#مع_مر_الزمان
#مع_مر_الزمان_14
#جزء_من_حلقه_سابقه
عمر : بس يا ماما انا كان نفسى أنا اللى اختار الانسانه اللي هتبقى شريكتي في الحياه، ومكنتش حابب اتجوز بالطريقه دى خالص
رنا : طب قولي ياقلبي هو انت بتحب حد او في واحده عينك عليها ؟!
عمر : لأ والله
رنا : طب خلاص روح شوف البنت دى ولو حسيت انك مش مرتاح معاها ننهى الموضوع، انت الكبير عندي ونفسي افرح بيك ياعمري انت
عمر (بهدوء): حاضر يا ماما
رنا : ربنا يريح بالك ياقلبي زي ما انت مريح قلبي دايما كدا، انا راحه اشوف اخواتك واروح انام بقا عايز حاجه
عمر : لا ياماما شكرا، تصبحي على خير
رنا : وانت بخير ياحبيبي (خرجت رنا من الاوضه)
عمر(تنهد بزعل وأتكلم في نفسه): يظهر اللي بتمناه مش هيحصل ابدا.. كان نفسى اتجوز عن قصه حب قبل الجواز وكلهم عارفين اني طول عمري ضد فكره الجواز التقليدى ده تماماً ، بس هو أنا متضايق ليه ؛ هقعد معاها واقنع ماما اننا متفقناش ، واكيد ماما هتقولهم أن مافيش نصيب واننا متفقناش وخلاص
#بدايه_الحلقه_الجديده
بعد ما رنا وعمر خلصو كلام رجع عمر وقعد مع الكل ورنا دخلت عملت شاى وطلعت قعدت معاهم حاتم اخد شاى ولسه هيشرب
مينا(بجدية بص لحاتم) ماينفعش تشرب شاي ياحاتم مش الدكتور قالك كده! وبعدين مامامتك عملالك عصير أهو ماتشربه ..
حاتم(بتنهيدة زهق) أنا بحبه يابابا وبعدين ماليش نفس للعصير..
عمر(بجدية) إنت الأنيميا عندك نازلة خالص ياحاتم خلي بالك من نفسك وصحتك بقي شوية..
حاتم(ساب كوباية الشاي وبصلهم بتنهيدة وسكت وكلهم باصين عليه بحُزن قطع كلامهم رن الجرس)
مينا(بص لحازم) قوم شوف مين ياحازم..
حازم(بصوت مهموس وبزهق) مافيش غير حازم في البيت ده أوووووف بقي!
مينا(بجدية) إفتح الباب وبطل برطمة ..
حازم(بزهق وقام يفتح الباب) حاضر يابابا حاضر قايم أهو
(راح حازم يفتح الباب لقي عباس اللي كان بيخبط سلم عليه ودخلوا )
محمدعباس(بإبتسامة) إزيك ياحزومة؟!
حازم(بضيق من الدلع) حزومة! أنا كويس الحمدلله ياعمو إتفضل أدخل(دخل عباس وحازم قفل الباب ودخل وراه وهو قاعد يبرطم بالكلام)
حازم(بضيق) آل حزومة آل إي الدلع الرخم ده!!
محمد عباس(دخل الصالة وسلم عليهم وقعد) معلهش إتأخرت شوية عن معاد العلاج بس كان فيه شغل في المستشفى ولسا مخلصه وجيت علي طول..
مينا(بإبتسامة) ولايهمك ياعباس ربنا يعينك ..
محمدعباس(بصله بإبتسامه) يارب يامينا (وبص لحاتم اللي ساكت من ساعتها) مالك ياحاتم ساكت ليه! مستعد لعلاجك ولاإي!
حاتم(بصله بخوف وخنقة وضيق وهز رآسه بمعني أيوة وسكت)
محمدعباس(بإستفسار) ومالك متضايق ليه كده!
