#مع_مر_الزمان
#مع_مر_الزمان_5
#جزء_من_حلقه_سابقه
محمد سعد: ماتشوف الرقم الى بيكلموك منه يا مينا ونديه للشرطه وترقبه
مينا: فكرت فى كده بس لقيت انو كل مره بيكلمونى من رقم من شكل
محمد عباس: طب مقر شركتهم فين
مينا: هو انا اعرف هما مين اصلا علشان اعرف اروح مقر شركتهم يا محمد
رنا:(بعصبيه لمينا) انت هتفضل تبعد عن كل حاجه ,, كل ما يجيلك خيط هتبعد عنه ,, اومال هتمشى وراء ايه
مينا: (بيحاول يهدا) رنا اهدى يا حبيبتى احنا بنحاول نفكر صح (فجأه جرس الباب رن قامت سلمى تفتح )
سلمى:(مسحت دموعها وراحت وفتحت وبصت بصدمه) ابيه عمر
عمر:(جرى على مينا) فى ايه يابابا حاتم فين وحصله ايه ومين خطفه (الكل بصوا لبعض باستغراب هو عرف منين)
#بدايه_الحلقه_الجديده
(في بيت مينا ظهروا كلهم قاعدين في الصالة ورناا بتعيط جري الباب رن راحت سلمي تفتح الباب لقت عمر)
سلمي:(بتمسح دموعها وبصدمة) أبيه عمر!
عمر:(دخل بسرعة لأبوه ووقف قدامه) بابا حاتم فين وإتخطف إزاي ومين اللي خطفه (كلهم بصوله بإستغراب عرف إزاي ومين قاله علي موضوع حاتم)
مينا:(بصله بصدمة وإستغراب) عمر ! مين قالك وعرفت إزاي!
عمر:(بصله بزعل) يعني مش كنت عاوزني أعرف يابابا يعني ماكونتيش ناوي تعرفني أصلاً
مينا:(بص لحازم بشك) إنت اللي عرفت أخوك ياحازم صح !
حازم:(بتوتر بص لعمر ورجع بص لباباه) هو اللي ضغط علياا يابابا وأنا ماكونتيش هقوله !
مينا:(هيصله بضيق وعصبية) إطلع علي أوضتك مش طايق أشوفك الوقتي(حازم بصلهم كلهم بإحراج وبص لأبوه بزعل وطلع بسرعة علي أوضته)
عمر:(بزعل) هو حازم غلط في إي يابابا .. ليه مش عاوزني أعرف هو حاتم مش أخوياا حتي بحُكم شغلي كنت هساعد علي إني ألاقيه بسرعة (وبص لمامته بزعل) وإنتِ ياماما من أمتي وانتي بتخبي علياا من أمتي وإنتي بتخبي علي عمر ياماما ليه ماقولتليش وأنا كل شوية أقولك مالك ياماما أنا قلبي حاسس إن فيه حاجة بس إصراركم علي إن مش فيه حاجة وإنكم كويسين طمنّي إلي حدما شوية! (وبص لسليم أخوه بزعل) أنا حتي كل أما أكلم سليم وأساله علي حاتم يطلعلي بموضوع تاني ويغير الكلام ف لمح البصر علي فكرة أنا كنت عارف إن فيه حاجة وانتو بتكذبوا علياا بس ماقدرتيش غير إني أصدقكم وأصدق إن مافيش حاجة فعلاااً بس للأسف قومت علي كابوس وهو إن حاتم إتخطف أخويااا واللي بعتبره إبني مش بس أخويا إتخطف لاا وبقاله خلاص داخلين ف الأسبوع مش يوم ولايومين ..
مينا:(بصله بزعل) أنا ماكونتيش عاوز أقولك لان مش مستغني عن واحد كمان كفاية واحد مش عارفين عنه حاجة!
عمر:(بصله بتنهيدة زعل) بإذن الله يابابا حاتم هيرجع يابابا وأنا اللي هقوم بالمهمة دي وأرجعه ليناا ويكون وسطتناا
مينا:(بتنهيدة قلق عليه بس أخفاه وبصله بإبتسامة) بإذن الله ياحبيبي أنا عارف إن إنتي قدها وهترجع أخوك لينا ..
عمر:(بصله بإبتسامة حزن) بإذن الله يابابا (وبص للكل بإبتسامة هادية وراح سلم عليهم وراح سلم علي أمه وحضنها
عمر:(حضن أمه وبإبتسامة حزينة ومسحلها دموعها) هرجعهولك وهتشوفوه وتأخديه في حضنك وحياة دموعك دي لنتقم من للي عمل فيه كده ووجع قلوبنا فيه
رنا:(حضنته بدموع) ماتتهورش إنت كمان رجعلي أخوك من غير ماتأذي نفسك أناا مش مستغنية عنك تجيبلي واحد تضيع نفسك إنت فاهمني ياعمر فاهمني ياحبيبي
عمر:(بإبتسامة) ماتقلقيش ياماما ماتقلقيش ياحبيبتي (وبص لأبوه بجدية) المهم قولي يابابا مين اللي خطفه وليه وعاوز إي وشاكك في حد ولالا قولي كل حاجة!
