#مع_مر_الزمان
#مع_مر_الزمان_27
#جزء_من_حلقه_سابقه
عند عمر الى راجع من شغله وطلع شقته وشكله مرهق جدا
هنا: حمدالله ع السلامه ياحبيبي
عمر:(قعد بارهاق) الله يسلمك
هنا: مالك شكلك مرهق
عمر: عادي الشغل كتير بس
هنا: انا هدخل احضرلك العشا وتاكل كويس ياعمر لانك بقالك فتره مبتاكلش كويس و و خايفه تتعب والله
عمر: ماشي هدخل اغير هدومي واجي (وقام وقف عشان يدخل فجأه مسك دماغك وعينه زغللت وقع في الأرض فجأه واغمى عليه)
هنا:(بصريخ) عمر
#بدايه_الحلقه_الجديده
هنا:(جريت عليه بخضه وخوف) عمر قوم ياعمر مالك
( عمر مافقش معاها مسكت موبايلها ورنت على رنا وكملت كلامها بسرعه وبعياط)الحقيني يا طنط رنا عمر وقع ومش بيرد عليا ............... بسرعه والنبى يا طنط (وقفلت معاها ،، بعد دقيقتين لقيت الباب بيخبط جريت فتحت دخلو الكل وراء بعض ، مينا وسليم شالوه ودخلوه الاوضه و حاتم كلم محمد عباس ،، بعد شويه عباس جيه ودخل بسرعه فوقه الاول وبعدين كشف عليه
محمد عباس:(بص لعمر بجديه) انا قولتيلك ياعمر بلاش إجهاد لصحتك انت بتنسى نفسك طول الوقت وشاغل نفسك بكل اللي حواليك وبشغلك وطبعا مطنش ولا بتاكل ولا بتشرب لغاية ما وقعت بسبب ضعفك، دا نادر يابني لما راجل زيك كدا يقع من ضعفه (مينا بص لعمر بلوم من غير كلام
رنا:(بدموع) عاجبك كدا ياعمر ،، عاجبك حالك كدا ياابني (وكملت كلامها وهي باصه ناحية هنا) لو انت مش مهتم بصحتك واكلك انزلي وانا اهتم بيك انا ياقلب أمك(ظهرت هنا واقفه وبتعيط في صمت)
محمد عباس:ياجماعه بلاش قلق هو مجرد ما يفوق لنفسه كدا ويبطل إهمال في نفسه هيبقى زي الفل، بس لازم بقا راحه تامه الايام الجايه دي وهكتبلك على علاج هتمشي عليه الايام الجايه وانا هتابعك
عمر:(برفض) لا ياعمي بلاش علاج انا كويس اصلا
محمد عباس: لا لازم ياعمر احنا مش ناقصين أن حد يتعب ويقع تاني كفايه حازم وبلاش تقولوله عشان هو متعلق بعمر و هيزعل عشانه ،، ومعلشي بقا ياعمر اليومين الجايين دول استحملني بقا هتتشكشك شويه ولو متحسنتش هضطر ألجأ اني اعطيلك محلول حديد وبطل مناهده بقا
عمر:(بتنهيده) انتو مكبرين الموضوع والله انا كويس
محمد عباس:(وهو بيجهز الحقنه) هو الموضوع كبير اصلا مش صغير
رنا:(بص لسلمى) تعالى نخرج يا سلمى على ما ياخد علاجه (خرجت رنا وسلمى ومعاهم حاتم وسليم وهنا واتبقى مينا ومحمد عباس)
محمد عباس:(بص لمينا) ساعده بقا ينام على جمبه (مينا مسك ايد عمر وعمر لف على جمبه ومحمد عباس ضربله الابره عمر مسك ايد مينا جامد وظهر على وشه الوجع محمد عباس شال الابره ودلك مكانها شويه وكمل كلامه) بالشفا يارب (وبص لمينا) متقلقش هيا شويه وقت وهيرجع كويس بأذن الله
مينا:(بتنهيده) بأذن الله (وبص لعمر وسابه بلوم وطلع
محمد عباس:(بص لعمر) متزعلش منه ياعمر هو بس مضايق من اهمالك فى نفسك يلا نام وارتاح شويه وانا بكره الصبح بأذن الله هبعتلك واحد ياخد منك عينه دم علشان اطمن عليك(عمر هز دماغه بمعنى ماشي ونام محمد عباس عدل عليه الغطاء وسابه وخرج بصلهم كلهم) هو نام الحقنه الى اخدها مسكنه هينام شويه وطلع ورقه وكتب فيها علاج وبص ليهم تانى) هيمشي على العلاج ده اسبوع وهشوف لو لسه متحسنش هعطيه محاليل حديد اهتمو بأكله واكل الحاجات الى فيها حديد وربنا يشفيه
مينا:يارب (ونزل هو وعباس ودخلت رنا تانى تطمن على عمر لقيته نام باسته من خده وسابته وهرجت اخدت ولادها ونزلت وهنا دخلت فضلت جمب عمر)
....................................................................