حاتم(بصله بتنهيدة خوف وزهق) مافيش ياعمو أنا كويس
محمدعباس(بصله بإبتسامة) ماتخافش هتعدي بإذن الله المهم هتفضل هنا ولا هتطلع أوضتك؟!
حاتم(بزهق) لو طلعت من الوقتي هنام خلينا هنا وخلاص كده كده هأخدهم ..
مينا(بص لسليم) طيب إطلع هات علاج أخوك ياسليم
سليم(قام وقف) حاضر يابابا (طلع سليم يجيب العلاج وحاتم قاعد متوتر وقلقان وخايف من الحقن بس مش بيتكلم بس هما حاسين بيه شوية ونزل سليم ومعاه الحقن وإعطاها لعباس وبدأ يجهزها وسط متابعة حاتم له وخوفه خلص عباس تجهيز الحقن وراح قعد جنبه)
محمدعباس(خلص تجهيز الحقنة وراح قعد جنبه) هات إيدك ياحاتم علشان نعمل الإختبار ..
حاتم(بصله بخوف) الإختبار ده بيبقي صعب صح!
محمدعباس(بيطمنه) لا ماتقلقش شكة زي أي شكة يلا ماتخافش ..
حاتم(بقلق) بس أنا فاكر لما حازم كان عنده اللوز وعمل العملية كان عمل الاختبار ده وإيده ورمت منه..
محمدعباس(بتوضيح) علشان كان عنده حساسية من نوع العلاج ده ودي فايدة الإختبار إننا بنشوف مناسب للجسم ولالا !!
حاتم(بقلق) طيب هو مش فيه بنج مع الحقن حطهولي مع الحقن..
محمدعباس(بتنهيدة) حاضر بس مش ف الإختبار علشان نشوف النتيجة كويس لما تيجي تأخد الحقن هحطيلك ياسيدي ها يللا هات إيدك وماتخافش ..
حاتم(إعطاله إيده بخوف) طيب ..
(بدأ عباس يدخل الإبرة في إيده ودخل شوية من مادة الحُقنة وسط توجعات حاتم شوية وخلص عباس وقعدوا شوية وبصله)
محمدعباس(بص لحاتم) ها إيدك مكان الحقنة فيها أي حاجة أو حرقان أو حكة في المكان ..
حاتم(بصله) مش عارف بس إيدي مكان الحقنة بيوجع
محمدعباس(بجدية) طبيعي ماتقلقش المهم مايكونش فيه هرش ولا حكة ولا حرقان وكلام من ده ..
حاتم(بصله بقلق) لا مافيش
محمدعباس(بجدية) تمام يبقي الحقن تمشي معاك مافيش منها مشكلة قوم بقي يلا علشان تأخدها (حاتم بصله بخوف وقلق وسكت وفضل مكانه ماإتحركش)
رنا(بصت لأبنها بحزن وقامت وقفت) طيب هروح أعمل عصير وجاية تعالي معايا ياسلمى (قامت رنا وسلمي دخلوا المطبخ ومينا بص لحاتم بتنهيدة وراح قعد جنبه)
مينا(بتنهيدة وراحله) يلاا ياحاتم قوم علشان تخلص من الحقن والشكشكة دي..
حاتم(بصلهم بخوف) مش عاوز حقن يابابا والله تعبت من الشكشكة دي..
مينا(بإبتسامة يطمنه) معلهش بقي علشان تبقى كويس ..
حاتم(بص للحقن في إيد عباس) طيب هما إتنين ليه!!
محمدعباس(بجدية) ده علاجك ياحاتم يللاا قوم بقي وماتخافش
حاتم: طب فين البنج انت ليه محطتوش
محمدعباس: لا مينفعش يتحط بنج انا هحطه على قطنه وهمسح مكان ماهدخل السن بس (قام حاتم ووقف قدام عباس وعباس كل أما يقرب منه يبعد ويتحرك ويقوله إستني)
محمدعباس(بتنهيدة وبصلهم) حد يجي يمسكه علشان نخلص لأن الحقن كده هتبوظ ..