مينا:(بصله بتنهيدة وبهدوء وحكاله كل حاجة من وقت تخطيطهم للصفقة لحد ماحاتم إتأخر براا والرسالة اللي وصلته) بس ومن وقتها كل شوية بتجيلي من رقم شكل ولما بتصل علي الرقم بيكون خارج نطاق الخدمة يعني ولا كأنه موجود !
عمر:(بإنتباه لكل كلمة وبتركيز) طيب أناا عاوز الأرقام اللي بعتتلك الرسايل يابابا معايااا وأنا هحل أنا الموضوع ده بإذن الله ماتقلقش ..
مينا:(بصله بقلق) هتعمل إي ماتتهورش قولت!
عمر:(بصله بهدوء) ماتقلقش يابابا لياا صاحبي شغال في شركات أتصالات وبيقدر يتفاهم مع الأرقام المشفرة عن طريق برامج بتقنيات حديثة وباذن الله في خلال 24ساعة هنكون عارفين مكان حاتم بالظبط ماتقلقش إنت بس وإبعتلي الأرقام ضروري وأن حاجة خاصة باللي الناس دي بعتهولك ..
مينا:(بص لإبنه بإبتسامة وأمل) حاضر ياعمر هبعتهوملك ربنا معاك ياحبيبي وتقدر ترجعلنا حاتم في أسرع وقت !
عمر:(بإبتسامة وهدوء) بإذن الله يابابا (وبص للكُل) معلهش ياجماعة هطلع أغير هدومي وأكلم صاحبي ده لعل وعسي يقدر يوصل لمكانه في أسرع وقت
سعد:(بإبتسامة) إطلع ياحبيبي وإرتاح شوية إنت جاي من سفر وبهدلة ربنا يقويك
عمر:(بإرهاق وبصله بإبتسامة) يارب ياعمو يارب يلاا تصبحوا علي خير (قعدوا يتكلمواا ويحاولوا يوصلوا لأي حاجة تفيدهم في الموضوع ده ودينا وهايدي قاعدين مع رنا بيهدوها طلع عمر أوضته بس وهو طالع بص علي أوضة حازم بتنهيدة ودخل يشوفه)
..................................................................................................
(عند عمر اللي دخل لحازم أوضته ولقاه ونايم علي السرير وظهره له وباين إنه كان ببعيط)
عمر:(راحله وحط إيده علي ظهره وبهدوء) حازم!
حازم:(اتعدل وقعد علي السرير لما سمع صوت عمر وبصله بحزن ودموع بسيطة ) نعم ياأبيه
عمر:(بإيتسامة بسيطة) ماتزعلش من بابا هو مش قصده يزعقلك ولايحرجك قدامنا بس إنت شايف التوتر اللي البيت كله فيه بسبب موضوع خطف حاتم
حازم:(بحزن وزعل) أنا مش زعلان ياأبيه عادي يعني ..
عمر:(بإبتسامة وهزار يخفف عنه) ياراجل كل ده ومش زعلان أومال لو كنت زعلان كنت هتعمل فينا إي بقي !
حازم:(بصله بهدوء وإبتسامة بسيطة وسكت ماأتكلمش)
عمر:(بحنية وطبطب علي رجله) ماتزعلش بقي ياسيدي حقك علياا أناا (وبصله بهزار) بس بصراحة أنا قولت مافيش حد هيفيدني في الموضوع ده اللي الولاا حازم
حازم:(بصله بضيق) آآه تعرف إنت وتلبسني فيها مادي ضريبة إني الصغير في البيت ده (وفجأة بص لعمر بحزن ودموع) أبيه هو حاتم هيكون كويس! وحشني أوي وخايف عليه أوي بقاله أسبوع أهو ومانعرفش عنه حاجة ولا عامل إي ولاأي حاجة ..
عمر:(بقلق وخوف علي أخوه بس بص لحازم بإبتسامة يطمنه) هيبقي كويس باذن الله ياحبيبي وهرجعه لينا ووسطنا بإذن الله إدعيله إنت بس
حازم:(بدموع وحضن عمر) بإذن الله ياأبيه بإذن الله
عمر:(حضنه وبتنهيدة قلق) ربنا يرجعك بالسلامة ياحاتم ويطمنا عليك يارب (عمر فضل مع حازم لحد مانام وإطمن عليه وخرج راح أوضته يفكر في بكرة وفي أول خيط يوصله لحاتم)
..........................................................................................
(في نفس المكان المهجور اللي فيه حاتم ظهر نايم علي الأرض ومفكوك إيده ورجله وباين علي ملامحه الإرهاق دخل عليه الرجالة أول ماشافهم بصلهم بلهفة وقام قعد)
رجل1:(بضحكة شر) شكلك كنت مستنينااا إحنا إتأخرنا عليك ولاإي إخص عليناا يلاا هنعوضك عن التأخير ده ونظبطك !
رجل2:(بص للرجل الأول بضحكة مستفزة) هو مش معاك أصلاً ومش مركز ف اللي بتقوله إنت مش شايف عينه مانزلتش من علي الحقنة ..
