى حريص في تعامله وتصرفاته
محمد سعد: كويس انو عرف وهو وسطيكو معرفش فى المدرسه او تعب فيها لوحدو وساعتها هيعرف
مينا:(بتنهيده)الحمد لله
محمد عباس:يارب يهدى بقا وميعذبنيش وهو بياخد علاجه
محمد سعد: معتقدش يا بنى لازم تعانى معاهم الاول
محمد عباس: انا ليا الجنه من العيال دى والله
مينا: حظك بقا يا بيسو
محمد عباس:يلا ياعم يلا خلينا نخرج من هنا ونقعد مع الى بره ده (وخرجو كلهم واتحمعو وقعد و مع بعض
هايدى:فين عمر يارنا منزلش ليه
رنا:شويه وهتلاقيه نازل باذن الله
محمد.سعد:هو عامل ايه انا ماشفتوش من فتره
مينا:الحمد لله بخير والله فجاه سمعو الباب هيخبط حاتم فتح لاقي رائد
رائد:(دخل وسلم على الكل وقعد معاهم)والله بتوحشونى اكتر من مسلسلات رمضان
سليم:لا متشوفش وحش يا خويا وبعدين صاحبك لسه منزلش ياعم
رائد: وانا مالي المهم انا اجي و أضمن اني هاكل من ايد ست الكل
سليم:(بقرف) طفس
رنا:بس يا سليم (الباب خبط)
سليم:(قام يفتح وبص لرنا وهو ماشي)لا لا متخافيش على مشاعره كده مبيحسش
رائد:سبناهولك بقا الاحساس ياعم الحساس
سليم:(فتح الباب ولقى عمر) ياعم تعالا حوش صاحبك ده عننا
عمر:(بضحكه)هو جيه (دخل عمر وسلم على الكل هو وهنا وقعدو
محمد سعد:اخبارك ايه ياعمور
عمر:الحمد.لله ياعمو كويس
محمد.عباس:كويس بجد (وبص لهنا يعنى بياكل كويس ياهنا
هنا:(بصت لعمر)هو ديما اكلته مش حلوه وقلت كتير عن الاول
رائد:(بص لعمر بزعل)ياقلبي عليك ياحرام عمر اتبهدل (هنا ابتسمت ودخلت المطبخ تحضر للاكل بقا
عمر:(ضريه بالمخده فى وشه)يا شيخ اتلهى
رنا:انا هقوم اساعد هنا (ودخلت رنا المطبخ هيا وهايدى ودينا )
عمر:(بص لحازم الى قاعد جمبه من الناحيه التانيه وحط أيده على كتفه) عامل ايه يا حزوم
حازم: الحمدلله يا أبيه انا كويس عشان شوفتك
عمر: ايه الكلام الحلو ده كان لازم اتعب يعني عشان اسمعه (وقعدو يتكلمو شويه ورائد بيرخم على الكل
رنا: يلا ياجماعه الاكل جاهز (قامو كلهم قعدو على السفرا وبداو الاكل
عمر (اكل معلقتين) الحمدلله
رنا: كول يا عمر دا مش اكل كدا
عمر: والله ياماما كدا تمام تسلم ايدك
عباس: انت بطريقتك دي مشوارك هيبقى طويل و انا قولتيلك لازم تعوض جسمك بالاكل وانت مش صغير أننا نقولك الكلام دا اكتر من مره
عمر : لو جوعت تاني هاكل يا جماعه عادي
رائد:(بص لعمر)انت عبيط ياض ياعمر والله حد يسيب الكل الحلو ويقوم
عمر: سبتهولك يا رائد بس يارب يكفيك
رائد:(بعتله بوسه فى الهواء)حبيب اخوك (الكل ضحك عليهم وعلى هزارهم مع بعض وكملو اكل وعمر قا
عد.معاهم ورائد مش مبطله كلام على الاكل وحلاوته
............................................................
