#مع_مر_الزمان
#مع_مر_الزمان_54
#جزء_من_حلقه_سابقه
عند رنا هنا وسلمى فى العربيه
رنا: يابت اهدى بقا ايه انتى سيباه مع ابوه
هنا: منا مش خايفه غير من ابوه مبيعرفش يعمله حاجه
سلمى: متقوليش على ابيه عمر كده
هنا: والبنى اسكتى انا غلطانه انى سبت ابنى
رنا: ابنك نايم يا هنا اهدى بقا
هنا: منا خايفه يصحى يلا ياعم رجب والنبى شد شويه
رجب: حاضر يا بنتى
سلمى: انا هقول لابيه عمر على كل الى قولتيه
هنا: هتبقى فتانه
سلمى: مامى بتقولى فتانه
رنا:(بشرود) بتهزر معاكى
هنا: مالك يا طنط انتى زعلتى منى
رنا: لا يا حبيبتى والله(ودخلو من باب الفيلا (رنا بصتلهم) يلا انزلو(نزلو كلهم رنا بصت لحراسه الفيلا) حد يدخل الاكياس الى فى العربيه جو (وسابتهم واخدت البنات ودخلت مجرد ما وصلو لباب الفيلا الداخلى وقفو بصدمه) ايه ده
سلمى:(بخضه) ينهار ابيض وجريو كلهم
#بدايه_الحلقه_الجديده
بصمه لقيو رائد مع وائل وحازم واقف ماسك محلول وعمر متركبله المحلول
حازم:(بتزمر) انا تعبت بقا
وائل: هنركبه فين يعنى
حازم: كان يبقى فى الاوضه احسن
وائل: اقف وانت ساكت علشان رائد ميصحاش
حازم: ما ابيه نايم مرتاح اهوه
عمر: ماهو شكشكنى مرتين ال ايه معجبتوش ومتوجعتش منها حسبى الله ونعم الوكيل
وائل: ايوه ايوه اقعدو اتكلمو والولد يصحى وهنعيد العقاب تانى
رنا:(بصتلهم باستغراب) فى ايه
وائل:(قام وقف ومعاه رائد) مافيش حاجه حضرتك
رنا: اومال ايه الى بيحصل ده وليه حازم واقف كده
وائل: بعاقبهم
رنا:(باستغراب) نعم
وائل:(بابتسامه) بعاقبهم علشان مش عارفين يعملو حاجه للولد وانا عملتله كل حاجه غيرتله وابوه قرفان من الغيار لابنه حتى الرضعه معرفش يعملها ولا حتى يرضعه فابعاقبهم
رنا:(باستغراب) وهما مستسلمين كده
وائل: ميقدروش يعترضو (وقرب منها وادها رائد)
هنا:( واخدت رائد من رنا وبصوت واطى) انا مش قولتلك يا ماما انى مش مطمنه
سلمى:(بتبص حواليها) وابيه ادم فين
ادم:(خرج من المطبخ بتزمر) انت ياعم وائل انا مش عامل قهاوى تانى دى تالت مره اعملها ومتعجبش سيادتك
رنا:(بضحكه) قهوه وثلاث مرات
وائل: عقاب خفيف كده
رنا:(بصتله بضحكه) خفيف ايه انت عملت الى احنا معرفناش نعمله ادم بيعمل قهوه
عمر:(بصلها) مع وائل مافيش مستحيل
سلمى: ما تايد يا ابيه
حازم:(بتزمر) ايدى وجعتنى ياماما
وائل: علشان تتعلمو تتعملو ازاى مع رائد افرض مكنتش هنا هتسيبه لحد ما مامته تيجى يكون ايه الولد مات من العياط
هنا:(بصت لعمر بغيظ وبخوف على ابنها) مش هسيبهوله تانى اصلا
سليم:(ومينا دخلو من بره) ايه ده ايه الى موقفك كده يا حازم
حازم:(بتزمر) ابيه وائل وايدى وحعتنى
مينا: فى ايه
رنا: بيعاقبهم علشان معرفوش يعملو لرائد حاجه
سليم: احسن تستاهلو
حازم: طب انا صغير لسه ماتعلمتش وكنت اصغر واحد اصلا
سليم: ايوه يا وائل عاقب عمر وادم وسيب حازم
مينا:(بضحكه) طيب خلاص كفايه عليهم كده يا وائل
عمر: ايوه وشيل البتاعه ده بقا
وائل: لم يخلص
عمر:(بتزمر) يووووووو
رنا: احسن حاجه فى العقاب ده انو عمر اخد علاجه من منهده وتعب قلب
حازم: خلص اهوه شيله بقا
وائل:لسه شويه
عمر:ياعم خلص بقا كفايه انا زهقت
وائل:لا لسه اخر شويه دول بيبقى متركز فيهم العلاج
سليم:(بضحكه وقعد جمب عمر واخد المحلول من حازم)ده خايف عليك يا عمورى (رنا اخدت سلمى وهنا ودخلو ومينا كمان دهل والشباب فضلو يرخمو على بعض لحد ما خلص المحلول ووائل شاله
وائل:(بضحكه) انا همش بقا
عمر: متجيش عندنا تانى
وائل: من عنيا هتلاقينى هنا بكره
عمر:(بصله يتزمر) هو انت بتشوف رائد كتير نفس الرخامه ماشاء الله
سليم: كنا قادرين على واحد لم يبقو اتنين (فضلو يغلسو على بعض شويه ووائل مشي وقعدو باقى الشباب مع بعض وانضم ليها حاتم
~~~~~~~~~~~~~~~~~~~~~~~~~~~~~~~~~~~
عند محمد عباس الى قاعد على سريره مغمض عينه وباين على وشه الارهاق والتعب فجاه سمع صوت رنه موبايله بص فيه لقاه رقم غريب
محمد عباس:(بتنهيده) السلام عليكم (محدش رد عليه ،، محمد عباس كمل كلامه) الو ،،، (قلبه حس انو ادم) ادم رد عليا لو انت الى بترن ياحبيبى (دموع سبقت كلامه وكمل كلامه) وحشى اسمع صوتك قوى
ادم:(بدموع من كلامه) حازم تعبان قوى ومش عارفين يتصرفو هنا
محمد عباس:(مسح دموعه بصدمه) تعبان ازاى
