#مع_مر_الزمان
#مع_مر_الزمان_31
#جزء_من_حلقه_سابقه
رائد: انت علقت ولا ايه ،،، وبعدين انا بستأذن منك ياكلب انت انا هتصل بطنط وهتقولى وقت ما تحب البيت مفتوحلك يا حبيبى
عمر:(لسه هيرد عليه لقى تليفونه رن ،، عمر بص لرائد) كنت هرد رد بس الى نجدك التليفون (وحدف القلم عليه ورد على التليفون) الوو ............ ايوه انا مين ............(قام وقف بصدمه) انت بتقول ايه ......... طيب طيب انا حاى حالا
رائد:(بقلق) فى ايه يا عمر (عمر بصله واخد مفتاحه وتليفونه وجرى على بره ورائد جرى وراه
#بدايه_الحلقه_الجديده
(في القسم ظهرت سلمي وصاحبتها واقفين قدام مكتب الظابط وسلمي بتعيط)
الظابط(بإستخفاف) أهلاً وسهلاً بالهوانم المدمنين(وبص لسلمي بزعيق) بطلي نواح يابت وهاتي بطاقتك إنتِ وهيا يلاا ..
(طلعت سلمي وصاحبتها بطايقهم وإعطهاله وسط خوف سلمي وعياطها)
الظابط(مسك البطايق وقلب فيهم شوية وبص لسلمي بإستغراب) إنت أخت عمر مينا..
سلمي(هزت رآسها بمعني أيوة وهيا بتعيط)
الظابط(بأسف) نفسي أعرف إزاي الناس المحترمة دي يبقي لهم إخوات كده(قام وقف وبجدية) ماتتحركوش من مكانكم دقيقة وجاي..
(خرج الظابط خمس دقايق وشوية ودخل تاني ومعاه عسكري)
الظابط(بجدية وشاورله ع صاحبة سلمي) خد البنت دي الحجز وسيب التانية لما نشوف إي حكايتها ..
(شوية ودخل عمر وكان معاه رائد دخل عمر وشاف سلمي واقفة بتعيط)
عمر(بص لسلمي اللي واقفة تعيط وبص للظابط) فيه إي!!
الظابط(بهدوء وبجدية) إتفضل ياعمر باشا أقعد
عمر(قعد هو ورائد وبصوا للظابط في قلق وإستغراب) فيه إي بقي !
الظابط(بص لسلمي ورجع بص لعمر) أخت حضرتك مسكناها في كمين مع واحدة صاحبتها ومعاهم مخدرات ..
عمر(بصله بصدمة) مخدرات!!!!!
رائد(بصدمة وإستغراب) مخدرات إزاي يعني!!
عمر(قام وقف قدام سلمي وبجدية وصوت مُرعب) مخدرات ياسلمي !
سلمي(بعياط وخوف) والله ماليا دعوة بيها ياأبيه ولاأعرف إن العربية فيها حاجات من دي..
عمر(بعصبية شديدة) ماشية على عماكِ وبتروحي مع أي حد وفـ اي مكان ليه متخلفة ولا معندكيش دماغ..
سلمي(بصتله بخوف ورعب وهيا بتعيط وكاشة علي نفسها من الخوف)
رائد(راح لعمر ومسك إيده وبصوت واطي) عمرإأهدا ووطي صوتك الموضوع مش هيتحل كدا و إنت بطريقتك دي بتخوفها و هي أصلاً مرعوبة، أقعد إنت وأنا هتصرف ..
عمر(بص لرائد ورجع بص لسلمي بضيق وراح قعد مكانه وسط عصبيته)
رائد(وقف قدامها وبهدوء) أنا عارف إنك مستحيل تعملي كدا بس إنتِ كنتِ عارفة إنها معاها حاجة من دي ولالا ؟!
سلمي(بعياط وخوف) لا والله والله ما كنت أعرف دا أنا كنت بتخانق معاها لو دخنت سجاير عادية ..
