#مع_مر_الزمان
#مع_مر_الزمان_8
#جزء_من_حلقه_سابقه
سليم(بإبتسامة) لازم تأكل كويس ياحاتم علشان ماتقعش من طولك وتقوملنا بالسلامة ..
حازم(بضحكة وهزار) هنأكل ونفتح نفسك علي الأكل وهتأكل ماتشغلش بالك إنت وأقعد ساكت ..
عمر(بضحكة وهزار) مصائب قوم عند قوم فوائد صحيح ..
مينا(بإبتسامة وبص لحاتم) نام إنت ياحاتم مش هتخلص منهم النهاردة نام شوية ياحبيبي علي أما الأكل يخلص لأنك شكلك هبطان ..
حاتم(غمض عينه بتعب) حاضر يابابا
(غمض حاتم عينه وراح في النوم بسبب تعبه وكلهم قاعدين جنبه وبصين عليه بخوف وقلق)
...................................................................................................
فات اسبوعين على تعب حاتم بالليل ظهر حازم قاعد بيذاكر فجأه الجرس رن
حازم:(بخضه) مين (بصوت مسموع وبيتكلم نفسه ) مين إيه يابنى قوم افتح (حازم قام فتح ,, يدوب فتح الباب بص بصدمه) حاتم!!
#بدايه_الحلقه_الجديده
(في بيت مينا ظهر حازم ماسك حاتم جامد وبيحضن فيه ومش عاوز يسيبه)
حازم(وهو حاضن حاتم) حاتم وحشتني جداً جداً عامل إي إنت كويس بقيت كويس صح!!
حاتم(حاضنه وبإبتسامة تعب) أناا كويس يابني إهدا بقي
مينا(بإبتسامة) براحة ياحازم علي أخوك هو لسا تعبان ووسع كده علشان يقعد هتتعبه كده
حازم(بإبتسامة) حاضر حاضر (وبيندهه بصوت عالي وبفرحة) يامااااااماااااا ياسلمي تعالو بسرعة
عمر(ضربه علي دماغه بهزار) يابني إي السرينة اللي فتحت دي براحة خرمت ودنى(ظهر رنااا وسلمي نازلين من فوق وباين عليهم للخوف والقلق شافوا عمر ومينا وسليم قدامهم فكروا حصل حاجة لحاتم)
رنا(بخوف وراحت لمينا) ميناا إنتو هنا ليه! هو حاتم كويس صح!
مينا(بإبتسامة) كويس جداً الحمدلله ماتقلقيش يارنا ..
رنا(بصت لعمر بخوف ورجعت بصت لمينا) أومال عمر هنا ليه مش هو مرافق مع حاتم
حاتم(قطع كلامها بإبتسامة مُتعبة) إي ياست الكل هو انت مش شيفلنى ومش هتسلمي عليا ولاإي!!
رنا(بصت بصدمة) حاتم!! إنت هنا بجد بقيت كويس!
حاتم(بتعب) أنا تمام التمام الحمدلله ماتقلقيش ياحبيبتي ..
رنا(بصتله بدموع وفرحة وراحت حضنته) ياحبيبي وحشتني ياقلبي وحشتني أوي ياحاتم إنت كويس حاسس بوجع أي تعب طمني عليك!
حاتم(بإبتسامة تعب وباس إيديها) أنا كويس ياماما ماتقلقيش
رنا(بصتله بدموع فرحة وحضنته) الحمدلله ياحبيبي الحمدلله ربنا يكمل شفاك علي خير يارب ..
حاتم(بإبتسامة تعب) يارب ياماما يارب ياحبيبتي (وبص لسلمي اللي بتبص عليه بدموع وساكتة) مالك يابنتي هتفضلي متنحة كده كتير!
سلمي(بدموع وجرت عليه حضنته) إنت هنا بجد وبقيت كويس أنا مش مصدقة الحمدلله يارب الحمدلله ..
سليم(بإبتسامة وهزار وبص لحاتم) مبسوط إنت كده أكلت الجو كله وإحنا إتركنا خلاص
حاتم(بضحكة وهزار) إبتديناا بقي ماتسيبني أخد فرصتي ياعم سليم الله!
سليم(بضحكة وغيرة مصطنعة) خد ياأخويا خد ده من ساعة مادخلنا شغالين معاك أحضان وبوس وإستقبال وإحنا ولا الهوا ..
عمر(بضحكة وحزن مُصطنع) معلش بقي ياسليم م أنا وبابا معاك في الهوا سوا وقاعدين غلابة أهو ماحدش عبرنا ..
