#مع_مر_الزمان
#مع_مر_الزمان_20
#جزء_من_حلقه_سابقه
عند محمد سعد قاعد علي مكتبه وبيراجع ورق الباب اتفتحت فجأه اتخض وبص ناحيه الباب لقي دينا داخله وبتعيط
السكرتيره: والله يافندم قولتها مينفعش مسمعتش مني
محمدسعد:(بص لدينا بخضه) في ايه يادينا (دينا بصت للسكرتيره وبصت لمحمد،، محمد كمل كلامه) اتفضلي انتي ياداليا (خرجت السكرتيره محمد بص لدينا) مالك بقا
دينا: انت مش ملاحظ انك متغير معايا
محمد سعد: ده الي جابك هنا
دينا:(بعياط) اه ده الي جابنا هنا
محمد سعد: طب روخي علشان مش فاضي
دينا:(بعياط واصرار) مش همشي يامحمد قبل ما تسمعنى (محمد تنهد وسكت،، كملت دينا كلامها بعياط) انا عارفه انى غلطانه اني روحت اشتكيت منك لهايدى وعارفه اني المفرةض كنت اوجهك الاول وعارفه انك ماكنتش بتخوني بس مش عارفه ليه اتصرفت بغباء كده (مسكت ايده بترجي) والله ندمانه(محمد بصلها وساكت دينا كملت كلامها) طيب انت مش طول عمرك بتقولي سيبى شغلك الي خلاكي مديره حتي في البيت انا عملت بنصحتك
محمد سعد:(بتريقه) عملتى ايه يعني سبتي المدرسه مدرستك اصلا
دينا:(بسرعه وعياط) اه سبتها(محمد بصلها بعدم تصديق) وعملت اول اجتماع النهارده علشان اعين حد من الادريين مكاني بس علشان ارضيك(اتقلبت بصه محمد من تريقه لصدمه
#بدايه_الحلقه_الجديده
دينا:(بصت لمحمد) ايه مش مصدقنى ,, طب ده ورق تعين مدير جديد للمدرسه
محمد سعد:(وشه قلب فى ساعتها) انتى اكيد اتجننتى
دينا: اتجننت علشان عايزه ابقى معاك وجمبك
محمد سعد:(بعصبيه) دينا انتى عارفه انتى بتقولى ايه ,, انتى عارفه المدرسه دى كانت ايه وعلى ايديكى بقيت ايه انتى عارفه صح
دينا: عارفه بس كله يهون طالما انت معايا وجمبى
محمد سعد: انتى تطلعى حالا اهوه تلغى كل حاجه اتفقتى عليها من غير ما ترجعيلى وبطلى هبل
دينا:(بدموع) انا مش هرجع لحاجه طالما هيا مزعلاك كده
محمد سعد:(بصلها بهدوء) وانتى فاكره انو شغلك او نجاحك مزعلنى انا الى بيزعلنى طريقتك فى التعامل معانا كأننا طلاب عندك بتعقبيهم لم بيغلطو عيالك كبرت ساره دخلت الكليه انا نفسى بس تغيرى طريقتك معايا ومع العيال انسى انك مديره فى بيتك خلى ام وزوجه خليكى الصدر الحنين الى الكل بيترمى فيه ارجعى لدينا الى انا حبتها زمان
دينا:(بدموع) هرجع اوهدك بس انت كمان ارجعلى انا تعبت من غيرك
محمد سعد:( بأبتسامه) طب يلا بقا روحى الغى كل حاجه ولم نرجع البيت نتكلم برحتنا
دينا:(بأبتسامه ماشى (دينا مشيت ومحمد تنهد ورجع قعد على مكتبه تانى)
.................................................................................
(عند سليم اللي قاعد في أوضته وطافي النور خالص وقاعد ساكت وسرحان دخل عليه حاتم)
حاتم(فتح النور وبص لسليم بإستغراب) إي يابني بدل صاحي طافي النور ليه فكرتك نايم!!
سليم(مابصلوش وقاعد سرحان وماأخدش باله منه)
حاتم(قرب منه وهزه براحة) سليم إنت يابني !
سليم(بخضة) فيه إي ياحاتم عايز إي؟!