رائد(بصلها بتنهيدة وبص للظابط) البنت التانية فين؟!
الضابط(بجدية) ف الحجز
رائد(بجدية) ممكن أشوفها؟!
الظابط(بجدية) أها طبعا (ونادي علي العسكري اللي دخله علي طول) إبعت هات البت اللي دخلتها الحجز الوقتي..
(راح العسكري يجيب البنت وعمر باصص على سلمي اللي باصة عليه بخوف ورعب ورائد واقف متوتر شوية ودخلت البنت اللي كانت مع سلمي)
رائد(وقف قدامها وبصلها بجدية) الحاجات اللي مسكوها معاكِ دي كنتِ بتتعاطيها ولا بتاجري وشغالة فيها..
البنت(بصتله ونزلت رأسها في الأرض وسكتت ماإتكلمتش)
رائد(بهدوء) بتتعاطيها صح؟!
البنت(هزت رأسها بمعني أيوة وسكتت)
رائد(بجدية) سلمي كانت تعرف بالحاجات دي إنها معاكِ؟!
البنت(بهدوء) لا ولاعمرها جربته وكانت لما بشرب سجاير عادية بس بتفضل تكح وتتعب ..
رائد(بص لسلمي بتنهيدة راحة وبص للظابط بجدية) أديك سمعت بنفسك أهو إن سلمي ملهاش علاقة بالحاجات دي..
الظابط(بجدية) إحنا أسفين ياباشا بس حضرتك تفهمها ماتمشيش مع الناس دي علشان ماتتاخدش في الرجلين وهي أصلاً تقدر تمشي معاكم حالاً إحنا لسا مافتحناش محضر
(الظابط أمر العسكري يرجع البنت الحجز وعمر ورائد شكروه وأخدوا سلمي وخرجوا برا القسم)
رائد(بص لعمر بهدوء) هات مفتاح عربيتك هسوق أنا وأسيب عربيتي هنا لبكرة ..
عمر(إعطاله مفتاح العربية بهدوء من غير مايتكلم)
(رائد أخد منه مفتاح العربية وفتح لسلمي تركب ورا وراح قعد مكان السواق هو وعمر قعد جنبه بهدوء من غير كلام شوية ووصلوا قدام البيت سلمي نزلت علي طول ودخلت وسط عياطها وخوفها وقلقها من عمر وعمر نزل هو ورائد)
رائد(مسك إيد عمر بجدية) ماتقولهاش حاجة وكلمها بهدوء علشان الكُل مايبقاش عليها وإنت حاول تهدي باباك والكُل لما تدخل وتعرفهم إن الموضوع عدي على خير الحمدلله ..
عمر(بصله بتنهيدة وهز دماغه بمعني ماشي) خلي العربية معاك علشان تعرف تروح بس بكرة إبقي تعال خدني من هنا ..
رائد(يهدوء) حاضر يلا بقي همشي أنا سلام ..
(مشي رائد بعد ماسلم علي عمر وعمر إتنهد بتنهيدة تعب وضيق ودخل البيت)
~~~~~~~~~~~~~~~~~~~~~~~~~
(في بيت مينا ظهرت سلمي داخلة البيت وبتعيط جامد وعمر داخل وراها كلهم قاموا وقفوا لما لاقوها بتعيط كده وبصوا عليها بقلق)
مينا(بقلق) سلمي!! مالك بتعيطي ليه!! وإتأخرتِ ليه النهاردة؟!
سلمي(راحت قعدت وهيا لسا بتعيط وخايفة ومش بترد عليهم)
رنا(بقلق وبصت لعمر) أختك مالها ياعمر بتعيط ليه!!
عمر(بص لأمه بهدوء) هيا كويسة ياحبيبتي ماتقلقيش(وبص لباباه بجدية) بابا ممكن نتكلم شوية ع إنفراد؟!
مينا(باصص علي سلمي بقلق) طيب أختك بتعيط ليه ياعمر!!
عمر(بجدية) ما الموضوع اللي هكلمك فيه يخص سلمي..