مينا(بضحكة) ولا أنت وهو إنتو هتشحتوا عليااا إي العيال أخر زمن دي ..
عمر وسليم(بضحكة بلهاء) أسفين ياباشا ..
رنا(راحت سلمت عليهم وبضحكة) إنتو كمان وحشتوني جداً والله ياحبايبي يللا بقي أقعدوا شوية علي أما أعمل الأكل ونأكل كلنا سوا ..
حاتم(بتعب) ماما مش هقدر أكل والله أنا هطلع أنام
مينا(بصله بجدية) مافيش نوم هتقعد تأكل معانا وبعدين نام مش الدكتور بيقولك تأكل كويس علشان جسمك ضُعف ومحتاج تغذية علشان تقدر علي العلاج ..
رنا(بإستفسار) هو لسا له علاج يامينا هو ماخلصش علاجه!
مينا(بص لحاتم ورجع بص لرنا) خلص مين يارنا ده لسا كورس علاج مُكثف هو أصلاً جسمه لسا ماتخلصش من المواد المخدرة كلها لسا بيتخلص منها بس نوبات العصبية وكده الحمدلله ماعادتش هتجيله بس للأسف هيبقي تعبان ومحتاج رعاية كبيرة بقي فأنتِ معاه أهو والدكتور هيجيله مرة كل أسبوع يتابع حالته ويطمن عليه وعباس كمان هيبقي يتابعه وقت مايفضي من المستشفى وكده ..
رنا(بصت لحاتم بحزن) بإذن الله ربنا يشفيك ويعافيك ياحبيبي..
حاتم(بصلها بتعب وخوف من العلاج) يارب ياماما ..
(راحت رنا المطبخ تعمل الأكل ومعاها سلمي والشباب ومينا قعدوا مع حاتم يتكلموا معاه لحد مارنا تخلص الأكل)
.................................................................................
(تاني يوم بعد الظهر عند عمر وسليم اللي راحوا أوضة حاتم يصحوه ويطمنوا عليه خبطوا ودخلوه لاقوه لسا نايم قربوا منه)
عمر(حط إيده علي كتفه وبصوت واطي) حاتم! حاتم إصحي
حاتم(بصوت نائم) سيبني شوية ياعُمر عاوز أنام شوية ..
سليم(بضحكة) قوم يابني إنت نايم بقالك يجي 12 ساعة وأكتر خلصت علي نوم البلد ..
حاتم(قام قعد علي السرير بتعب وصوت مُرهق) هيا الساعة كام!
عمر(بإبتسامة) الساعة 2 ياسيدي العصر خلاص قرب يأذن وإنت كل ده نايم ..
حاتم(بصلهم بتعب) جسمي مكسر وواجعني جداً مش قادر أقوم والله
عمر(بحزن علي أخوه) معلش ياحبيبي لما تأخد علاجك هتبقي كويس وترجع أحسن من الأول كمان
حاتم(بصله بتعب وخوف) أهو العلاج ده اللي عاوز أطفش منه بأي طريقة والله..
سليم(بضحكة وهزار) ماتحاولش ده أحنا عندنا الدكاترة مالين العيلة يعني لامفر ..
حاتم(بصله بخوف) طمنتني .. مش عارف من غير وجودك ياسليم في الدنيا دي كنت هتطمن إزاي !
سليم(بغرور مُصطنع) عد الجمايل دي بقي ..
عمر(بص لحاتم بضحكة) قوم يابني مش هتخلص منه النهاردة صدقني
حاتم(بص لعمر بتعب) مش قادر والله أناا عاوز أكمل نوم ..
عمر(بإعتراض ومسك إيده يقومه) لاا يلاا قوم وبطل دلع وبعدين العيلة كلها جايين كمان شوية فقوم كده وفوق يللاا
حاتم(بصلهم بتعب وقام) حاضر قايم أهو إسبقوني علي تحت وأنا هنزلكم ..
سليم(بضحكة وحط رجل علي رجل) لاا إحنا مستنينك هنور أوضتك علي أما تخلص وننزل سوا (حاتم بصله بضحكة مُتعبة وسابهم ودخل الحمام وعمر وسليم قعدوا يتكلموا سوا علي مايخرج)
سليم(بص لعمر بخوف وحزن علي أخوه) خايف عليه جداً وكمان جسمه خس أوي وإتغير وعلي طول تعبان ..
عمر(بتنهيدة حزن) هيبقي كويس بإذن الله لما يهتم بأكله وصحته ويكمل علاجه هيبقي أحسن من الأول كمان ..
