#على_مر_الزمان
#على_مر_الزمان_17
#جزء_من_حلقه_سابقه
عند دينا ومحمد ويحيي ومروان وساره قاعدين سهره عائليه فجأه تليفون دينا رن بصوت رساله دينا فتحت الرساله وبصت فيها بصدمه وبصت لمحمد ورجعت بصت للرساله تانى
محمد سعد: ايه يا دينا فى ايه
دينا:(بتوهان) ها (وبصتله) لا لا مافي مافيش حاجه (وبصت قدمها بصدمه وقلق)
#بدايه_الحلقه_الجديده
عند حاتم الى قاعد فى اوضته دخل عليه محمد عباس ومينا اول ما دخلو حاتم بصلهم وتنهد وبص الناحيه التانيه
محمد عباس:(دخل وبصله) عامل ايه يا حاتم
حاتم:(من غير ما يبصله) كويس
محمد عباس:(بص لحاتم ورجع بص لمينا) فين علاج حاتم يا مينا
حاتم:(بص لمينا) متجبش علاج يا بابا علشان انا مش هاخد علاج
مينا:(بص لحاتم) هو كل يوم نفس الموضوع هيتكرر
حاتم: لا لا الموضوع المرادى انى مش هاخد علاج فعلا
محمد عباس:(بص لحاتم) مش قولنا هنريح بين العضلات يا حاتم وانت وافقت
حاتم:(بص لمحمد عباس) قبل ما احس بتعبها
مينا:(راح جاب العلاج لمحمد عباس)العلاج اهوه يا محمد حضر الحقنه (وبص لحاتم) يلا يا حاتم
حاتم:(مسك التليفون ولعب فيه) مش هاخد علاج
مينا:(مسك التليفون ورماه على السرير) لم اكون بكلمك عيب انك تلعب فى حاجه وانت بتكلمنى (بهدوء) يلا قوم
حاتم:(بص لمينا بعند ) مش هاخد علاج (ومسك التليفون فى ايده تانى) معلشى يا بابا خد الباب فى ايدك وانت طالع (محمد عباس ومينا بص لبعض بصدمه)
مينا:(مسك التليفون من ايد حاتم ورزعه كسره ,, وبص لحاتم بعصبيه) قولتلك متلعبش فى حاجه وانت بتكلمنى وقوم يلا خد علاجك
حاتم:(بصلها بهدوء) وانا قولتلك لحضرتك انى مش هاخد علاج انا تعبت بجد
مينا:(بصله)هتاخدها يا حاتم
محمد عباس:(بص لمينا) استنى يا مينا (وبص لحاتم) يلا ياحاتم قوم
حاتم:(بص لعباس) معلش يا عمو انا مش هاخد علاخ
مينا:(بص لعباس بنرفزه ) ده مبيجيش بالذوء (وقرب من حاتم وقومه غصب عنه وشده وتملك منه ,, وبص لعباس) يلا يامحمد اديله الحقنه بتاعته
حاتم:(وهو بيحاول يبعد عن ابوه) اوعى يا بابا سبنى انا مش هاخد حاجه اوعو بقا سبونى
مينا:( بعصبيه وتملك منه اكتر) اثبت ياله
محمد عباس:(بيحاول يضربله الحقنه) خلاص ياحاتم اثبت بقا (وضربله الحقنه)
حاتم:(بتوجع ) اااااااااااااه اااااااااااااه
مينا:(سابه بعصبيه) انت عيل متعب
حاتم:(بعد عن مينا بدموع وعصبيه)انا مش عيل صغير للمعامله بالطريقه دي والحركات دي بتتعمل مع حازم وسلمى مش معايا (سليم وعمر جم على الصوت العالى)
مينا:(بعصبيه) وطي صوتك يا حاتم وانت بتتكلم معايا و ايوه انت صغير وهتفضل صغير في عيني مهما تكبر ولو اضطريت اعاملك زي اي طفل صغير عشان مصلحتك هعمل كدا
حاتم:(بدموع وعصبيه) متقنعنيش انك خايف عليا.. دا كل اللي انا فيه ده بسببك اصلا
عمر:( بصوت عالي) حـــاااتـــم
حاتم:(كمل كلامه بدموع وهو باصص لمينا) اه انت السبب، مش اللي خطفوني و خلوني بقيت مدمن دول عملوا كدا عشان يضغطوا عليك في شغلك يعني كله بسببك و بسبب شغلك (مينا واقف باصص لحاتم بصدمه من كلامه
عباس:(بهوء)حاتم انت شكلك اعصابك تعبانه النهارده ومش مركز انت بتقول ايه، احنا هنسيبك عشان ترتاح شويه جايز تهدى وتعقل وتفكر انت بتتكلم (وبص لمينا وكمل كلامه) يلا يا مينا(واخد مينا وخرجوا و مينا لسه على صدمته)
....................................................................................