ادم:(مسح دموعه) تعالا شوفه بسرعه(وقفل التليفون ،، محمد عباس قام لبس بسرعه وخرج
هايدى: رايح فين يامحمد
محمد عباس: ادم كلمنى
مالك:(بفرحه) هيرجع معاك يا بابا صح
محمد عباس: لا بس حازم تعبان جدا هروح اشوفه
هايدى:(بحزن) ابقى طمنى يامحمد
محمد عباس: ماشي (ومشي محمد عباس ومالك جرى وراه وراحو الاتنين مع بعض
~~~~~~~~~~~~~~~~~~~~~~~~~~~~~~~~~~~~~~~
وصل محمد عباس لبيت مينا بسرعه وفتحتله سلمى وطلعو لاوضه حازم
مينا:(باستغراب) محمد انت مين الى كلمك
محمد عباس: ادم (مينا بص حواليه على ادم بس مكنش موجود ،، كمل محمد عباس كلامه) ماله حازم
مينا: سخن جدا السخونيه مش عاوزه تنزل
محمد عباس:(قعد جمب حازم وبصلهم) لوحدو كده
رنا: لا هو تقريبا اخد الدور من حاتم
محمد عباس:ماله حاتم هو كمان
رنا:(بخوف) كان من يومين سخن جدا بردو واديته حقنه فاق عليها بس انا خوفت ادى لحازم حاجه
محمد عباس:(بص لحازم وكشف عليه بالسماعه وبصلهم) دور برد متقلقوش
مينا: السخونيه مش راضيه تنزل
محمد عباس: طبيعى متقلقش مناعته ضعيفه خصوصا بعد العمليه هديله حقنه دلوقتى هتنزلها خالص (مينا قعد جمب حازم واخده فى حضنه ونيمه على جمبه على ما محمد عباس يحضر الحقنه وبدأ يضرب لحازم الحقنه
حازم:(بصوت خفيف خالص) ااه ااه (محمد عباس شال السن ودلك مكانها شويه)
مينا: محمد ده متحركش
محمد عباس: الحقنه خفيفه متقلقش (واطمنو على حازم محمد عباس بص لمينا وبصوت حزين) ادم فين يامينا
مينا:(نيم حازم مكانه) فى اوضه عمر
محمد عباس:(بص حواليه) هو كويس صح
مينا: ايوه كويس
محمد عباس:(بدموع) وحشنى قوى لسه مجبش سيره انو يرجع البيت بقا
مينا: سيبه يا محمد
محمد عباس:(بصله ومسح دموعه) بقاله كتير وحشنى قوى مش عارفين نعمل حاجه من غيره (وبتنهيده) حازم كويس هكتبله الحقنه دى ودواء للبرد ياخد كمان حقنه بالليل ولو السخونيه معليتش تاتى مياخدش تانى مع العلاج ده وهيبقى كويس ان شاء الله (مد ايده لمينا مينا اخد الورقه محمد عباس اخد شنطته ومشي مينا تنهد ونزل وراه)
~~~~~~~~~~~~~~~~~~~~~~~~~~~~~~~~~~~~~~~~~~~~~
اماعند حاتم وادم الى قاعدين فى اوضه عمر
حاتم:انت فاكر انو اخواتك او اى حد مننا يعرف بالى حصى زمان هتقل غلاوتك عندنا او هيقل حبنا ليك ،، اخواتك هيفضلو اخواتك هيفضلو انت سندهم وهيفضلو يحبوك مهما كان مالك وفريده انت عندهم حاجه كبيره قوى وبالذات مالك انت متعرفش مدى حبهم ليك (ادم ساكت ودموعه نازله بصمت) ادم رد عليا
ادم:(بص لحاتم وعيونه كلها دموع) انت مش هتحس بالى انا حاسس بيه تخيل بعد 30 سنه يطلعو اهلك مش اهلك
حاتم:لا هما اهلك عمو محمد خالك يعنى ايه مش اهلك انت مش بتعبر بابا ابوك مش بس خالك
ادم:فى فرق يا حاتم هو مكدبش عليا وقالى انو انا ابوك
حاتم: كانو هيقولك الحقيقه ازاى وانت طفل صغير جدا وحتى لم كبرت هيقوللك ازاى وانت مهدد بالقتل مهدد انهم يجو اى وقت يصفوك قدمهم عمو محمد حماك منهم (قطع كلامهم خبط على الباب ودخل مالك الى اول ما دخل ادم اول ما شاف مالك قام وقف مالك جرى على ادم وحضنه وادم كمان حضن مالك
مالك:(بدموع) وحشتنى قوى. كده تغيب عننا كل ده
ادم:(باشتياق) انت كمان وحشتنى قوى
مالك:(بصله بعتاب) طب ليه سبت البيت طالما وحشناك مرجعتش ليه
ادم:(بتنهيده) فريده كويسه
مالك:(بدموع) لا محدش كويس لا فريده ولا انا ولا ماما ولا بابا محدش فينا كويس وانت مش موجود (ادم بصله وسكت ودور وشه الناحيه التانيه ،، ادم كمل كلامه) ليه سبت البيت ومشيت ومتقولش تعبان وبابا والكلام الى ماما بتقوله ده انت قاعد اهوه فى وسط ولاد خالك ليه متقعدش فى وسطينا
حاتم:(بص لمالك وادم) طب انا هسيبكم شويه تتكلمو براحتكو (وخرج حاتم)
ادم:(بص لمالك) هتعرف يا مالك هتعرف اكيد
مالك:(بعصبيه شويه) انا عاوز اعرف دلوقتى
ادم: معنديش كلام اقوله
مالك:(بصله) ليه يا ادم
ادم: مالك خلى بالك من نفسك وخلى بالك من فريده انت اخوها حتى لو هيا الكبيره بس انت سندها ماشي وانا مش هبقى موجود علشان ادارى عليك
مالك:(بعياط وبعصييه) يعنى ايه مش هتبقى موجود انت مش هتيجي معانا
ادم: لا
مالك: يبقى انا هفضل معاك هنا
ادم: انت مجنون انا بقولك ايه وانت بتقول ايه (الباب خبط ودخل مينا
مينا: مالك بابا مستنيك تحت
مالك: عمو انا ع.........