سليم(بحزن) ده بقي بيترعب بس لما يسمع سيرة أي علاج ربنا يهديه بقي ويكمله ومايتعبناش معاه ..
عمر(بحزن) يارب (شوية وخرج حاتم من الحمام بصوله بإبتسامة يطمنوه وهو بادلهم الإبتسامة وأخدوه ونزلوا تحت)
...........................................................................................
(في الأوضة عند رنا ومينا اللي كانوا قاعدين مع بعض وبيتكلموا)
رنا(بسعادة) أنا فرحانة أوي إن حاتم جه هنا وبقي قدام عيني أقدر أطمن عليه في أي وقت بدل خوفي وقلقي عليه وهو كان بعيد عن عيني ..
مينا(بإبتسامة لسعادتها) الحمدلله ياحبيبتي ربنا يكمل شفاه علي خير بقي بإذن الله ..
رنا(بحزن) يارب يامينا هو الدكتور قالك إي صحيح علي حالته وكده ماقولتليش؟!
مينا(بتنهيدة حزن) مافيش ياستي هو قالي إنه الفترة دي الأعراض اللي هتحصله إنه هيكون تعبان جداً وجسمه مُرهق ودايخ علي طول وأوقات كتيرة ممكن يحصله إغماء أصلاً من تعبه لاني قولتلك إن لسا جسمه بيحاول يتخلص من المواد المُخدرة اللي جواه بس رد الفعل هيكون عن طريق إرهاق وتعب وإغماء وكده بس الحمدلله نوبات العصبية مش هتحصله يعني هيتخلص من المواد في جسمه بهدوء ..
رنا(بدموع) ياحبيبي ياأبني بس ماهو مش هيتعصب يامينا بس هيكون تعبان خالص ده أصلاً جسمه خس للنص ووشه صغر وبقي أصفر خالص..
مينا(بحزن علي إبنه ومسك إيديها) هيبقي كويس ياحبيبتي باذن الله المهم نبقي جنبه ومعاه دايماً لان الفترة الجاية علاجه مُكثف وهيبقي صعب ومُرهق بالنسبة له ..
رنا(بدموع) هو علاجه هيكون عبارة عن إي!!
مينا(بتنهيدة حزن) للأسف معظمه حقن هيكون له يومين في الأسبوع حقن مضادة للمواد المخدرة دي علشان تطردها من جسمه خالص وأصلاً الدكتور بيقول الحقن دي مش متوفرة في أي مكان كده فهشوف كده أدم يشوفها في شركة الأدوية بتاعته وبإذن الله خير ...
رنا(بإستفسار) طيب هو خلاص كده الحمدلله مش هيجيله حُمي ولاسخونية تاني؟!
مينا(بجدية) الدكتور بيقول هيجيله لازم لان طول ماجسمه بيسحب المواد المخدرة دي هيكون سخن بس مش كتير زي الأول ووقت ماتجيله السخونية دي هيأخد حقنة خافض ومع الكمدات هتروح علي طول بإذن الله ..
رنا(بحزن) كل ده علاج وشكشكة ده كده أصلاً العلاج هيتعبه أكتر زيادة علي تعبه ..
مينا(بتنهيدة) م انا علشان كده بقولك لازم نبقي جنبه ده الدكتور كمان قالي إنه لما يخلص علاج الإدمان ده ويبقي كويس وجسمه يتخلص من المواد المُخدرة دي خالص هيأخد كورس علاج فيتامينات ومقويات لانه أكيد هيجيله أنيميا حادة بسبب ضعفه ده ..
رنا(بعياط) كمان ربنا يُلطف بيه يارب ويشفيه والدكتور هيبقي يجي يتابع معاه علاجه وكده؟!
مينا(بنفي) لاا هيجي كل أسبوع بس في معاد كشفه يطمن عليه ويقعد معاه شوية يكلمه وكده لان حاتم كمان محتاج تقويه من الناحية النفسية فهو الدكتور هيكون معاه وقتها لكن إنتِ بقي تابعي علاجه مش إنتِ دكتورة برضو !
رنا(بنفي ودموع) لالالا يامينا أنا دكتورة أها بس مش هقدر أعطيله حقن وعلاج وأشوفه بيتوجع قدامي وهو أصلاً تعبان من نفسه ..