مينا(بص لسلمي بقلق وبص لعمر) ماشي تعال..
(دخل مينا أوضة المكتب بتاعته وعمر بص علي سلمي اللي بتبصله بخوف ورعب ودخل ورا باباه شوية وخرج مينا من أوضة المكتب وباين عليه العصبية والغضب وعمر وراه بيحاول يهديه)
مينا(بزعيق وصوت زعيقه قالب البيت) مافيش حاجة إسمها براحة ياعمر (قرب من سلمي ووقف قدامها وهيا باصة علي باباها بخوف وفجأة ضربها بالقلم لدرجة وقعت علي الارض من شدته جري عمر وسليم وحاتم وشالوا سلمي من إيد باباهم وحازم واقف خايف من اللي بيحصل)
مينا(بزعيق) شيلوها مافيش حد يشيلها
رنا(وقفت قدامه ورجعت سلمي ورا ظهرها وبصتله بقلق) طيب هيا عملت إي لكل ده!! (وبصت لعمر) أختك عملت إي ياعمر إنطق!!
مينا(بعصبية وصوت جهوري) بنتك كانت في القسم يا هانم.. الانسة سلمى المحترمة كانت ممسوكه بمخدرات ..
رنا(بصتله بصدمة) إنت بتقول إيه يامينا !! مخدرات إي!!
مينا(بزعيق) ما إنتِ مابقتيش فيقالها ولا مركزة معاها، أخوها لسا جايبها من القسم حالاً ..
عمر(بهدوء) سلمى ملهاش دعوة يا بابا صاحبتها اللي كان معاها المخدر، أنا قولت إني لازم أعرفكوا عشان متعرفوش من برا وتبقى مشكلة..
مينا(بزعيق وعصبية) آه كنتوا سيبوني على عمايا ومتقوليش كمان و سيبوها ماشية على حل شعرها ماهو ده اللي ناقص..
رنا(بدموع وصوت عالي) أنا بنتي مش ماشية على حل شعرها يا مينا و بنتي محترمة وأنا عارفة أنا مربياها إزاي، واللي غلط بنفهمه غلطه بالهداوه مش بالضرب و الهمجية كدا ..
مينا(بصلها بصدمة) همجية!!!! انا همجي يا رنا ماشي على العموم كلامنا مش الوقتي يارنا (ويقرب من سلمي ويمسك دراعها وبعصبية) معدش فيه خروج من البيت ولا حتى للكلية، هتبقي تروحي على الامتحانات وبس لكن غير كدا إنسي وأنا هربيكِ من أول وجديد بقا.. و يلا غوري من وشي ..
(سلمي بصت لباباها بزعل وعياط وطلعت تجري علي أوضتها بخوف وعياط ورنا طلعت وراها)
مينا(بزعيق وبص لإولاده) إنتو كمان واقفين كده ليه يلا كل واحد علي أوضته..