رجل3:(ببرود وبضحكة خبث) ومالو حقه برضو ما اللي يتعود علي النعيم ده صعب يسيبه
رجل1:(بص لحاتم بضحكة شر) إي رآيك في الكلام ده ياحاتم عاوز الحقنة ولاا كف... (قطع كلامه حاتم وهو بيرفع الكم بتاعه بسرعة وبعدم إدراك كمل الرجل كلامه) لالا شكلك عاوزها بالأوي وأناا حنين وكريم ومش هقدر أحرمك من حاجة زي كده شوفت حنية أكتر من كده ..
رجل2:(ببرود) لا ومستسلم كمان مش محتاج مننا نكتفه ..
(بدأ الرجل يعطيله الحقنة وسط إنتشاء وفرحة حاتم بالمادة اللي بتدخل جسمه إعطهاله وخرجوا وسابوه نايم علي الأرض ومفتح عينه بيتنهد تنهيدة راحة وهو مبتسم)
..........................................................................................
(في بيت مينا ظهر عمر قاعد في الصالة ومعاه أبوه وسليم وعمه وإولاده وعباس بيتناقشوا في موضوع حاتم)
سعد:(بيأس وزهق) وبعدين يامينا هنفضل كده كتير قاعدين مش عارفين حاجة عن حاتم ولاا حتي أي حاجة ولو بسيطة نطمن منها إننا نلاقيه !
مينا(بحزن وإرهاق باين علي ملامحه) مش عارف ياسعد والله مش عارف أي حاجة ..
عمر:(بص لأبوه بحزن وبجدية) باباا هو مين داخل معاكم الصفقة دي!
مينا:(بصله بإستغراب) بتسأل ليه!
عمر(بجدية) بدل اللي خاطفه بيقول إنسحبوا من المناقصة يبقي أكيد حد من المنافسين فلازم نعرف كل المنافسين ونمشي وراهم جايز نوصل لأي خيط يساعدنا إننا نعرف مين ورا الموضوع ده ..
سليم:(بصله بإستفسار) وإحنا هنمشي وراهم واحد واحد علشان نقدر نوصل لحاتم ده فيها وقت طويل ساعتها بقي الله أعلم حاتم بيعملوا فيه إي ولا وضعه إي يعني إننا نلف ورا كل منافس ليناا داخل الصفقة هيكون فيها وقت طويل وده مش في صالحناا ..
عمر:(بصله بتوضيح وجدية) مش كده أناا كلمت صاحبي اللي قولتلكم عليه أصلااً وقالي إنه قرب يوصل لنتيجة ويعرف عنوانهم بإذن الله بس إحناا هندور ورا كل واحد من المنافسين علشان نعرف مين وراا الإختطاف ده !
مينا:(بص لعمر بفرحة وبصيص أمل) بجد ياعمر يعني صاحبك قالك إن فيه أمل يوصل للعنوان والمكان اللي فيه حاتم ونقدر نوصله ..
عمر:(بص لأبوه بإبتسامة) بإذن الله يابابا ..
سعد:(بدعاء وإبتسامة) ربنا يرجعك لينا بالسلامة ياحاتم ..
الكُل:(بتنهيدة قلق) يارب يارب ..
عمر:(قطع كلامهم إتصال لعمر بص للفون وقام وقف وبصلهم بقلق وفتح الأتصال) ألو ..... أيوة ياعامر إزيك .... هاا وصلت لحاجة ..... (بصدمة وفرحة) بججججد! ..... مش عارف أشكرك إزاي والله ياعامر ....... تمام هطمنك حاضر ....... سلام
مينا:(بصله بقلق) هاا صاحبك وصل لحاجة؟!
عمر:(بصله بفرحة وإبتسامة بصلهم كلهم) عامر وصل للمكان اللي فيه حاتم يابابا عرفت مكانه..
مينا:(بصدمة وسعادة) بجد!
عمر:(بإبتسامة) أها والله يللا بقي نروح نلحق نروح لان الليل هيجي والمكان في منطقة صحراوية بعيدة ..
مينا:(بسعادة أنه خلاص شوية وهيأخد إبنه في حضنه) طيب
سليم:(بإستفسار) مش هنعرف ماما والباقي يابابا
عمر:(بسرعة وجدية) لالا ماتعرفهومش حاجة لحد مانرجع الله أعلم اي اللي هيحصل يللا بقي علشان مانتأخرش ..
سليم:(بهدوء) يللاا
(خرجوا كلهم ركبوا العربيات بتاعتهم وراحوا للمكان اللي عامر قالهم عليه اللي المفروض يكون فيه حاتم)
...................................................................................