بعد ما مينا خرج عمر بص لحاتم بقرف
عمر:(بص لحاتم بلوم وعصبيه) انت ايه اللي هببته ده انت اتجننت خالص ومش عارف انت قولت ايه لبابا
حاتم: انا متجننتش دي الحقيقه ، و كمان انت كمان مالك ومالي عامل خايف عليا وعامل فيها الاخ الكبير بقا ما انت سايبني بقالك فتره وقاعد مع صاحبك و ناسيني خالص و جاي الوقتي تزعق وتقولي اني غلطان، دا حتى سليم بقا طول الوقت معاك انت ورائد وبشوفه بالصدفه و ماما اللي مشغوله طول الوقت مع سلمى وحازم ، انا بقيت لوحدي طول الوقت
عمر:(بص لحاتم بصدمه) انت بقيت شايفنا كلنا وحشين اوي كدا.. احنا مبعدناش يا حاتم واحنا كلنا جمبك بس انت عارف كويس أن رائد مالوش غيرنا ولازم كلنا نبقى جمبه حتى انت لازم تبقى جمبه، و ماما مشغوله بسلمى لانها تعبانه هي كمان و حازم لسه صغير وكلنا لازم نخلي بالنا منه ، و لو على بابا بقا اللي انت صدمته بكلامك ده فإنت ظلمته اوي يا حاتم و زعلته اوي ولما تفكر و تركز في الكلام اللي قولتهوله هتعرف انك غلط و ظلمته و وقتها لازم تعتذرله و ساعتها مش عارف بقا هيقبل اعتذارك ولا لأ (وسابه وخرج وحاتم قعد على السرير بعصبيه)
......................................................................................
عند دينا ومحمد سعد الى دخلو اوضتهم
محمد سعد:(بص لدينا بأستغراب) مالك يا دينا حاسس انك متغيره
دينا: لا ابدا مافيش حاجه بس مرهقه شويه بس
محمد سعد: بجد انتى متاكده
دينا: اه متاكده
محمد سعد: بس انا حاسس غير كده
دينا: انت حر فى احساسك
محمد سعد: دينا هو انا عملت حاجه ضايقتك
دينا: انت شايف انك عملت حاجه
محمد سعد: انا عن نفسى شايف انى معملتش حاجه
دينا: خلاص يبقى معملتش حاجه
محمد سعد: اومال طريقتك حاسس انك مخبيه حاجه
دينا: لا يا محمد انا مش مخبيه اى حاجه انت بقا مخبى حاجه عليا
محمد سعد: لا انا هخبى عليكى ايه يعنى
دينا: خلاص ماشى (وقربت من السرير )
محمد سعد: انتى هتنامى
دينا: انت عايز حاجه اعملهالك
محمد سعد: لا شكرا
دينا: تصبح على خير
محمد سعد: وانتى بخير (وسابته ونامت ومحمد سعد واقف محتار من تغير طريقتها معاه)
.............................................................................
عند مينا الى فى اوضته ظهر نايم على السرير ودماغه على رجل رنا
مينا:(بحزن) طلع شايف ان انا السبب في اللي حصله كله
رنا:(بحزن) ياحبيبي دا كلام وقت تعب متركزش معاه ومتزعلش نفسك
مبنا: كلامه وجعني يا رنا، أن ابني يبقى شايفني في عينه وحش و شايفني سبب في تعبه دا صعب اوي ..
رنا:متزعلش منه يا حبيبى
مينا: انا خايف مينسهاش خالص انا والله ماقصد انى أزيه والى عمل فيه كده مرمى فى السجن يعنى انا جبتله حقه
رنا: انت مش عارف حاتم لم بيكون عصبى
مينا:(مقاطع لرنا) بيطلع الى فى قلبه ,, حاتم بيكون عصبى الى فى قلبه بيطلع
رنا:(بصت على مينا بحزن) اهدا بس شويه علشان متتعبش (مينا تنهد بحزن وسكت ,, رنا فضلت تلعب فى شعره لحد ما ها ونام)
.............................................................................