(مشوا من قدام باباهم طلعوا لسلمي ومامتهم فوق ومينا قاعد تحت وسط عصبيته ونرفزته)
~~~~~~~~~~~~~~~~~~~~~~~~~
في المستشفى ظهر واحده داخله المستشفى وبتصرخ و واحد شايلها و واحد ست كبيره ماشيه معاهم
ممرض الاستقبال:في ايه
الراجل: مراتي حامل و بتنزف
ممرض الاستقباله روحوا اخر الطرقه دي للدكتوره هايدي( روحوا وداخلو
هايدي :(قامت بسرعه لم شافتهم) في ايه
الراجل :(بخوف) الحقي مراتي يادكتوره العيل بينزل
هايدى:(بسرعه) سيبها على سرير الكشف بسرعه
(كشفت عليها بصت للمرضه) جهزي العمليات بسرعه
الراجل : عمليات ليه يادكتوره
هايدى: المدام البيبي نزل ولازم نعملها كحت وتنضيف قبل ما يحصلها تسمم(واخدوها ومشوا بعد فتره خرج
هايدى:(بصت ليهم) هتبقى كويسه بس هي في الافارقه ،، هو ايه اللي حصلها عشان الجنين ينزل دي لسه في التالت
ام المريضه : هي كانت قاعده معايا وفجأه قالتلي أن بطنها بتوجعها اوي فعملتلها قرفه تشربها وشربتها كوبايتين عشان الوجع يخف
هايدي:( بصتلها بصدمه) قرفه.. قرفه وهي في أول شهور الحمل هو حضرتك محملتيش قبل كدا عشان تعرفي أن القرفه دي ممنوعه للحوامل
ام؛ المريضه: انا كنت عايزه الوجع يخف من عندها وخلاص
هايدي:(باسف) لا حول ولا قوه الا بالله، في حاجه اسمها تكلموا الدكتور بتاعها يا مدام بدل ما تتصرفوا من دماغكوا كدا
الراجل:انا قولتلك.لا نسال الدكتور قولتى انا هتصرف مالكيش دعوه بينا بقا (وسابها وبعد عنها وبدعى ربنا ينجى مراته وتقوم ليه بالسلامه
~~~~~~~~~~~~~~~~~~~~~~~~~
عند ساره مع رحمه فى اوضه ساره وبيتكلمو
ساره: هو انتى مش خايفه من العيشه معانا
رحمه: هخاف من ايه
ساره: يعمى حما واخت زوج الحكايات الى بتحصل
رحمه لا مش خايفه يابنتى الجواب باين من العنوان بباكى ومامتك طيبين جدا وانا بحبهم جدا وكمان انتى ومروان انا اعتبرتكو اخواتى هخاف من ايه
ساره: البنت الى بتبعد عن حماتها وانتى الى اقترحتى تيجي هنا
فريده: فى حموات فعلا ميتعشروش وفى حموات كويسه
ساره: انا خايفه اقع مع الى مبيتعشروش دول
رحمه:(بضحكه) لا باذن الله تحبى حد كويس واهله كويسين
ساره: يارب (وبصلتلها) زمان يحيي هينفخنا احنا الاتنين قعدنا هنا ونسيناه بره يلا نطلع
رحمه: ماشي وطلعو الاتنين
يحيي: لسه بدرى ياختى انتى وهيا
ساره: الله مش انت الى قولتلى اتعرفى عليها ج
يحيي: اه بس مش كده ضيعتو اليوم
رحمه:(بضحكه) فعلا اليوم راح وانا اتاخرت ولم ارجع البيت بقا
يحيي:(بصلها) بقا كده
رحمه: ايوه كده (وبصت لساره وسلمت عليها وباستها وبصت ليحيي) انا جاهزه
يحيي: يلا ياختى (وبص لساره) ضيعتي اليوم (ومشيو الاتنين وساره بتضحك على يحيي)
~~~~~~~~~~~~~~~~~~~~~~~~~
