#مع_مر_الزمان
#مع_مر_الزمان_13
#جزء_من_حلقه_سابقه
تانى يوم فى المدرسه ظهرت دينا فى مكتبها والباب بيخبط
دينا:(وهيا ماسكه ورقه فى ايدها بتراجعها)اتفضل
مس ولاء:(دخلت الاخصائيه الاجتماعيه مس ولاء) مس دينا
دينا:(بصتلها) خير يا مس ولاء
مس ولاء: فى طالبين مسكو بعض وبهدلو بعض الاتنين والامن بعدهم عن بعض بالعافيه
دينا: هو احنا مش هنخلص من جو الخناقات بين الطلاب ده
مس ولاء: الجيل بقا زفت ما يعلم بيه الا ربنا
دينا: دخليهم لم نشوف اخرتها معاهم ايه
مس ولاء : حاضر (وفتحت الباب وبصت بره) اتفضلو يا بهوات (دخلو ولدين عنيهم ف فى الارض ولد منهم سنانه بتجيب دم
دينا:(قامت وقفت بغضب) بصولى انتو الاتنين ( الاتنين رفعو راسهم وظهر حازم وولد كمان حازم بص لدينا بخوف ودينا بصتله بصدمه)
#بدايه_الحلقه_الجديده
دينا:(قامت وقفت بغضب) بصولى انتو الاتنين ( الاتنين رفعو راسهم وظهر حازم وولد كمان حازم بص لدينا بخوف ودينا بصتله بصدمه ,, قربت منهم ومسكت وش حازم وشافت فيه خربشه فى رقبته وسنانه بتجيب دم ومسكت وش الولد التانى مضروب بسن القلم فى خده ) ايه الى انتو عملتوه فى بعض ده
وليد: هو الى بدأ يا مس
دينا: فى حاجه اسمها مديره فى المدرسه تيجى تقولها وانا اجبلك حقك مش تروح تضربه
وليد: يا مس هو من اول من السنه وهو كل ما حد يكلمه يقعد يقولنا انا ببايا صاحب المدرسه وممكن امشيكوا منها في أي وقت يعجبني
دينا:(بصت لحازم ) انت مين الى قالك انك ممكن تمشى حد من المدرسه وقت ما تحب (حازم بصلها وسكت وبص فى الارض ,, دينا تنهدت وراحت على مكتبها وبصتلهم الاتنين) الوقت ده انا كان المفروض ابلغ اولياء الامور علشان الى انتو عملتوه ده مينفعش يتعمل فى المدرسه انتو ولاد ناس محترمه مبتخرجش منهم العيبه مش صح تبقى اخلاقكو بالاخلاق دى (الاتنين بصو وهما ساكتين وخايفين منها ,, كملت دينا كلامها) فى عدده عقابات ليكو وهتنفذوها اولا انتو الاتنين ممنوعين من النشاط المدرسى سواء رياضى او موسيقى او حاجه من نشاط المدرسه ثانيا انتو الاتنين ممنوعين من رحله الى جايه الى المدرسه عملاها ,, ثالثا بقا انكو هتتعقبو عقاب بدنى (واخدت من جمبها عصايا وقامت ليهم وقربت من وليد ) يلا افتح ايدك ولو فلتت هتبقى بأتنين (وليد بصلها بخوف وفتح ايده ضربته 3 عصيان وراحت لحازم وبصتله) اما انت بقا عقابك زياده
حازم: بس هو الى ضايقينى الاول
دينا:(بجديه) اخلص يلا (حازم فتح ايده دينا ضربته حازم مسك ايده شويه وفتح ايده تانى ودينا ضربته خمس عصيان حازم وشه جاب الوان وايده وقفت من الضرب ,, كملت دينا كلامها) اتفضلو والى حصل ميتكررش تانى ولو اتكرر هعمل استدعاء ولى امر (الاتنين راحو بناحيه الباب وليد فتح الباب وخرج وحازم جاى يخرج ,, دينا كملت كلامها) حازم استنى ( حازم وقف وبصلها) على فكره انا هشتكى لمينا من قله ادبك فى المدرسه لان مش اول حد يشتكى منك والشكوات زادت جدا عن حدها اتقضل روح الكلاس بتاعك (حازم بصلها وطلع وسابها دينا تهدت وراحت شالت العصايا ورجعت للى كانت بتعمله
...........................................................................................................