مينا(حضنها وبيهديها) إهدي يارنا إهدي ياحبيبتي إنتِ هتابعي علاجه وهقول لعباس ياستي يبقي يتابعه وقت مايفضي من المستشفى هو من نفسه أصلاً هتلاقيه متابع حالته علي طول وأدم ياستي كمان هيكون معاكِ وقت مانحتاجه ماهو صيدلي المهم إهدي كده وخليكِ قوية علشان خاطره وأنا وإخواته والعيلة كلها هنكون معاه ونهون عليه ونخفف عنه ..
رنا(بدموع) صعبان عليا أوي يامينا يعني كل اللي حصله والتعب والبهدلة دي ولسا كمان اللي جاي أصعب ..
مينا(بحزن) هيبقي كويس ياحبيبتي باذن الله إدعليه وخليكِ قوية علشان إتفقنا؟!
رنا(بصتله بدموع وهز رآسها بمعني ماشي وسكتت)
مينا(بإبتسامة) طيب قومي يللا إغسلي وشك علشان مايقلقوش عليكِ وإلبسي علشان العيلة كلهم جايين كمان شوية والوقتي إولادك كلهم تحت ومعاهم حاتم ..
رنا(بهدوء وقامت وقفت) حاضر إنزلهم إنت بقي وأنا هغسل وشي وهلبس ونازلة ..
مينا(بإبتسامة) ماشي يللا ماتتأخريش ..
(راحت رنا ناحية الحمام تغسل وشها وتلبس ومينا بص عليها بتنهيدة حزن وإرهاق وقام نزل تحت)
.............................................................................................................
(في البيت عند مينا ظهروا كلهم قاعدين في الصالة بعد ماسلموا عليهم وعلي حاتم وإطمنوا عليه)
عباس(بإبتسامة) عامل إي الوقتي ياحاتم حاسس بتعب!
حاتم(بإبتسامة تعب) الحمدلله ياعمو عباس يعني شوية الحمدلله ماتقلقش ..
عباس(بإبتسامة) ربنا يشفيك ويعافيك ياحبيبي ..
مروان(بفرحة وراح قعد جنب حاتم) وحشتني أوي ياحاتم والله مبسوط إنك جيت الفيلا هناا والله يابني مادخلتها طول ماأنت مش فيها ..
حاتم(بضحكة وهزار) والله ياواد يامارو ماكنت أعرف إني غالي عندك كده أنا كده هتغر علي فكرة ..
يحيي(بضحكة) يابني ده لو خطيبته مش هيعمل معاها كده ده قرفنا عياط ونكد طول م أنت تعبان ..
سليم(بحزن وعياط مُصطنع) والله أنا ماكذبتيش لما قولت إننا إتركنا علي الرف ..
حاتم(بضحكة) والله عينك دي اللي هتجيبني الأرض
سعد(بضحكة) إفصوا بقي شوية صدعتوناا (وبص لمينا بإستفسار) حاتم بدأ كورس العلاج بتاعه ولالسا يامينا !!
مينا(بهدوء) لا لسا من بكرة باذن الله هو الدكتور قال النهاردة يأخده راحة وهيبدأ علاجه من بكرة بإذن الله..
عباس(بإبتسامة) بإذن الله هيبقي كويس ورنا تتابع معاه علاجه وأنا معاكم وقت ماتحتاجوني بإذن الله ..
مينا(بصله بإبتسامة) أيوة بإذن الله تسلم ياعباس (وطلع الروشتة من جيبه وبص لأدم) الحقن دي عندك ف الشركة يا أدم لان الدكتور بيقول إنها صعب تكون متوفرة في أي مكان فقولت أسألك ..
أدم(مسك الروشتة وقرأها وبص لمينا) هيا فعلاً الحقن دي مش متوفرة ياخالو غير ف أماكن معينة لانها مستوردة أصلاا ومش بتيجي دايماً بس ماتقلقش هيا موجودة في الشركة بكرة باذن الله هجيبها لحضرتك ..
مينا(بتنهيدة إرتياح وبصله بإبتسامة) بإذن الله ياحبيبي الحمدلله إنها موجودة كنت قلقان جداً ..
أدم(بص لمينا بإبتسامة ورجع بص لحاتم وحط إيده علي كتفه وبإبتسامة) الله معك !!
حاتم(بصله بخوف) وإنت كده بتطمني صح!!
أدم(بإبتسامة) هتعدي بإذن الله وتبقي زي الفل وتخلص من التعب والشكشكة دي كلها ..
حاتم(بإبتسامة خوف وتوتر) يارب ..
سليم(فجأة بضحكة وهزار علشان يغير الجو) بقولكم إي ماتيجو نأخد بعضنا كده ونروح الأوضة نلعب بلاستيشن بدل قعدتنا دي ..