عند يحيي ورحمه الى كانو فى كافيه
يحيي: ها بقا الدور التاسع مش بعيد
رحمه: انا عندى حل يا يحيي
يحيي: قولى يا رحمه
رحمه: الشقه الى فوق شقتكو حلو ومش بعيده وانا لو عليا انا مش قلقانه من العيشه فى بيت العيله
يحيي: هو مش عليكى لانى عارف انك هترتاحى قووى بس انا مش حابب اعتمد على بابا
رحمه: مش فاهمه
يحيي: بابا يا ستى الى بنى الشقه دى وبنى واحده كمان لمروان وواحده لساره انا بقا مش حابب كده هو مشطبها ومشطب كل حاجه فيها ومقفوله انا حابب ابنى حياتى بتعبى مش على حساب تعب بابا
رحمه: اشتريها منه يا يحيي ويبقى بردو مبعدناش عنهم وبتعبك بردو
يحيي:(بتفكير) مش عارف يا رحمه
رحمه: ما هو كل الى بره فى دور عالى لاكن لو على الرابع او الخامس لاكن ابعد من كده مش ماشي
يحيي: يا سلام دانا عايز اطلع معاكى برج القاهره
رحمه:(بصدمه) انت عايزنى اطلع منزلش على رجلى بقا
يحيي: بعيد الشر عنك يا حبيبتى
رحمه: طيب ها بقا موافق
يحيي:( بتنهيده) ماشي يا رحمه (رحمه تنهدت بضحكه يحيي بصلها ومسك ايدها) يلا قومى نطلع البرج
رحمه:(بخوف ورعب) لا برج ايه
يحيي: يلا بس (واخدها وهرجو من الكافيه وهو بيضايقها انو هيطلع البرج وهيا معاه)
..............................................................
فى مكتب ادم فى الشركه كانت تيا موجوده واول يوم ليها فى الشغل
ادم:(ساب القلم من أيده وبصيلها) اتفضلي يا انسه تيا (تيا قعدت قدامه بتوتر ،، آدم كمل كلامه) انتي اتقبلتي معانا من وسط ناس كتير اوي بس دا لاني حسيت أن الـ CV بتاعك كان مميز عن الكل و حسيت انك هتفيدينا و ياريت احساسي دا يطلع صح و ظني يطلع في محله
تيا:( بتوتر) هكون عند حسن ظن حضرتك بإذن الله يامستر
ادم:(بجديه) هنا شغلنا مافيهاش هزار ومافيهوش غلطات، الغلطه الواحده برفد من المكان ، الوقتي انسه اسماء هتاخدك توصلك مكتبك وتعرفك تفاصيل شغلك و تفاصيل الشركه و شغلك الجد هيبدأ من بكره باذن الله.. و اه من حق اهم حاجه لازم تعرفيها أن التأخير هنا ممنوع و لو اتأخرتي خمس دقايق اليوم كله بيتخصم (تيا هز ت دماغها بتفهم ،، كمل ادم كلامه) اتفضلي روحي لانسه اسماء تفرجك مكتبك (خرجت تيا من مكتب ادم ،، ادم تنهد وبص لشغله تانى)
..............................................................
في بيت مينا عند حازم في أوضته ظهر هو ورنا وهيا قاعدة تتحايل عليه وتقنعه يأخد علاجه قطع كلامهم خبط ع الباب ودخول مينا وحاتم وسليم اللي كانوا في الشركة ولسا جايين حازم بص لرنا وغمزلها براحة من غير ماحد يأخد باله دخلوا وقربوا منهم)
حاتم(بإبتسامة) فيه إي ياحازم مالك!!
حازم(بتمثيل) مافيش بس تعبان علشان لسا واخد الحقنة من شوية ..
حاتم(بإستغراب) ماما إعطتهالك وإنت لوحدك لا ده إنت هتتحسد بقي ولازم نبخرك ..
مينا(بص لحازم ورجع بص لرنا اللي واقفة وباين عليها التوتر) مالك يارنا؟! إنتِ كويسة!
رنا(بتلعثم) ها أها كويسة مافيش حاجة..
مينا(بص لحازم بجدية) إنت متأكد إنك أخدت الحُقنة النهاردة
حارم(بتوتر) اه اه طبعاً يابابا لسا من شوية..
سليم(برفعة حاجب وبص لحازم) أنا ليه حاسس كده إني مش مطمنلك ياواد ياحازم
حازم(بتوتر) ليه ياأبيه أنا أخدتها...
رنا(بجدية وبسرعة) حازم بطل كذب وتمثيل (وبصتلهم كلهم بتنهيدة تعب ونفاذ صبر) حازم ماأخدش الحقنة وبقاله ساعة بيتحايل عليا أقولكم إنه أخدها وخلاص..
مينا(بص لحازم بلوم) إنت يابني عاجبك التعب اللي إنت فيه ده وعايز كل شوية نجيبلك الدكتور ويزودلك العلاج..
حازم(بصله بتعب وزعل) ما أنا تعبت يابابا والله والحقن صعبة جداً وبتوقفلي رجلي وماعوتيش عاوز أخد حقن بقي محدش بيحس بوجعهم وتعبهم غيري ..
مينا(بصله بحزن) متزعلش ياحبيبي بس المهم يبقوا بالشفا ويللا بقي علشان خاطري تعالي على نفسك وإستحمل المرة دي وخدها وبص أنا اللي معاك أهو مش إخواتك..