حاتم(بإستغراب من حالته) إنت اللي فيه بقال ساعة بخبط ع الباب فكرتك نمت ودخلت لقيتك صاحي وطافي النور ولما دخلت لقيتك سرحان وماأخدتيش بالك مني مالك بقي فيه إي!!
سليم(بحُزن) عادي مافيش حاجة معينة..
حاتم(بتنهيدة وقعد جنبه) سليم إنت لسا بتفكر فيها؟!
سليم(بتنهيدة تعب وحُزن) مش قادر أنساها ياحاتم ..
حاتم(بجدية) برغم كل اللي عملته ده برضو ولسا بتفكر فيها..
سليم(بحزن) للأسف لان قلبي مدقش غير ليها وماعرفش الحُب غير معاها
حاتم(بهدوء) مع الوقت هتنساها ياسليم وهتحب غيرها مش هتنساها بين يوم وليلة يعني أصل يعني اللي خلقها ماخلقش غيرها..
سليم(بهدوء وحزن) لا طبعاً اللي خلقها خلق غيرها كتير بس أنا قلبي مكنش شايف غيرها بكل اللي فيها ومهما كنت بشوف مكنتش بشوف غيرها ..
حانم(بجدية) لو إنت قابل على نفسك إنك تكمل معاها بعد ماشوفتها بعينك وخيانتها لك كمل معاها ومحدش هيعارضك بدل إنت هتبقي مبسوط بس أحب أقولك إنك عمرك ماهتثق فيها تاني وطول الوقت هتبقي شاكك فيها إنها بتخونك وبتعمل حاجة غلط (وقام وقف) أنا هسيبك تفكر مع نفسك بس ياريت ياسليم تفكر في الموضوع بعقلانية شوية وإركن عواطفك ومشاعرك الوقتي لانك لو مشيت ورا عواطفك ومشاعرك ولغيت قلبك حياتك هتبقي جحيم صدقني ..
سليم(هز رأسه بمعني ماشي) بإذن الله ياحاتم حاضر بس هو إنت كنت جاي عايز حاجة؟!
حاتم(بإبتسامة) لا بس لقيتك مختفي فقولت أطمن عليك..
سليم(بإبتسامة) ربنا يخليك ليا ياحاتم
حاتم(بضحكة وهزار) ده واجبي يابني ماأنت محسوب عليا أخويا بقي وكده فلازم أأدي واجب الأخوة ..
سليم(بضحكة) طيب إمشي بدل ماأقوملك وأعرفك برضو واجب الأخوة ..
حاتم(بضحكة) لا وع إي ياأخويا أنا خارج من نفسي يلا سلام وألفي أنزل أقعد معاها علشان ماما وبابا قلقانين عليك ..
سليم(بتنهيدة وهز رأسه) حاضر
(خرج حاتم وراح أوضته بعد ماإطمن على سليم اللي قعد مكانه وإتنهد بتعب وزهق وقعد يفكر في كلام حاتم)
..........................................................................................
فى شقه محمد عباس ساره ومالك وهمس قاعدين وأدم خارج من اوضته هو ومالك ومعاه الحقنه بتاع مالك
أدم:(بص لمالك)يلا يا مالك علشان معاد الحقنه
مالك: انا بقيت كويس مش لازم يعنى ومابقاش الا هيا اصلا
أدم:(وهو بيجهز الحقنه) مينفعش يا مالك يلا قوم
مالك:لا ينفع انا مش هاخدها بقا كفايه الخمسه الى اخدتهم
همس:(بصت لمالك)دى بتبقى جرعه يا مالك ولازم تخلصها
مالك(بصلها بنرفزه)انتى مالك انتى اصلا
همس:(بضحكه) انا مكنتش اعرف انك جبان وبتخاف من الحقن
مالك:(بنرفزه) ياستى وانتى مالك انتى ,, انتى بارده صحيح انتى جايه ترزينا هنا ده القرف ده ارجعى بلدك بقا احنا مش ناقصين ارف
أدم :(بعصبيه) مالك احترم نفسك ويلا تعالى جوه (مالك لسه هيتكلم ادام مقاطع لمالك وهو شادد ايده وبيزوقه على جوه) فى ايه يابنى انت تقريبا بتطردها
مالك:(بزعق) زهقت ياعم مدخله نفسها فى الى مالهاش فيها وكانها واحده مننا
ادم :اخلص يا مالك يلا علشان البت مغطلتش
مالك:ماهو كله مبيغلطش انا بس الى بغلط
أدم :(بعصبيه)اخلص يابنى (مالك بص لأدم وقام وقف)
مالك:(بص لأدم) طب براحه طيب (ومالك وقف قدام أدم وأدم ضربله الحقنه ,, كمل أدم كلامه بوجه)آآآآآآآآآآه (أدم شال السن وساب مالك وطلع ,, مالك بصله بنفخه وقعد على السرير بعصبيه وزهق)
.............................................................................