(قاموا الشباب وأخذوا حاتم معاهم علشان ينسوه تعبه وخوفه من العلاج وراحوا الأوضة يلعبوا ورنا باصة علي حاتم بحزن ودموع مكتومة)
هايدي(بحزن وطبطبت علي إيديها) هيبقي كويس بإذن الله يارنا ماتقلقيش ..
رنا(بدموع) يارب ياهايدي يارب..
(مينا بص عليها بتنهيدة حزن وبص للرجالة وكمل كلامه وهايدي ودينا قعدوا مع رنا بتكلموا وسلمي أخدت فريدة وسارة وطلعوا أوضتها)
...............................................................................................
(تاني يوم عند حاتم اللي كان في أوضته وقاعد علي سريره وسرحان شوية ودخلت عليه رنا بعد ماخبطتت )
رنا(وقعدت جنبه) حاتم حبيبي عامل إي!
حاتم(إتعدل وقعد علي السرير وبص لمامته بإبتسامة تعب) الحمدلله ياماما كويس ..
رنا(بإبتسامة) أومال قاعد سرحان ليه مش بتقعد مع أخواتك ليه ياحبيبي !
حاتم(بتعب) مافيش ياماما بس جسمي واجعني وكنت عاوز أنام شوية ..
رنا(بصتله بإبتسامة وقامت جابت الحقن) طيب قوم يللا علشان تأخد علاجك وتنام براحتك..
حاتم(بخوف) لالا مش عاوز حقن ياماما ..
رنا(بصتله) ماينفعش ياحاتم ماينفعش ياحبيبي علشان تبقي كويس يللا مش هتحس بحاجة ..
حاتم(بدموع وخوف) علشان خاطري ياماما مش عاوز حقن رنا(بتنهيدة)ياحبيبي كده صحتك مش هيحصل فيها تحسن وهتفضل تعبان وجسمك واجعك
حاتم(بعياط وخوف) والله جسمي واجعني ومش هستحمل الحقنة دي وأنا سمعتكم وإنتو بتتكلموا إن الحقنة تقيلة مش هستحملها والله صدقيني ..
رنا(بصتله بتنهيدة وصعب عليها حطت الحقنة مكانها وسكتت قطع كلامهم خبط علي الباب ودخول عمر قرب من حاتم وقعد جنبه وبص لرنا)
عمر(بص لرنا) ها ياماما أخد علاجه؟! (حاتم بص لعمر بتوتر وخوف وبص لمامته بمعني قوليله أيوة ,, رنا بصت لحاتم ورجعت بصت لعمر بتنهيدة وقامت خرجت برا الأوضة)
عمر(بص لحاتم بإستفسار) مالها ماما فيه إي؟!
حاتم(بتعب) مافيش ..
عمر(بإستغراب) طيب إنت أخد علاجك صح!!
حاتم(بصله بتوتر وخوف) أي.. أيوة أخدته ..
عمر(بإبتسامة) ماشي ياحبيبي بالشفا يارب يلاا نام شوية علي أما بابا يجي من الشركة وهصحيك علي العشا علشان نتعشي سوا بإذن الله ..
حاتم(نام علي السرير بتعب) حاضر (حاتم نام علي السرير وعمر فضل جنبه لحد ماراح في النوم إطمن عليه وسابه وخرج)
...................................................................................
(بالليل عند مينا اللي جه من الشركة ودخل الأوضة لقي رنا قاعدة علي السرير قرب منها)
مينا(بإستغراب) رنا مالك
رنا(بإبتسامة حزينة) مافيش ياحبيبي حمدلله علي السلامة
مينا(بإبتسامة) الله يسلمك ياحبيبتي
رنا(بإبتسامة) يللا غير هدومك علي أما أروح أجهز الأكل علشان نتعشي سوا
مينا(بتذكر) آه صحيح أدم جاب الحقن بتاع حاتم هو أتصل عليا وقالي إنه هيجيبهم البيت
رنا(بهدوء) أيوة جابهم ياحبيبي
مينا(بإستفسار) طيب وحاتم أخد علاجه
رنا(بتوتر) ها أي.. أيوة أخده ونام علي طول هروح أشوفه يصحي يتعشي معانا (وخرجت بسرعة وسابته)
مينا(بتنهيدة وصوت مهموس) يارب اللي بفكر فيه مايكونش صح يارناا(شوية وخرج مينا لقاهم كلهم متجمعين علي السفرا راح قعد مكانه )
مينا(بصلهم بإستغراب) فين حاتم!!