بالليل عند مالك الى قاعد فى اوضته وبيعزف على الكمان وسرحان وناسي الدنيا بالى فيها فجاه الباب اتفتح
محمد عباس:(بصوت عالى) انت يا استاذ
مالك:(انتبه لصوت بباه وبصله) بابا فى ايه
محمد عباس: هو ايه الى فى ايه انت بتنيل ايه (بعصبيه) انت مبتذاكرش ليه
مالك: خلصت مذاكره
محمد عباس:(بعصبيه) هيا مذاكره الايام دى بتخلص وبعدين انت مش عندك امتحانات الايام دى
مالك: زهقان قولت افك عن نفسي شويه
محمد عباس: هو احنا مش قولنا يا بنى نبطل الكمان الزفت ده
مالك: حضرتك عارف انى دى الحاجه الوحيده الى بحبها ومبعرفش اعمل غيرها
محمد عباس: وانا شايف بقا انو الكمان دى مضيع وقتك وللاسف انا هضطر اسحبه منك
مالك:(بحزن) لا يا بابا علشان خاطرى
محمد عباس: انا قولت كلمه واحده بس هات الكمان ده
مالك:(بخنقه) علشان خاطرى يا بابا والله هذاكر
محمد عباس: اخلص يا بنى هات الزفت ده
هايدى:(دخلت على الصوت والزعيق) فى ايه يا جماعه
مالك:(بص لهايدى) بابا عايز ياخد منى الكمان لو سمحتى يا ماما قوليله يسيبهولى
محمد عباس: مش هسبهولك يا مالك هات الكمان
هايدى: خلاص يا محمد بقا سيبهوله
محمد عباس:(بجديه) لا(وقرب منه وشد الكمان من ايد مالك) علشان يركز فى دروسه ومزكرته وبس (وسابهم وخرج هايدى بصت لمالك بزعل وقريت منه)
هايدى: متزعلش يا حبيبي ركز الفتره دى وهيدهيهولك(وباسته من خده وسابته وخرجت وسط صدمه مالك وزعله على الكمان الى اتسحب منه)
~~~~~~~~~~~~~~~~~~~~~~~~~
عند. سليم الى ظهر قاعد فى اوضته عنده وجع في جمبه غير محتمل و قاعد على السرير مش قادر يتحرك من وجعه
رنا:(دخلت تطمن عليه كالعاده لاقيته قاعد كدا قربت منه بسرعه) مالك ياحبيبي قاعد كدا ليه
(وبصت لوشه وقربت منه بسرعه بقلق) مالك ياسليم
سليم:( بتعب (مش عارف ياماما حاسس ان جمبي بيتقطع من الوجع
رنا: جمبك انهي
سليم: الشمال من هنا(وشاور على مكان الوجع)
رنا: طب نام على السرير كدا أما اشوفك(وكشفت عليه وسالته عن كل الاعراض اللي بيحس بيها ،، خلصت كشف وبصتله) دي تقريبا بالاعراض اللي بتقول عليها دي يبقى املاح(وكملت كلامها بلوم) و دا من قلة شربك الميه يا استاذ
سليم:( بتعب) مش وقت لوم ياماما عشان خاطري لاني مش قادر
رنا:(بتنهيده) انا جاي اهو استني (وخرجت دقيقتين ورجعت ،، كملت كلامها وهيا بتجهز حقنه) لما تاخد الحقنه دي هتبقى كويس دي مسكن كويس جدا
سليم:) بعصبيه) من تعبه حقنه ايه بس يا ماما انا ناقص تعب
رنا:(بصتله) تعب ايه بس دي شكه وهتخلص من التعب اللي انت فيه ده عشان تعرف تنام
سليم:( بتعب) مش هاخد انا حقن شوفيلي حاجه تانيه
رنا: والله ما في مسكن غيره و دا كويس وبيجيب من الاخر و متغلبنيش بقا عشان خاطري