(في مكان مهجور علي الطريق الصحراوي ظهر عمر ومينا وسليم نازلين من عربيتهم وسعد وإولاده من عربيتهم وعباس وإبنه من عربيتهم ورايحين ناحية المكان اللي عمر محدده من GSP علي الفون بتاعه)
عمر:(بصلهم بجدية وتحذير) إمشوا وخليكم منتبهين ومتحكمين في كل حركاتكم وخلوا بالكم من أي خطوة حواليكم .. (كلهم هزوا رآسهم بمعني ماشي وإبتدوا يروحوا ناحية البيت الموجود ف المكان اللي بيعطي الإشارة هناك)
عمر:(بصلهم بجدية) خليكم جاهزين لأي حركة وخلوا أسلحتكم معاكم للإحتياط (وبص لسليم ومروان) سليم ومروان هيتولوا مهمة إنهم يلاقوا حاتم وإحناا هنغطي عليكم ونهجم عليهم لحد مانخلص منهم ونحصلكم بإذن الله خلي بالكم ..
سليم ومروان:(هزوا رآسهم وبجدية) ماشي ياعمر حاضر ..
(بدأ عمر يتقدم للمكان وكلهم ماشين وراه ظهروا في البيت ولقوا ناس قدام البيت متجمعين بدأوا يهجموا عليهم ويضربوهم ويشلوا حركتهم خلصوا عليهم ودخلوا الأوضة الموجود فيها حاتم ظهر حاتم مرمي علي الأرض بعيد وجسمه بينتفض وبيترعش جري عليه سليم ومروان بقلق)
سليم:(بقلق وحاطط دماغ حاتم علي رجله) حاتم .. حاتم حبيبي إنت سامعني ! فوق حاتم
مروان:(بقلق من حالته وبدموع) حاتم فوق أحنا جينا أهو يللا فوق ماتقلقناش عليك ..
(ظهر في الناحية التانية من الأوضة عمر واللي معاه بيضربوا الرجالة وبيوقعوهم علي الأرض وفجأة ظهرت الشرطي اللي كان عمر مكلمهم في الطريق أصلاً وأخدوا معاهم الرجالة ومشوا)
عمر:(بص للظابط بجدية) زي م اتفقنا ياسعيد إسم أخوياا مايظهرش نهائي وكأنه ماكانش موجود ولامخطوف إتعامل من برا لبرا (وبص للرجالة اللي متربطين وبص تاني للظابط) ودول بقي يأخد جزاءهم وزيادة ..
الظابط سعيد:(بجدية) ماتقلقش ياعمر باشا هحل كل حاجة وهتصرف معاهم كويس ماتقلقش إنت وحمدلله علي سلامة أخوك ..
عمر:(بهدوء وهز رآسه) الله يسلمك ..(مشي الظابط وأخد معاه الرجالة كلهم ومينا وعمر والباقي طلعوا يجروا علي حاتم)
مينا:(راح بلهفة لأبنه وبيمسح علي شعره) حاتم حبيبي إنت سامعني حاتم أناا موجود أهو أنا جيت ماتقلقش يلاا فوق ..
حاتم:(جسمه بينتفض وعرقان وبهلوسة) بابا .. عمر.. سليم .. إبعدوا عني.. يابابا .. عمر.. عمر
عمر:(بقلق علي أخوه وراح مسكه من دراعه وبيمسح علي شعره) أنا هنا أهو ياحاتم أنا هنا ياحبيبي إنت كويس فتح عينك يللا إحنا كلنا هنا أهو (وفجأة لمح دراعه مكان الحقن بصله بشك وقلق) إي ده !!!
مينا:(بص لحاتم بقلق وبص لعباس) عباس تعال إكشف عليه وشوفه ماله وجسمه سخن ليه؟! (راح عباس يشوفه ويكشف عليه بدقة وكلهم باصين علي حاتم بقلق)
عباس:(بص لحاتم وبصلهم بإبتسامة يطمنهم) ماتقلقوش هو بس هلوسته من حرارة جسمه لانه سخن جداً ..
عمر:(بقلق) طيب إي سبب الحرارة ؟
عباس:(بجدية) مش عارف صراحة بس ممكن لها أسباب كتيرة من نومة الأرض في الجو وممكن إنه الفترة اللي كان مخطوف فيها ماكانش بيأكل كويس علي العموم لازم يتكشف عليه علشان نعرف هو ماله ! (وبصلهم بقلق) وبالنسبة للعلامات في إيده فأنا شاكك في حاجة بس مش هقدر أقول غير لما نعمل تحاليل وأشعات ونفهم اللي هو فيه بالظبط ...
مينا:(بقلق علي إبنه) طيب يلاا إحنا مستنين إي يلاا نأخده ونروح علي المستشفى بتاعتك ياعباس وهناك نطمن عليه أكتر .. (عمر شال حاتم وكلهم راحوا علي العربيات ومشوا راحوا علي مستشفى عباس علشان يطمنوا عليه )
.....................................................................................................
(بالليل عند ريناد اللي راحت لبيت مينا رنت الجرس وشوية وسلمي فتحتلها)
سلمي:(بإستغراب) ريناد!
ريناد:(بإيتسامة) إي ياسلمي مش هتدخليني ولاإي؟!
سلمي:(بإستغراب وفتحتلها الباب) لا تعالي إدخلي معلهش ماأخدتيش بالي أناا مستغربة بس ..
ريناد:(بجدية وتساؤل) فين ماما ياسلمي!