رنا(بصتله بإبتسامة) عمر طلع يصحيه شوية وهينزلوا(شوية وعمر وحاتم نزلوا وكان باين علي حاتم التعب والإرهاق عن الأول ومش قادر يمشي وده خلي مينا يشك أكتر إنه ماأخدش علاجه)
مينا(بص لحاتم بإبتسامة) عامل ايه ياحبيبي!
حاتم(بتعب) الحمدلله يابابا..
مينا(بإستفسار) حسيت بتحسن شوية لما أخدت العلاج!!
حاتم(بص لرنا ورجع بص لمينا بتوتر) أي.. أيوة الحمدلله..
مينا(بص لرنا ورجع بص لحاتم) يعني أخدت العلاج بجد! أومال مالك حاسس إنك تعبان عن الأول ليه!
حاتم(بتوتر وخوف وتعب باين عليه) هبقي كويس دلوقتي يابابا ماتقلقش..
مينا(بجدية) طيب كُلوا يلا ونكمل كلامنا بعد الأكل (قعدوا يأكلوا وسط خوف حاتم وتوتر رناا ومراقبة مينا ليهم هما الإتنين شوية وخلصوا أكل وراحوا قعدوا في الصالة)
مينا(بجدية وبص لرنا) ها يارنا حاتم أخد علاجه بجد يعني ماضعفتيش قدامه(رنا بصتله بتنهيدة وسكتت)
مينا(بص لعمر وسليم بجدية) خدوا حاتم علي أوضته وشوية وهنجيلكم ..
عمر(بهدوء) حاضر يابابا..
مينا(بص لرنا وبزعل منها) بتكذبي عليا من أمتي يارنا ! وبعدين مش قولتلك جمدي قلبك وماتضعفيش يعني هو لما يتعب وحالته تسوء أكتر هنفرح إحنا وقتها..
رنا(بدموع) أنا قولتلك إني مش هعرف أعطيله علاجه ومش هيون عليا إني أوجعه وهو أصلاً بيتوجع وتعبان لوحده ..
مينا(بجدية وقام وقف) ماشي يارنا أنا هتصرف وهخلي عباس أو أدم أو أي حد يعطيله علاجه المهم قومي معايا إعطهاله دلوقتي لإن باين عليه التعب جداً (طلع مينا أوضة حاتم ورنا معاه دخلوا ولقوا حاتم قاعد علي السرير وباين عليه الخوف وإخواته قاعدين حواليه)
مينا(راح قعد جنب حاتم وبحنية) يللا ياحاتم علشان تأخد علاجك علشان تبقى كويس
عمر: هو مأخدش علاجه
مينا: لا ياعمر لسه مأخدوش
عمر: والله كنت حاسس بكده
مينا:( مسك ايد حاتم بحنيه) هو هياخده دلوقتى وهيبقى كويس
حاتم(بخوف ودموع) لالا يابابا بالله عليك مش عاوز حقن والله جسمي واجعني ومش قادر
مينا(مسحله دموعه وبإبتسامة) ماجسمك بيوجعك علشان ماأخدتيش علاجك يللا قوم لما تأخد الحقنة هتبقي كويس
حاتم(بخوف ودموع) لا أنا هبقي كويس من غير حقن بالله عليك يابابا(في الوقت ده كانت رنا طلعت الحقنة وجهزتها وسط حزنها ودموعها علي تعب وخوف إبنها وقربت منهم حاتم بصلها وبص لمينا)
مينا(مسكه جامد وأخذه في حضنه وبحنية) إهدا خالص شكة بسيطة وهتخلص ماتتحركش علشان الحقنة ماتتكسرش(بدأت رنا تعطيله الحقنة وسط توجعاته ودموعه)
حاتم(بدموع) آآآآآآه كفاية بقي ياماما شيليها آآآآه
رنا(بدموع وحزن) خلاص ياحبيبي إهدا خلصت أهو (خلصت رنا الحقنة وشالت السن ودلكت مكانها شوية ومينا عدله علي السرير تاني)
مينا(مسحله دموعه) خلاص ياحبيبي خلصت يلا بقي نام إرتاح شوية وهتبقي كويس بإذن الله حاتم(بصلهم كلهم بدموع وعينه حمرا من العياط وغمض عينه وسكت)
رنا(بقلق) حاتم ياحبيبي إنت كويس!