(عند محمد عباس وهايدى في الأوضة وقاعدين يتكلموا)
محمدعباس:(بحزن باين فى عنيه) الولد زعق وإنهار أنا ماكونتيش مصدق إن اللي بيتكلم قدامي ده حاتم..
هايدى:(بحزن) ومينا عمل إيه!
محمدعباس :(بضحكه حزن) مينا ,, مينا انصدم مردش عليه أنا أخدته وخرجت وسبتهم ومشيت
هايدى: إزاى مشيت من غير ماتطمن عليه
محمدعباس: مكنش ينفعش أقعد أكتر من كده
هايدى:(بتنهيدة حزن) طب وبعدين حاتم حالته هتوصله لايه تانى!!
محمدعباس: حاتم من تعبه بيعمل كده ,, الولد ده محتاج دكتور نفسى
هايدى:(بحزن) بس فى الاول لم الدكتور كان بيجيله ومتابع حالته قال إنه شخصيته متأثرتش باللي حصله ولا بحاله الخطف
محمدعباس: هو مش عايز علاج نفسى من الخطف هو عايز علاج نفسى وتأهيل من العلاج اللي أخده والحقن بقاله شهور مافيش يوم بيعدي غير لما يأخد بالحقنة والإتنين بقي عنده خوف دائم من الحقن والعلاج الحقن ربتله عقدة نفسية ورهبة منها..
هايدى:(بحزن) طب ما تكلم مينا وقوله..
محمدعباس: هقوله أكيد بس انا قلقان مينا يعمل حاجه فيه!!
هايدى: لا متقلقش مينا هادى وعاقل وهيعرف يتصرف
محمد عباس: هو آدم فين ومالك وفريده محدش باين منهم ليه
هايدى:آدم لسه مجاش ومالك وفريده فى اوضهم
محمدعباس(بتنهيدة تعب) تمام
.........................................................................
تانى يوم فى الشركه ظهر حاتم رايح لمينا مكتبه
مينا:(وهو باصص فى الورق) اتفضل (حاتم دخل ,, مينا بصله وبص في الورق اللي في ايده تاني) خير يا حاتم
حاتم:(قرب من المكتب)بابا انا اسف
مينا:(رفع دماغه وبصله) على ايه
حاتم: انا عارف اني غلط ومكنتش عارف انا بقول ايه بس والله انا مقصدش ازعلك بكلامي حضرتك عارف انا بحبك قد ايه، انا اسف بجد
مينا:اظن دا مكان شغل مش مكان للنقاش في الامور الخاصه دي واتفضل على مكتبك يلا
حاتم: بابا لو سمحت
مينا:(بص لحاتم) روح مكتب يا حاتم (حاتم تنهد وبص لبباه بحزن وطلع من المكتب)
..........................................................................................
فى نفس اليوم الكل متجمع على الغدا الا عمر لأنه بياكل في اوضته مع رائد ,, حاتم قاعد وشكله متوتر اصلا ومبيكلمش حد ,, و حازم مفصلش كلام من وقت ما قعد ,, بيتكلم و بياكل بصوت عالي
حاتم:(بصله بضيق وعصبيه) خلاص بقا.. ايييه مبتزهقش من كُتر الكلام و بتاكل بصوت زي الجاموسه
حازم:(ببرود) والله براحتي انا بكلم ماما و سلمى مش بكلمك و كمان اكل براحتي، انت يعني عشان مزعل بابا وغلطان ومبتكلموش فعايز تزعق لأي حد
مينا:(بزعيق) حااااازم (حازم بص لمينا ,, مينا كمل كلامه) انت بتتكلم مع اخوك ازاي كدا
حازم : ما هو با بابا اللي مزعلك وانا مش بحب اشوفك زعلان و.....
مينا:(مقاطع لحازم) ملكش دعوه ومتدخلش في حاجه من دي وتعتذر لأخوك حالا
حازم: بس يا بابا...
