#مع_مر_الزمان
#مع_مر_الزمان_24
#جزء_من_حلقه_سابقه
عند محمد سعد الى قاعد في مكتبه بيخلص شغله جاله تليفون
محمد. سعد:(رفع السماعه) الو............ (وبص قدامه) ايييه جاين ليه............... طيب خليهم يدخلو (الباب خبط ودخل السكرتيره ومعاه ظابط واتنين عساكر ،، كمل محمد سعد كلامه) نعم يا حضر الظابط
الظابط: انت محمد سعد
محمد سعد: ايوه انا
الظابط:معانا امر بضبط واحضار (محمد سعد بصله بصدمه) اتفضل معانا لو سمحت
#بدايه_الحلقه_الجديده
ظهر محمد سعد قاعد فى القسم مع الظابط
الظابط: شكرتك انت الى دخلت المناقصه دى
محمد سعد: ايوه بس انا سلمت شغلى
الظابط: الشركه بتقول انو محدش سلمها حاجه
محمد سعد: انا سلمت الشغل لشريكى
الظابط: اسمه ايه شريكك ده (محمد قاله على اسم شريكه ،، الظابط كمل كلامه) تمام ،، احنا هنطلع امر بضبط واحضاره ونشوف مسلمش الشغل ليه ولحد ده ما يحصل حضرتك هتفضل معانا هنا
محمد سعد:(بصدمه) افضل معاكو فين
الظابط: فى الحجز (ودق الجرس)
العسكرى:(فتح الباب ودخل) تمام يا فندم
الظابط: نزل المتهم الحجز
العسكرى: تمام يا فندم (وبص لمحمد) اتفضل معايا قام محمد خرج مع العسكرى لقى مينا ومروان ويحي وعمر بره
مروان: بابا بابا فى ايه وخدينك على فين
محمد. سعد: متقلقش يا مروان انا كويس
مينا: فى ايه يا محمد
محمد سعد: الشغل متسلمش يا مينا وعدى كمان فتره السماح وانا نايم على ودنى
مينا: مش انت عملته وسلمته
محمد سعد: المفروض بس هو هرب خد كل حاجه وهرب
العسكرى: يلا بقا كفايه كده (واخد محمد ونزل الحجز وسط صدمه مينا وعمر ويحيي ومروان)
................................................................
فى بيت محمد سعد الكل قاعد وباين عليهم القلق والكل قاعد ساكت
دينا:(مقاطعه للسكوت ده بدموع ) مينا خد مراتك وولادك وارجع بيتك علشان حازم يرتاح
مينا: حازم يرتاح هنا يا دينا عمر هيجبله العلاج وهو جاى احنا مش هنسبكو كده وكمان علشان اعرف مروان عمل ايه
ساره:(بدموع)خلاص هيحبسو بابا ياعمو
مينا: بأذن الله هيطلع بابا معملش حاجه
هايدى:(بدموع) طب انتو معرفتوش شغله لم سلمه راح فين
مينا: ملحقناش نفهم حاجه علشان كده مروان راح يطلب اذن زياره او يشوف المحضر او يفهم حاجه وايه الى حصل وطبعا عمر معاه
سلمي:طب ما عمره يطلعه يا بابا
مينا:هيا الشرطه لعبه يطلع الى يحب ويدخل الى يحب (مروان دخل هو وعمر ،، مينا كمل كلامه)اتأخرتو ليه
مروان:على مافهمت القضيه كويس وقريت المحضر وكده
مينا: طب فهمت ايه
مروان:الى فهمتو انو بابا كان داخل مناقصه وكسبها والمناقصه دى شغل كبير قووى وبابا كان ليه شريك هو عمل شغله وسلمه لشريكه على ما يخلص شغله ويسلم الاتنين مع بعض بس شريكه اخد شغل بابا واخد كل حاجه وهرب وطلع امر بالقبض عليه والمشكله بقا والخوف انو يكون سافر وساب البلد
دينا:يعنى لو سافر خلاص محمد هيشيل الليله كلها
عمر:طنط ممكن تهدى انا اتصرفت
محمد عباس:عملت ايه ياعمر يعنى
عمر:اخد صور الراجل ده من موبايل عمو محمد وطلعت بيها على المطار وعرفت اذا كان سافر او لاء وهما اخدو الصوره وهيبحثو عنه فى كل مطارات البلد والبوليس بيدور عليه حوه البلد ومن ناحيتي بردو مش ساكت وبلغت كل لجان الطرق علشان لو عدى من قدمهم (الكل سكت وهو بيدعى بيقول يارب)
..................................................................