حازم(بإعتراض) بس يابابا....
مينا(قطع كلامه وبصله بإبتسامة يطمنه) مافيش بس بقي يازوما وإخلص وماتتعبش نفسك ياحبيبي(وبص لرنا بجدية) جهزي الحقنة يارنا يللاا وأنا معاه أهو ..
(رنا راحت تجيب الحقنة وبدأت تجهزها وحازم بيبص عليها بخوف ورعب)
حازم(بيبص علي رنا وهيا بتجهز الحقنة بخوف وبص لمينا بدموع) والله يابابا صعبة جداً وبتتعبني أكتر ..
مينا(بصله بحزن وحنية) والله لو ماأخدتها هتتعب أكتر صدقني وعلاجك هيزيد ومش هتتحسن بسرعه زى ما انت عايز مش انت عايز تتحسن بسرعه وتخف بسرعه مش ده كلامك
حازم:ايوه يا بابا بس الحقنه صعبه
مينا: دي شكة إبرة وجعها بيروح بسرعة ..
حازم(بص لإخواته اللي واقفين وبص لباباه) طيب خلي أبيه سليم أو حاتم يخدوها مكاني النهاردة(كلهم هيضحكوا عليه)
مينا(بضحكة) والله لوكان ينفع كنت أخدتها أنا مكانك وأخدت كل التعب اللي فيك فيا أنا ..
الكُل(بإبتسامة) بعدالشر عنك يابابا ربنا يباركلنا في حضرتك يارب ..
مينا(بص لحازم) يلا مش إنت راجل ولاإي!! بص ماحدش هيمسكك وإنت خليك راجل وأقف لوحدك بقي ..
حازم(بشجاعة مزيفة وراح وقف قدام أمه) حاضر يابابا..
(حازم وقف قدام مامته وكل أما تقرب منه علشان تعطيهاله يبعد من قدامها لحد ماتمكنت منه وبدأت تعطهاله وسط حركته وصريخه ووجعه)
حازم(بدموع وصريخ) آآآآآآآه خلاص بقي ياماما آآآآآآآآه
رنا(خلصت ودلكت مكانها وبحزن) خلاص ياحبيبي خلصت بالشفا يارب ..
حازم(راح قعد على السرير وسط عياطه وتعبه وبص لرنا) والله رجلي وجعتني ووقفت (وبص لفوق) يارب اخف بسرعه بقا (وبص لرنا) إنت كمان ياماما إيدك صعبة زي عمو عباس وعمتو هايدي والله ماعوتيش هأخد حقن تاني بقي وأنا قولت أهو ..
مينا(بحزن علشان إبنه) خلاص ياحبيبي خلصت أهي شوية ووجعها هيروح ماتزعلش..
حازم(بعياط) لا والله مش بيروح يابابا اللي أخدتهم قبل كده برضو لسا بيوجعوني وماعوتيش هأخد تاني يابابا أنا قولت أهو ..
حازم(راح قعد جنبه وبحزن) ماتفكرش في اللي جاي ياحبيبي وسيب كل حاجة بظروفها خلاص بقي ماتزعلش ..
سليم(قعد جنبه من الناحية التانية ومسحله دموعها) خلاص بقي يازوما مافيش راجل بيعيط شوية والوجع هيروح بإذن الله (وبصله بهزار وتشجيع) لا بس النهاردة فيه تقدم رهيب هو أها خرمت ودانا بصريخك بس واقف لوحدك من غير ماأكتفك عاش..
حازم(بصله شوية وإفتكر الحقنة ووجعها تاني فعيط)
سليم(بصله بضحكة وبحنية) طيب خلاص ياعم إهدا مش ههزر معاك تاني يللا تعال نام شوية وإحنا معاك أهو ..
(قعدوا كلهم معاه ويتكلموا معاه ويهزروا ويلهوهه عن تعبه ووجعه من الحقنة لحد مانام رنا غطته وإطمنوا عليه وخرجوا)
..............................................................
بالليل (في شقة عمر كان راجع من الشركة وفتح الباب ودخل لقي هنا قاعدة قدام التلفزيون أول ماشافته بصتله بزعل وقامت دخلت المطبخ راح وراها)
عمر(مسك إيديها وبتساؤل) رايحة فين!
هنا(بدموع مكتومة) هجهزلك العشا
عمر(بهدوء) مش عاوز أتعشي الوقتي عايز أتكلم معاكِ شوية..
هنا(بعند) وأنا مش عاوزة أتكلم..
عمر(بجدية) فيه إي ياهنا مالك أول مرة تتكلمي بالطريقة والأسلوب ده وتقفلي معايا كده..