مينا:(مقاطع لحازم بجدبه) اعتز لاخوك حاااالا
حازم : انا اسف يا حاتم(وجاى يقوم)
مينا:رايح فين
حازم:( بزعل) شبعت و طالع اوضتي
مينا:(بصله بعصبيه) هو انا كل ما اكلم حد فيكوا هيزعل وهيغضب على الاكل اترزع وكمل أكلك (حازم قعد بزعل و سلمى طبطبت علي حازم)
حاتم:(بص لمينا) بابا انا اسف..
مينا:(مقاطع لحاتم بجديه)احنا على الاكل مش وقته الكلام ده
(حاتم بص لابوه بزعل وبص فى طبقه وهو ساكت)
................................................................................................
بعد الغدا حاتم راح أوضة عمر عند رائد خبط ودخل
حاتم:(بص لرائد) عامل ايه يا رائد بقيت كويس
رائد: الحمد لله بخير انت عامل ايه
حاتم: انا مش كويس (وبص لعمر) ومش عايز عمر يزعل منى (وقرب من عمر وقعد جمبه) متزعلش مني ياعمر انت عارف اني مكنتش مركز ولا فاهم اللي كنت بقوله فمتزعلش مني عشان خاطري
عمر :(بجديه) خلاص يا حاتم محصلش حاجه
حاتم :(بعدم تصديق) لا والله انت زعلان مني وانا مبقدرش على زعلكوا كلكوا مني وانا عارف اني غلط وبحاول اصلح غلطي اني اصالحكوا واخليكوا مش زعلانين مني
رائد: والله عيشت وشوفت اليوم اللي اشوفك فيه متأثر وزعلان بسبب حاجه يا حاتم، و غير كدا ياعم ما الكل عارف انك غبي و دبش و بتحدف اي كلام
حاتم : بس والله يا رائد مقصدش ازعلهم مني، وزعلان كمان عشان بابا اللي مرضاش يصالحني ده
رائد: ابوك طيب ومافيش اطيب منه يابني شويه و هترجعوا تتكلموا عادي بس انت برضه ابقى فوق كدا و ركز في كلامك وبلاش الدبش بتاعك ده
(حاتم بص لرائد وغمزله بمعنى يصالحه على عمر ,, رائد كمل كلامه)لا متقلقش من عمر اخوك دا هفأ وقلبه طيب
عمر :ماتحترم نفسك بقا يابني وتحترمني قدام اي حد كدا
رائد : زعلت مني يابيبي.. اتفلق بقا
حاتم :(بضحكه) خلاص مش زعلان مني يا عمر
عمر: خلاص يا حاتم بس المهم انك تعتذر لبابا على الكلام اللي قولتهوله ده لأنه زعلان بجد و كمان تعتذر لماما لان ماما عمرها ما فرقت بينا و قربت من حد عن التاني
حاتم: هصالحهم كلهم والله وهصالح سليم و سلمى حتى الواد حازم
رائد : طب وانا مش هتصالحني
حاتم : لا انا قايم بقا اشوف اللي ورايا و سكت صاحبك دا يا عمر لأنه تقريبا السيستم بتاعه واقع
رائد :(بضحكه) والله .. دي اخرتها يا واطي غور اطلع برا ياض
حاتم:(قرب من عمر وباسه من خده) طالع ياخويا من غير طرد (وخرج حاتم)
رائد: متزعلش بقا شكله ندمان بجد
عمر: المهم بابا ميزعلش
رائد: عمو مينا طيب ومبيزعلش منكو اصلا
عمر:(تنهد تنهيده عاليه) بتمنى , نام يلا ياله انا عايز انام (وقام نام على السرير جمب رائد رائد بصله وضحك ونام هو كمان)
........................................................................................