بعد يومين فى القسم مينا وعمر ومروان قاعدين مع الظابط
مينا:ايه اخبار القضيه يا حضره الظابط
الظابط:والله يا بشمهندس الاخبار مطمنش الراجل للاسف احنا مش لاقينه وطلع نصاب كبير جدا ونصب على ناس كتير وبشمهندس محمد هيتجددله فى المعاد لحد ما يتعرض على النيابه
مروان:هو مافيش اى حل تاني ممكن يخرج بيه غير انو الراجل ده يظهر
الظابط: هو فى حل والطرف التاني قال عليه لم ورانى العقود
عمر: ممكن نعرف الحل ده
الظابط: مكتوب فى العقود انو فى شرط جزائي بيدفعه الى بيتاخر
مينا:(بسرعه) احنا ممكن ندفع الشرط الجزائي ويطلع
الظابط: مش تعرف هو كام الاول
عمر: اى كان المبلغ احنا هندفعه
الظابط: حتى لو 5مليون
مينا: حتى لو هدفع عمرى كله واخويا ميبقاش هنا دقيقه واحده
الظابط: تمام جمعو المبلغ وتعمل محضر صلح ويطلع
مينا: اقرب وقت بأذن الله وهنجى لحضرتك تانى (واستأذنو ومشيو
...................................................................
فى الشركه ظهر مينا ومروان وعمر وبحيي فى مكتب محمد
مينا:(قاعد على المكتب وقدامه السكرتيره) انا عايز المدير المالى دلوقتى
السكرتيرة:حاضر تمام بعد اذن حضرتك
مروان:تفتكر ياعمى سيوله الشركه هتسمح
مينا:متقلقش يا مروان ابوك هيطلع وهيبات فى بيته النهارده او بكره بالكتير (الباب هبط ودخل المدير المالى
يوسف: مساء الخير يا فندم انا يوسف المدير المالى للشركه
مينا:مساء النور ،، انا عايزك خلال ٢٤ ساعه تكون مجهزلي خمسه مليون جنيه
يوسف: بس يافندم دا كدا هيحصل عجز كبير اوي في الشركه
مينا: يحصل اللي يحصل بقا المهم تنفذ اللي قولتيلك عليه
يوسف: حاضر يافندم
مينا:انا مش عايز تاخير
يوسف:اقل من 24 ساعه هيكون المبلغ جاهز
مينا:تمام اتفضل (مشي يوسف
عمر:بابا انا هرجع البيت عند عمى علشان اودى علاج حازم
مينا:تمام خدو اى صيدليه ياخد فيه الحقن
عمر:ماشي يا بابا حاضر (مشيى عمر ومينا ومروان ويحيي قاعدو يستنو المدير المالى
.......................................؟............................