فى بيت محمد سعد الكل متجمع على الغداء
محمد سعد: تسلم ايدك يا دينا الاكل جميل
مروان: انت لسه أكلت حاجه يا بابا عشان تقول جميل ولا لأ
محمدسعد: انا واثق أن اي حاجه مامتكوا بتعملها بتكون حلوه، دي كفايه أن هي اللي عملاها
مروان: ياعيني ياعيني ع الرومانسيه.. احنا لو نعرف أن الخناق بيقلب برومانسيه كدا هحبكوا تتخانقوا على طول
دينا:(بجديه) بعيدا عن أن المفروض دا كلام مينفعش انت تتدخل فيه لان دي خصوصيات بيني وبين بباك بس، بس عايزه اقولكوا أن طبيعي جدا في أي بيت أن بيحصل خناق ومشاكل وكل حاجه بتعدي الحلو بيعدي و الوحش بيعدي برضه بس عايزه اقولكوا ان مهما يحصل انا ماليش غيركوا و اني من غيركوا ومن غير محمد مبقاش ولا حاجه، انا عارفه اني ممكن اكون شديده شويه بس بإذن الله هحاول اتغير
يحيى :ربنا يبارك في عمر حضرتك انتي وبابا يارب
دينا: يارب ياحبيبي
مروان:(بص ليحيى بأستغراب) هو اللي انا شايفه ده بجد.. انت بتفصص لساره هانم السمك
ساره : اه ملكش دعوه انت
مروان : هي متدلعه وانت هتزودها يا يحيى باللي بتعمله ده
يحيى : من حقها تتدلع و واجبي ادلعها واعملها اللي تطلبه وانت كمان المفروض تعمل كدا
مروان : لا المحن ده ماليش فيه
دينا : لو سمحتوا احترموا الاكل وبلاش كلام عليه (محمد بص لدنيا بأبتسامه وتنهيده انها مش هتتغير بصتله بمعنى شويه شويه بصلها بمعنى ماشى واكلو هما ساكتين وغمزات بين دينا ومحمد واولادهم عاملين مش واخدين بالهم)
.............................................................................................
عند مينا الى راجع من بره مع سليم وحاتم وعمر دخل وهو باين عليه العصبيه
مينا:(بصوت عالى) حازم حازم
رنا:(خرجت رنا من المطبخ بسرعه على الصوت العالى) ايه فى ايه
مينا:(بص لرنا بغضب باين عليه) فين حازم يارنا
رنا:(بخوف من عصبيته) ليه فى ايه
مينا: (بغضب) فى اوضته صح
رنا:(بخوف اكتر) فى ايه بس فهمنى
مينا:(زق رنا براحه وبعدها عن سكته وبص لفوق وبصوت عالى) حازم حازم
حازم :(نازل من فوق) ايوه يا بابا
مينا:(قرب منه وشده من التيشرت بتاعه وقفه قدامه ) ايه الى انت عملته فى المدرسه النهارده ده
حازم:(بيبعد عن بباه ) معملتش حاجه
مينا:(بعصبيه اكتر وبيحاول يتماسك) يعنى مش عارف
رنا:(بتحاول تبعدهم عن بعض) فى ايه بس فهمنى
مينا:(ساب حازم بعصبيه وبص لرنا) ضرب ولد فى المدرسه بسن القلم فى خده وورم وشه خالص وبيهدده كمان انو ممكن ابوه الى صاحب المدرسه الى هو انا يمشيه وقت ما يحب فاكره الدنيا ماشيه على هواه
سليم: حازم زودها قوى يا ماما ولازم يقف عند حده طنط دينا بتقول انو بتجيلها شكوات كتير منه وهيا مش عايزه تتكلم بس وصلت انو يضرب صاحبه بسن القلم
حازم: (بص لسليم) بطل تسخين بقا هيا مش ناقصه تسخين اصلا
مينا:(بص لحازم بصدمه كن كلامه لاخوه) انت ازاى تكلم اخوك الكبير بالطريقه ده انت غلطان وبجح وكمان قليل الادب وبترد
حازم: ماهو يا بابا
مينا:(بعصبيه) مش عايز اسمعلك صوت متبقاش غلطان وبلسانين كمان (حازم تنهد وسكت كمل مينا كلامه بعصبيه) انت خلاص بقيت بلطجى وكمان بتهدد زمايلك ان المدرسه بتاع ابوك طب ايه رأيك بقا انى اطلعك من مدرسه ابوك وادخلك مدرسه حكومه علشان تتعلم الادب وتعرف انك كنت فى نعمه غيرك بيتمناها
حازم:(بص لرنا بخوف وبص لمينا) لا لا يا بابا والله خلااص مش هعمل كده تانى
مينا:(بصله بغضب) يبقى تحترم نفسك وتمشى عدل يا حازم انت فاهم ولا لاء ولا هنفذ العقاب ده وتشوف بقا مدارس الحكومه عامله ازاى
حازم: لا لا خلاص ماشى
مينا: (بصله بعصبيه) اعتذر لاخوك