حاتم نزل من عند عمر رح لرنا المطبخ وقرب منها
حاتم:(قرب من رنا وباسها من خدها) متزعليش مني يا ماما
رنا:(بصتله بلوم) لو عليا انا مش زعلانه يا حاتم، انا كل زعلي على زعل بباك اللي انت زعلته و احرجته قدام جوز عمتك رغم انكوا عارفين أنه بيخاف عليكوا و بيحبكوا اكتر من نفسه
حاتم:(مسك ايدها وباسها) ما البركه فيكي بقا يا رنوش ياحبيبتي انك تظبطيني وتخليه يسامحني
رنا: اه ما انا ببقى رنوش لما تحتاجني اعملك حاجه
حاتم: ياقلبي انتي رنوشتي و ست الحبايب و حبيبتي وكل حاجه حلوه
رنا: اه اضحك عليا بالكلام ده اوي
حاتم:(بترجى) طب بالله عليكي لتيجي معايا و تليني قلب بابا وتقوليله يسامحني
مينا: هو بباك اكيد مسامحك طبعا بس هو زعلان من اللي حصل شويه
حاتم:(مسك ايد رنا) طب تعالي معايا يلا نروحله
رنا:(بصتله) يلا يا مغلبني (وراحو المكتب لمينا رنا خبطت ودخلت)
ويروحوله المكتب بتاعه
رنا هتدخل
مينا:(بأبتسامه) تعالي ياحبيبتي ادخلي
رنا:(قربت منه) حاتم واقف على الباب عايز يجي يصالحك
مينا:(قلب لوش جديه) انا مش فاضي للعب العيال دا يا رنا
حاتم:(دخل) حضرتك قولتها اهو لعب عيال، يعني المفروض متزعلش مني
مينا:(وقف وقرب من حاتم) انا عمري ما فرقت بينك وبين اي حد من اخواتك يا حاتم، ولو على اللي خطفوك فهما اخدوا جزائهم وزياده كمان.. انا لو كنت اعرف أن انت او اي حد عموما منكوا هيحصلوا كدا كنت مسحتهم من على وش الدنيا قبل ما يفكروا يلمسكوا أو كنت قولتيلهم ياخدوني انا اهونلي من اني اشوف حد فيكوا تعبان
حاتم :(بسرعه)بعد الشرعليك يا بابا ربنا يبارك لينا فى عمرك انت وماما يارب، بس عشان خاطري متزعلش مني بقا حضرتك عارف انت ايه بالنسبه لينا احنا متعلقين بيك و بنحبك اكتر من نفسنا
مينا :خلاص يا حاتم مش زعلان و مافيش اب بيزعل من ولاده اصلا
حاتم:(قرب منه ومسك أيد مينا وباسها) ربنا يباركلنا فيك يارب
مينا:(بأبتسامه) ويباركلى فيكو يارب (حاتم حضن مينا وطلع من الاوضه)
رنا: خلاص يا مينا مش زعلان منه
مينا: بس يارب مكنش هو لسه فى قلبه الكلام الى قاله
رنا: مكنش جيه واعتذر
مينا:(بتنعيده ورجع قعد على الكرسى ) ربنا يهديهم
رنا: يارب ,, يلا هسيبك تكمل واروح اكمل الى كنت بعمله
مينا: ماشى يا حبيبتى (خرجت رنا ومينا رجع تانى لشغله)
........................................................................................
(عند رائد اللي كان قاعد في الأوضة وعمر كان معاه بيتكلموا مع بعض)
عمر(بهدوء) عامل إي الوقتي!
رائد(بضحكة وهزار) زي الفل ومية وعشرة ياباشا..
عمر(بضحكة) أنا أصلاً من أول يوم وبقول إنك بتتدلع وإنت زي القطة بسبع أرواح أصلاً..
رائد(بصدمة مصطنعة) أناا بدلع!! وقطة بسبع إرواح!! إنت قد كلامك ده!!
عمر(بجدية مصطنعة) قده ونص ولاعند سيادتك رأي تاني!!
رائد(بضحكة وخوف مصطنع) لاياباشا وهو فيه بعد رأي سعادتك إنت تقول اللي تقوله وتعمل اللي تعمله ومامفيش حد يقول لا..
عمر(بضحكة) أيوة كده إتظبط وبعدين إفصل شوية المفروض كانت الإصابة تيجي ف لسانك علشان نرتاح من الرغي بتاعك ده شوية..
رائد(بضحكة) ده أناا وقتها كنت هفطس بجد وأموت..
عمر(بضحكة) إنت هتقولي تموت لو مارخمتيش خلق الله وإتكلمت ف الدقيقة مليون كلمة..
(قطع كلامهم مع بعض دخول أدم سلم عليهم وقعد)
أدم(بإبتسامة) عامل إي يارائد الوقتي؟!
رائد(بضحكة) أنا حلو ياأخويا..
أدم(بضحكة) إنت القاعدة الكتير دي خلت أسلوبك بيئة..
رائد(بضحكة) سيبنالك الإتيكيك يادكترة..