مينا:(مقاطع لمالك) يلا يا مالك (مالك تنهد وخرج من الاوضه وسابهم .. مينا بص لادم) حاتم حكالى الى حصل بنكم
ادم:(بصله) والله ياعمو هما وحشونى وعاوز ارجع بس انا مش عارف متلغبط ومش عارف انا عاوز ايه بالظبط
مينا:(بصله واخده فى حضنه) بص يا حبيبى انا لو اتحطيت فى موقف بباك انا هعمل كده هخاف عليك وكلنا وفقناه على الى عمله ده الصح والى حماك كل السنين الى فاتت بعد ربنا طبعا انا مش بجبرك على حاجه وكده كده انت مش هتمشي من هنا غير لم الاقى حل للمشكله دى بس كلم مامتك وبباك خليهم يشوفوك ولو مره بس مامتك مبتبطلش عياط ابوك لولا حازم وتعبه مكنش خرج من البيت ماشي يا حبيبى (ادم بصله وهز راسه بمعنى ماشي ،، كمل مينا كلامه) لم تكون مستعد للمقابله دى قولى وهما ما هيصدقو هتلاقيهم جاين
ادم:(بصله) حازم بقا كويس
مينا: ايوه بباك اداله حقنه وكتبله على علاج
ادم: ماشي
مينا: متفضلش هنا واخرج بس بلاش تطلع بره(ادم هز راسه بمعنى ماشي مينا طبطب على وشه براحه بابتسامه ادم ابتسم ابتسامه بسيطه ومينا خرج ادم تنهد ورجع قعد على السرير تانى وفضل يفكر يعمل ايه
~~~~~~~~~~~~~~~~~~~~~~~~~~~~~~~~~~~~~~~
بالليل فى بيت محمد سعد ،، ظهر مروان مع حاتم فى اوضه مروان
مروان:(قعد جمب حاتم الى سرحان من اول ما راحله) مالك يا حاتم
حاتم: مالى انا كويس اهوه
مروان: لا فيك حاجه والله من ساعه ما جيت وانت ساكت وسرحان قولى فى ايه
حاتم: مافيش حاجه يا مروان
مروان:(بزعل) لاول مره تخبى عنى
حاتم: اخبى عنك ايه بس كل الحكايه انو فى تاتش بينى انا وعمر ومخنوق ومضايق علشان زعلان منى
مروان:(بعدم اقتناع) رغم انى مش مقتنع بس لم ترجع صالحه
حاتم: مش مقتنع ليه
مروان: عمر مبيزعلش منكم اصلا
حاتم: بس انا ساعات بدبش بالكلام وبيزعل
مروان: ولم انت عارف كده انو بيزعله بدبش ليه
حاتم: ذله لسان بقا (مروان بصله حاتم تنهد وسكت الباب خبط ودخلت دينا
دينا: يلا يا ولاد علشان تتعشو
حاتم: هو عمو محمد صحى
دينا: ايوه
حاتم: انا هطلع اسلم عليه وامشي
دينا:مس هتمشي غير لم تتعشي معانا
حاتم: لا انا كده اتاخرت قوى وبعدين انا اصلا ماليس نفس وواكل قبل ما اجى
دينا: تيجى ايه انت هنا بقالك كتير اطلع بس يلا يامروان
مروان: حاضر يا ماما (وطلعو التلاته حاتم قرب من محمد سعد وسلم عليه
حاتم: عامل ايه ياعمو
محمد سعد: الحمد لله يا حبيبى انت هنا من بدرى
حاتم: ايوه والحمد لله بقا حضرتك صحيت قبل ما امشي
محمد سعد: تمشي ايه بس دول بيحطو الاكل
حاتم: لا والله مس قادر اعتذر حضرتك لطنط دينا
محمد سعد: لا لا مينفعش يتحط الاكل وتمشي
حاتم: معلشي ياعمو
محمد سعد:لا والله ما هتمشي
ساره:(طلعت بالاكل وحطته على السفره وقربت من حاتم) مش عايز تدوق اكلى ياحاتم ولا ايه
حاتم: اه ياستى انا مش مستغنى عن عمررى
ساره:(ضربته فى دراعه) بايخ (وبصت لبباها) بابا الواد ده ميقعدش معانا على الاكل
حاتم:(بعند فى ساره) طب ايه رائيك بقا انى هقعد اتعشى
ساره:العشا على قدنا
حاتم:لقمه هنيه تكفى ميه (وبص لمحمد سعد)هحلى كمان بعد العشا
ساره: مش عاملين حلو
حاتم:(ببرود) طنط دينا هتعملى
ساره:(بغيظ) انا مش عارفه انت جايب البرود ده كله منين
دينا: واقفه تتكلمى وسيبانى يا ساره
حاتم:(بص لدينا) طنط ساره بتقولى عاملين اكل على قدنا ومش عاملين حلو
دبنا:(بضحكه) لا يا حبيبى عاملين بتهزر معاك
محمد سعد:(بصلهم) قطعتم الخناقه ليه كنت مستمتع
مروان: بعت اجيب تسالى اصلا (بصتلهم بغيظ ودبدبت فى الارض وسابتهم وراحت لمامتها تساعدها وضحكو كلهم عليها)
~~~~~~~~~~~~~~~~~~~~~~~~~~~~~~~~~~~~~
عند محمد عباس قاعد فى مكتبه دخل عليه وائل
وائل: دكتور محمد انا خلصت كل الى حضرتك طلبته منى
محمد عباس:(بتنهيده) طيب يا وائل روح
وائل: حضرتك مش هتروح
محمد عباس: لا انا قاعد شويه
وائل: حضرتك كويس
محمد عباس: تعبان شويه
وائل: طيب حضرتك عملت ايه فى موضوعى
محمد عباس:(بصله) موضوع ايه
وائل: يعنى مقابلتى مع بشمهندس محمد علشان الانسه ساره عمر بقا كويس الحمد لله
محمد عباس:(بصله برفعه حاجب) ومين قالك انو بقا كويس
وائل: انا لسه شايفه امبارح وشايف انو بقا كو