حازم:(راح لسليم) انا اسف يا ابيه
سليم:(بصله) عادى يا حازم مافيش حاجه
مينا: غلطه تانيه او شكوى منك من المدرسه تانى ,, تانى يوم هتكون فى مدرسه حكومى (حازم هز راس بالموافقه بخوف ورعب ,, كمل مينا كلامه اتفضل على اوضتك امشى (حازم مشى على اوضته وسليم وعمر وحاتم طلعو كل واحد على اوضهم وسلمى ورنا ومينا دخلو قعدو )
سلمى: بابى هو حضرتك بجد هتطلع حاتم من المدرسه توديه مدرسه حكومه
مينا: لو فضل بقله الادب دى هوديه اسبوع بس مدرسه حكومى هيتربى ويعرف انو فى ايده نعمه
رنا: لا طبعا يا مينا لا يمكن تعمل كده فى الولد
مينا:(بعصبيه وقام وقف) لا هعمل يارنا وخليه يحترم نفسه بقا علشان مقلبش معاه (وسابها وطلع وسط خوف رنا من تهديد مينا)
.....................................................................................
فات كام يوم ورجعت فريده للتدريب ,, فى بيت محمد عباس ,, ادم رايح أوضة مالك على صوت خناقه هو و فريده دخل على طول من غير خبط
آدم: في ايه صوتكوا عالي ليه
مالك : شوف اختك دي وأبعدها عني بقا
آدم: في ايه برضه مالكوا
فريده : مش راضي يضحي عشان أخته ويخليني اتعلم فيه واجرب اعطي حقن
آدم:(باستغراب وصدمه) نعم!! تتعلمي فيه ازاي ؟!
فريده: ما كل الدكاتره بيقولولنا جربوا في حد من قرايبكوا، وانا كنت عايزه اجرب فيه قبل ما اتحط في الموقف ده وانا في المستشفى
آدم: طب هو مش تعبان اصلا هتديله حقن ليه
فريده: دى فيتامينات اصلا ومكملات غذائيه
آدم:(حاول يخفي ضحكته وبص لمالك) طب ما تساعد اختك يا مالك وتخليها تجرب دى حتى بتغذيك ياعم
مالك:(بصدمه) نـــعــــم! طب ما تخليها تجرب فيك انت ع الأقل انت الكبير العاقل يعني هتبقى راكز قدامها
فريده: اه بجد انت احسن منه يلا بقا
آدم:(بصلهم برفعة حاجب) انا داخل اغير على ما ماما و بابا يجوا بإذن الله (وسابهم ودخل)
فريده: يلا بقا يا مالك
مالك:( جرى من قدكها) وربنا ابدا (فريده جريت وراه وهيا بتحاول تقنعه)
............................................................................................................
فى بيت مينا ,, سلمى و حازم قاعدين قدام التليفزيون وبيتخانقوا
حازم : والله لو ما قلبتي من على الكرتون ده يا تافهه لأفصلك التلفزيون
سلمى: ملكش دعوه روح اتفرج على التاني لكن مش هقلب والله
حازم: في حد في سنك يتفرج على تنه و رنه يا تافهه
سلمى:(بصتله برفعة حاجب) اومال انت يامتخلف عايز ايه، ما انت عايزني اجيبلك توم وجيري
حازم : توم وجيري كله بيحبه اطفال و كبار زيي كدا (جرس البيت رن )
سلمى: قوم افتح وبطل تبرر لنفسك يلا يابطه قومي
حازم:(بصلها بضيق) طب والله ماانا فاتح بقا
سلمى:(وقفت بضحكه) هروح افتح انا بس هاخد معايا الريموت(ومشيت ناحية الباب وهي بتضحك راحت فتحت لاقيت بباها و سليم و حاتم ,, سلمى قربت من مينا وباسته في خده وحضنته) حمدالله ع السلامه يا بابي
مينا:(بابتسامة) الله يسلمك ياحبيبتي
حاتم : واحنا مش حمدالله على سلامتنا ولا ايه
سلمى: ازاي بقا دا انتوا حبايبي حمدالله على السلامه(وباست حاتم فى خده وكمان سليم ودخلو كلهم)
سليم:(بص للتليفزيون ولحازم) بتتفرج على كرتون يانغه
حازم : دي سلمى والله مش انا
سليم : اممممم سلمى وانا اللي ظلمتك
مينا: اومال رنا فين
سلمى : مامي بتحضر الأكل جوه
مينا:(قام وقف) هدخل اشوفها (ودخل وقف عند المطبخ ورنا واقفه عطياه ضهرها ولابسه فستان بيتي قصير و بكت، فضل متابع حركاتها وخطواتها
بتلف تحط طبق ع الترابيزه شافته
رنا:(بصت باستغراب) ايه ده خضيتني يامينا انت هنا من امتى ؟!