عند مينا ورنا لم نزلو من عند عمر كل واحد طلع اوضته وفضل رنا ومينا
رنا:(بدموع) انا بقولك الواد ده مش كويس وبقالى فتره حاسه انو فى حاجه تقولى من التوتر وقلقه على اخوه
مينا:(بتنهيده) الحمد لله انها جات على قد كده بس انتى يارنا غلطتى لم وجهتى اهماله فى نفسه لهنا وحسستيها انها السبب فى تعب ده
رنا: انا خفت لم شوفته واقع وقاطع النفس كده ولم جيه عباس كمان فضل فتره انا للحظه انا حسيت انو راح من بين ايديا
مينا: حتى لو لقدر الله كان جراله حاجه هنا مالها ابنك الى مهمل يارنا
رنا:(قعدت) انا بقا معرفش بقا انا قولت كده ازاى بس انا بردو ام
مينا:(قعد جمبها) وهيا بردو مراتو متحسسيهاش انها مهمله
رنا: ماشي يا مينا
مينا: ابقى رضيها وطيب خاطرها دى زى سلمى بالظبط
رنا: حاضر يا مينا
مينا: يلا يا حبيبتى نطلع ننام (رنا هزت راسها بمعنى ماشى وطلعو الاتنين الاوضه)
...................................................................
عند هنا الى قاعده جمب عمر وبتعيط ،، فتح عينه لقاها بتعيط
عمر:(بصلها باستغراب)فى ايه ياهنا
هنا:(بعياط)مافيش انت منمتش ليه
عمر: سيبك من النوم دلوقتى ،، انتى بتعيطي الوقتي ليه بس
هنا:(بعياط) انت متعرفش انا اتخضيت وخوفت عليك ازاي لما شوفتك في الأرض كدا ومبتردش عليا
عمر: خلاص بقا ياحبيبتي انا كويس والله قدامك اهو
هنا: بلاش بقا تهمل في صحتك عشان مش عايزه اشوف اللي حصل دا تاني، وكمان طنط حسستني ان انا السبب في اللي انت فيه بس انا والله ماليش زنب
عمر: ياحبيبتي ماما والله ما تقصد حاجه بس هي طبيعي خايفه على ابنها فبتقول اي كلام وخلاص
هنا:(مسحت دموعها) طب خلاص نام عشان ترتاح
عمر: وانتي مش هتنامي ولا ايه
هنا انا هقعد جمبك شويه لغاية ما يجيلي نوم
عمر:(بتعب)ماشي ( عمر غمض عينه من تعبه نام بسرعه وهنا فضلت جمبه بصاله بقلق وخوف عليه)
....................................................................
تانى يوم الصبح عند رنا الى طلعت لعمر فتحتلها هنا لقيت معاها كوبايه لبن
هنا: اتفضلى يا طنط
رنا: عمر نايم ولا صاحى
هنا: صاحى
رنا:طيب انا هدخله
هنا: ماشي
رنا:(مسكت ايد هنا) متزعليش منى علشان امبارح انا والله مكنتش حاسه بنفسى
هنا: لا عادى يا طنط ولا يهمك انا اصلا مزعلتش
رنا:طب انا هدخل لعمر (هنا هزت راسها بمعنى ماشي ودخلت رنا لعمر عمر بصلها وقام قعد
عمر:(بتعب) ايه ده يا ماما
رنا:(قربت منه وقعدت حمبه وحطت اللبن جمبها) ايه يا حبيبى طالعه اطمن عليك
عمر:(بص لرنا وقام قعد) وايه الى انتى جيباه معاكى ده
رنا(اخدت من جمبها اللبن وبتديه لعمر) كوبايه لبن دافيه علشان تقويك ياعمر
عمر: طب ماهنا جابتلى وجابتلى لبن بردو والله وفطرت
رنا: وماله اشرب دى كمان من ماما
عمر:مبقاش فيه مكان خلاص هودى فين بقا
رنا:(بزعل) كده بردو هتكسف ايد ماما
عمر: انا مش عايز ازعلك يا ماما بس انا بجد شبعان جدا
رنا: علشان خاطرى يا عمر
عمر:(بتنهيده) حاضر يا ماما (واخد منها اللبن وشرب منه رنا ابتسمتله وفضلت وراه لحد ما خلص الكوبايه كلها واخدتها واطمنت عليها ونزلت وسابتهم)
...................................................................