محمد عباس:(هبد على المكتب ووقف بعصبيه وبصوت عالى) انت متشوفش حاجه انت تعرف ايه انت علشان تقولي انو بقا كويس او لاء ها تعرف ايه انتو ايه مابتفكروش غير فى نفسكو وبس احنا محدش بيفكر فينا تعبانين زهاقنين مش وقت المواضيع دى نتكلم فيها اى وقت حابين تتكلمو تتكلمو انت محستش انى متنيل متغير متفتحتش الموضوع بس ازاى كل الى همك نفسك وبس
وائل:(بصدمه واحراج من طريقته) انا اسف
محمد عباس: اطلع بره يلا بره (وائل بص لمحمد بدموع محبوسه فى عينه من احراجه محمد عباس كمل كلامه بعصبيه) انت لسه هتبصلى بقولك اطلع بره (خرج وائل بسرعه من المكتب وحط ايده على بوئه من الصدمه ودموعه نزلت وراح قعد فى اوضه الممرضين شويه ونزل خرج من المستشفى ورجع بيته
~~~~~~~~~~~~~~~~~~~~~~~~~~~~~~~~~~~~~~~~~~
رجع وائل بيته دخل البيت ودخل اوضته على طول مامته خبطت الباب ودخلت وائل مسح دموعه بسرعه
حوريه: ايه يا حبيبى جيت ومجتش تشوفنى ليه وتطمنى عليك
وائل:(من غير ما يبصلها) مافيش بس راجع تعبان شويه ودخلت ارتاح
حوريه: طيب يا حبيبى ارتاح شويه على ما اجهز العشا
وائل: لا مش عاوز انا مش جعان
حوريه: بس انت انى بستناك
وائل: معلشى يا امى انا تعبان وعاوز انام
حوريه:(بخوف على ابنها) مالك يا ضنايا تعبان فيك ايه
وائل: كنت فى العمليات وريحه البنج مدوخانى وقلبه معدتى
حوريه: متاكد يا وائل
وائل: ايوه يا امى متاكد
حوريه: طيب يا حبيبى انا هسيبك ترتاح(خرجت حوريه من الاوضه ووائل دموعه نزلت تانى قهر وزعل من طريقه محمد عباس معاه)
~~~~~~~~~~~~~~~~~~~~~~~~~~~~~~~~~~~~~~~
بعد يومين فى المستشفى كلهم متجمعين قدام اوضه وباين على الكل القلق
هايدى:(بعياط وهيا فى حضن مينا) لقيت الممرضه بتجرى وبتقولى دكتور محمد واقع فى الارض ونازف دم كتير
مينا:(وهو بيطبطب عليها) طب خلاص اهدى يا حبيبتى بس تلاقى ضغطه عالى
مالك:(بخوف وقلق) طول عمره ضغطه منخفض ازاى يعلى لحد ما ينزف
رنا:(بصتلهم وبتحاول تهديهم) ياجماعه محدش عارف ايه الى حصل يمكن اتخبط فى حاجه لم وقع اهدو بقا (فجأه ادم جرى وساب المكان حاتم بص لمينا وسابهم وجرى وراء ادم)
حاتم:(مسك ايده) ادم استنى بس يا ادم اسمعنى
ادم:(بدموع وحزن) تعب بسببى صح
حاتم: لا طبعا
ادم:(بدموع ندم) لا بسببى انا الى زعلته
حاتم: ادم
ادم:( بدموع وعياط بصوت) انا الى زعلته يا حاتم انا الى سبته ومرضش ارجع معاه البيت بس انا كنت متلغبط والله انا بس كنت محتاج افكر انا ماقدرش اعيش من غيره والله انا مش هسامح نفسي لو جراله حاجه
حاتم:(مسك ايد ادم) هيبقى كويس ان شاء الله بس انت اهدا (عمر قرب منهم
عمر:(بصلهم) عمو محمد فاق وبقا كويس وكلهم دخلو ليه
ادم:(مسح دموعه وبص لعمر) بجد
عمر: اه بجد (ادم جرى وسبهم ،، عمر بص لحاتم) فى ايه يا حاتم انت تعرف ايه عن موضوع ادم
حاتم:(بارتباك) مافيش حاجه هروح اطمن على عمو محمد (وجرى من قدام ح عمر عمر تنهد وراح وراهم)
~~~~~~~~~~~~~~~~~~~~~~~~~~~~~~~~~~~~~
مه نهار يوم جديد عند محمد عباس الى الكل موجود معاه بعد مافاق وبقا كويس
مينا: ايه الى حصل يا محمد وانت تعبت من ايه كده
محمد عباس:(بتعب) مافيش حاجه انا كويس الحمد لله (دخل الممرض وقرب من محمد عباس)
الممرض: حمد الله على سلامتك يادكتور
محمد عباس: الله يسلمك هو وائل فين
الممرض: هو مجاش من يومين واتصل اخد اجازه اجازه مفتوحه (وبص للكل) كده انا اطمنت عليه حمد الله على سلامته
مينا: الله يسلمك
الممرض: دكتور كريم هيخلص بس وهيجى يطمن على حضرتك
محمد عباس:(هز راسه بمعنى ماشي خرج الممرض ومحمد بص لعمر) عمر انت عارف بيت وائل مش كده
عمر: هو انا عمرى ما روحتله بس انا عرفت منه العنوان. محمد عباس: عاوزك تروحله تجيبه
عمر: فى حاجه ياعمو ولا ايه
محمد عباس: لا مافيش بس اسمع كلامى
عمر: حاضر (وخرج عمر ادم خرج وراه)
ادم:(بينادى على عمر بصوت عالى) عمر عمر
عمر:(بص لادم) فى حاجه ولا ايه
ادم: لا بس عاوز اجى معاك
عمر:(بتنهيده) ماشي تعالا (ومشي ادم وعمر)
حاتم:(ظهر واقف على الباب وبتنهيده) هتهرب من المواجهه لحد امتى يا ادم
~~~~~~~~~~~~~~~~~~~~~~~~~~~~~~~~~~~~~
ظهرو ادم وعمر فى منطقه شعبيه
ادم:(بيبص للبيوت) انت متاكد انو هنا فى المنطقه دى