سليم:(بزهق) يوووه ياماما
رنا:(مقاطعه لسليم بحده) سليم انت حر بقا انا راحه انام و لو انت حاسس ان انت مش قادر على الوجع ده ابقى ناديلي اعطيهالك (وراحت ناحيه الباب عشان تخرج
سليم:(مسك جمبه بتعب) خلاص ياماما تعالي
رنا:(رجعلته وبصتله) انا عارفه ياحبيبي انك تعبان والله و دي هتريحك بإذن الله(وجهزت الحقنه) يلا هتقوم
سليم:(قام وقف) انا عارف انها ليله مش فايته اصلا
رنا: متقلقش انت عارف اني ايدي خفيفه(وبدات تعطيه الحقنه وسط برطمته من وجع الحقنه خلصت رنا الحقنه وكملت كلامها)بالشفا
سليم:(بوجع وتعب) دي وايدك خفيفه اومال لو تقيله بقا هتعملي فيا ايه، كان جمبي اللي بيوجعني زادت دي كمان اصلي ناقص
رنا: لا انت فظيع ياسليم حاول تنام ياحبيبي وانا طالعه (وطلعت وسابته وبعد شويه دخلت تطمن عليه لاقيته نايم عدلت عليه الغطا وسابته وخرجت
~~~~~~~~~~~~~~~~~~~~~~~~~
تانى يوم الصبح رنا دخلت لسليم
رنا:سليم سليم يلا اصحى
سليم:(فتح عينه وبصلها وبص فى موبايله وبص لرنا تانى)لسه ياماما نص ساعه على ميعاد صحياني
رنا: عارفه بس قوم امسك دي كدا
سليم:(مسك وبص باستغراب) ايه دي
رنا: دي عشان تعمل فيها عينه عشان ابعتها المستشفى عشان تتحلل و نشوف نسبة الأملاح عندك ايه
سليم: ما خلاص ياماما انا كويس
رنا: انت كويس عشان لسه مفعول المسكن لكن برضه انا عايزه اطمن
سليم: وانا مش هعمل القرف ده
رنا: ايه القرف في كدا.. قوم يابني ربنا يهديك يلا دا انا منمتش طول الليل من قلقي عليك
سليم: مش مستهله يا ماما
رنا: ريح قلبى يا ابنى ربنا يريح قلبك
سليم:(نفخ بزهق ودخل الحمام وهو بيبرطم بكلام مش مفهوم ،، دخل شويه و خرج وهو ماسكها بقرف) ياريت تكوني ارتاحتي كدا
رنا: اه ارتاحت وهرتاح اكتر لما النتيجه تجيلي (وخرجت وسابت سليم)
سليم:(بص فى النوبايل)اهيه النص ساعه راحت ومش هعرف انام تانى (وراح ناحيه الدولاب بزهق واخد غيار ودخل الحمام
~~~~~~~~~~~~~~~~~~~~~~~~~
عند.ادام.الى رايح.الشركه وراح علشان يركب الاسانير ولسه هيقفل تيا داخله الاسانسير ولما شافته وقفت اتوترت وفضلت ثابته مكانها
آدم: ادخلي يلا عشان الاسانسير يطلع (تيا دخلت فضلت متوتره ،، كمل آدم كلامه) انتي معانا هنا في الشركه(تيا هزت دماغها بمعنى اه. الاسانسير وقف وتيا خرجت وهي بتجري ،، كمل آدم كلامه
) يا أنسه(تيا وقفت بتوتر وبصتله ،، ادم قرب منها وكمل كلامه) مش المفروض ميعاد الشركه قبل كدا بنص ساعه
تيا:( بتوتر) والله ان أن انا خارجه من البيت بدري بس التأخير في المواصلات انا اسفه
آدم:( بجديه) متتكررش تاني
تيا: حاضر
آدم: اتفضلي على مكتبك يلا(تيا مشيت بسرعه على مكتبها وآدم راح ناحيه مكتبه
~~~~~~~~~~~~~~~~~~~~~~~~~