عمر(بصلها بحزن) ماتقلقيش ياماما تلاقيه بس تعب من العياط وشوية وهينام
مينا(بصلهم بجدية) طيب يلاا علشان مانعملش دوشة جنبه هو شكله نام أصلا ويلا كل واحد علي أوضته الوقت إتأخر (وبص لعمر) خليك جمب اخوك ولو حصل اى حاجه قولى على طول
عمر: متقلقش يا بابا انا جمبه
مينا: تصبح على خير يا حبيبى
عمر: وانت من اهل الخير يا بابا (كلهم خرجوا راحوا يناموا ومينا ورنا إطمنوا علي حاتم إنه نام وسابوه وخرجوا وسط حزنهم عليه ,, عمر بص لحاتم وتنهد وعدل الغطا عليه ونام جمبه)
............................................................................................
عند مروان الى راجع البيت متأخر بيقدم رجل وبيأخر التانيه
مروان:(فى باله) انا كده هتاخر زياده طول ما انا بتلكع كده هدخل بقا وامرى الى الله (دخل مروان لقى دينا ومحمد سعد ويحيى موجودين وساره واقفه فوق بصلهم كلهم وقرب منهم وكمل كلامه بتوتر) مساء الخير
محمد سعد:( قام وقف) لا مساء يا مروان داحنا الساعه 2 فى الوقت ده بنقول صباح الخير مش مساء الخير
مروان:(بص لابوه) طيب صباح الخير
دينا:(بنرفزه) ده بيهزر (وبصوت عالى) انت كنت فين ياله لحد دلوقتى
مروان: انا كنت عند حاتم
محمد سعد:(وهو بيهزر راسه بمعنى ماشى) طب انا عمرى ما علمتك تكذب ,, كنت فين يامروان
مروان: والله كنت عند حاتم
محمد سعد:(بعصبيه) ماحنا عارفين انو كنت عند حاتم وخرجت من عنده الساعه 10 كنت فين بقا لحد دلوقتى
مروان:(بتوتر) وانا راجع شفت اصحابى وقعدت معاهم شويه ولعبنا كوره والوقت سرقنا ومحستش بالوقت والله العظيم
محمد سعد: يعنى كنت فى النادى
مروان: ايوه والله العظيم
محمد سعد: طب مقولتلناش ليه
مروان: والله انا كنت جاى على الساعه 12 بس محستش بالوقت
محمد سعد: بما ان انو دى غلطه انت معملتهاش من زمان هعديهالك المره دى بس بعد كده مش هعدى ماشى لم تحب تتاخر بره فى تليفون تقول انك هتتاخر متسبناش هنا على اعصبنا كده (دينا بصه لمحمد بضيق واستغراب من طريقته ,, كمل محمد كلامه) اتفضل اطلع على اوضتك (مروان اتحرك خطوتين
دينا:(بصوت عالى) استنى يا مروان (مروان وقف مكانه وبصلها ,, دينا بصت لمحمد وكملت كلامها) هو ده الى ربنا قدرك عليه مكررهاش تانى
محمد سعد: اومال عايزين اعمل ايه يا دينا
دينا: تعمل زى اى اب ابنه بيتاخر بره تفوقه للغلط الى بقا بيعمله
محمد سعد: انت عايزانى اضربه
دينا: هو كبير على الضرب
محمد سعد: اضربه ازاى ده بقا طولى
مروان:(بص لدينا وقرب منها) يا ماما انا اول
دينا:(مقاطعه لمروان بقلم على وشه وبصوت عالى) انت تخرص خالص ومتتكلمش انت فاهم
محمد سعد:(بصدمه) ايه الى عملتيه ده يادينا
دينا: طالما انت مش عارف تربيه بربيه انا
محمد سعد: مش عارف اربيه ,, دينا انتى مفهموك عن التربيه غلط
دينا: انت الى مفهومك عن التربيه غلط انت الى بدلعهم زياده عن اللزوم لحد ما هيبقة بايظين وانت هتبقى السبب
محمد سعد:(بصدمه من كلامها) انا السبب فى انهم هيبقو بايظين
دينا:(بزعيق) اه انت السبب انا لولايا انا على العيال دى كانو بايظين بس انا الى وقفلهم وانا الى هقفلهم فى كل حاجه وانت خليك كده زى مانت مالكش فى اى حاجه
محمد سعد:(بص لعياله وبص لدينا بصدمه) انت شكلك كده بدأتى تخرفى ومش عارفه انتى بتقولى ايه
دينا: لا عارفه انا بقول ايه
محمد سعد: ماشى يا دينا اهم عندك ربيهم بمعرفتك وانا كأنى موت او رحت فى داهيه (وسابهم ومشى)
يحيى ومروان:(جريو وارء ابوهم) بابا ,, بابا استنى بس انت هتروح فين يا بابا (طلع محمد ركب عربيته ومشى من البيت يحيى ومروان بصو لبعض وتنهدو ودخلو كانت دينا طلعت اوضتها)
يحيى: عجبك كده يا مروان
مروان:(بزعل) عاجبنى فى ايه يعنى (وسابه وطلع اوضته يحيى تنهد وقعد يستنى ابوه يرجع)
.............................................................................................