عند.رائد الى ظهر فى اوضه عمر
رائد:(اول ما دخل مبترودش عليا ليه يا ياله من اول مره ،، وقعت قلبى اقسم بالله وفكرت انو حازم جراله حاجه
عمر:( بص لرائد) الحمد لله حازم كويس
رائد:( دخل الاوضه واترمى على السرير ونام جمبه)بس طلع عمورى الى تعبان.
عمر: انت يابني براحه جاموسه بينام
رائد:(بصله بضحكه) مالك يابطه تعبانه مالك، انت مش قد الجواز ولا ايه ياض لتكون فاضحنا و..
عمر:(مقاطع لرائد) باااااس ايه مبتفصلش من ساعة ما دخلت وانت شغاله كلام دا حتى ما قولتليش الف سلامه
رائد:(بصله بتأثر) ألف سلامه عليك ياعمر ان شالله الواد سليم (وضحك)
عمر:(هز دماغه بيأس) أنا هستنى منك ايه غيرانك تألش ما انت واطي ومتعود منك على كدا
رائد: بس بقولك ايه احسن حاجه في حوار تعبك ده انك هتاخد اجازه من الشغل يابختك ياعم
عمر: ادعي عليك تكون مكاني
رائد:(بسرعه) لا يااخويا أنا عايز اجازه من بتاعة الافراح واكون عريس كدا (وبص لسليم اللي قاعد بيضحك وبس ،، كمل رائد كلامه) انت جاي تضحك بس ما تشاركنا الفرح يا سولي
سليم:(بزعل) ياريتك ما وجهتيلي كلام ولا دلعتني
هنا دخل ومعاها عصير و كيكه رائد اتعدل وقعد كويس
هنا:(حطت العصير والكيكه على ترابيزه جمب السرير وبصت لرائد وسليم) اتفضلو
رائد:(بابتسامه) شكرا يا مدام هنا
هنا: الف هنا (وبصت لعمر) عمر ،، عمو عباس اتكلم على الموبايل وبيقول هو هيتأخر شويه بس هيجيلك قبل ما يروح بعد أذنكو (وسابتهم وخرجت
رائد:(بص لعمر) انت لسه تعبان ولا ايه
سليم: لا عشان بيعطيه حقن بس فأكيد بيقوله أنه هيجي عشان ميقلقش من تأخيره
رائد: باااس فرصتي هات يابني كيس العلاج دا كدا انا هعطيهاله (ومسك الكيس وبيفتحه)
عمر:( بيحاول يشد كيس العلاج من أيده) والله ما هيحصل ابدا انا مش مستغني عن عمري
سليم: هو انت بتعرف اصلا يا رائد
رائد: ما انا هتعلم عليه اهو، هو انا عندي اغلى من عمر عشان اتعلم عليه
عمر: قوم امشي يابني انت والله تعبتني بزياده
رائد:(بص لسليم بجديه) قوم ياسليم اخوك بيطردنا من شقته
سليم: هو ميقصدش والله...
رائد:(مقاطع لسليم)يلا يابني ننزل نقول لامك تعملنى عشى كويس انا هفتان و جعان
عمر: غور يخربيت طفاستك (سليم ضحك ونزل هو ورائد وعمر. نام على السرير تانى)
....................................................................