عند سلمى الى نازله من اوضتها
سلمى:(قربت من مامتها و بباها وقعدت جمب مينا ونامت على كتفه بدلع) وحشتني اوي يا بابي
رنا:(بضحكه)اكيد في طلبات عشان السهوكه دي
سلمى: طلبات إيه بس يا مامي دا بابي حبيبي وهو عارف كدا
مينا : اه طبعا ياقلبي
سلمى : خطوبة فريده يوم الجمعه يا بابي
مينا: اه عارف عقبال ما اشوفك أجمل عروسه
سلمى:(وهيا بتسبله بعنيها) انا لو ملقتش حد زيك مش هتجوز ابدا و أفضل معاك هنا
مينا :(بص لرنا بضحكه ورجع بص لسلمى) مامتك هتبدأ تغير من كلامك دا بقا
سلمى:(بصت لمامتها ورجعت بصت لمينا بغمزه) من حقها تغير عليك يا بابي هو في حد زيك
رنا : قولي بقا من الاخر بعد كل دا عايزه ايه
سلمى:(بضحكه) انتي دايما قاصفه جبهتي كدا يا مامي
رنا: اه مامتك بقا و فهماكي
مينا : عايزه ايه يا حبيبتي
سلمى: عايزه فستان عشان حفلة الخطوبه
رنا: طب والفستان محتاج كل المقدمه دي ليه
سلمى: عشان في طلب تاني(وبترجى) و بليز توافق
مينا: طلب ليه
سلمى: عايزه مامي تيجي معايا و تختارلي الفستان عشان بحب زوقها(مينا بص لسلمى من غير رد ,, سلمى كملت كلامها) عارفه ان حضرتك مبتحبش انها تخرج من غيرك بس انا بجد محتاجاها معايا
مينا:(بابتسامه) وانا معرفش أرفض اي طلب لأميرتي، بكره هقول للسواق و الحرس و تروحوا بس متتأخروش
سلمى:(حضنت بباها بفرحه) انا بحبك قووى
مينا: وانا بموت فيكى
رنا:( بتنهيده) طيب اروح انا المطبخ بقا واسيب الحبيبه مع بعض
سلمى:( بصت لرنا بضحكه) يا غيروه يا ماما
رنا:(قربت منها وبتحاول تضربها) بس يابت
مينا:(حاش سلمى عن رنا) اطلعى فوق ياسلمى دلوقتى اطلعى
سلمى:(جريت من قدام رنا) يا مامى (وجريت على فوق بضحكه رنا بصت لمينا بضحكه وسابته ودخلت المطبخ)
........................................................................................