سلمي:(بصتلها بهدوء وشاورت للأوضة) هناك في الأوضة أدخلي كلهم جوا ..
ريناد:(بإستغراب بعد أما دخلت) هما لسا ماجاوش ولاإي؟
سلمي:(بصتلها بإستغراب) مارجعوش منين وهما مين أصلااً ..
ريناد:(بصلهم بإستغراب) هو إنتو ماعرفتوش إنهم عرفوا مكان حاتم وراحوا يجيبوه
رنا:(قامت بسرعة وراحتلها بلهفة) بجد ياريناد! مين قالك وعملوا إي!
ريناد:(بإبتسامة بتوتر إنها قالت وهما مش عارفين ) سليم اللي قالي والكلام ده من حوالي ساعتين ففكرت إنهم أكيد رجعوا
رنا:(بقلق) ساعتين! طيب إتأخروا ليه !
هايدي:(راحتلها ومسكت إيديها وبهدوء) ماتقلقش بقي يارنا كويس إنهم لقوا مكانه الحمدلله شوية وهتلاقيهم داخلين إدعي إنتي بس يرجعوا بالسلامة
رنا:(بصتلهم يدموع) يارب يارب (قعدوا كلهم حوالين رناا يطمنوها وسط قلقها وخوفها من تأخرهم عدي علي كده نص ساعة ولقوا الباب بيفتح ومينا وكلهم داخلين وباين عليهم البهدلة والإرهاق وبعض الكدمات نتيجة المواجهة بينهم وبين الرجالة كلهم هيجروا عليهم)
رنا :(وقفت قدام مينا وبقلق) حاتم فين يامينا هو كويس صح!
مينا:(بصلها بإستغراب) إنتي عرفتي منين
رنا :(بقلق ونفاد صبر) ريناد اللي لسا جاية وقيلالناا حالاً(مينا بص لريناد ويرجع بص لسليم ويسكت سليم بص لأبوه وبص في الأرض بسرعة بإحراج)
رنا:(كملت كلامها بقلق) رد عليا بقي يامينا إبني فين! وفين عمر هو كمان مش شيفاه معاكم هما كويسين صح!
مينا:(مسك إيديها وبإبتسامة يطمنها) ماتقلقيش يارنا كويسين والله وأكيد هيكلموكي في أي وقت يطمنوكي عليهم بس حاتم إبنك مخطوف بقاله أكتر من أسبوع ونفسيته كانت وحشة ومنهار فقولت لأخوه عمر يأخده في أي مكان يغير جو شوية ..
رنا:(بقلق وعدم تصديق) بجد يامينا ! يعني هما كويسين بجد وحاتم كويس ولا بتطمني وخلاص
مينا:(بإبتسامة بسيطة) أها الحمدلله كويس ماتقلقش إدعيله إنت بس دايماً
رنا:(بدموع وقلق) يارب إحفظه وباركلي فيهم يارب يارب ..
مينا:(بتنهيدة حزن) يارب ..
..........................................................................
(في بيت عباس ظهر عباس وهايدي في أوضتهم وعباس قاعد ساكت وسرحان وهايدي بتبصله بشك)
هايدي:(راحت لعباس وبتهزه) عباس .. ياعباس
عباس:(فاق من سرحانه) هاا بتقولي حاجة ياهايدي ..
هايدي:(بإستغراب) بقول حاجة! ده أنا بتكلم بقالي سنة وإنت مش معايا خالص مالك إنت كويس!
عباس:(بإبتسامة بسيطة) أها ياحبيبتي كويس ماتقلقيش
هايدي:(بإصرار وجدية) لا مش كويسة ومش مصدقة ولا مُقتنعة بموضوع تغير الجو ده ..
عباس:(بتوتر) مش مصدقة ليه يعني طبيعي يحتاج تغير جو بس خطف أكتر من أسبوع
هايدي:(بصتله بجدية) أيوة بس علي الأقل أمه وإخواته يشوفوه وبعد كده يغير جو (وبقلق) عباس حاتم كويس ..
عباس:(بصلها بتنهيدة حزن) أنا هحكيلك كل حاجة بس ماتقوليش لرنا ولا أي حد حاجة الوقتي
هايدي:(بقلق وخوف) حاضر بس قولي بقي قلقتني
عباس:(بصلها بتنهيدة) بصي ياستي اللي حصل إن ( #فلاش_باك)
(ظهروا كلهم في أوضة الكشف بتاع عباس بعد ماعملوا التحاليل والأشعات اللازمة ظهر حاتم نايم علي السرير وعباس قدامه بيكشف عليه خلص كشف وبصلهم بحزن وقلق)
مينا:(بترقب وقلق) ها ياعباس هو سخن ليه ! هو كويس صح!
عباس:(بأسف وحزن) للأسف السخونية مش بسبب قلة أكله ولا الجو هيا بسبب تاني
عمر:(بحزن وبص لعباس ) مخدرات صح!
مينا:(بصله بسرعة وبجدية) مخدرات إي ياعمر إنت هتهزر إي اللي هيوصل المخدرات لجسمه !