عند ادم الى راح الصيدليه دخل وسلم على كل الدكاتره الى موجوده شاف طفل واقف مع مامته وبيعيط ومنهار و مامته مش عارفه تهديه خالص
أدم:(قرب منهم) في ايه (وبص للدكتور الصيدلي) في ايه يادكتور اسلام
اسلام: المدام جايبه ابنها عشان حد هنا يعطيه حقنه بس زي ما حضرتك شايف الطفل منهار وخايف جدا
ادم:(هز دماغه بتفهم وقرب من الطفلظ انت اسمك ايه ياجميل
الطفل:( بعياط) اسمي ادم
ادم: اممم تعرف أن انا كمان اسمي ادم، قولي بقا يا آدم انت بتعيط كدا ليه وايه اللي مخوفك
الطفل:(بعياط) ماما والدكتور ده عايزين يعطولي حقنه وانا خايف
ادم: ما هي ماما خايفه عليك لان اكيد تعبان و عايزاك تبقى كويس
الطفل:(ببكاء) بس انا خايف منها
ادم: مش انت راجل (الطفل هز دماغه بمعنى ايوه ،، كمل أدم كلامه) والراجل ميخافش من شكه زي دي و لا يعيط بسبب حاجه بسيطه كدا وبص بقا ياسيدي ايه رأيك اعطيهالك انا الكل بيقولي أن ايدي خفيفه(الطفل بصله بعدم اقتناع ،، ادام كمل كلامه) اه والله ايدي خفيفه وكمان محدش هيمسكك لان انت راجل تقف لوحدك (الطفل بص لادم وادم اخد الحقنه من اسلام وجهزها وبدأ يعطيها للطفل اسلام لقاه هيتحرك مسكه بسرعه وتملك منه
الطفل:(بعياط وصريخ)اااااااااه اااااااه
ادام:(شال السن وبص للطفل)خلاص خلصت يا حبيبى بالشفا يارب
الطفل:(بصله بعياط)انا زعلان منك علشان كذبت عليا ومش هاجى هنا تانى (ومشي وسابهم)
الام:(بصت لأدم)شكرا يا دكتور (واتحهت باتحاه الحسابات
اسلام:بقالنا ساعه بنتحايل عليه
ادم: الحقنه صعبه جدا ربنا يشفيه يلا كمل شغلك وانا هدخل جوه (اسلام ابتسم وراح يكمل شغله وأدم دخل مكتب الصيدليه
....................................................................
عند محمد.عباس الى راح لعمر ،، فتحتله هنا ومحمد عباس دخل لعمر
محمد. عباس:عامل ايه النهارده ياعمر
عمر: الحمدلله ياعمي
محمد عباس:(بص لهنا) اكل كويس يا هنا وشرب عصاير زي ما قولتيلك
هنا: انا بحاول اجيبله كل شويه بس هو احيانا يوافق ياكل واحيانا يرفض
محمد.عباس: انا يعني هستغرب أنه مُتعب ليه هما العيله دي كلها كدا
عمر:(بتعب)فى حاجه فى التحاليل ياعمو محمد
محمد عباس:(بصله) فى ضعف عام بسبب اهمالك ،،
فين يابنتي علاجه عشان امشي(هنا جابت العلاج لمحمد عباس ومحمد اخد حقنه وبدأ يجهزها
عمر:(بصله) مكنش ليها لازمه الحقن دي والله لاني كويس الحمدلله
محمد عباس: والله انا كنت شايفك اعقل واحد عند مينا بما انك الكبير بس طلعت زيهم كلهم ويلا اقف عشان نخلص عمر و قف قدامه محمد عباس بدأ انو يدخل السن ويضرب الحقنه ،، عمر غمض عينه بتعب وبصمت عباس شال السن
عمر:(بتعب)الحقنه تقيله قووى
محمد عباس:معلشى يا عمر علشان بس العلاج مركز بالشفا يارب ،، يلا يا حبيبي انا همشي بقا عشان اتأخرت واتمشى ياعمر علشان رجلك متوجعكش
عمر: حاضر
محمد عباس: يلا يا حبيبي انا ماشي (عمر هز راسه بمعني ماشي ومشي عباس وعمر فضل يتمشى في الأوضاع شويه و راح نام على السرير ،، و هناه قاعده جمبه على السرير)
....................................................................
(تانـي يوم ظهر حازم واقف مع مامته وهيا في المطبخ وبيتكلم معاها)
حازم:(بتساؤل) ماما هو أبيه عمر فين! ماشوفتوش النهاردة خالص؟!
رنا:(بصتله بتوتر) ها عمر كويس ياحبيبي ماتقلقيش تلاقيه عنده مأمورية ولاحاجة ومش فاضي..
حازم:(بهدوء) ماهو على طول مش فاضي وعنده شغل ياماما وبيجي يشوفني وإحنا بقينا داخلين على العصر أهو وماجاش..
رنا:(بجدية وبتهرب من أسئلته) حازم بطل زن بقي وسيبني أكمل الأكل علشان باباك شوية ويجي هو وإخواتك علشان يتغدوا وعمر هيبقي يجي لما يفضي يشوفك بإذن الله..
(حازم بصلها ونفخ بزهق وخرج برا كانت سلمي قاعدة قدام التلفزيون قعد جنبها وما إتكلمش خالص)
سلمي:(برفعة حاجب) مالك يابني لاوي بوزك ليه كده!
حازم:(بضيق) مافيش..
سلمي:(بإستغراب لضيقه وبصتله) مالك بجد فيه إيه!