مينا(بجدية وزعيق) مافيش حد هيمسكه هو لسا صغير يللا ياحاتم أقف بقي علشان تخلص (وبص لحازم بعصبية) وإنت كمان قاعد كده ليه قوم يللا مش وراك مذاكرة يلا إتفضل (حازم طلع علي أوضته وحاتم بص لعباس وإخواته ورجع وبص لباباه بحُزن ومينا بصله بتنهيدة وسكت عباس قرب منه وبدأ يعطيله الحقن وسط توجعاته)
حاتم(بتوجع) آآآآه آآآآآآه شيلها بقي ياعمو عباس آآآه
محمدعباس(شال الحقنة الاولي وإعطاله الحقنة التانية على طول) خلاص إهداا هخلص أهو ماتتحركش ..
حاتم(بتوجع) آآآآه آآآآآآه خلاص بقي
محمدعباس(شال السن ودلك مكانها شوية وبصله) خلاص خلصت بالشفا يارب
رنا(جت من المطبخ وقعدت جنبه بدموع) ألف سلامة عليك ياحبيبي ..
حاتم: (بتوجع) هو انا ليه حسيت بالوجع البنج معملش حاجه
محمدعباس: علشان البنج الموضوعى مبتحسش بالسن بس
حاتم: المره الى جايه حط بنحج مع العلاج
محمدعباس:(بصله بجديه)مينفعش يا حاتم(بضحكة وهزار) إنتو متعبين أوي والله ياولاد مينا المفروض الواحد يكون موجود قبل معاد العلاج بساعة ع الأقل
مينا(بصله بإبتسامة) معلهش بقي ياعباس تعبناك معانا..
محمدعباس(بإبتسامة) ماتقولش كده يامينا هما ولادي زي ماهو ولادك ربنا يجعله بالشفا يارب ..
مينا(يتنهيدة تعب) يارب يارب
محمدعباس(قام وقف) يلا بقي هستأذن أنا علشان إتأخرت وهبقي أكلمك أطمن علي حاتم بإذن الله..
مينا(بإبتسامة) بإذن الله (مشي عباس ومينا بص علي حاتم اللي قاعد ساكت وباين عليه الوجع من الحُقن بتنهيدة حُزن)
مينا(بص لعمر وسليم) خدوا أخوكم فوق علي أوضته علشان يرتاح وينام وإنتو ناموا انتو كمان يللا
(طلع عمر وسليم مع حاتم علي أوضته ومينا بص لرنا بتنهيدة تعب وسكت )
رنا(بحزن) ماكانش ينفع تزعقله قدام حازم وإخواته كده وبعدين هو كتر خيره إتبهدل حقن وشكشكة يعني خوفه وتعبه خارج عن إرادته ..
مبنا(بتنهيدة حُزن) عارف يارنا بس ماكانش هيأخد الحقن طول ماهو بيتحرك وراعب نفسه كده
رنا(بحزن) يلاخير ربنا يشفيه يارب ..
مينا(بتنهيدة حُزن علي إبنه) يارب يللا نقوم ننام إحنا كمان الوقت إتأخر ..
(قامت رناا ومينا طلعوا أوضتهم وناموا علي طول من تعب اليوم)
.................................................................................................