مينا: من شويه
رنا: اومال محستش بيك وانت داخل يعني
مينا:(قرب منها) حبيت اراقبك من بعيد زي زمان
لرنا:(بابتسامه) حمدالله ع السلامه يا حبيبي
مينا:(بصلها من تحت لفوق بتفحص) اللبس دا ميتلبسش تاني وانتي تحت هنا، متلبسيهوش غير وانتي في اوضتنا فوق
رنا:(بصتله باستغراب) ليه بقا
مينا: انتي مش ملاحظه ان البيت بقا فيه رجاله و واحد في سن مراهقه
رنا:(بصت بصدمه لمينا) دول ولادنا يا مينا
مينا:(بجديه) ولو .. تسمعي الكلام وتنفذي اللي بقوله أنا محبش حد يشوفك كدا غيري حتى لو كانوا ولادنا (وحط ايده على وسطها وشدها قربها منه بغيره واضحه) انا عايزك ليا لوحدي بس، ومهما نكبر وعيالنا يكبروا احنا هنفضل شباب من جوانا بحبنا وعشقنا لبعض وبغيرتنا على بعض
رنا:(وهي بتحاول تبعد مينا) حد من الولاد ممكن يدخل
مينا: عادي و لا يهمني
حازم:(دخل فجأه) ماما انا....(وقطع كلامه وهو بيحط ايده على عينه بتمثيل) انا شكلي قطعت عليكوا جو رومانسي ولا ايه ,, رنا بعدت عن مينا بكسوف من ابنها
مينا:(بص لحازم وبجديه) انت عايز ايه الوقتي
حازم:(بضحكه) ما براحه يا بابا دا انا زي ابنك برضه وبعدين جيت اقولكوا اني جعان وانتوا نستونا خالص
رنا: الاكل خلاص جهز اهو
مينا: روح نادي لسلمى وتعالوا انقلوا الاكل على السفره على ما ماما تطلع تغير وانا كمان اغير البدله دي
حازم : ماشي (وخرج حازم و رنا بصت لمينا بلوم وكسوف من ابنها وطلع قدامه لاوضتهم مينا تنهد وطلع وراها)
........................................................................................
تانى يوم الصبح عند عمر الى قاعد فى اوضته قدام اللاب توب رن رقم موبيله اخده وبص فيه وفتح على المتصل
عمر: الواطي اللي مبيسألش
رائد: ما انت قاعد في حضن ست الحبايب و ابوك و اخواتك وسايبني انا شايل الليله كلها بتاعتي وبتاعتك
عمر: ربنا يعينك ويقويك يا باشا
رائد : المهم طمني عليك وعلى كل اللي عندك
عمر: تمام والله كلنا كويسين
رائد: على فكره انت لازم تكون هنا خلال يومين او تلاته اخرك اسبوع بالكتير
عمر: ليه كدا
رائد: هو انت اتعودت على القعده ولا ايه، انت مطلوب بالاسم عشان في قضايا انت اللي مطلوب فيها من القياضات العليا
عمر:هشوف كدا واكلمك اقولك على اليوم اللي هاجي فيه بإذن الله
رائد: خلاص ماشى اسيبك انا بقا واروح اشوف شغلى
عمر: سلام على الى عندك كلهم ............. مع السلامه (وقفل وتنهد ورجع للى كان بيعمله)
.........................................................................................