عباس:(بجدية وحزن) عمر كلامه صح يامينا اللي ظاهر في التحاليل إن حاتم جسمه فيه مواد مخدرة ومن النوعية القوية كمان اللي بتكون عن طريق الحقن اللي هيا أخر نوع بيلجأ ليه المدمن أصلااً وبعد الفحص الكامل لجسمه إتأكدت لما شوفت العلامات في إيده ..
مينا:(بصدمة) بتهزروا صح ! يعني أنا إبني بقي مدمن!
سعد:(بحزن وبص لعباس) طيب والعمل ياعباس
عباس:(بحزن) لازم يروح مستشفى لعلاج الإدمان بسرعة لان الحقنة بتكون مفعولها قوي علي الجسم وكل تأخير مش في صالحناا نهائي
مينا:(فاق من صدمته وبجدية) لاا مستحيل مستحيل إبني يدخل مكان زي ده والمعاملات اللي بتحصل هناك
عباس:(بجدية) أومال هتعمل إي هتسيبوا كده يعني يامينا
مينا:(بجدية وحزن علي إبنه) هيتعالج بس في البيت!
عباس:(بإعتراض) حاتم لما يفوق مش هيكون مُدرك لنفسه ولا لتصرفاته في أوقات كتيرة وماينفعش يكون في البيت ورنا وسلمي هناك
مينا:(بجدية) مش هيكون عند رنا وسلمي هيكون في بيت لوحده وهيكون معاه دكتور وإخواته وكلنا موجودين معاه
عباس:(بتنهيدة) تمام يامينا علي العموم أنا أعرف دكتور كويس بيعالج الإدمان بس عامة هو مش هيبدأ علاج الإدمان غير لما يبقي كويس وحرارته دي تنزل يعني يومين كده هيأخد فيها حقن مضاد حيوي وخافض للحرارة وبعد كده الدكتور هيبدأ معاه علاج الإدمان
مينا:(بص لحاتم وبتوهان وحزن) بإذن الله ربنا يقدم اللي فيه الخير ياعباس ..
عباس:(بصلهم كلهم بحزن وبص لمينا) خليك قوي يامينا كلنا لازم نبقي أقوية علشان نكمل مع حاتم للأخر علشان يبقي كويس ويرجعلنا بالسلامة..
مينا:(بتنهيدة حزن) بإذن الله ياعباس ..
عباس:(راح يجهز حقنة وبص لعمر بجدية) طيب تعالي ياعمر نيمه علي جنبه وإمسك إيده كويس علشان أعطيله الحقنة دي تنزل حرارته شوية ..
عمر:(بحزن علي أخوه وراح نيمه علي جنبه ومسك إيده) حاضر(عمر مسك إيد حاتم اللي كان مش نايم أوي بس مش فايق ولا مُدرك للي بيحصله أوي وبدأ عباس يعطيله الحقنة وحاتم إتوجع منها بس ماأتحركش ضغط علي إيد عمر براحة وبس)
عباس:(شال السن ودلك مكانها وعدلوه علي ظهرو) هيبقي كويس باذن الله علي بكرة الصبح هو هيكون تعبان وسخن لسا بس هيكون فايق شوية ومدرك بكل اللي حواليه (مينا بصله وبص لحاتم إبنه بحزن وهز رآسه بمعني ماشي وسكت ماإتكلمش)
سعد:(بجدية) طيب يللا يامينا نرجع البيت علشان كده إتأخرنا عليهم وهييدوأ يقلقوا
مينا:(هز رآسه وبهدوء) تمام يللا(كلهم مشوا خرجوا من المستشفى مينا واللي معاه رجعوا علي البيت وعمر أخد حاتم وراحوا علي الشقة التانية ( #نرجع_للواقع )
هايدى:(بصدمة وخزن) يعنى حاتم بقا مدمن
عباس:(بحزن) للاسف
هايدى:(بحزن) ربنا يشفيك يابنى يارب (وتنهدت بحزن وبصت لعباس وبصت قدمها بقلق على أخوها وإبنه)
..........................................................................................
(في بيت مينا ظهر قاعد في أوضة المكتب وظاهر عليه الحزن الشديد علي إبنه واللي حصله مسك موبايله وإتصل علي عمر يتطمن علي حاتم)
عمر:(بهدوء) السلام عليكم ..
مينا:(بهدوء) وعليكم السلام أيوة ياعمر إنتو عاملين ايه ياحبيبي وحاتم عامل طمني عليه!
عمر:(بحزن) الحمدلله يابابا كويسين هو نايم من ساعة ماخرجنا من المستشفي بسبب المنوم اللي عمو عباس إعطهوله ..
مينا:(بحزن علي إبنه) طيب هو كويس حصل حاجة وهو نايم ولاأي حاجة غريبة عليه
عمر:(بنفي وحزن) لا يابابا ماتقلقش هو جسمه سخن بس وبعدين مش هنقدر نقرر ولا نطمن عليه غير لما يفوق بكرة الصبح بإذن الله..