عمر: ايوه بس مش عارف انهى بيت (وبص حواليه) تعالى نسال اى حد ( وقربو من محل بقاله) لوسمحت هو فين بيت الممرض الى اسمه وائل
صاحب المحل: اهوه ده الى فى وش المحل على طول
عمر: تمام شكرا لحضرتك(وبص لادم) البيت اهوه (وشاورله على البيت (طلعو الاتنين وخبطو فتحتلهم حوريه
عمر: سلام عليكم
حوريه: وعليكم السلام
عمر: مش ده بيت وائل
حوريه: ايوه يا حبيبى انتو اصحابو
عمر: ايوه ،، ممكن تناديله
حوريه:(دموعها نزلت) وائل تعبان قوى من امبارح بالليل ومش راضي يرد عليا ولا ينزل يكشف وانتو ربنا بعتكم ليا انا مش معايا حد ومش عارفه اتصرف لوحدى
ادم:(بقلق) حضرتك ممكن تهدى بس وتقولنا هو فين نطمن عليه انا دكتور صيدلى
حوريه:(زى ما يكون غريق اتعلق فى قشايه مسك ا ادم وسحبته وراها. لاوضه وائل ووراهم عمر) اهوه يابنى اهو طمنى عليه ابوس ايدك
ادم:(بص لعمر وبص لوائل الى قرب منه) وائل ،، وائل (وبص لعمر) اتصل بباك ياعمر يبعت دكتور بسرعه
حوريه:(بصتله) مش انت بتقول انك دكتور
ادم: حرارته عاليا جدا وضغطه نازل قوى هنجيب دكتور يطمنا عليه فى صيدليه فى الشارع هنا
حوريه:(بعياط) ايوه قدام شويه (ادم سابها ونزل يجرى ومردش على عمر لم نادا عليه نزل الصيدليه جاب حقنه ورجعلهم تانى بسرعه
عمر: نزلت تجرى ليه
ادم:(وهو بيجهز الحقنه) وائل حرارته معديه الاربعين لازم تنزل على ما الدكتور يوصل (وبص لعمر) نيمه على جمبه (عمر قلب وائل على جمبه وادم ضربله الحقنه دخلت حوريه خلص ادم الحقنه ونيمه على ظهرو تانى
حوريه:(بصتلهم بعياط) هيبقى كويس مش كده (وبصت للطبق الى فى ايدهم) بعمله كمدات من امبارح
عمر: حضرتك متقلقيش احنا كلمنا دكتور وهيطمنا عليه بأذن الله
حوريه: يارب (وقعت جمب وائل تكمل الكمدات وائل فتح عينه بتعب حوريه بصتله بفرحه) وائل ياقلب امك ياحبيبى عامل ايه
وائل:(بتعب) انا كويس متقلقيش
حوريه:(بصت لادم) ربنا يكرمك يابنى
وائل:(بص حواليه) ادم وعمر
عمر: حمد الله على السلامه
وائل: الله يسلمك
ادم:(بصله) الدكتور هيجى يطمنا عليك
وائل: انا كويس مافيش داعى
ادم: لا فى الى مفوقك كده الحقنه الى اخدتها
حوريه:(بعياط) انت كنت فى دنيا تانيه يابنى
وائل: طب متعيطش بس) الباب خبط وحوريه راخت تفتح شويه ودخل الدكتور كشف على وائل
الدكتور: بص لعمر وادم) ده العلاج الى هيمشي عليه اربع حقن للسخونيه ولو مترفعتش بعد حقنتين مياخدش تانى ومضاد حيوى وباقى الادويه مكتوبه
عمر: شكرا يا دكتور(وطلع عمر مع الدكتور وبعد شويه رجع ومعاه الادويه كانت حوريه مع ادم ووائل بتطمن على وائل
وائل: ماما لوسمحتى اعملى قهوه
حوريه: يالهوى انا اسفه ياولاد بس انا كنت قلقانه على وائل قوى
عمر: ولا يهمك يا امى
حوريه: بتحبو القهوه ايه
عمر: لا شكرا مش عاوزين نتعبك
حوريه: تعبكو راحه كفايه الى عملتوه معايا وانا مكنتش عارفه اتصرف لوحدى
وائل: القهوه مظبوطه يا ماما عمر مش هيقول
حوريه: ليه يابنى حالا ياحبيبي تكون جاهزه (خرجت حوريه)
وائل: انتو جيتو ازاى ماما رنت عليكم بس هيا متعرفش اصلا
عمر: لا مش مامتك اصلا عمو محمد الى باعتنا هنا ،، تعب من يومين قوى ولسه فايق النهارده دخلو عليه المكتب لقوه معغمى عليه كلمنو واسعفوه ولم فاق سأل عليك ولم عرف انك فى اجازه بعتنا ليك هنا عاوز يشوفك
ادم: فى ايه يا وائل اول مره اسمع انك تغيب عن المستشفى
وائل: مافيش تعبت بس شويه وحبيت ارتاح بس انا جاى معاكو
عمر: لا طبعا جاى معانا فين
وائل: مينفعش اعرف انو دكتور محمد تعبان وعاوزنى وانا مروحش
ادم: هنقوله انك تعبان
وائل: لا انا جاى معاكم (واخد غيار وقام لبس وسط محاوله اقناعه من عمر وادم وحوريه انو يفضل مرتاح بس وائل رفض واصر انو يمشيى معاهم
عمر: خلاص حضرتك متقلقيش سبيه وانا هبقى اوصله تانى لهنا
حوريه:(بدموع) متسبوش خالص يابنى
عمر: متقلقيش حضرتك(واخدو وائل ونزلو التلاته وسط قلق حوريه على وائل)
~~~~~~~~~~~~~~~~~~~~~~~~~~~~~~~~~~~~~~~~
عند محمد عباس الى نايم على السرير فى المستشفى دخل عليه وائل محمد بصله وبيحاول يتعدل وائل قرب منه وساعده لحد ما اتعدل
محمد عباس:(بصله) كنت فين ومجتش ليه
وائل:(بصله بتعب وباين عليه) مافيش بس كنت تعبان شويه