(بالليل في بيت عباس ظهرت هايدي قاعدة وحاسة بقبض قلب وخايفة دخل عليها عباس بعد ماجه من المستشفي)
عباس(دخل ولقاها سرحانة وماأخدتش بالها منه) هايدي!
هايدي(فاقت من سرحانها) ها عباس إنت جيت أمتي!
عباس(بإستغراب لحالتها) من شوية إنتى مالك خير
هايدي(بقلق وخوف) مافيش بس حاسة بخوف وقبضة قلب فجأة كده ومش مطمنة ..
عباس(بقلق وقعد جنبها) ليه حصل إي!!
هايدي(بقلق) مش عارفة والله ياعباس حاسة إن حد من إخواتي فيه حاجة أو بمعني أصح محمد جه بالي فجأة كده وحسيت بقلق!
عباس(بإبتسامة يطمنها) هيكون فيه يعني ياحبيبتي تلاقيكِ بس علشان التوتر اللي حصل من موضوع حاتم وتعبه مقلقك علي إخواتك بس هما كويسين ياستي ماتقلقيش ..
هايدي(بدموع وقلق) لالا محمد فيه حاجة والله أنا قلبي حاسس أصلاً محمد أصغرنا وأنا ومينا اللي يُعتبر مربينه وبنحس ببعض دايماً..
عباس(بقلق) طيب إهدي بإذن الله خير ..
هايدي(بدموع) أنا عاوزة أكلمه رن عليه أطمن عليه..
عباس(بهدوء) هايدي حبيبتي إحنا الساعة خلاص داخلة علي 3يعني بقينا الفجر ماينفعش نرن دلوقتي خالص هنقلقه ونقلق البيت كله إهدي كده للصُبح وهكلمهولك وتتطمني عليه ..
هايدي(بقلق) طيب كلم مينا ممكن يكون عارف حاجة أو كده؟!
عباس(حضنها وبتنهيدة) ياهايدي ياحبيبتي بطلي تقلقي نفسك علي الفاضي وبعدين مينا أكيد نايم لقاعدين مع حاتم لأن أول جُرعة من علاجه كانت النهاردة وأكيد تعبهم لما خد علاجه أصلاً ..
هايدي(بتنهيدة) ربنا يشفيه يارب ..
عباس(بإبتسامة) يارب ياحبيبتي يللا إهدي كده وقومي صلي ركعتين قبل ماتنامي علشان تهدي شوية وبإذن الله خير ماتقلقيش ..
هايدي(بصتله بدموع وقلق وسكتت)
عباس(مسك إيديها ووقفها وبإبتسامة) يللا ياهايدي يللا ياحبيبتي بإذن الله خير ماتقلقيش ..
هايدي(بقلق وقامت وقفت) يارب يارب (دخلت هايدي الحمام تغسل وشها وتتوضي علشان تصلي ركعتين تهدي شوية وتدعي ربنا يحفظها إخواتها وعباس غير هدومه وقاعد يستناها لحد ماتخلص)
عباس(بتنهيدة وصوت مهموس) ربنا يسترها بإذن الله (شوية وهايدي خلصت وراحت علي السرير وعباس أخدها في حضنه وقعد يقرألها قرآن لحد ماهديت خالص وراحت في النوم بصلها بتنهيدة قلق وغمض عينه ونام هو كمان)
.............................................................................................
تانى يوم فى بيت مينا كان راجع من بره وسامع صوت زعيق دخل ووقف بصدمة ظهر سليم واقف وحازم واقف قدامه
سليم:(بزعيق وعصبيه) إنت بتقول إيه يا متخلف انت!!
حازم: (بتوتر) أنا بقول الى انت سمعته ..
سليم:(بعصبية وضرب حازم بالقلم جامد لدرجه إن سنانه جابت دم وبزعيق) إنت قليل الأدب (الكل حط ايده على بؤه بصدمه ومينا اتصدم من المنظر)
..................................................
ياترى هيحصل ايه ومينا هيعمل ايه وايه سبب ضرب سليم لحازم لو حابين تعرفو استنونا الحلقه الى جايه)
...................................................................
#hadeer
#rody
#hager