مينا:(بتنهيدة حزن) ربنا يشفيه ماشي ياعمر يلا نام إنت كمان بدل حاتم نايم تصبح على خير ياحبيبي
عمر:(بإبتسامة بسيطة) وإنت من أهل الخير يابابا سلام
(قفل مينا المكالمة مع عمر وهو سرحان في إبنه وفي اللي وصله وف اللي لساا هيمر عليه من صعوبات في علاجه قطع كلامه خبط علي الباب)
مينا:(من جوا بصوت عالي شوية) أدخل
سليم:(بعد أما دخل وبصوت متوتر وبص لأبوه ورجع بص في الأرض وسكت ماإتكلمش)
مينا:(بضيق من إبنه واللي عمله) نعم ياسليم !
سليم:(بحزن) بابا أنا أسف أناا والله ماكانش قصدي أعرفها بس هياا اللي قعدت تزن علياا علشان تعرف (مينا بصله بعتاب وضيق من تصرفاته وسكت)
سليم:(بحزن) بابا إنت مش بترد عليا ليه ! أنا أسف بجد ماتزعلش مني ..
مينا:(بجدية وعصبية) أنا بصراحة مبقتش عارف أقولك إيه ومبقتش عارف أنت بتتصرف كدا ليه ، إطلع ياسليم عشان مش وقت لا كلام ولا مناهده أنا مش قادرلها ..
سليم:(بحزن) يابابا.. (قطع كلامه ميناا وهو بيبصله بعتاب وزعل منه ومن تصرفاته)
مينا:(بجدية) مش كل شوية هتغلط وتيجي تعتذر وأسامحك علي طول ياسليم وبعدين الوقت مش مناسب للكلام وإطلع يللا علشان تنام لاننا رايحين لأخوك الصبح بدري ..
سليم:(بص لأبوه بحزن وزعل وسابه وخرج برااا طلع علي أوضته)
مينا:(بتنهيدة) ربنا يهديك ياسليم
.....................................................................................
(تاني يوم الصبح عند عمر اللي صحي بدري وراح قعد جنب حاتم علشان يكون جنبه لما يفوق شوية وبدأ حاتم يحرك جفونه وصحي وبص حواليه بتوهان)
عمر:(بصله بإبتسامة) حمدلله علي السلامة كل ده نوم !
حاتم:(بصله بإستغراب) عمر! أنا فين وبعمل إي هنا وإنت جت أمتي من السفر!
عمر:(بصله بإبتسامة) طيب إهدي طيب كل دي أسئلة يابني! الموضوع ياسيدي إنك لما إتخطفت وكده قعدنا ندور عليك وفي الأخر لقيناك وقدرنا نوصل لمكانك وروحنا وجيبناك وبس(حاتم بصله بتعب وإرهاق وسكت كمل عمر كلامه)
عمر:(بجدية) هما عملوا فيك إي هناك إحكيلي ياحاتم
حاتم:(بتعب) هما خطوفي وقعدوا يقولولي كلام غريب كده وإنهم هيخلوني أتمني الموت أحسن من اللي هكون فيه وبدأوا أول يوم إنهم إعطوني حقنة فيها مادة بيضة تقيلة كده وقتها كنت بقاومهم بكل قوتي بس بعد كده كنت أنا اللي بستناهم وبستني الحقنة دي بفارغ الصبر ..
عمر:(بصله بحزن ومسح علي شعره) هتبقي كويس ياحبيبي باذن الله ماتقلقش ..
حاتم:(بتعب) هو إحنا مش في البيت ليه ! وحاسس إني تعبان وجسمي سخن أوي ..
عمر:(بحنية وبإبتسامة يطمنه) ماتقلقش عندك بس شوية سخونية وبالعلاج هتبقي كويس باذن الله ..
حاتم:(بقلق) طيب هيا الحقن اللي كنت بأخدها دي إي ياعمر
عمر:(بحزن وبصله بتنهيدة) حقن مخدرة بتسبب للشخص إدمان وإحنا جايبينك هنا علشان تتعالج وتبقي كويس باذن الله ماتقلقش ياحبيبي ..
حاتم:(بتعب وصدمة) إدمان يعني أنا بقيت مُدمن وهتعالج كمان(قطع كلامهم دخول مينا وسليم وعباس كلهم طلعوا يجروا علي حاتم بلهفة لما شافوه صاحي)
مينا:(حضنه وبإبتسامة) حاتم حبيبي وحشتني عامل إي!
حاتم:(بتوهان وهو في حضن أبوه وبهدوء) كويس
مينا:(بصله بقلق وبص لعمر) ماله حاتم ياعمر هو تايهه ليه كده
عمر:(بتنهيدة حزن) ماتقلقش يابابا هيبقي كويس هو بس عرف كل حاجة والسبب اللي علشانه هو كده ..