محمد عباس: ده الى خلاك متجيش (وائل سكت محمد عباس تنهد وبص لوائل) متزعلش من الكلام الى قولته انا كنت مخنوق قوى احنا فى اوقات منكنش فيها فى احسن حالاتنا عارف انى وعدك بس انا كنت فى اسؤء حاله انا عارف اننا لازم نسمع منكم ولازم نكون على قد مسؤليتنا بس انا كنت
وائل:(مقاطع لمحمد عباس) دكتور محمد انا عارف ومتاكد انو الى حضرتك عملته عملت غصب عنك انا كان لازم امشي من اول ما لقيت انو حضرتك متعصب بس انا استغبيت وفضلت عادى حضرتك زى ولدى انا زعلت واضايقت من الكلام بس لم هديت وفكرت مع نفسي لقيت انو فعلا مش لازم كل الوقت نحكى مشاكلنا ولازم الكبير يكون جبل معندوش مشاعر انا مش زعلان والله ومتقلقش حضرتك (الباب خبط ودخل منه ادم
ادم:(قرب منهم وحط ايده على كتف وائل) قوم يلا علشان نرجعك البيت
وائل: لا انا هفضل هنا لحد ما اطمن على دكتور محمد
ادم:(بص لمحمد عباس ورجع بص لوائل) دكتور محمد كويس بس انت لازم ترتاح
محمد عباس:(بصلهم) فى ايه ماله وائل
ادم:(بص لمحمد عباس) تعبان وجبناله دكتور
وائل: انا كويس يا دكتور متقلقش
محمد عباس: طيب قوم ارتاح انت دلوقتى ونكمل كلامنا بعدين
وائل: بس انا
محمد عباس:(مقاطع لوائل) يلا ياوائل (وائل خرج وادم جاى يخرج وراه محمد عباس كمل كلامه) ادم (ادم وقف ووائل خرج من الاوضه ادم بص لمحمد عباس ورجع وقف جمب السرير)
ادم:(بص لمحمد عباس بدموع محبوسه) حضرتك كويس
محمد عباس:(بصله) مش كويس طول ما انت بعيد عنى ،، ادم انت ابنى والله ابنى الى ربيته وبشوف فيه تعبى وشقايا وحلمى الى انتهى بموت اختى حلمى الى اتكسر بدرى قوى لم شيلتك بين ايدى حسيت انى الدنيا بتضحكلى رغم انى عرفت بوفاه اختى انت ابنى ماهيا توامى يعنى هيا روحى وابنها ابنى انا مكدبتش عليك انا بس دريتك من عيون اى حد ممكن يأذوك خبيتك من الناس مكنتش مستغنى عنك مكنتش عاوز اخسر اختى تانى انت مفكرتش انت شبهى ازاى هيا كانت شيفانى فيك وانت ماخدتش بالك من انو فريده شبهك كتير قووى لان انا كنت شايفها فيها اختى خليط بينى وبينك (ومسك ايد ادم وباسها وبص لادم بدموع) انا اس
ادم:(بصله بسرعه وحط ايده على بؤه) لا لا متكملهاش متتأسفش على حاجه حضرتك مغلطتش انا بس انا كنت متلغبط مش فاهم مشاعرى مش مستوعب انو اهلى مش اهلى خفت افضل معاكو اذى حد حواليا قررت ابعد لحد ما اخد قرار اقد افهم انا عاوز ايه اقدر استوعب الى بيحصل مكنتش هبعد والله وانا قولت لخالو انى مش هبعد بس عاوز وقت مع نفسي افكر انا كنت لوحدى عند خالو والله مكنتش معاهم كنت مختلى بنفسي شويه كنت محتاج اخد رست علشان اقدر اقرر فى الى جاى بس مستحملتش لم حضرتك تعبت (بدموع) حسيت انى السبب فى كل الى حصلك ندمت قوى انى بعدت عنكم انا الى اسف والله انا بحبك قوى يا بابا
محمد عباس:(شد ادم لحضنه والاتنين عيطو) انا الى بموت فيك ياحبيب ابوك ياشقى عمرى ياحلمى الى بينته (ادم بعد عن محمد عباس ومسح دموعه ومسح دموع محمد عباس كمان ،، محمد مسك ايد ادم وباسها وبصله) لو عاوز تغير اسمك انا موافق بس متبعدش عنى
ادم:(بابتسامه بسيطه) لا مش عاوز مش هعرض حضرتك لمسأله قانونيه
محمد عباس: انا هستحمل وهعملك كل الى انت عاوزه
ادم: وانا مش هستحمل ابقى سبب فى اذيتك (ومسك ايده وباسها) انا هطلع لماما واخواتى علشان هما وحشونى قوى وكمان ارجع وائل لبيته
محمد عباس: ماشي يا حبيبى (وبصله) هترجع معانا البيت النهارده
ادم:(هز راسه بمعنى ايوه) لم حضرتك تفوق وترجعو البيت هرجع معاكو بعد اذن حضرتك (وخرج ادم ومحمد عباس تنهد بفرحه وغمض عينه بأرتياح
~~~~~~~~~~~~~~~~~~~~~~~~~~~~~~~~~~~
فى الوقت الى كان محمد عباس مع ادم ووائل قدام الاوضه كان قاعد محمد سعد مع مينا
مينا:(بص لمحمد سعد) بس ده الى حصل الى كنا مخبينوه على ادم اتعرف
محمد سعد: وحاتم عرف منين مش بتقول انو حاتم الى شجعك على انك تاخد ادم الصعيد
مينا: حاتم سمع رنا وهايدى بيتكلمو
محمد سعد: الموضوع اتحل يعنى الحمد لله
مينا: الحمد لله العيال متعرفش حاجه
محمد سعد: ماشي
مينا:(بص ناحيه اوضه محمد عباس لقى ادم خرج) ادم خرج اهوه انا هقوم اقوله انو الموضوع اتحل (وسابه وقام دخل لمحمد عباس
~~~~~~~~~~~~~~~~~~~~~~~~~~~~~~~~~~~~~~~~
دخل مينا لمحمد عباس بعد ما خرج من عنده ادم عند مينا الى قاعد مع محمد عباس لوحدهم