تانى يوم على الفطار الصبح
مالك:(نازل من فوق) آدم ,,آدم (وقرب منه وحط ايده على جبينه) عامل ايه انت كويس
آدام:(بأستغراب) فى ايه هو حد قالك انى تعبان
مالك: انا خفت عليك الحقنه تكون عملتلك حاجه
فريده: بارد
آدم:(بص لمالك) لا انا كويس وهيا فريده شاطره اصلا
فريده: ربنا يخليك ليا يا أبيه انت الى ناصفنى
محمد عباس: شوفت اختك واحترمها انما انت
مالك(قعد معاهم) فى ايه بس يا بابا هو انا قولت ايه بس زعلك
محمد عباس: احترم فرق السن بينك وبين اخوك
مالك:انت عايزنى اقول لآدم يا ابيه
هايدى: وليه لا
مالك: وليه اه
محمد عباس: عو هو كبير عنك بكتير
مالك:(بص فى طبقه) لا انا اتعود اقوله آدم بس
آدم: عادى يا بابا انا مش زعلان
هايدى: بس لازم يعملك احترام
آدم: عادى يا ماما هو بيحترمنى بردو
مالك:(بص لآدم) بس مقولتليش اخبارك ايه بردو
آدم: لس ياله وكل وانت ساكت (فريده بصتله بغيظ وتنهدت واكلت ولكل فطر وهو ساكت)
..................................................................................
في النادي ظهرت رنا و عمر راحوا في الميعاد اللي رنا كانت متفقه عليه مع العروسه ومامتها
عمر(بصوت مهموس لرنا): هي هتفضل باصه في الارض كدا كتير انا مش شايف وشها
رنا (بابتسامة بسيطه وهمس): استني هنقوم ونسيبكوا مع بعض لوحدكوا (و بصت لمامت العروسة) بقولك ايه يا سوزي تعالي نقعد انا وانتي على ترابيزه تانيه عشان ياخدوا راحتهم في الكلام مع بعض وكمان انا وانتي نتكلم براحتنا
سوزي : ماشي يلا بينا (و قاموا الاتنين انتقلوا على ترابيزه تانيه)
عمر : ممكن ترفعي وشك عايز اشوفك (رفعت وشها بهدوء و انبهر بجمالها و رقتها ، كمل كلامه)اسمك ايه؟
هنا : اسمي هنا
عمر(بابتسامه بسيطه وأتكلم في نفسه): حتى اسمك وصوتك رقيق زيك (وكمل كلامه) انا اسمي عمر ٣٠ سنه ظابط قوات خاصه عندي اربع اخوات وانا الكبير بتاعهم اظن كدا قولت كل حاجه عني ، ممكن تعرفيني عليكي اكتر بقا
هنا : هنا ٢٤ سنه خريجة هندسه و انا وحيدة ماليش اخوات
عمر : ايه رأيك فيا يا هنا
هنا(بكسوف): رأي فيك في ايه ؟!
عمر : يعني شكلا و المواصفات وكدا
هنا : كويس
عمر(بابتسامه) : كويس بس ! طب موافقه عليا؟!(هنا اتكسفت وبصت في الارض من غير رد)
عمر : اعتبر دا رد ، طب خلاص هنادي لماما واقولها على ردك
هنا(بسرعه وتوتر): ردي اللي هو ايه ؟
عمر(بخبث): مش انتي رفضتي ؟!
هنا : بس انا مرفضتش والله
عمر : يعني افهم انك موافقه(هنا اتكسفت ومردتش)
عمر(ابتسم): هبلغهم الموافقه ، في حاجه تانيه عايزه تعرفيها أو تسأليني عليها (هنا هزت دماغها بمعنى لا)
عمر : هنادي لماما نعرفها الرأي عشان لازم نمشي عشان راجع شغلي بليل بإذن الله
..........................................................
(عند أدم في الشركة بتاعته ظاهر واقف وسط الشركة وكان موجود الدكاترة الصيادلة اللي شغالين في الشركة وباين عليه العصبية وصوته بيرجّ في الشركة)
أدم(بعصبية شديدة) دي شركة أدوية مش هزار ولعب عيال يعني أي غلطة ممكن تموت كتير من أرواح الناس اللي مستأمنينكم علي أرواحهم وإنتوا ولا علي بالكم ومهملين ومستهزرين ولولا إني براجع كل الورق بنفسي كانت تركيبة الدوا إتعملت غلط وروحنا في داهية كلنا لو فضلتوا في إهمالكم ده أنا هستغني عنكم كلكم فيه ناس ممتازة في البلد كتير ومش لاقين ربع الفُرصة اللي إنتوا فيها فــ ركزوا وحافظوا على مكانتكم في الشركة لأن بعد كده معدش فيه لفت نظر أي حد هيغلط ولو غلطة صغيرة هيترفد علي طول والرفد من شركة كبيرة زي شركتنا يبقي مافيش أي شركة تانية هتقبل تشغلكم من بعد شركتنا سامعين ..