فى نص النهارعند حاتم ومينا وعمر الى راجعين من بره حاتم طلع على فوق على طول وعمر طلع وراه
ظهر رنا وحازم قاعدين قدام التليفزيون مينا قرب منهم ورنا باصه على حاتم بقلق
رنا:(بقلق) فى ايه يا مينا ماله حاتم
مينا:(بتنهده عاليه) مافيش يارنا هو كويس
رنا: انت زعقتله او كلمته
مينا: لا يا رنا مكلمتوش بس واحنا فى الشركه عباس كلمنا وقال انو الدكتور عايزو دلوقتى ورحنا
رنا: وبعدين
مينا: الحمد لله اتخلص من المخدر الى دخل جسمه بس اتصدم صدمه تانيه
رنا:(بقلق) خير
مينا: هو فاكر انو اتخلص من الحقن والشكشكه بس الدكتور صدمه بكورس علاج تانى كله حقن بردو
رنا: ليه وحقن ايه اصلا
مينا: الانميا نازله جدا واداله كورس فيتامينات وحديده ومقويات ومكملامات غذائيه
رنا:(بحزن) يا حبيبى طب هو كان رد فعله ايه
مينا: اتضايق جدا طبعا واتحايلك عليه ياخد اول حقنه فى الصيدليه مرضاش خالص ولازم دكتور الى يدهالو علشان يعمل اختبار الاول
رنا: بس شكله مضايق جدا
مينا: مضايق ومخنوق ومش طايق حد
حازم:( ببرود) مافيها ايه مش دا كورس العلاج بتاعه ما ياخده عشان يتحسن هو هيخاف زي العيال ولا ايه
مينا:(بعصبيه) ولــــد احترم نفسك بقا ومتدخلش في كلام الكبار وكمان خد بالك أنه اخوك اللي اكبر منك يابني ادم انت
حازم: انا قولت ايه يا بابا
مينا: امشي يا حازم على اوضتك عشان انت بقيت بتعصبني
رنا: اطلعله ولا ايه
مينا: مش عارف بس سبيه (عمر نزل ,, مينا بصله) اخوك كويس يا عمر
عمر: اه يا بابا خليته قام ياخد دش دافئ علشان يعرف ينام
مينا: ماشى يا بنى هطلع اغير هدومى
رنا: وانزلو علشان تتعشو
مينا: لا انا هنام
رنا: علشان حاتم ينزل هو كمان لازم نتجمع كلنا
عمر: طب انا هطلع اجيبه قبل ما ينام (عمر طلع ومينا كمان طلع ورنا دخلت المطبخ وهيا حزينه جدا على ابنها)
............................................................................................
عند فريده الى خارجه من اوضه حاتم بتصرخ
فريده:(بتتنطيط وصريخ بفرحه)هااااااا لقد فعلتها، والله انا من طفولتي وانا نبغه و باين عليا اني هبقى دكتوره ممتازه
هايدي:(قربت منها بضحكه) وطي صوتك يا مجنونه انتي
مالك:(بتريقه)محسساني انها عملت انجاز محدش عمله
ادم:(خرج من الاوضه وحط ايده على مالك) لا هي شاطره بجد
فريده:(بصت لمالك) انت انسان محبط اوي والله (وبصت لآدم) اما انت بقا حبيبى
مالك:(بصله) شاطره بأمرة ايه دا انت شكلك مش قادر تتحرك ومش قادر تقف كمان وواقف ساند عليا اهوه
آدم: لا هي شاطره بس هي ممكن أيدها تقيله شويه في الاول عشان لسه بتتعلم
فريده: المره الى جايه اكيد هكون احسن
آدم:(بصدمه بس قلب بأبتسامه) ان شاء الله (مالك ضحك ,, آدام ضربه على قفاه) بس ياله
فريده: انت رخم يا مالك (مشيت وسابتهم)
هايدى: قربت من آدم: انت شكلك تعبان بجد انت متاكد انها ضربت الحقنه صح
آدم: اه والله متقلقيش
هايدى: اومال مالك
آدم: ايديها تقيله قووى بس اكمنها اول مره
هايدى: طب بالله عليك شوف الحقنه وراقب مكانها
آدم: متقليش يا حبيبى والله وانا لو حاجه هقولك
هايدى: ماشى يا حبيبى ربنا يجبر بخاطرك زى ما جبرت خاطر اختك
آدم: ربنا يخليكى لينا يا ست الكل انتى وبابا واخواتى
مالك:(برخامه) اجبلكو شجره واتنين لمون
آادم: يا بارد ,, انا داخل انام
هايدى: آدم
آدم: انا كويس متقلقيش (آدم دخل نام وهايدى رجعت اوضتها)
مالك: هما ليه بيكرهونى كده انا بابا لاقنى على باب جامه اكيد (وتنهد وراح اوضته وقعد يلعب بالجيتار)
..........................................................................................