مينا: محمد انا عاوز اقولك حاجه تخص ادم
محمد عباس: قول يامينا
مينا: انا حليت موضوع ادم وخلاص مبقاش فى خطر عليه
محمد عباس:(بصله باستغراب) ازاى
مينا: الفتره الى فاتت انا روحت الصعيد وحليت المشكله
محمد عباس: بعدم استعياب) ايوه يعنى عملت ايه مفهمتش
مينا:( 🎬 #فلاش_باك 🎬) ظهر مينا قاعد مع عمده البلد وبيتكلمو ومعاهم ادم وحاتم ) بس ياعمده دى كل الحكايه وانا جاى وعايز اصفى الخلاف ده وانا عارف انو ليك كلمه مسموعه فى البلد فاجاى وكلى عشم انك تساعدنى
العمده:(بصله) ايوه يابشمهندس انا عارفهم كويس وهما اصلا ناس كويسه مش هيعارضو متقلقش يابنى
مينا: مش عايز ادم يظهر معانا من الاول ومش هطمن اسيبه لوحدو
العمده: عيب يابشمهندس هو فى دار العمده ولا مخلوج يجدر يهوب ناحيه الدار (وبصوت عالى شويه) حسن حسن ياولدى
حسن: ايوه يابوى (وجيه شاب من سن ادم قرب منهم) ايوه يابوى
العمده: خد ادم وحاتم يفضلو معاك حطهم جوه حباب عنيك ومتخرجوش بره الدار انا رايح مشوار مع البشمهندس وراجع
حسن: متقلقش يابوى اتفضلو
مينا:(بص لادم ومسك وش ادم بين ايده وبحنيه ) متقلقش مش هنرجع غير لم احل المشكله دى ونقعده قعده تصافى وصلح بأذن الله
ادم: ماشي ياعمو (ومشي مينا والعمده وفضل ادم وحاتم مع حسن
حاتم: انت كويس
ادم:(برعب) خايف على عمو مينا قوى
حاتم: متقلقش
حسن:(بص لادم ومد ايده) انا حسن عندى صيدليه هنا فى البلد
ادم:(بابتسامه) وانا ادم عندى شركه ادويه
حسن:(بتفاجأه) يابووى داحنا هنعمل شغل مع بعض بقا (ادم ابتسم وحسن اخده وراحو اوضه حسن يتكلمو مع بعض) (ام عند مينا والعمده الى ظهرو قاعدين مع ناس تانيه (العمده اسمه حسين ،، الناس الى عاوزين تارهم من ادم واحد اسمه ابراهيم والتانى محمد ومعاهم شاب من سن ادم اسمه وليد
حسين:(العمده) شوف يا ولدى احنا اه مبنسبش تارنا لحد بس لو فى مجال للصلح يبقى خير والراجل قاصدك فى صلح
ابراهيم: ابوه قتل اخويا
مينا: ماشي هو قتل اخوك مع ان ساعتها كان بيقول انو مقتلش حد والحكومه سابته بس انتو مش مقتنعين بس هو مات وساب ابنه
ابراهيم: يبقى ناخد تارنا من ولده
مينا: هو اصلا ميعرفش ابوه ولا امه عاش طول عمره مع خاله وامه الى هيا اختى الولد مالوش اى ذنب فى حاجه غير انه ابوه الى قتل اخوك
ابراهيم: طلباتك يابشمهندس
مينا: نصفى الخلاف ده وميبقاش بنا اى خلاف علشان ادم يعتبر محبوس فى البيت انت مش عايز تشوف ابن ابن عمك بقا عنده شركه ادويه وشاب زى القمر مبتحنش انك تشوفه وتلمسه ده حتى نسخه مصغره منك
ابراهيم:( بجديه) انا ماليش ولد عم يبقى ماليش ليه منه عيال
مينا: ماشي اعتبره غريب وجاى يصفى بنكم الخلاف مع انى متاكد انك لو بس شوفته الدم هيحن لانه الى بنكم عمره ماهيكون ميه
ابراهيم: كل الكلام ده ميهمنيش الولد يجى ويقدم كفنه
العمده: ياولدى الولد مالهوش فى عادتنا يا ولدى هيبقى خايف
ابراهيم: مجيتك دى على راسي ياعمده بس انا الى عندى قولته الولد هيجى ويقدم كفنه
مينا: وبعدين
ابراهيم: هنتشاور مع بعض والباقى هتعرفوه لم يقدم كفنه
مينا: مش هجيبه من غير ما اعرف الى هيحصل
ابراهيم: انا الى عندى قولته يابشمهندس ومعنديش كلام تانى (وسابهم ومشي)
مينا:(بص للعمده) انا هرجع القاهره انا وادم ومش هاجى واحبله الولد وانا مش عارف ايه الى هيحصله
حسين: اسمع كلامى واسمع منى هاتله ادم ومتخافش عليه
محمد:(بص لمينا) اسمع كلام العمده ابراهيم قلبه حن على ادم من قبله مايشوفه بس هو من حرقته على وليد بيقول كده (العمده استأذن واخد مينا ومشي)
~~~~~~~~~~~~~~~~~~~~~~~~~~~~~~~
بعد شويه ظهر مينا وادم وحاتم مع العمده وابنه حسن
مينا:(بص لادم لابتسامه) مش عايزك تقلق خالص كل حاجه هتبقى كويسه
ادم:(بقلق وخوف) ازاى ياعمو هتبقى كويسه وانا رايحليهم وشايل كفنى على ايدى
حاتم:(بخوف) بلاش يروح يابابا
مينا: مش انت الى شجعتنى ياحاتم
حاتم: عاوز المشكله دى تتحل بس مكنتش اعرف انها هتوصل لكده
مينا: هتبقى كل حاجه زى الفل
العمده: متقلقش ياولدى ده سلو بلدنا
مينا: يلا ياحبيبى (ادم بص لايد مينا الى فيها الكفن والسكينه وقلبه دق بخوف ورعب)
ادم:(بص لمينا بدموع) قول لبابا انى بحبه قوى وقوله ميزعلش منى فى اى حاجه عملتها وقول لماما واخواتى انى بحبهم قوى