ياريت ألاقيكم بعد كده منتبهين أكتر وهمكم على الشغل وبلاش إستهتار ..
(خلص أدم كلامه ودخل المكتب بتاعه وسط عصبيته وضيقه وحاسس إن عفاريت الدنيا كلها بتتنطط في وشه قعد شوية خلص فيه الورق والحاجات اللي بايظة وسط عصبيته ونرفزته بس علشان مايركنش حاجة ويتراكموا عليه شوية وخلصهم وأخد موبايله من علي المكتب بتاعه وخرج من الشركة وراح البيت)
...................................................................................
(في بيت محمدسعد ظهر قاعد هو ومروان بيتفرجوا على الماتش)
محمدسعد(بصوت عالي) مش بقولك يابني بدل محمدصلاح نزل يبقي فريقه لازم يكسب
مروان(بضحكة) وهو أنا قولت إي يعني! ما أنا نفسي يبقي أحسن واحد هناك..
(قطع كلامهم ومشاهدتهم وحماسهم للماتش دخول دينا وهيا باين عليها القلق شوية وإتحول قلقها لصدمة وضيق)
دينا(بضيق) أنا فكرت فيه خناقة وف الأخر تكونوا بتشوفوا ماتش نفسي أعرف بتستفادوا إي من حرقة الدم دي!!
محمدسعد(بصلها بضحكة) إعمليلي قهوة يادودو علشان مصدع ..
مروان(بضحكة) وأنا كمان نسكافيه ياماما لوسمحتِ ..
دينا(بضيق وبصوت عالي) صبرني يارب ما أنا مش بأخد منهم غير طلبات وبس (وسابتهم ومشت)
محمدسعد(بص لمروان بضحكة) أنا بفكر أتجوز ياض يامروان شوفلي بنت من سنك كده علشان تدلعني..
مروان(بضحكة) إي ياحجوج هو أنت قادر علي ماما لما هتجيب معاها واحدة لا وكمان عاوزها صغيرة دي هتفرهدك يابوب ..
محمدسعد(بضحكة) تصدق صحيح طيب بص بقي خدها نصيحة من راجل كبير قد أبوك ماتفكرش تتجوز ..
مروان(بضحكة) عُلم ويُنفذ ياباشا ..
(قعدوا يتكلموا شوية ويهزروا مع بعض وشوية ومروان رجع أوضته يكلم حاتم على الواتس ومحمدسعد راح لدينا الأوضة)
...........................................................................................
(عند أدم اللي رجع البيت وهو باين عليه العصبية والغضب دخل من الباب قابله مالك وقربله)
مالك(بضحكة) أدومة كويس إنك جيت عايز منك طلب..
أدم(بصله وهو ساكت وهز رأسه بمعني إتكلم)
مالك(بإبتسامة) عايز عربيتك علشان خارج مع إصحابي وبابا مش راضي يجيب عربيته وبيقولي إنت عاوز تخرج وتتفسح وتأخد مني فلوس وكمان عايز العربية فقولت بقي ماليش غير أخويا حبيبي اللي هيحن عليا ويجيبلي عربيته..
أدم(بضيق) مالك إبعد الوقتي أنا مصدع ومش فايقلك الوقتي خالص..
مالك(بضحكة وهزار) طيب هات المفتاح وأنا هنزل وأريحك مني خالص..
أدم(بعصبية وزعيق) مالك قولتلك إبعد فتبعد عني وبطل عند وتخلف بقي..
مالك(بإستغراب) أنا عملت إي لكل ده علشان تزعق كده!