اما عندى يحيى الى ظهر فى كليه ساره
يحيى:( ظهر داخل كفاتيريا الكليه ,, ساره اول ما شافته وقفت وقربت منه وهيا بتعيط ,, يحيى اخدها فى حضنه) هدي في ايه طيب(وقعدها وقعد قدمها هتقعد)مالك يا ساره قلقتيني
ساره:(بعياط) بعياط انا و سمر صاحبتي اتخانقنا حد وقع بينا و هي صدقت و جت قالتلي معدش ليكي دعوه بيا بس انا والله مظلومه يا أبيه انا مش بحكي اسرار لحد
يحيي: طب اهدي ياحبيبتي و بعدين لو صاحبتك دي بتحبك زي ما بتحبيها مش هتصدق اي حد يروح يقولها انك قولتي عنها حاجه
ساره:(بعياط) بتحبنى والله انا عارفه بس فى حد وقع بنا واستغل المشكله الى بنا ووقع جامد قووى
يحيي: طيب خلاص لم تهدى كلميها تانى
ساره:(بعياط) قالتلى كلام صعب قووى انى فتانه وبطلع اسرارها بره وانا معملتش كده ومعرفش البنت دى جابت السر ده منين
يحيي: ما يمكن هيا حاكيه لحد
ساره: هيا ما بتتكلمش غير معايا بس
يحيي: وانتى ما قولتيش لحد
ساره: لا والله ماقولت لحد
يحيي: خلاص يا حبيبتى يطلى عياط وهيا لو بتحبك لم تهدى هتيجى وتعتذرو لبعض
ساره: (بزعل) بس هيا مش هتيجى
يحيى:(مسح دموها) يبقى ماكنتش بتحبك ماكنتش صاحبه اصلا علشان تصدق كده ,, بطلى عياط بقا
ساره:(هزت راسها بمعنى ماشى)انا اسفه يا أبيه اني جبتك كدا فجأه و خضيتك
يحيي:اسفه على ايه يا عبيطه في أي وقت انا موجود وقت ما تحتاجيني (ساره بصت ليحيي بحب وفرحه ,, كمل يحيي كلامه) انتي خصلتي محاضراتك صح
ساره: اه
يحيي: طب يلا تعالي معايا
ساره: على فين
يحيي:هنروح اي مطعم نتغدى مع بعض(وكمل بضحكه)بس متقوليش لماما انتي عارفه انها عدوة اكل المطاعم والدليڤري ..
ساره:(بضحكه) ماشى (وطلعو سوا منم الكليه راحو لمطعم علشان يتغدو سوا )
.............................................................................................
عند محمد سعد ودينا الى قاعدين مع بعض فى اوضتهم
دينا:( بصت لمحمد سعد) محمد فى عروسه شوفتها ليحيي وعجبتنى جدا وبفكر اكلمه واشوفه كده
محمد سعد: يادينا ارحمى الولد لسه مافقش من العروسه الاولى اصبرى شويه
دينا: لحد امتى يامحمد انا نفسى افرح بيه
محمد سعد:هتفرحى بس اصبرى
دينا: محمد ابنك داخل على 30سنه الى قده اتجوز وخلف
محمد سعد: عادى يا دينا متقلقيش
دينا: بس بردو هشوف العروسه دى واكلمه عنها
محمد سعد: انتى مافيش فايده فيكى يا دينا ,, شوفيها بس اجلى الموضوع ده شويه
دينا: ليه بس يا محمد
محمد سعد: كده علشان يكون اخد نفسه مش كل وراء بعض
دينا: ماشى يامحمد ,, المهم بقا امبارح خلصت المعمل الجديد الى بفتحه فى المدرسه
محمد سعد:الفلوس كفت معاكى
دينا: اه الحمد لله وجبنا اخر جهاز النهارده الصبح
محمد سعد: مبروك يا حبيبتى
دينا: الله يبارك فيك يا حبيبى
محمدسعد:(نام على السرير) يلا تصبحى على خير بقا علشان عندى شغل الصبح بدرى
دينا:(بصتله) هتنام
محمد سعد: اه تعبان جدا ومرهق جدا وعندى شغل بدرى كمان
دينا: وانت بخير (ومحمد نام وعدل الغطا عليه ودينا نامت هيا كمان
...........................................................................................