فى بيت محمد سعد فى اوضه مروان عمر دخل لقى سليم وحاتم ومالك قاعدين مع حازم
عمر:(بص لحازم)فى ايه حازم تعبان ولا ايه
سليم:لا هو بس حس انو مرهق شويه وطلع يرتاح وقعدنا معاه كلنا
عمر:طيب يلا ياحازم تعالى معايا
حازم:(بتعب)هنروح فين
عمر:هتيجي معايا نروح اى صيدليه تاخد الحقن بتاعتك وانت يا سليم هتيجى معايا
حازم:لا مش هاخد حقن
عمر:حازم مش وقت مناهده
حازم:مش عايز يا ابيه
عمر:معلشي يا حبيبي علشان تبقي كويس
حازم:لا بردو مش عايز
حاتم:انت كنت تعبان من شويه ياحازم يلا يا حبييى بقا علشان تاخد علاجك وترتاح
حازم:(بعند)لا بردو مش عايز
عمر:(بجديه)انا مش عايز اعمل حاجه غصب عنك يلا قوم معايا كده برضاك احسن
حازم:ابيه انت مش هتعمل حاجه غصب عنى علشان مش بهون عليك
سليم:(مسك ايد حازم وقومه غصب عنه)بس انا موجود
حازم:(مسك فى عمر بعياط)لا والنبي خليه يسبنى يا ابيه علشان خاطرى مش عايز
عمر:(لسه هيرد قطع كلامه اتصال طلع موبايله وبص فيه لقى اتصال من محمد عباس فتح عليه) ايو يا عمو ............... الحمد لله كويس ياعمو.....................
محمد عباس:طيب الازمه جاتله تانى
عمر:لا الحمد.لله ،، بس هو مش راضي يروح الصيدليه ياخد الحقن
محمد عباس:خلاص يا عمر سيبه وانا هاجى اديله علاجه وارجع تانى انتو عند عمكو
عمر:ايوه
محمد عباس:تمام انا جاى اهوه
عمر:ماشي ياعمو ..... مع السلامه( وبصلهم)عمو عباس جاى (حازم بصله بخوف وسكت)
...................................................................
فى بيت محمد سعد ظهر عباس مع حازم فى الاوضه
عمر: يلا يا حازم بقا بقالنا ساعه بنتحايل عليك
حازم: بلاش النهارده انا تعبان منها
محمد عباس: مينفعش يا خازم وبعدين ده مش وقت تقع فيه علشان كلنا هنا بنستقوىى ببعض يلا يا حبيبي قووم
حازم(بتنهيده تعب) مش عايز
سليم:(قرب مم حازم ومسك ايده شده قومه) يلا يابني بقا (عرف سليم يتملك من حازم وعباس قرب منهم وسط حركه حازم ،، سليم شل حركته وكتفه اكتر وبعصبيه) اهدا بقا ياحازم (محمد عباس ضرب الحقنه لحازم)
حازم:(بوجع وصريخ) آآآه آآآآه آآآآه (محمد عباس شال السن ودلك مكانها شويه وبص لحازم) خلاص يا حازم خلصت
حازم:(بعياط) والله وجعتنى
محمد عباس: علشان تبقي كويس يا زوما (وسابهم وطلع غسل ايده كان مينا ومروان ويحيي رجعو
محمد عباس: عملتو ايه يا مينا
مينا: محمد هيطلع بكره باذن الله
دينا: ازاى مسكو الراجل
مينا: للاسف لا
هايدى: اومال هيفرجو عنه بضمان محل الاقامه
مينا: لا بردو كان فى شرط جزائي وهندفعه وهنعمل محضر صلح وهيطلع بأذن الله
ساره:طب ماتروح دلوقتى ياعمو
مينا:مينفعش يا حبيبتى لازم الصبح ومتقلقيش على بابا ،،، بابا قوى وهيصمت هيبقي كويس باذن الله
عمر:وانا من ناحيتى مش هسيب الراجل ده وهجيبه من تحت الارض
محمد عباس:(بتنهيده)طب انا هرجع المستشفى علشان فى عمليات لسه هعملها (وبص لمينا) مينا لو اجتجت اى حاجه كلمنى
مينا:شكرا يا محمد ربنا يخليك يارب وشكرا على تعبك مع حازم
محمد عباس:متشكرنيش ده ده واجبى وولادك ولادى يلا سلام عليكم (وسابهم ومشي والكل قعد بيستنو الصبح بفارغ الصبر
....................................................................