مينا:(بتنهيدة حزن علي إبنه) هتبقي كويس ياحبيبي صدقني مش إنا بتثق فيا وقبلي بتثق في ربنا خلي عندك ثقة في ربنا إنك هتكون كويس وربنا يشفيك بسرعة وإحنا كلنا معاك ماتخافش ولاتقلق من حاجة إتفقنا
حاتم:(بصله بهدوء وهز رآسه بمعني ماشي وسكت)(في الوقت عباس أخد الحقنة بتاع السخونية يجهزها وسليم سلم علي أخوه وقعدوا يتكلموا معاه ويحكوا مواقف بينهم علشان يهونوا عليه وينسوه)
عباس:(بإبتسامة وبص لحاتم) يللا ياحاتم علشان تأخد علاجك والسخونية دي تنزل شوية(حاتم بصله بتوتر وخوف وسكت)
مينا:(راحله بإبتسامة يطمنه) يلاا ياحبيبي ماتخافش (راح ميناا نيم حاتم علي جنبه ومسك إيده يطمنه وبدأ عباس يعطيله الحقنة وسط توجعاته بسبب وجع الحقنة ووجع جسمه والسخونية اللي عنده)
حاتم:(بتوجع)آآآآآآه كفاية آآآه
عباس:(شال السن ودلك مكانها شوية وعدلوه علي جنبه) بالشفا ياحبيبي ..
حاتم:(بصلهم بتعب) جسمي واجعني أوي ..
عباس:(بحزن) معلهش ياحبيبي شوية وهتبقي كويس باذن الله حاول إنت بس تنام وإحنا معاك أهو
حاتم:(بصلهم كلهم بتعب ومافيش ثواني وراح في النوم تاني من تعبه ووجع جسمه وكلهم باصين عليه بحزن)
.............................................................................
(عند ريناد اللي كانت قاعدة في أوضتها وبتكلم سليم تتطمن عليه وتشوف هو فين كده الفترة دي وبطل يهتم بيها زي الأول ويسأل عليها)
ريناد:(بحزن) خلاص بقي ياسليم أنا ماكانش قصدي إني أقول حاجة وبعدين انا كنت مفكراهم عارفين أصلاً
سليم:(بتنهيدة زهق) خلاص ياريناد مافيش حاجة ..
ريناد:(بفرحة) يعني مش زعلان مني خلاص
سليم:(بإبتسامة بسيطة) أه خلاص ياستي صعبتي علياا
ريناد:(بدلع) إنت وحشتني وعاوزة أشوفك ياسليم إنت فين بقالك يومين مش بتكلمني ولا بتيجي خالص!
سليم:(بتنهيدة زهق) مافيش ياريناد مشغول شوية!
ريناد:(بفضول) مشغول في إي بقي! للدرجة دي حاجة مهمة أكتر مني يعني!
سليم:(بزهق) خلاص بقي ياريناد هبقي أكلمك وأجيلك باذن الله
ريناد:(بحزن) فيه إي ياسليم ما أنت كنت كويس الوقتي حصلك إي فجأة ..
سليم:(بضيق) مافيش ياريناد إنت مصممة إن فياا حاجة وخلاص يابنتي عادي يعني مشغول ..
ريناد:(بعند) لا ده مش موضوع شغل إنت فيك حاجة وحاجة كبيرة كمان إحكيلي يللا مش أنا حبيبتك ..
سليم:(بضيق منها ومن زنها) مش هخلص منك ومن زنك أناا عارف والله ..
ريناد:(بضحكة ودلع) آه بصراحة فقولي يلاا مالك
سليم:(بتنهيدة زهق منها ومن زنها حكلها كل حاجة من ساعة إختطاف حاتم لحد موضوع إدمانه) بس ياستي وهو حالياً في بيت لوحده ومعاه عمر وإحنا بنروحله وكده
ريناد:(بصدمة) كل ده حصل! طيب وهو عامل إي الوقتي
سليم:(بحزن) كويس إدعيله ..
ريناد:(بحزن) ربنا يشفيه ..
سليم:(بإبتسامة) يارب يلا سلام بقي الوقت إتأخر يلا تصبحي علي خير ياحبيبتي
ريناد:(بإبتسامة) وإنت من أهله ياحبيبي (قفلوا مع بعض وسط صدمة ريناد باللي حصل لحاتم وردة فعلهم في البيت لما يعرفوا)
.......................................................................................................
(عند مينا في البيت ظهرت ريناد قاعدة في الصالة ومعاها رنا بيتكلموا)
ريناد:(بإبتسامة) وحاتم عامل إي الوقتي ياطنط!
رنا:(بإبتسامة) الحمدلله ياحبيبتي كويس
ريناد:(بإستفسار) يعني بقي كويس وبيتعالج ؟!
رنا:(بإستغراب وصدمة وعدم فهم) إتعالج ! إتعالج من إي!
ريناد:(بإستغراب) هو إنتي ماتعرفيش إن الناس اللي كانت خطفاه إعطوله حقن تخليه يبقي مدمن وأنكل مينا صمم إنه يتعالج في البيت ومنع دخوله لأي مصحة وهو حالياً في بيت ومعاه عمر وبيرحوله بالتناوب ..
(رنا بصتلها بصدمة وعدم إستعاب)
.........................................................................................
ياترى ايه الى هيحصل لو حابين تعرفو استنونا الحلقه الى جايه
.........................................................................................
#rody
#hager
#hadeer