أدم(بعصبية) إنت معملتش ياسيدي أنا بس اللي بعمل دايماً
(عباس وهايدي طلعوا من أوضتهم على صوت الزعيق وقربوا منهم بإستغراب لان أدم نادراً لما يشوفوه متعصب كده )
عباس(قرب منهم بجدية) فيه إي!! مالكم صوتك عالي ليه ياأدم !!
مالك وأدم(بصوا لأبوهم ومافيش حد رد عليه)
عباس(بص لمالك بجدية) مش كنت نازل لإصحابك يلا إمشي علشان ماتتأخرش وخد مفتاح عربيتي أهي بس سوق براحة ..
مالك(بص لأخوه ورجع بص لباباه وخد المفتاح منه) ماشي
عباس(بص لأدم بجدية) تعال نقعد وقولي مالك! شكل عندك مشكلة وكبيرة كمان بدل متعصب كده ..
أدم(قعد جنب أبوه وبصاله بتنهيدة تعب وغضب وحكاله كل اللي حصل في الشركة) بس ده كل الموضوع ..
عباس(بتنهيدة راحة) طيب الحمدلله إنك لحقت المشكلة قبل ماتحصل أهي يعني مافيش مشكلة ولاحاجة الحمدلله ..
أدم(بتعب ونرفزة) المشكلة إني مابقاتش أثق في كل اللي بيشتغلوا في الشركة يابابا وبعد كده هفضل حاسس إنهم بيغلطوا وهيغلطوا ..
عباس(بإبتسامة) لا بإذن الله كل حاجة هتبقي تمام أنا واثق فيك وفي قدراتك وإنك هتكون قد المسئولية الكاملة لمكانك وشركتك ..
أدم(بتنهيدة) بإذن الله يابابا ..
عباس(بعتاب) وصالح مالك لانك زعقت فيه جامد وهو مالوش ذنب ومش فاهم أصلاً إنت بتزعقله ليه مع إني متأكد إنه أصلاً مش زعلان لانك بالنسبة له أكتر من أخ ومش بيزعل منك..
أدم(بتنهيدة حُزن) ماكانش قصدي والله يابابا بس حاضر بإذن الله لما يجي لو كنت صاحي هصالحه ولو نمت يبقي الصبح بقي بإذن الله ..
عباس(بإبتسامة) بإذن الله ياحبيبي ربنا يبارك فيكم ويديمكم لبعض وسند لبعض
أدم(بإبتسامة) يارب يابابا ويباركلنا في حضرتك إنت وماما
عباس(بضحكة) يلا قوم نام شكلك فاصل شحن خالص..
أدم(قام وقف وباس إيد أبوه) ماشي يلا تصبح على خير يابابا
عباس(بإبتسامة) وإنت من أهل الخير ياحبيبي
(دخل أدم أوضته يغير هدومه ويرتاح وعباس تنهد وقام دخل لأوضته)
..................................................................................