تانى يوم عند محمد سعد الى ظهر مع مينا ومروان وعمر ويحيي داخلين من الباب ساره اول ما شافته جريت عليه حضنته بعياط
ساره:(بعياط)وحشتني قووى يابابا والله انا كنت هموت من غير يابابا (وبصتله بعدم تصديق) انت كويس
محمد سعد:(بصلها وكانه مش معاها)اه كويس يا حبيبتى
هايدى:(حضنته بدموع)وحشتنى قووى عامل ايه كويس
محمد سعد: كويس الحمد لله (دينا حضنته بس من غير كلام وبعياط ودخلو قعدو كلهم)
هايدى:(بصت لمينا بهمس)اخوك ماله يامينا
مينا: من ساعه ما خرج وهو كده كلامه قليل ،، ممكن مش مصدق الى حصل
دينا:(قعده جمب محمد وماسكه ايده وبتبصله ومحمد باصص قدامه) وحشتنى قووى (محمد بصلها وسكت)
هايدى:(بصت لمحمد.) قوم يا حبيبي ارتاح خدلك دش سخن ونام شويه (محمد قام وقف ودينا قامت معاه ودخلو الاوضه
مينا: هايدى ما تقومى تشوفيه ماله و طمنينا عليه
هايدى:استنى عليه شويه لو فضل كده هشوفه
مينا:اكيد عدى عليه اليومين الى فاتو صعبين قووى
هايدى:اكيد طبعا ربنا يعينه وينساهم
مينا(بتنهيده) يارب ( بعد شويه خرجت دينا ،، مينا كمل كلامه)نام يا دينا
دينا:(بعياط)ايوه نام بس انا حاسه انو تعبان ما تشوفيه ماله
هايدى: هو كويس يا دبنا بس هو مرهق بس متقلقيش
مينا: طب احنا هنمشي وهنيجي نطمن عليه تانى علشان يعرف يرتاح
دينا: ماشي وشكرا على الى عملتوه معانا فى غيابه
هايدى: بطلى هبل ده اخونا واحنا لو معملناش كده مع اهل اخونا هنعمل مع مين يلا يا حبيبتى قومى ارتاحى وخلى ساره تنام نامت وهيا قاعده وسلمو على دينا ومشيو كلهم وكلهم دخلو اوضهم يرتاحو وفضلت دينا حمب محمد وهيا مش مصدقه انو معاها ورحعلها تانى
................................................................
بالليل عند عمر في شقته ظهر هو وهنا قاعدين في أوضتهم وهنا ماسكة رجليها وباين عليها الوجع وبتتألم منها)
عنر(بحنية وقلق) طيب ده من إي يعني!!
هنا(بألم) هيا كده كل فترة بتوجعني بسبب الأملاح اللي عندي بس بروح للدكتور بتاعي وبأخدلها أدوية وبتحس بعدها بإذن الله ..
عمر(بقلق) طيب خلاص قومي إلبسي وهأخدك ونروح لعمتو هايدي المستشفى تشوفك..
هنا(بتوجع) عمتك هايدي دكتورة نسا وتوليد يعني إي علاقتها برجلي! وغير كده الدكتور بتاعي هو اللي عارف حالتي ..
عمر(بتنهيدة) طيب هنشوفلك دكتورة كويسة نفس التخصص ياستي ونروحلها ..
هنا(بضيق) أنا مابعرفش أتعامل غير مع الدكتور ده ..
عمر(بإعتراض شديد) لا ياهنا لازم تروحي لدكتورة مش دكتور بقي ومافيش حالة إسمها متعودة ..
هنا(بعناد) لا وعلى فكرة الدكاترة الرجالة أشطر من الستات وبيعرفوا الحالة أسرع ..
عمر(برفعة حاجب) مكنوش إعطوا شهادة الطب هيا هيا للست برضو وكانوا قالوا كلية الطب للرجالة بس
هنا(قعدت علي السرير بزعل وبوجع) خلاص مش رايحة خالص لدكتور ولا لدكتورة ..