عند محمد عباس الى ظهر خارج من اوضه العمليات وباين عليه الارهاق والتعب
وليد: محمد انت كويس
محمد عباس: ايوه يا وليد الحمد لله
وليد: باين عليك انت تعبان
محمد عباس: يمكن علشان العمليه كانت صعبه ومنمتش بقالى يومين
وليد: المفروض انك ترتاح علشان متتعبش كده
محمد عباس: انا شويه وهبقى كويس متقلقش هروح بس اشرب قهوه بعد اذنك (راح محمد اوضته وقعد على المكتب وحط ايده على دماغه وبص قدامه بتعب) وبعدين بقا فى الدوخه دى الدنيا بتلف بيا من الصبح (ومسك دماغه) ااااه يارب ( وتنهد وقام جاب جهاز الضغط وقعد وقاس لنفسه الضغط لقى ضغطه واطى جدا ،، كمل كلامه) هو الضغط نازل قوى ليه كده اكيد من ارهاق الشغل (وقام وقف قدام دولاب العلاج وفتحه وبص فيه وطلع حقنه منه وسرنجه وجهزها وراح قفل الباب ووقف قدام المرايا واعطى نفسه الحقنه خلص ورمي السرنجه وغسل ايده وقعد على الكرسي بتاعه ورجع دماغه لوراء وغمض عينه علشان يريح دماغه شويه)
~~~~~~~~~~~~~~~~~~~~~~~~~
عند محمد سعد قاعد مع مروان الى بيعيط بالدموع
محمد سعد: خلاص يا مروان انت عملت الى عليك
مروان:(بعياط) لا انا حاسس انى قصرت علشان كده النقض اترفد وحكم الاعدام هيتنفذ وهو برئ انا متاكد
محمد سعد: ده نصيبه يابنى اهدا علشان خاطري بقا
دينا:(دخلت باليمون وقعدت جمب مروان) اشرب يا حبيبى هيهدى اعصابك
مرروان:(وهو بيمسح دنوعه) ماليش نفس (وبص لسعد) نظره ولده صعبه قووى انهياره صعب خلفانه بالله انو برى ومش هو الى قاتل صعب قووى امه اغمى عليها اخوه بيسالنى بيقولى خلاص سندى هيموت هيروح للموت برجله معرفتش ارد عليه
محمد سعد:( مسك ايد مروان وخلاه ينام وفضل جمبه يقرا قرأن ويحسس على شعره بحب وحنان لحد ماهدا ونام وبص لدنيا) يلا نطلع ونسيبه يرتاح
دينا:(بدموع) ماشي (وخرجو الاتنين مجرد ما خرجو مروان فتح عينه وتنهد بحزن ودموع وفضل يفكر فى الشب الى معرفش ينقذه من حكم الاعدام
~~~~~~~~~~~~~~~~~~~~~~~~~
عند.عمر الى نازل من العربيه وبص لحازم الى قاعد فى العربيه
عمر: يلا يا حازم انزل (حازم نزل وبصيله من غير كلام ودخلوا ،، عمر قرب من موظف واقف وكمل كلامه) لو سمحت ادم فين
الموظف: تقصد دكتور ادم
عمر: اه دكتور ادم
ادم:(جي من ورا) تعالي ياعمر (وبص لحازم وكمل كلامه)تعالى ادخل يا زوما (دخلوا معاه)
عمر: بباك تعبان النهارده و مقدرش يجي فجينالك بقا زي ما قولت
ادم : كويس.. و اهو تغير برضه ولا ايه يا زوما
حازم (بصيله بزعل) انا مكنتش عايز اجي بس ماما زعقت و أبيه عمر صمم
ادم:(بضحك) انت مشكله يا حازم والله
عمر: طب يلا اعطيهاله عشان منعطلكش اكتر
ادم:ماشي (وبص لتيا) يا انسه تيا لو سمحتي هاتي من عندك حقنه.....