عمر(بضحكة) يابني إحترمه وإتكلم معاه كويس ع الأقل لحد ماتخلص علاجك بدل مايحطك ف دماغه وينفخك..
أدم(بغرور مصطنع وحط رجل على رجل) أهو قالك أهو إحترمني بقى بدل ماتندم..
رائد(بصوت مهموس) ربنا على الظالم والله..
أدم(بصحة) بتقول حاجة يارائد سمعني طيب ماسمعناش..
رائد(بضيق)بكح ياحبيبي بكح!! لك شوق ف حاجة!!
عمر(بضحكة) لا ياحبيبي كح براحتك ماأنت تعبان بقى وكده..
أدم(بضحكة وبص لعمر) فين علاجه!!
عمر(قام جابهوله وإعطهوله بإبتسامة) العلاج أهو أتفضل يادوك..
أدم(بصله بإبتسامة وأخد منه العلاج وطلع منه الحقنة وبدأ يجهزها) هات ياأخويا علشان أعطهاله وأقوم أروح علشان إتأخرت..
رائد(بصله بتوتر) بقولك إي ياض ياأدم براحة ها إنسى اللي قولته كله ده أنت حبيبي..
أدم(بصله بقرف) ياض!! بيئة بيئة يعني مافيش كلام..
عمر(بضحكة) هو بيئة من يومه يابني (وبص لرائد بضحكة) وبعدين إنت قلبت كتكوت مبلول ليه كده إنشف كده أومال..
أدم(بص لرائد بإبتسامة) طيب قوم يللا..
(قام رائد بمساعدة عمر ووقف قدام أدم اللي بدأ يعطي رائد الحقنة وسط توجعاته خلص أدم الحقنة وشال السن ودلك مكانها شوية وقعد على السرير تاني)
رائد(بتوجع) إنت بتنتقم يابني!! رجلي وقفت وربنا..
أدم(بإبتسامة) بالشفا ياباشا ..
رائد(بتوجع) أومال قاعدين يقولوا إيدك سهلة وربنا إيدك مرزبة..
أدم(بضحكة) المضاد الحيوي اللي صعب يابني إنت عاوز تطلعني مفتري وخلاص..
رائد(بتوجع) آه مفتري وإيدك مرزبة كمان..
أدم(بضحكة) لسانك ده مصيبة وربنا..
عمر(بضحكة) لا عندك هو كله ع بعضه مصيبة متحركة..
رائد(بصلهم بضيق وتعب) إخرس إنت وهو بقى أنا واحد تعبان وعاوز راحة وهدوء
أدم(بضحكة وقام وقف) أنا ماشي ياأخويا سلام..
رائد(بضحكة) سلام ياأخويا ماتقطعش الجوابات..
أدم(بضحكة) بكرة بإذن الله هتلاقيني عندك ماأقدرش أقطعك ياحلو إنت ياحلو..
رائد(بضيق) رخم
أدم(برخامة وضحكة) طالعلك يلا بقى سلام..
رائد وعمر(بإبتسامة) سلام..
(مشي أدم بعد أما إطمن ع رائد وعمر قعد مع رائد في الأوضة يتكلموا لحد مانام من تعبه عمر سابه وخرج بعد أما إطمن عليه)
............................................................................
(في بيت عباس ظهروا دينا وهايدي قاعدين مع بعض وبيتكلموا)
دينا:(بعياط) بعد العمر ده كله جاى يعمل معايا كده ليه أنا نفسى أفهم!!
هايدى:(بتحاول تهديها) طب بس إهدى وفهمينى لأن أنا مش فاهمة حاجه منك ومن كلامك فى التليفون
دينا:(بصت لهايدى بعياط ) إيه اللي مفهمتوش ياهايدى بقولك أخوك اتجوز عليا واحدة من سن عياله!!
هايدى:(بصدمة وعدم إستيعاب) ها !! إنتِ بتقولي إيه يادينا انتى بتهزرى صح!!
دينا:(بصتلها بعياط) لا مبهزرش أخوكِ إتجوز (هايدى بصتلها بصدمة )
................................................................
ياترى إيه اللى هيحصل تانى ومينا هيعمل ايه لم يعرف بجوازه محمد التانيه لو حابين تعرفو استنونا الحلقه اللي جاية
#hadeer
#rody
#hager