عمر(بضيق وجدية) إنتِ حُرة م أنا مش هسمح إنك تروحي لدكتور ويقعد يكشف علي رجلك ويقعد يبص عليها ويمسكها وأنا جمبك مركب قرون..
هنا(بزعل) بس ده دكتور ودي ضروري ومش حرام..
عمر(بجدية) مش حرام في حالة إن الدكاترة الستات تكون إنعدمت في التخصص ده يبقى وقتها عادي وحتي لو عادي فأنا واحد بغير (وسابها وخرج برا الأوضة)
هنا(بتكلم نفسها بحزن) هو مشي وسابني بجد ولاإي!! بس أنا تعبانة ورجلي وجعاني أوي ماأنا برضو اللي قفلت قصاده كان لازم أتنح قوي كده أهو جه على دماغي أنا بس لا برضو مش هروح غير لدكتور زي م أنا عايزة بس برضو مايمنعش إنه خايف عليا وكمان بيغير وهو مشي زعلان علشان شايفني تعبانة لما يجي هبقي أصالحه بإذن الله ..
(قطع كلامها مع نفسها دخول عمر الأوضة وكان معاه طبق فيه ماية سخنة بملح جه قعد جنبها ع السرير وحط رجليها وبدأ يدلك فيها براحة)
عمر(بجدية من غير مايبصلها) طالما مش موافقة على الدكتورة يبقي أشوفها أنا وأريحها جايز الشفا يبقي على إيدي أنا بإذن الله ..
(هنا كل ده قاعدة تبص علي اللي بيعمله وترجع تبصيله وحاسة فعلاً إنها إتحسنت وبقت كويسة كل ده وعمر مستمر بتدليك رجلها وقاعد بدعي)
عمر(بهدوء) بسم الله الشافي المُعافي بسم الله الرحمن الرحيم اللهم عليك بالشفاء ونحن علينا بالأسباب اللهم إنها مني وأنا منها فلا تصيبها ضرر إلا وكان لها منه خير وأشفها يا أرحم الراحمين ..
(خلص عمر ونشفلها رجلها وقعد يدلكها شوية وقام وسابها على السرير من غير كلام وهيا كل ده بتبص للي بيحصل من غير كلام بعد شوية دخل عمر الأوضة ومعاه صنية عليها العشا حطها قدامها وبدأ يأكل ويأكلها)
هنا(بندم وحُزن) أنا أسفة ماتزعلش مني علشان عاندت معاك..
عمر(بإبتسامة حُب) عمري ماأقدر أزعل منك ياهنا لأن اللي بينا مش زي أي حد إحنا مش مجرد زوجين وخلاص إحنا روح واحدة في جسمين قوليلي بقي هو فيه حد يقدر يزعل من روحه ..
هنا(بصتله بفخر وحُب وحضنته جامد) أنا بحبك أوي ياعمر ربنا يباركلي فيك يارب ياحبيبي ..
عمر(بإبتسامة) ويباركلي فيكِ ياهنايا (وبتساؤل) ها أحجزلك عند الدكتور بتاعك؟!
هنا(بسعادة وهزت رأسها بمعني الرفض) لالالالا خلاص إنت إيدك فيها الشفا الحمدلله بقيت أحسن..
عمر(بإبتسامة) الحمدلله ..
(قعدوا يتكلموا مع بعض شوية ويهزروا لحد ماتعبوا وراحوا في النوم من تعبهم)
...................................................................