تيا: حاضر(وراحت تجيب الحقنه ورجعت بعددقيقتينن) اتفضل يا دكتور
ادام: شكرا (واخدها منها وبدأ يجهزها وحازم باصصله بخوف ،، كمل ادم كلامه)يلا يازوما
حازم:(بخوف من عمر) مش عايز
عمر :(بجديه) نـــعـــم
ادم:(بص لعمر) أهدى انت كدا واسكت (ادم بص لحازم وكمل كلامه) ليه يا حازم يعني ايه مش عايز
حازم:(بيحاول يتحجج) ازاي يعني اخدها هنا قدام الناس دي كلها و المكان مليان بنات كمان
ادم:(بابتسامه وعرف انه بيتحجج) ما انت مش هتاخدها هنا احنا هندخل جوه في اوضه عشان لو حد جه زيك كدا
عمر: ملكش حجه كدا(حازم فضل واقف وباصصلهم بخوف)
ادم : احنا مش عايزين نعاملك زي الاطفال ونخلي الناس اللي هنا تمسكك فتعالى ادخل يلا انا وانت و عمر لوحدنا وخلاص
عمر:(مسك أيده) يلا ياحبيبي متخافش انا معاك
( دخلوا التلاته مع بعض)
ادم:(بص لحازم)يلا يا حازم بقا
حازم:(بخوف)بلاش النهارده يا ابيه
عمر:(بتنهده)حازم انت رفض ماما تعطيهالك وقولت هاخدها من ادم اهوه ادم اهو اخلص بقا
حازم:ماهيا بتوجعنى
ادم:مش شكه دبوس يا حازم اكيد هتوجعك يلا بس
حازم:(بعند)لا مش عايز مش عايز اتوجع انا
ادم:(بجديه)حازم يلا بدل ما انادى حد من بره يكلبشك زى ما بيعمل سليم (وبص لعمر)مجاش معاكو ليه
عمر: تعبان والله يا ادم جمبه بيوجعه من امبارح
ادم:من ايه
عمر:ماما بتقول املاح
ادم:(بتنهيده)رينا يشفيه (وبص لحازم)يلا يا حازم
عمر:(مسك ايد حازم ووقفه قدام ادم ومسكه واتملك منه)اثبت يا حازم
حازم:(كل ما يجى ادم يقرب منه ويدخل السن ادام بصريخ) لا لا استنى استنى
عمر:(بعصبيه)بس يا بنى بقا واثبت شويه
حازم:(وقف ساكت وبص لعمر بزعل ادم استغل الفرصه وقرب منه عمر مسكه على خوانه قيد حركته وادم بدا يدخل سن الابره قبل ما يتحرك تانى
حازم:(بصريخ)اااااه اااااااااااه كفايه بقا شيلها اااااه
ادم:(وهو بيضرب الحقنه)صوتك يابنى وزورك
حازم:(بصريخ)اااااه اخلص بقا
ادم:(شال السن ودلك مكانها شويه)لا لا دانت فضيحه
عمر:ودنى صفرت من صريخك (فضلو معاه لحد ما بقى كويس وخرجوا و حازم كان لسه بيعيط
ادم وعمر واقفين مع بعض بيتكلموا
تيا:(قربت من حاز) انت كويس(حازم بصلها بدموع ومتكلمش ،، تيا كملت كلامها) زعلان عشان اخدت حقنه يعني.. الف سلامه عليك وبالشفا بإذن الله( حازم هز دماغه بمعنى ماشي ،، كملت تيا كلامها) انت قريب دكتور ادم
حازم: اه ابن عمتي
تيا: اها.. انت شكلك صغير لسه
حازم: لا انا كبير انا في تالته ثانوي
تيا:( بابتسامه) اه طبعا كبير ماشاءالله
حازم: انتي اسمك ايه
تيا: اسمي تيا.. انا دكتوره صيدلانيه بشتغل هنا
حازم: انتي عسوله اوي
تيا:(بضحكه) انت بتعاكس ولا ايه
حازم: لا والله بس حسيت اني عايز اقولك كدا (عند عمر وادم)
عمر:(بص لادم) هي مين اللي واقفه مع حازم دي
ادم:(بص ناحيه حازم) دي دكتوره جديده بتشتغل معانا بس شكل اخوك هيعلقها ولا ايه..
عمر:(بضحكه)ممكن قوى (وبص ناحيه حازم)حازم يلا علشان نمشي
حازم:(بص لتيا)انا همشي بقا وهبقى اجى تانى علشان اشوفك
تيا:ماشي بس زى ما وعدتنى انك تحافظ على علاجك وتهتم باكلك الصحى ماشي
حازم: ماشي يلا سلام
تيا:مع السلامه (حازم مشي مع عمر وتيا دخلت تشوف شغلها ادم تنهد وبص لتيا بضيق من هزارها مع حازم وهو مش فاهم ليه هو مضايق
~~~~~~~~~~~~~~~~~~~~~~~~~
ياترى فى ايه لو حابين تعرفو استنو الحلقه الى جايه
#hadeer
#rody
#hager