مينا:(مسك وشه بين ايده) انت هترجع وانت الى هتقولهم
ادم:(بص لحاتم) خلى بالك من مالك وبلاش التهور الى فى دماغكو ده ماشي خليك مكانى لو جرالى حاجه
حاتم:(حضن ادم بعياط) مش هيجرالك حاجه انت هترجع معانا انا مش هرجع من غيرك يارتنى ما فكرت ولا عرض الفكره من الاساس (ادم ساب حاتم ومينا مسك ايده وطلعو راحو لبيت ابراهيم تانى لقيو الكل متجمع وناس كتير موجوده وحريم كتير
مينا:(بصله) انا جبتلك ادم اكيد عرفته
ابراهيم:(بص لادم وحاتم وبص لمينا) عرفته كان ديما ابوه يقول لم اجيب ولد هيجى شبهك يا ابراهيم ومكدبش بس حرق قلبى
مينا: واهوه نسختك المصغره جايلك وجايه تكلب منك تنسي الى حصل زمان وجايبلك كفنه معاه (وبص لادم وشاف حاتم ماسك ايد ادم طبطب على ظهر ادم) يلا يا ادم روح لعمك
ادم:(بص لمينا برعب وبص لحاتم وبص لابراهيم وبلع ريقه بخوف) ماشي (ومشي ومينا مسك ايد حاتم وحاتم بصله بدموع وخوف ،، وصل ادم عند ابراهيم
ابراهيم:(بصله وشاف فى عيون ادم الخوف والرعب والدموع تنهد) ابوك قتل اخويا الى هو ابن عمه ومات قبل ما ناخد بتارنا منه خبوك عننا سنين بس جيه الوقت الى لازم نمحى التار ده علشان اخويا يرتاح بتعرف ابوك
ادم:(هز راسه بمعنى لا وبصوت مرعوش وخايف) انا مترفش غير بابا محمد الى ربانى
ابراهيم:(مسك السكينه الى على ايد ادم ،، ادم بص لايده برعب) جيه الوقت الى تروحله وتشوف وسحب السكينه على رقبه ادم والدم غرق كل الى حواليه
حاتم:(بصريخ) ادم (واغمى عليه ،، مينا بص لحاتم الى وقع واغمى عليه ونفس الوقت كمان ادم وقع فى الارض مينا بص لحاتم الى وقع فى الارض جمبه وبص لادم الى وقع هو كمان وبص جمبه للعمده بتوهان العمده بصله بابتسامه فجاه الزغاريط عليت فى المكان ومينا فاق على شاب بيشيل حاتم من جمبه وواحد تانى بيشيل ادم ودخلو بيت ابراهيم وحسن دخل وراهم
ابراهيم: مقدرتش اقتل ابن اخويا (مينا بصله بعدم استيعاب ابراهيم حضنه ولسه مينا مش مستوعب ابراهيم بصله كمل ابراهيم كلامه) ابقى خليه يجى عندنا على طول
العمده: ايه يابشمهندس
مينا:(بصله) ادم بخير
ابراهيم: تعالا يابشمهندس نطمن عليه وعلى الشاب الى معاه (مينا راح معاهم واطمنو على ادم وحاتم وكان معاهم حسن) ( 🎬 #نرجع_للواقع 🎬)
مينا:(بابتسامه) خلاص مبقاش فى خوف على ادم
محمد عباس:(بعدم استيعاب) كل ده حصل مع ابنى وانا معرفش انت اتجننت يامينا
مينا:(بصدمه) ليه
محمد عباس:(بزعيق) انت ازاى تعمل كده انت تاخد الولد من غير ما تعرفنى
مينا:(بصدمه) انا كان قصدى خير
محمد عباس: خير ايه الى عملته تعرضه للخطر وتقولى خير انت بتتدخل ليه اصلا
مينا:(قام وقف وبصله بتنهيده) انا اسف يا محمد مش هدخل ليك ولا لحد من ولادك فى اى حاجه تانى بس حبيت افرحك واطمنك انو ابنك بقا فى امان (وسابه ومشي. محمد عباس تنهد ورجع بدماغه لوراء بحزن وزعل من الى قاله تنهد وبص للمحلول الى متعلق وشاله من ايده وقفل الكانويلا وطلع ورا مينا لقاه واقف وظهره ليه وواقف مع هايدى ومحمد سعد ورنا وباقى العيله راحله وحط ايده على كتفه مينا بصله
محمد عباس:(حضن مينا) شكرا يا اجدع اخ قبل ما تكون اخو صاحب عمرى واخو شريكه حياتى فا انت اجدع صاحب واجدع اخ انا شوفته فى حياتى شكرا على حاجه عملتها ليا او لابنى او لاى حد يخصنى من يوم ما عرفتك ودخلت حياتى وانت ديما بتصلح ورانا مش هنسى يوم ما طلعتنى من مشكله كنت ممكن يضيع مستقبلى ويتشبط اسمى من نقابه الاطباء بس ساعات الواحد بيستغبى ورده فعله بتكون انانيه شويه
مينا:(بصله بابتسامه) انت بتقولى الكلام ده ليه
محمد عباس: علشان مش عاوزك تزعل منى
مينا: انا عمرى ما ازعل منك ابدا مهما عملت لانك عندى مش مجرد جوز اختى او صاحب اخويا انت من يوم ما دخلت العيله واعتبرتك ابنى زى اخواتى ماهما ولادى الا مكنتش استأمنتك على اختى
عمر:(بصلهم كلهم بضحكه) بمناسبه بقا انو الحمد لله كلنا بقينا كويسين انا عاوز اعمل بقا عقيقه رائد بقا يوم الجمعه الى جايه موافقين
مينا: موافقين (وبص لمحمد عباس ومحمد عباس بصله تانى وابتسم وحضنه تانى ورجعو معاه الاوضه تانى علشان يرتاح)
~~~~~~~~~~~~~~~~~~~~~~~~~~~~~~~~~~~~~~~