هنا(بدموع) لأنك أول مرة تزعلني بجد و تعلي صوتك عليا و كل دا عشان إيه يا عمر؛ عشان بحبك و بغير عليك..
المفروض إنت تراعي غيرتي عليك دي لكن إنت بقا زعقت وبتقول إنك زهقت و جبت أخرك و حاجة تقرف فبعدت عنك بقا عشان متزهقش و تقرف أكتر ..
عمر(مسك إيديها وقعدها وقعد قدامها وبهدوء) والله ياحبيبتي مقدر حبك و غيرتك عليا بس إنتي كنتِ شيفاني متأخر و بابا بيكلمني بيزعق عشان أول مره أتأخر كدا و إنتِ تصممي إني أغير القميص و البرفان على أساس أن الناس همشوا مركزين في قميصي ويشموا في ريحتي..
هنا(بدموع وحزن) ما أنا مش بطيق إني أتخيل أن واحدة من موظفات الشركة تبصيلك أي بصه كدا ولا كدا ..
عمر(بإبتسامة) ياحبيبتي قولتيلك مليون مرة متفكريش في أي حد لإني مش شايف غيرك ولا في غيرك في قلبي، إنتِ إحتليتي قلبي و ملكتيه ..
هنا(بدموع) والله أنا بحبك أوي ياعمر إنت بتبقى دايماً واخد بالك مني ومركز في تفاصيلي وطول الوقت تكلمني وتسألني صليتي طب فطرتي طب إتغديتي طب نمتي شوية بعد ما مشيت وبتحس بيا وتسألني مالك قلقانة من حاجة طب إيه إللى مزعلك ولو حسيت إني تعبانة تقولي ريحي شوية نامي وهتبقي كويسة دا حتى وإنت رايح شغلك وأنا قاعدة في البيت مش هخرج لازم تقولي خدي بالك من نفسك، أنا بحس إني مش بس مراتك أنا بحس إني مراتك وحبيبتك وأختك وبنتك والله فمتزعلش مني من غيرتي دي عشان خاطري ..
عمر(بصلها بإبتسامة وأخدها في حضنه) صدقيني يا هنا عمري ما أقدر أزعل منك لحظة وهفضل طول الوقت مقتنع وبقولك إنك أجمل حاجة حصلتلي في حياتي و مهما حصل خناق بينا أو غيرة برضوا مش هشوف أحلى منك، وبعدين بقا هو إنتِ عشان وصية النبي هتفضلي تزعليني ياهنايا إنتِ وأنا بقي اللي أصالحك وأقعد أحب فيكِ كدا ..
هنا(بإبتسامة) ما أنا بصراحة بحب نزعل عشان تصالحني وتقولي كلامك الحلو ده ..
عمر(بضحكة) ياستي ما أنا بقوله والله على طول من غير زعل وخناق ولا هتنكري..
هنا(بضحكة) أنكر .. لالا إطلاقاً ، هتتعشى بقا ولا لسه مش عايز؟!
عمر(بضحكة وغمزة) بقولك إيه أنا بقول ننام خُفاف كدا و عايز أتناقش معاكِ جوا في موضوع كدا مهم ..
هنا(بإستغراب) موضوع إي!!
عمر(بغمزة وخبث) أمي و أبويا نفسهم في أحفاد وأنا ماأقدرش أزعلهم أبداً وقررت أنفذلهم أمنيتهم..
هنا(بضحكة كسوف) بس أنا جعانة ياعمر..
عمر(بإبتسامة وشالها) مش وقت أكل ياهنايا نبقي نأكل بعدين الوقتي عندنا موضوع مهم .
........................................................
تانى يوم فى المكتب عند عمر ورائد فى مكتبهم
رائد: عمر اعزمنى عندكو على الغداء النهارده
عمر: لا
رائد: طب بكره
عمر: لا
رائد.: طب بلاش غدا خليها عشا
عمر: لا
رائد: انت علقت ولا ايه ،،، وبعدين انا بستأذن منك ياكلب انت انا هتصل بطنط وهتقولى وقت ما تحب البيت مفتوحلك يا حبيبى
عمر:(لسه هيرد عليه لقى تليفونه رن ،، عمر بص لرائد) كنت هرد رد بس الى نجدك التليفون (وحدف القلم عليه ورد على التليفون) الوو ............ ايوه انا مين ............(قام وقف بصدمه) انت بتقول ايه ......... طيب طيب انا حاى حالا
رائد:(بقلق) فى ايه يا عمر (عمر بصله واخد مفتاحه وتليفونه وجرى على بره ورائد جرى وراه
.............................................
ياترى فى ايه وحصل ايه لو عايزين تعرفو استنونا الحلقه الى جايه
#hadeer
#rody
#hager