تانى يوم الصبح عند مينا الى ظهر فى شقه محمد سعد قاعد مع دينا
مينا: محمد كويس
دينا: الحمد لله
مينا: اومال هو فين ،، هو لسه نايم ولا ايه
دينا:لا صاحي بس نايم في السرير و مش راضي يقوم ولا يتكلم مع حد ومرضاش ياكل اي حاجه خالص من امبارح
مينا:(بحزن) معلش يا دينا هو ممكن يكون مرهق شويه و كمان زعلان من اللي حصله، انا هدخله الوقتي وانتي جهزيله الفطار ومعاه كوباية لبن سخنه و هاتيهم وهيفطر باذن الله
دينا: حاضر ،، ياريت يرضي ياكل حاجه قله اكله دى تاعبه قلبى
مينا:هياكل باذن الله انا هدخله الاوضه
دينا: ماشي (ومينا دخل الاوضه ودينا دخلت المطبخ ،، عند مينا الى دخل الاوضه بعد ماخبط لاقي محمد نايم ع السرير وباصص للسقف وسرحان
مينا:(قرب من محمد وقعد جمبه ع السرير) محمد... محمد(محمد بصله ،، مينا كمل كلامم) انت كويس يا محمد
محمد سعد: الحمدلله
مينا: طب قاعد في السرير ليه بدل كويس ، اللي بيقعد في السرير ده اللي بيبقى تعبان وانا شايفك ماشاءالله كويس اهو فملهاش لازمه القعده دي خالص .. وكمان مبتاكلش ليه هو في ايه يابني
محمدسعد:(بصيله) ماليش مزاج اخرج من الاوضه ولا ليا مزاج اكل ولا اعمل اي حاجه
مينا: ليه بقا ان شاء الله
محمد سعد:(بحزن وزعل) مينا انت عارف انا كنت فين .. انت فاهم أن انا كنت بايت بقالي كام يوم ،، انا كنت بايت في الحبس انت فاهم يعنى ايه حبس ،، يعنى بقيت رد سجون ، انت عايزني اخرج و ولادي يشوفوني وانا بقيت عاملهم وصمة عار في حياتهم و ابوهم بقا رد سجون
مينا:(بضيق من كلامه) انت بتقول ايه يابني و رد سجون ايه هو انت قتلت و لا سرقت ولا عملت مصيبه، دي مشكله بسيطه واتحلت الحمدلله
محمدسعد:(بص قدامه تانى) اتحلت.. ما هي اتحلت بخراب الشركه و دفعت فلوس تخرب الشركه و تأثر عليها
مينا: انت مالك بالكلام ده المهم انك خرجت بالسلامه و على فكره مافيش حاجه هتأثر على الشركه زي ما بتقول، وبعدين قوم يلا فوق كدا و خدلك دش عشان دينا بتحضرلك الفطار عشان تاكل و تطمن عيالك عليك لأنهم هيموتوا من القلق عليك
محمد سعد:(بزهق وراجع ينام تانى ومسك الغطا غلشان يستغطى) مش عايز يا مينا سبنى انام
مينا:(بيشده منه الغطا وبيقومه) لا والله ما هتنام قوم بقا ياعم انت واسمع كلام اخوك الكبير (محمد تنهد وطلع معاه وقعدو علشان يفطرو كلهم ومينا فضل وراء محمد لحد ما فكر وصمم انو يفضل قاعد معاهم ومسابوش ينام تانى
....................................................................
تانى يوم عند فريده ظهرت قدام بيت مينا رنت الجرس وفتحلها سليم دخلت وسلمو على بعض وقعدو مع بعض
سليم: عامله ايه واخبارك ايه يافريده
فريده: الحمدلله ،، سلمى فين
سليم: في اوضتها
فريده: طب انا هطلعلها
سليم:(بص لفريده) انتي سيبتي خطيبك ليه يا فريده
فريده:(بصتله بتوتر) مافيش نصيب نكمل مع بعض
(ولفت عشان تطلع
سليم: بس انا عارف انتي سيبتيه ليه (فريده وقفت وبصتله بصدمه)
....................................................................
ياترى سليم عارف ايه عن خطيب فريده ،،، وايه الى فريده مخبياه ،، لو حابين تعرفو استنونا الحلقه الى جايه
..................................................................
#hadeer
#rody
#hager