حازم:(بقلق) بسأل ماما على أبيه عمر إنه ماجاش النهاردة يسأل عليا زي كل يوم وماشوفتوش بتقولي هيبقي يجي لما يفضي ومش مصدقها بصراحة حاسس فيه حاجة ..
سلمي:(بتوتر وتساؤل) هيكون فيها إيه يعني! هيجي يابني بإذن الله ماتقلقش إنت بس..
حازم:(بصلها بشك) انت إتوترتِ انتي كمان ليه كده! إنت عارفة حاجة ومش عاوزة تقوليلي؟!
سلمي:(بتوتر) لا يابني مافيش حاجة..
حازم:(بجدية) والله ياسلمي لو ماقولتي فيه إيه لهزعل منك ومش هكلمك لأخر يوم ف عمري..
سلمي:(بهدوء) طيب إهدي إهدي بصراحة أبيه عمر تعب إمبارح وأغمي عليه وعمو عباس كان كشف عليه وقال إنه تعبان وعنده ضعف بس إعطاه علاج وبيقول أسبوع ولاحاجة ويتحسن بإذن الله..
حازم:(بصلها بصدمة وخوف) أمتي ده! أنا كنت فين؟!
سلمي:(بخوف عليه) كنت نايم إهدي ياحازم وماتخافش والله هو كويس..
(حازم بصلها بدموع وخوف وقام خرج من الشقة وطلع لعمر وسلمي باصة عليه بقلق ظهر حازم قدام شقة عمر وبيخبط الباب وهنا فتحتله)
هنا:(بصت لحازم بقلق) حازم مالك إنت كويس!
حازم:(بدموع وخوف) أنا كويس هو أبيه عمر صاحي ولانايم؟!
هنا:(بصتله بإبتسامة) أيوة صاحي تعال أدخل ..
(دخل حازم وهنا قفلت الباب ودخلت وراه ظهر حازم داخل الأوضة لعمر اللي أول ماشافه جري عليه وحضنه بعياط وخوف وعمر حضنه وقعد يهدي فيه)
عمر:(بإبتسامة وبيمسح بإيده على ظهر حازم بحنية) حازم زوما إهدي يابني إنت بتعيط ليه والله أنا كويس..
حازم:(طلع من حضن عمر وبصله بدموع) إنت كويس ياأبيه بجد!
عمر:(بضحكة) أنا والله كويس وزي الفل بس مين قالك ده!
حازم:(بحزن) أنا سألت ماما عليك علشان أول مرة ماتجيش وأشوفك قالتلي إنك عندك شغل ومش فاضي بس سألت سلمي وقالتلي بعد ما إتحايلت عليها لإنـي كنت قلقان..
عمر:(بضحكة) أنا قولت برضو مافيش حد غيرها راوتر ماشي ف الشقة البت سلمي دي ..
حازم:(بحزن ودموع) كده كده مسيري كنت هعرفك لأن متعود على إنـي أشوفك كل يوم ألف سلامة عليك ياأبيه..
عمر:(بإبتسامة وحنية) الله يسلمك يازوما ماتقلقش ياحبيبي أنا كويس والله الحمدلله المهم خلي بالك من نفسك وصحتك إنت وماعوتيش تعيط علشان ماتتعبش إتفقنا ؟!
(قطع كلامهم مع بعض دخول هنا ومعاها كوباية عصير ودخلت وقعدت جنبهم)
هنا:(إعطت لحازم العصير) أحلي كوباية عصير لأحلي زوما ..
حازم:(برفض) مش عاوز والله ماليش نفس ..
هنا:(بزعل مُصطنع) لا والله لتشرب وإلا هزعل وأجيب ناس تزعل كمان..
عمر:(بضحكة وأخد العصير من هنا وإعطاه لحازم بإبتسامة) يلا يازوما إشرب وبطل مناهدة بقي..
(حازم أخد من عمر العصير وشربه وقعد معاهم شوية وإطمن على عمر وإستأذن ونزل)
.................................................................
فى البروفا عند مالك الى كان واقف وماسك الجيتار بتاعه وباين عليه الضيق والعصبيه وقدامه باقى اعضاء الفرقه والموسيقار
الموسيقار:(وهو بيشاور على باب المسرح) اتفضل اطلع بره المسرح ،،،، انا مش عايز اشوف وشك هنا تانى ،، وطول ما انا هنا مش هتلمح المسرح
................................................
ياترى ايه الى حصل لو حابين تعرفو استنونا الحلقه الى جايه
#hadeer
#rody
#hageer