على العشا فى بيت مينا كلهم اتجمعو وباين على حاتم الخنقه والضيق جدا ومينا ورنا متابعينه فى صمت
سلمى: مالك يا حاتم انت كويس
حاتم:(بصلها) اه كويس
سلمى: طب مش بتاكل ليه
حاتم: لا باكل (واكل معلقه رز من قدامه )
عمر:(تنهد وبص لبباه) بابا على فكره انا راجه شغلى بعد بكره بأذن الله
مينا: ليه يا عمر
عمر: انا قاعد بقالى كتير اكتر من شهر ونص اهوه
رنا: هتبعد تانى ياعمر
عمر: ده شغلى يا ماما
حاتم: لا متمشيش علشان خاطرى
عمر: والله يا حاتم انا مطلوب من ناس كبيره هناك مينفعش ارفض
سليم: والله يابنى انا نسيت انك كنت شغال فى القوات الخاصه
سلمى: انا اخد على وجودك معانا هترجع تسبنا تانى
عمر: غصب عنى والله انا كمان اخدت على قعدتى معاكو بس هعمل ايه بقا (وبص لحاتم) انا مش عايز امشى وانا قلقان عليك
حاتم: انا كويس يا عمر الحمد لله
عمر: متتعبهمش فى علاجك علشان لم ارجع اجازه بأذن الله نعمل الر حله الى كنا متفاقين عليها
حاتم: بأذن الله
رنا:(بصت لحازم) مبتتكلمش ليه يا حازم
حازم: علشان كلامى بقا بيعصب بابا
مينا: اه خليك ساكت احسن
حازم: انا ساكت اهوه
رنا: بعد العشا انا عايزاك شويه ياعمر
عمر: ماشى يا ماما حاضر (وكملو كلهم اكل وهما ساكتين )
...................................................................................................
في بيت مينا في غرفة عمر، رنا قاعده مع عمر
عمر (بجديه): يا ماما حضرتك عارفه ان موضوع الجواز مش في دماغى حاليا خالص
رنا : مش في دماغك ليه ياحبيبي بس وكمان يابنى أنا نفسى اشوف عيالك قبل ما اموت
عمر (بسرعه ولهفه): بعد الشر عليكى ياماما متقوليش كدا ارجوكي
رنا : طب اسمع كلامى بقا و شوف العروسه اللى بقولك عليها، أنا خلاص أخدت ميعاد مع مامتها عشان تشوفها
عمر : بس يا ماما انا كان نفسى أنا اللى اختار الانسانه اللي هتبقى شريكتي في الحياه، ومكنتش حابب اتجوز بالطريقه دى خالص
رنا : طب قولي ياقلبي هو انت بتحب حد او في واحده عينك عليها ؟!
عمر : لأ والله
رنا : طب خلاص روح شوف البنت دى ولو حسيت انك مش مرتاح معاها ننهى الموضوع، انت الكبير عندي ونفسي افرح بيك ياعمري انت
عمر (بهدوء): حاضر يا ماما
رنا : ربنا يريح بالك ياقلبي زي ما انت مريح قلبي دايما كدا، انا راحه اشوف اخواتك واروح انام بقا عايز حاجه
عمر : لا ياماما شكرا، تصبحي على خير
رنا : وانت بخير ياحبيبي (خرجت رنا من الاوضه)
عمر(تنهد بزعل وأتكلم في نفسه): يظهر اللي بتمناه مش هيحصل ابدا.. كان نفسى اتجوز عن قصه حب قبل الجواز وكلهم عارفين اني طول عمري ضد فكره الجواز التقليدى ده تماماً ، بس هو أنا متضايق ليه ؛ هقعد معاها واقنع ماما اننا متفقناش ، واكيد ماما هتقولهم أن مافيش نصيب واننا متفقناش وخلاص
...................................................................................
لو حابين تعرفو ايه الى هيحصل استنونا الحلقه الى جايه واسفه على التأخير بس انتو عارفين الظروف وادعو لبابا بالرحمه والمغفره
#hadeer
#rody
#hager