عدى الوقت بسرعه وجيه فرح عمر وهنا والكل مشغول وبيجهزوا والوقت بيجري بسرعه
ظهر عمر بيلبس في اوضته و معاه رائد و كل شباب العيله
رائد:(وهو بيظبطله الببيونه) عيشت و شوفتك عريس قبل ما اموت يا عمر
آدم:( بضحكه) انا حاسس انك امه مش صاحبه
رائد: اطلع منها انت ياظريف
يحيى :انت اول واحد في العيله تاخد الخطوه دي وتتجوز و بإذن الله كلنا هنجر وراك(حازم دخل الاوضه
سليم:(صفر) ايه العسل دا ياولاد
حازم : بجد حلو
حاتم : والله قمر يا زوما و البدله عليك حلوه اوي
رائد:الواد دا طالعلي اصلا
حازم:(بص لعمر بحزن)خلاص يا ابيه هتسيبنا و تمشي و مش هتبقى معانا
عمر:(قرب منه وحضنه)هسيبك فين دا ياحبيبي ما انا معاكوا في نفس العماره اهو
رائد: انت يا ياض ياحازم محسسني ان هو مهاجر دا شقته فوقكوا وهيفضل قارفكوا زي ما هو(رنا خبط و دخل وبصت لعمر بدموع)
آدم:طب يلا يا شباب ننزل احنا و عمر هيحصلنا و ينزل ورانا (كلهم نزلوا واتبقى عمر ورنا ,, عمرقرب من رنا و مسك ايدها وباسها
رنا:(بدموع) مبروك ياقلبي
عمر: الله يبارك فيكي يا حبيبتي
رنا:(بدموع) زي القمر مماشاءالله
عمر: ليه الدموع يا ماما
رنا:(بدموع) خلاص هتبعد عني
عمر: هبعد عنك فين يا ماما دا انا في شقه فوقك اهو و هكون دايما معاكوا و كمان هنا هتبقى معاكوا يعني هي جت هتبقى بنت زياده ليكي انتي و بابا
رنا: اه طبعا ياقلبي و خلي بالك منها و اوعى تفكر في يوم تزعلها ولا تيجي عليها ولا تجرحها
عمر: اكيد يا ماما انا مش متجوزها عشان ازعلها ولا اجرحها
رنا:ربنا يسعدكوا ياحبيبي، يلا بقا عشان متتأخرش (ماشى يلا ونزلو عمر ورنا وسلمو كلهم على عمر وباركوله وخرجو العيله كلها مع بعض)
..................................................................................
عند عمر وهنا فى شقتهم
عمر:(مسك ايدها) مبروك يا هنا
هنا:(بصت فى الارض) مبروك انت كمان
عمر:(رفع وشها لفوق) انتى باصه فى الارض ليه فى ملكه تبقى باصه فى الارض كده (هنا باصتله بكسوف وسكتت ,, كمل عمر كلامه) مالك
هنا:(بتوتر وكسوف) مافيش
عمر:(مشيو ناحيه كنبه وقعدو عليها) تعالى انا عايز اتكلم معاكى شويه
هنا: اتفضل فى ايه
عمر: اولا كده احنا عايزين نتفق اتفاق ,, الى يحصل بنا محدش يعرفو ,, لو جيه يوم واتخنقنا سوا مثلا فى اوضه النوم اوضه الانتريه متعرفش الى حصل بنا يعنى مش عايز اى حد يعرف اى حاجه بنا سواء حلوه او وحشه لا حد من اهلى ولا حد من اهلك علشان الحياه تمشى
هنا:(بصتله)انا كمان عندى طلب
عمر: اتفضلى
هنا: عايزه يبقى فى بنا موده ورحمه وحب واحترام متبادل ,, عايزه احس انى فى ضعفى تكون جمبى اتسند عليه عايزه تبقى سند لبعض
عمر: اكيد طبعا ,, انتى متعرفيش انا بحبك قد ايه
هنا:(بكسوف وصوت واطى) وانا كمان
عمر:(بخبث) وانتى كمان ايه
هنا:(بصوت واطى وهمس) بحبك
عمر:( بحبث) لا انا مسمعتش
هنا: (يضحكه كسوف) يووه بقا ياعمر (انا هدخل علشان اغير هدومى
عمر: ماشى مستنيكى (دخلت هنا غيرت ولبست اسدال صلاه كان عمر كمان اتوضى ,, بص لهنا بتصفيره) تصدقى انتى جميله بالحجاب
هنا: ربنا يهدينا ليه يارب
عمر: يارب يلا نصلى (وصلو مع بعض ركعتين شكر لله وقامو دخلو الاوضه وقعدو يتكلمو مع بعض شوبه لحد ما هنا الكسوف الى عندها راح وراحو فى عالمهم الخاص)
..............................................................................
(بعد يومين عند محمد سعد اللي قاعد فى مكتبه بيراجع ورق موبايله رن لقي رقم غريب فتح عليه)
محمدسعد:(فتح على اللي بيرن) الو ...................أيوه انا............ مين معايا ..........................(بصدمه) إنت بتقول إيه ............... مستشفى إيه ................. أنا جاى حالاً (وقام بسرعه خرج من مكتبه )
...................................................................
ياترى إيه اللي هيحصل ومين اللي فى المستشفى لو حابين تعرفو استونا الحلقه اللي جاية
#hadeer
#rody
#hager