كلهم متجمعين تحت وعمر نازل ومعاه الشنط
مينا:(بص لسليم)قوم ساعد اخوك (سليم قام ونزل الشنط مع عمر )
عمر:(بص للكل) انا همشى دلوقتى
حازم: طب خليك للصبح هتمشى بالليل كده
عمر: علشان ابدأ شغلى الصبح يا حازم
مينا: طب ياعمر خلى بالك من نفسك
عمر: ماشى يا بابا متقلقش بس انتو خلو بالكو من حاتم
مينا: متقلقش عليه
عمر:(راح لحاتم) خلى بالك من نفسك ومتقلقنيش عليك
حاتم: متقلقش يا عمر انا كويس
عمر:(حضنه وراح لسلمى) خلى بالك من نفسك
سلمى:(بدموع) وانت كمان خلى بالك من نفسك وكلمنا على طول
عمر:(حضنها) بأذن الله (سابها وراح لحازم) خلى بالك من نفسك يا حازم
حازم: وانت كمان يا ابيه خلى بالك من نفسك
عمر:(اخده فى حضن) ماشى (وسابه وراح لسليم)
سليم: انت مصمم انى موصلكش
عمر: هتوصلنى لفين بس منا عمشى بالعربيه
سليم: عمشى معاك شويه
عمر: لا علشان الجو بره ساقعه ,, المهم بس خلى بالك من نفسك ومن علاج حاتم ومتسبهوش لوحدو
سليم: متقلقش يا عمر خلى بالك نت من نفسك
عمر:(حضن سليم وراح لرنا) هو انا كل ما اجى وامشى هتعيطى كده
رنا:(بدموع)مش عايزاك تمشى
عمر:(مسك ايده امه وباسها) ولا انا عايز امشى بس ده شغلى ,, ماما انا بقلق عليكى لم بتعيطى كده بالله عليكى خلاص بقا
مينا:(راح لعمر) متقلقش يا عمر هيا حبه وهتفوق
عمر:(تنهد وبص للبباه وحضنه) طب خلى بالك منها
مينا: خلى بالك انت من نفسك وكل ما يجيلك فرصه كلمنا
عمر: ماشى حاضر (وبص للكل وتنهد واخد شنطه وطلعو وصلوه لحد العربيه الى هيمشى بيها وسلم عليهم كلهم تانى وسابهم وركب العربيه والكل عيط وهو ماشى بس مينا فضل ماسك نفسه)
.....................................................................................
عند آدم الى راح لمالك الاوضه بتاعته
آدم: مالك (مالك بصله وبص الناحيه التانيه ,, آدم راح قعد جمب مالك) انت لسه زعلان منى
مالك: اه زعلان علشان انا معملتش حاجه
آدم: طب مش تعذر الى انا فيه جاى من بره ومضايق ومخنوق مش لازم تعذر وبعدين انا كنت متعصب من حاجه ف الشركه وانت ملكش زنب اصلا بس طلعت فيك بقا، وانت المفروض تستحملني اصلا
مالك: احنا مالناش دعوه بالى بره سيب مشاكلك بره ولم تيجى البيت تيجى بمزاج رايق حتى لو عندكمشاكل مطلعش ضيقتك على الى حواليك
آدم: معاك حق انا اسف انى زعلتك بس بردو انا شغلى فيه ارواح ناس والغلط فيه بحساب
مالك:(بصله) طب انت كويس
آدم: كوبس ,, المهم انك مش زعلان منى
مالك: لا مش زعلان منك ومش بعرف ازعل منك اصلا
آدم: يا راجل
مالك:( بص لآدم) انت مش عايزنى ازعل منك
آدم : اه
مالك:طب بما انك بتصالحني بقا ومش عايزنى ازعل منك جيبلي مفتاح عربيتك يومين كدا
ادم:(برفع حاجب وقف) لو زعلان اتفلق يااخويا آل مفتاح العربيه آل
مالك:(بصله بزعل) خلاص انا زعلان ومش مصالحك بس كده (آدم بصله ورجعله تانى ومسك المخده ونزل فيه ضرب وفضلو يهزرو مع بعض لحد ما تعبو
آدم:(حضن مالك) متزعلش (مالك حضنه تانى آدم تنهد وساب مالك وخرج )
.......................................................................................
بعد اسبوع فى اوضه رنا ومينا ظهرو نايمين تليفون مينا رن
رنا:(فتحت عنيها وبصت على التليفون لقيت رقم غريب بصت لمينا) مينا ,, مينا قوم موبيلك بيرن برقم غريب
مينا:(فتح عينه وقام) مين بيرن دلوقتى
لرنا: (ادته التليفون) افتح وانت تعرف
مينا:(اخد منها التليفون وفتح على المتصل) الو مين .......................(مينا كمل كلامه بصدمه) انت بتقول ايه (بص قدامه بصدمه (لو حابين تعرفو الى حصل استنونا الحلقه الى جايه
#hadeer
#rody
#hager
